Transfert bahoni shakllantirish - Iqtisodiyot - Referatlar

Transfert bahoni shakllantirish

Yuklangan vaqt:

06.10.2022

Ko'chirishlar soni:

0

Hajmi:

1228 KB

Ko'chirib olish

Transfert bahoni shakllantirish Reja: 1. Makroiqtisod nuqtai nazaridan baholarni belgilash konsepsiyasi. Baho siyosatida transfert bahoning tutgan o’rni va mazmuni 2. Transfert bahoni aniqlash tartibi va tamoyillari. Maqsadga muvofiq holda ustamalar foizini aniqlash 3. Transfert bahoni belgilash usullari

Makroiqtisod nuqtai nazaridan baholarni belgilash konsepsiyasi. Baho siyosatida transfert bahoning tutgan o’rni va mazmuni Ishlab chiqarilayotgan mahsulot (ko’rsatilgan xizmat yoki bajarilgan ish) birligiga baho belgilashda foydalaniladigan ma’lumotlarning aksariyati buxgalteriya hisobi ma’lumotlari bazasiga to’g’ri keladi. Bu baholarni belgilash jarayonida buxgalteriya hisobi ma’lumotlarining naqadar ahamiyatli ekanligini ko’rsatadi. Buxgalteriya hisobi ana shu borada, eng avvalo, ishlab chiqarilayotgan mahsulot (ko’rsatilgan xizmat yoki bajarilgan ish) birligi tannarxi to’g’risida ma’lumot beradi, uning xarajatlari tarkibi qanchaligini ko’rsatadi. Bu ko’rsatkich – e’tirof etish joizki, baholarni belgilashda eng asosiy ko’rsatkich hisoblanadi. Tannarx, shuningdek, ishlab chiqarish xarajatlari to’g’risidagi ma’lumotlar mavjud bo’lgandan so’ng, xo’jalik yurituvchi subyekt rentabelligi nuqtai nazaridan kelib chiqib, mahsulotga (ishga, xizmatga) baho belgilash imkoniyati vujudga keladi. Ishlab chiqarilayotgan mahsulot (ko’rsatilgan xizmat yoki bajarilgan ish) birligiga nazariy jihatdan har tomonlama asoslangan baho belgilashni iqtisodiy nazariya fani o’rgatadi. Iqtisodiy nazariya fani baholarni belgilashga ta’sir qiladigan barcha ichki va tashqi omillarni, ichki va tashqi bozor unsurlarini, xuddi shunday mahsulot ishlab chiqaruvchilarning mintaqaviy holatlarini, raqobatni, bozordagi talab va taklif muvozanatini, bozorning aynan shu tovarga nisbatan to’yinganlik darajasini, xo’jalik yurituvchi subyektning bozordagi mavqei va shu kabi muhim omillarni hisobga olib, ular ta’sirida eng optimal tarzda baholarni belgilashni har tomonlama o’rgatadi. Shuningdek, bu fan baholarni belgilashning optimal variantini topish uchun turli xil uslublar va iqtisodiy-matematik modellardan foydalanish mexanizmlarini yoritib beradi. Har qanday xo’jalik yurituvchi subyekt misolida olib qaralganda, makroiqtisod nazariyasiga asosan amaliyotda ishlab chiqarilayotgan mahsulot (ko’rsatilgan xizmat yoki bajarilgan ish) birligiga baho belgilash uchun, yuqorida

ta’kidlanganidek, xarajatlar asos qilib olinadi (quyidagi chizmaga qarang). Aniqrog’i, baho belgilanayotgan bir dona mahsulotni ishlab chiqarishga ketgan xarajat aniqlanadi. Bunda ishlab chiqarishning “kritik nuqta”si topiladi va har qanday sharoitda ham bahoning eng kam miqdori ana shu nuqtadan pastga tushmasligi inobatga olinadi. Boshqaruv hisobining xarajatlarga bag’ishlangan mavzulari doirasida bir qator misollar bilan bu holatlar tahlil qilingan edi. Ana shu misollarni yanada davom ettirib, “kritik nuqta” tushunchasini quyida aniq raqamlar bilan ko’rib chiqish mumkin. Makroiqtisod nazariyasiga asosan baholarni belgilashga an’anaviy yondashish

hajmi (donada) Jami xarajatlar va jami daromadlarning egri chiziqli bog’lanishi

Marjinal daromad va marjinal harajatlar egri chizig’i Yuqorida keltirilgan grafik ma’lumotlaridan ham xulosa qilish mumkinki, ishlab chiqarilayotgan mahsulot (ko’rsatilgan xizmat yoki bajarilgan ish) birligiga baho belgilashda asos sifatida hamma vaqt ham tannarx, ya’ni, xarajatlar olingan. Shu borada jahon amaliyotida baho belgilash usuli sifatida juda keng va samarali qo’llanilib kelinadigani - “xarajatlar - plyus” usulidir. Xo’jalik yurituvchi subyektlarda boshqaruv hisobini tashkil qilish va muvaffaqiyatli yuritish uchun ham alohida e’tiborga olinadigan usul – “xarajatlar - plyus” usulidir. Shu bilan birgalikda e’tirof etish joizki, turli xil xo’jalik yurituvchi subyektlar o’z mahsulotlariga baho belgilash jarayonida aynan ana shu “xarajat” ko’rsatkichining ham turli elementlarini baza sifatida olib, unga nisbatan turli xil miqdordagi qo’shimchalarni (ustamalarni) qo’shish orqali bahoni belgilaydilar. Bu fikr-mulohazalarni quyidagi misolda ko’rib chiqish mumkin. Misol: Xarajat elementlari va ustamalar bo’yicha quyidagi ma’lumotlar keltirilgan: Xarajatlar bazasi miqd ori (so’ usta ma (foiz sotish bahosi (so’mda)

mda) da) 1 . To’g’ri shartli o’zgaruvchan xarajatlar 1000 120 2200 2 . To’g’ri shartli doimiy xarajatlar 500 3 . Jami to’g’ri harajatlar 1500 50 2250 4 . Egri xarajatlar 400 5 . Jami xarajatlar 1900 25 2375 Yuqori texnologiyalarni joriy qilish xarajatlari 80 Barcha xarajatlar 1980 15 2277 Mana shu misolda baho belgilash uchun xarajatlarning 4 ta elementi baza sifatida tanlab olingan. Transfert bahoni aniqlash tartibi va tamoyillari. Maqsadga muvofiq holda ustamalar foizini aniqlash Ma’lumki, ustamalar mahsulotga bo’lgan talab bilan bevosita bog’liq. Xo’jalik yurituvchi subyekt bozorda talab yuqori bo’lgan mahsulotga yuqori ustamalar qo’yishi mumkin. Shuningdek, ustamalar hajmiga talab elastikligi ham ta’sir qiladi, ya’ni talabning elastikligi mavjud bo’lmagan mahsulotlar uchun yuqori ustamalar qo’llaniladi. Bundan tashqari, intensiv raqobat sharoitida ustamalar hajmi kamayadi. Tovar seriyasi ichidagi maqsadli foizli ustamalar tahlil qilinayotgan mahsulotning aniq farqlarini ifodalash uchun ishlatilib, ushbu mahsulot sotilishining oldingi amaliyot tajribasidan, joriy raqobat o’rni va kelgusidagi taxminiy talabdan kelib chiqadi. Masalan, ayrim qimmatbaho, yaxshi turdagi tovarlarning sotuv hajmi past bo’lishiga qaramasdan, ularni sotish orqali yuqori foyda olish mumkin. Shu bilan birga bu turga kirmaydigan, yuqori

