Алгоритмик тиллар ва уларда программалаштириш

Yuklangan vaqt:

12.01.2024

Ko'chirishlar soni:

0

Hajmi:

143 KB

Ko'chirib olish

Алгоритмик тиллар ва уларда программалаштириш Режа: 1. Программалаштириш тилларининг таснифи. 2. Программалаштириш системалари хақида тушунча. 3. Алгоритмик тилнинг асосий элементлари ва тушунчаси. 4. Тилнинг алифбоси, идентификаторлар, маълумот турлари, ўзгарувчилар, константалар. 5. Алгоритмик тилнинг асосий операторлари. 6. Программа тузиш усуллари.

Программалаштириш тилларининг таснифи. Программалаштириш тиллари деганда нимани тушунасиз? Улар фойдаланувчи учун қандай имкониятлар яратади? Программа тилларининг қайси турлари ўргангансиз ва уларнинг бир-биридан фарқи нимада? Программа тилларини қандай асосий гурухларга бўлиш мумкин ва бу нимага асосланиб амалга оширилади? Юқорида келтирилган саволлар ва муаммолар хақида бироз фикрланг ва фикрларингизни бошқалар билан ўртоқлашинг. Ҳозирги пайтда юзлаб алгоритмик тиллар мавжуд бўлиб, уларга Фортран, Алгол, Кобол, Р L / I , Ассемблер, Паскаль, СИ, ЛИСП, Бейсик ва бошқа кўпгина тилларни мисол қилиб кўрсатиш мумкин. Бу алгоритмик тиллар универсал программалаш тиллари ҳисобланиб, улар инженер-техник, ҳисоблаш, иқтисодий ва бошқа характердаги кўплаб масалаларни ечишга, шунингдек маълумотлар тўпламини қайта ишлаш, матнли ахборотларни тахлил қилиш ва шуларга ўхшаш бошқа кўпгина масалаларни ечишга мўлжаллангандир. Масалаларни программалаш учун ЭҲМда программалаш тиллари деб аталувчи сунъий тиллар қўлланилади. Масалани ечишнинг ишлаб чиқилган алгоритми шу тиллар ёрдамида бир маъноли қилиб ва ЭҲМда қабул қила оладиган формада тавсифланади. Ҳозирги вақтда программалаш тилини у ёки бу белгиси бўйича тавсифлаш мумкин. Ишлатилиш соҳасига кўра программалаш тиллари универсал, яъни барча соҳаларда ҳам ишлатиш мумкин бўлган тиллар ва маълум соҳа ёки муаммоларни ечишга мўлжалланган тилларга бўлинади. Универсал тилларга юқори даражадаги тиллардан PL / I , ADA , СИ кабилар кирса, илмий- техника соҳасида ишлатиладиган тилларга Фортран, Алгол кабилар, иқтисодий масалаларни ечишга эса Кобол, РПГ, ЛИСП, Пролог каби тиллар мисол бўлади.

