Тақдимотлар тайёрлаш амалий программа пакети power point дастури - Informatika va AT - Referatlar

Тақдимотлар тайёрлаш амалий программа пакети power point дастури

Yuklangan vaqt:

12.01.2024

Ko'chirishlar soni:

0

Hajmi:

917.5 KB

Ko'chirib olish

Тақдимотлар тайёрлаш амалий программа пакети power point дастури Режа: 1. Power Point дастури хақида тушунча 2. Power Point дастури ёрдамида амалга оширилиши мумкин бўлган ишлар

Power Point дастури хақида тушунча Хар қандай мутахассис ўзининг иш фаолияти давомида хамкасабаларига ёки бошқа мутахассисларга ўзининг қилаётган иши ёки фаолияти хақида, режалари ва таклифлари хақида сўзлаб бериш учун маъруза қилишига тўғри келади. Бундай пайтларда у маърузани тез, яхши, сифатли, тушунарли ва чиройли қилиб тайёрлаши зарур бўлади. Ушбу муаммони хал қилиш учун у қандай программавий таъминот турларидан фойдаланиши мумкин? Матн мухаррири унинг барча муаммоларини хал қилиб бера оладими? Бир неча хил программалардан фойданиш ва уларнинг натижаларини умумлаштириш тезда керакли ечимга олиб келиши мумкинми? Нега ха ва нега йўқ жавобини берганингизни асослаб беринг. Power Point дастури MICROSOFT OFFICE фирмасининг WINDOWS қобиғи ёрдамида яратилган бўлиб, дастур презентациялар билан ишлаш (таништириш, тақдимотлар қилиш) учун энг қулай дастурий воситалардан биридир. Бу дастур орқали хилма-хил турдаги кўргазмали қуролларни яратиш мумкин ва айрим жойларда эса уни маълумотлар базаси сифатида ҳам қўллаш мумкин. Айрим холларда эса бу дастурда мультимедиа воситаларни бошқариш ва уларни қўллаб, намойиш этувчи қурилмаларга юбориш вазифаларини ҳам бажариш мумкин. Бу ерда асосий тушунчалар: слайд ва презентациялар ҳисобланади. Слайд - маълум бир ўлчамга эга бўлган мулоқат варақалари ҳисобланади. Уларда яратилаётган намойиш элементлари жойланади. Презентация - яратилаётган слайдлар туркуми ва уни намойиш этиш учун бериладиган файл номи. Масалан: Презентация 1- PowerPoint дастури очилганда, сарлавҳалар қатори пайдо бўлиб, унда яратилаётган ёки яратилган презентациянинг айни вақтдаги номи ҳосил бўлади. Бу номни кейинчалик ўз ҳоҳишингизга кўра алмаштиришингиз мумкин.

Power Point дастурини ишга тушириш Бу дастурни ишга туширишни WINDOWS иш столидан бошлаш зарур. Иш столидаги қуйидаги буйруқларни бажариш орқали дастур ишга туширилади. «Пуск» - «Программы» - « Microsoft Power Point » (1-расм) Эслатма: Юқоридаги буйруқларни бажариш сичқончанинг чап тугмасини босиш орқали амалга оширилади. Power Point ишга тушгандан сўнг иш кўргазма яратиш мулоқот дарчаси ва мавжуд презентациялар билан бошланади. Power Point ишга туширилган экранда 2-расмда кўрсатилган мулоқот дарчасини кўриш мумкин.

Power Point дастури ёрдамида амалга оширилиши мумкин бўлган ишлар Юқоридаги мулоқат дарчаси орқали кўргазмалар яратиш турини танлаб олиш мумкин бўлади. 2-расмда қуйидаги 4 та асосий бўлим берилган, уларнинг ҳар бири ҳақида тўхталиб ўтайлик. • «Автомундарижа устаси» («Мастер автосодержания») – маърузачининг исми, фамилияси, мавзу номи, кўргазма тури, услуби, рангли чизмаси киритилиб, бир неча слайддан иборат бўлган тайёр кўргазмани олиш мумкин. • « Тақдим этиш қолиплари » («Шаблон презентации») – кўргазмани жиҳозлаш турини танлаш ва уларда иш олиб бориш имконини беради. • «Бўш презентация» («Пустую презентацию») - мустақил

