Радиоспектроскопия - Kimyo - Referatlar

Радиоспектроскопия

Yuklangan vaqt:

20.09.2019

Ko'chirishlar soni:

0

Hajmi:

231 KB

Ko'chirib olish

Радиоспектроскопия Узоқ инфрақизил билан радиотўлқин соҳалари орасида электромагнит тўлқин тебранишларининг диапазони бўлиб, бу соҳадаги частоталар ядро ва электронларнинг ташқи магнит майдонидаги фаолияти билан чамбарчас боғлиқдир, бу жараёнларни ядровий магнит резонанси (ЯМР) ва электрон парамагнит резонанси (ЭПР) усуллари ёрдамида ўрганилади. Ҳозирги вақтда бу усуллар органик моддаларнинг тузилиши ҳамда улардаги электронларнинг тақсимотини аниқлашда берадиган маълумотлари билан оптик спектроскопия усулларидан ҳам олдинга ўтиб кетди. Шунинг учун радиоспектроскопия бобининг асосий қисмларида ЯМР ва ЭПР спектроскопиянинг назариялари, муҳим параметрлари ва амалиётда ишлатилиш йўллари маълум кетма-кетликда баён этилади. I . Ядровий магнит резонанси (ЯМР) Атом ядроларининг магнетизми. Ядро спинининг магнит майдонидаги ҳолати. Спектрометрларнинг тузилиши. Ядровий магнит резонанс ходисасини биринчи марта 1946 йилда АҚШ да Перселл ва Блох, Англияда Роллинлар кузатган эдилар. Бу кашфиётни очганликлари ва уни органик моддаларнинг тузилишини ўрганишга татбиқ этганликлари учун Перселл ва Блохлар Нобель мукофотига сазовор бўлганлар. Агар ЯМР спектроскопиянинг ривожланиш тарихига назар ташласак, бу олимларнинг илмий кашфиётларидан илгари Ватан уруши арафасида Қозон давлат университетининг профессори Е.К.Завойский ўз шогирдлари билан ҳамкорликда биринчи марта ЯМР сигналларини кузатишган, аммо урушнинг бошланиб қолиши кашфиётларни ўз вақтида матбуотда эълон қилишга имкон бермади, ЯМР соҳасида илмий иш олиб бораётган америка олимлари эса тадқиқотни охирига етказиб, олинган

натижаларни кашфиёт сифатида эълон қилдилар, шунинг учун ҳам ҳозирги вақтгача бу кашфиёт уларнинг номи билан юритилиб келинади. Органик кимёда бу усулнинг ишлатилиши 1953 йилга тўғри келади, ҳозирги вақтда эса физикавий усуллар ичида қаттиқ ва суюқ моддаларнинг тузилишини ўрганишда энг муҳим усул сифатида ажралиб туради. Суюқ моддалар ва эритмаларни бу спектроскопия ёрдамида ўрганишда спектрдаги сигналларнинг юқори аниқликда ажралиб чиқишдаги ЯМР, қаттиқ моддаларда эса кенг чизиқли (ажралмаган сигналлар) ЯМР усуллари ишлатилади. ЯМР "магнитли атом ядроларини" ўрганади (масалан, водород ядроси - протонлар). Ядровий магнит резонанси асосида бошқа спектроскопия усулларига ўхшаб Бор нисбийлиги ётади.  h       Энергиянинг ўзгариши бу ҳолатда атом ядроларининг магнит хоссалари билан боғланган. Атом ядроларининг магнетизми уларнинг ўз ўқи атрофида айланиши билан тушунтирилади, ядроларнинг бу хусусиятларини спинлар деб айтилади. Ядролар электр зарядига эга бўлиб, уларнинг айланиши айланма ток ва магнит майдони ҳосил қилади, шунинг учун ҳам ядроларни митти магнитчаларга (диполларга) таққослаш мумкин. Агар водород атомларидан ташкил топган қандайдир моддани кучли магнит майдонига (кучланиши Н 0 ) жойлаштирсак, ундаги магнит диполлари компас милининг ернинг магнит майдонига қараб мосланишига ўхшаб йўналади (23- расм). расм. Ядро диполларининг магнит майдони кучланиши бўлмагандаги (а) ва унинг борлигидаги (б) йўналишлари.

