Флотация технологияси - Kimyo - Referatlar

Флотация технологияси

Yuklangan vaqt:

01.10.2022

Ko'chirishlar soni:

0

Hajmi:

175 KB

Ko'chirib olish

Флотация технологияси Режа: 1. Флотация жараёнига таъсир қилувчи омиллар 2. Флотация схемалари

Флотация жараёнига таъсир қилувчи омиллар Флотация – универсал ва юқори технологик кўрсаткичларга эришиш мумкин бўлган жараён ҳисобланиб , унинг боришига кўп сонли омиллар таъсир қилиши мумкин . Уларга : дастлабки маҳсулотнинг минерал таркиби ва йириклиги , бўтананинг зичлиги , қарорат , реагент тартиби , сувнинг таркиби , флотация вақти , бўтананинг машинадаги аэрацияланиш даражаси ва ҳ . к . лар киради . Қўлланадиган реагентларни танлаш, уларнинг сарфи ва рудадаги компонентларни ажралиш кетма-кетлиги бойитилаётган руданинг минерал таркибига боғлиқ. Рудани минерал– петрографик ўрганиш асосида флотациядан олдин ҳамма минерал компонентларнинг таркиби, ўсимталарнинг ўзаро тузилиши, бегона аралашмаларнинг оксидланиш даражаси ва ҳар қайси компонентнинг масса улуши белгиланади. Бунинг асосида реагентлар танланади, янчиш ва флотация схемалари белгиланади. Турли хил рудалар турлича флотацияланади. Сульфидли минералларни носульфид минераллардан флотация усули билан осон ажратиш мумкин. Сульфидли рудаларнинг оксидланиши ва танлаб эритилиши натижасида ҳосил бўлган оксидли рудаларнинг флотацион қобилияти суст бўлади ва улар аввал сульфидланмасдан туриб флотацияланмайди. Флотацияда дастлабки маҳсулотнинг йириклиги шундай бўлиши керакки, қимматбахо компонент заррачалари ўзига ёпишган пуч тоғ жинслари минералларидан тўлиқ озод бўлган ва флотацияланувчи заррачаларнинг ўлчами ҳаво пуфакчаларининг кўтарилиш кучига мос келиши керак. Одатда флотацияни заррачаларнинг ўлчами 0,02-0,5 мм орасида олиб борилади. Флотацияланувчи минерал заррачаларнинг максимал ўлчами уларнинг гидрофоблигига ва шаклига болиқ. Рудани флотациядан олдин янчганда шунга эришиш керакки, дастлабки бўтана таркибида флотацияланиши мумкин бўлмаган йирик заррачалар ҳам, шунингдек,

ажралишни кескин ёмонлаштирувчи ва реагентлар сарфини оширувчи, ўлчами 0,02 мм дан кичик шламлар ҳам бўлмасин. Бўтана қаттиқ заррачаларининг масса улуши 15-40% гача бўлиши мумкин. Флотациянинг баъзи операцияларида суюқроқ бўтана ишлатиш мақсадга мувофиқ бўлса, айрим операциялар учун эса бўтана қуюлтирилади. Бўтананинг зичлиги катта бўлганда унинг пуфакчалар билан тўйиниш даражаси пасаяди, йирик минерал заррачаларнинг флотацияланиши ёмонлашади, бойитманинг сифати пасаяди. Юқори сифатли бойитма олиниши талаб қилинганда флотация суюқроқ бўтанада олиб борилади. Қароратнинг ортиши кўп ҳолларда флотация жараёнига ижобий таъсир этади. Бунда бир қатор реагентлар (айниқса, ёкислоталари ва совунлар)нинг эрувчанлиги ортиб, уларнинг сарфи камаяди. Шу билан бир вақтда тўпловчи сифатида ксантогенатлар ишлатилганда бундай ҳол кузатилмайди ва бунда бўтанани фақат қиш кунларидагина иситиш мақсадга мувофиқ. Флотацияда реагентлар таркиби ишлатилаётган реагентларнинг тури, уларнинг сарфи, жараёнга берилиш тартиби реагентларнинг бўтана билан таъсирлашув вақти билан белгиланади. Реагент тартиби, берилган руданинг флотацион қобилиятини, минерал заррачаларни йириклиги, сувнинг таркиби ва ҳ.к.ларни ўрганиш борасида олиб борилган тажрибалар асосида танланади. Одатда реагентлар қуйидаги кетма-кетликда қўшилади: муҳитнинг регуляторлари, сўндирувчилар, фаоллаштирувчилар, тўпловчи ва кўпик ҳосил қилувчилар. Муҳит регуляторлари тегирмонга ёки чанларга берилади. Тўпловчилар эса контакт чанлар ёки тўридан-тўри флотомашиналарга берилади. Тўпловчи одатда бира-тўла эмас, балки оз-оздан қўшилади. Кўпик ҳосил қилувчилар флотацион камерага берилади. Сувнинг таркиби ҳам флотация жараёнига таъсир қилади, чунки сув ўзининг таркибида ҳар хил ионлар, эриган газлар ва бошқа қўшимчаларни

