Бозор иктисодиётида менежмент. - Iqtisodiyot - Referatlar

Бозор иктисодиётида менежмент.

Yuklangan vaqt:

20.09.2019

Ko'chirishlar soni:

0

Hajmi:

100.5 KB

Ko'chirib olish

Бозор иктисодиётида менежмент. Режа: 1. Менежмент тушунчаси ва мохияти. 2. Менежмент максадлари. 3. Мураккаб ташкилотларнинг умумий тавсифлари.

МЕНЕЖМЕНТ ТУШУНЧАСИ ВА МОХИЯТИ . Бозор муносабатларига утаётган иктисодиётни бошкариш тизимини тубдан кайта куриш – мамлакатимизда утказилаётган ислохотларнинг мухим йуналишларидан биридир. Янги шарт-шароитларга тушиб колган корхона учун бу жуда катта ахамиятга эга. Товар – пул муносабатлари объекти булиб, иктисодий мустакилликка ва уз фаолияти натижаларига тулик жавоб бериш хукукини эгаллаган корхона, шундай бошкариш тизимини шакллантириши керакки, бунинг натижасида юкори иш самарадорлигига, ракобатбардошликка ва бозордаги мустахкам холатга эришсин. Менежмент – бу бозор иктисодиёти ривожланиши талабларига тулик жавоб берадиган бошкаришнинг бир туридир. Бошкариш ишлаб чикариш ва жамият ривожланишидаги мураккаб тадбир сифатида куп омиллар билан характерланади. Фарк яна технологик, ижтимоий – психологик ва бошка ривожланиш даражалари билан хам аникланади. Бошкариш кичик ва йирик бизнесда хам фаркланади. Менежмент куп кирралидир: иктисодий, сиёсий, ижтимоий, молиявий, фалсафий, психологик, техник, ташкилий. Инсонлар фаолиятини бошкариш профессионал-менежердан юксак санъатни, у томонидан кулланиладиган усул ва услубларнинг кенг тупламини, бошкариш ва тадбиркорлик малакаларини талаб этади. Менежмент – бу бозор иктисодида амал килаётган корхонанинг оптимал хужалик натижаларига куп турли менежмент механизмининг ижтимоий – иктисодий тамойиллари, функциялари ва услубларини куллаш асосида эришишга йуналтирилган алохида касб фаолиятидир. Менежмент корхонада одамлар ишини ташкил килиш билан боглик булган фаолият сохасини хам билдиради. Бу самарали бошкариш имкониятлари урганиладиган билимлар сохасидир. Замонавий менежмент учун куйидагилар характерли:

 Ишлаб чикаришнинг ва умуман бизнеснинг самарарадорлигини оширишга мунтазам интилиш;  Фирманинг бозордаги фаолияти охирги натижаларига жавоб берадиган шахсга эркин карор кабул килишни таъминлайдиган кенг хужалик мустакиллиги;  Бозор холати ва ташки мухит узгаришларидан боглик равишда максадлар ва дастурларга доимий тузатишлар киритиш;  Режалаштирилган пировард натижага эришишга фаолиятни каратиш;  Куп вариантли хисоблар учун замонавий информацион базани куллаш;  Жорий режалаштиришдан перспектив режалаштиришга утишда режалаштириш функцияларини узгартириш;  ЭХМ дан максимал равишда фойдаланиш;  Бошкаришда компаниянинг хамма ходимларини жалб этиш;  Узгаришларни кузда тутиш, узгарувчан карорлар асосида бошкаришни амалга ошириш;  Инновацияларга эътиборни кучайтириш;  Хар бир бошкариш карорларини чукур тахлил килиш;  Окилона таваккал килиш ва таваккални бошкариш кобилияти;  Маркетинг ролини таянч даражасигача кутариш. Менежментнинг вазифаси аввалига хохишни имконият даражасига келтириб, сунг эса уни хакикатга айлантиришдан иборатдир. «Менежмент» термини турлича талкин килинади. Унинг куйидагича умумий тарифини келтириш мумкин: менежмент – бу хужалик юритиш самарадорлигини ошириш, бозор эхтиёжлари хамда умуман жамият эхтиёжларини кондириш, фойдани ошириш максадида дастурли-максадли бошкариш, илмий-техник ишланмаларни прогнозлаш хамда жорий ва

