Расмий ва норасмий кабулда утказиш коидалари (туризм) - Iqtisodiyot - Referatlar

Расмий ва норасмий кабулда утказиш коидалари (туризм)

Yuklangan vaqt:

20.11.2023

Ko'chirishlar soni:

0

Hajmi:

21.8486328125 KB

Ko'chirib olish

Расмий ва норасмий кабулда утказиш коидалари Режа: 1.Расмий қабуллар турлари ва уларни ўтказиш тартиби. 2.Норасмий қабуллар ўтказиш қоидалари. 3.Норасмий қабулларда кийиниш маданияти. 4.Тақдимот такдими ўтказиш тартиби.

Расмий қабуллар ўтказиш қоидалари. Расмий қабуллар одатда йирик кўргазмалар, конференциялар очилиши ва савдо шартномалари имзолаш даврларида уюштирилади. Расмий қабул ташкил этиш режалаштирилган бўлса, у қайси шаклда бўлишдан қатъи назар алоҳида тайёргарликни талаб қилади. Аввал қабул тури аниқланади, сўнгра тадбирни ўтказишдан кўзланган мақсад, ўтказиладиган жойи, меҳмонлар рўйхати, таклифномаларни тарқатиш тартиби, столлар жойлашуви режаси, уларни жиҳозлаш, нутқлар ва хизмат кўрсатиш масалалари билан шугулланилади. Қабул байрам кунлари ўтказилмайди. Меҳмонларга 1-2 ҳафта олдин таклифнома жўнатилади. Таклифнома типографик усулида тайёрланади. Олдин ҳар бир таклиф этилувчига огзаки маслаҳат солиб кўрилади, рози бўлса таклифнома жўнатилади. Катта эътиборни меҳмонларнинг жойлашувига қаратиш зарур. Бу масалада ҳар бир меҳмоннинг хизмат ва ижтимоий ҳолатини қаттиқ назарда тутиш лозим. Уларнинг столдаги жойларини ҳисобга олиш зарур. Меҳмонларнинг столга жойлаштириш тартиби қуйидагича: Энг эътиборли меҳмон уй бекасининг ўнг томонига, энг эътиборли меҳмоннинг оиласи уй эгасининг ўнг томонига жойлашади. Қолганлари лавозими, ёши бўйича битта эркак битта аёл тарзида жойлашадилар. Умуман расмий ёки уйдаги барча қабулларда иштирок этишда ўзини тутишнинг асосий қоидаларига амал қилиш қуйидагича: Эркаклар : оёқни алмаштириб ўтирмайди, шимни пайпоқ даражасидан юқорига кўтармайди; Аёллар : ўтирганда кўйлак ва юбкани кўтармайди, паст креслога ўтирганда оёқни алмаштирмайди. Тиззани бир-бирига жуфтлаган ҳолатда бир томонга қаратиб, оёқни бир жойда ушлаб туради. Қабулнинг бош қоидаларидан бири, бу аниқлик, нафақат ўз вақтида келиш, балки чиройли, ўз вақтида кузатилиши ҳамдир.

