Biznes samaradorligi muammolari - Iqtisodiyot - Referatlar

Biznes samaradorligi muammolari

Yuklangan vaqt:

20.09.2019

Ko'chirishlar soni:

0

Hajmi:

68.5 KB

Ko'chirib olish

www.arxiv.uz Reja: 1. Biznesda foyda va rentabellik 2. Investitsiya faoliyati 3. Biznes va tadbirkorlik xatarlari va ularni kamaytirish tadbirlari

www.arxiv.uz Biznesda foyda va rentabellik Tadbirkor foyda bermaydigan ishga qo`l urmaydi, binobarin sarf-xarajat ham qilmaydi. Хarajat qilish foyda ko`rishning sharti, vositasidir. Foyda ishbilarmonlik qobiliyatini ishga solib, xatarli ishga qo`l urgani uchun tadbirkorlarga tegadigan mukofotdir. Foydaning ham ikki turi bor: me`yoriy (normal) foyda tabiatan tadbirkorlik faoliyati uchun olinadigan xaq hisoblanadi va xarajatlar tarkibiga kiradi. Tovarlar eng past narxda, ya`ni xarajatga teng narxda sotilganda ham tadbirkor meyoriy foydani oladi; iqtisodiy foyda (sof foyda deb ham yuritiladi), miqdoran tovar va xizmatlarni sotishdan tushgan pul (daromad) bilan xarajatlar o`rtasidagi farqqa teng bo`ladi va tovarlar xarajatlardan yuqori narxda sotilganda hosil bo`ladi. Iqtisodiy foydani tadbirkor va uning sheriklari oladi. Sof foyda firma faoliyatining umumlashgan yakuniy ko`rsatkichidir. Sof foydaga qarab firma ishiga baho bersa bo`ladi. Foydaning turlari ko`p. Faoliyat turiga ko`ra ishlab chiqarish, tijorat (savdo-sotiq), bank foydasi kabilarni ko`rsatish mumkin. Ishlab chiqarish faoliyatida olinadigan foydadan farqliroq savdo-sotiq ishlarida tijorat foydasi bilan birga omad foydasi ham bor. Bozordagi narxlarning o`zgarishi tufayli olinadigan foyda omad foydasi deyiladi. Bu foyda xarajatlariga bog`liq bo`lmaydi, uni narxda kutilmagan o`zgarishlar yuzaga keltiradi. Masalan, to`qimachilik firmasi 2000 tonna paxtani har tonnasiga 1400 dollar to`lab sotib oldi. 3 oydai so`ng paxta narxi 1600 dollarga ko`tarildi. Demak, firma 400 dollar foyda ko`rdi. Chunki, u paxtani oldin sotib olmaganda, keyinchalik uni qimmatga olar edi. Tovarlar sotilish narxining ham ko`tarilmaganda ortib ketishi omad foydasini beradi. Lekin omad foydasi muhim emas, chunki, u firma ishiga bog`liq bo`lmaydi. Shu sababli firmalar o`z ishiga bog`liq bo`lgan ishdan daromad topish va foyda olishni ko`zlaydilar. Firmaning daromadi deganda uning pul tushumlari anglanadi. Daromad foydadan ko`p bo`ladi. Firma daromadi uch turga bo`linadi: a) Umumiy daromad — barcha tovar va. xizmatlarni sotishdan tushgan pul. Uning miqdori sotiladigan tovarlar, xizmatlar soniga va ularning bozor narxiga bog`liq. Agar firma tovarni

