Нодирбек Рустамбекович Юсупбеков - Kimyo - Referatlar

Нодирбек Рустамбекович Юсупбеков

Yuklangan vaqt:

20.09.2019

Ko'chirishlar soni:

0

Hajmi:

28.572265625 KB

Ko'chirib olish

Нодирбек Рустамбекович Юсупбеков Нодирбек Рустамбекович Юсупбеков кимёвий технологияларнинг назарий асослари, технологик жараёнлар ва ишлаб чикаришларни автоматлаштириш ҳамда бошкариш соҳасида атоқли олим, Узбекистонда хизмат кўрсатган фан арбоби, фан ва техника соҳасида. Абу Райҳон Беруний номидаги Ўзбекистон Республикаси Давлат мукофоти лаурияти, Ўзбекистон Республикаси Фанлар академиясининг академиги, техника фанлари доктори, профессор. Н. Юсупбеков 1940 йил 7 январда Тошкент шаҳрида зиёли оиласида таваллуд топди. Унинг отаси - Юсупбеков Рустамбек (Рустамбек домла) 1907 йилда узбек тилини ўрганиш услубиятини яратган ҳамда «Таълими ачвал» алифбоси ва «Таълими соний» ўқиш китобларини ёзган педагог. Онаси Юсупова Ҳабиба — Узбекистонда хизмат кўрсатган ўқитувчи, кахрамон она, 45 йил бошланғич синф ўқитувчиси бўлиб ишлаган ва ўша даврдаги Ленин орденига сазовор бўлган биринчи узбек аёлларидандир. Турмуш ўртоғи Чарос Юсупбекова Тошкент Давлат техника университетида «Умумий кимё» кафедраси доценти лавозимида узок йиллардан бери самарали фаолият юритиб келмокда. Улар бугунги кунда турли соҳаларда ўз фаолиятларини намунали олиб бораётган уч нафар фарзандни тарбиялаб, вояга етказишди. Н.Юсупбековнинг илмий, педагогик, ишлаб чиқариш ва жамоатчилик фаолияти 1962 йилда ўзи тамомлаган Тошкент Политехника институтидан бошланди. Талабалик йилларидаёқ унинг ўта ташкилотчилик ва илмий қобилияти намоён бўлди. У талабалар илмий жамияти ишлари ва олий ўқув юртининг жамоатчилик ҳаётида фаол қатнашди. 1961 - 1963 йилларда Тошкент Политехника института талабалар касаба уюшмасини бошқарди. 1962 йилдан ТошПИ «Физикавий кимё» кафедрасининг ассистента, 1963 йилдан 1965 йилгача эса «Кимё технологиясининг жараёнлари ва

аппаратлари» кафедрасининг аспиранта. 1966 йилнинг январида техника фанлари номзоди илмий даражасини олиш учун диссертацияни муваффақиятли ҳимоя қилди. У олиб борган тадқикот натижалари республикада янги илмий йўналиш шаклланишига, автоматик назорат ва технологик жараёнларни бошқариш системаларидаги суюқ маҳсулотлар сифати (қовушқоклик, зичлик ва бошқа параметрлар) ни ўлчагичларни ўрганиш ва яратишга асос солди. 1966 йилда Н.Юсупбеков «Кимё технологияси жараёнларини автоматлаштириш ва комплекс механизациялаштириш» кафедра сининг мудири бўлди ва 1967 йилда эса унга ушбу кафедранинг доценти илмий унвони берилди. 1970 йилдан 1973 йилгача бўлган даврда Н.Юсупбеков Ўзбекистон ёш олимлар уюшмасига раислик қилди. Унинг ташаббуси билан ёш олимлар учун мукофотлар таъсис этилиб, талабалар илмий жамиятининг иши янги сифат босқичига кутарилди ва кенг кўламдаги «Ёшларнинг илмий-техник ижодиёти» харакатининг ютуқлари ёш олимлар ва мутахассисларнинг турли халкаро ва республика микёсидаги форумлари ва анжуманларида юқори бахоланди ҳамда халқ хўжалиги ютуқлари кўргазмаларида намойиш этилди. 1971 йилда Н.Юсупбеков техника фанлари доктори илмий даражасини олиш учун диссертацияни муваффақиятли химоя килди. Докторлик диссертациясида кимёвий технологиянинг янги илмий йўналишларидан бири — кимёвий кибернетикани ривожлантирди ва ўша йилларда мамлакатимизнинг энг ёш техника фанлари докторларидан бири бўлди. У аспирант ва мустақил тадқиқотчилар билан сермаҳсул иш олиб борди ва 1973 йилда унга «Киме технологияси жараёнлари ва ишлаб чикаришни автоматлаштириш» кафедраси профессори илмий унвони берилди. Меҳнат фаолияти давомида олиб борган тинимсиз изланишлари, фан соҳасида эришган ютуклари учун 1980 йилда Н.Юсупбековга «Ўзбекистонда хизмат кўрсатган фан арбоби» унвони берилди. Маърифатчилик анъаналарини давом эттириб, Н.Юсупбеков дарслик ва

