Makromolekulyar fraksiyalar - Kimyo - Referatlar

Makromolekulyar fraksiyalar

Yuklangan vaqt:

20.09.2019

Ko'chirishlar soni:

0

Hajmi:

66.5 KB

Ko'chirib olish

Makromolekulyar fraksiyalar Polimerda bir xil molekulyar massali makromolekulalar to‘plami fraksiya tashkil etadi va bunday fraksiyalar soni o‘nlab bo‘lishi mumkin. Ayrim tabiiy polimerlanish reaksiyalarini hisobga olmasak, odatda, barcha chizig‘iy polimerlarni sintezi paytida massalari bir xil bo‘lgan makromolekulalar bilan bir qatorda, massalari turlicha bo‘lgan makromolekulalar ham hosil bo‘ladi. Sintez mahsulidan yakka polimer molekulasini ajratib olish ancha mushkul, ammo bir xil massali makromolekulalar to‘plamini ajratish mumkin. Bunday makromolekulalar to‘plamini ajratib olish polimerni fraksiyalash deyiladi. Sintez mahsuli fraksiyalanmagan polimer hisoblanadi va uni 10-15, ayrim hollarda bundan ham ko‘proq fraksiyalarga ajratish mumkin bыladi. Bu fraksiyalar bir biridan o‘zining hajmiy yoki massaviy ulushi, hamda makromolekularining ma’lum massa miqdoriga ega bo‘lishi bilan farq qiladi. Ayni paytda fraksiyalar molekulyar massalarini nisbiy farqi polimer molekulalarining polidispersligini belgilaydi. Bu esa polimer molekulalarining massasini o‘rtacha qiymatini aniqlashga va uni polimerning molekulyar massasi deb amaliyotga qo‘llashga imkon beradi. Polimerlar eruvchanligi molekulyar massalariga, ya’ni fraksiyalariga bog‘liq bo‘ladi. Preparativ fraksiyalashning ko‘pgina usullari mavjud bo‘lib, ular ichida eng ko‘p joriy etilgani bu turli molekulyar massali polimerlarni eruvchanligi bo‘yicha farqi orqali frakqiyalarga ajratishdir. Polimerlarning eruvchanligini o‘zgarishiga erituvchining sifatini o‘zgartirish orqali erishish mumkin. Buning uchun yaxshi erituvchiga yomon erituvchi qo‘shish yoki haroratni o‘zgartirish usulini qo‘llanadi. Umuman olganda fraksiyalashning asosiy uch usuli mavjud: fraksiyalarga bo‘lib cho‘ktirish,fraksiyalaberitish va haroratni o‘zgartirishbilan fraksiyalash. Bundan tashqari keyingi paytlarda fraksiyalashni tezkor usuli bo‘lgan xromatografiya keng qo‘llanilmoqda. a) Fraksiyalarga bulib cho‘ktirish . Buning uchun odatda polimerning to‘liq yaxshi erigan 1 % shaffof eritmasi tayyorlanadi. Eritmaga oz-ozdan cho‘ktiruvchi qo‘shib

