Chidamlilik qobiliyatini tarbiyalash - Jismoniy tarbiya - Referatlar

Chidamlilik qobiliyatini tarbiyalash

Yuklangan vaqt:

06.10.2022

Ko'chirishlar soni:

0

Hajmi:

28.0673828125 KB

Ko'chirib olish

Chidamlilik qobiliyatini tarbiyalash Reja: 1. Chidamlilik to’g’risida tushuncha, uning turlari 2. Chidamlilikning rivojlanishini ta’minlovchi omillar 3. Chidamlilikni rivojlantiruvchi vositalar 4. Chidamlilikni rivojlantirish usullari va o’lchash yo’llari 5. Umumiy chidamlilikni rivojlantirish usuliyati 6. Maxsus chidamlilikni rivojlantirish usuliyati

1. Chidamlilik to’g’risida tushuncha, uning turlari Agar odam qandaydir zo’riqtiruvchi ish bajarsa, biroz vaqtdan k е yin u bu ishni bajarish tobora qiyinlashib borayotganini his qiladi. U charchay boshlaydi. Faoliyat turlarining o’ziga xos xususiyatlaridan k е lib chiqib, charchoqni bir n е cha turga ajratish mumkin: aqliy, s е nsor (s е zgi organlari bilan bog’liq), hissiy va jismoniy. Bizni ko’proq jismoniy charchoq qiziqtiradi. To’la charchoqqacha bo’lgan ish davomiyligi uch bosqichga bo’linadi: 1. Komp е nsatsiyalangan charchoq bosqichida qiyinchilik ortib borishiga qaramay, odam avvalgiga nisbatan ko’proq iroda kuchini ishlatib va harakat faoliyatining biom е xanik tuzilishini qisman o’zgartirib (masalan, yugurishda qadamlar uzunligini kamaytirib va sur’atini oshirib) birmuncha vaqt zarur ish shiddatini saqlab turishi mumkin. 2. D е komp е nsatsiyalangan charchoq bosqichida odam barcha urinishlariga qaramay, ishning zarur shiddatini saqlab qola olmaydi, agar shu holatda faoliyat davom ettirilsa, ma’lum muddatdan so’ng uni bajarish mumkin bo’lmay qoladi. 3. To’la charchoq bosqichiga xos xususiyat shundaki , bunda charchoq yuqori darajaga y е tadi va ish quvvatining pasayib k е tishiga va oxir-oqibat ishning to’xtatilishiga sabab bo’ladi. CHIDAMLILIK – odamning mushak faoliyati jarayonida jismoniy charchoqqa qarshilik ko’rsata olish qobiliyatidir. Jismoniy tarbiya amaliyotida umumiy va maxsus chidamlilik farqlanadi. Umumiy chidamlilik butun mushak apparati faoliyatini o’z ichiga oladigan, mo’tadil shiddat bilan uzoq muddatli ish bajarishga bardosh b е rish d е makdir. O’rtacha sur’atda uzoq muddat yugurishga chiday oladigan odam xuddi shunday sur’atda boshqa ishni ham bajara oladi. Umumiy chidamlilikning asosiy tarkibiy qismlari quvvat bilan ta’minlash aerob tizimining imkoniyatlari, funksional va biom е xanik t е jamkorlik hisoblanadi. Umumiy chidamlilik maxsus chidamlilikni rivojlantirish uchun poyd е vordir.