равишда кўргазма тузиш имконини беради. • «Презентацияларни очиш» («Открыть презентацию») - компъютер хотирасида дискда мавжуд бўлган кўргазмали файлларни очиш имконини беради. Ҳар бир фойдаланувчи бу дастурда иш олиб бориш учун юқоридаги бўлимларидан бирини ўз мақсадига кўра танлаши мумкин. Дастур ишини бўш кўргазмадан ҳам бошлаш мумкин. Бунда ҳам ранг схемаси, ҳарф кўринишлари, турлари ва бошқа параметрлари сақланиб қолади. Бунинг учун сичқонча кўрсаткичи «Бўш презентация» («Пустую презентацию») бўлимига олиб келади ва «ОК» тугмаси босилади. Бунда қуйидаги мулоқот дарчаси хосил бўлади. 3- расм. Слайдлар тузиш дарчасининг умумий кўриниши. Бу ердаги ҳар бир слайднинг кўринишини мос равишда танлаб олиш керак бўлади. Бунинг учун йўналиш тугмалари ёки сичқончадан фойдаланиш мумкин. Мулоқот дарчасидан керакли ҳолат, масалан: «Бўш слайд» («Пустой слайд») кўриниши танланади ва «ОК» тугмачаси босилади.

Бу амаллар бажарилгандан сўнг Power Point дастурининг умумий кўриниши ҳосил бўлади. 3. Power Point дастури менюлари ва улар бажарадиган ишлар; Power Point дастурининг умумий кўриниши ва унинг тузилиши. Power Point дастурининг умумий кўриниши: Сарлавҳалар қатори, горизонтал меню, ускуналар панели («стандарт», «форматлаш» ва расмлар билан ишлаш), режим тугмачалари (слайдлар режими, структуралар режими, саралаш режими, намойишлар режими) ва ишчи майдонни ўз ичига олади. (4- расм)

4- расм. Power Point дастури мулоқот ойнасининг умумий кўриниши Power Point экранининг пастки чап бурчагида иш режими ва унинг турларини бошқарувчи тугмачалар (пиктограммалар) гуруҳи жойлашган. Power Point дастуридаги бу тугмалар вазифалари қуйидаги жадвалда келтирилган. Янги кўргазмалар яратиш. Янги кўргазмани яратишда Горизонтал менюнинг «Файл - Создать» («Файл - Яратиш») буйруқлари бажарилади. Бу буйруқлар бажарилгандан сўнг «Презентация яратиш» («Создать презентацию») мулоқот дарчаси қўлланади. Бу дарчада қуйидаги функцияларни бажарувчи буйруқлар мавжуд: 1. Умумий (Общие) - янги кўргазма яратиш қолипи:

2. Презентация дизайнлари-турли кўргазмаларнинг тасвир ранглари ва қопламларини кўрсатиш, яъни ранг тури, ҳарфлар кўриниши ва кўргазманинг бошқа атрибутларини аниқлаш учун Power Point нинг дизайн шаблонини танлашингиз мумкин. 3. Презентациялар турлари - бунда турли соҳаларда иш олиб бориш учун мўлжалланган тайёр презентациялар кўринишлари келтирилган.

4. Web кўринишидаги сарлавҳалар Эслатма: Юқоридаги презентацияларни яратиш ва уларнинг турларини, дизайнларини ва сарлавҳаларини танлаш сичқонча орқали амалга оширилиб, ишга тушириш учун тугмаси босилади.

Слайдлар режимида ишлаш. Бу режимда янги слайд яратиш, унинг белгисини ўзгартириш, слайд матнини таҳрир қилиш, слайдларни гуруҳлаш, ранг схемасини ўзгартириш ҳамда махсус фон яратиш мумкин.

5- расм. Тайёрланган слайднинг умумий кўриниши.