aylanmaga ega bo’lgan boshqa mahsulotlar sotuvidan esa past foyda olish hollari ham amaliyotda keng uchraydi. Mahsulotning sotish bahosi har qancha aniq va maqsadga muvofiq belgilangan bo’lishiga qaramasdan, har qanday xo’jalik yurituvchi subyekt amaliyotida bu baho vaqt o’tishi bilan bir necha marta o’zgarishi mumkin. Bu o’zgarish birinchi navbatda, xo’jalik yurituvchi subyektning mahsulot ishlab chiqarish quvvati o’zgarishi, turdosh xo’jalik yurituvchi subyektlar bilan raqobat darajasi va boshqa shu kabi omillar o’zgarishiga bog’liq bo’lib, bu omillarning har biri o’zgarishi natijasida mahsulot sotish bahosi ko’tarilishi yoki pasayishi mumkin. Ushbu omillarni hisobga olgan holdagi mahsulot bahosi potentsial xaridor tomonidan taklif etiladigan bahodan past darajada bo’lsa, o’z navbatida mahsulot bahosi birmuncha oshirilishi mumkin. Bu o’rinda, agar bahoni shakllantirishning “xarajatlar - plyus” formulasi yordamida olingan baho oxir-oqibat menejerlar tomonidan o’zgartirilsa, ushbu formuladan nima uchun foydalaniladi degan tabiiy savol kelib chiqadi. Ushbu savolga javob esa quyidagicha bo’ladi: mahsulot sotuv bahosini belgilash vaqtida bahoni “xarajatlar - plyus” usuli bo’yicha shakllantirish formulasi birlamchi bo’lib, dastlabki yaqinlashtirish o’rnida ishlatiladi. Bu muhim axborotni taqdim etuvchi maqsadli baho hisoblanib, shu bilan birga mahsulot sotish bahosi bo’yicha yakuniy qarorni qabul qilishda hisobga olinadigan yagona ma’lumot emas. Menejerlar bu ma’lumotda o’zlarining bozor hamda rejalashtirilayotgan bahoni shakklantirish strategiyasi to’g’risidagi bilimlaridan ham foydalanishlari lozim. “Xarajatlar - plyus” usulining kamchiliklari Ushbu usul asosida bahoni shakllantirishga qaratilgan asosiy tanqid bevosita shu bilan bog’liqki, bu o’rinda mahsulotga bo’lgan talab e’tiborga olinmaydi. Bu yerda baho xarajatlarga ustamalarni qo’shish yo’li bilan o’rnatiladi hamda bu holat mahsulot bahosi va talabi o’rtasidagi nisbatga bog’liq bo’lmasligi mumkin. O’rnatiladigan baho faqat xarajatlar hajmiga bog’liq deb hisoblanadi. Masalan, “xarajatlar - plyus” formulasidan kelib chiqib, mahsulotning bahosi 20 ming so’m belgilanganda 100 birlik mahsulotga talab bo’lishi mumkin, ammo mahsulotning

bahosi 25 ming so’m bo’lganda talab 80 birlikni tashkil etishi mumkin. Har bir sotilgan mahsulot birligining o’zgaruvchan xarajatlari 15 ming so’m bo’lishini taxmin qilgan holda 20 ming so’m bahoda mahsulotni sotishdan olinadigan foydaning umumiy hissasi 500 ming so’mga nisbatan bu ko’rsatgich 25 ming so’m bo’lganida foydaning umumiy hissasi 800 ming so’mga teng bo’lishi mumkin. Boshqacha qilib aytganda, “xarajatlar - plyus” usuli noto’g’ri yechimga olib kelishi mumkin. Quyida keltirilgan fikr 30 yil avval Bakster va Oksenfeldlarning ilmiy ishlarida ilgari surilgan bo’lib, unda bahoni shakllantirishning xuddi mana shu “xarajatlar - plyus” usulining asosiy kamchiligi ko’rsatib o’tilgan. Bu olimning ta’kidlashicha: “... Talabni aniq baholashning noqobilligi talabni belgilaydigan xarajatlar to’g’risida ma’lumot olish o’rnini egallay olmaydi. Agar talabning taxminiy baholari ma’lum ma’noda sinchkovlik bilan o’tkazilgan talabning baholash natijalari o’rnini bosishi mumkin bo’lsa, xarajatlar borasidagi axborot talab to’g’risida juda kam ma’lumot beradi”. Bahoni shakllantirishning “xarajatlar - plyus” formulasi - sotuvchini zararlardan himoya qiluvchi o’ziga xos sug’urta to’sig’i bo’lib xizmat qilishi ko’p bora ta’kidlanadi. Lekin bu dalil noto’g’ri bo’lib, ba’zan shunday sharoit bo’lishi mumkin, ya’ni xo’jalik yurituvchi subyekt o’z mahsulotiga ishlab chiqarish xarajatlaridan yuqori bo’lgan baho qo’ygan taqdirda ham mablag’larini yo’qotish ehtimoli bor. Bu holat shu bilan izohlanadiki, agar mahsulotga bo’lgan talab mahsulot birligiga doimiy xarajatlarni aniqlash uchun hisob-kitoblarda ishlatilgan faoliyat darajasiga nisbatan kamaysa, mahsulot sotishdan tushgan umumiy tushumlar umumiy doimiy xarajatlarni qoplash uchun etmasligi mumkin. “Xarajatlar - plyus” usuli faqat hamma xarajatlar hisobga olinganligi va mahsulot birligiga bo’lgan umumiy xarajatlar baholanganda sotish hajmi faoliyat darajasiga teng yoki yuqori bo’lgan sharoitida foyda kelitirishini kafolatlaydi. Mahsulot ishlab chiqarishga yo’naltirilgan barcha xarajatlar qisqa muddatli istiqbolda doimiy bo’lib, u 1 mln so’mni tashkil etishi mumkin bo’lgan quyidagi taxminiy vaziyatni ko’rib chiqamiz. Shu bilan birga faraz qilaylik, 10 birlik