ўқув қўлланмалар ёза бошлади. У 15 та монография, 18 та дарслик ва ўкув кулланмалар, 180 та ихтиро ва 440 дан ортик илмий мақолалар муаллифидир. Унинг рахбарлигида 80 дан ортиқ фан номзодлари ва 20 нафар фан докторлари тайёрланган. Унинг узбек тилидаги дарсликлари: «Автоматика ва ишлаб чикариш жараёнларини автоматлаштириш» ва «Технологик жараёнларии бошкариш системалари» 1983 ва 1998 йилларда, лотин графикасида ёзилган «Электрон ҳисоблаш машиналарини кимё технологиясида кўллаш» 2011 йилда олий ўқув юртлари учун энг яхши дарслик деб тан олинди, «Кимёвий технология асосий жараёнлари ва аппаратлари» дарслиги эса 2004 йилда узбек тилидаги энг яхши дарслик республика танловида иккинчи ўринга сазовор бўлди. 2000 йилда рус тилида ва 2004 йилда узбек тилида чоп этилган «Оптималлашга кириш» ўқув қўлланмасида Н.Юсупбеков томонидан Тошкент Давлат техника университета талабаларига ва россиялик етакчи ўкитувчилар - техника фанлари доктори, профессор B . C . Балакиров ва М.Е. Волковалар томонидан Москва Давлат мухандислик экологияси университета талабаларига кимё технологияси жараёнлари ва системаларини оптималлаш бўйича маъруза ўқиш тажрибалари акс эттирилган. Н.Юсупбеков томонидан узбек тилидаги «Технологик жараёнларни назорат қилиш ва автоматлаштириш» дарслигининг учинчи, кайта ишлапган ва кўшимча пўлдирилган нашри 2011 йилда лотин имлосида чоп эттирилган бўлиб, унда саноатни автоматлаштиришнинг янги тажрибалари умумлаштирилган. Н.Юсупбеков раҳбарлик килаётган кафедра олий ўқув юртининг энг яхши кафедраси танловларида бир неча бор биринчи ўринни эгаллаган ва энг етакчи кафедралардан бири сифатида тан олинган. Кафедра-таркибида саноатни автоматлаштириш бўйича дунё лидерлари - « Honeywell » (АҚШ) ва « Siemens » (ФР) фирмаларининг автоматлаштиришни илғор техникалари билан таъминланган ўкув-техник ва тренинг марказлари фаолият кўрсатади. 1992 йилда олий таълим ривожига қўшган улкан ҳиссаси учун

