Счётлар тизими ва иккиёклама ёзув - Iqtisodiyot - Referatlar

Счётлар тизими ва иккиёклама ёзув

Yuklangan vaqt:

08.10.2023

Ko'chirishlar soni:

0

Hajmi:

184 KB

Ko'chirib olish

Счётлар тизими ва иккиёклама ёзув Режа: 1. Счётлар тўғрисида тушунча, уларнинг аҳамияти, таркибий тузилиши ва элементлари 2. Бухгалтерия ҳисоби счётларини очиш, юритиш ва ёпиш тартиби 3. Бухгалтерия ҳисоби счётларининг таснифи ва тавсифи

СЧЁТЛАР ТЎҒРИСИДА ТУШУНЧА, УЛАРНИНГ АҲАМИЯТИ, ТАРКИБИЙ ТУЗИЛИШИ ВА ЭЛЕМЕНТЛАРИ Корхона активлари ва уларнинг манбалари ҳолати ҳамда ҳаракатини акс эттириш учун бухгалтерия ҳисобида «счётлар» деб ном олган усул қўлланилади. Счётлар - бу корхона активлари, хусусий капитали, мажбуриятлари, даромад, харажат, фойда ва зарарларини ҳисобот давридаги ҳолати (бошланғич ва охирги), шунингдек уларнинг шу даврдаги ҳаракати (кўпайиши ва камайиши) тўғрисидаги маълумотларни пул ифодасида акс эттириш усули. Бухгалтерия ҳисобида унинг ҳар бир объектини акс эттириш учун алоҳида счётлар кўзда тутилади. Ҳар бир счёт ўзининг тартиб рақамига ва аниқ номига эга бўлади. Одатда, счётнинг номи объектнинг номи билан бир ҳил бўлади. Мисол учун, асосий воситаларни акс эттириш учун айнан шундай номдаги № 0100, кассадаги пул маблағларини акс эттириш учун «Кассадаги пул маблағлари» номли № 5000 - счёт ва бошқа шу каби счётлар кўзда тутилади. Барча қўлланиладиган счётларнинг тартиб рақамлари ва аниқ номлари махсус счётлар режасида ўз аксини топади. Бухгалтерия ҳисоби счётларининг тузилиши ва юритилиши. Амалиётда бухгалтерия ҳисоби счётлари китоблар, журналлар, мемориал-ордерлар, ведомостлар, карточкалар кўринишида қўлда ёки замонавий компьютерларнинг экранларида юритилади. Ушбу ҳужжатлар бухгалтерия ҳисоби счётларининг регистрлари ҳисобланади. Регистрлар кўринишида юритиладиган бухгалтерия ҳисоби счётлари ёзувларни тартиб билан тизимлаш учун икки томонга ажратилади - чап ва ўнг томонларга. Счётларнинг чап томони «дебет», ўнг томони эса - «кредит» деб аталади. Ҳар бир счёт ички томондан тўртта элементни ўз ичига олади: • Бош қолдиқ -бу счёт бўйича ҳисобот даври бошидаги қолдиқ сумма. Бухгалтерлар тилида уни « бош сальдо » ҳам деб атайдилар. • Дебет оборот - бу счётнинг дебет тарафига ёзилган суммаларнинг

йиғиндиси. Актив счётларда ушбу оборот ҳисобот даврида счётнинг бош қолдиғи суммасини жами қанчага кўпайганлигини билдиради, пассив счётларда эса - ҳисобот даврида счётнинг бош қолдиғи суммасини жами қанчага камайганлигини билдиради. • Кредит оборот - бу счётнинг кредит тарафига ёзилган суммаларнинг йиғиндиси. Актив счётларда ушбу оборот ҳисобот даврида счётнинг бош қолдиғи суммасини жами қанчага камайганлигини билдиради, пассив счётларда эса - ҳисобот даврида счётнинг бош қолдиғи суммасини жами қанчага кўпайганлигини билдиради. • Охирги қолдиқ - бу счёт бўйича ҳисобот даври охиридги қолдиқ сумма. Бухгалтерлар тилида уни «охирги сальдо» ҳам деб атайдилар. Шундай қилиб, бухгалтерия ҳисоби счётларини график кўринишда қуйидагича ифодалаш мумкин. АКТИВ СЧЁТ ПАССИВ СЧЁТ