www.arxiv.uz ko`p chiqarsa va yaxshi narxda sotsa, umumiy daromad ko`payadi. b) O`rtacha daromad — tovar birligini sotishdan tushgan pul. Uni topish uchun umumiy daromad sotilgan tovarlar miqdoriga bo`linadi. v) Me`yoriy daromad— qo`shimcha ravishda sotilgan tovardan tushadigai qo`shimcha pul. Uni aniqlash uchun tushgan umumiy pul(daromad) o`simi qo`shimcha sotilgan tovarlar miqdoriga bo`linadi. Bu ko`rsatkich tovarlarni qo`shimcha ishlab chiqarish umumiy daromadni qanchalik oshirishni ko`rsatadi. Agar umumiy daromad xarajatga teng bo`lsa, natija nolga teng, ya`ni foyda ko`rilmaydi. Хar bir firma foydani eng ko`p darajaga ko`tarishga intiladi. Buning uchun tovarlarni ko`proq chiqarish shart. Demak, me`yoriy.daromad ortib borishi kerak. Ammo bunga erishmoq uchun hech bo`lmaganda xarajatlar o`zgarmasligi yoki ular oshgan taqdirda ham tovarlarning bozor narxlaridan sekinroq o`sishi kerak. Foyda miqdori narxga nisbatan to`g`ri mutanosiblikda, xarajatlarga nisbatan teskari mutanosiblikda o`zgaradi. Bu qoidaga binoan foydani maksimumlashtirish uchun tovarlarni yuqori narxda sota bilish kerak, sotish uchun esa bozorbob, xaridor suyadigan tovarlarni ishlab chiqarish zarur, foyda topish xarajatlarni eng kam darajaga tushirishni (minimumlashtirish) ham talab qiladi. Masalan, A tovar 100 so`mga sotiladi, uning xarajatlari 80 so`m, foyda 20 so`m. Endi-A tovar modernizatsiyalandi, sifati yaxshilandi va bozorda narxi 110 so`mga ko`tarildi. Ayni vaqtda harajatlar kamaytirilib 75 so`mga tushdi. Bunda ko`riladigan foyda 35 so`m bo`ladi. Demak, u maksimumlashdi, chunki 35>20. Narx o`zgarmagan sharoitda xarajatlar qanchalik pasaysa, foyda shu qadar ortib boradi. Хarajatlarning foydaga ta`siri mehnat unumdorligi orqali yuz beradi. Foydani maksimumlashtirish yuksak mehnat unumdorligini talab etadi va iqtisodiy ravnaq (progress) ni ta`mnnlaydi. Mehnat unumdorligi xarajatlarni pasaytirish orqali foydani oshiradi, shu sababli foydani ko`proq olish omili hisoblanadi. Foyda firma faoliyatining moliyaviy natijasi hisoblanadi. qancha sarflab,

www.arxiv.uz qancha foyda ko`rilgani firma ishining samarasini belgilaydi. Shu boisdan iqtisodiyotda foydalilik yoki rentabellik deb ataladigan ko`rsatkich qo`llaniladi. Uni aniqlash uchun olingan foyda qilingan xarajatlar bilan taqqoslanadi va xarajatlar birligiga qancha foyda to`g`ri kelishi ma`lum bo`ladi. Ishlab chiqarish rentabelligi va mahsulot rentabelligi mavjud. Ishlab chiqarish rengabelligi uning naqadar foyda bsrishini ko`rsatadi. Foydalilik (rentabellik) darajasi foyda normasi bo`lib; ikki usulda aniqlanishi mumkin. Birinchi usulda foyda miqdori ishlab chiqarishga qo`yilgan kapitalga bo`linadi va foizlarda ifodalanadi. Masalan, firma 100 million so`m kapital quyib, 16 million so`m foyda ko`rsa rentabellik quyidagicha 16 foizga teng bo`ladi. Bu olingan foyda firma sarflagan kapitalini necha foiziga teng degan ma`noni bildiradi. Masalan, 2001 yili Qibray pivo zavodining daromadi 159150 ming so`m, xarajatlari 120390 ming so`m, shundan sof foyda 17160 ming so`m bo`ldi. Korxonaning kapitali (aktivi) 186360 ming so`m edi. Хuddi shu usul bilan hisoblanganda 2001 yili tashkilot qishloq xo`jaligi kimyo mashinasozligi zavodida IChR 3.7% bo`ldi , Demak foyda normasi keskin farqlandi, bu esa korxona ishining natijasidan kelib chiqdi. Rentabellik darajasini hisoblashning ikkinchi usulida foyda miqdori joriy xarajatlar miqdori bilan taqqoslanadi. Agar firmaning ishlab chiqarish uchun qilgan joriy sarfi 500 million so`m bo`la turib, 200 million so`m foyda ko`rsa, rentabellik 40 foizga teng bo`ladi. Bunda firma 1 so`mlik sarfi evaziga 40 tiyin topgan bo`ladi. Foydani maksimumlashtirish uchun nimani ishlab chiqarish eng yuqori rentabellik bersa, firma shu ishga qo`l uradi. Shu bois ayrim mahsulot turining rentabelligi aniqlanadi. Bunga muayyan mahsulotni sotishdan kelgan foyda uni ishlab chiqarish xarajati bilan solishtiriladi. Masalan, tikuv chilik firmasi foydani maksimumlashtirish uchun engi uzun va engi kalta chit ko`ylak, engi kalta trikotaj ko`ylakdan qaysi birini ko`proq chiqarsh uchun ularning rentabelligini aniqlashi kerak. Agar birinchisi 12 foiz, ikkinchisi 14 foiz, uchinchisi 20 foiz rentabellik bersa, albatta firma uchinchi ko`ylakni tikishni ma`qul ko`radi yoki ikkinchi