Қабул даврида барча меҳмонлар учун қизиқарли бўлган воқеа ва ҳодисалар ҳақида гап олиб бориш керак. Иложи борича иш юзасидан суҳбатлашув, тортишувларидан йироқ бўлишига ҳаракат қилиш лозим. Музокара давомида ёки у якунлангандан сўнг меҳмонларни тушлик ёки кечки овқатга таклиф этиш яхши одат. Барча мамлакатларда яхши одат аниқликнинг белгиси ҳисобланади. Қабулга 15 дақиқагача кечикиб келишга рухсат этилади. Ўндан узоқ вақт кеч қолиб кетиш ўта қўпол ҳурматсизлик ҳисобланади. Агар кечикиб келишга узрли сабаб бўлса, олдиндан огоҳлантириб қўйилади, кечирим сўралади. Муддатдан олдин келиш ҳам яхши одат эмас, мезбонларни ноқулай ҳолатга тушириб қўйиши мумкин. Н орасмий қабуллар ўтказиш қоидалари. Норасмий қабулларга иш юзасидан ўтказиладиган нонушталар, кундузги ва кечки қабуллар киради. Нонушта одатда соат 8:00 га белгиланади ва бир-бир ярим соат давом этади. Стол олдиндан тузатилади. Нонуштада сок, мевалар, творог, пишлоқ, колбаса, ёг, нон, чой ёки кофе тановул қилинади. Кундузги қабуллар икки ҳил бўлади. Биринчиси, одатда тадбир ўтказиладиган бинода соат 12:00 да меҳмонлар жўнаб кетиши олдидан ўтказилади. Тадбир 1 соатга давом этади. Ичимлик ва тамаддиларни официант келтиради. Бакални 2/3 қисмигача тўлдирилган шампан виноси тортилади, ундан сўнг кофе ёки чой, печенье ёки конфет билан биргаликда тортилади. Иккинчи нонушта «ланч» дейилади, соат 12:00 ва 14:00 оралигида ўтказилади. «Ланч» вақтида тамадди ва асосий овқат тортилади. «Ланчдан» олдин меҳмонларга ичимликлар таклиф этилади. Кечки қабулларга коктейл, фуршет, расмий тушлик, чой, журфикс киради. Коктейл давомида енгил газаки ва спиртли ичимлик тортилади. Фуршет французча «санчқида» деган маънони англатади. Меҳмонларни ясатилган стол атрофига ўтказмайдилар, ҳр ким ўз хоҳишига кўра ликопча ва

қадаҳини тўлдириб, залда бемалол айланиб юриши мумкин. Фуршет таомномаси бир қанча совуқ ва иссиқ газаклар, ширинлик ва кофедан иборат бўлади. Таомлар катта лаганларга солинади. Унинг ёнига овқатни ликопчаларга солиш анжомалари қўйилади. Стол марказида ичимлик, қадаҳ ва пиёлалар туради. Ликопча ва санчқилар стол четига қўйилади. Иссиқ овқат, чой, кофе ва ширинликларни официантлар патнисда тарқатишади. «Журфикс» норасмий қабулларнинг бир тури ҳисобланиб, юқори амалдор шахсларнинг хотинларини куз ва қиш ойларида ҳафтанинг аниқ бир кунининг, маълум соатида ташкил этиладиган тадбирдир. Тадбирга таклифнома мавсум бошида жўнатилади ва доимий равишда мавсум тугагунча қадар давом этади. Одатда, тадбир томоша ва адабиёт кечалари тариқасида ўтказилади. Журфиксни уй бекаси томонидан хўжайиннинг хотинини шарофатига ўтказиладиган тадбир ҳисобласа бўлади, агар олдиндан келишилган бўлса, эркакларни хам таклиф этиш мумкин. Норасмий қабулларга кийиниш қоидалари. Эркаклар кундузги норасмий қабулларга коктейл ёки нонушта бўлса ялтироқ бўлмаган ҳар қандай костюм кийиши мумкин. Соат 20:00 дан кейин бошланадиган тунги сеансларга тўқ қора костюм кийишни тавсия қилади. Ҳар қандай қабулларга оқ кўйлак кийиши ва ялтироқ бўлмаган галстук тақиш мумкин. Қора галстук фақат мотам белгиси сифатида тақилади. Рангли ва трикотаж куйлакларга галстук тақиш рухсат этилмайди. Пайпоқни қора ёки жигар ранглисини кийишга маслаҳат берилади, энг қулай оёқ кийим-қора рангли чарм туфлидир. Ёзда рангли костюм-шимларга мос рангли туфли кийиш мумкин. Фақат смокингга локланган туфли кийилади. Шляпани ёз ойларида ранглисини, қиш ойларида тўқ қорасини кийиш тавсия этилади. Аёллар эрталабки ва кундузги қабулларда шойи ёки жун материалларидан тайёрланган ўртача узунликдаги кўйлак ёки кўйлак-костюм кийиши мумкин. Ўзи билан чарм ёки замшдан тайёрланган сумка олиш тавсия этилади. Тунги қабулларда ўта очиқ ва чиройли ўртача узунликдаги кўйлак кийиш мумкин. Сумка шойи ёки ялтироқ парчадан бўлиши керак.