Фойдаланувчилар савиясига кўра эса юқори даражали ва қуйи даражали тилларга бўлинади. Юқори даражали тиллар кенг фойдаланувчилар оммасига мўлжалланган бўлиб, табиий тилга анча яқин ва тушунарли бўлади. Бундай тилларга PL / I , ADA , Бейсик, Паскаль, Кобол, РПГ, Фортран кабилар мисол бўлади. Қуйи даражадаги тиллар машина тилига яқин бўлиб, бу тилдан фойдаланувчи машинанинг тузилиши бўйича маълум даражадаги билимга эга бўлиши керак. Қуйи даражадаги тил машинанинг имкониятларидан тўлароқ фойдаланиш имконини бериб, у операцион системалар, транслятор ва компиляторлар яратиш ҳамда шу каби мураккаб программа воситаларини яратишда ишлатилади. Ҳозирги вақтда программалаш тилини у ёки бу белгиси бўйича таснифлаш мумкин. Одатда, программалаш тилининг ЭҲМга кўра боғлиқлик даражаси бўйича классификациялаш энг умумий ҳисобланади. Ушбу белгисига кўра барча тиллар иккита катта гурухга: машинага боғлиқ ва машинага боғлиқ бўлмаган тилларга бўлинади. Программалаш тилининг машина тилига яқинлиги даражасини таърифлаш учун тил даражаси тушунчаси қўлланилади. Даражаси 0 бўлган машина тили даражаларни санаш боши этиб қабул қилинган. Одамнинг табиий тили энг юқори даражадаги тил деб қаралади. Мнемокодлар биринчи даражадаги тиллар ҳисобланиб, улар машина тилларига энг яқиндир. Лекин мнемокод машина тилидан шу билан фарқланадики, унда амал кодлари мос ҳарфли белгилар билан, операндларнинг рақамли адреслари эса ҳарфли ёки ҳарф-рақамли белгилар билан алмаштирилган. Автокод мнемокодларнинг асосий хусусиятларини сақлайди. Аммо унда машина командаларининг символик аналоглари билан бир қаторда, машина тилида тўғридан-тўғри аналоги бўлмаган микрокоманда қўлланилиши мумкин.

Ушбу тилларнинг машинага мўлжалланганлиги уларнинг асосида ҳамон конкрет ЭҲМ буйруқлар системаси ётишини билдиради. Шу сабабли бундай тиллардан фойдаланиш учун қўлланилаётган ЭҲМнинг хусусиятларини билиш зарур. Шу боисдан бу тиллар амалда камроқ қўлланилади. Машинага боғлиқ бўлмаган тиллар ҳам икки гуруҳга бўлинади: процедурага мўлжалланган тиллар турли масалаларни ечиш алгоритмларини тавсифлашга мўлжалланган. Шунинг учун улар кўпинча оддий қилиб “алгоритмик тиллар” деб аталади. Лекин, аниқ айтганда “алгоритмик тил” тушунчаси программалаш тили билан ҳар доим ҳам мос келавермайди. Баъзи алгоритмик тиллар уларга қўшимча воситалар масалан, ахборотни киритиш ва чиқариш операторлари киритилгандан кейингина программалаш тилига айланади. Қуйидаги расмда программалаш тилларининг таснифи берилган.

Процедурага мўлжалланган тиллар ечилаётган масалалар хусусиятларини тўла ҳисобга олади ва конкрет ЭҲМга деярли боғлиқ эмас. Фойдаланувчиларнинг яна шундай бир тоифаси мавжудки, улар ўз соҳасида мутахассис бўлган ва ўз вазифаларини яхши билгани ҳолда кичик аниқ муаммога доир масалани ечиш учун ЭҲМдан оператив фойдаланишга эҳтиёж сезадилар. Лекин улар ЭҲМда масалани ечиш босқичлари, усуллари билан таниш эмаслар. Фойдаланувчиларнинг ушбу тоифасига хусусан ишлаб чиқариш ва бошқариш маъмурий орган ходимлари, конструкторлар, технологлар, иқтисодчилар ва бошқалар киради. Улар учун масала ечиш алгоритмини муфассал ёзишни талаб қилмайдиган, муаммога мўлжалланган махсус тиллар ишлаб чиқилган. Фойдаланувчи фақат масалани таърифлаши, бошланғич маълумотларни бериши, натижавий маълумотлар формасини кўрсатиши мумкин. Ушбу ахборотларга кўра иш программаси автоматик юзага келаверади. Программалаштириш системалари хақида тушунча. Программалаштириш системалари нима ва улар қандай ишларни амалга оширишга ёрдам беради хамда улар қандай асосий таркибий қисмлардан иборат? Юқорида олган билимларингиздан ижодий равишда фойдаланган холда ушбу саволга жавоб топишга харакат қилинг ва бунда гурухдаги талабалар билан фикр алмашинг. Программалаштириш системасининг асосий предмети - математик система таъминотининг назарий ва амалий усулларини ишлаб чиқиш ва программани эксплуатация қилишдир. “Программалаш системаси” деганда, программалашни автоматлаштириш ва программалашни ЭҲМга ўтказишни таъминловчи комплекс воситалари тушунилади.