Юқори частотали кучли импульс таъсир этиб ядро диполларини магнит майдонининг йўналишига нисбатан буриш мумкин. Ядро магнитларининг ўзига хослиги шундан иборатки, юқори частотали импульсдан кейин улар тезда бошланғич ҳолатга қайтмасдан магнит майдони атрофида пилдироққа ўхшаб айланади (24-расм). расм. Магнит майдон атрофида айланувчи ядро диполлари. Кўп миқдордаги магнит диполларининг биргаликдаги харакати майдон йўналишига перпендикуляр жойлашган юқори частотали ғалтакда ўзгарувчан магнит майдонни ҳосил қилади. Шундай қилиб, маълум кучланиш пайдо бўлиб, унинг частотаси ядро диполларининг айланишига тегишли ҳисобланади. Юқори частотали кучланишнинг ҳосил бўлиши ЯМР сигнали бўлиб, у атом ядроларининг сонига пропорционал ва атом ядролари ташкил топган молекуланинг сон ўлчови ҳисобланади. Ядронинг магнит хусусияти харакат миқдор моменти билан белгиланиб, яъни спинларга эга бўлиб, квант кимёси назариясига асосан ядроларнинг энг кўп харакат миқдор моменти яхлит ва ярим қийматларда бўлиши мумкин. Спинли квант сонни J деб белгиласак, ядро 2 J  1 ҳолатда бўлиши мумкин. Агар J  0 га тенг бўлса, магнит моменти ҳам нолга тенг бўлади, нолга тенг бўлмаса, у ҳолда магнит моменти харакат моментининг векторига доим

параллел бўлади. Агар магнит момент қийматини  (мю) билан белгиласак, бутун ўлчанадиган магнит моментларининг қиймати m  , J билан ифода қилинади, бунда магнит квант сон- m қуйидаги қийматларга эга бўлади: m  J , J -1, J -2........ J  1...........1- J . Харакатнинг миқдор моменти ва магнит момент векторлари параллел бўлгани учун ядронинг магнит моменти хусусиятини қуйидаги тенглама билан ифодалаш мумкин:  Jh  - магнит моменти  - гидромагнит нисбийлиги. J - спинли квант сони h - Планк доимийси  - ўлчов бирлиги радиан. гаусс -1 . сек -1 . Ядронинг магнит моменти қийматини протон (спини J  1  2) бўйича олинса, eh  2 МрС га тенг, бунда Мр-протон массаси, е-протон заряди, С- ёруғлик тезлиги. Ядронинг хақиқий ядро момент спини J ra тенг бўлса, магнит момент қуйидагича ифодаланади: g eh MpC2 (21) g -ўлчовсиз доимийлик бўлиб, ядро (же) - омили деб айтилади. Агар даврий системадаги элементларни тахлил қилинса, уларнинг тартиб номери, массаси ва спинлари орасида маълум боғланиш борлигини билиш мумкин. Масса миқдори тоқ сонлардан иборат бўлса, ядро спини J  1  2 га тенг, масса сони ва тартиб номери жуфт сон бўлса, J  0 га тенг, масса сони жуфт, тартиб номери тоқ сонлардан иборат бўлса. спинлар яхлит сонлардан ташкил топади. Спинли квант сон J  0 бўлса, ядро магнит моментга эга эмас. Шунинг учун бу атом ядролари магнит резонанс спектрини ҳосил қилмайди (С 12 6 ва