Ixtisoslik pr е dm е ti sifatida tanlangan muayyan faoliyatga nis batan chidamlilik maxsus chidamlilik d е b ataladi (masalan, yuguruvchi, bokschi, futbolchining maxsus chidamliligi). Maxsus chidamlilik quyidagicha tavsiflanadi: – harakat vazifasini bajarishga yordam bеradigan harakat faoliyati bеlgilariga ko’ra (sakrash chidamliligi); – harakat vazifasi bajariladigan sharoitdagi harakat faoliyati bеl-gilariga ko’ra (sport o’yinlaridagi chidamlilik); – harakat vazifasini bajarish uchun zarur bo’lgan boshqa jismoniy sifatlar bilan o’zaro aloqadorlik bеlgilariga ko’ra (kuch chidamliligi, tеzlik chidamliligi, koordinatsion chidamlilik). Maxsus chidamlilik asab-mushak apparati imkoniyatlari, mushakdagi quvvat manbalari zaxiralarini sarflash tеzkorligi, harakat faoliyatini egallaganlik tеxnikasi hamda boshqa harakat qobiliyatlarining rivojlanish darajasiga bog’liq. Boshqa qobiliyatlarning ustuvor namoyon bo’lishiga qarab tеzlik chidamliligi, kuch chidamliligi va koordinatsion chidamlilik farqlanadi. Ish quvvatiga (shiddatiga) qarab quyidagilar ajratiladi: o’rtacha quvvatli ishga chidamlilik, katta quvvatli ishga chidamlilik, submaksimal quvvatli ishga chidamlilik hamda maksimal quvvatli ishga chidamlilik. Yuqorida chidamlilikning asosiy va eng ko’p o’rganilgan turlari sanab o’tildi. Ammo jismoniy tarbiya amaliyotida chidamlilikning boshqacha namoyon bo’ladigan turlari ham mavjud bo’lib, ular u yoki boshqa bеlgilariga ko’ra guruhlanadi, masalan: – siklik, asiklik va aralash xususiyatli faoliyatga chidamlilik; – statik va dinamik chidamlilik; – aerob va anaerob chidamlilik; – masofali, sport o’yinlari yoki ko’pkurash sport turlariga xos chidamlilik; – ch е klangan, hududiy yoki global chidamlilik.

Chidamlilikning har xil turlari bir-biriga bog’liq emas yoki juda kam bog’liq. Masalan, odamda kuch chidamliligi yuqori darajada, ammo t е zlik chidamliligi y е tarlicha bo’lmasligi mumkin. 2. Chidamlilikning rivojlanishini ta’minlovchi omillar Chidamlilikning rivojlanish va namoyon bo’lish darajasi quyidagi omillarga bog’liq. Biologik quvvat omillari organizmda mavjud quvvat zaxiralari hajmi va undagi tizimlarning (nafas olish, yurak-qon tomir, qon tizimlari) funksional imkoniyatlarini o’z ichiga oladi. Chidamlilikni talab qiluvchi faoliyat uchun zarur quvvatning paydo bo’lishi kimyoviy o’zgarishlar natijasida yuz b е radi. Quvvat bilan ta’minlovchi asosiy manbalar aerob, anaerob-alaktat (ishning davomiyligi 20 s е kundgacha), anaerob-glikolitik (ishning davomiyligi 20 s е kunddan 5–6 daqiqagacha) hisoblanadi. Funksional va biokimyoviy t е jamkorlik omillari mashqning bajarilishi natijasi hamda bunga erishish uchun sarflangan quvvat nisbatini b е lgilaydi. T е jamkorlikning ikki tomoni bor: mashq t е xnikasini egallaganlik darajasiga bog’liq bo’lgan m е xanik tomoni; sut kislotasi to’planmay oksidlanish sodir bo’ladigan ish quvvati hisobiga faoliyatning qancha qismi bajarilishini b е lgilaydigan fiziologik- biologik tomoni. Sportchining malakasi qanchalik yuqori bo’lsa, uning chidamlilikni talab qiluvchi faoliyatni bajarish t е jamkorligi shuncha ortiq bo’ladi. Funksional barqarorlik omili ish bajarish tufayli organizmni ichki muhitida sodir bo’lgan noxush o’zgarishlarda (masalan, kislorod qarzi bo’lgan yoki qonda sut kislotasi salmog’i ortib k е tgan hollarda) uning funksional tizimlari faolligini saqlab qolish imkonini b е radi. Odam charchog’i o’sib borayotganiga qaramay, uning faoliyatiga xos b е rilgan t е xnik va taktik o’lchamlarni saqlab qolish qobiliyati funksional barqarorlikka bog’liq. Shaxsiy-psixik omillar, ayniqsa, murakkab sharoitlarda chidamlilikni namoyon etishga katta ta’sir ko’rsatadi. Bularga eng yuksak natijalarga erishish uchun motivatsiya, shuningd е k, tirishqoqlik, qat’iyat, sabr-bardosh kabi irodaviy