Программалаш системаларига стандарт қўшимча программалар кутубхонаси, программалаш тиллари ва трансляторлар ҳамда программани отладка қилувчи воситалар киради. Бир қанча программаларда ёки бир программани бир қанча жойларида аниқ амалларни бажариши учун фойдаланиладиган машиналар тилидаги буйруқлар кетма-кетлиги “қисм программа” деб аталади. Ҳар хил программаларда қабул қилинадиган қисм программалар ягона конуниятлар асосида шакллантирилади ва “стандарт қисм программалар” деб аталади. ЭҲМнинг хотирлаш қурилмаларида сақланадиган стандарт қисм прграммалар тўплами стандарт қисм программалар кутубхонасини ташкил этади. Бу типдаги кутубхоналар таркибига бир неча юзлаб қисм программалар киради. Барча программалар, улар тайёрлашнинг қандай босқичидалигига қараб тегишли кутубхонада сақланиши мумкиндир. Программали модулнинг ҳар бир типи ўз кутубхонасига эга: дастлабки модуллар кутубхонаси ва юкловчи модуллар кутубхонасида программали фазоли кўринишда операцион система ўзининг компонентлари ва шунингдек фойдаланувчиларнинг бажаришига тайёр иш программалари сақланади. Бу кутубхона албатта бўлиши шарт. Чунки ҳар қандай программа навбатдаги бажарилиш учун оператив хотирага фақат юкловчи модуль кутубхонасидан келади; қолган 2 та кутубхона бўлмаслиги ҳам мумкин. Алгоритмик тилнинг асосий элементлари ва тушунчаси. Бу тил кўпчилик соха мутахассислари учун мўлжалланилган алгоритмик тил бўлиб, уни ўрганиш жуда хам осон. Бу сода ва равон тилнинг пайдо бўлиши компьютерларга, айниқса хусусий компьютерларга бўлган талабнинг анча ошиб кетишига сабаб бўлди. Нега бундай бўлганлигини мангтиқий

равишда изохлаб бера оласизми? Нега бундан олдинги яратилган тиллар бундай натижаларга олиб келмади? Алгоритмик тиллар орасида кенг тарқалган Бейсик тилини кўриб чиқамиз. Бейсик алгоритмик тилининг таркиби ва элементлари ҳақида гапиришдан олдин Бейсик тили ҳақида қисқача тушунча берайлик. Бейсик алгоритмик тили 1965 йил АҚШда “ GENERAL ELECTRIC ” фирмасининг буюртмаси асосида ишлаб чиқилган бўлиб, олдин программалаштириш элементларидан хабарсиз бўлган ЭҲМдан фойдаланувчиларнинг кенг оммаси учун мўлжаллангандир. Ушбу тил қисқа вақт ичида жуда ҳам оммавийлашиб кетди, ўзининг оддийлигига қарамасдан катта ҳажмдаги мисолларни ечишга қодир эканлигини кўрсатди. Ушбу тилнинг энг афзаллиги -ЭҲМ билан фойдаланувчи ўртасида суҳбатли режимда ишлаш қобилиятининг борлигидир. Албатта бу нарса программалаштиришни энди ўрганувчилар, бошловчилар учун айниқса қулайдир. Шунинг учун, ҳозирда барча замонавий микро-мини ва хусусий компьютерлар Бейсик тили билан таъминланган катта ЭҲМларга уланган терминал системалар ҳам Бейсик тилида ишлаяпти. Бейсик тилида тузилган программа номерланган қаторлар кетма- кетлигидан иборат бўлиб, ҳар бир қатор 100дан ошиқ бўлмаган символлардан ташкил топади. Ҳар бир қатор бир ёки бир неча операторлардан ташкил топиб, улар бир-биридан икки нуқта билан ажратилади. “Оператор” деб, ЭҲМга нима иш бажариши кераклиги хақидаги кўрсатмага айтилади. Тилнинг алифбоси, идентификаторлар, маълумот турлари, ўзгарувчилар, константалар. Бейсик алгоритмик тилининг алифбоси хақида нималар дея оласиз? Унда қандай маълумот турларидан фойдаланилади? Ўзгарувчилар ва