О 16 8 ). Органик молекулалар асосан С, Н ва О лардан ташкил топади, уларни фақат водород атом ядроси (протон) бўйича ўрганилгани учун ЯМРнинг протон - магнит резонанси (П MP ) тури деб юритилади. Спин сони 1 ва ундан юқори сонлардан иборат бўлган ядролар магнит моментдан ташқари электр квадрупол моментга ҳам эга, уларнинг хоссаларини ядровий квадрупол резонанси (ЯКР) ёрдамида ўрганиш мумкин ( 2 Н 1 , 14 N 7 , 35 Cl , 79 Br ). Квадрупол деганда миқдор бўйича тенг, аммо дипол моментлари қарама-қарши бўлган ва маълум масофада жойлашган икки диполдан иборат электр заряди нолга тенг бўлган системани тушунилади. Спинли квант сон J  1  2 га тенг атом ядроларига водороддан ташқари 13 C , 19 F , 31 P ларни ҳам киритиш мумкин. Органик моддаларнинг тузилишини ўрганадиган, амалиётда кенг тарқалган спектроскопия хилларидан бири ЯМР нинг 13 С тури ҳисобланади. Спинга эга бўлган митти магнит заррачанинг кучланиши H q бўлган магнит майдонига киритилса, масалан ўз магнит майдонига эга бўлган протонни эътиборга олинса, унинг магнит майдони ташқи магнит майдони билан таъсирланиб, шу майдонга нисбатан турли ҳолатларни эгаллайди. Магнит майдонида ядрони эгаллаб оладиган ҳолат сони квант сонга (2 J  1) боғлиқ. Протоннинг спини J  1  2 га тенг бўлгани учун (2 J  1  2  1  2  1  2) магнит майдонида икки ҳолатда бўлади, яъни унинг куч чизиқлари ташқи майдон куч чизиқлари бўйича ёки унга қарама-қарши йўналган бўлиши мумкин (расм).

расм. Ядро спинининг магнит майдонидаги икки ҳолати Магнит майдони, ташқи магнит майдони бўйича йўналган ядролар (спини 1  2 га тенг) ташқи майдон кучланиш қийматининг ( H q ) ошишига сабабчи бўлса, тескари спинга эга бўлган ядролар аксинча унинг қийматини камайтиради, бу эса ўз навбатида магнит майдонида ядролар энергетик поғонасининг иккига ажралишишига сабабчи бўлади (26-расм). расм . Ташқи магнит майдонидаги ядролар энергиясининг поғоналарга ажралиши . Шундай қилиб , ядроларнинг бир қисми пастки поғонада , қолган қисми эса юқори поғонада жойлашади . Поғоналар энергияларининг фарқи  Е га тенг . Табиийки , пастки поғона энергияси кичик бўлгани учун унда юқори поғонага нисбатан кўпроқ ядролар жойлашади , аммо ташқи магнит майдон H 0 га нисбатан параллел J  1  2 ва антипараллел J  1  2 ядролар

энергиясининг фарқи  Е жуда кичик бўлганлиги сабабли юқори ва қуйи поғонадаги ядролар сони ҳам бир - бирига яқин бўлади . Одатдаги температурада юқори ва қуйи поғоналар зичлигидаги фарқ умумий ядроларнинг 0,0001 қисмидан ошмайди . Масалан , юқори поғонада 1000000 та ядро жойлашган бўлса , қуйи поғонада 1000010 та ядро , яъни миллиондан ўнтагина ядро ортиқ бўлади холос . Мувозанатда турган ана шу системага электромагнит тўлқинлар билан таъсир эттирилса , бу тўлқинлар энергияси поғоналар фарқи  Е га мос келган вақтда резонанс ходисаси кузатилади . Резонанс натижасида қуйи поғонадаги ядролар  Е га баробар энергияни ютиб юқори поғонага ўтадилар , яъни майдон бўйлаб йўналган спинлар (J  1  2) тескари томонга ўзгаради . Резонанс иккала поғонада ядролар сони тенглашгунча давом этади ва электромагнит нур таъсири тўхтатилгач ядролар тақсимоти яна аввалги мувозанат ҳолатига қайтади . Резонансда иштирок этадиган ядролар сони кам поғоналар ўртасидаги энергетик фарқ  Е кичик бўлгани сабабли , ядроларни қўзғатиш учун ( катта тўлқин узунлик ва кичик частотали ) радио тўлқинлари билан таъсир этиш етарли ҳисобланади . Поғоналар энергияларининг фарқи ташқи кучланишга тўғри пропорционалдир :E h H     0 2 (22) Бунда h - Планк доимийси ,  - ( гидромагнит нисбийлик ) ўзгармас пропорционаллик коэффициенти , Н о - ташқи майдон кучланганлиги бўлгани учун h h H       0 2 ёки     H0 2 (23) Ядро магнит резонансини кузатиш учун аниқланаётган модданинг 5- 20% ли эритмаси диаметри 5 мм бўлган шиша ампулага солиниб , юқори кучланишли магнит майдонига киритилади (27- расм ).

