Jismoniy mashqlar va sport bilan shug’ullanishning fiziologik xarakteristkasi - Jismoniy tarbiya - Referatlar

Jismoniy mashqlar va sport bilan shug’ullanishning fiziologik xarakteristkasi

Yuklangan vaqt:

20.09.2019

Ko'chirishlar soni:

0

Hajmi:

59.5 KB

Ko'chirib olish

Jismoniy mashqlar va sport bilan shug’ullanishning fiziologik xarakteristkasi Reja: 1. Start oldi reaksiyasi. 2. Razminkaning fiziologik xarakteristikasi. 3. Ishga kirishish davrining fiziologik xarakteristikasi. 4. Turg’un holatning fiziologik xarakteristikasi. 5. “O’lik nuqta” va “ikkinchi nafas olish”ning fiziologik xarakteristikasi.

Jismoniy mashqlar va sport bilan shug’ullanish organizm ish qobilyatida, undagi moddalar va energiya almashinuvida, hamda yurak-qon tomirlar tizimi, nafas olish a'zolari, ovqat hazm qilish a'zolari, asab va muskullar tizimi faoliyatida bir qator o’ziga xos o’zgarishlar keltirib chiqaradi. Bu o’zgarishlar mashq kilish jarayonida bir xil bo’lmasdan o’z xususiyatlari bilan turli davrlarga bo’linadi va quyida ta'riflanadigan ushbu davrlar fiziologik nuqtai nazardan bir-biridan farq qiladi. Ular sport oldi reaksiyasi, razminka, mashq qilishning boshlang’ich qismida ish qobilyatining qisqa muddatli kuchayishi, (ishga kirishish), turg’un holat, charchash va qayta tiklanish davrlariga bo’linadi. Start oldi reaksiyasi . Mashq qilish yoki musobaqalardan oldin sportchi organizimida kuzatiladigan me'yoriy fiziologik jarayonlarning o’zgarishi start oldi reaksiyasi deyiladi. U bevosita jismoniy harakatdan oldin yoki bajariladigan jismoniy faoliyatdan ancha ilgari ham yuz berishi mumkin. Start oldi rekatsiyasi davrida kuzatiladigan fiziologik o’zgarishlar turli- tuman bo’lib ular nerv markazlarining qo’zg’alishi kuchida, moddalar va energiya almashinuvining tezligida, yurak urish chastotasida, gazlar almashinuvida va boshqa holatlarda namoyon bo’ladi. Musobaqa boshlanmasdan oldin kuzatiladigan start oldi reaksiyasida yurak urishi minutiga 100-130 ga chiqishi, kislorod o’zlashtirilishi tinch turgan vaqtga nisbatan 2-3 marta ko’payishi, qon bosimi bir muncha ko’tarilishi mumkin. Bunday o’zgarishlarning xususiyatlari har kimda har xil bo’lib ko’pincha musobaqa ma'suliyatiga, sportchining tayyorgarligiga va boshqa omillarga bog’liq. Musobaqaning ma'suliyati qanchalik yuqori bo’lsa start oldi reaksiyasi ham shunchalik kuchli bo’ladi. Start oldi reaksiyasining yuzaga kelish mexanizimi shartli reflekslar bilan tushutiriladi. Stadion yoki musobaqa o’tkaziladigan joylarning ko’rinishi, tomoshabinlarning, sport inventarlarning mavjudligi shartli refleks asosida yurak urish, nafas olish chastotalarini tezlashtiradi. Bu holatning muhim amaliy ahamiyati ham bor, ya'ni start oldi reaksiyasi tufayli sportchi organizm bo’lajak ishga o’zini tegishli holda tayyorlaydi.