mahsulot hajmi baholanishidan kelib chiqadigan mahsulot birligiga qilingan xarajatlar miqdori 100 ming so’mni tashkil etadi. “Xarajatlar - plyus” usuli asosida mahsulot sotish bahosi 130 ming so’m va ustamalar 30 foiz miqdorida belgilangan. Ammo amaldagi sotish hajmi 7 birlikka teng, sotishdan tushgan tushum faqat 910 ming so’mni tashkil etadi, umumiy xarajatlar esa, yuqorida qayd etilganidek, 1 mln. so’mni tashkil etgan. Bundan xulosa shuki, ushbu mahsulotga o’rnatilgan narx barcha xarajatlarni qoplasa ham 90 ming so’m miqdorida zarar keltiradi. “Xarajatlar - plyus” usulini amaliyotda qo’llash afzalliklari Agar ko’rib o’tilgan bahoni shakllantirish cheklovlari shunchalik aniq ko’rinib tursa, nima uchun bu usul amaliyotda keng qo’llaniladiq – degan tabiiy savol tug’iladi. Bu borada Bakster va Oksenfeld quyidagi izohni taklif etishadi: bu usul orqali xo’jalik yurituvchi subyekt necha xil turdagi mahsulot ishlab chiqarishidan qat’iy nazar, tashqi tomonidan haqiqatga yaqin bo’lgan narxlar yengil va juda tez tarzda o’rnatilishi mumkin. Bundan tashqari, bu usulda qo’llaniladigan hisob-kitoblarning ko’rinishi haqiqatda ham to’g’riga va amaliy ma’lumotlarga asoslanganga o’xshaydi. Natijada shu tarzda belgilangan baho boshqa usuldagi hisoblangan bahoga nisbatan asosli ko’rinishi mumkin. Buning hisobiga yuqori baho o’rnatganligi uchun tayziqqa uchrashi mumkin bo’lgan monopolist o’zini himoyalangan deb hisoblashi mumkin. Chunki u bahoni shakllantirishda “xarajatlar - plyus” usulini qo’llagan. Ushbu bahoni shakllantirish usulini keng targ’ib etilishining asosiy sabablaridan yana biri shuki, u xo’jalik yurituvchi subyektga aynan shu turdagi mahsulot uchun boshqa xo’jalik yurituvchi subyektlarning bahosini oldindan bashorat qilish imkonini beradi. Masalan, xo’jalik yurituvchi subyekt o’tgan yillarda 40 foizlik o’rtacha ustama belgilangan tarmoqda faoliyat yuritsa, uning raqobatchilari ham kelgusida o’z xarajatlariga 40 foizlik ustamani belgilashi mumkin. Tarmoqdagi barcha xo’jalik yurituvchi subyektlar bir xil darajadagi xarajatlar tarkibiga ega bo’lishini inobatga oladigan bo’lsak, baho diapazonini nisbatan aniq taxmin qilishi mumkin.

“Xarajatlar - plyus” usuli bo’yicha bahoni shakllantirishning kamchiligi shundaki, unda talab e’tiborga olinmaydi. Shuni e’tiborga olish kerakki, bu usulda hisoblangan dastlabki baho ma’lum tuzatishlarsiz kam qo’llaniladi. Yuqorida aytib o’tilganidek, u ko’tarilishi yoki pasayishi mahsulotga nisbatan mavjud bo’lgan buyurtma miqdorini, bozordagi raqobat hajmini, kelgusidagi sotish nuqtai nazardan konkret buyurtmachining muhimligini, shuningdek, buyurtmachilar bilan xo’jalik yurituvchi subyektning umumiy munosabatlari siyosatini hisobga olishi mumkin. Transfert bahoni shakllantirish siyosati Baho bo’yicha qarorlar qabul qilishda xarajatlar to’g’risidagi ma’lumot o’zgaruvchan ko’rsatgichlardan biri hisoblanadi. Oxirgi baho birinchi navbatda xo’jalik yurituvchi subyekt tomonidan o’tkaziladigan bahoni shakllantirish siyosatiga bog’liq bo’ladi. Bunday siyosat natijasida “qaymog’ini olish” bahosi yoki bozorga kirib borish bahosi tanlanishi mumkin. “ Qaymog’ini olish ” bahosi asosidagi siyosat – bu baho o’zgarishlariga nisbatan sezuvchan bo’lmagan bozor qismini ishlatishga bo’lgan urunishdir. Masalan, hali talab elastik bo’lmagan yangi mahsulot bilan bozorga chiqishning afzalligidan foydalanish uchun dastlabki davrda sotishning yuqori bahosini o’rnatish mumkin. Bunday siyosat tovar yoki xizmatlarning yangiligi samarasi yo’qolishidan so’ng, xarajatlarning kutilmaganda ko’tarilishi yoki talabning keskin pasayishi sharoitida qo’l kelishi mumkin. Bozor to’yingandan keyin mahsulotga o’rnatilgan baho xanuzgacha xizmat ko’rsatilmagan bozor qismini jalb qilish maqsadda pasaytirilishi mumkin. Bozorda turdosh mahsulotlar ko’p bo’lgan sharoitda “qaymog’ini olish” baho siyosati tavsiya etilmaydi. Bu o’rinda talab egri chizig’i elastik bo’ladi va turdosh mahsulotlar uchun raqobatchi belgilagan bahodan yuqori bo’lgan har qanday baho sotuvning keskin qisqarishiga olib keladi. Bahoni belgilashning bozorga kirib borish siyosati – mahsulotga dastlabki davrda past baho o’rnatish konsepsiyasiga asoslanib, bozorda yangi mahsulot turini tezda o’zlashtirilishini ta’minlash maqsadida amalga oshiriladi. Bunday siyosat bozorda turdosh mahsulotlar mavjud bo’lgan yoki bozorda ishni boshlash uchun qiyinchilik tug’dirmaydigan sharoitda to’liq mos keladi. Past baho mavjud