• Слайдларни кичрайтириш учун матн блоки танланади ёки объект ва танлаш маркери чегаралари танланади. • Ўзгартириш киритиш учун сичқончанинг ўнг тугмачаси босилади. Экранда ёрдамчи (контексли) меню режим танлаб олинади 6- расм. Контекстли меню ёрдамида слайдларни ўзгартириш. Структура режимида ишлаш «Структура режимига ўтиш» пиктограммаси ишга туширилганда, тартибланган ҳар бир слайднинг матн ва расм кўринишлари ёзилади. Шундан сўнг Структура режимида мулоқот дарчаси қуйидагича кўринишни олади: Бу режимда матнли маълумотларни киритиш, кўргазма туркумини бошқариш мумкин. Шундан сўнг бу мулоқот дарчасида горизонтал менюдаги «Показ слайдов» («Слайдларни кўрсатиш») бўлимидан «Показ» буйруғи танланади ва экранда юқоридаги кўриниш ҳосил бўлади. Слайдларнинг Структура режимида иш юритилаётганда слайдларда турли амаллар ва кейингисига ўтказиш ишлари тугмачалари дарчанинг чап қисмида пайдо бўлади. Унинг умумий кўриниши қуйидагича ва булардан ҳар бирининг вазифалари қуйидаги жадвалда келтирилган.

Слайдларни саралаш режимида ишлаш Бу режимга ўтиш учун экраннинг чап бурчагидаги ( Слайдларни саралаш режими) пиктограммаси танлангандан сўнг экранда 7-расмда берилган кўринишдаги дарча ҳосил бўлади. Бу режимда иш олиб бориш жараёнида экранда барча яратилган слайдлар кўриниб туради ва бу слайдларнинг намойишини тартибга солиб турувчи ва алмашинувини бошқарувчи пиктограмма ҳосил бўлади. Шу билан исталган слайднинг бирор бир қисмига махсус белгилар ҳам қўйиш мумкин. Бу эса ( Белгилар сарлавҳаси режими) пиктограммаси орқали амалга оширилади. МАХСУС ЭФФЕКТЛАРНИ ЎРНАТИШ

Маҳсус эффектларни ўрнатиш деганда намойишларни бир слайддан бошқа слайдга ўтиш тезликлари кетма-кетлиги тушунилади. Бу функцияни бажариш учун Power Point дастурининг «Слайдларга ўтиш» («Переход слайда») номли мулоқот дарчаси ишлатилиб, у горизонтал менюдаги қуйидаги буйруқлар орқали ишга туширилади. «Показ слайдов » (Слайдларни кўрсатиш) - «Переход слайда» (Слайдга ўтиш) Бу буйруқ бажарилгандан сўнг экранда тегишли мулоқот дарчаси ҳосил бўлади. Бу дарчада иш юритиш, яъни бир слайддан бошқа слайдга ўтиш икки усулда олиб борилади. 1. Сичқонча тугмасини босиш орқали 2. Автоматик равишда (маълум тайинланган вақт давомида) Бу усулларни танлаш учун сичқонча кўрсаткичи керакли усул устига олиб келинади ва унинг чап тугмаси босилиб, «Барча мавжуд файл слайдларини алмаштириш» («Применить ко всем») ёки жорий (иш юритаётган) файлнинг слайдларни алмаштириш («Применить») белгисига олиб келиб керакли усул танланади. Белгилар режимида ишлаш. Бу режим ишга тушганда кўргазмадан олдин чоп этилган ва намойиш вақтида амалга оширилган слайд белгилари мажмуи учун мавжуд слайд тасвири ва матн майдони пайдо бўлади.

Намойиш режимида ишлаш. Бу режимда бутун экран намойиш этиладиган слайд билан тўлади. Кейинги слайдга ўтиш учун сичқончанинг чап тугмачаси ёки клавиатурадаги ушбу белгилар, босилади. Агар экранда сичқонча ҳаракатга келтирилса, пастки чап бурчакда шаклдаги тугмача чиқади. Бу тугмачага сичқонча билан босилганда контекстли меню ҳосил бўлади. Бу меню орқали намойишнинг бошқа режимларини бошқариш мумкин. Намунавий слайдлар тушунчаси. Намунавий слайдлар дарчаси шрифт турлари, ўлчами, слайдларнинг асосий элементларини бирлаштириш усулларини ўз ичига олади. Ҳоҳишга қараб намунавий слайдга кўргазманинг қолган барча слайдларида пайдо бўлувчи матн ёки расм қўшиш мумкин. Бундан сарловҳалар қўйиш, сана, вақт ҳамда слайд рақами майдонлари мавжуд. Намунавий слайдлар дарчасига горизонтал меню орқали қуйидаги буйруқлар орқали ўтилади ва керакли намуналар танланиб олинади. Вид-Образец-Образец слайдов Кўриниш-Намуна- Слайдлар намунаси