Start oldi reaksiyalari uch xil ko’rinishda bo’ladi, ya'ni jangovor tayyorgarlik holati, start oldi sarosimasi va start oldi loqaydligi. Jangovor tayyorgarlik holati eng qulay, maqsadga muvofiq ijobiy start oldi reaksiyasi bo’lib hisoblanadi. Bunday holatda markaziy nerv tizimida o’rtacha kuchdagi qo’zg’alish yuzaga keladi. Natijada harakat va vegetativ (ichki) a'zolarda bo’lajak ishni amalga oshirish uchun muhim bo’lgan maqsadga muvofiq fiziologik siljishlar yuzaga keladi. Sportchi bu holatda o’z kuchi va imkoniyatlarini to’liq safarbar qiladi, shu bois ko’pincha g’alabaga erishadi. Nafas olish, yurak urish tezligi o’rtacha bo’ladi, sportchi vahimaga tushmaydi va bir vaqtning o’zida bo’ladigan ishga befarq ham bo’lmaydi. Jangovor tayyorgarlik holati ko’pincha doimiy ravishda oqilona mashq qilib yuradigan sportchilarda kuzatiladi. Doimiy mashq qilmaydigan hamda jarayonida vaqt, kuchdan oqilona foydalana olmaydiganlarda jangovor tayyorgarlik holati kam kuzatiladi va juda yuzaki bo’ladi. Start oldi sarosimasi ko’pincha markaziy nerv tizimining kuchli qo’zg’alishi tufayli sodir bo’lib, bu payti barcha fiziologik ko’rsatgichlar maksimal darajaga chiqib ketadi, sportchi hali ish boshlanmasi ko’p kuchni behudaga yo’qotadi. Yurak urishi, nafas olish ancha tez bo’ladi, arterial qon bosimi ko’tarilib ketadi. Asosiy harakatlarni amalga oshirishda sportchi taktik xatolarga yo’l qo’yishi mumkin, chunki sarosima natijasida harakatlar koordinatsiyasining buzilishi yuz beradi. Start oldi sarosimasi doimiy suratda mashq qilib yurmagan, o’ziga ishonmaydigan, nerv tizimi qo’zg’aluvchan xususiyatli sportchilarda ko’proq uchrab turadi. Start oldi loqaydligi markaziy nerv tizimida tormozlanish jarayonining qo’zg’alishidan kuchliligi bilan xarakterlanadi. Bunday sport chida kayfiyat yomonlashib musobaqada qatnashish ishtiyoqi yo’qoladi, unga qiziqish so’nadi. Start oldi loqaydligi musobaqa boshlanish vaqtning cho’zib yuborilishi, kuchli raqibga duch kelish, musbaqadan qurqish, doimiy mashq qilib yurmaslik kabi holatlar natijasida hosil bo’lishi mumkin. Bunday loqaydlik ko’pincha bellashuvlvrda muvaffaqiyatsizliklarga olib keladi.