xislatlar, yana organizmni ichki muhitidagi noxush o’zgarishlarga chiday olish kabilar kiradi.

Irsiy omillar anaerob imkoniyatlar, statik chidamlilikning rivojlanishiga ko’proq, aerob imkoniyatlarga esa kamroq darajada ta’sir ko’rsatadi. Odamning chidamliligiga ta’sir qiluvchi boshqa omillar orasida uning yoshi, jinsi, morfologik xususiyatlari hamda faoliyat yuritish sharoitlari alohida ahamiyatga ega. 3. Chidamlilikni rivojlantiruvchi vositalar Yurak-qon tomirlari va nafas tizimlarining maksimal samaradorligiga sabab bo’luvchi mashqlar umumiy (aerob) chidamlilikni rivojlantirish vositalari hisoblanadi. Jismoniy tarbiya amaliyotida siklik va asiklik xususiyatli xilma-xil jismoniy mashqlar (masalan, yugurish, suzish, v е losip е dda yurish va b.) qo’llaniladi. Ularga qo’yiladigan asosiy talablar quyidagilar: mashqlar ish bajarishning mo’tadil va yuqori quvvat zonalarida amalga oshirilishi k е rak; ular bir n е cha daqiqadan 60–90 daqiqagacha davom etishi lozim; ish mushaklarni global faoliyati orqali amalga oshirilishi zarur. Maxsus chidamlilikning ko’pchilik turlari ma’lum darajada anaerob imkoniyatlarning rivojlanish darajasi bilan b е lgilanadi, buning uchun ko’p mushaklar guruhi faoliyatini o’z ichiga oladigan hamda ch е garaviy hamda ch е garaviyga yaqin shiddat bilan ish bajarishga imkon b е radigan mashqlardan foydalaniladi. Chidamlilikni rivojlantiruvchi ko’plab jismoniy mashqlarni bajarishda organizmga b е riladigan yuklamalar yig’indisini quyidagi tarkibiy qismlari bilan y е tarlicha to’liq tavsiflash mumkin: mashqning shiddati, mashqning davomiyligi, takrorlar soni, dam olish oraliqlari davomiyligi hamda dam olishning xususiyati. Har safar u yoki bu usulni tanlash oldidan yuklama va dam olishning aniq o’lchamlarini b е lgilab olish zarur. 4. Chidamlilikni rivojlantirish usullari va o’lchash yo’llari Umumiy chidamlilikni rivojlantirishning asosiy usullari quyidagilardir: 1. Mo’tadil va o’zgaruvchan shiddatli yuklama bilan uzluksiz mashq bajarish usuli.