raqobatchilarni bu bozorga kirishga to’sqinlik kiladi va xo’jalik yurituvchi subyektning katta ulush olishiga imkon yaratadi. Agar mahsulot turi yangi bo’lib, iste’molchilar tomonidan talabga ega bo’lsa, bu siyosatni qo’llash mumkin. Odatda mahsulotlarga hos bo’lgan to’rt bosqichdan iborat hayotiy aylanmani ajratib ko’rsatish mumkin: boshlang’ich, o’sish, yetuklik va pasayish. Mahsulotni bozorga kirishining boshlang’ich bosqichida u haqda ko’pchilik bilmaydi va shuning uchun unga nisbatan talab kam bo’ladi. O’sish bosqichida reklama tadbirlari va iste’molchilarning bu tovar haqida ma’lumotga ega bo’lishi evaziga sotuv hajmi tez osha boshlaydi. Lekin, yetuklik davrida bu jarayon sustlashadi, chunki yangi iste’molchilarni jalb qilish salohiyati ma’lum ma’noda ishlatilgan bo’ladi. Pasayish bosqichida sotish hajmi kamayadi, mahsulot yangi va yanada takomillashgan ko’rinishdagilari bilan asta-sekin almashib boradi. Sayzerning fikricha, kelgusida qulayroq talabni ta’minlash uchun dastlabki bosqichda normal ishlab chiqarish shiroitida tahlil asosida o’rnatilgan bahoning nisbatan hisoblangan mohiyatini ko’tarishi yoki pasayishi orqali tajriba o’tkazish mumkin. Masalan, u chegaralangan ishlab chiqarish quvvati past bahoni o’rnatishga yo’l qo’ymasligi mumkin degan fikrni ilgari suradi. Demak, bunday sharoitda faoliyatning normal darajasida aniqlangan yanada yuqori birlamchi baho o’rnatilishi mumkin, lekin keyinchalik u quyidagi sharoitda pasayadi: (a) talabning baho elastikligi o’sganda va (b) qo’shimcha quvvatlar ishga tushganda. Aksincha, ishlab chiqarish quvvatiga chegara bo’lmagan sharoitda mahsulot sotish bahosi normal faoliyat sharoitida hisobkitoblardan kelib chiqargan past bo’lgan baho o’rnatilishi lozim. Sotish hajmining yanada o’sishi va raqobatchilarning sust ta’siri natijasidagi bunday baho xo’jalik yurituvchi subyektga bozorning katta qismini egallash va uzoq muddatli istiqbolda yuqori foyda olish imkoniyatlarini yaratishi mumkin. Yetuklik davrida xo’jalik yurituvchi subyekt sotishning joriy bahosi kelgusidagi hodisalarga qanday ta’sir o’tkazayotganligiga kam ahamiyat beradi va qisqa muddatli istiqbolda foydasi maksimal bo’ladigan sotish bahosini o’rnatadi.

Baholar bo’yicha qarorlar qabul qilishga ta’sir qiluvchi omillar Baholar bo‘yicha qarorlar qabul qilishga ta’sir qiluvchi barcha omillar ikkiga bo‘linadi 1. Bozorda aynan shu tovarga bo‘lgan umumiy talab; 2. Bozorda aynan shu turdagi boshqa kompaniyalarning tovari bor-yo‘qligi; 3. Ana shunday raqib tovarining sifati va bahosi; 4. qiziqtirishi:nima ko‘proq Xaridorlarni mahsulotning narxi past bo’lishi yoki tovar sifati yuqori bo‘lishi; 5. Bozordan boshqa shu turdagi mahsulotni siqib chiqarishTashqi omillar 1 1. Mahsulot tannarxi; 2. Uzoq muddatli kapital qo‘yilmalarni qoplash imkoniyati; 3. Mehnat va material sifati; 4. Ishlab chiqarish harajati darajasi; 5. Cheklangan resurslardan foydalanish darajasiIchki omillar 2

Transfert bahoni belgilash usullari Har qanday xo’jalik yurituvchi subyektda, ya’ni uning mulk shakli hamda faoliyat turidan (ishlab chiqarish, xizmat ko’rsatish yoki ish bajarishdan) qat’iy nazar, asosiy maqsad foyda olish bo’lar ekan, bu esa ana shu xo’jalik yurituvchi subyektda ishlab chiqarilayotgan mahsulotga qanday baho belgilanishiga bevosita bog’liqdir. Bir qarashda bu yerda hamma masala oddiydek ko’ringani bilan, xuddi mana shu bahoni belgilash juda jiddiy yondashuv va ma’lum miqdordagi maxsus iqtisodiy bilimlardan xabardor bo’lishni va ularni amaliyotga bog’lay olishni talab qiladi. Nima uchun shunday ekanligini quyida, ushbu savol doirasida ko’rib chiqamiz. Rivojlangan demokratik mamlakatlar amaliyotida xuddi mana shu sohada amaliyotda katta samara bilan qo’llanilib kelinayotgan va umum e’tirof etilgan 4 ta usul mavjud. Ularning mohiyatini har tomonlama o’rganish, iqtisodimizning turli tarmoqlarida faoliyat yuritayotgan xo’jalik yurituvchi subyektlarda ulardan samarali foydalanish mumkin degan xulosaga kelishga asos bo’ladi. Shu maqsadda ularning har birining iqtisodiy mohiyati va amaliyotda ishlash mexanizmini atroflicha tushunib olish maqsadga muvofiqdir.

Yuqorida qayd qilingan, ishlab chiqarilayotgan mahsulot birligiga baho belgilashning 4 ta usulidan dastlabkisi – baholar belgilashning o’zgaruvchan xarajatlar usulidir. Bu usul xo’jalik yurituvchi subyektda boshqaruv hisobini tashkil qilishning eng muhim boshlang’ich omillaridan biri bo’lib, xo’jalik yurituvchi subyekt rahbari o’zining kundalik amaliy faoliyatida juda tez-tez duch kelib turadigan usuldir. Bu usul rahbarga xaridorlar tomonidan taklif qilinayotgan baho hattoki uning tannarxidan past bo’lganda ham uni qayta hisoblab chiqib (xarajatlarning shartli doimiy va shartli o’zgaruvchan qismlarini tahlil qilish asosida), keyin xulosa qilishga o’rgatadi. Bu usulning amaliyotda ishlashi uchun ba’zi shart-sharoitlar bo’lishi talab qilinadi (chizmaga qarang). Transfert baholarni belgilash usullari 1 . O‘zgaruvchan harajatlar usuli 2 . Yalpi foyda usuli 3 . Sotish rentabelligi usuli 4 . Aktivlar rentabelligi usuli1 2 3 4

Ishlab chiqarilayotgan mahsulot (ko’rsatilgan xizmat yoki bajarilgan ish) birligiga baho belgilashning keyingi usuli bu – yalpi foyda usulidir. Bu usul xo’jalik yurituvchi subyekt rahbarining strategik qarorlar qabul qilishiga asos yaratadi. Olinishi mo’ljallanayotgan foyda miqdori uning amalga oshirmoqchi bo’layotgan rejalari uchun moddiy asos yarata oladimi – yo’qmi, yetarli bo’lmasa, qancha yetishmaydi, u miqdorni qaysi manbalar hisobidan topish mumkin, degan muhim savollarga operativ tarzda ma’lumotlar olishga imkon yaratadi. Bular esa o’z navbatida biznesning boshlanish davridayoq xo’jalik yurituvchi subyektni tashkil qilish va boshqarish, rivojlantirish strategiyasini to’g’ri belgilash kafolatini ta’minlaydi. Yalpi foyda usuli xo’jalik yurituvchi subyekt rahbarlariga makro va mikro darajada shu muhim ko’rsatkich bo’yicha tahliliy ishlarni amalga oshirish, foyda miqdorining o’rtacha tarmoq, hududiy va butun mamlakat bo’yicha taqqoslanishi, vujudga kelishi mumkin bo’lgan chetlanishlarni ko’rish hamda chetlanishlar sababini aniqlash, shuningdek, shu boradagi mavjud rezervlarni ishga solish variantlarini ishlab chiqish imkonini beradi. 1 . O ‘ zgaruvchan harajatlar usuli Bu usulda quyidagi ikkita shart albatta bajarilishi lozim Har bir ishlab chiqarilayotgan mahsulotga jalb qilingan aktivlar qiymati bir xilligi Har bir ishlab chiqarilayotgan mahsulotga to‘g‘ri keladigan o‘zgaruvchan harajatlar darajasi q olgan harajatlarga nisbatan bir xilligi1 2