Start oldi reaksiyalarini ko’ngildagilek boshqarib borish mumkin, buning uchun esa doimiy mashq qilish, ovaqtlanish va dam olish tartiblarini maqsadga muvofiq tashkil qilish muhim. Musobaqa oldidan kun tartibini (mashq qilish, dam olish soatlarini to’g’ri, oqilona tanlay bilish) maqsadga muvofiq tashkil qilish start oldi reaksiyalarini to’g’ri boshqarib borishda muhim. Razminkaning fiziologik xarakteristkasi. Har qanday mashq yoki musobaqadan oldin amalga oshiriladigan maxsus muskul harakat faoliyati razminka deb ataladi va sportchi or ganizimini bo’lajak ishga to’liq tayyorlashda muhim o’rin tutadi. Bu ning asosiy sababi shundaki start oldi reaksiyalarining bevosita o’zigina bajariladigan jismoniy faoliyatga organizimni fiziologik va biokimyoviy jihatdan tayyor qila olmaydi. Har qanday sport turi bilan shug’ullanuvchilar amalga oshiradi gan razminka ikki qismga, ya'ni umumiy va maxsus qismlarga bo’linadi. Razminkaning umumiy qismi tanada moddalar va energiya al mashinuvini, tana haroratini, markaziy nerv tizimida qo’zg’aluvchan-likni, qon aylanish va nafas olishni optimal suratda kuchaytirish maqsadida bajariladi. Uning uchun ham razminkaning ushbu qismi umumiy jismoniy mashqlar bajarish bilan xarakterlanadi) sekin – asta yugurish, umuiy jismoniy mashqlar va boshqalar). Maxsus qismida esa sportchi asosiy ishda bajaradigan hatti-haraktlarini yegil-yelpi holda bajarishi kerak. Bunday maqsad tanani bo’lajak ish xususiyatiga uyg’unlashtirish, vegetativ va harakat a'zolari orasida uzviy bog’lanishni yuzaga keltirish bo’lib hisoblanadi. Kurib o’tilgan raz - minka qismlarning davom etishi, bir-biriga nisbatan sportchining jismoniy tayyorgarligi, ob-havo sharoitlari va boshqa omillar bilan aiqlanadi. Razminka tufayli sportchi tanasida bir qator muhim fiziologik va biokimyoviy o’zgarishlar yuz beradi, chunonchi muskullarda qo’shimcha kapillyarlar ochilib ular orqali qon aylanish tezlashadi, harorati ko’tariladi, muskullarda qisqaruvchanlik xususiyati kuchayadi, nerv mar kazlarining qo’zg’aluvchanligi, ferementlar faolligi oshadi. Qon ayla nish va nafas olish kuchayadi, to’qimlar tomonidan O 2 – o’zlashtirilishi yaxshilanadi, qon depolardan tomirlanga chiqadi va hokazo.

Razminka har xil jarohatlar olishning oldini oladi, ter bezlari ning ishini kuchaytiradi. Ko’pincha razminka yengil suratda ter suyuqligi ajralish vaqtigacha olib boriladi. Razminka amalga oshiriladigan keyin yuqorida ko’rib o’tilgan fi ziologik va biokimyoviy o’zgarishlar bir muncha vaqt o’z zaylida davom etadi. Bu vaqt sportchining o’ziga xos shaxsiy xususiyatlariga, jismo niy tayyorgarligi va boshqa omillarga bog’liq. Asosiy jismoniy fao liyat bilan razminka orasidagi vaqt unchalik davomli bo’lmasligi lo zim (bu davr shug’ullanuvchilarning tayyorgarlik darajasiga qarab bel gilanadi). Razminkaning qanday va qancha davom etishi sportchining shaxsiy xususiyatlariga bog’liq, uni murabbiy bilan birga belgilab olish lo zim. Odatda u 10-30 min bo’ladi. Eng muhim razminka paytida sportchi charchab qolmasligi kerak. Razminka start oldi reaksiyalarini maqsadga muvofiq ravishda bo’lishini ham ta'minlaydi, masalan sportchi kuchli hayajonda, sarosi mada bo’lsa bajariladigan razminka mashqlari kishini tinchlantiradi gan bo’lishi kerak (asta- sekin bajariluvchi), loqaydlik alomatlari se zilganda esa tez-tez bajariladigan mashqlar qilish kerak. Ishga kirishish davrining fiziologik xarakteristkasi. Jismoniy faoliyat boshlan-ganidan keyin sportchi ish qobilyati asta-sekin oshib boradi va bu davrni ishga kirishish davri deb atash qabul qilingan. U organizimning umumbiologik qonuniyati bo’lib har qanday aqliy va jismoniy ish qilishda ham kuzatiladi. Odam organi zimida nerv markazlari hamda fiziologik tizimlar tabiatan inert bo’ladi. Shu boisdan ham tinchlik holatidan aqliy yoki jismoniy mehnatga o’tish darhol bo’lmasdan, balki fiziologik va biokimyoviy jarayonlarning bir holatdan (masalan tinchlik) ikkinchi holatga (faol likka) o’tishi uchun tegishli vaqt talab qilinadi va bu davr ichida tana dagi barcha tizim va a'zolar yangichasiga ishlashga o’zaro moslashadi. Shuning uchun ham bu davrning yuzaga kelishida nerv markazlari va fi ziologik tizimlariningg inertligi asosiy sabab qilib ko’rsatiladi.