Кўргазмаларни сақлаш. Яратилган кўргазмалар файллар орқали сақланади. Сақлаш услуби Windows нинг бошқа дастурларидаги кабидир. Кўргазмаларни сақлаш қуйидаги усуллардан фойдаланиб бажарилади: 1. Стандарт ускуналар панелидаги сақлаш Н (пиктограммаси) тугмаси босилади ёки горизонтал менюдан «Файл» -«Сохранить» буйруқлари берилади. Шунда қуйидаги мулоқот дарчаси ҳосил бўлади ва бу дарчада қуйидаги кетма-кетликда иш амалга оширилади. 2. Сақлаш учун файл номи ва папкаси кўрсатилади. 3. «Сохранить» («Сақлансин») тугмачаси босилади. Кўргазмаларни таҳрирлаш

Кўргазмаларни сақлангандан сўнг барча слайдларни алоҳида ўзгартириш мумкин. Бунинг учун яратилган слайдларга сичқонча кўрсаткичи олиб келинади ва тугмачаси босилиб, тасдиқлангандан сўнг, керакли ўзгартиришларни киритиш мумкин бўлади. Матнларни ўзгартириш Матнларни ўзгартириш учун керакли матн майдони танланади ва у ерда матн таҳрир қилинади. РЕДАКТИРОВАНИЕ ( Тахрирлаш) Бу ерда Сиз шрифт ва абзацларни форматлашингиз мумкин. Таҳрир қилинаётган матн майдони қийшиқ штрихли рамка билан ўралади. Слайдларни белгилаш Слайдларни белгилашни қўллаб Сиз расм, диаграмма, жадвал ёки Windows нинг ихтиёрий объектини қўйишни мўлжаллаб слайд танлашингиз мумкин. Бунинг учун «файл» менюсидан «создать» буйруғи танланади. Экранда қуйидаги дарча очилади.

Слайдларнинг рангли чизмаси. Рангли чизмани қўллаб, слайднинг баъзи элементларини (фон, матн ва ҳ.к) ҳамда рангларни ўзгартириш мумкин. Бу горизонтал менюдан қуйидаги буйруқлар орқали амалга оширилади «Формат» - «Цветовая схема слайда» (Слайдларнинг рангли схемаси) Экранда қуйидаги кўринишдаги дарча хосил бўлади:

10-расм. Слайдлар рангли чизмасининг Стандарт ҳолатидаги ( Стандартная) кўриниши. Бу дарча иккита менюдаги иборат бўлиб, улар Стандарт ҳолатдаги («Стандартная») (10-расм) ва Махсус кўринишлардир («Специальная») (11- расм). 11- расм. Слайдлар рангли чизмасининг Махсус («Специальная») кўриниши. Махсус фон POWER POINT бутун кўргазма ёки алоҳида слайдлар учун махсус фон ўрнатиш имконини беради. Бу фонга ўтиш юқоридаги горизонтал менюдаги қуйидаги буйруқлар орқали амалга оширилади. «Формат»-«Фон» Экранда қуйидаги кўринишдаги мулоқот дарчаси ҳосил бўлади.

Аннимацион эффектлар Аннимацион эффектларни қўллаш учун форматлаш ускуналари панелидаги анимация тугмачасини босилса, «Анимация эффектлари» («Эффекты аннимации») ускуналар панели ҳосил бўлади. 1. Сарлавҳа анимация. Бунда анимация номи ёзилади. 2. Матнли слайдлар аннимацияси. Матн ёзилган барча слайдларни экранда намойиш этади. 3. Кириш эффекти. Бу пиктограмага сичқонча кўрсаткичи келтириб босилгандан сўнг, намойиш экранида белгиларнинг чиқиш тезликлари ҳосил бўлади. Яъни белгилар кетма-кет тартибда чиқиши таъминланади. 4. Учиш эффекти. Белгиларнинг намойиш экранида кетма-кет учиб тушишини таъминлайди. 5. Камера эффекти. Намойиш слайдининг тасвирини таъминлайди. 6. Ёниб ўчиш эффекти. Бунда слайдга ёзилган ахборотларнинг экранда бир марта ҳосил бўлиб, йўқолиш ҳолати таъминланади. 7. Лазерли эффект. Слайдлардаги ёзувларнинг учиш тезлигини ва турли томонлардан учиб ту шиш параметрларни ўзгартириш имкониятини берадиган пиктограммадир. 8. Ёзув машинаси аннимацияси. Бунда киритилган белгилар энди ёзилаётган ёзув машинасидаги каби ҳосил бўлади. 9. Олиб ташлаш эффекти. Бунда яратилган слайддаги белгилар бирор тугма босилгунгача яшириниб туради.