константалар қандай қилиб белгиланади? Идентификоторлар деганда нимани тушунасиз? Ҳар бир программалаштириш тили худди табиий тил каби ўзининг алифбоси ва луғати, грамматикасига эга. Алифбо программаларда қўлланиладиган асосий символлардан ташкил топган. Маълумки, ЭҲМ билан мулоқот тугмачалар мажмуаси, аниқроғи ундаги тугмачалар системаси орқали амалга оширилади. Демак, Бейсик тилининг белгилари ҳам шу ЭҲМ тугмачалари мажмуасидаги белгилар орқали аниқланади ва бунга қуйидагилар киради: 1) A дан Z гача бўлган 26 та лотин бош ҳарфлари: A , B , C , D , E , F , G , H , I , J , K , L , M , N , O , P , Q , R , S , T , V , U , W , X , Y , Z 2) 0 дан 9 гача бўлган 10 та рақам: 3) Ажратиш белгилари: . ; , ; (;) ; : ; / ; % ; ёки $, # 4) Бешта арифметик амал белгиси: +; -;*; /; ^; 5) Олтита солиштириш белгилари: =; =>; >; <; <= 6) () - кичик кавс. (очиқ, ёпиқ) 7) пробел, ёки бўш (очиқ) жой 8) ВК, <—–, В S -курсорни чап томонга бир позицияга суриш. Ҳарфли-рақамли символлар ва ҳарфлардан бошланадиган символлар кетма-кетлиги “идентификатор” деб аталади. “Идентификатор” деб аталувчи символларнинг максимал сони 31 тага тенг бўлади. Идентификаторлар фойдаланувчи томонидан ихтиёрий қабул қилиниб, тасвирланаётган қийматни символлар орқали имконияти борича аниқ ифодалайди. Уларга мисоллар VAR , BCD 32, XR 20 A , #32-45 Идентификаторлар ўзгарувчиларнинг, массив структураларнинг номларини, оператор белгиларини, файлларнинг номларини, калитли сўзларнинг номларини тасвирлаш учун хизмат қилади. Программанинг бажарилиш жараёнида ўз қийматини ўзгартириши мумкин бўлган катталиклар ўзгарувчилар ёки ўзгарувчи катталиклар

дейилади. Ўзгарувчилар программалаш тилларида иденфикатор ҳам деб аталади. Бейсик тилида ўзгарувчилар номлари албатта лотин ҳарфидан бошланиши ва ундан кейин рақамлардан ва лотин ҳарфларидан иборат бўлиши мумкин. Масалан : A, S, X1, UO, Z99ASD Т ўғ ри номлар Нотўғри номлар Е 2 2 Е ( рақамдан бошлаш мумкин эмас ) О5 АШВ (иккинчи символ рус алифбосига мансуб) Ўзгармас катталиклардек ўзгарувчилар ҳам оладиган қийматига қараб уч гуруҳга бўлинади. 1. Агар ўзгарувчининг номи % белгиси билан тугаса, бундай ўзгарувчи “бутун қиймат қабул қилувчи ўзгарувчи” дейилади. (масал А %, 5 %, У %, K %. 2. Агар ўзгарувчининг номи $ (айрим ЭҲМларда бу белги ўрнига # белгиси ишлатилади) белгиси билан тугаса, бундай ўзгарувчи “матн ёки символли катталикни қабул қилувчи ўзгарувчи” дейилади. ( мас. А I $, K $, M $, N $ ) Қолган ҳолларда ўзгарувчининг қиймати ҳақиқий бўлади. ( А , AI , У, K, ) Программалашда ўзгарувчини тайинлаш турли қийматлар қабул қиладиган конкрет миқдор учун хотирада ўрин ажратиш ва кейин ана шу ўзгарувчи билан унинг исми воситасида ишлаш демакдир. Константалар ёки ўзгармас катталиклар икки гуруҳга бўлинади: сонли катталиклар ва символли катталиклар. 1. Сонли катталиклар. Сонли катталиклар ўз навбатида яна икки гуруҳга - бутун ва ҳақиқий (бутун бўлмаган) сонларга бўлинади. Бутун сонлар математикада қандай ёзилса, Бейсик тилда ҳам худди шундай ёзилади, масалан, бутун соннинг Бейсик тилида ёзилиши. 20 20

