Химиявий кинетика ва катализ - Kimyo - Referatlar

Химиявий кинетика ва катализ

Yuklangan vaqt:

20.09.2019

Ko'chirishlar soni:

0

Hajmi:

118.5 KB

Ko'chirib olish

Химиявий кинетика ва катализ Режа: 1. Гамоген ва гетероген реакциялар. 2. Гетероген реакциялар кинетикаси. 3. Химиявий реакцияларнинг кинетик классификацияси. 4. Занжир реакциялар. 5. Катализ.

Химиявий кинетика химиявий реакцияларининг тезлиги ҳақидаги таҳлимот бўлиб, у химиявий реакцияларнинг вақт бўйича ўзгариши қонуниятларини ўрганади. Турли химиявий реакциялар ҳар хил тезликда боради. Баъзи реакциялар жуда тез боради, бошқалари шу даражада секин борадики, юзаки қараганда ҳатто реакция бормаётганга ўхшайди. Портлаш бир онда содир бўладиган реакцияга мисолдир. Бунда секунднинг улушлари қадар вақт ичида портловчи қаттиқ модда газсимон махсулотларга айланади. Темирнинг занглаши, яъни коррозияланиш жараёни аста-секин борадиган реакциядир. Коррозияланиш туфайли йилига ишлаб чиқариладиган металлнинг тахминан 12% бефойда йўқолади. Коррозияланиш жараёни теварак атроф муҳитга боғлиқ. Масалан, намлик юқори ва хавоси ўртача иссиқ мамлакатларда пўлат ва темир буюмлар ўртача минтақалардагига қараганда тезроқ занглайди. Бир идишга хона температурасида водород билан кислородни аралаштириб солинса, ҳар қанча узоқ вақт қўйиб қўйилганда ҳам идишга сув томчиси пайдо бўлмайди. Бунда водород кислород билан умуман бирикмайдиганга ўхшайди, аслида эса реакция жуда секин боради - идишда сув томчиси ҳосил бўлиши учун неча минг йил ўтиши керак. Лекин шу идиш қиздирилганда тез орада “терлайди”, сув ҳосил бўлади. 500 0 Сда эса бу газлар бир онда портлаш билан бирикиб, сув ҳосил қилади. Бирор реакциядан амалда фойдаланишда унинг қандай тезлик билан боришини билишнинг ахамияти катта. Масалан, химиявий реакциялардан фойдаланиладиган ишлаб чиқариш жараёнларида аппаратнинг унумдорлиги реакциянинг тезлигига боғлиқ. Агар кўмирнинг ёниш реакцияси бир онда содир бўладиган бўлса, биз кўмирдан ёқилғи сифатида фойдалана олмаган бўлардик. Химиявий кинетика қонунларини ўрганиш содир бўладиган жараённинг муҳим томонларини, реакциянинг механизмнинг чуқуррорқ тушуниб олишга, реакцияларни онгли равишда бошқаришга имкон беради. Хмиявий кинетикани ўрганишга рус олимларидан Н.А.Меншуткин (биринчи бўлиб эритмалардаги реакцияларнинг кинетикасини текширган), Н.А. Шилов (мураккаб реакцияларнинг кинетикаси ўрганган) вабошқа олимлар катта ҳисса қўшган. Гомоген ва гетероген реакциялар. Реакция тезлиги. Реакциялар қандай моддадар орасида ва қандай шароитда содир бўлаётганига қараб гомоген ва гетероген реакцияларга бўлинади. Реакцияга киришаётган моддаларнинг иккаласи ҳам бир хил фазада бўлса ва улар орасида чегара сиртлар бўлмаса (масалан, газ билан газ, суюқлик билан