Bu davrning davomiyligi sportchining shaxsiy xususiyatlariga, jismo niy tayyorgarlik darajasiga, shug’ullanadigan sport turiga, bajaradi gan mashqlarning qanday quvvat talab qilishga va boshqa omillariga bog’liq. Ish qancha tez bajariladigan va yuqori quvvatli bo’lsa ishga kiri shish davri ham shuncha tez bo’ladi. Qisqa masofalarga yugurishda u juda kam vaqt davom etsa, uzoq masoflarda davomli bo’ladi va hokazo. 100 metrga yuguruvchilarda eng katta tezlik 5-6 sekundlarda ya'ni ma sofaning 35-40 metrlarida yuzaga keladi. Bu narsa ishga kirishish davri biomexanik qonuniyatlariga asosan sodir bo’ladi. Ishga kirishish davrida harakatlar koordinatsiyasi yaxshilanadi, vegetativ a'zolar faoliyati kuchayadi, harakat apparati bilan ichki a'zolar va tizimlarining ishga kirish davrini boshidan kechirishi har xil vaqtda bo’ladi, masalan, yurak urish chastotasi tegishli dara jaga ish boshlanganidan keyin 20-60 sekund o’tishi bilan ko’tarilsa (ishga kirishi davri), yurakning minutlik hajmi, o’pka ventelyasiyasi hamda kislorodning keraklicha o’zlashtirilishi 3-5 minutlargacha davom etadi. Mashq qilib borish bilan sportchida tajriba to’planib ishga kiri shish vaqti qisqarib boradi. Mashq qilish va musobaqa sharoitla rida tanani uqalash suv muolajalaridan to’g’ri foydalanish, ayniqsa razminka maqsadga muvofiq bo’lib oqilona tashkil qilinsa bu davr uchun talab qilingan vaqt cho’zilmaydi. Katta va o’rtacha quvvatli siklik ish bajarilishida ishga kiri shish davri o’tganidan keyin turg’un holat yuzaga keladi. Bunda harakat apparati va vegetativ a'zolarining uyg’unlashib ishlashi yuqori dara jaga erishadi. Natijada sarflangan energiyaga nisbatan ish bajarish maksimal holga o’tadi, kislorodga nisbatan talab qondiriladi, uning to’qimalar tomonidan o’zlashtirilishi ham yaxshilanadi, ish unumdor ligi oshadi. Turg’un holat haqiqiy yoki haqiqiy bo’lmagan turg’un holatlarga bo’linadi. Haqiqiy turg’un holat ko’pincha o’rtacha quvvatli siklik ish bajari lishida kuzatiladi (uzoq va juda uzoq masofalarga yugurishda). Bunda kislorodga talab va uning qondirilishi, yurak urishi, qon bo simi barqarorlashadi, to’qimalarda aerob jarayon tufayli energiya ajralishi kuchli bo’ladi. Kislorodga talab 1 minutda 2,0-2,5