сақлайдики, улар муҳитнинг pH ини ўзгартириб, кўпик ҳосил бўлишини ёмонлаштиради ва реагентлар сарфини оширади. Бўтанадаги ионлар керак бўлмаган ҳолда минералларга активлигини оширувчи ёки сўндирувчи сифатида таъсир қилиши мумкин. Флотация вақти флотацияланувчи компонентнинг бойитмага ажралиш даражаси ва бойитманинг сифатини белгилайди. Олиб борилган тажрибалар шуни кўрсатадики, флотация вақтининг маълум бир чегараси (оптимум) бўлиб, флотация вақтининг оптимумдан ошиши иқтисодий жиҳатдан мақсадга мувофиқ эмас, чунки қимматбаҳо компонентнинг бойитмага ажралишининг сезиларсиз даражада ортиши флотация вақтининг анча узайиши, бойитма сифатининг ёмонлашиши ва флотацион машина ишлаб чиқариш унумдорлигининг камайиши ҳисобига содир бўлади. Бўтананинг аэрацияланиш даражаси флотация вақти ва бойитишнинг технологик кўрсаткичларига таъсир қилади. Бўтананинг аэрацияланиш даражаси ортиши билан флотация вақти камаяди. Бироқ, бўтанани ҳаво билан қаддан ташқари тўйинтириш уларнинг қўшилишини кўпайтиради. Нисбатан йирик пуфакчалар катта тезликда қалқиб чиқиб, улардан минерал заррачаларнинг ажралиш эҳтимолини оширади. Бўтанада минерал заррачаларни кўтариш учун нисбатан йирик пуфакчалар ( d = 1mm) нинг ва минерал заррача юзасини фаоллаштирувчи майда пуфакчалар ҳам бўлиши керак. Флотациянинг самарали кетишига флотацион машинанинг ишлаш шароити ҳам таъсир қилади. Машинага тушаётган бўтананинг қажми ва ундаги қаттиқ заррачаларнинг масса улуши (зичлиги) доимий бўлиши керак. Флотацион машинани қаддан ташқари юклаш метални бойитмага ажралишини камайтиради, чунки флотация вақти камаяди. Машинага етарли миқдорда маҳсулот солинмаса, бунинг аксича, флотация вақти ортади ва кўпикли маҳсулотга пучтожинслари ўтиб кетиб, бойитма сифати ёмонлашади.

Флотация схемалари Фойдали қазилмаларни флотациялаш жараёнида турли - туман технологик схемалар қўлланилади. Флотацион схемани танлаш бойитилаётган маҳсулотнинг флотацион хоссасига, бойитманинг сифатига қўйилаётган талабга ва бир қатор техникиқтисодий омилларга болиқ. Кўп ҳолларда битта флотация операцияси натижасида охирги бойитма ва ташлаб юбориладиган чиқинди олишга эришилмайди. Шунинг учун, флотация схемалари бир нечта флотация операцияларидан ташкил топади: асосий флотация, тозалаш флотацияси ва назорат флотацияси. Асосий флотация – флотацион бойитишнинг биринчи операцияси ҳисобланиб, қимматбаҳо компонентни пуч то жинсларидан ажратиш мақсадида ўтказилади. Натижада хомаки бойитма ва чиқинди олинади. Тозалаш флотацияси – ўзидан олдинги операцияларда олинган хомаки бойитманинг сифатини яхшилаш мақсадида ўтказиладиган флотация операцияси. Назорат флотацияси – асосий флотация натижасида олинган чиқинди таркибидаги қимматбақо компонентни яна бир бор ажратиб олиш мақсадида ўтказиладиган операция. Флотацион схемалар – флотация босқичи ва циклларининг сони билан бир–биридан фарқ қилади. Флотация босқичи деб, маҳсулотни маълум йирикликкача янчиб, кейин флотациялаш операциясини ўз ичига олган технологик схеманинг бир қисмига айтилади. Фойдали минералнинг хоссаси ва ундаги минерал заррачаларнинг ўлчамига қараб бир ёки кўп босқичли флотацион схемалар ишлатилади. Флотация цикли деб, қайтадан флотацияланмайдиган бир ёки бир нечта тайёр мақсулотлар олинадиган флотация операцияларининг гуруқига айтилади.