суюқлик бундай ракциалар гомоген реакциялар дейилади. Агар реакцияга киришаётган моддалар турли фазаларда ҳамда уларни бир-биридан ажратиб турадиган чегара сиртлари бўлса, бундай системаларда содир бўладиган реакциялар гетероген реакциялар дейилади. Умуман, химиявий реакцияларда реакцияга киришаётган модда массасининг ўзгариши муҳим аҳамиятга эга. Шунинг учун реакциянинг тезлиги вақт бирлиги ичида реакцияга қанча модда киришганлиги (ёки реакция натижасида қанча модда ҳосил бўлганлигини) кўрсатиш керак. Химиявий реакциянинг тезлиги ҳар қайси вақт оралигида ўзгарибтуради. Вақт ўтган сари реакция учун олинган моддаларнинг кончентрацияси камайганлиги сабабли реакция тезлиги ҳам камаяди. Энди химиявий реакция тезлигининг реакцияга киришаётган моддалар концентрацияга боғлиқлигини газ моддалар ораидаги реакция мисолида кўриб чиқамиз. Маълумки, газ холидаги молекулалар ўзаротаъсирлашиши учун улар тўқнауви керак. Лекин ҳар қандай тўқнашувда ҳам реакция содир бўлавермайди. Тўқнашганда реакцияга кришиш молекуланинг қандай холатда эканлигига боғлиқ. Активланиш энергиясига эга бўлган молекулалар тўқнашгандагина реакция содир бўлади. Аммо молекулалар сони қанча кўп, яъни реакцияга киришаётган моддаларнинг концентрацияси қанча юқори бўлса, тўқнашувлар сони ва бинобарин, реакцияга киришаётган молекулалар сони ҳам кўпаяди, бошқача айтганда, рекция тезлиги ортади. Гетероген реакциялар кинетикаси. Юқорида биз бир жинсли - гомоген муҳитда содир бўладиган реакцтияларни кўриб чиқдик. Агар реакция турли фазалардаги моддалар орасида, гетероген муҳитда содир бўладиган бўлса, унга гомоген реакциялар кинетикаси қонуниятларини татбиқ этиб бўлмайди. Икки фаза, масалан, қаттиқ ва суюқ фаза чегарасида содир бўладиган реакция химиявий ўзгариш билангина эмас, балки моддаларнинг фаза ичидан унинг сиртига чиқиши, шунингдек, маҳсулаотларининг реакция зонасидан йўқотилиши билан ҳам боғлиқ. Шунинг учун гетероген реакцияларининг химиявий кинетикасида масса узатиш қонунлари, диффузия қонунлари амал қилади. Гетероген реакция жараёни бир неча босқичдан (реакция зонасига ўтиш босқичи, химиявий ўзгариш босқичи вареакция махсулотларининг реакция зонасидан олиб кетилиши босқичидан) иборат бўлганлиги учун жараённинг умумий тезлиги энг секин боардиган босқичнинг тезлиги билан аниқланади.

Гетероген реакцияда реакция махсулотларининг концентрацияси ортиши билан улар диффузияланиши туфайли реакция зонасиданҳам чиқиб туради, шунинг учун бундай реакцияларда стационар холат вужудга келиши мумкин. Бунда модданинг диффузияланиш оқими Д модданинг ташқи муҳитдаги ва реакция зонасидаги концентрацияларининг айирмасига пропорционал бўлади: D = b (C 0 - C x ) бунда b - масса узатиш коэффициенти, C 0 - бошланғич модданинг ташқи муҳитдаги ва C x - реакция зонасидаги концентрациялари. b нинг қиймати диффузия коэффициентининг диффузияланиш қатлами қалинлигига нисбати билан ўлчанади. Рекция тезлиги модданинг муайян холатидаги концентрацияси билан мувозанат концентрацияси орасидаги фарққа пропрционалдир. Агар А модда В моддага айланаётган бўлса, реакциянингбошоланишида реакциянинг тезлиги А нинг концентрациясига (C x ) пропорционал дейиш мумкин: u = kCx Стационар холат учун А модданинг реакция зонасига диффузия экими Д келтирадиган миқдори шу вақт оралиғида реакция натижасида йўқоладиган миқдорига тенг. Шунинг учун қуйидагича ёзиш мумкин: kCx = b ( C 0 - C x ) бунда C x ни аниқлаб, уни реакция тезлиги тенгламасига қўйсак: k b u = ---------- C 0 бўлади. k+ b b - диффузион қаршилик, k эса реакциянинг химиявий қиршилиги дейилади. Умумий қаршилик химиявий ва диффузион қаршиликлар йиғиндисига тенг. Реакциянинг умумий тезлиги диффузия тезлиги билан ҳам, химиявий реакция тезлиги (кинетик босқич) билан ҳам аниқланиши мумкин. Шунинг учун реакция тезлигини ўрганишда шу реакция диффузия босқичида содир бўладими, шуни аниқ билиш керак. Лекин баҳзан фаза чегарасининг бир қисмида реакция кинетик босқичда, бошқа қисмида эса диффузион соҳада

соди бўлиши мумкин. Масалан, ғовак катализатор ёрдамида реакция ўткаўилганда унинг ташқи юзасида кинетик соҳада боради, тор ғовакларнинг ичида эса диффузион соҳада борадиган реакция тезлигини ҳисоблаш учун кўпинча Лангмюр тенгламасидан фойдаланилади. Химиявий реакциялар кинетик классификацияси. Химиявий реакциялар кинетик жизатдан реакциянинг молекулярлиги ва реакция тартибига кўра классификациясияланади.химиявий реакциянинг элементар актида иштирок этувчи молекулалар сонига қараб, реакциялар мономолекуляр (реакцияда битта молекула иштирок этади), биомолекуляр (реакция бориши учун камида иккита молекула бўлиши керак), тримолекуляр (реакцияга учта молекула киришади) ва полимолекуляр (реакцияда учтадан ортиқ молекула иштирок этади) реакцияларга бўлинади. Амалда полимолекуляр реакциялар деярли учрамайди. Би-ва три- молекуляр реакцияларнинг амалга ошиши учун иккита ёки учта заррача ўзаро тўқнашиши керак. Заррачалар сони кўпайган сари бундай тўқнашув эҳтимоллиги камайиб боради: учта заррачанинг тўқнашиш эҳтимоллиги иккита заррачанинг тўқшиши эҳтимоллигидан кам, тўртта заррачанинг тўқнашиш эҳтимоллиги эса учта заррачаникидан кам ва деярли содир бўлмайди. Агар реакцияда кўп молекулалар иштирок этадиган бўлса, жараён анча мураккаб йўл билан - икки ёки уч босқичда боради. Мономолекуляр реакцияда битта молекула қатнашади. Бунга радий атомининг парчаланиб радонга айланиши, баъзи молекулаларнинг ички молекуляр ўзгариш реакциялари киради, масалан: J 2 = 2J Одиий мономолекуляр реакциялар учун реакция тезлиги қуйидагича ифодаланади: u = kС бунда С - бошланғич модданинг концентрацияси. Биомолекуляр реакцияларда иккита молекула реакциясига киришади, масалан: H 2 + J 2 = 2HJ Оддий биомолекуляр реакциялар учун реакция тезлиги:

u = k*C 1 *C 2 бунда С1 ва С2 - бошланғич моддаларнинг концентрацияси. Тримолекуляр реакцияларда бир вақтнинг ўзида учта молекула ўзаро тўқнашиши керак. Бунда қуйидаги реакция мисол бўла олади: 2 NO + H 2 = N 2 O + H 2 O Умумий холда тримолекуляр реакциянинг тезлиги қуйидагича ифодаланади: u = кс 1 с 2 с 3 бундай реакциялар жуда кам учрайди. Реакция тартиби. Реакция тезлигининг концентрациясига боғлиқлиги тенгламасидаги концентрациялар даража кўрсаткичларининг йиғиндиси реакция тартибини кўрсатади. Шунга кўра барча реакциялар биринчи тартибли, иккинчи тартибли ва учинчи татибли реакцияларга бўлинади. Юзаки қараганда реакциянинг тартиби унинг молекулярлиги билан бир хилдек кўринади, лекин аслида бундай эмас. Оддий гомоген реакциянинг тартиби реакциянинг элементар актида иштирок этадиган молекулалар сонига мос келади. Лекин нолинчи тартибли реакциялар ва тартиби каср сон билан ифодаланадиган реакциялар ҳам бор. Вақт ўтиши билан тезлиги ўзгармайдиган реакцяилар нолинчи тартибли реакциялар дейилади. Юқори температурада содир бўладиган H 2 +О 2 =2NO реакциянинг тезлиги шундай ифодаланади: u = ксN 1* сО 2 (NО нинг концентрацияси кичик бўлганда). Демак, бу реакциянинг тартиби каср сонига - 1,5га тенг. Энди биринчи ва иккинчи тартибли реакцияларга батафсилроқ тўхталиб ўтамиз. Реакциянинг ҳақиқий тезлиги тенгламасидан u нинг қийматини биринчи тартибли реакция тенгламасига қўйсак, қуйидаги ифода ҳосил бўлади: dc = - kc dt Тенгламанинг иккала томонини Сга бўламиз: буни интегралласак: lnC=-kt+B бунда В - интеграллаш доимийси. t=0 да бошланғич концентрацияси С бўлса, у холда lnC 0 бўлади, бунда

ln c = - kt ln c 0 = kt c 0 c натурал логарифмни ўнли логарифмга айлантирамиз: 2,3031g c 0 = kt lg c 0 = 0,4343 kt c c Бу тенгламалар биринчи тартибли реакциялар учун концентрациянинг вақтга боғлиқлигини ифодалайди. Биринчи тартибли реакциялар тезлик константаси билан бирга ярим емирилиш даври ( t ) билан ҳам характерланади. Реакция учун олинган модданинг аниқ ярми реакцияга киришиб бўлган вақт ярим емирилиш даври дейилади. Демак, шу даврдаги концентрация Сбошланғич концентрацияси С 0 нинг ярмига тенг бўлади, яъни С = С 0 /2, буни юқоридаги тенгламага қўйсак, ln С 0 = k t k t = in 2 = 0,6932 C 0_ k = 0,6932 : t 2 Демак, биринчи тартибли реакциянинг константаси ярим емирилиш даврига теска пропорционал бўлади. Иккинчи тартибли реакцияларнинг кинетик тенгламасининг реакцияга киришаётган иккала модданинг концентрациялари бир хил бўлган бошланғич хол учун келтириб чиқарамиз. Биомолекуляр реакция тезлиги тенгламасида с 1 = с 2 = сдеб фараз қилиб ва тенгламадан фойдаланиб, қуйидагини келтириб чиқарамиз: dC ------- = - kdt C 2 бу тенгламани интегралласак, 1 ---- = kt + B C бу ерда интеграллаш дойимийси В маълум бўлган бошланғич концентрация С 0 дан (=0) топилади. В = 1 с 0 демак, 1 - 1 = kt C 0 -C = kt c c c * c 0