расм. ЯМР спектрометрининг оддий чизмаси Ампула атрофидаги ғалтакдан радио частотали ўзгарувчан ток ўтказилади, унинг частотаси генератордан ўзгартириб турилади. /алтакдаги ток ядроларни қўзғатувчи энергия манбаи вазифасини бажаради. Ўзгарувчан ток частотаси 23-тенгламадаги қийматга мос келганда резонанс ҳодисаси содир бўлади ва энергиянинг ютилиши ҳисобига ғалтакда ток камайиб кетади. Энергия ютилиши тугаганидан кейин, занжирдаги ток асли ҳолига қайтади. /алтакдаги ток қийматининг камайиши (сигнал) кучайтиргич орқали ўзиёзар асбобда тик чўққисимон чизиқ кўринишда ёзиб олинади (28-расм). расм. ЯМР спектридаги сигнал кўриниши.

Шундай қилиб, ЯМР спектрометр ёрдамида органик бирикма таркибидаги водород ядролари протонларига оид сигналлар ёзиб олинади. Ишлатиладаган эритувчилар таркибида протонлар бўлмаслиги керак, чунки эритувчи протонларининг сигналлари текширилаётган модда сигналларини беркитиб қўйиши мумкин. Шунинг учун ҳам аниқ-ланаётган модданинг 25- З0 мг миқдори тўртхлорли углерод эритувчисида ёки дейтерийга алмашган дейтеро эритувчиларда (дейтероацетон, дейтерометанол, дейтерохлороформ) эритилади. Ҳозирги замон ЯМР спектрометрларини қуйидаги асосий белгиларга қараб туркумлаш мумкин: 1) Доимий ва электромагнит услуби асосида магнит майдони ҳосил қилиш. 2) Магнит майдонининг кучланиши турлича бўлиши(40, 60, 100, 220, 300 ва 500 МГц). 3) Ўрганиладиган ядроларнинг турига қараб ( 1 Н, 19 F , 31 P , 13 C ва бошқа ядролар). Аниқ маълумот олиш учун спектрдаги сигналларнинг бир-биридан яхши ажралиб чиқишига катта эътибор берилади, шуларга асосан ЯМР спектрометрларнинг ишлаш частотаси 100, 220, 350 ва 500 МГц бўлганларидан фойдаланиш мақсадга мувофиқ ҳисобланади. Резонанс ходисасининг амалга ошишида магнит майдоннинг кучланиши доимий бўлиши зарур, чунки доимий магнит майдонининг ишлатилиши магнит майдонининг ўзгармаслик масаласини соддалаштиради, бу ҳолатда унинг ўзгармаслиги ташқи температуранинг ўзгариши ва қандай- дир электр манбаида ўзгаришлар билан белгиланади. Масалан, Япония "Хитачи" фирмасининг спектрометрларида до-имий магнит иссиқликдан муҳофаза қилинган ҳолдаги махсус қурилма бўлиб магнит майдонининг ўзгаришига тез таъсир кўрсатади. Айрим замонавий ЯМР спектрометрларнинг турлари 29, 30 ва 31-расмларда кўрсатилган.

расм. "Хитачи" фирмасининг Н-60 ЯМР спектрометри (Япония). Расм 30. "Вариан" фирмасининг XL -100 ЯМР спектрометри ( A ҚШ)

расм. "Тесла" фирмасининг 100 МГц ли ЯМР спектрометри. (Чехословакия). Магнит майдони намунага бир хилда таъсир этиши учун модда эритмаси солинган ампулани магнит майдонида айлантириб туриш зарур. Ампулани айлантириш натижасида намунанинг ҳажмига таъсир этувчи магнит майдони ўртача ҳолатда бўлади, бу эса ў З навбатида спектрнинг сифатини оширишга имкон беради. Спектрометрларнинг сезгирлигини баҳолаш учун этилбензолнинг тўртхлорли углероддаги 1%-ли эритмасининг спектри ёзилиб, сигналларнинг бир-биридан ажралиб чи-қиш ҳолати ўрганилади. Спектрометрнинг сигналларни ажратиш қобилияти сигналлар орасидаги масофани аниқлаш ва айрим сигналларнинг кенглиги 0,5 герцдан ошмаслиги билан белгиланади (32-расм).