-35 -35 +7 +7 ёки 7 Ҳақиқий сонларни ёзишда вергул ўрнига нуқта қўйилади. Масалан: 3,2 3.2 -10,25 -10.25 +42,767 42.767 Ҳақиқий константалар тасвирлашнинг икки шаклига: асосий ва экспоненциал шаклига эга. Агар берилган сон 10 нинг бутун даражасига кўпайтирилган бўлса, у ҳолда бу турдаги сонларни ёзиш учун Е (инглизча EXPONENTA - даражага кўтариш сўзининг бош ҳарфи) ҳарфи ишлатилади. Масалан: берилган 1,2 х 10- 3 сони 1.2E-3 кўринишда ёзилади. Бунда даража албатта бутун бўлиши шарт. Масалан: Сон Бейсик тилида ёзилиши -2,25x10 5 -2.25 Е5 +10,05x10 3 10.05 Е3 ёки 10.05Е+3 25x10 5 25 Е5 2. Символли катталиклар (матнлар) Символли катталиклар Бейсик тилида қўштирноқ (“) ичига олиб ёзилади. Масалан: Символли катталиклар Бейсик тилида ёзилиши Карим “Карим”

Пахтакор А+В Информатика ах+2х+С Жавоби = “Пахтакор” “А+В” “Информатика” “ах+2х+С” “Жавоби =” Алгоритмик тилнинг асосий операторлари. Бейсик тилидаги программа асосан сатрлар кетма-кетлигидан иборат бўлиб, хар бир сатр маълум бир амални ёки операцияни бажаради. Ҳар бир сатр бутун сондан - сатр номеридан бошланади. Сатр номеридан сўнг Бейсик тилининг буйруғи жойлашади. Бейсик программанинг берилишига мисол келтирамиз: 10 INPUT A , B , C , D 20 LET S = A * B /( C + D ) 30 PRINT S 40 GOTO 10 50 END Келтирилган программадан кўриниб турибдики, Бейсик тилида ҳар бир сатр номеридан - сатр белгисидан бошланади. Номерлар сатрларнинг келиш тартибини белгилайди. Келтирилган мисолда INPUT - ўзгарувчиларнинг қийматларини киритиш сатри, LET – ўзгарувчига тенглик ишорасидан ўнг томонда жойлашган ифоданинг қийматини бериш сатри: PRINT – ўзгарувчининг қийматини ёзишга чиқариш сатри: GOTO - бошқаришни узатиш: END – программанинг охири (тугаши). Шундай қилиб, берилган программа қуйидагиларни бажаради: A , B , C , D ўзгарувчиларнинг қийматларини киритади. ифода қийматини беради, экранга S нинг қийматини ёзади, А,В,С, D ларнинг янги қийматларини киритиш учун бошқаришни 10 cатрга ўтказади.