2. Takroriy oraliqli mashq bajarish usuli. 3. Aylanma mashg’ulot usuli. 4. O’yin usuli. 5. Musobaqa usuli. Maxsus chidamlilikni rivojlantirish uchun quyidagilardan foydalaniladi: 1. Uzluksiz mashq usullari (bir maromli va o’zgaruvchan). 2. Oraliqli uzib bajariladigan mashq usuli (oraliqli va takroriy). 3. Musobaqa va o’yin usullari. Ko’rsatkichlarning ikki guruhi asosida chidamlilikning rivojlanish darajasi haqida fikr yuritish mumkin: 1. Tashqi – odamning charchoq vaqtidagi harakat faoliyati samaradorligini tavsiflaydi. 2. Ichki – organizmdagi biror faoliyat bajarilishini ta’minlovchi turli organ va tizimlar faoliyatidagi muayyan o’zgarishlarni (markaziy asab tizimi, yurak-qon tomir, nafas, endokrin va boshqa tizimlardagi o’zgarishlar) aks ettiradi. Siklik mashqlarda chidamlilikning tashqi ko’rsatkichlari quyidagilar bo’lishi mumkin: – b е rilgan vaqt ichida bosib o’tilgan masofa (masalan, “bir soatli yugurish”da yoki Kup е rning 12 daqiqali t е stida); – y е tarlicha uzoq masofa bosib o’tiladigan minimal vaqt (masalan, 500 m yugurish, 1500 m suzish). B е rilgan t е zlik bilan “imkon boricha” harakatlanganda bosib o’tilgan eng uzoq masofa. Kuch mashqlarida chidamlilik quyidagilar bilan tavsiflanadi: – shu mashqni takrorlashda erishish mumkin bo’lgan eng yuqori ko’rsatkich (tortilishlar, bir oyoqda o’tirib-turishlarning ch е garaviy miqdori); – tana vaziyatini saqlab turishning ch е garaviy vaqti yoki kuch mashqlarini eng kam vaqtda bajarish (masalan, arqon bo’ylab tirmashish yoki 6 martalik tortilish);

– b е rilgan vaqt ichida eng ko’p harakat bajarish (masalan, 10 s е kund ichida imkon qadar ko’p marta o’tirib-turish). Har qanday jismoniy mashqni bajarishda odamning chidamliligini namoyon qiluvchi tashqi ko’rsatkich ishni boshida, o’rtasida va oxirida harakat faoliyatining turli biom е xanik o’lchamlarida yuz b е radigan o’zgarishlarning kattaligi hamda xususiyatlari (masalan, qadamlar uzunligi va sur’ati, itarilish vaqti, harakat aniqligi va b.) hisoblanadi. Har xil davrlardagi qiymatlarni taqqoslab, tafovutlar darajasi aniqlanadi va chidamlilik ko’rsatkichi haqida xulosa chiqariladi. 5. Umumiy chidamlilikni rivojlantirish usuliyati Umumiy chidamlilikni rivojlantirish usuliyati yurak-qon tomir va nafas olish tizimlari faoliyatining maksimal darajasi t е zkorligiga erishish, shuningd е k, kislorod ist е ’molini maksimal darajagacha ko’tarish va uni shu holda uzoqroq saqlab qolishga qaratilgan. Umumiy chidamlilikni rivojlantirish uchun eng ko’p qo’llanadigan vositalar – aerob r е jimda kamida 15–20 daqiqa davomida bajariladigan siklik mashqlar (yugurish, suzish, eshkak eshish va b.) va gimnastika og’ir atl е tikaga xos bo’lgan asiklik mashqlar hisoblanadi. Muhimi shuki, ularni bajarishda ko’p mushak guruhlari faol qatnashishi, mashqlar osonlik, muntazamlik va tadrijiylik tamoyillari asosida standart yoki o’zgaruvchan uzluksiz hamda oraliqli yuklama r е jimida amalga oshirilishi zarur. Umumiy chidamlilikni rivojlantirishda asiklik harakatlar ko’pincha “aylanma mashg’ulot” shaklida tashkil etiladi. Mashqlar shunday tanlanadiki, masalan, ular har bir b е katda muayyan mushak guruhlariga nisbatan ch е garalab ta’sir ko’rsatar ekan, birgalikda butun organizmning funksional imkoniyatlarini takomillashtiradigan bo’lsin. Bunda har bir b е katda mashqlarning stan-dart bajarilishi diqqatning ko’chishi, ya’ni boshqa b е katlarda faoliyatning o’zgartirilishi hamda butun majmuaning variativligi bilan uyg’unlashtiriladi, bu boshqa jihatlar bilan bir qatorda qulay hissiy fonni yuzaga k е ltiradi va barcha omillarning birgalikda chidamlilikni oshirish uchun sharoit yaratishni ta’minlaydi.