Н.Юсупбеков Халқаро олий мактаб фанлар академиясининг ҳақиқий аъзоси (академиги) этиб сайланди. Н.Юсупбеков - кимё технологияси, аналитик ва илмий асбобсозлик ҳамда кимёвий технология жараёнлари ва ишлаб чиқаришни автоматлаштириш соҳасида йирик илмий мактаб асосчиси. Унинг илмий услубига аввало тадқиқ қилинаётган ҳодисанинг физикавий тасвирларини ўрганиш, фан ва техниканинг фундаментал қонуниятлари билан ўзаро богликдикларини англашга интилиш каби хусусиятлар характерлидир. Унга хос бўлган интилишлар мураккаб илмий муаммолар ва масалаларни ечишнинг энг оптимал йўлларини топади. Табиий фанлар соҳасидаги чуқур энциклопедик билим, илмий изланишларнинг кенг арсеналдаги замонавий аналитик усулларини билиш, ностандарт тажриба ишларининг қўйилишига бўлган доимий интилиш - буларнинт барчаси унга кимё технологиясининг назарий асосла^ри, аналитик асбобсозлик ва ишлаб чиқариш жараёнларини автоматлаштириш соҳаларидаги сермаҳсул илмий фаолиятини юқори малакали илмий ва муҳандис-техник кадрларни тарбиялаш, юқори самарали жараён ва аппаратлар, назорат-ўлчов асбоблари ва информацион-бошқарув системаларини яратиш ва уларни мамлакатимизнинг йирик саноат корхоналарида амалда татбиқ этиш бўйича тинмай олиб бораётган ишлари билан муваффакиятли уйғунлаштирищ имконини беради. Утган асрнинг 60-йилларида Н.Юсупбеков томонидан кимё технологияси соҳасида тизимли таҳпил ва ҳисоблаш техникасининг янги илмий усулларини қўллашга асосланган илмий тадқиқотлар ривожлантирилди. Ушбу илмий тадқиқотлар доирасида кимё, нефть-кимё, озик-овкат, микробиология ва кимёвий фармацевтика саноатининг типик технологик жараёнларини математик моделлаштириш, мураккаб технологик комплекс ва қурилмаларни тахлил қилиш ва синтезлаш, энергия - технологик курилмалар ва турли мураккаблик даражаларига эга бўлган агрегатларда юз берувчи жараёнларни оптималлашнинг мураккаб масалалари муваффақиятли ечилган. Н.Юсупбеков илмий раҳбарлигида турли конструкцияли аппаратларда юз

берувчи мураккаб кимёвий технологик жараёнлар: анизатроп капиллияр — ғовак жисмлардан эритувчини ҳайдаш, дистилляциялаш, ректификациялаш ва буғлатиш йўли орқали иккиламчи иссиқлик ташувчининг нисбатан кичик энтальпияси билан кўп компонентли эритмаларни концентрациялаш, сочилувчан қаттик материалларни куритиш, сочилувчан қаттиқ жисмларни қовуриш, намлаш ва кондициясалаш, сиқилувчан чўкмаларни ҳосил қилиш орқали суспензияларни фильтрлаш, реакциявий ажратувчи қўшма жараёнлар, антибиотик ва бошқа тиббий препаратларнинг ферментация ва биосинтез жараёнларини математик моделлаштириш ва оптималлаш усуллари яратилган. Академик Н.Юсупбеков томонидан ректификациялашнинг саноат жараёнларини такомиллаштириш, шунингдек, қўшма реакциявий ажратиш жараёнлари ва системаларининг кўпгина амалий масалалари ечилган. Тажриба - саноат ва ишлаб чиқариш курилмаларида қўшма реакциявий ажратиш жараёнларини амалга оширишда илмий - тадқиқот ва синов - конструкторлик ишларини ўтказишнинг назарий асослари ифодаланган, ажралувчи аралашмаларнинг идеал эмаслиги ҳисобга олинган ҳолда кўп компонентли аралашмалар учун кўшма реакциявий ажратиш қурилмалар фаолияти, қўшилувчи кимёвий реакцияларнинг қайтарилувчанлиги, иссиқлик ва масса ўзатиш ҳамда ўзаро таъсирлашувчи буғ ва суюқлик оқимлари реал гидродинамик структураларини математик моделлаштиришнинг энг муҳим масалалари ечилган. Н.Юсупбековнинг мазкур сохада эришган юқори илмий ва амалий ютуқлари белгиси сифатида 1983 йилда унга ва унинг шогирдлари В.П. Акимёнко, Ш.М. Ғуломов, Г.Ю. Изаксон, Ф.С. Мухарамов, П.Н.Сафронов, А.К.Убайдуллаев. А.А.Чимишкянларга автоматлаштирилган бошқариш системаларидан фойдаланиб, ўсимликларни ҳимоя қилувчи кимёвий воситаларни ишлаб чиқариш бўйича унификациялаштан технологик комплексларнм яратганлиги ва амалиётга татбиқ этганликлари учун фан ва техника сохасида Беруний номидаги Давлат мукофоти берилди. Н.Юсупбековнинг илмий мактаби томонидан таклиф этилган аналитик