$Бейсикда программани ишга тушуриб юбориш учун битта RUN буйруғи етарлидир. Ўзгарувчиларга қанақадир қийматни бериш учун LET белгили ўзлаштириш операторидан фойдаланилади. Ўзлаштириш оператори ёки ўзгарувчиларга қиймат бериш жараёни қуйидагича тушунилади. LET сўзидан кейин янги қийматни оладиган ўзгарувчининг номи кўрсатилади, кейин ўзлаштириш белгиси (=) ва кейин эга бериладиган қиймат ёзилади. Масалан: LETA =3 Демак, ўзгарувчи А-га сонли 3 қийматини бериш LET ўзлаштириш оператори воситасида амалга оширилади. LET сўзини ёзмаса ҳам бўлади. Шунинг учун юқоридаги ёзувга эквивалент А=3 ёзуви тўғри ҳисобланади. Яна битта мисол: LET A= A ^2 Демак А сонини 2-даражага кўтариб ҳисоблаш керак. Программанинг кўриниши : 10 LET A=15 20 LET A=A^2 30 PRINT A 40 END RUN Программанинг структураси қуйидагича : олдин А сонига LET оператори орқали 15 қиймати ўзлаштирилади , кейин эса LET оператори воситасида бу А қийматига янги қиймат берилади , яъни А - нинг ўзини 2- чи даражага кўтаради ( А =15 эканлиги олдиндан ЭҲМга маълум ). Натижа эса ўзгарувчининг янги қабул қилинган сони сифатида қаралади. Киритиш оператори. Бу вазифани INPUT оператори бажаради. Кириш операторидан фойдаланилаётган маълумотлар тугмачалар мажмуаси орқали киритилади. Операторнинг умумий кўриниши қуйидагича. { СН} INPUT X 1, X2$

INPUT - киритиш оператори X 1 , X2 – ўзгарувчилар INPUT - операторининг ёзилиш формаси қуйидагича ҳам бўлиши мумкин. {C Н} INPUT “матн” ўзгарувчилар СН – c атр номери Матн -ихтиёрий матн, у қўштирноқ ичига олинади. Ўзгарувчилар – ўзгарувчи номлари, улар бир-биридан вергул билан ажратилади. Ўзгарувчиларга уларнинг сонлари тенг бўлиши шарт. 10 INPUT " K , N қийматларини киритинг" К, N 20 INPUT X Биринчи оператор бажарилиши билан экранда хабар чиқади: K , N қийматларини киритинг. Вергул билан ажратилган икки қийматдан сўнг, иккинчи оператор ишлай бошлайди ва бунинг учун экранга “?” белгиси пайдо бўлади, демак Хга қиймат киритиш сўралаяпди. Бундай пайтда барча керакли операциялар бажарилиб бўлгандан кейин кейинги қатор бошига мисолнинг натижаси берилади. Чиқариш оператори. Ушбу оператор ёрдамида ҳисоблаш натижаси дисплей экранига чиқарилади. Операторнинг умумий кўриниши қуйидагича. ҚН PRINT “матн” ўзгарувчилар кетма-кетлиги ҚН - қатор номери " матн" - ихтиёрий матн, апостроф ёки қўштирноқ ичига олинган бўлади. Мисол : 10 A=2.58: B=-.00645 20 PRINT A,B 30 END Бу ҳолда экранга А ҳамда В ўзгарувчилар қиймати ёзилади : А = 2.580000000 В = -6.450000000 E-03 20 чи қатордаги операторларни ўзгартириб ёзамиз

10 A=2.58: B=-.00645 20 PRINT “А=” А, “В=” , В 30 END Бу ҳолда натижа қуйидагича берилади. 2.580000000 -6.450000000 E-03 Демак, INPUT ва PRINT -операторлари орқали ҳар хил маълумотлар тўпламини киритиб, ҳар хил кўринишда уларнинг натижасини чиқариб олиш мумкин. Шуни билдикки, Бейсик алгоритмик тилида ёзилган прогаммалар уларнинг сатр номерлари ўсиб бориш тартибида бажарилар экан. Бироқ программалаштириш пайтида операторлар бажарилишининг одатдаги кетма- кетлигини баъзан ўзгартириш зарурияти ҳам туғилиб туради. Бунинг учун бир қанча операторлар, хусусан шартсиз ва шартли ўтиш операторлари хизмат қилади. Шартсиз ўтиш оператори программаларнинг исталган жойидаги сатрлар номерларига унинг исталган бажарилишини амалга оширишни таъминлайдиган ўтиш циклидир. Шартсиз ўтиш оператори GOTO сўзидан ташкил топган бўлиб унинг ўнг томонига сатр номери ёзилган бўлади. Бу сатр номери шу сатрга ўтиш содир бўлганлигини билдиради. Масалан: GOTO 20 GOTO 50 ва ҳоказо. Демак, GOTO оператори орқали программанинг 20-номерли сатрга, 50- сатрга (программанинг исталган номери сатридан) ўтиш цикли амалга оширилади. Шартли ўтиш оператори ҳам юқоридаги программанинг исталган номерли қаторига ўтиш имкониятини яратиб беради. Бироқ бу ерда ўтиш операторлари билан кўрсатилган ўзгарувчиларнинг (А) шарт-шароитлари қондирилгандагина амалга оширилади.