Қимматбаҳо компонентларнинг ажралиш кетма–кетлигига қараб, полиметал рудаларни бойитишда коллектив, селектив ва коллектив–селектив флотация схемалари мавжуд бўлади. Агар охирги бойитмага бира-тўла бир нечта минерал (масалан, мис ва никель сульфидлари, мис-молибден, қўрғошин– руқ) ажралса, бундай флотация коллектив флотация дейилади. Агар рудадан қимматбаҳо компонентлар кетма-кет ажратиб олинса, бундай флотация селектив флотация дейилади. Коллектив-селектив флотацияда ҳамма қимматбаҳо компонентлар аввал коллектив бойитмага ажралади, кейин эса ундан алоҳида минераллар флотацияланади. Бир боскичли флотация схемалари буйича шеелитли, флюоритли, баритли, сподуменли рудалар бойитилади. Бу рудаларни бойитиш схемаларида тозалаш ва назорат флотацияларининг сони турлича булади. Бундай рудаларни аввал дағал янчиб фойдали минералларнинг бир қисмини янчиш жараёнига ўсимталардан ажраган нисбатан йирик заррачалар шаклида тайёр концентратга ажратишга имкон туғилади. I флотрация I босқичнинг чиқиндиси қайтадан6 янчилиб флотациянинг II босқичига жўнатилади. Бироқ қайта янчишга флотациянинг I босқичида ажралган фойдали минераллар тушмайди, чунки улар ўта янчилиб майин шламларни хосил қилиши, флотацияни қийинлаштириши ва бойитишнинг технологик кўрсатгичларини пасайтириши мумкин эди. I босқичда тайёр концентрат олиниб, II босқичда чиқиндиларни қайта янчувчи II босқичли схемалар бўйича мисникелли ва мис-пиритли рудаларни қайта ишловчи фабрикалар ишлайди. Кўпинча молибденли рудаларни бойитишда фойдали минералнинг чиқинди таркибида энг кам миқдорда йўҳолишига нисбатан дағал янчишда эришилади. Бу холат фойдали минераллар бошқа минерал агрегатига бириккани ва дағал янчишда қўшимча жинсларнинг асосий қисмидан осон ажралиши билан тушунтирилади.

Бундай холларда I босқичда ташлаб юбориладиган чиқинди ва хомаки концентратни сифатини ошириш мақсадида қайтадан янчиб, флотацияланадиган II босқичли флотация схемасини ҳўллаш рационал хисобланади. Бир қатор холларда дағал янчиб, тайёр концентрат ташлаб юбориладиган чиқинди ва фойдали минерал билан қўшилиб ҳолган ўсимталарни сақловчи оралиқ махсулот олиш мумкин. I босқичда тайёр концентрат ташлаб, концентрат, ташлаб юбориладиган чиқинди, орплиқ махсулотни қайта янчиб флотациялайдиган II босқичли флотация системалари бази мисли рудаларни бойитишда иш8латилади. Селектив флотация схемалари пуч тоғ жинсларининг миқдори кам (<20- 25%) сульфидли полиметалл рудаларини бойитишда ҳўлланади. Бундай схемалар пуч тоғ жинсларининг миқдори катта бўлган, ишлаб чиқариш қуввати кичик фабрикаларда жараённинг бошида барча сульфидларни коллектив флотациялаш сезиларли иқтисодий технологик Самара бермаганда ҳўллаш мумкин. Селектив флотация схемасининг камчилиги - рудани майин туюш зарурлиги, бу пуч тоғ жинсларининг миқдори кўп бўлмаганда буни қайта ишлашни қимматлаштиради. Бу камчилик коллктив - серриктив флотацияси схемаси ҳўлланганда йўқотилади. Бундай схемаларни айниқса руда дағал янчилганда ташлаб юблоиладиган чиқинди олиш мумкин бўлган холларда куллаш афзал. Коллектив-селектив схема буйича бойитилганда руданинг бутун массаси 45-50% -0,074мм ли синфгача дагал янчилади. Майин туйишга эса факат чикиши дастлабки рудага нисбатан 1030% булган коллектив концентрат тушади. Селлектив флотация схемаси буйича руданинг бутун массаси 75-80% -0,074мм ли синфгача янчилади. Коллективғселлектив флотация схемаси буйича бойитилганда кам сонли тегирмонлар ва флотация машиналари талаб килинади, реогентлар сарфи камаяди.