бошқарувнинг фарқи жорий ишлаб чиқариш вазиятларини Soft - Computing технологияси (юмшоқ ҳисоблашлар технологияси) доирасида • Data Mining (маълумотларнинг интеллектуал тахдили) воситаси орқали ишлаб чиқилувчи ретроспектив маълумотлар (ишлаб чиқариш синови) ни чуқур сифатли тахлил қилиш натижалари билан мониторинг қилиш асосида масъул шахслар томонидан шакллантирилувчи оператив бошқарув қарорларининг уйгунлигидан иборат. Бошқариш объектларининг ривожланиши тизимли аниқланган, информацион - бошқарув системаларининг фаолият қўрсатиши ва амалга оширилиш жараёнлари шакллантирилган бўлиб, бошқарувнинг барча сатҳларида қўлланилувчи қарорларнинг асосланганлиги ва даражасини оширади ҳамда саноат корхоналари ишининг юқори самадорлигини таъминлайди. Н.Юсупбеков ажойиб ташкилотчи ҳам ҳисобланади. Унинг рақбарлигида яхши техник ва услубий - ўқув лабораториялари билан таъминланган «Ишлаб чиқариш жараёнларини автоматлаштириш» кафедраси Тошкент Давлат техника универси- тетидаги энг яхши кафедралардан бирига айланди. 1980 - 1986 йилларда Тошкент Политехника институтининг автоматлаш - тирилган бошқариш системалари факультетини бошқариб, у ўқув жараёнининг моддий базасини мустаҳкамлади ва республикада биринчи бўлиб, ўша вақтнинг энг катта қувватли электрон ҳисоблаш машиналаридан бири ўрнатилган ҳисоблаш марказини ташкил этди. 1989 йилда Тошкент Политехника институти таркибидан Тошкент Машинасозлик институти ажралиб чиқди ва унинг биринчи ректори этиб Н.Юсупбеков сайланди. 1991 йилда Тошкент Машинасозлик институти базасида Тошкент Политехника институти таркибидан ажралиб кетган мустақил олий ўкув юртлари (Тошкент Кимё-технология ва Тошкент Архитектура - курилиш институтлари) дан кейин унинг қолган факультетлари бирлаштири- либ, Абу Райҳон Беруний номидаги Тошкент Давлат техника университета ташкил топди ва Н.Юсупбеков унинг биринчи рек- тори бўлди. Бу ерда унинг раҳбарлигида Кадрлар тайёрлаш миллий дастурининг биринчи

босқичини амалга ошириш, университетнинг моддий - техник базасини мустаҳкамлаш ва ўқув жараёнига илғор педагогик технологиялар ва ҳисоблаш техникасининг замонавий воситаларини кенг татбиқ этиш бўйича ишлар амалга оширилди. Республикада биринчи бўлиб кириш имтиҳонларини компьютер- ларда автоматлаштирилган тарзда қабул қилиш ташкил этилди. Фан ва техника бўйича Давлат қўмитаси шакляантирилгандан сўнг 1992 йилда Ўзбекистон Республикаси Президентининг Фармони билан Н. Юсупбеков қўмитанинг биринчи раиси этиб тайинланди. Кўмитада ишлаш вакгида у фан - техника давлат дастури системасини яратди. Унинг интилишлари туфайли интеллектуал мулкни ҳимоя килишнинг миллий тизими ва унинг республикадаги органи - Давлат патент идораси шакллантирилди. Нодирбек Рустамбековичнинг хизматлари илмий жамоатчилик томонидан юқори бахоланган. Муҳандислик ютуқла- рига кўра 1992 йилда Халқаро инженерлик академиясининг ҳақиқий аъзоси этиб сайланди. Илмий ютуқлари ва уларни ишлаб чиқаришга татбиқ этганлиги учун у 1994 йилда Ўзбекистон Республикаси Фанлар академиясининг мухбир аъзоси этиб сайланди. 1994 йилда Н.Юсупбеков Ўзбекистон кимё саноати корхоналари уюшмаси «Ўзкимёсаноат» бошқаруви раиси этиб тайинланди. Унинг раҳбарлик йилларида кимё саноатида нафақат ишлаб чиқаришнинг баркарорлигига, балки уларнинг ўсишига ҳам эришилди. 1998 йилда хукумат томонидан тасдиқланган 1998 — 2002 йиллар давомида Ўзбекистон кимё саноати корхоналарининг комплекс ривожланиш Дастури ишлаб чиқилди. Дастурнинг асосий йўналишлари халқ хўжалигининг кимё ва унга турдош сохаларида хом ашё мустақиллигига эришиш ва ишлаб чиқаришни қайта структуралаштириш ҳисобланади. Саноат ривожига кўшган ҳиссаси учун Н.Юсупбеков 1999 йилда «Дўстлик» ордени билан мукофотланди. 2000 йилда Н.Юсупбеков Ўзбекистон Республикаси Фанлар академиясининг академиги этиб сайланди. 2001 йилда у Тошкент Кимё- технология инстигути ректори -этиб тайинланди, 2004 йилда эса ТошДТУга