расм. Этилбензолнинг 1  -ли эритмасининг спектри. Спектрометрларнинг энг асосий қисмларига яна намунани бир хил температурада ушлаб турадиган механизм, интегратор ва сигналлар интенсивлигини жамлайдиган қу-рилмаларни киритиш мумкин. Спектрометрнинг температура билан боғланган қисми-нинг хизмати шундан иборатки, бундан фойдаланиб намунани -170° дан 250° гача оралиқда спектрларини ўрганиш мумкин, бу эса органик моддаларнинг фазовий тузилишлари ва айрим бирикмаларда эритма ҳолатида таутомер шакллар борлигини аниқлашда ёрдам беради. ЯМР нинг формуласига (23) эътибор берилса,  -резонанс частотаси маълум кучланишдаги магнит майдонида магнит моментнинг қиймати билан белгиланади. Агар спин қиймати J  1  2, ташқи магнит майдонининг кучланиши Н о  10000 гс (гаус) га тенг бўлса, ЯМР формуласи ёрдамида ҳисоблаб айрим атом ядроларининг частота қийматларини олиш мумкин.  (магнит момент)  (частота) 1 Н 2,7927 42,577 МГц 13 С 0,70216 10,705 МГц 19 F 2,6273 40,055 МГц Юқоридаги қийматлардан шундай хулосага келиш мумкин, яъни намунани протон бўйича спектрини ўрганишда спектрометрдаги генераторнинг импульс миқдори 42,5 МГц дан кам бўлмаслиги лозим, чунки шундай шароитда ЯМР формуласидаги қонуниятга тўла жавоб берилади.

ЯМР спектроскопиясининг амалиётда кенг миқёсда ишлатиладиган тури - протон магнит резонанси (ПМР) бўлиб, кейинги қисмларда ПМР нинг параметрлари ва аҳамияти ҳақида батафсил танишиб чиқилади.

Адабиётлар рўйхати 1. Бенуэлл К. Основў молекулярной спектроскопии, М.,"Мир" 1985. 2. Бахшиев Н.Т. Введение в молекулярную спектроскопию, Л., Изд-во ЛГУ, 1987. 3. Мельникова К.Б. Элементў кoлeбaтeльнoй спектроскопии и их применение в химии, Киев, 1983. 4. Ельяшевич М.А., Степанов Б.М., Волькенштейн М.В. Колебание молекул, М. 1949. 5. Казицина Л.А., Куплетская Н.Б. Применение УФ, ИК, ЯМР и масс- спектроскопии в органической химии, М, Изд-во МГУ, 1979. 6. Вилков Л.В., Пентин Ю.А. Физические исследования в химии, том 1, М., Вўсшая школа, том 2, 1989. 7. Драго Р. Физические методў в химии, т 1,2. М., "Мир" 1981. 8. Афанасьев В.А., Заиков Г.Е. Физические методў в химии, Изд-во "Наука" М., 1984. 9. Иоффе Б.В., Костиков Р.Р., Разин В.В. Физические методў определения строения органических соединений, М.,"Вўсшая школа", 1984. 10. Фрайфельдер Д. Физическая биохимия. М., "Мир", 1980. 11. Бранд Дж, Эглинтон Г. Применение спектроскопии в химии, М.,"Мир",1967, 354с. 12. Сильверстейн Р., Баселер Т., Моррил Т. Спектроскопическая идентификация органических соединений, М.,1977.

O'xshashlar

Саъдулла Искандаров

Кимё фани ва унинг методологик муаммолари

Ғаффор Раҳмонбердиевич Раҳмонбердиев

Ҳамидилла Нигматович Арипов (1940-2000)

Анвар Кабирович Абдушукуров