Акс ҳолда ўтиш амалга оширилмайди. Шартли ўтиш оператори қуйидаги кўринишни олади: IF < шарт> THEN <қатор номери> Масалан: IF A =5 THEN 20 Демак, А=5 бўлса, 20-номерли қаторда бажариш учун ўтиш амалга оширилади, акс ҳолда шартсиз ўтиш оператори билан бошқа ўтиш цикли амалга оширилади. Шартли ўтиш операторлари IF ва THEN -лардир, улар доимо биргаликда қўлланилади. Циклик (такрорлаш) операторлари. Циклни ташкиллаштириш учун алгоритмик тилларда махсус операторлар тавсия этилган. БЕЙСИК тилида бу қуйидаги жуфт операторлар: FOR ва NEXT операторлари: орқали ифодаланади. Шунингдек циклик жараёнларни ташкил қилиш учун FOR ва NEXT операторлари билан бир қаторда TO ва STEP операторлари ҳам қўлланилади. FOR - учун, NEXT -қиймат охири, TO -гача ва STEP -қадам деган маъноларни ангалатади. Ушбу операторларнинг БЕЙСИК программа таркибида ишлатилиш тартиби қуйидагича: FOR < ўзгарувчи номи> = <ўзгарувчининг бошланғич қиймати> TO <ўзгарувчининг охирги қиймати> STEP <қадам> { цикл { танаси NEXT FOR оператори қаторда биринчи бўлиб ёзилади; N ЕХТ эса аксинча ўзининг қаторида охирида келиши керак. FOR ва NEXT оператори албатта биргаликда ишлатиладилар. FOR - циклнинг бошланиши ёки циклнинг сарлавҳаси деб, NEXT -цикл охири деб аталади.

FOR ва NEXT операторлари ўртасидаги жараёнлар кўп марталаб бажарилади. Улар циклнинг асосий қисми ёки танаси деб аталади. Масалан: 10 FOR I=1 TO 10 STEP 2 20 PRINT Y=(18+12-I) 30 PRINT “Y=”;Y 40 NEXT I 50 END Программа тузиш усуллари. Программа тузишнинг қандай асосий усулларини биласиз ва улар бир- биридан нимаси билан фарқ қилади? Кичик хажмдаги программалар тузишда қандай усулларини ва катта программаларни тузишда қандай усулларни ишлатган маъқул ва нима учун? Қандай қилиб программа тузиш ва уни созлаш жараёнини тезлаштириш мумкин? Нега реал хаётда кўпроқ модулли ва структуравий усуллар кўпроқ ишлатилади? Машина тушунадиган кўринишда ёзилган алгоритм “масалани ечиш программаси” деб аталади. Программа алоҳида ва аниқ командаларни билдирадиган қаторлар кўринишида тузилиб, бажарилиши лозим бўлган амаллар кетма-кетлигини билдиради ва бу тайёр программа ЭҲМ хотирасига киритилади. Шуни айтиш керакки, ҳар қандай программа бирор программалаш тилида бажарилади. Одатда программалаш тилини “алгоритмик тил” деб аташ қабул қилинган. Бир қанча алгоритмик тиллар мавжуд. Уларга Фортран, Кобол, Алгол, Ассемблер, Паскаль, Бейсик тилларини мисол қилиш мумкин. Барча программалар, уларни тайёрлашнинг қандай босқичидалигига қараб, тегишли кутубхонада сақланиши мумкин. Программали модулнинг ҳар бир типи ўз кутубхонасига, яъни: дастлабки модуллар кутубхонасига,