10. Анимацияларни созлаш. Бу пиктограмма аннимациялар параметрларини ўзгартириш учун хизмат қилади. Эслатма: Аннимацион эффектда ишлаш учун: - анимацион эффект қўлланилиши керак бўлган объект белгиланади; - танланган аннимацион эффект тугма (пиктограмма) сини босилади. Power Point дастуридаги қўшимча элементлар билан ишлаш. Расм қўйиш Кўргазмага расм қўйиш ёки расмни бошқа кўргазмадан олиб қўйиш мумкин. • Расмни қўйиш керак бўлган слайд кўриниши танланади. • Тугмача босилиб Clip Art дарчасидаги керакли расм танлаб олинади. • Шу дарчадан «Вставить» («Киритилсин») тугмачасини босилгандан сўнг яратилаётган презентацияда расм пайдо бўлади. Ҳосил бўлган расмнинг катталигини ўзгартириш ва уни бошқа жойга кўчириш ҳам мумкин. Бунинг учун: • Расм фаоллаштирилади, яъни расм устида сичқонча кўрсаткичи босилади; • Чегарадаги рамка орқали расм кераклигича катталаштирилади ёки кичкиналаштирилади; • Фаоллашган рамкадаги расм сичқонча орқали керакли жойгача судраб ўтказилади. Бундан ташқари расмларни бошқа файллардан ҳам олиб қўйиш мумкин. Бунинг учун горизонтал менюдаги «Вставка» - «Рисунок» - «Из файла» (Қўйиш) - (Расм) - (файилдан) буйруғи танланади. Натижада, экранда жиҳозлар панели пайдо бўлади. Бу панел «настройка изображения» («Тасвирни созлаш») панели бўлиб, у орқали расмни кўриш, бўяш, рамка ўтказиш, расм контрастини тўғрилаш мумкин.

Расмни сканер орқали ҳам қўйиш мумкин. Бунинг учун <Вставка> (Қўйиш) менюсидан <Рисунок> (Расм) кейин <со сканера> (сканердан) буйруғи танланади. Расм < MS PHOTO EDITOR > да очилади ва уни ўзгартириш мумкин бўлади. Кўргазмага расм қўйиб, уни ўзгартириш, масалан, чегара рангларини ўзгартириш, алоҳида фрагментлар ўрнини ўзгартириш, бир неча расмларни бирлаштириш мумкин. Икки ҳилдаги расмлар мавжуд. 1. Растрлар (гуруҳларга ажратиб бўлмайди). 2. Лита файллар (гуруҳларга ажратиш мумкин). Расмларни гуруҳларга ажратиш учун расм белгилаб олинади ва <Действия>менюсидан <разгруппировать>(Гуруҳлаш) буйруғи танланади. Жадваллар қўйиш Power Point дастурида бошқа дастурлардаги каби жадвал кўринишидаги маълумотларни ҳам киритиш ва уларни таҳрирлаш мумкин. Бу стандарт ускуналар панелидаги қуйидаги пиктограммалар ёрдамида амалга оширилади, яъни: • П ( MS Word ) И ёки ( MS Excel ) тугмачалар (пиктограммалар)идан бирини танлаб босилади; • Жадвалнинг керакли устун ва сатр параметрлари танлаб олинади ва экранда хосил бўлган жадвалга сонли хамда матнли қийматлар киритилади; • Жадвалга ўзгартиришлар киритиладиган бўлса, жадвал фаоллаштирилади, яъни сичқонча кўрсаткичи жадвал тасвири устида икки марта босилади; • Жадвал билан ишлашни тугаллаш сичқонча кўрсаткичи орқали амалга оширилади. Диаграммаларни қўйиш • Диаграммани қўйиш учун зарур бўлган слайд умумий кўринишидаги диаграммалар билан ишлаш слайдлари орқали танланади.