ўтди ва «Ишлаб чиқариш жараёнларини автоматлаштириш» кафедрасида раҳбарликни давом эттирди. Миллий патент тизимини ташкил этганлиги ва халқаро ҳамкорликни ривожлантирганли г и, шунингдек, асбобсозлик ва бошқариш системалари соҳасида биринчи ўриида турувчи энг муҳим илмий - техник ишланмалари учун 2004 йилда Н.Юсупбеков Халқаро интеллектуал мулк ташкилоти (ХИМТ) нинг юксак мукофоти - Олтин медаль билан такдирланди. Н. Юсупбеков 2000 йилдан бошлаб «Саноат автомат- лаштиришида интеллектуал системалар» ( World Conference on Intelligent Systems for Industrial Automation - « WCIS ») Халқаро илмий конференциянинг ташаббускори ва ташкилотчиси ҳисобланади. Ўтган давр ичида Тошкентда конференциянинг еттита илмий форуми ўтказилиб, уларда сунъий интеллект назарияси, ноаниқ тўпламлар назарияси усуллари, сунъий нейрон тармоқлари, генетик алгоритмлар, ассоциатив хотира ва билимларга ишлов беришнинг эксперт системалари соҳасидаги етакчи олим ва мутахассисларнинг ишлари кабул қилинди. 2002 йилда Н.Юсупбеков ташаббуси билан Тошкент Кимё- технология институтида чоп этиладиган «Кимё ва кимё технологияси» республика миқёсидаги илмий - техник журнал, 2004 йилда эса ТошДТУда чоп этиладиган «Кимёвий технология. Назорат ва бошқарув» халқаро миқёсдаги илмий-техник журналнинг чоп этилиши ташкил этилди. У «Россия Федерацияси олий ўқув юртлари хабарномаси. Асбобсозлик» журнали ва «Энергетика ва информатика муаммолари» узбек журналлари таҳририят ҳайъатининг аъзоси ҳисобланиб, «Кимёвий технология. Назорат ва бошқарув» журналининг тахририят ҳайъатини бошкариб келмоқда.

Адабиётлар: 1.Каримов И.А. “Ўзбекистон ХХI аср бўсағасида: хавфсизликка тахдид ва барқарорлик шартлари ва тараққиёт кафолатлари.”Т. 1997 105-128 бетлар. 2.Тўхтаев А. “Экология” Т. Ўқитувчи-1998. 3.Ғуломов М. Жўраев Й. “Экология. Жиноят ва жазо” Т. 1991 4.Алимов Т.А. Рафиқов А.А. “Экология хатолик сабоқлари” Т. “Ўзбекистон”1991

O'xshashlar

Vakuum hosil qilish.doc

Ғаффор Раҳмонбердиевич Раҳмонбердиев

Ҳамидилла Нигматович Арипов (1940-2000)

Анвар Кабирович Абдушукуров

Сайдиахрал Тўхтаевич Тўхтаев