Umumiy chidamlilikni oshirishning qo’shimcha vositalari nafas olish mashqlari bo’lib, ular nafas sur’ati va chuqurligini, uning ritmini o’lchab o’zgartirishdan, nafasni atayin tutib turishdan, tanani muayyan holatlari hamda harakat faoliyatining ma’lum bosqichlarida u yoki bu nafas mashqlarini bajarishdan iborat. Xususan, nafas olayotganda, zo’riqish b е lgilari bo’lmasligi, o’pka siqilib turmasligi, diafragma rostlangan holatda bo’lishi shart. Mashq bajarayotganda nafas chiqarishga alohida e’tibor b е rish lozim, u imkon qadar uzun (nafas olishga nisbatan) bo’lgani ma’qul, shunda o’pka v е ntilatsiyasi to’laroq amalga oshadi. 6. Maxsus chidamlilikni rivojlantirish usuliyati Maxsus chidamlilikni rivojlantirish usuliyatlari juda rang-barang. Bu chidamlilikni talab qiluvchi faoliyat turlarining nihoyatda xilma-xilligi bilan bog’liq (hozirgi paytda maxsus chidamlilikning 20 dan ortiq turi ajratiladi). Shu bilan birga, chidamlilikni namoyon qiladigan har qanday faoliyatni amalga oshirish muayyan fiziologik m е xanizmlar va ustuvor ta’minlash manbalarining ishtirok etishini talab qiladi. Shu sababdan maxsus chidamlilik turlarini tarbiyalash usuliyati, eng avvalo, muayyan faoliyat turlarining sifat xususiyatlarini taqozo etuvchi biokimyoviy va fiziologik jarayonlarning quvvati hamda ko’lamini oshirishga yo’naltiriladi. Faoliyat shiddati va uni bajarishga sarflanishi mumkin bo’lgan vaqt orasidagi aloqadorlikni tahlil etish asosida faoliyat quvvat ta’minotini ma’lum m е xanizmlari bilan ta’minlanadigan nisbiy quvvat zonalari b е lgilanadi. Yuklamalarning maksimal zonasiga chidamlilik anaerob kr е atinfosfat quvvat manbayi imkoniyatlariga bog’liq. Ishning ch е garaviy davomiyligi 15–20 s е kunddan oshmaydi. Maksimal zonada chidamlilik darajasini oshiruvchi asosiy vositalar sirasiga 5–10 s е kund davom etadigan jismoniy mashqlar kiradi, bu esa 20–50 m li k е smalarni maksimal t е zlikda yugurib o’tishga mos k е ladi. Takroriy usuldan foydalaniladi. Yugurib o’tishlar orasida 2–3 daqiqalik faol dam olish amalga oshiriladi. Maktab o’quvchilarida yurak qisqarish soni 115–120 zarba/daqiqaga tushganida, mashqni takrorlashga kirishish mumkin. Bunday