истикболли режалаштириш, ишлаб чикаришни ташкил этиш, махсулот ва хизматларни сотиш тизими хисобланади. Менежментда икки мухим соха мавжуд – маркетинг ва инновация. Инновация – бу янги товарларни, хизматларни, технологияларни ва бошкариш жараёнларини юкорирок сифатда ишлаб чикишдир. Менежмент охирги натижаларга эришиш учун хамкорликдаги фаолиятни мувофиклаштириш максадида алохида одамларга ёки жамоага тизимли таъсир курсатишни таъминлайди. Менежментнинг асосий инструментлари – башоратлаш, режалаштириш, ташкил килиш, назорат, мувофиклаштириш, фаоллаштириш ва одамларни мотивлаштириш. МЕНЕЖМЕНТ МАКСАДЛАРИ. Менежментнинг асосий максадлари: башоратлаш, режалаштириш ва бизнеснинг кузланган натижаларига эриштириш. Менежерларнинг вазифаси мавжуд булган моддий ресурслар асосида истеъмолчилар эхтиёжини хисобга олиб товар ва хизматлар ишлаб чикаришни ташкил килиш, фирманинг фойдалилигини, ишлаб чикариш жараёнини рационал ташкил килиш оркали бозорда унинг баркарор мавкеини таъминлаш, илмий-техника базасини ривожлантириш, кадрлар салохиятидан самарали фойдаланиш хисобланади. Бунинг учун куйидагилар зарур:  Технологик кайта куриш ва ишлаб чикаришни автоматлаштиришни амалга ошириш, юкори малакали ишловчилардан фойдаланишга утиш;  Ходимлар ишини рагбатлантириш;  Фирманинг самарали фаолияти устидан доимий назорат килиш, барча булинмалар ишини мувофиклаштириш;  Янги бозорларни доимий излаш ва узлаштириш.

Менежерларга фирманинг ривожланиш максадларини аниклаш, устувор вазифаларни, уларни амалга ошириш тартибини белгилаш, фирмани ривожлантириш стратегиясини ишлаб чикиш, куйилган вазифаларни муддатида бажариш тадбирлари тизимини тайёрлаш, зарур булган ресурсларни ва бушликни тулдириш манбаларини бахолаш, белгиланган топширикларни бажариш устидан назоратни кучайтириш ва одамларни самарали бошкариш каби масалаларни ечишга тугри келади. Бозорда самарали харакат киладиган менежер бошкариш жараёнининг хамма шакллари ва боскичлари бирлигини таъминлайди. Менежмент учун умумий ва махсус максадлар характерли. Умумий (стратегик) максадлар бутун фирманинг ривожланиш концепциясини акс эттиради. Махсус максадлар эса, умумий максадлар чегарасида фирманинг асосий фаолият турлари буйича тузилади. Максадларнинг объективлиги «минимум харажатлар – максимум самарадорлик» тамойили билан аникланади. Ташкилотлар муваффакияти аввалига осонликча талкин этилиши мумкин, лекин кейинчалик исботсиз ёки хато булиб колиши хам мумкин. Биз менежментни урганишни унинг пайдо булишига сабаб булган ташкилот тушунчасини урганишдан бошлаймиз. Ташкилот дегани нима ва нима учун уни бошкариш керак? Ташкилот деб хисобланиши учун гурух куйидаги талабларга жавоб бериши керак: 1. Гурухда хеч булмаганда узини гурух аъзоси деб хисоблайдиган икки кишининг мавжудлиги. 2. Гурухнинг хамма аъзолари учун умумий хисобланган хеч булмаганда бир максаднинг (кузда тутилган натижа) мавжудлиги.

3. Хамма учун ахамиятга эга булган максадга эришиш учун биргаликда ишлайдиган гурух аъзоларининг борлиги. Бу фикрларни бирлаштириб, биз мухим таърифга эга буламиз: ташкилот – бу умумий максад ёки максадларга эришиш учун фаолиятини онгли равишда мувофиклаштирадиган одамлар гурухи. Юкоридаги таъриф, тугрисини айтганда, расмий ташкилот учун тугрирокдир. Бундан ташкари норасмий ташкилотлар хам мавжуддир. Улар уз-узидан пайдо булади. Норасмий ташкилотлар хамма расмий ташкилотлар ичида булади ва уларнинг рахбари булмаса хам, катта ахамиятга эга. Шунинг учун уларни алохида бобда куриб утамиз. Ташкилот деганда эса, факат расмий ташкилот кузда тутилади. МУРАККАБ ТАШКИЛОТЛАРНИНГ УМУМИЙ ТАВСИФЛАРИ . Мураккаб ташкилотлар узаро узвий боглик ва бир-бирини куллаб- кувватловчи бир канча максадга эга. Хамма мураккаб ташкилотлар умумий хусусиятларга эгадир. Куйидаги бу хусусиятлар муваффакиятга эришиш учун нимага ташкилотни бошкариш зарурлигини тушунишга ёрдам беради: 1. Ресурслар. Хар кандай ташкилот натижага эришиш учун ресурсларни кайта ишлайди. Булар мехнат, капитал, моддий ресурслар, технология ва информация. 2. Ташки мухитдан богликлик . Ташкилот ташки мухитдан тула боглик: хам ресурслар сотиб олишда, хам истеъмолчилар билан муносабатда. Ташки мухит термини иктисодий шароитлар, истеъмолчилар, касаба уюшмаси, хукумат конунлари, ракобатчилар, техника ва технология ва бошкаларни уз ичига олади. Бу омиллар ташкилот ичидаги хамма ишларга таъсир этади.