Бу тенглама, кўпинча, бошқача кўринишда қўлланилади. Агар тенглама реакцияга киришаётган модданинг айни пайтдаги концентрацияси С ўрнига концентрациянинг шу пайтга келиб камайганлигини х=С 0 -С қўйсак, қуйидагича бўлади: х = kt (C 0 -x)C 0 Энди бу тенгламани бошланғич модданинг ярим реакцияга киришганпайт (х= 1 ) С 0 учун ечиб, қисқартириш қилсак, 1=k t бўлади. 2 Бу тенглама иккинчи тартибли реакциялар учун ярим емирилиш даври бошланғич концентрацияга боғлиқлигини кўрсатади. Занжир реакциялар. Занжир реакциялар химиявий реакцияларнинг бир тури бўлиб, бунда ҳосил бўладиган актив заррача (эркин радикал) ноактив молекулаларнинг ҳар бир элементар актида янги актив заррача ҳосил қилади ва у бошқа ноактив молекулалардан фарқ қилиб, тўйинмаган эркин валентликларга эга бўлади, шу сабабли бошланғич модда молекулалари билан реакцияга осон киришади. Эркин радикалнинг молекула билан ўзаро таъсирида молекула =нинг валент боғланишларидан бири узилади ва натижада, доимо янги эркин радикал пайдо бўлиб туради. Бу радикал, ўз навбатида, бошқа бошланғтч молекула билан реакцияга киришиб, яна янги радикал ҳосил қилади ва шу тариқа реакция занжирсомни бўлиб кетаверади. Занжир реакциялар кенг тарқалганлиги ва катта амалий аҳамияти борлиги сабабли улар ҳақидаги таҳлимот химиявий кинетиканинг энг муҳим бўлинмаларидан бири ҳисобланади. Бундай реакциялар назариясига акдемик Н.Н.Семенов ва унинг мактаби, шунингдек, Гиншелғвуд, Христиансен, Бодонштейн ва бошқа олимларнинг ишларида асос солинган. Занжир реакцияга энг оддий моддалардан бири хлор билан вовдорнинг ёруғлик нури таъсирида бошланадиган реакциясидир. Ёруғлик квантини ютиши натижасида хлор молекуласи атомларга ажралади. Хлор атоми водород молекуласи билан таъсирлашиб, водород атоми билан НС1 молекуласини хосил қилади. Ҳосил бўлган водород атоми хлор молекуласи билан реакцияга киришиб, хлор атоми билан НС1 молекуласини ҳосил қилади ва жараён шу тариқа давом этади: hv + Cl 2 = 2 Cl * С1 + Н 2 = НС1 + Н Н+С1 2 = НС1 + С1

С1 + Н 2 = НС1 + Н Иккита бир хил радикал, масалан, иккита водород атоми учинчи жисмга, масалан, идиш деврига урилиб, ўзининг ортиқча энергиясини бергандагина ўзаро бирикиши ва ноактив Н 2 молекуласини ҳосил қилиши мумкин. Бунда реакция тўхтайди, яъни занжир “узилади”. Радикал бошқа радикал билан реакцияга киришиб, электрон жуфт ҳосил қилиши ҳамда валентлиги тўйиниши натижасида ҳам йўқолиши мумкин. Бунда занжирнинг узилиш тезлиги радикаллар концентрацияси кўпайтмасига пропорционал бўлади. Агар радикалнинг молекула билан ўзаро реакцияси натижасида икки ёки ундан ортиқ радикал ҳосил бўлса, занжир тармоқланади. Масалан, водород атоми кислород молекуласи билан реакцияга киришганда ОН радикал ва О радикал (кислород атоми) ҳосил қилади. Дастлаб, Н 2 ва О 2 = 2ОН * Н 2 +О 2 = Н + НО 2* Шундан кейинги жараёнлар радикаллар иштирокида боради6 ОН + Н 2 = Н 2 О + Н Н + О 2 = ОН + О О + Н 2 = ОН + Н (2) энг секин борадиган реакцтялар, шунинг учун бутун жараённинг тезлиги ана шу реакцияга қараб белгиланади. Агар Н, ОН, О радикаллари реакцион идиш деворларига адсорбиланиб қолса, улар ҳудди шундай бошқа радикаллар билан осон бирикади ва занжир жараёни тўхтайди (занжир узилади). Химиявий реакция тезлиги константасининг температурага боғилқлиги. Химиявий реакциялар реакцияга киришувчи молекулаларнинг ўзаро тўқнашуви натижасида содир бўлганлиги сабабли температура кўтарилганда реакцияларнинг тезлиги ортади, чунки бунда молекулаларнинг харакатланиш тезлиги кучайиб, уларнинг ўзаро тўқнашиш эхтимоллиги кўпаяди. Умуман температура ҳар 10 о кўтарилганда реакция тезлиги тахминан икки - тўрт марта ортади, деган қоида бор. Бу Вант-Гафф қоидаси дейилади. Бу қоида барча реакцияларда жуда аниқ бажарилмаса ҳам, ҳар холда реакция тезлигига температура қандай таъсир этишини кўрсатади. Реакция тезлигига температуранинг таъсирини аниқ билиш учун қуйидаги усулдан фойдаланилади. Реакциянинг, t температурадаги тезлик константасини, k t (t+10) даги тезлик константаси эса k t+10 орқали белгилаймиз. Бунда: k t + 10