Охирги қолдиқ (С2) Актив ва пассив счётларда давр охиридаги қолдиқ сумма қуйидаги математик алгортмлар ёрдамида топилади: Актив счётларда Пассив счётлар Оқ = Бқ + До - Ко Оқ = Бқ + Ко - До БУХГАЛТЕРИЯ ҲИСОБИ СЧЁТЛАРИНИ ОЧИШ, ЮРИТИШ ВА ЁПИШ ТАРТИБИ Бухгалтерия ҳисоби счётлари, одатда, ҳисобот даврнинг бошига очилади, ҳисобот давр давомида уларга ёзувлар ўтқазиб борилади ва ҳисобот даврининг охирида ёпилади. Счётларнинг очилиши деганда уларнинг бош қолдиғини мос равишда дебет ва кредитда кўрсатиш тушунилади. Счётларга ёзиш деганда юз берган операция суммасини уларнинг дебет ва кредит томонларида акс эттириш тушунилади. Счётларнинг ёпилиши деганда уларнинг дебет ва кредит оборотлари суммаларини ҳисоблаш ва охирги қолдиқ суммаларини топиш тушунилади. БУХГАЛТЕРИЯ ҲИСОБИ СЧЁТЛАРИНИНГ ТАСНИФИ ВА ТАВСИФИ Бухгалтерия ҳисобида қўлланиладиган счётлар қуйидаги белгилари бўйича таснифланади.

Бухгалтерия ҳисоби счётларини таснифлаш асослари Доимийлигига кўра бухгалтерия ҳисоби счётлари доимий ва транзит счётларга бўлинади. Доимий счётлар деганда ҳисобот даврининг охирида қолдиққа эга бўладиган ва бухгалтерия балансида акс эттириладиган активлар, хусусий капитал ва мажбуриятларни ҳисобга олишга мўлжалланган счётлар тушунилади. Транзит счётлар деганда ҳисобот даврида корхонанинг даромад ва харажатларини ҳисобга олиш учун қўлланилиб, ҳисобот даврининг охирида ёпилиб кетадиган ва қолдиққа эга бўлмайдиган счётлар тушунилади. Баланс томонларида жойлашишига кўра бухгалтерия ҳисоби счётлари актив, контрактив, пассив, контрпассив счётларга бўлинади. Актив счётлар - корхона активларини акс эттиришга мулжалланган счётлар. Пассив счётлар - корхона активларини ташкил топиш манбаларини кўрсатувчи хусусий капитал ва мажбуриятларни акс эттиришга мулжалланган счётлар. Контрактив счётлар - корхона активларининг соф қийматини топишда чегириб ташланадиган суммаларни акс эттиришга мўлжалланган счётлар. Контрпассив счётлар - корхонанинг хусусий капитали ва мажбуриятларининг соф қийматини топишда чегириб ташланадиган суммаларни акс эттиришга мўлжалланган счётлар. Балансга суммаси киритилишига кўра бухгалтерия ҳисоби счётлари баланс ва балансдан ташқари счётларга бўлинади. Баланс счётлари -бу қолдиқлари балансга киритиладиган счётлар. Активлар, мажбуриятлар ва хусусий капитални акс эттиришга мўлжалланган барча счётлар баланс счётлари ҳисобланади. Балансдан ташқари счётлар - корхонада вақтинчалик сақланаётган, фойдаланилаётган, лекинда унга тегишли бўлмаганлиги учун балансга