Ishlab chiqarilayotgan mahsulot (ko’rsatilgan xizmat yoki bajarilgan ish) birligiga baho belgilashning sotish rentabelligi usuli har bir tadbirkor uchun raqobat kurashida o’zini tuta olish, maksimal foyda ko’rish imkoniyatlarini doimo ishga solish va faoliyat turi bo’yicha boshqalarga nisbatan yuqori natijalarga ega bo’lish imkonini yaratadi. Misol : Ishlab chiqarish imkoniyati deyarlik cheklanmagan va nisbatan bir xil sharoitda bo’lgan ikki ishlab chiqaruvchi bir xildagi piyolalarni bozorga turli xil narxlarda taklif qilayapdi. Faraz qilaylik, birinchi ishlab chiqaruvchida bir dona piyolaning ishlab chiqarish tannarxi 200 so’mni tashkil qilgan holda uni sotish bahosini 300 so’mga belgiladi va bir soatda bir dona piyola sotdi. Ikkinchi ishlab chiqaruvchi esa 200 so’m ishlab chiqarish tannarxi bo’lgan piyolaning sotish bahosini 270 so’mdan belgilab, bir soat davomida 3 dona piyola sotdi. Ko’rinib turibdiki, ikkinchi ishlab chiqaruvchi sotish bahosini past belgilagani bilan, bozorni yaxshi o’rganganligi, xaridorlarni baho orqali jalb qilish omillari hisobiga o’rtacha bir soatda birinchi ishlab chiqaruvchiga nisbatan 2 baravardan ortiq foyda olishga muvaffaq bo’lgan. Ishlab chiqarilayotgan mahsulot (ko’rsatilgan xizmat yoki bajarilgan ish) birligiga baho belgilashning yana bir usuli – aktivlar rentabelligi usulidir. Bu usulning o’ziga xos xususiyati shundaki – u xo’jalik yurituvchi subyekt rahbariga baholarni belgilashda asosiy vositalar va aylanma kapital aylanishi, yangilanish darajasi, yangilanish vaqti va miqdori bo’yicha aniq ma’lumotlar beradi. Xo’jalik yurituvchi subyekt rahbari va menejerlariga investitsiya muhiti, asosiy kapital yangilanishini inobatga olgan holda baholarni belgilash imkoniyatini yaratadi. Buning uchun rahbar yoki baholarni belgilash bo’yicha mas’ul xodimlar, albatta, kapital elementlari bo’yicha amortizatsiya hisoblash usullari, ulardan foydalanish, hisob siyosati kabi qator muhim iqtisodiy ko’rsatkichlar mohiyatini yaxshi bilishlari talab etiladi. Shu to’rtta usulning qo’llanishi bo’yicha misol:

Xo’jalik yurituvchi subyekt mol yetkazib beruvchilardan detallar sotib olib, avtomobil motorini yig’adi. Ishlab chiqarishning umumiy hajmi hisob davrida 14750 ta motorga teng bo’lgan. Bir dona mahsulotga bo’lgan xarajatlar esa shu davrda quyidagicha bo’lgan: Xarajatlar jami (so’mda) bir donasi (so’mda) 1. O’zgaruvchan ishlab chiqarish xarajatlari: a) to’g’ri material xarajatlar 88 500 6.00 b) to’g’ri ish haqi xarajatlari 66 375 4.50 v) o’zgaruvchan umumishlab chiqarish xarajatlari 44 250 3.00 JAMI O’ZGARUVCHAN XARAJATLAR 199 125 13.50 2. Doimiy ishlab chiqarish xarajatlari 154 875 10.50 3. Ma’muriy-boshqaruv va tijorat xarajatlari (MBTX) a) tijorat xarajatlari 73750 5.00 b) umumiy xarajatlar 36 875 2.50 v) ma’muriy-boshqaruv xarajatlari 22 125 1.50 JAMI MBTX 132 750 9.00 BARCHA XARAJATLAR (1 + 2 + 3) 486 750 33. 00 1. Hisobot yilida xarajatlarning o’zgarishi kutilmayapti. 2. Xo’jalik yurituvchi subyekt 110 625 so’mlik foyda olishni rejalashtirmoqda. 3. Xo’jalik yurituvchi subyekt aktivlarining umumiy miqdori 921 875 so’m. 4. Aktivlar rentabelligi shu holatda 12 foizni tashkil qiladi (110625 : 921875) x 100

Misoldan kelib chiqiladigan bo’lsa: 1. Ustama foizi = (110625 + 154875 + 132750) : 199125 = 200% 2. Bahosi = 13.50 + (13.50 x 200%) = 40.50 Baholarni belgilashning o‘zgaruvchan xarajatlar usuli O‘zgaruvchan xarajatlar asos sifatida qabul qilinib, shu bazaga nisbatan ustama foizi q o ‘ llaniladiMohiyati1 Hisoblash uchun ikkita formuladan foydalaniladi Ustama foizi Foyda ( )reja Doimiy umumishlab chiqarish xarajatlari Ma’muriy- boshqaruv va tijorat xarajatlari Jami o‘zgaruvchan xarajatlar2 Baho Bir dona mahsulotning o‘zgaruvchan xarajati3 Ustama foizi Bir dona mahsulotning o‘zgaruvchan xarajati+ + = = + X

Misoldan kelib chiqiladigan bo’lsa: 1. Ustama foizi = (110625 + 132750) : (199125 + 154875) = 68.75% 2. Bahosi = 13.50 + (24.0 x 68.75%) = 40.50 Baholarni belgilashning yalpi foyda usuli Bu usulda asos sifatida yalpi foyda (YaF) ko‘rsatkichi olinadi: YaF= sotish - tannarxMohiyati2 Hisoblash uchun ikkita formuladan foydalaniladi Ustama foizi Foyda )reja( Ma’muriy-boshqaruv va tijorat xarajatlari Jami o‘zgaruvchan xarajatlar2 Ba h o Bir dona mahsulotning to‘liq ishlab chiqarish tannarxi3 Ustama foizi Bir dona mahsulotning to‘liq ishlab chiqarish tannarxi+ = = + X

Misoldan kelib chi q iladigan bo’lsa: 1. Ustama foizi = 110625 : (199125 + 154875 +132750) = 22.73% 2. Bahosi = 13.50 + 10.50 + 9.00 + (33.0 x 22.73%) = 40.50 Sotuv rentabelligi usuli Bu usulda asos sifatida sotuv rentabelligi ( Sr) ko‘rsatkichi olinadi : Sr = Foyda : TannarxMohiyati3 Hisoblash uchun ikkita formuladan foydalaniladi Ustama foizi Foyda reja )( Jami xarajatlar1 Baho Bir dona maxsulotning to‘liq ishlab chiqarish tannarxi2 Ustama foizi Bir dona maxsulotning to‘liq ishlab chiqarish tannarxi= = + X