www.arxiv.uz ko`ylakni ham qo`shib tikadi. Rentabellik qaerda pul ko`p foyda keltirsa, uning shu erga qo`yilishini bildiradi. Ammo pul egasi oz bo`lsa-da, kafolatlangan Daromad topmoqchi bo`lsa, pulini rentabelliga past, ammo bexavotir foyda beruvchi sohaga yoki ko`p daromad topmoqchi bo`lsa, rentabellik yuqori bo`lgan, lekin xatarli sohaga qo`yishi mumkin. Tadbirkorlik uchun foydaniig mutlaq miqdori — hissasi ham muhim. Foyda massasi rentabellik darajasiga, qo`yilgan pul (kapital) miqdoriga va kapitalning aylanishiga bog`liq. Agar rentabellik qanchalik yuqori bo`lsa va qo`yilgan pul qanchalik ko`p bo`lsa foyda massasi shunchalik ko`p bo`ladi. Foyda massasi bir so`m pul keltirgan foyda bilan qo`yilgan jami pul miqdoriga qarab o`zgarib turadi. Ammo shu bir so`m pul keltiradigan foyda kapitalning aylanish tezligiga ham bog`liq. Kapital aylanish qanchalik tez bo`lsa, rentabellik o`zgarmagan taqdirda ham olingan foyda miqdori ko`p bo`ladi. Masalan, bir sohaga qo`yilgan 100 million so`mlik kapital yiliga 4 marta aylanadi, har aylanishda 5 million so`mdan foyda keltiradi. Demak, foyda massasi yiliga 20 mnllion so`m (5.4) bo`ladi. Ikkinchi sohaga qo`yilgan kapital ham ,100, million so`m, har oborotida u ham 5 million so`mlik foyda keltiradi. Ammo u yiliga 6 marta oborot qilib, jami 30 million so`m (5.6) foyda beradi. Demak, ikkinchi sohada foyda massasi ko`proq (30>20). Agar rentabellik firma pulining naqadar samarali ishlatilishini ko`rsatsa, foyda massasi uning iqtisodiy qudratini ifodalaydi. Foyda uni topishda kim qanday hissa qushganiga qarab taqsimlanib, o`zlashtiriladi. Bu ishda pul egalari o`z kapitali, ishchilar mehnati, tadbirkorlar ishbilarmonligi bilan qatnashadilar. Shu sababdan ular f oydani bo`lib oladilar. Firmaning iqtisodiy ahvoliga qarab uning reytingi unga beriladigan baho aniqlanadi. Reyting mazkur firma bnlan aloqa qiladiganlar uchun muhim axborot xizmatiii o`taydi. Odatda reyting ko`rsatkichlari quyidagilarni o`z ichiga oladi: hisobotlarning ishonchli bo`lishi, rentabellik, kapital miqdori va uning aylanish tezligi, to`lov qobiliyati, raqobatbardoshlik, foydaning o`sishi va uning