Купчилик холларда флотация схемалари етарли даражада етарли булиб узида флотациянинг бир катор тозалаш ва назорат флотацияси операцияларини хамда оралик махсулотни кайта бойитишнинг турли вариантларини уз ичига олади. Оралик махсулотлар жараёнинг турли нукталарига кайтарилиши ёки алохида кайта ишланиши мумкин. Шунинг учун флотациянинг оптимал шароитини таъминлаш учун флотация операцияларини флотация машиналари буйлаб рационал таксимлаш мухим рол уйнайди. Флотациянинг турли операцияларини битта флотация машинасида жойлаштириш схемаси 21-расмда келтирилган булиб, у асосий, битта концентратни тозалаш операциясини ва бита назорат флотацияси операциясини уз ичига олади. 21-расм. Флотация машинасида флотация операцияларининг тақсимланиши. Машинанинг тўртта камерасида асосий флотация амалга оширилади. Асосий флотациянинг кўпикли махсулоти тозалашнинг бош камерасига (жағли учта камера) тушади. Унинг концентрати охирги мухсулот ҳисобланади, чиқинди эса охирги камера остонасидан қуйилиб асосий флотация операциясига тушади. Асосий флотация чиқиндиси назорат флотациянинг бош камерасига (жағли учта камера) йўналтирилади ва унда ташлаб юбориладиган чиқинди ва асосий флотацияга қайтариладиган оралиқ махсулот олинади. Мисол тариқасида қўрғошин-мис-руҳ-пиритли полиметалл рудани бойитиш схемаларининг вариантларини кўриб чиҳамиз.

22-расм. Полиметал рудалар флотациясининг технологик схемаси. Флотациянинг I босқичи 45% -0,074 мм гача янчилган махсулот келиб тушади. Коллектив флотация цикли асосий ва назорат флотациясини хамда иккита концентратни тозалаш операцияларини ўз ичига олади (22-расм). Реагент тартиби: кучсиз ишқорий мухит ҳосил қилиш учун сода (0,5- 0,6кг/т); танловчи ксантогент (0,1-0,2кг/т); кўпик ҳосил қилувчи крезол ва қароғоч ёғи (0.06-0,005 кг/т). Коллектив сульфидли концентрат тўпловчи натрий сульфид билан юборилади. Бунинг учун бойитма натрий1 сульфиднинг 4-4,5 кг/т бойитма сарфида ҳаво кирмайдиган контакт аралаштирилади. Бундан кейин реагентларни сақловчи суюқ фаза иккита механик классификаторларда кетма-кет қаттиқ фазадан ажратилади. Биринчи классификатор қуми сув билан суюлтирилади ва иккинчи классификаторга тушади. Классификатор қуюлмаси қуюлтирилади, қуюлтиргич қуюлмаси чиқиндилар майдонига жўнатилади. Тўпловчининг десорбциясидан кейин коллектив концентрат 95% -0,074 мм гача қайтадан янчилади ва қўрғошин мисни флотация циклига тушади.