Misoldan kelib chiqiladigan bo’lsa: 1. Baho = 13.50 + 10.50 + 9.00 + {12% x (921875 : 14750)} = 40.50 Muammolar va vazifalar 1. Turli usullardan foydalanib baholarni aniqlash «BNM» fabrikasi uch turdagi mahsulotlar ishlab chiqaradi: paypoqlar; maykalar va koylaklar. Har bir mahsulot turlarini ishlab chiqarish bilan bog’liq bo’lgan xarajatlar to’g’risida quyidagi ma’lumotlar mavjud (1-jadval): 1-jadval Sarf-xarajatlar jami engil mashinalar yuk mashinalar furgon 1 Materiallar: xom ashyo 137 000 62 500 29 000 45 500 qo’shimcha materiallar 5 250 2 500 1 000 1 750 yordamchi materiallar 9 250 3 750 2 000 3 500 rang-bo’yoqlar 70 500 30 000 16 000 4 500 2 Mehnat xarajatlari kesish-bichish 53 750 22 500 12 000 19 250 tikish 94 000 42 500 20 000 31 50Aktiv rentabelligi usuli Bu usulda asos sifatida aktivlar rentabelligi (Sr) ko‘rsatkichi olinadi: Ar = Foyda : Aktivlar bahosiMohiyati4 Xisoblash uchun quyidagi formuladan foydalaniladi Bir dona maxsulotning tannarxi Ustama foiziJami aktivlar bahosi= + XRejadagi rentabellik darajasi

rang berish 107 500 45 000 24 000 38 500 yig’ish va joylashtirish 44 250 17 500 11 000 15 750 Bilvosita mehnat xarajati 173 000 77 500 36 000 59 500 Bevosita qo’shimcha sarflar 30 000 12 500 7 000 10 500 O’zgaruvchan ishlab chiqarish xarajtlari 90 500 40 000 19 000 31 500 Doimiy ishlab chiqarish xarajtlari 120 000 45% 25% 30% Tijorat xarajatlari 105 000 40% 20% 40% Marketing bo’yicha o’zgaruvchan xarajatlar 123 000 55 000 26 000 42 000 Marketing bo’yicha doimiy xarajatlar 85 400 40% 25% 35% Ma’muriy boshqaruv xarajatlari 47 600 40% 25% 35% Fabrika rahbariyati har bir mahsulot turidan eng kamida xarajatlar miqdoridan 30% hajmida foyda olishni rejalashtirgan. Sotish hajmi quyidagicha belgilangan: - paypoqlardan - 50 000 dona; - maykalardan - 20 000 dona; - koylaklardan - 35 000 dona. Zahira hajmi o’zgarmasdan qoladi. Talab qilinadi : Quyidagi usullardan foydalanib, har bir mahsulot turining sotish bahosini aniqlash lozim: a) yalpi foyda; b) sotuv rentabelligi. 2. Bir necha cheklovchi omillar ta’sirida ishlab chiqarilishi rejalashtirilayotgan mahsulotning eng optimal miqdorini aniqlashda “xarajatlar - plyus” usuli bo’yicha baholarni belgilash. Kichik xo’jalik yurituvchi subyekt ikki turdagi bolalar mahsulotini ishlab chiqarmoqda, bolalar uchun ko’ylakcha va kostyum. O’tgan hisobot yilida xo’jalik yurituvchi subyekt ana shu ikki xil mahsulot ishlab chiqarish va ularni sotishdan

700 ming so’m foyda olgan. Ayni paytda xo’jalik yurituvchi subyekt mutaxassislari kelgusi yil uchun reja ko’rsatkichlarini shakllantirmoqda. Quyidagi jadvalda ana shu rejalashtirilayotgan relevantly ko’rsatkichlardan ayrimlari keltirilgan: O’tgan yil bo’yicha haqiqiy erishilgan ko’rsatkichlar jadvali T .r. Ma’lumotlar Ishlab chiqarilgan va sotilgan mahsulotlar bo’yicha: Ko’ylakcha Kostyum 1 . Ishlab chiqarilgan va sotilgan, donada 50 000 110 000 2 . Har bir dona mahsulotning umumishlab chiqarish xarajatlari, ming so’mda 45 90 3 . Har bir dona mahsulotning sotish bahosi, ming so’mda 56 112 4 . Har bir dona mahsulotni ishlab chiqarish va sotish vaqti, soatda 2 1 5 . Mahsulotlarning maksimal bozor sig’imi, donada 75 000 130 000 Xo’jalik yurituvchi subyektning ana shu davrdagi shartli doimiy xarajatlari miqdori 1500 ming so’mni tashkil qilgan, hamda mahsulot turlari bo’yicha ishlab chiqarilgan mahsulotlarga sarflangan vaqtga nisbatan proporsional tarzda taqsimlangan. Xo’jalik yurituvchi subyekt rahbariyati ishlab chiqarish samaradorligini oshirishni maqsad qilgan. Buning uchun esa mavjud ishlab chiqarish quvvatlaridan maksimal tarzda foydalanish va mahsulotlarga baho belgilashning boshqa usullaridan foydalanmoqchi. Xo’jalik yurituvchi subyekt rahbariyatining talablaridan kelib chiqqan holda marketing bo’limi mutaxassislari, ishlab chiqarish quvvatlarini kelgusi yilda oshirish imkoniyatlari va bozordagi talab-taklif holatidan kelib chiqqan holda bahoni belgilash bo’yicha yana quyidagi ma’lumotlarni taqdim etishdi:

1. bozordagi talab qo’shimcha tarzda ko’ylakchalardan yana 25 000 dona,kostyumlardan 20 000 dona ishlab chiqarish va sotish imkonini yaratadi; 2. mahsulot turlari bo’yicha baho diapozoni: ko’ylakchalar uchun – 56- 60,kostyum uchun – 85-100; 3. shartli doimiy xarajatlar miqdori kelgusi yilda o’zgarmaydi. Xo’jalik yurituvchi subyekt rahbari uchun quyidagilarni hisoblab bering: a. Kelgusi yilda xo’jalik yurituvchi subyekt uchun maksimal tarzda foyda olish imkonini beradigan ishlab chiqarish rejasini; b. Yuqoridagi jadval ma’lumotlari asosida korxonadagi baho belgilash usulinitavsiflab bering. Xo’jalik yurituvchi subyekt mahsulotlari uchun kelgusi yilda baho qanchani tashkil qilishi maqsadga muvofiq? 3. Bozordagi “talab va taklif”dan kelib chiqqan holda ishlab chiqarilayotgan va sotishga mo’ljallangan mahsulotlarga eng past va eng optimal baholarni belgilash. Kichik xo’jalik yurituvchi subyekt konditsionerlar ishlab chiqarmoqda. Ayni paytda xo’jalik yurituvchi subyekt rahbarlari o’z mahsulotlarining doimiy va asosiy xaridori bilan yanada munosabatlarini mustahkamlash maqsadida bahoni yanada pasaytirishni reja qilmoqda. Har bir konditsionerning komponentlari jami 3 ta sexda ishlab chiqariladi va 4-yig’uv sexida tayyor mahsulot holiga keltirilgan. Doimiy va asosiy xaridor har yili xo’jalik yurituvchi subyektdan 350 dona konditsioner sotib oladi. Quyidagi jadvalda ana shu ishlab chiqarilayotgan konditsionerlar bo’yicha me’yoriy ko’rsatkichlar keltirilgan: O’tgan yil bo’yicha haqiqiy erishilgan ko’rsatkichlar jadvali (ming so’mda) T t .r. Ma’lumotlar Ishlab chiqarilgan va sotilgan mahsulotlar hajmi – 350 dona 1-sex 2-sex 3-sex 4-sex 1 . Materiallar va ehtiyoj qismlar, bir donaga 52,0 33,0 1,0 5,0 2 . Bevosita mehnat xarajatlari, bir donaga 3,5 2,8 1,5 2,1