3. Горизонтал мехнат таксимоти . Агар, хеч булмаганда икки киши ишласа хам, улар ишни узаро булиб олишлари керак. Кичик корхоналарда горизонтал мехнат таксимоти яккол кузга ташланмайди. Саноат корхоналарида горизонтал мехнат таксимоти намунаси булиб, маркетинг ва молия, ишлаб чикариш булинмалари хизмат килади. 4. Булинмалар . Мураккаб ташкилотларда горизонтал мехнат таксимоти булимларни ёки хизматларни ташкил килиш оркали амалга оширилади. Бу булимлар умумий максадга эришиш учун онгли равишда фаолият курсатади. Шундай килиб, мураккаб тушкилотлар бир канча узаро богланган ташкилотлардан ва купгина норасмий гурухлардан иборат. 5. Вертикал мехнат таксимоти . Таксимотдаги иш таркибий кисмларга булиниши сабабли, кимдир бу ишни унинг муваффакиятли булиши учун мувофиклаштириши керак. Шундай килиб, ташкилотда икки турдаги мехнат таксимоти мавжуд. Вертикал мехнат таксимоти харакатни мувофиклаштириш буйича ишнинг узини бажаришдан ажралишини курсатади. Бошка кишилар ишини мувофиклаштириш буйича фаолият бошкариш хисобланади. 6. Бошкарувнинг зарурлиги . Ташкилот уз максадларини амалга ошириши учун биринчи вазифа вертикал мехнат таксимоти воситасида мувофиклаштирилиши керак. Шунинг учун бошкарув ташкилот учун мухим фаолият хисобланади. Куп корхоналарда, айникса кичик корхоналарда, корхона эгаси узи бошкарув иши билан шугулланиши мумкин. Лекин кейинги вактларда, йирик ташкилотларда бошкарув жуда куп вактни талаб этадиган булганлиги учун, алохида фаолият сифатида курилиши керак. Нобошкарув ва бошкарув функциялари аник чегараланиши зарур ва рахбарларнинг мажбурияти ва жавобгарлиги белгиланиши керак.

Рахбарларнинг бошкариш фаолиятидаги умумий омилларини кайд этамиз. Бошкарув фаолиятининг мохияти. Рахбар иши куп киррали. У амалга ошириладиган фаолиятнинг киска муддатлилиги, турли-туманлиги ва фрагменлилиги билан характерланади. Гестнинг тадкикотларига мувофик бошкарув буйича уста бир кунда 583 турли операцияларини бажаради. Рахбар роли – бу, Минцберг таърифи буйича, «алохида ташкилот ёки алохида лавозим учун мос булган маълум хатти-харакат коидалари туплами» хисобланади. Алохида шахс роль бажариш характерига таъсир курсатиши мумкин, лекин унинг мазмунини узгартира олмайди. Минцберг рахбарнинг турли даврларда ва турли даражада уз зиммасига оладиган 10 ролини ажратади. У бу ролларни уч категория чегарасида туркумлайди: шахслараро роллар, информацион роллар ва карор кабул килиш буйича роллар. Унинг фикрича, роллар узаро боглик ва яхлитни яратишда узаро харакат килади. Шахслараро роллар рахбарнинг ташкилотдаги мавкеидан келиб чикади ва унинг одамлар билан узаро муносабати сохасини камраб олади:  бош рахбар: хукукий ёки ижтимоий характердаги мажбуриятларни бажаради;  лидер (сардор): мотивлаштириш, ишловчиларни фаоллаштириш, ишга кабул килиш ва тайёрлашга жавоб беради;  алока сохаси: ташки алокаларни таъминлайди. Ушбу роллар рахбарни информация тупланадиган пунктга айлантириши мумкин ва бу эса информацияни кайта ишлайдиган марказ сифатида информацион ролларни бажаришга мажбур килади. Рахбарнинг информацион роллари:

 информацияни кабул килувчи: турли ахборотларни излайди ва кабул килади;  ахборотни таркатувчи: ташкилот аъзоларига ташки ва ички ахборотларни етказади;  вакил: ташки алокалар учун ахборотни узатади. Шахслараро ва информацион ролни уз зиммасига олган холда рахбар карор кабул килиш билан боглик булган ролларни хам бажаради:  тадбиркор;  бузишларни бартараф этувчи: ташкилотда бузилишлар буйича буладиган харакатларни тузатиш учун жавоб беради;  ресурсларни таксимловчи: ташкилотда мавжуд ресурсларни таксимлашда жавобгар булади;  келишувлар олиб борувчи. Ана шу 10 роллар менежер ишининг хажми ва мазмунини аниклаб беради. Хозирги вактда бошкариш адабиётларда бошкарув функцияларини амалга ошириш сифатида каралади. Шунинг учун бошкарувнинг куйидаги коидаси кабул килинган: бошкарув – бу ташкилот максадларини аниклаш ва уларга эришиш учун зарур булган режалаштириш, ташкил килиш, мотивлаштириш ва назорат жараёнлари хисобланади. Бошкарув функцияларини кенгрок холатда биз бошка машгулотларда куриб утамиз. Питер Ф.Друкер (бошкарув сохасидаги йирик назариётчи) бошка таърифни таклиф этади: Бошкарув – бу тартибсиз оммани (оломонни) самарали максадга йуналтирилган ва унумдорли гурухга айлантирувчи махсус фаолият куриниши.

Хамма рахбарлар маълум роль ва функцияларни бажаришса хам, йирик корхонадаги рахбарларнинг куплиги уларнинг хаммасининг факат бир ишни бажаришини билдирмайди. Хар бир рахбарнинг иши чегараланган. Айрим рахбарлар уз вактини ходимлар ишини мувофиклаштиришга сарфлайди, бошкалари эса уз навбатида бошка рахбарлар ишини мувофиклаштиради. Шундай килиб, биз бевосита ишловчилар ишини мувофиклаштирувчи рахбар даражасигача тушишимиз мумкин. Бундай вертикал мехнат таксимоти бошкариш погонасини ташкил этади. Корхонада лавозим асосида бир рахбар бошкасига нисбатан кандай даражада турганлигини аниклаш мумкин. Корхона кулами (масштаби) – бу бошкарув погонасини аникловчи омиллардан факат бири хисобланади. Лекин оптимал натижаларга кам погонали бошкарув оркали хам эришиш мумкин. Бошкарув погоналарининг сонига караб рахбарларни уч категорияга буладилар. Социолог Талкотт Парсанс бу уч категорияни рахбарнинг ташкилотда бажарувчи функциялари нуктаи-назаридан куйидагича булади: 1. Техникавий погона (самарали ишлаб чикаришни таъминлашга каратилган кундалик операция ва харакатлар бажарувчилар). 2. Бошкарув погона (улар ташкилотнинг турли булимлари фаолиятини мувофиклаштиришади). 3. Институционал погона (улар асосан перспектив режалар тузиш, максадни аниклаш, ташкилот ва ташки мухит уртасидаги муносабатларни бошкариш билан шугулланишади). Бошкача килиб, бошкарув погоналарини купчилик томонидан кабул килинган куйи, урта ва юкори бугин рахбарларига ажратиш мумкин. Куйи бугин рахбарлари – бу бевосита ишчилар устида турадиган ташкилий даража. Кичик бошликлар ишлаб чикариш топширикларининг

бажарилишини назорат киладилар ва тугри бажарилаётганлиги тугрисида ахборот берадилар (уста, булим бошлиги, кафедра мудири). Рахбарларнинг купи куйи бугин рахбарлари ва куп кишилар бошкариш фаолиятини шу тарика бошлайди. Кичик бошликлар иши урта бугин рахбарлари томонидан мувофиклаштирилади ва назорат килинади. Агар корхона катта булса, унда урта бугин икки погонага булиниши мумкин: юкори урта бугин ва куйи урта бугин. Урта бугин рахбарларига декан, филиал директори ва хоказолар кириши мумкин. Урта бугин рахбарлари юкори ва куйи бугин уртасидаги воситачи хисобланади. Улар юкори рахбарлар карор кабул килиши учун ахборот тайёрлаб, бу карорларни конкрет топшириклар сифатидаги кулай шаклга айлантириб, куйи бугинга узатадилар. Юкори бугин рахбарлари – олдингиларга нисбатан кам сонли. Уларга корпорация призиденти, вице-президенти, давлат арбобларидан министрлар, ректорлар киради. Юкори бугин рахбарлари бутун ташкилот учун мухим бошкариш карорларини кабул килишга жавобгар. Улар кабул килувчи карорларга куп нарса боглик ва бундай рахбарлар шухрат козониши мумкин. Лекин бу ишнинг огирлиги хам, масъулияти хам катта. Бунинг асосий сабаби шундаки, юкори рахбар иши аник якунга эга эмас ва у хар доим хам ишнинг муваффакиятли тугатилганлигини тасдиклаб беролмайди ва доимо таваккаллик мавжуд булади.

O'xshashlar

Корхонада (фирмада) ва бозор иктисодиётида маркетингнинг роли

Менежмент функцияси

Ижтимоий менежмент

Менежмент самарадорлиги

Менежмент усуллари