Қўрғошин мисни флотация цикли асосий, назорат ва учта тозалаш операцияларини ўз ичига олади. Қўрғошин-мисли флотация учун қуйидаги реагентлар ишлатилади: цианид (0,2кг/т) ва рух купороси (2кг/т); сфалерит ва пиритни сўндириш учун; тўпловчи - ксантогенат (0,030.04кг/т) ва кўпик ҳосил қилувчи-крезол (0,04-0,05 кг/т). Барча цикллар учун реагентлар сарфи 1 тонна коллектив бойитма учун кўрсатилган. Бу циклда қўрғошин-мисли бойитма, камерадаги махсулот сифатида рух- пиритли махсулот олинади. Қўрғошин-мисли бойитма реагентлардан натрий сульфиди (сарфи 1,5 кг/ т) ва активлашган кўмир (сарфи 1.5 кг/т) билан десорбциялашгандан кейин худди қўрғошин-мисни флотацияси циклидаги каби схема бўйича ажратишга жўнатилади. Реагент тартиби: нордон мухит ҳосил қилиш учун сульфат кислота (3кг/ т); темир купороси (1,5 кг/т) ва натрий сульфиди (1,5 кг/т) галенитни сўндириш учун; тўпловчи-ксантогенат (0,025 кг/т); кўпик ҳосил қилувчи- крезол (0,04-0,05 кг/т). Реагентлар сарфи бир тонна қўрғошин-мисли концентрат учун кўрсатилган. Бу циклда мисли бойитма олинади. Камерадаги қўрғошинли бойитма рухсизлантиришга тушади. Рухсизлантириш асосий флотация операцияси ва кўпикли рухпиритли махсулотни тозалаш операцияларини ўз ичига олади. Рухсизлантиришда қуйидаги реагентлар ишлатилади: ишқорий муҳит ҳосил қилиш учун охак (6- 7 кг/т); мис купороси (0,5 кг/т) сфалерит ва пиритни фаоллаштириш учун; тўпловчи- ксантогенат -0,03 кг/т. Реагентлар сарфи рухсизлантиришга тушаётган 1 тонна қўрғошинли махсулот учун берилган. Рухсизлантиришдан сўнг камерадаги махсулот сифатида қўрғошинли бойитма, кўпикли махсулот сифатида рух-пиритли оралиқ махсулот ҳосил бўлиб, у асосий флотациянинг коллектив бойитмасига қўшилади.

Қўрғошин-мисли флотация циклининг камерадаги махсулоти қуюлтирилгандан кейин рухли флотация циклига тушади. Реагент тартиби: охак (0.5-0.8 кг/т) пиритни сўндириш учун; мис купороси (0,45-0,55 кг/т) сфалеритни фаоллаш учун; тўпловчи-ксантогенат (0.8-1.0 кг/т); кўпик ҳосил қилувчи-крезол (0,04-0,05 кг/т). Реагентлар сарфи 1 тонна рухли концентрат учун берилган. Уч марта тозалашдан сўнг охирги рухли бойитма олинади. Рух циклининг камерадаги махсулоти назорат флотациясидан кейин пиритли циклга жўнатилади. Реагент тартиби: сода (0,8-1 кг/т) охакнинг сўндирувчи таъсирини нейтраллаш учун; тўпловчи-ксантогенат (70-80 г/т); кўпик ҳосил қилувчи- крезол (40-50 г/т). Реагентлар сарфи 1 тонна пиритли бойитма учун берилган. Пиритли циклда коллектив бойитмани қайта янчишда ҳосил бўлган пуч тоғ жинслари зарраларидан иборат чиқинди ажралиб чиқади. Бундай схема бўйича таркибида 1-1,5 % қўрғошин, 0,2-0,3 % мисс, 2,5-3 % рух сақловчи полиметалл руда бойитилганда 5051 % қўрғошин сақловчи қўрғошинли бойитма, 14-15 % мис сақловчи мисли бойитма, 54-55 % рух сақловчи рухли бойитма, 42-45 % олтингугурт сақловчи пиритли бойитма олинади. Ташлаб юбориладиган чиқиндининг таркибида 0,1-0,12 % қўрғошин, 0,02 % мис, 0,2 % рух бўлади.

Адабиётлар : 1. Глембоцкий В.В. «Флотационные методы обогащения» М: Недра, 1981 304 с. 2. Егоров В.П. «Обогащение полезных ископаемых» М.Недра, 1986, с. 158. 3. Умарова И.К. «Фойдали қазилмаларни бойитиш технологияси». Ўқув ҳўлланма Тошкент, ТошДТУ 2004. 4. Умарова И.К. «Фойдали қазилмаларни қайта ишлаш ва бойитиш». Ўқув ҳўлланма Тошкент, ТошДТУ 2002. 5. Абдурахмонов С. «Гидрометаллургия жараёнлари ва дастгохлари». Навоий, НДКИ, 2001, 288 б. 6. Абдурахмонов С, Қурбонов Ш.Қ., Ҳолиқулов Д.Б. «Минералларни саралаш жараёнлари назарияси» НавоийОлмалиқ-2006, 200 б. 7. Ахмедов Н.А. Состояние и задачи технологических исследований руд Узбекистана. Проблемы переработки минерального сырья Узбекистана. Материалы республиканского научно-технического семинара, Ташкент-2005.

O'xshashlar

Флотация усулида бойитиш технологиялари

Фойдали қазилмаларни флотация усулида бойитиш жараёнлари хақида умумий маълумотлар

Полистирол ишлаб чиқариш технологияси

Кимёвий ишлаб чикаришда

Кимёвий ишлаб чикаришда хом ашё