3 . Boshqa o’zgaruvchan ustama xarajatlar, bir donaga 1,1 1,7 2,5 0,7 4 . Boshqa doimiy ustama xarajatlar, bir donaga 5,0 4,0 2,8 1,6 Jami 61,6 41,5 7,8 9,4 350 dona konditsionerni har bir sexda sinab ko’rish va to’liq holga keltirish 18,0 11,0 7,0 Xo’jalik yurituvchi subyekt rahbari uchun quyidagilarni hisoblab bering: a. Kelgusi yilda yana 350 dona mahsulot ishlab chiqarib, uni asosiy xaridorga eng past bo’lgan qaysi bahoda sotish mumkinligini; b. Yuqoridagi jadval ma’lumotlari asosida xo’jalik yurituvchi subyektda bahobelgilashning qaysi usulidan foydalanish lozimligini asoslab bering. Xo’jalik yurituvchi subyekt mahsulotlari uchun kelgusi yilda baho qanchani tashkil qilishi maqsadga muvofiq? v. Xo’jalik yurituvchi subyekt rahbari kelgusi yili yana bir yangi mahsulotni, ya’ni kir yuvish mashinalarini ishlab chiqarib, uni bozorga taklif qilmoqchi. Bu mahsulotni ishlab chiqarish bo’yicha mutaxassislar qo’shimcha tarzda quyidagi ma’lumotlarni taqdim etishdi: bir dona kir yuvish mashinasini ishlab chiqarish bo’yicha shartli o’zgaruvchan xarajatlar 42 ming so’m va shartli doimiy xarajatlat 11 ming so’m. Xo’jalik yurituvchi subyektning marketing xizmati xodimlari bozorni o’rganib, quyidagi ma’lumotlarni taqdim etishdi: Bir dona kir yuvish mashinasining sotish bahosi, ming so’mda 75,0 70,0 65,0 58,0 Bozordagi talab, donaga 10 000 12 500 14 800 20 000 Ayni paytda xo’jalik yurituvchi subyektning mavjud ishlab chiqarish quvvatlari bir yilda 11 000 dona kir yuvish mashinasini ishlab chiqarish imkonini

beradi. Lekin, shu bilan birga, agar xo’jalik yurituvchi subyekt kir yuvish mashinasini ishlab chiqarmasdan sotib oladigan bo’lsa, unga xaridordan quyidagi taklif mavjud: 10 ming donagacha sotib olsa, har bir donasini 50 ming so’mdan, agar 11 ming donadan ko’p sotib olsa, har bir donasini 47 ming so’mdan. Ana shu holatda xo’jalik yurituvchi subyekt eng maksimal miqdorda foyda olish uchun qahday qaror qabul qilishi kerak? Xo’jalik yurituvchi subyekt rahbariga ishlab chiqarish quvvatlaridan eng samarali foydalanish bo’yicha aniq xulosa tayyorlab bering. 4. Xo’jalik yurituvchi subyekt ishlab chiqarayotgan mahsulotlarga “xarajatlar plyus” usulidan foydalanib sotish bahosini belgilash. Xo’jalik yurituvchi subyekt ikki xildagi konditer mahsulotlarini ishlab chiqaradi, A va B. Ana shu ikki xil mahsulotlar ikkita sexda ishlab chiqilib, xo’jalik yurituvchi subyekt boshqa xil mahsulot ishlab chiqarmaydi. Xo’jalik yurituvchi subyektda mahsulotlar zahirasi yo’q. Xo’jalik yurituvchi subyektning yillik shartli doimiy xarajatlari miqdori (texnik xizmat ko’rsatish va ma’muriy boshqaruv xarajatlari bilan birgalikda) 18 mln. so’mga teng. Ana shu shartli doimiy xarajatlar summasi ishlab chiqarilayotgan mahsulot turlari tannarxiga, ularning egallab turgan ishlab chiqarishdagi band bo’lgan maydonlari miqdoriga qarab, proporsional tarzda taqsimlanadi. Xo’jalik yurituvchi subyekt ishlab chiqarayotgan har ikki mahsulotga ham 25 foiz ustama qo’yadi. Xo’jalik yurituvchi subyekt kelgusi yil uchun quyidagi ko’rsatkichlarni xarajatlar smetasiga kiritmoqda: a. Ma’lumotlar “A” mahsuloti “B” mahsuloti Ishlab chiqarish quvvati, donada 300 000 150 000 Xarajatlari 220 000 115 000 b. Ma’lumotlar “A” mahsulotini “B” mahsulotini Ombor Texnik xizmat Ma’muriy boshqaruv

ishlab chiqaruvchi sex ishlab chiqaruvchi sex ko’rsatish bo’limi (TXK) apparati (MBA) 1. Xarajatlar, mln. so’mda: - materiallar 2,4 1,1 0,1 0,1 - boshqa o’zgaruvchan xarajatlar 1,1 0,8 0,2 0,3 0,3 - ombor 85 60 - TKX xarajatlari 70 40 30 - MBA xarajatlari 60 45 30 15 2. Maydoni, m 2 900 700 350 250 Talab qilinadi: Xo’jalik yurituvchi subyekt rahbari uchun quyidagilarni: a. har bir mahsulot turning sotish bahosini hisoblab bering; b. yuqoridagi jadval ma’lumotlari asosida, hamda quyidagi takliflardan kelibchiqib, xo’jalik yurituvchi subyekt ishlab chiqarish quvvatlaridan qay tarzda foydalanayotganligi va uning samarasini yanada oshirish bo’yicha rahbarga har tomonlama asoslangan xulosa tayyorlang: - yangi xaridorlardan “B” mahsulotidan yiliga 3 000 donadan sotib olmoqchiligito’g’risida, lekin, sotib olish bahosi xo’jalik yurituvchi subyekt biznes rejasidagidan 5 foizga kam; - boshqa bir xaridorlardan aynan “B” mahsulotidan yiliga 40 000 donadan va xaridbahosini xo’jalik yurituvchi subyektning ana shu “B” mahsulotini ishlab chiqarish bilan bog’liq bo’lgan to’liq ishlab chiqarish xarajatlari plyus 10 foiz ustama miqdorida. 5. Tannarxni hisoblash va baholarni aniqlash «AV» tekstil fabrikasi ayollar kiyimini ishlab chiqaradi. Tekstil fabrikaning yil davomidagi faoliyati to’g’risida quyidagicha ma’lumotlar mavjud: - o’zgaruvchan ishlab chiqarish xarajatlari 1 530 000 - doimiy ishlab chiqarish xarajatlari 54