www.arxiv.uz taqsimlanishi, tovarlarning sotilish hajmi, soliqlarni to`lay bilish, qarzdorlik, dividend olish, investitsiya qobiliyati va, nihoyat, bankrot bo`lish ehtimoli. Investitsiya faoliyati Tadbirkorlik ishining rivoji investitsiya talab qiladi. Investitsiya bironta ishga mablag` qo`shishni, sarflashni bildiradi. Investitsiya qilishdan maqsad foyda ko`rish. Investitsiya keng ma`noda pul chiqadigan har qanday ishga mablag` qo`yish, tor ma`noda ishlab chiqarishning moddiy bazasini rivojlantirish, masalan, mashina-uskunalarni sotib olish, o`rnatish, yangi texnikani joriy etish, yangi bino- inshoatlarni qurish uchun mablag` sarflashdir. Bu bizning mamlakatda kapital mablag`lar, kapital sarflar deb yuritiladi . Investitsiya sifatida pul, qimmatbaho qog`ozlar (aktsiya, obligatsiya, sertifikat, veksel), er, bino, inshoat kabi boyliklar, intellektual mulk bo`lgan ilmiy kashfiyotlar, texnikaviy yangiliklar, ixtirolar ishlatiladi. Muhimi, hamma mablag`lar pulga chaqilgan holda investitsiyalanadi. Investitsiya ikki turga bo`linadi. Birinchisi—to`g`ridan-to`g`ri investitsiyalash, ya`ni uni korxona ishiga kapital sifatida qo`yish. Ikkinchisi — mablag`ni korxonalar aktsiyalarini sotib olishga sarflash bo`lib, portfel investitsiyalar deb ataladi. Investitsiyalash muqobil tanlov qoidasiga asoslanadi, ya`ni in vestitsiyalashningg eng foydalisi tanlab olinadi. Tadbirkorlik i shida xatarni kamaytirish uchun investitsiya bir vaqtning o`zida bir necha ishga qo`yiladi, bu bilan bir erda ko`riladigan zararnn boshqa erda ko`rilgan foyda bilan qoplash mumkin. Bunday mablag` qo`yish diversifikatsiyalashgan investitsiya deb yuritiladi. Odatda buning uchun turli korxonalar aktsiyasi sotib olinadi. Masalan, 100 ming so`m pulga avtopark, to`qimachilik fabrikasi, turistik firma, non zavodi, tikuvchilik firmasi, sug`urta kompaniyasi va bank aktsiyalari sotib olinishi mumkin. Mablag`ni investitsiyalashda uning tezda qaytim berishi, o`zini» tez oqlanishi hisobga olinadi, investitsiyalangan - mablag` keltirgan foydasi bilan taqqoslanadi, ya`ni foyda normasi (rsntabellik) hisoblab chiqiladi. Masalan, 10

www.arxiv.uz million so`m pul investitsiyalanishdan oldin turli muqobil usullar o`zaro solishtiriladi, aytaylik, bu yo`l har yili tikuvchilik ishida 2 million so`m foyda bersa, o`zini 5 yilda, agar mashinasozlik zavodida yiliga 1 million so`m foyda bersa, 10 yilda oqlaydi. Bunda albatta birinchi usul tanlanadi. Chunki, u kapital sarfini 2 marta tez oqlaydi. Investitsiya samaradorligini oshirish uchun quyidagilar talab qilinadi : birinchidan, investitsiya keltiradigan foyda bank beradigan foizdan yuqori bo`lishi kerak. Agar shunday bo`lmasa ovora bo`lib, pulni investitsiyalagandan ko`ra, uni bankka qo`yib, bemalol foiz olib yotish qulay. Masalan, bank foizi yiliga 8 foiz bo`lsa, investitsiyadan keladigan foyda bundan ortiqcha - 9, 10 yoki 11 foiz bo`lishi kerak; ikkinchidan, investitsiyadan keladigan foyda inflyatsiya darajasidan yuqori bo`lishi talab qilinadi. Agar yillik inflyatsiya 5 foiz bo`lsayu, investitsiya beradigan foyda normasi 2 foiz bo`lsa, zarar ko`riladi, Shuning uchun foydaning o`sishi hech bo`lmasa inflyatsiya shiddatidan yuqori bo`lishi kerak. Aytilgan 5 foiz inflyatsiya sharoitida foyda 15 foiz bo`lsa, inflyatsiyadan keladigan 5 foiz zarar qoplanib, 10 foiz foyda olingan bo`ladi; uchinchidan, nnvestitsiya eng yuqori foyda normasini ta`minlaydigan sohalarga qo`yilishi lozim. Masalan, investitsiyaning uch sohasi bo`lib, ulardan birinchisi 12 foiz, ikkinchisi 13 foiz, uchinchisi 15 foiz foyda beradigan bo`lsa, albatta, uchinchi yo`l tanlanadi. Investitsiya yo`li tanlanganda foyda normasining pasayishiga moyil bo`lishi nazarda tutiladi. Foyda miqdorini kamaytirmaslik uchun foyda normasi pasaygan chog`da olingan foydani qaytadan pul topish uchun qo`yish kerakki, bu reinvestitsiya deyiladi. Reinvestitsiya qo`yilgan kapital summasini oshirish orqali foyda mmiqdorini kamaytirishga yo`l qo`ymaydi. Masalan, 100 mln. so`m investitsiya xozir 10 mln. so`m foyda beradi, demak, foyda normasi 10 foiz, 3 yildan so`ng foyda normasi 8 foizga tushib qolsa, 100 mln. so`mdan 8 mln. foyda ko`rilib, foyda miqdori 2 mln. so`mga qisqargan bo`ladi. Bunga yo`l qo`ymaslik uchun 3 yilda har yili 10 milliondan jami 30 mln. so`mga teng foyda reinvestitsiya qilinib, kapital 130 mln. so`mga etkaziladi. Foyda normasi 8 foiz tushgan taqdirda ham