l atrofida bo’ladi va bu talab to’lig’incha qondiriladi. Haqiqiy bo’lmagan turg’un holat ko’pincha 5-40 minut davom etadigan katta quvvatli siklik ish bajarilishida yuz beradi. (5-10 km. ga yugurish). Haqiqiy bo’lmagan turg’un holatda kislorodga nisbatan talab 1 minutda 4-5 litrga, yurak urishi 200 martaga, o’pka ventelyasiyasi 1 minut 30 litrga, nafas olish minutiga 60-80 ga, sistolik qon bosimi 200-240 mm simob ustuniga yetadi. Bunday holatda to’qimalarda anaerob jarayon kuchli bo’ladi va ko’p miqdorda sut kislotasi hosil bo’ladi, qon reaksiyasi kislotalik tomonga ko’proq og’adi. Maksimal va submaksimal quvvatli siklik ish bajarilishida odatda turg’un holat kuzatilmaydi. Ba'zan shiddatli jismoniy faoliyat boshlanganligi bir necha daqiqa o’tishi bilan sportchi ish qobilyati vaqtincha pasayib ketadi. Bu vaqtda unda yuzaki, va tez nafas olish, harakatlar kooordinatsiyasining buzilishi kuzatiladi. Bunday holat «o’lik nuqta» deyiladi. «O’lik nuqta» holatida sportchida bo’lajak ish bajarilishiga ishonchsizlik tug’iladi. Agar sportchi bunday payti iroda kuchini ishga solib, o’zini ishlashga undasa uning umumiy holati ancha yaxshilanadi, ya'ni «ikkinchi nafas» olish yuzaga kelib, yurak urishi, nafas olish barqarorlashib ter suyuqligi ajralishi kuchayadi ish bajarish yana tiklanadi. «O’lik nuqta» boshlanishi bilan yurak urish chastotasi maksimal holatga yaqinlashadi, nafas olish esa maksimumga yetadi. Bir vaqtning o’zida nafas olish chuqurligi ancha yuzakiligicha qoladi. O’pkaning ti riklik sig’imi «o’lik nuqta» davriga kelib ancha kamayadi, qonda ko’mir kislotasi ko’payadi. «O’lik nuqta» har doim ham bo’laveradigan hodisa emas, qilingan razminka maqsadga muvofiq bo’lsa «O’lik nuqta» kuzatilmasdan ish ba jarilishi mumkin. «O’lik nuqta» ishning katta tezlik bilan hovliqib boshlanishi oqibatida tez-tez bo’lib turadigan hodisadir. Tajribali va doimiy mashq qilib yuradigan sportchilarda «o’lik nuqta» qariyb uchramaydi.

Adabiyotlar 1. Ахмедов . Б . А “ Жисмоний машқлар биомеханика ” ( Кундузги ва сиртқи бўлимда ўқийдиган талабалар лекциядан методик қўлланма ) Тошкент , 1990 й . 2. Ахмедов. Б.А “Велотренажерда ишлаш” Тошкент., 1990 й. 3. Алимбоев Р. “Жисмоний машқлар биомеханикаси” Тошкент, 2008 й. 4. Қурбонов Ш., Қурбонова Ш. Спорт физиологияси. Қарши “Насаф” 2001 5. Қурбонов Ш., Қурбонов А. Жисмоний машқларнинг физиологик асослари. Тошкент, 2003. 6. Содиқов Қ. Ўқувчилар физиологияси ва гигиенаси Т., “Ўқитувчи”, 1992. 7. Содиқов Қ. Оилавий ҳаёт-гигиена ва жинсий тарбия “Ўқитувчи”, 1997. 8. Алматов К.Т. Улғайиш физиологияси. М.Улуғбек номидаги УзМУ босмахонаси. Т.2004. 9. Содиқов Б.А., Қучқарова Л.С., Қурбанов Ч.Қ. “Болалар ва ўсмирлар физиологияси ва гигиенаси”. Олий ўқув юртлари учун дарслик сифатида тавсия этилган. “Ўзбекистон Миллий Энциклопедияси” давлат илмий нашриёти. Т.: 2005 й. 10. Содиқов Қ. Болалар анатомияси ва физиологияси Т. Низомий номидаги ТДПУ нашриёти. 2001 й.

O'xshashlar

Halqa bilan bajariladigan mashqlar

O’rta asrlarda jismoniy tarbiya va sport

O’quvchilar sog’lom turmush tarzining fiziologik asoslari. Jismoniy mashqlar sog’lom turmush tarzining asosi sifatida

Jismoniy sifatlar rivojlanishining fiziologik mexanizmlari

Jismoniy tarbiya mashg’ulotlarida jismoniy yuklamalarni me’yorlashni fiziologik asoslash