jadal tarzda aralashtirib boriladi va bu jarayon eritma xira tusga kirguncha davom ettiriladi. Bu hol eng yuqori molekulyar massali fraksiyani erigan holatidan erimagan, ya’ni cho‘kma holatiga o‘tayotganidan dalolat beradi. Eritma barqaror xira tusga kirgach, aralashtirish to‘xtatiladi va doimiy haroratda ushlab turiladi. Eritma shaffof va cho‘kma fazalarga ajraladi hamda cho‘kma ajratib olinadi va u eritmadagi polimer molekulalarning yuqori massali fraksiyasi hisoblanadi. Qolgan shaffof eritmaga yana oz-ozdan erituvchi qo‘shib boriladi va keyingi esa yuqoridagi singari fraksiya ajratib olinadi. Bu jarayon ko‘plab marta takrorlanib, o‘nlab fraksiyalar olinadi. Odatda 30 tagacha fraksiyalar olinadi. Fraksiyalarni massalari va o‘rtacha molekulyar massalari aniqlanadi hamda molekulyar-massali taqsimoti tuziladi. b) Fraksiyalaberitish. Tarkibi har xil molekulyar massali, polimolekulyar polimer ketma-ket tarzda erituvchi va cho‘ktiruvchidan iborat binar suyuqlikda bo‘ktiriladi hamda polimerni nisbatan kichikroq molekulyar massali fraksiyasini erishi amalga oshiriladi. Erigan fraksiya binar suyuqlik tarkibidan cho‘ktirib ajratib olinadi. Shu tariqa keyingi molekulyar massasi yuqoriroq bo‘lgan fraksiyalarni ajratib olish uchun binar suyuqlikdagi cho‘ktiruvchi miqdori kamaytirib boriladi. Buning natijasida erituvchining termodinamik sifati yaxshilanib boriladi va borgan sari yuqori molekulyar massali fraksiyalarni erishiga va ajratib olinishiga erishiladi. Ayrim hollarda bunday fraksiyalab eritish maxsus Sokslet apparatida, ya’ni polimerni ketma-ket yuvish orqali amalga oshirilishi mumkin. SHuningdek, fraksiyalab eritishning yana bir yo‘li, ya’ni erituvchining termodinamik sifatini yaxshilash haroratni oshirish orqali amalga oshirilishi mumkin. c)Haroratni o‘zgartirishbilan fraksiyalash. Mazkur usul haroratni pasayib borishi bilan polimerning eruvchanligi yomonlashishi va ketma-ket ravishda cho‘kmaga tusha boshlashiga asoslangandir. Uning boshqa usullarga nisbatan ma’lum afzalliklari va jiddiy talablari bor. Bunda birgina erituvchi asosida tayyorlagan polimerning 1 % li eritmasi qo‘llaniladi. Eritmadan muayyon bir haroratini 1 – 10

o C atrofida o‘zgartirish, ya’ni termodinamik sifatini ketma-ket yomonlashtirish orqali fraksiyalar ajratib olinadi. d) Analitik usullari sirasiga xromatografik fraksiyalash, gel-kiruvchan xromatografiya, ultratsentrafuga, turbidimetrik titrlash kabilar kiradi . Xromatografik fraksiyalash usulida fraksiyalanadigan polimer bilan qoplangan shisha sharchalar ( 40-70 mkm ) bilan to‘ldirilgan maxsus xromatografik kolonkalardan elyuent katta bosim ostida oqadi va o‘z yo‘lida polimerni yuvib o‘tadi hamda uni turli fraksiyalarga ajratadi. Bunday yo‘l bilan 10 dan 25 taga fraksiyalar olish mumkin bo‘ladi. Shuningdek, gel-kiruvchan xromatografiya usuli mavjud bo‘lib, unda kolonkadan oqib o‘tadigan elyuentda mikrosorbentlar bo‘kib gelsimon to‘r hosil qiladi. Ushbu to‘rsimon geldan elyuent polimer eritmani oqizib o‘tishida makromolekulalar hajmiy o‘lchamiga qarab tutib qolinadi va fraksiyalarga ajratiladi. Bunda molekulyar massasi kattaroq makromolekulyar fraksiyalar kolonkadan tezroq chiqadi, kichik molekulyar massali fraksiyalar esa gel-struktura g‘ovaklariga kirib, tutib qolinishi hisobiga kolonkadan kechikibroq chiqadi. Ultratsentrifuga usulida katta chastotali aylanish tezligi ostida hosil qilingan markazdan qochirma kuch ta’sirida makromolekulalar fraksion tarzda cho‘ktiriladi. Turbidimetrik usulda esa eritmani titrlash orqali polimer fraksiyalarga ajratiladi

O'xshashlar

Makromolekulyar fraksiyalar

Makromolekulyar fraksiyalar

Polimer tuzilishi morfologiyasi va maxsus xossalari

Polimerlarning kimyoviy xossalari

Polimerlarni fraksiyalash usullari