киритиб бўлмайдиган активларни, шартли ҳуқуқ ва мажбуриятларни акс эттиришга мўлжалланган счётлар. Маълумотларни жамлаш даражасига кўра бухгалтерия ҳисоби счётлари синтетик ва аналитик счётларга бўлинади. Синтетик счётлар - бу маълумотларни фақат пул ифодасида қайд этиб ва жамлаб берувчи счётлар. Улар асосида юритиладиган ҳисоб синтетик ҳисоб деб аталади. 21- сон БҲМСда кўрсатилган барча счётлар синтетик счётлар ҳисобланади. Демак, давлат томонидан фақат синтетик счётлар регламентлаштирилади. Аналитик счётлар - бу маълумотларни турли батафсилликларда ва турли ўлчов бирликларида қайд этиб ва жамлаб берувчи счётлар . Ушбу счётлар асосида юритиладиган ҳисоб аналитик ҳисоб деб аталади. Аналитик счётлар корхоналар томонидан мустақил равишда очилади ва юритилади. Аналитик счётлар суммаларининг йиғиндиси синтетик счет суммасига тенг бўлиши лозим. Масалан, корхонанинг № 6010 «Таъминотчилар ва пудратчиларга тўланадиган счётлар» синтетик счётида акс эттирилган жами қарзларининг суммаси ушбу счётга очилган аналитик счётлар (ушбу ҳолда алоҳида таъминотчилар)нинг қарзлари суммалари йиғиндисидан иборат бўлиши керак. БУХГАЛТЕРИЯ ҲИСОБИ СЧЁТЛАРИНИ ДАВЛАТ ТОМОНИДАН ТАРТИБГА СОЛИШНИНГ ЗАРУРАТИ ВА АҲАМИЯТИ Счётлар режаси - бу корхоналар, ташкилотлар ва муассасаларнинг молиявий хўжалик фаолиятини бухгалтерия ҳисобида акс эттиришда қўлланиладиган счётларнинг тартиблаштирилган тизими. Ўзбекистон Республикасида счётлар режаси ва уни қўллаш бўйича йўриқнома давлат аҳамиятига молик меъерий хужжат ҳисобланади. Ушбу меъёрий ҳужжатни ишлаб чиқиш ва жорий қилиш Молия Вазирлигига юклатилган.

Бухгалтерия ҳисоби счётларини давлат томонидан тартибга солишнинг заруратлари 1. Бухгалтерия ҳисоби предмети ва уни ташкил қилувчи объектларнинг мазмун ва моҳиятини барча корхоналар учун яхлитлиги, яъни бир хиллиги. 2. Республикамизда бухгалтерия ҳисоби тўғрисида қонуннинг ҳамма учун яхлитлиги. 1. Бухгалтерия ҳисоби маълумотларини қайд этиш, гуруҳлаш, жамлаш тартиби ва технологиясининг бир хиллиги. 3. Ҳисобот шакллари ва уларнинг тўлғазилишининг ҳамма учун бир хиллиги ва уни яхлит ҳолда давлат томонидан тартибга солиниши. 4. Счётларнинг бевосита баланс ва ҳисоботнинг аниқ моддалари билан узвий боғлиқлигининг ҳамма учун бир хиллиги. 5. Счётларнинг тартиб рақами ва номларини барча фойдаланувчилар учун бир хилликда фойдаланишнинг осонлиги. 6. Бухгалтерия ҳисоби бўйича кадрларни универсал тарзда, яъни кенг тармоқ ва соҳалар учун тайёрлаш зарурати. Бухгалтерия ҳисоби счётларини давлат томонидан тартибга солишнинг аҳамияти 1. Бухгалтерия ҳисоби предмети ва уни ташкил қилувчи объектларнинг мазмун ва моҳиятини барча корхоналарда яхлит, яъни бир хил талқин этилишини таъминлайди. 2. Республикамизда бухгалтерия ҳисоби тўғрисида қонуннинг барча корхоналарда яхлит тарзда жорий этилишини таъминлайди. 3. Бухгалтерия ҳисоби маълумотларини қайд этиш, гуруҳлаш, жамлаш тартиби ва технологиясининг бир хил тарзда жорий этилишини таъминлайди 4. Ҳисобот шакллари ва уларнинг тўлғазилишининг ҳамма учун бир хил тартибда амалга оширилишини таъминлайди. 5. Счётларнинг бевосита баланс ва ҳисоботнинг аниқ моддалари билан узвий боғлиқлигини ҳамда уларнинг реаллигини таъминлайди. 6. Счётларнинг тартиб рақами ва номларини барча фойдаланувчилар