0 000 - tijorat xarajatlari 36 0 000 - ma’muriy-boshqaruv xarajatlari 20 2 500 - ko’zda tutilayotgan foyda miqdori 33 7 500 Shu yili tekstil fabrikasi ishlab chiqarayotgan ayollar kiyimiga bo’lgan talab 450 ming donani tashkil qilishi hisob-kitob qilingan. Talab qilinadi: 1. Bir dona mahsulotning loyihalashtirilayotgan tannarxini hisoblab topish. 2. Quyidagi usullardan foydalanib, mahsulot bahosini hisoblab bering: a) yalpi foyda usuli; b) sotuv rentabelligi. 6. Ko’rsatilayotgan xizmat bohosini aniqlash «VS» xo’jalik yurituvchi subyekti yirik shoxli mollardagi kasalliklarni tekshirish va ularni emlash-da’volash bilan shug’ullanadi. Ana shunday tekshirishlar eng kamida bir yilda bir marta o’tkazilishi lozim. Yil davomida sodir etilishi rejalashtirilayotgan xarajatlar to’g’risida quyidagi ma’lumotlar mavjud: - to’g’ri mehnat xarajatlari 425 000 - o’zgaruvchan ishlab chiqarish xarajatlari 350 000 - doimiy ishlab chiqarish xarajatlari 237 500 - marketing xarajatlari 162 500 - ma’muriy-boshqaruv xarajatlari 137 500 - ko’zda tutilayotgan foyda miqdori 125 000 - foydalanilayotgan aktivlar miqdori 781 250 Shu yili xo’jalik yurituvchi subyekt 125 ming bosh qoramolni tekshirishdan o’tkazishlari va emlashlari mumkin. Aktivlarning o’rtacha rentabelligi – 16 foiz. Talab qilinadi: 1. Bir dona qoramolni tekshirish-emlash xarajatlari tannarxini hisoblab bering.

2. Quyidagi usullardan foydalanib, tekshirish-emlash bahosini hisoblab bering: a) yalpi foyda usuli; b) sotuv rentabelligi. Vaziyatli masala «O’tkir» OTAJ mebellar ishlab chiqaradi. Mebellarning bahosi, ularning turlariga qarab 10 ming so’mdan 250 ming so’mgacha. Oxirgi o’n yillar davomida aksiyadorlik jamiyati mebellarning bahosini belgilashda ishlab chiqarish tannarxi miqdoriga 20 foiz ustama qo’yish tamoyiliga asoslanib kelmoqda. Xususan, yaqindagina ishlab chiqarilgan mebellarga baho belgilash quyidagicha amalga oshirilgan: - to’g’ri material xarajatlari 5 000 - to’g’ri mehnat xarajatlari 8 000 - umumishlab chiqarish xarajatlari 2 000 jami xarajatlar summasi 1 5 000 20 foiz ustama 3 000 sotish bahosi 1 8 000 Mabodo, xaridorlarni baho qanoatlantirmasa, u holda direktor mebel bahosini 5 foizgacha kamaytirishga ruxsat bergan. Shu holda ustamaning miqdori mos ravishda 15 foizni tashkil qiladi. Aksiyadorlik jamiyatining menejeri baholar va boholarni belgilash bo’yicha maxsus tashkil qilingan malaka oshirish kurslarida qatnashib, marjinal foyda usulini yaxshi o’rganib qaytdi. Menejer, mana shu marjinal usulning ishlab chiqarilayotgan mebellarga baho belgilashda amaldagi usulga qaraganda ancha afzal va samarali bo’lishi mumkinligini sezdi. Sarf-xarajatlar byudjetida umumishlab chiqarish xarajatlari miqdori 150 ming so’mni tashkil qilib, uning 90 ming so’mi doimiy va 60 ming so’mi o’zgaruvchan umumishlab chiqarish xarajatlaridir. Talab qilinadi:

1. Faraz qilaylik, aksiyadorlik jamiyati ishlab chiqarib taklif qilayotgan mebeliga bo’lgan har ikkala narxni ham xaridor qabul qilmadi, ya’ni mebel 18 ming so’mga ham, 15 750 (5 foiz chegirma) so’mga ham sotilmayapti. Xaridor 15 ming so’m bahoni taklif qilayapti. a) menejer marjinal usuldan foydalanib belgilashi mumkin bo’lgan eng past sotuvbahosi qancha so’m bo’ladi? b) ana shu eng past sotuv bahosini xaridor qabul qilsa, u holda foyda summasiqanchani tashkil qiladi? 2. Direktorning mebelga sotuv bahosini belgilash usuliga qaraganda menejer tavsiya qilayotgan marjinal usulning nima afzalliklari bor? Bahoni belgilashda marjinal usulning qanday kamchiliklari bor?

Adabiyotlar ro’yxati : 1. «O‘zbekiston Respublikasida tadbirkorlik to‘g‘risida»gi Qonun. – T., 15.02. 1991. 2. O‘zbekiston Respublikasining “Buxgalteriya hisobi to‘g‘risida”gi Qonuni – Toshkent: O‘zbekiston Respublikasi Oliy Majlisining axborotnomasi, 2000 yil, 5-6 – son. 3. Bobojonov O., Junaniyozov K. “Boshqaruv hisobi” darslik – T., TDIU, 2005 y., 368 bet. 4. Gudushauri G.V., Litvak B.G. Upravleniye sovremennim predpriyatiyem. – M.: EKMOS, 1998. 5. Druker P. Strategicheskoye upravleniye predpriyatiyem. – M.: Delo, 2000. 6. Zabelin P.V., Moiseyeva N.K. Osnovi strategicheskogo upravleniya. – M.: Informatsionno-vnedrencheskiy sentr «Marketing», 1998. 7. Kratko I.G. Mejdunarodnoye predprinimatelstvo: Uchebnoye posobiye. – M.: INFRA-M, 2001, 272 b.

O'xshashlar

Transfert bahoni shakllantirish

Sanoat ishlab chiqarishida baho va bahoni shakllantirish

Personalni shakllantirish

Boshqaruv hisobini tashkil etishning amaliy jihatlari

Budjetlashtirish va xarajatlarni nazorat qilish