Туфли чарм ёки замш бўлиши мумкин, ўта кўп тақинчоқлар тақишга маслаҳат берилмайди. Тақдимот тақдими. Презентация (тақдимот) - бугун жуда урф бўлган тадбир. Маълум бир шахс ёки бир гуруҳ инсонлар ўз фаолиятлари давомида эришган натижаларини омма, мутахассислар эътиборига ҳавола этиш мақсадида уюштириладиган тадбир. Ташкилотчиларнинг асосий мақсади омма эътиборини жалб этишдир, яъни реклама тадбиридир. Лекин у жиддий амалий аҳамияти билан эътиборга лойиқ. Чунки айнан шундай тақдимотда ҳамкорлар топилади, таклифлар ўрганилади. Презентация одатдагидек маҳсулотни намойиш этиш, матбуот анжумани, реклама ашёларини тарқатиш ва фуршетдан иборат бўлади. Бунда энг муҳими - фуршет, яъни «бир пиёла чой устида суҳбат» ўтказишдир. Ёқимли товуш, уни чиройли айтилиши, гапни тўгри тузилиши атрофдагиларда яхши таасурот қолдиради. Презентация давомида ташкилотчиларнинг этагига осилиб олманг, бир одамга осилиб олиб ундан бир қадам узоқлашмаслик ҳам ярамайди. Ўзингизга янги танишлар орттириш ва алоқалар ўрнатиш имкониятидан фойдаланинг. Ташаббусни қўлга олиб, мулоқотга киришинг. Алоҳида- алоҳида суҳбатлашаётган гуруҳларга яқинлашиб, суҳбатга қўшилинг. Ўзини таништиришда аёл киши ҳеч қачон биринчи бўлиб эркак кишига ўзини таништирмайди. Аммо эркак киши ўзини таништирса, беэътибор қолдирмай жавоб бериши шарт.

Фойдаланиладиган адабиётлар: 1. М.Н. Муминова, М.А. Максумова «Касбий этика ва этикет», услубий қўлланма, Т.,2006. 2. И.А.Каримов «Истиқлол ва маънавият» Т.,1994. 3. И.А.Каримов «Ўзбекистон буюк келажак сари» Т.,1998. 4. Н.Э.Муҳаммадиев «Касб этикаси ва эстетик маданияти»- Тошкент,1998 й. 5. М.Абдуллаев, Э.Хакимов «Введение в этику»-Наманган, 1998. 6. Абдулла Шер «Ахлоқшунослик» Маърузалар матни, Тошкент, 2000 7. В.Г. Федцов «Культура сервиса» Учебно-практическое пособие - М., «ПРИОР», 2001. 8. А.А. Авлоний «Туркий гулистон ёҳуд аҳлоқ», Т. 1992. 9. Ю.Ю.Петрунин, В.К. Борисов «Этика бизнеса» М., «Дело»,2000. 10. С.С.Гуломов «Тадбиркорлик ва кичик бизнес» - Т., «Шарк», 2002.

O'xshashlar

Бизнесни бахолаш коидалари ва амаллари мажмуи

Туризм ва меҳмондорчилик бозори тузилмаси

Туризм ва сафарларни ташкил этиш

Туризм ва меҳмонхона хўжалиги маркетинги

Туризм ва меҳмонхона хўжалиги корхоналарини бошқариш