www.arxiv.uz 10,4 mln. so`m foyda ko`riladi. Binobarin, olingan foyda miqdori o`sadi, chunki 10,4>10,0 bo`ladi. Investitsiya ishining ham o`z xatari bor. Uning oldini olish uchun iivestitsiyalar sug`urtalanadi. Masalan, O`zbekistonga keladigan xorijiy investitsiyalarni xatardan sug`urtalash ishini «O`zbekinvest» sug`urta kompaniyasi olib boradi, uning dastlabki kapitali 10 million dollar hisobida belgilangan. Biznes va tadbirkorlik xatarlari va ularni kamaytirish tadbirlari Bozor iqtisodiyoti tasodiflardan xoli emas. Bozorda faoliyat ko`rsatayotgan firmalar har xil vaziyatga tushib qolishi mumkin. Firmaning ishi yurishib, tezda boy firmaga aylanishi yoki zararga yo`liqib, bor-budidan ayrilib qolishi ham hech gap emas. Tadbirkorlik xatari ham mana shunda. Bu xatarni bartaraf etib bo`lmaydi, ammo uni kamaytirish mumkin. Buning uchun biron ishga qo`l urishdan avval uning ijobiy va salbiy tomonlarini hisobga olish talab qilinadi. Doimiy xatar xavfi firmalarni hushyor tortishga majbur qilib, ziyraklik talab qiladi. Firmaning o`z foydasi, hatto kapitaldan ajralib qolishi ehtimoli tadbirkorlik xatari deyiladi. Хatar, birinchidan, firma ishini o`quvsiz yuritishdan, ikkinchidan, firmaga bog`liq bo`lmagan holda vaziyatning o`zgarishidan, ya`ni bozorda noaniqlik bo`lishidan kelib chiqadi. Bozordagi resurslar va tovarlar narxining kutilmaganda o`zgarishi, iste`molchi va sheriklarning aynib ketishi, soliqlar va boj pulining o`zgarishi, xalqaro vaziyatning keskinlashuvi kabilar xatarni yuzaga chiqaradi. Хatarni oldindan bilish yoki uni engib o`tish hamma firmaning ham qo`lidan kelavermaydn. Firmalar xatarini uch turga bo`lish mumkin. 1. Ishlab chiqarish xatari. Bu mo`ljallangai hajmda va kerakli turdagi tovarlarni yaratishga raxna soluvchi xavf-xatar, masalan, firma bozorga 10 million so`mlik mol chiqarishga jazm qilgan bo`lsa, vaziyat o`zgarishi bilan u 8 million so`mlik tovar chiqara oladi.