• 11 тугмачани босинг ва керакли кўринишдаги диаграммани танланг. Параметрларни ўрнатинг хамда қийматларни кераклича ўзгартиринг. • Диаграмма катталигини ўзгартиринг ва керакли жойга ўрнатинг. Расм чизиш Расм чизиш WORD даги каби амалга оширилади. Асосий фарқи шундаки, Power Point қўшимча график элемент ичига матн ёзиш ва уларни иҳтиёрий бурчакка айлантириш имкониятини беради. Power Point да яна «Автофигуры» («Автофигуралар») деган имкониятлар мавжуд. Бу имкониятдан фойдаланганда сариқ ромбчага аҳамият Беринг. Расм чизиш учун мўлжалланган тугмачалар чап томондаги «Рисование» («Чизиш») ҳамда «Рисование +» («Чизиш +») панелларида жойлашган. Слайдларни кўчириш, нусха олиш ва қайта такрорлаш Яратилаётган кўргазмага сарф қилинадиган вақтни: - тайёр слайдларни такрорлаш; - бошқа кўргазмага яратилган слайдларни кўчириш, ёки нусха олиш орқали тежаш мумкин. Бир кўргазмада слайдларни қайта такрорлаш 1. Қайта такрорланадиган слайдни белгиланг. 2. «Вставка» менюсидаги «Дублировать слайд» («Слайд кўчирилсин») буйруғини танланг. Бошқа кўргазмага слайдларни кўчириш 1. Мавжуд ҳамда бошқа кўргазмаларни очинг ва «Слайдларни саралаш» режимига ўтинг. 2. Иккала слайдни бир ойнада ёнма-ён акс эттириш учун «Окно» менюсида «Упорядочить все» («Барчаси тартиблансин») буйруғини танланг. 3. Танланган слайдни бир кўргазмадан иккинчисига олиб ўтинг. Бошқа кўргазма учун слайдлардан нусха олиш 1. Бошқа кўргазмага нусхаси ўтказиладиган слайдлардан олдин турувчи слайдни белгиланг.

2. «Вставка» менюсидаги «Слайды из файлов» («файллардан слайдлар») буйруғини танланг. 1. Нусхаси ўтказиладиган слайдлар турган кўргазмани топинг ва уни белгиланг. 3. Нусхаси ўтказиладиган слайдларни белгиланг ва «Вставить» («Киритилсин») тугмачасини босинг. Слайдларни ўчириш 1. Ўчирилиши керак бўлган слайдларни белгиланг. 2. «Правка» менюсидаги «Удалить слайд» («Слайд ўчирилсин») буйруғини танланг. Power Point дан чиқиш «Файл» менюсидан «Выход» («Чиқиш») буйруғини танланг. MS PowerPoint нинг юқорида кўрсатилган имкониятларини қўллаб, қуйидаги намунавий лаборатория ишининг бажарилишини кўриб чиқамиз. 4. Тақдимот дастурида ишлаш бўйича амалий мисол тахлили. Фараз қиламизки, Сиз бирор бир фирмада маркетинг бўйича мутахассис лавозимида ишлайсиз. Рахбарият сизнинг олдингизга бу фирманинг махсулотини реклама қилиш бўйича тақдимот тайёрлаш масаласини қўйди. Юқорида ўрганган билимларингиз асосида сиз нима қилган бўлар эдингиз? Бу муаммони хал қилишдан аввал қуйидаги лаборатория ишини ўрганиб чиқинг ва сўнгра қўйилган масалани тўғри хал қилишга харакат қилиб кўринг. Лаборатория иши Иш мақсади: Power Point дастурида аннимацион эффектни қўллаган ҳолда кўргазма яратиш. Ишни бажариш тартиби: 1. MS PowerPoint дастури очилади ва <Вставка> менюсидан <Новый слайд> (Янги слайд) буйруғини танланади. Керакли кўринишдаги слайд танланади. «ОК» тугмачаси босилади. Масалан, матн ва графика <Текст и