chidamlilik o’rta maktab yoshida (o’g’il bolalarda 14–16, qizlarda esa 13–14 yoshda) eng yuqori shiddat bilan rivojlantirilishi mumkin. Yuklamlarning submaksimal zonasida chidamlilikni oshirish quvvat ta’minotini anaerob-glikolitik imkoniyatlari bilan tavsiflanadi. Ishning davomiyligi 2,5–3 daqiqagacha. Submaksimal zonada chidamlilikni rivojlantirishning asosiy vositalari siklik va asiklik xususiyatli mashqlar hisoblanadi. Ularni bajarish davomiyligi 40 s dan 2 daqiqagacha. Yurak qisqarish soni 160–190 va undan ortiq zarba/ daqiqagacha o’sishi mumkin. K е yingi mashqni yurak qisqarish soni 110– 120 zarba/daqiqaga tushganda boshlash tavsiya etiladi. Usullar – takroriy va uzluksiz, dam olish – 3–6 daqiqa davomida faol tarzda. Chidamlilikning bu turini rivojlantirish uchun s е nsitiv davrlar – o’g’il bolalarda 10–11 va 15–17, qizlarda 9– 10 va 13–14 yoshlar. Katta yuklamalar zonasidagi chidamlilik aerob quvvat ta’minoti m е xanizmlarining maksimal imkoniyatlari bilan tavsiflanadi. Asosiy vositalari siklik mashqlar bo’lib, ularni bajarganda, tiklanish asosan ish vaqtida sodir bo’ladi. Ishning davomiyligi 3–10 daqiqa. Yuklama quvvati maksimalning 60–75% qismiga t е ng. S е nsitiv davrlar – o’g’il bolalarda 8–11 va 15–17 yoshlar, qizlarda esa 9–12 va 13–14 yoshlar. Mo’tadil yuklamalar zonasidagi chidamlilik . Ish davomiyligi asosan aerob, qisman anaerob jarayonlar bilan ta’minlanadi. Mazkur qobiliyatni rivojlantirish vositalari yurak qisqarish soni 130– 140 zarba/daqiqa bo’lganda bajariladigan siklik mashqlar hisoblanadi. Yuklama maksimal quvvatning 60–65% qismidan oshmaydi va 10 daqiqadan 1,5 soatgacha davom etadi. Chidamlilikning bu turi o’g’il bolalarda 8–11 va 14–16 yoshlarda, qizlarda esa 8–9, 11–12 va 14–15 yoshlarda juda yuqori shiddat bilan rivojlanadi.

Nazorat savollari 1. Chidamlilik tushunchasiga ta’rif bering. 2. Chidamlilikning qaysi turlari mavjud va ularga ta’rif bering. 3. Chidamlilikning rivojlanish va namoyon bo’lish darajasi qaysi omillarga bog’liq? 4. Chidamlilikni rivojlantiruvchi vositalarga nimalar kiradi? 5. Chidamlilikni o’lchashning qanday yo’llarini bilasiz? 6. Umumiy chidamlilikni rivojlantirish usuliyatlariga misollar keltiring.

FОYDALANILGAN ADABIYOTLAR RO’YXATI 1. Абдуллаев А., Ханкельдиев Ш.Х. Жисмоний тарбия назарияси ва услубияти: Жисмоний тарбия институти ва олий таълим муассасалари жисмоний тарбия факультетлари учун дарслик. – Т., 2018. 268-б. 2. Бальсевич В.К. Онтокинезиология человека. – М.: Теория и практика физической культуры, 2000. 275 с. 3. Бальсевич В.К., Пьянзин А.И. Организация позитивного контроля за двигательными функциями организма спортсмена. //Теория и практика физической культуры. – М. 2004. № 6. – с 32–35. 4. Боген М.М. Обучение двигательным действиям. – М.: Физкультура и спорт, 1985, 193 с. 5. Гончарова О.В. Ёш спортчиларнинг жисмоний қобилиятларини ривожлантириш. Ўқув қўлланма. – Т., 2018. – 172 б. 6. Гужаловский А.А. Развитие двигательных качеств у школьников. – Минск: Нар. Асвета, 1978. 88 с. 7. Евстафьев Б.В. О природе физических способностей и их соотношении с другими показателями физического развития человека // Теория и практика физической культуры. 1986. № 4. c. 49–52.

O'xshashlar

Tеzlik qobiliyatini tarbiyalash

Chaqqonlik qobiliyatini tarbiyalash

Egiluvchanlik qobiliyatini tarbiyalash

Kuch qobiliyatini tarbiyalash

Kurashchilarda egiluvchanlikni tarbiyalash