----------------- = g k t реакция тезлигининг температура коэффициенти дейилади. Тажриба температуралар оралиғи кичик бўлганда а нинг қиймати температурага қараб кам ўзгаришини кўрсатади, яъни бунда а нинг қийматини ўзгармас деб ҳисоблаш мумкин. Умумий холда k t + n * 10 = g n дейиш мумкин. k t Масалан, агар температура коэффициентини модда та тенг десак, температура 100о кўтарилганда реакция тезлиги k(t + 100) ----------------- = 210 = 1024 марта ортади k t Активланиш энергияси. Маълумки, иккита молекула ўзаро реакцияга киришишганида бир- бири билан тўқнашиш керак. Лекин, тажрибалар кўрсатишича, ҳар қандай тўқнашувда ҳам реакция содир бўлавермас экан. Аррениус барсча молекулалар эмас, балки актив молекулалар тўқнашгандагина реакция содир бўлади, деган фикрни ўртага ташлади. Бу деган сўз, тўқнашувда химиявий реакция содир бўлиши учун тўқнашаётган молекулаларнинг энергияси барча молекулаларнинг ўртача энергиясидан ортиқча (катта) бўлиши керак, демакдир. Ана шу ортиқча энергия активланиш энергияси дейилади. Шунинг учун ҳам кўп реакциялар оддий шароитда ҳам секин боради ёки содир бўлмайди. Масалан, ёғоч, қоғоз, керосин ҳавода оқсидланиш ва ёниш ҳусусиятига эга. Лекин бу реакциялар одатдаги шароитда ўз-ўзича содир бўлмайди, чунки тегишли оксидланиш реакцияларнинг активланиш энергияси анча юқоридир. Агар температура кўтарилса, кислород билан ёнувчи материал молекулалари тўқнашув пайтида “қайноқ” бўлади, яъни ортиқча энергияга эга бўлади ва ниҳоят реакция тезлиги ортади - ёниш бошланади. Активланиш энергияси қанча катта бўлса, берилган температурада реакция шунча секин кетади: активланиш энергияси пасайганда реакциянинг тезлиги ортади. Катализ.

Х имиявий реакциялар тезлигининг катализаторлар иштирокида катализ дейилади. Катализаторлар химиявий реакцияга киришаётган моддалар билан ўзаро таъсирлашиб оралиқ махсулот ҳосил қиладиган, лекин реакция охирида химиявий жихатдан ўзгармай қоладиган моддалардир. Агар катализатор реакция тезлигини оширса, бундай жараён мусбат катализ, катализатор қўшилганда реакция тезлиги камаядиган бўлса, манфий катализатор дейилади. Катализатор реакцяида мувозанат холати қарор топишни тезлаштиради, холос, лекин уни бирор томонга силжитмайди. Катализатор тўғри ва тескари реакцияларнинг тезликларини бир хил даражада оширади. Амалда, кўпинча паст температурада мувозат холатига тез эриш керак, чунки худди шундай шароитда реакция маҳсулотлари кўп ҳосил бўлади, яъни мувозанат константасининг қиймати катта бўлади. Масалан, азот билан водороддан аммиак синтез қилишда реакция жуда юқори температураларда боради, чунки бу газларнинг бирикиш реакциясининг активланиш энергияси ниҳоятда катта. Лекин температура кўтарилган сари мувозанат аралашмада камроқ аммиак олинади, температура кўтарилиши билан реакциянинг мувозанат константаси камаяди ва, демак, бу реакция юқори температурада олиб бориш номақбулдир. Шу реакция катализатор ишлатилганда эса паст температурада, яъни анча қулай шароитларда мувозанат холатига тез эришиш мумкин. Катализаторларнинг иккинчи муҳим хоссаси танлаб таъсир эитишдир. Катализатор, одатда, бирор реакциянинг ёки маълум типдаги реакциялар группасини тезлаштиради. Табиий мураккаб катализаторлар - ферментлар жуда танлаб таъсир этувчи бўлади. Катализатор, кўпинча, активланиш энергиясини пасайтиради. Лекин баъзи холларда катализатор реакцияга киришувчи молекулаларнинг бир-бирига нисбатан жойлашишга сабабчи бўлади. Катализда учрайдиган деярли барча ҳолларда катализатор реакция учун олинган моддалар билан ўзаро таъсирлашиб, оралиқ махсулотлар хосил қилади. Бу маҳсулотлар беқарор бўлиб, реакциянинг оҳирги махсулоти билан катализаторга ажралади. Умумий холда А+В ® АВ реакция учун катализатор К иштирокида жараённи қуйидагича ифодалаш мумкин: 1) А + К = АК 2) АК + В = АВ + К Баҳзан химиявий реакциялардан ҳосил бўладиган моддаларнинг ўзи шу реакциялардан ҳосил бўладиган моддаларнинг ўзи шу реакцияларда