графика> деб номланган слайдни танлаймиз. Бу слайд уч қисмдан иборат. Слайд сарлавҳаси < Заголовок слайда> • Слайд матни <Текст слайда> • Сурат киритиш <Вставка картинки> 2. Слайд сарлавҳаси <Заголовок слайда> қисмига сичқонча кўрсаткичи билан босилади ва слайд сарлавҳаси ёзилади: «Информатика кафедраси» Сарлавха шрифтини жиҳоз панелидан ўзгартиришимиз мумкин: • Шрифт ўлчамини катталаштириш учун Ш тугмачаси, кичиклаштириш учун босилади Н тугмаси босилади. • шрифт рангини А тугмачаси ёрдамида ўзгартирилади. • ж 3 К тугмачалари орқали шрифт кўринишини қалинлаштириб, қийшайтириб, тагига чизиб, сояли қилиб ёзишимиз мумкин. Слайд сарлавхасини 2 баробар катталаштириб, рангини қизил қиламиз ва сояли қилиб ёзамиз. 3. Энди бу сарлавхада анимацион эффектларни қўллаймиз. Бунинг учун меню қаторидаги <Показ слайдов> (<Слайд кўрсатиш>) менюсидан <Настройка анимации> («Аннимацияларни созлаш» ) буйруғи танланади. У ерда аннимация вақти ва кўринишини хам ўрнатишимиз мумкин. «Аннимация» тугмачаси босилганда сарлавха ҳарфлари «юқоридан битта- битта учуб келсин» деган буйруқ берамиз. • <Текст слайда>деган жойга матн киритилади. Масалан, Кафедра 1991 йилда ташкил қилинган < Текст слайда> га ҳам юқоридаги сингари аннимацион эффектларни куллаймиз. Матн автоматик тарзда 2 сониядан кейин ўнг томондан пайдо бўлсин. Матн ҳаво рангда бўлсин. 4. <Вставка картинки> деган жойга мос расм танланиб қўйилади. Бунинг учун горизонтал меню қаторидаги <Вставка>-<Рисунок-картинки> буйруғи танланади. Керакли расм танланади ва <Вставить> тугмачаси босилади. Қўйилган расмни белгилаб, унга ҳам

аннимацион эффектларни қўллаймиз. Расм слайд матнидан кейинги 1 сониядан сўнг аста- секин, пайдо бўлсин. Энди слайдга фон ўрнатамиз. Бунинг учун қуйидаги амаллар кетма- кетлигини бажариш керак бўлади: • Горизонтал менюдан <формат>-<фон> буйруғи танланади. • <способы заливки> буйруғи танланади. • <Текстура> бўлимидан «голубая тисненная бумага» танланади. • <Применить> тугмаси босилади.

Aдaбиётлар : 1. Аюпов Р.Х. Microsoft Front Page амалий дастурида ишлаш. Тошкент, ТМИ, 2005 йил. 2. У.Ю.Юлдашев, Р.Р. Боқиев, Ф.М. Зокирова. Информатика, Ғ офур §улом номидаги нашриёт-матбаа ижодий уйи, Т., 2002 3. §уломов С.С, Шерму xa медов A.Т., Бегaлов Б.A. Иқтисодий информaтикa/ Тошкент, “Ўзбекистон”: 1999 й, 528 бет. 4. Аюпов Р.Х., Исмоилов СИ., Аюпов Х.Р. Хусусий компьютерда ишлаш/ “ Microsoft Word 2000 матн муҳаррири”, Т., ТМИ, 2002 йил, 124 бет. 5. Марахимова А.Р., Рахмонқулова С. Интернет ва ундан фойдаланиш/ ТДТУ, Т.: 2001 йил, 176 бет. 6. Ғ уломов С.С, Aлимов Р.X., Xодиев Б.Р. вa бошқ a лaр. Ax борот тизимлaри вa теxнологиялaри/ Тошкент, “Шaрқ”: 2000 йил. 7. Симонович СВ. и другие. Общая Информaтикa.Учебное пособие/ М, Издaтелство “АСТПресс”: 2001 г. 8. Симонович СВ. и другие. Специальная Информaтикa.Учебное пособие/. М, Издaтелство “АСТПресс”: 2001 г. 9. У.Юлдашев, Р.Р. Боқиев, М.Э.Мамаражабов. ЕХСЕ L -97. Уқув қў лланма. Т., 2000

O'xshashlar

Презентацион дастурлар power point дастури ва унинг имкониятлари

Power Point програм пакетида кичик рекламалар тайёрлаш

Microsoft Power Point

Амалий программа пакетлари

Power Point программасида ишлаш