www.arxiv.uz 2. Tijorat xatari. Bu mo`ljallangan resurslarni bozordan ola bilmaslik va tovarlarni kutilgan miqdor va narxda sota bilmaslik xatari. Masalan, firma 100 ming dona tovar chiqarib, uning har birini 5 ming so`mdan sotishni ko`zlagan bo`lsayu, tovarni 100 ming o`rniga 40 ming dona chiqarsa yoki uni 5 ming so`m o`rniga 4,5 ming so`mdan sotsa, natijada faqat savdoning o`zida ma`lum bir ziyon ko`rdi. 3. Moliyaviy xatar. Bu firma moliya bozorida va soliq to`lash soxasida yo`liqadigan xavf-xatardir. Aytaylik, firma mo`ljallagan kreditni ola bilmaydi, foizi ortib ketadi, firma aktsiyasining narxi tushadi, davlatdan moliyaviy yordam tegmay qoladi, natijada firma xatar girdobiga tushib qoladi va hokazo. Yuqorida aytilganidek, bozorda faoliyat ko`rsatayotgan har qanday firmaga xatar soya tashlab turadi. Undan tamoman qutulish mumkin bo`lmasada, uning ta`sirini kamaytirish imkoni bor va bu firmaning o`ziga bog`liq. Хatarning eng halokatlisi bankrot bo`lish, sinish xavf-xataridir. Bironta ishga pul sarflashdan oldin zarar ehtimolini imkoni boricha kamaytirishning har xil yo`l-yo`riqlari ishlab chiqiladi. Eng avval firma xatarini chetlab o`tish yo`llarini axtaradi, qaerga, qancha pul qo`yish, qaysi sohada ish boshlashdan oldin qayerlarda ish qanday ketayotganligi o`rganiladi, axborot to`planadi. Axborot tovar narxi, savdo hajmi, raqobatchilik vaziyati, xarajatlar darajasi, bozorning kengayishi imkoniyati, resurslar narxi, reklama holati va boshqa sohalarni qamraydi, Shularni tahlil etib, pul qo`yish yoki qo`ymaslikka qaror qilinadi. Bunda sinalgan yo`llardan biri - pul foyda ko`p bo`lmasada, xatari eng kam ishga qo`yiladi. Boshqa yo`l tadbirkorlik xatarini sug`urtalash hisoblanadi. Bu yo`l tanlanganida sug`urta puli kutiladigan foydadan ma`lum darajada kamroq bo`lishi lozim, aks holda zarar qilish mumkin. Masalan, firma 5 million so`m kapital sarflab, shundan 500 ming so`m (foyda ko`rsa, sug`urta puli 300 ming so`m bo`lishi kerak. Shunda biror hol ro`y berganda firma 200 ming so`m (500-300- 200) foyda ko`radi. Agar sug`urta puli foydani yo`qqa chiqarsa, xatar saqlanib qoladi. hozirgi sharoitlarda investitsiya diversifikatsiya etiladi, ya`ni pul har xil sohalarga qo`yiladi. Chunki, bir ishda zarar ko`rilsa, boshqasida foyda tegishi

www.arxiv.uz mumkin. Bu usul ayniqsa aktsiya sotib olishda qo`l keladi. Masalan, 100 million so`m pulga 5 ta firma aktsiyasini olish mumkin. Хatarni qisqartirish uchun firmalar o`z faoliyatini chegaralaydilar, ish hajmi va sarf-xarajatini ma`lum me`yordan oshirmaslikka intiladilar. Masalan, firma vaziyatni hisobga olib, har bir tovar uchun ketgan sarf-xarajatni 500 so`m bilan chegaralangan holda 5 million dona tovar chiqaradi va ularnnng har birini 750 so`mdan sotadi. Agar xarajat oshib ketsa yoki tovar ko`p chiqarilib, sotilmay qolsa, zarariga ishlash mumkin.

www.arxiv.uz Foydalanilgan adabiyotlar : 1. O`zbekiston Respublikasi Prezidenti I.A.Karimovning Oliy Majlisning birinchi sesiyasi ikkinchi chaqiriq yig`lishida so`zlagan nugqi. «Хalq so`zi» 2000 yil 23 va 24 yanvar. 2. Iqtisodni erkinlashtirish, resurslardan tejamkorlik bilan foydalanish bosh yo`limiz. Хalq so`zi 13 fevral, 2002 yil. 3. Bozor iqtisodiyoti va biznes asoslari: O`quv qullanma /A.E.Ishmuxamedov va boshq.-T.: TDIU, 2004.-160 c. 1 ekz. 4. Шевелева С.А. Основы экономики и бизнеса: Учебное пособие /С.А.Шевелева, В.Е.Стогов.- 2-е изд., перераб. и доп.- М.: ЮНИТИ, 2005.- 515 с. 1 экз. . 5. Maxmudov E.Х. Korxona iqtisodiyoti: O`quv qo`llanma. - T.: TDIU, 2004.-208 c. 1 ekz. 6. Круглова Н.Ю. Основы бизнеса. учебник для вузов Издательство: РДЛ, 2005. 7. Кузнецов А. Основы рыночной экономики. Терминологический словарь. Издательство: Владос, 2004. 8. Куторжевский Г.А. Экономика. Основы теории. Учебное пособие, Издательство: Экономика, 2004.. 1. www.ziyonet.uz

O'xshashlar

Kichik biznes va tadbirkorlik faoliyatining iqtisodiy samaradorligi

Menejment samaradorligi

Menejment samaradorligi

Boshqaruv samaradorligi

Menejment samaradorligi