учун бир хилликда фойдаланиш имконини беради. 7. Бухгалтерия ҳисоби бўйича кадрларни универсал тарзда, яъни кенг тармоқ ва соҳалар учун тайёрлаш имконини беради. БУХГАЛТЕРИЯ ҲИСОБИ СЧЁТЛАРИ РЕЖАСИНИНГ ТУРЛАРИ Республикамизда учта турдаги счётлар режаси амал қилади. № Счётлар режасининг номи 1 Хўжалик юритувчи субъектлар молиявий хўжалик фаолияти бухгалтерия ҳисоби счётлар режаси ва уни қўллаш бўйича йўриқнома (21-сон БҲМС) 2 Банклар ва кредит уюшмалари молиявий хўжалик фаолияти бухгалтерия ҳисоби счётлар режаси 3 Бюджет ташкилотлари молиявий хўжалик фаолияти бухгалтерия ҳисоби счётлар режаси Ушбу счётлар режалари бир томондан бир-бирига ўхшаш жиҳатларга эга. Бундай ўхшаш жиҳатлар бўлиб қуйидагилар ҳисобланади: 1. Мақсади бўйича барча счётлар режаси ҳисоб маълумотларини ягона пул бирлигида ифода этувчи счётларни олади. 2. Барча счётлар режаси корхона ва ташкилотларда ҳисоб объектларини акс эттиришга мўлжалланган счётларни ўз ичига олади. 3. Барча счётлар режаларида счётлар актив ва пассив, контр-актив ва контр-пассив, доимий ва вақтинчалик, баланс ва балансдан ташқари счётларга бўлинади. 4. Ҳисоб объектлари мазмун ва моҳияти бир хил бўлганлиги учун кўпчилик счётларнинг номлари бир-бирига ўхшаш бўлади. Шуинг билан бирга юқоридаги учта счётлар режаси бир-биридан фойдаланувчи субъектлари, бу субъектларнинг мақсадлари, тартиб рақамлари, разрядлари, номлари ва бошқа жиҳатлари билан фарқ қилади.

Фарқ қиладиган белгилари 21-сон БҲМС Бюджет ташкилотлари счётлар режаси Банк ва кредит уюшмалари счётлар режаси 1.Қўлланиладиган субъектлар Барча хўжалик юри- тувчи субъектлар (завод ва фабрика-лар, фермер хўжа-ликлари, савдо, транспорт, қурилиш, хизмат кўрсатиш корхоналари ва бошқалар) Бюджет ташкилот лари (мактаблар, коллежлар, институтлар, университетлар, шифохоналар, ҳарбий қисмлар ва бошқалар) Банклар, Кредит уюшмалари 2.Счётларнинг разрядлари 4 хонали сонлардан иборат 3 хонали сонлардан иборат 5 хонали сонлардан иборат 3.Тартиб рақамлари Ўзига хос Ўзига хос Ўзига хос 4.Номлари Ўзига хос Ўзига хос Ўзига хос 5.Таркибий қисми Ўзига хос Ўзига хос Ўзига хос ХЎЖАЛИК ЮРИТУВЧИ СУБЪЕКТЛАР МОЛИЯВИЙ- ХЎЖАЛИК ФАОЛИЯТИ БУХГАЛТЕРИЯ ҲИСОБИ СЧЁТЛАР РЕЖАСИ (21-СОН БҲМС) НИНГ МАЗМУНИ ВА ТАРКИБИЙ ТУЗИЛИШИ «Хўжалик юритувчи субъектлар молиявий-хўжалик фаолияти бухгалтерия ҳисобининг счётлари режаси ва уни қўллаш бўйича йўриқнома» Молия Вазирлиги томонидан махсус 21- сонли БҲМС сифатида биринчи марта 2000 йил 30 мартда 37- сон буйруқ билан тасдиқланди. 2002 йил 9 сентябрда 103-сон буйруқ билан Молия Вазирлиги ушбу БХМС ни янги таҳрирда қайта тасдиқлади, Ўзбекистон Республикаси Адлия Вазирлиги томонидан 2002 йил 23 октябрда 1181 - сон тартиб рақами билан рўйхатдан ўтди. 21- сон БХМС сифатида тасдиқланган счётлар режаси олтита қисм, ўнта бўлимдан иборат, у ўз ичига 208 та баланс счетларини, 40 та

молиявий натижалар ҳисоботини тузишга мўлжалланган счётларни ва 14 та балансдан ташқари счётларни олади. Счётлар режасида бухгалтерия ҳисоби счётлари молиявий ҳисоботнинг шакллари бўлган бухгалтерия баланси ва молиявий натижалар тўғрисида ҳисоботнинг таркибий элементларига мос равишда қуйидаги қисм ва бўлимларга ажратилган. 21- сон БХМС га мувофиқ счётлар режасининг таркибий тузилиши Қисмларнинг номи Бўлимларнинг номи Счётларнинг серияси I. Узоқ муддатли активлар 1.Асосий воситалар, номоддий активлар ва бошқа узоқ муддатли активлар 0100 - 0900 II. Жорий активлар 2.Товар-моддий захиралар 3.Келгуси давр харажатлари ва муддати узайтирилган харажатлар -жорий қисми. 4.Олинадиган счетлар 5. Пул маблағлари, қисқа муддатли инвестициялар ва бошқа жорий активлар 1000 - 2900 3000 - 39 4000 - 49 5000 - 5900 III. Мажбуриятлар 6.Жорий мажбуриятлар 7.Узоқ муддатли мажбуриятлар 6000 - 6900 7000 - 7900 IY. Хусусий капитал 8.Капитал, фойда ва резервлар 8000 -8900 Y .Молиявий натижаларни шаклланиши ва ишлатилиши 9.Даромадлар ва харажатлар 9000 -9900 YI .Балансдан ташқари счётлар 001- 014