объектли модуллар кутубхонасига ва ниҳоят юкловчи модуллар кутубхонасига эга. Программа ЭҲМ-га киритилгандан кейин программалашнинг кириш тилида тузилган дастлабки программали модули ҳосил бўлади. Бу модуль программа-транслятор ёрдамида объектли модулга ўзгартирилади. Объектли модулда программалаш тилининг ўзига хос хусусияти йўқолади. Бироқ бу хали иш (машина) программаси эмас. Объектли модуль программа ёзувининг қандайдир оралиқ кўринишидир. ЭҲМ-да бевосита бажарилиши учун объектли модуль таҳрир босқичидан ўтиши керак; шундан кейин абсолют модуль бўлади. Шу мақсадда сервис программаси қўлланилади. У программаларга уларни такрорий трансляция қилмасдан зарур ўзгартишлар киритади ва бажаришга тайёр программа фазалари кўринишидаги абсолют модулларни ҳосил қилади. Абсолют модуль ички машина тилида берилади. Абсолют модуль тушунчаси билан бир қаторда юкловчи модуль тушунчаси ҳам қўлланилади. У оператив хотирага операцион системанинг бошқарувчи программалари комплексига кирувчи ЮКЛОВЧИ (загрузчик)программа билан киритилади. Операцион системанинг барча кутубхоналарига хизмат кўрсатиш учун махсус сервис программалар УТИЛИТЛАР қўлланилади. Бу программа кутубхоналарни яратади ва уларга тузатишлар киритади, уларнинг мазмуни ва мундарижасини акс эттиради. Программа тузишнинг қуйидаги асосий усуллари мавжуд: 1. Юқоридан пастга, узлуксиз программа тузиш; 2. Тармоқланган кўринишда мураккаб программалар тузиш 3. Модулли усулда катта хажмдаги мураккаб программалар тузиш; 4. Программа тузишнинг структуравий усули.

Aдaбиётлар : 1. Аюпов Р.Х. Microsoft Front Page амалий дастурида ишлаш. Тошкент, ТМИ, 2005 йил. 2. У.Ю.Юлдашев, Р.Р. Боқиев, Ф.М. Зокирова. Информатика, Ғ офур §улом номидаги нашриёт-матбаа ижодий уйи, Т., 2002 3. §уломов С.С, Шерму xa медов A.Т., Бегaлов Б.A. Иқтисодий информaтикa/ Тошкент, “Ўзбекистон”: 1999 й, 528 бет. 4. Аюпов Р.Х., Исмоилов СИ., Аюпов Х.Р. Хусусий компьютерда ишлаш/ “ Microsoft Word 2000 матн муҳаррири”, Т., ТМИ, 2002 йил, 124 бет. 5. Марахимова А.Р., Рахмонқулова С. Интернет ва ундан фойдаланиш/ ТДТУ, Т.: 2001 йил, 176 бет. 6. Ғ уломов С.С, Aлимов Р.X., Xодиев Б.Р. вa бошқ a лaр. Ax борот тизимлaри вa теxнологиялaри/ Тошкент, “Шaрқ”: 2000 йил. 7. Симонович СВ. и другие. Общая Информaтикa.Учебное пособие/ М, Издaтелство “АСТПресс”: 2001 г. 8. Симонович СВ. и другие. Специальная Информaтикa.Учебное пособие/. М, Издaтелство “АСТПресс”: 2001 г. 9. У.Юлдашев, Р.Р. Боқиев, М.Э.Мамаражабов. ЕХСЕ L -97. Уқув қў лланма. Т., 2000

O'xshashlar

Структурали программалаштириш. Амалий программалаштириш

Чизиқли программалаштириш

Қавариқ программалаштириш ( каварик коварик программалаштириш дастурлаштириш

Алгоритмик тилларнинг умумий тавсифи ва металингвистик формулалар тили

Динамик программалаштириш элементлари