катализатор сифатида таъсир этади. Бундай реакциялар автокаталитик реакциялар дейилади. Бунда реакция тезлиги аввал кичик бўлиб, сўнгра тез ортиб кетади, аммо реакцияга киришувчи моддаларнинг концентрацияси камайиши билан реакциянинг тезлиги ҳам пасаяди. Катализаторларга таъсир этганида уларнинг активлигини камайтирадиган моддалар ҳам бор. Бундай моддалар каталитик захарлар, ходисанинг ўзи эса катализаторнинг захарланиши дейилади. Заҳарланиш қайтар ва қайтмас бўлади. Қайтар заҳарланишда заҳарли таъсир этувчи модда тугаши билан катализатронинг активлиги тикланади. Қайтмас заҳарланишда эса катализаторнинг активлигини тиклаш учун уни регенирациялаш яъни, махсус ишлов бериб, заҳарли моддадан тозалаш лозимбўлади. Масалан, озгина углерод (4)-оксид аралашмаси мис катализаторни заҳарлайди, селен ва мишғяк иштирокида платинанинг каталик таъсирида деярли йўқолади. Катализаторларнинг ишлаш муддатини ўзгартириш учун саноатда реакцияга киришувчи моддалар каталитик заҳар ҳисобланган қўшимчалардан тозаланади. Реакцияга киришувчи моддалар билан катализатор бир жинсли система ёки турли фазалардан иборат система ҳосил қилишга қараб гомоген ёки гетероген катализ бўлади. Гомоген катализ. Гомоген катализда реакцияга киришувчи моддалар билан катализатор бир жинсли система ҳосил қилади. Гомоген катализга СО нинг сув буғи иштирокида СО 2 гача каталитик оксидланиши ёки эрувчан углеводородлар сувдаги эритмада гидролизланишнинг кислота иштирокида тезлашуви мисол бўла олади. Биринчи холда реакцияга киришувчи модда билан катализатор бир жинсли газ фаза, иккинчи холда эса бир жинсли чин эритма ҳосил қилади. Бўларда реакцияга киришувчи моддалар билан катализатор орасида чегара сирт бўлмайди. Сулғфат кислота ишлаб чиқаришда олтингугурт (4)-оксиднинг оксидланиб, сулғфат ангидритга айланишида азот оксидлари катализатор бўлиб хизмат қилади. Бу жараёнда оксидловчи бўлган азот (4)-оксид NО 2 қайтарилиб, NО га айланади, сўнгра бу оксид ҳаво кислороди тахсирида оксидланиб, яна NО 2 га айланади. Бу жараёнда катализатор оралиқ бирикма ҳосил қилиб, сўнгра ундан тўлиқ қайтарилади, натижада унинг миқдори ва таркиби ўзгармасдан қолади. Эритмаларда борадиган гомоген катализга, кўпинча, водород ва гидроксил ионлар сабабчи бўлади. Кислоталарнинг каталик таъсирини Россияда биринчи бўлиб 1811 йилда К.Киргхов кашф этган. Шакарнинг инверсияси, мураккаб эфирларнинг совунланиши ва кўпгина бошқа реакциялар эритмада водород ионлари бўлганида тезлашади, бу ионларнинг