КОРХОНАЛАР БУХГАЛТЕРИЯ ҲИСОБИ ИШЧИ СЧЕТЛАРИ РЕЖАСИ Корхоналар бухгалтерия ҳисоби ишчи счетлари режаси – бу айнан битта олинган корхонада унинг хусусиятларидан келиб чиқиб, ишлаб чиқилган счётлар режасидир. Унда 21- сон БХМСдан фарқли ўлароқ қўшимча счётлар очилади, кераксиз ва ишлатилмайдиган счётлар ундан чиқариб ташланади . Мисол учун, туристик-меҳмонхона хўжаликлари кўрсатаётган хизматлар турлари таннархига кирувчи харажатлар ҳисоби учун ўзларининг ишчи счётлар режасида қуйидаги счётларни очишлари мумкин: 2010 «Туристик хизматлар харажатлари»; 2020 «Меҳмонхона хизматлари харажатлари. Худди шундай феремер хўжаликлари ишчи счётлари режасида ҳам етиштирилаётган қишлоқ хўжалик маҳсулотлари алоҳида турлари бўйича махсу счётлар, масалан 2010 «Ўсимчилик харажатлари», 2020 «Чорвачилик харажатлари» каби счётларни кўзда тутишлари мумкин. Ярим тайёр маҳсулотлар, яроқсиз маҳсулотлар каби мулк турлари умуман бўлмайдиган корхоналар ушбу активлар ҳисобини юритишга мўлжалланмаган счётларни ўзларининг ишчи счётлар режаларида назарда тутмасликлари ҳам мумкин. Ишчи счетлари режаси корхона ҳисоб сиёсатининг муҳим таркибий элементи сифатида раҳбар томонидан тасдиқланади ва қўлланилади. 1. СЧЁТЛАРГА ИККИ ЁҚЛАМА ЁЗУВ ТЎҒРИСИДА ТУШУНЧА, УНИНГ МОҲИЯТИ ВА АҲАМИЯТИ Бухгалтерия ҳисобининг бошқа ҳисоб турларидан фарқ қиладиган жиҳатларидан бири шундаки, юз берган операциянинг суммаси унда икки марта, яъни бир счетнинг дебетига, бошқа бир счетнинг кредитига ёзилади. Бундай ёзувга икки ёқлама ёзув усули деб аталади. Счётларга икки ёқлама ёзувни, бошқачасига, бухгалтерия ёзуви, бухгалтерия ўтказмаси деб ҳам атайдилар. Счётларга икки ёқлама ёзув тушунчасини адабиётларга биринчи бўлиб киритган олим сифатида Лука Пачоли тан олинади. Айнан битта суммани

счётларга икки марта ёзиш пастулат (қоида) сифатида шу олим томонидан эътироф этилган. Бухгалтерия ҳисоби счетларига икки ёқлама ёзув катта назорат аҳамиятига эга. Унда, бир томондан балансдан ташқари барча счетларнинг ўзаро алоқалари, счетларнинг оборот ва қолдиқ суммаларини тенглиги, пировардида счетларнинг бухгалтерия баланси билан узвий боғлиқлиги ёрқин намоён бўлади. 2. БУХГАЛТЕРИЯ ҲИСОБИ СЧЁТЛАРИГА ЁЗУВЛАРНИНГ ТУРЛАРИ Бухгалтерия ўтқазмалари оддий ва мураккаб турларга бўлинади. Оддий бухгалтерия ўтказмаси деганда иккита счет шундан бири дебетланган ва бошқаси кредитланган айтилади. Мураккаб ўтказмалар - бу уч ва ундан кўп счетлар қатнашиб тузилган ўтқазмаларга айтилади. Бундай ўтқазмаларда битта счет дебетланиб, икки ва ундан кўп бошқа счетлар кредитланади ёки шунинг тескариси бўлади. Бухгалтерия ўтказмаларини турли усулларда бериш мумкин: горизонтал, вертикал, счетлар схемаси кўринишида. Горизонтал усул асосан оддий бухгалтерия ўтқазмаларини беришда қўлланилади ва тахминан қуйидаги кўринишга эга бўлади: Вертикал усул оддий ва мураккаб бухгалтерия қўлланилади ва қуйидаги кўринишда берилади:

Амалиётдаги счетларнинг ҳисоб регистрларида бухгалтерия ўтказмалари қўлланилади. Счетлар схемаси усулида юқоридаги бухгалтерия қуйидагича акс эттирилади: Бухгалтерия ўтқазмаларини беришда қуйидаги кетма-кетликга амал қилиниши лозим. 1.Юз берган операциянинг мазмунига кўра унда қатнашган счетлар аниқланади. 2.Операцияда қатнашаётган счетларнинг актив ёки пассив счетлар эканлиги аниқланади. 3.Актив ва пассив счетларда кўпайиш ва камайишларни уларнинг қайси тарафида акс эттирилиши тартибига кўра уларнинг бири дебетланади, иккинчиси эса кредитланади. Юқоридаги келтирилган бухгалтерия ўтқазмаларига шарҳ:

1.Таъминотчидан 1000000 сумлик материаллар келиб тушган, операцияда 1010 «Материаллар» ва 6010 «Таъминотчилар ва пудратчиларга тўланадиган счетлар» счетлари қатнашади. 1010 счет актив, унда кўпайиш юз бераяпти. Демак, ушбу счет дебетланади. 6010 счет пассив счет ҳисобланади, унда ҳам кўпайиш юз бераяпти. Демак ушбу счет кредитланади. 2.Таъсисчилардан уларнинг ҳиссаси сифатида 300000 сумлик материаллар келиб тушди. Операцияда 1010 «Материаллар» ва 4610 «Таъсисчиларнинг устав капиталига бадаллари бўйича қарзлари» счетлари қатнашади. 1010 счет актив, унда кўпайиш юз бераяпти. Демак, ушбу счет дебетланади. 4610 счет ҳам актив счет ҳисобланади, унда камайиш юз бераяпти. Демак ушбу счет кредитланади. 3.500000 сумлик тайёр маҳсулот материаллар счетига ўтқазилди. Операцияда 1010 «Материаллар» ва 2810 «Тайёр маҳсулотлар» счетлари қатнашади. 1010 счет актив, унда кўпайиш юз бераяпти. Демак, ушбу счет дебетланади. 2810 счет ҳам счет ҳисобланади, унда камайиш юз бераяпти. Демак ушбу счет кредитланади.

Адабиётлар : 1. Бакиева Х., Ризаев Н. Бухгалтерия хисоби назарияси. Укув кулланма. -Т.: Иктисод-молия, 2008 2. Каримов А., Исломов Ф., Авлокулов А. Бухгалтерия хисоби. Дарслик. -Т.: Шарк, 2004. 3. Пардаев А.Х., Пардаев Б.Х. Бошкарув хисоби. Укув кулланма. - Т.: Г.Еулом номидаги адабиѐт ва санъат нашриѐти, 2008. 4. Сатывалдыева Д.А. Бухгалтерский учет. Учебник. -Т.: IQTISODIYOT . 2015 г. 580 с. 5. Хамдамов Б.К., Исломов Ф.Р., Авлокулов А.З. Молиявий хисобот. Укув кулланма. - Т.: ―ИКТИСОД-МОЛИЯ‖, 2008. 7. Дусмуратов Р. Кишлок хужалигида бухгалтерия хисоби ва статистика асослари. -Т: Фан ва технология‖, 2014. 8. Жураев Н., Абдувохидов Ф., Сотиволдиева Д. Молиявий ва бошкарув хисоби. Дарслик (лотин алифбосида). -Т.: 2012 й. 480 б. 9. Холбеков Р.О. Бухгалтерия хисоби назарияси (лотин алифбосида). -Т.: Чулпон номидаги нашриѐт-матбаа ижодий уйи, 2011 й. 200 б.

O'xshashlar

Бухгалтерия баланси, счётлар ва иккиёқлама ёзув

Янги счётлар режаси ва унинг тавсифи

Бухгалтерия ҳисоби фанининг предмети ва методи

Молиявий хисоботлар тавсифи.счетлар режаси

Бухгалтерия ҳисобининг счетлари ва икки ёқлама ёзув