концентрацияси кўпайган сари реакциянинг тезлиги ҳам ортиб боради. Эритмалардаги гомоген каталик реакцияларда ҳам катализатор иштирокида оралиқ бирикмалар ҳосил бўлиши аниқланган. Гомоген катализда анча барқарор оралиқ бирикма ҳосил бўлиши билан бир қаторда ион ва молекулаларнинг жуда қисқа вақт мавжуд бўладиган бирикмалари ҳам катта ролғ ўйнайди. Бундай бирикмалар ион- диполли ўзаро таъсир ёки водород боғланиш ҳосил бўлиши туфайли вужудга келади. Бундай бирлашишлар натижасида заррачалар қутбланиши, уларнинг реакцияга киришиши ҳусусияти ва тўқнашгандаги бир-бирига тегиб туриш муддати ўзгариши мумкин. Бўларнинг ҳаммаси реакция тезлигининг ўзгаришига олиб келади. Саноатда гомоген катализ билан бир қаторда гетероген катализда ҳам кенг кўламда фойдаланилади. Гетероген катализ. Реакцияга киришувчи моддалар билан катализатор турли агрегат холларда бўладиган реакциялар гетероген дейилади. Амалда учрайдиган гетероген катализнинг кўпида катализатор қаттиқ модда, реакцияга киришувчилар эса суюқлик ёки газлар бўлади. Шунинг учун гетероген катализининг барча жараёнларида реакция катализаторнинг сиртида боради. Демак, катализатор сиртининг катталиги ва хоссалари, сирт қатламининг химиявий таркиби, тузилиши ва холати катализаторнинг активлигида муҳим рол ь ўйнайди. Гетероген катализда катализатор сиртининг аҳамияти катталиги сабабли сиртдаги атомлар сонини кўпайтириш учун майдаланган актив моддалар ишлатилади. Лекин кукунсимон катализаторни газ оқими осонгина ишлаштириб олиб кетади, кўп миқдорда олинганда эса оқимга катта қаршилик кўрсатади. Шу сабабли одатда, инертматериалга (силикагелга, алюмогелга) чўктирилган актив моддалар ишлатилади ёки актив модданинг ўзини жараёнлаб ғовак таблетка, шарча ёки цилиндрлар шаклидаги катализатор ҳосил қилинади. Гетероген катализ, асосан модданинг катализатор сиртига адсорбиланиши билан боғлиқ. Реакцияга киришувчи моддалар катализатор сиртига адсорбиланиб шу реакцияга киришади, сўнга хосил бўлган маҳсулотлар катализатор сиртидан десорбиланади - чиқиб кетади. Демак, бунда каталазатор сиртининг ҳаммаси эмас, балки унинг актив қисмлари, актив марказларигина иштирок этади. Реакцияга киришувчи молекулалар катализатор сиртига адсорбиланганда бу моддаларнинг структур-энергетик ҳолатида ўзгариш юз беради, уларнинг реакцияга кириши хусусияти ортади, молекулалардаги химиявий боғланишлар сусаяди. Бошқача айтганда бу молекулалар катализатор сиртига оддий физик адсорбиланган реакцияга киришувчи

молекулалар қатламини катализатор сиртидаги молекулалар билан ҳосил бўлган оралиқ бирикмалар дейиш мумкин. Гетероген катализ назарияларидан бири - 1929 йилда А.Баландин ишлаб чиққан мулғтиплетлар назарияси катализатор сиртидаги атомлар билан реакцияга киришувчи молекуладаги атомларнинг жойлашувида структура жиҳатдан мувофиқлик бўлишига, шунингдек, боғланишларнинг энергетик жихатдан мос келишига асосланган. Бу назарияга кўра молекула умумман катализаторнинг сирти билан таъсирлашмайди, балки реакцияга киришувчи молекулалардаги атомлар ёки атом группалари катализаторнинг сирт қатламидаги атомлар ёки ионлар билан ўзаро таъсир этади. Катализаторнинг кристалл панжарасининг тузилишига мос равишда катализатор сиртида жойлашган бир неча атом ёки ионлардан иборат кичикроқ сирт қисмлари мулғтиплетлар деб аталади. Бу атом ёки ионларнинг катализаторнинг сиртқи қитламида жойлашуви реакцияга киришаётган моддалар молекулаларидаги атомларнинг жойлашувига геометрик жихатдан мос келгандагина каталитик активлик намоён бўлдаи. Бундай молекулалар адсорбиланганда катализатор сиртидаги тегишли атом ёки ионлар билан таъсирлашуви ва қисман улар билан боғланиши натижасида молекулалараро боғлар бўшашади (сусаяди). Катализаторларнинг ўзига хос таъсири ҳам ана шу билан тушунтирилади. Мисол тариқасида этил спиртнинг дегидрогенланиш реакциясини кўриб чиқамиз. Мулғтиплетлар назариясига мувофиқ, бу реакция катализаторнинг икки нуқтасида (дублетда) содир бўлади. Дублетнинг битта атомига СН 2 ва ОН группаларнинг водород атомлари тортилади. Дублетнинг иккинчи атомига эса кислород атоми ва СН 2 группанинг углерод атоми тортилади. Бундай тортилиш натижасида С-Н ва О-Н боғланишлар узилади ҳамда янги Н-Н ва С=О боғланишлар сирка алғдегид ҳамда водород молекулаларида ҳосил бўлади: С 2 Н 5 ОН ® СН 3 СНО + Н 2 Гетероген катализининг актив ансамбллар назрияси ҳам бор. Бу назарияга кўра, каталитик хоссаси бўлмаган мода (ёювчи) сиртига юқтирилган модда атомлари каталитик активлик кўрсатади. Бу атомларнинг кичикроқ тўпламлари - ансамбллари (2-3 атомдан таркиб топган) актив марказлар ҳосил қилади. Бундай катализаторнинг активлиги ансамбллар сонига ва уларнинг ўзаро жойлаштирув тартибига боғлиқ. Катализнинг энг янги назарияси электрон-химиявий назариясидир. Реакцияга киришаётган модда билан катализаторнинг ўзаро тахсир характерига қараб электрон назарияда барча каталитик реакциялар оксидланиш-қайтарилиш ва кислота-ишқорий реакцияларга бўлинади. Биринчи типдаги реакцияларда электронлар катализаторга ёки

катализатордан моддага ўтади. Шунинг учун барча оксидланиш-қайтарилиш реакцияларда металлар (Fe, Ni, Рt ва бошқалар) катализатор бўлади. Кислота - ишқорий реакцияларда катализ протонлар ўтиши билан боради. Бунда катализаторлар сифатида турли (TiО 2 , Al 2 О 3 ва бошқалар), кучли кислота ёки асослар ишлатилади. Ферментлар катализаторлар сифатида. Ҳайвон ва ўсимлик организмларининг тўқима ва хужайраларида доимо химиявий реакциялар содир бўлиб туради. Инсон овқати таркибига кирувчи моддалар: оқсиллар, ёғлар, углеводлар овқат хазм қилиш йўлларида парчаланади. Бу моддалар молекулаларининг қисмларидан организм моддалар алмашинув ва ривожланиш жараёнлари учун зарурий янги молекулаларни ҳосил қилади. Лабораторияларда жуда секинлик билан борадиган реакциялар организмда катта тезлик билан боради, бу организм тўқималарида ниҳоятда кучли катализаторлар борлигидан далолат беради. Тажриғба ва текширишлар организмдаги ферментлар (энзимлар) ана шу катализатор эканини кўрсатиб туради. Ферментларни ажратиб олиш ва ўрганиш соҳасида ватанимиз олимларидан А.Я.Данилевский, А.Н.Лебедев, А.Н.Бах, И.А.Опарин ва бошқалар мувафаққиятли иш олиб борганлар. Хозирги пайтд организмда рўй берадиган реакциялар катализатор вазифаси бажарувчи 1000 га яқин фермент аниқланган. Халқаро биохимия иттифоқининг ферметнлар бўйича комиссиясини ва рационал номенклатураси қоидаларини ишлаб чиққан. Ферментлар актив катализаторлар сифатида иштирок этадиган химиявий реакцияларнинг типига қараб, одатда, бир неча синфга бўлинади. Масалан сув таъсирида оқсилларни парчалайдиган ферментлар протолитик ферментлар дейилади. Ошқозон ширасидаги папаин ва бошқалар протолитик ферментлар жумласига киради. Углеводларга шакар, крахмалга сув бирикишида, сўнгра уларнинг анча оддий углеводларга (глюкоза билан фруктозага) парчаловчи сахарозани мисол келтириш мумикн. Ферметлар моддаларни парчалашгина эмас, балки уларни синтез қилиши ҳам мумкин. Жумладан, ферментлар оддий бирикмалардан оқсиллар ҳосил бўлишида иштирок этади. Текширишлар ферментлар оқсил табиатли моддалар эканлигини кўрсатади. Шунинг учун ҳам улар қиздирилганда активлигини йўқотади - барча оқсил моддалар юқори температура таъсирида жуда ўзгариб кетади. Ферметлар таркибида оқсилдан ташқари, анча оддий бирикмалар - оқсилмас қисмлар ҳам бўлиши аниқланган. Кўп оқсидловчи ферментлар таркибида темирли органик бирикмалар топилган. Ферментнинг

оқсилмас қисми актив простетик группа дейилади. Оқсил қисм билан оқсилмас қисм бирлашиб туриб, ферментнинг юқори каталик активлигини таҳминлайди. Ферментларнинг активлигига ташқи шароит катта таъсир кўрсатади. Масалан, ўсимликлардаги кўп ферментлар учун энг қулай температура 40- 60 о С, ҳайвонлардаги ферметлар учун эса 40-50 о С. Температура бошқача бўлганда ферментнинг активлиги пасайиб кетади ва у тамоман бузилади. Ферментларнинг акталитик активлигига муҳитнинг рН и ҳам катта таъсир кўрсатади (7 - жадвал). Баъзи ферментлар учун рН нинг оптимал қийматлари. Фермент Субстрат рН Фруктофуранозидаза Уреаза Попаин Пепсин Аргиназа Сахароза Мочевина Оқсил Оқсил Аргинин 4,5 - 6,6 6,7 5,0 1,5-2,0 9,5 - 9,9 Ферментларнинг биологиясини билиш агроном учун катта аҳамиятга эга. Масалан, ўсимликларни минерал озиқлантириш шароити улардаги ферментатив жараёнларнинг йўналиши ва тезлигига катта таъсир кўрсатади. Жумладан, тупроқда калий етишмаганда сахарозанинг парчаланаши кучаяди ва ўсимликларда кўп миқдорда моносахаридлар тўпланиб қолади. Тупроққа калийли ўғитлар солинган бундай хол рўй бермайди ва оқсиллар синтез бўлиши жараёнлари кучаяди. Азотли ўғитлар кўп солинганда, аксинча, ўсимликда сахароза билан крахмалнинг миқдори камаяди. Ана шуларни билган холда агроном ўсимликни озиқлантириш шароитини мос ҳолда ўзгартириш билан яхши хосил олиш мумкин

O'xshashlar

Кимёвий кинетика

Гетероген катализ

Кимёвий кинетика ва кимёвий мувозанат

Гомоген катализ ва уни бориш механизми

Химиявий мувозанат