Adobe After Effects dasturi haqida umumiy tushunchalar - Informatika va AT - Referatlar

Adobe After Effects dasturi haqida umumiy tushunchalar

Yuklangan vaqt:

20.09.2019

Ko'chirishlar soni:

0

Hajmi:

662 KB

Ko'chirib olish

Adobe After Effects dasturi haqida umumiy tushunchalar Reja: 1. Adobe After Effects dasturi haqida umumiy tushuncha 2. Adobe After Effects dasturining imkoniyatlari 3.Adobe After Effects dasturining asosiy uskunalari

Adobe After Effects – Adobe Systems kompaniyasi mahsuloti bo’lib, dinamik tasvirlarni, videolarni tahrirlash, montaj qilish, kompozitsiya yaratish, muharrirlash, animatsion montajlar qilish, maxsus effektlar yaratish, video roliklarni rangi, yorqinligini mo’tadillashtirish va shunga o’xshash ilyuzion video roliklarni yaratish imkoniyatlariga ega bo’lgan dastur hisoblanadi. After Effects dasturini ancha keng tarqalgan Photoshop dasturi bilan qiyoslashadi. After Effects – bu dinamik tasvirlar uchun Photoshop. Ammo After Effects dasturi Photoshopga o’xshash bo’lsada, unga qaraganda ancha yaxshi va keng imkoniyatlarni taqdim etadi. Photoshop statik tasvirlar ustida ishlaydigan kuchli vositalardan hisoblansa, After Effects dinamik tasvirlar (kino, roliklar, videokliplar) bilan ishlash imkonini beradi. Adobe After Effects dasturi turli media formatlarni qo’llay olishi foydalanuvchiga ko’p qulayliklarni taqdim etadi. Misol uchun psd (fotoshop formati), jpeg, bmp, mp3, wav, avi, flv va boshqa 3D dasturlar formatlarini ham qo’llay olishi natijasida, bu dasturni boshqa dasturlar bilan birgalikda ishlay olishini aytish mumkin. Hozirda bu dastur yordamida kliplar, animatsiyalar, reklama roliklari, televideniyada teleko’rsatuvlar, kinolar, prezentasiyalar ishlanmoqda. After Effects dasturi media trekli dastur hisoblanadi. Unda ham Adobe Photoshop kabi bir necha qatlamlar bilan ishlash mumkin. Bu qatlamlar turli rasm, musiqa, video, animatsiya, matn ko’rinishida bo’lishi mumkin. Ma‟lumki, musiqasiz biror rolikni, videoni, kinoni tasavvur qilish qiyin. Har qanday professional studiya mehnat faoliyatida albatta biror musiqadan foydalaniladi. After Effects musiqiy fayllarni muharrir qilmasada, lekin, video tasvir musiqasini ayni tasvir voqeyligiga moslashtiradi. Misol uchun, videorolikda biror metal jismning urilishi tasvirlangan harakat bo’lsa, ana shu metal tovushlarini After Effects dasturida lahzama-lahza harakat voqeylikka moslashtirish imkonini beradi.

After Effects dasturida poligrafiya, raqamli fotografiya, raqamli video va audio, 3D-animatsiyalar uchun materiallar yaratish mumkin. Dasturda har qanday elementlar uchun effektlar yaratish, tahrirlash, joy-joyiga qo’yish va animatsiyalash mumkin. Shu sababli After Effects – ko’p maqsadli dasturiy mahsulot hisoblanadi. Poligrafiya va dizaynni jonlantirish, fotosurat yoki raqamli tasvirni qayta ishlash, video va filmlar ishlab chiqishda vizual effektlardan foydalanish, instrumental vositalar imkoniyatini kengaytirish kabi yo’nalishlar bo’yicha keng qamrovli foydalanuvchilar uchun mo’ljallangan. After Effects keng doiradagi raqamli vositalarni qamrab olgan, shuning uchun Adobe uskunalar to’plami sifatida Premiere Pro, Audition, Encore DVD, Photoshop va Flash dasturlari bilan birga ushbu dasturdan foydalanishni ko’zda tutadi. Vaqt o’tishi bilan faylni bir dasturdan boshqasiga oraliq qadamlarsiz va qayta ishlanadigan tasvir elementlarini yo’qotishlarsiz olib o’tish osonlashdi. Dasturlarning ishchi oynasi o’xshash bo’lsada, ammo ishlash yo’llari farq qilishi mumkin. Video materiallarni qayt а ishlash uchun mo’ljallangan boshqa dasturlar singari After Effects dasturi ham kompyuterning apparat va dasturiy ta‟minotiga talablar qo’yadi. After Effects dasturi bilan normal ishlash uchun kompyuter quyidagi minimal talablarga javob berishi kerak:  Intel Pentium 4 prosessori (ko’p prosessorli tizim tavsiya etiladi).  Microsoft Windows XR Service Pack 2 (SP2) Pro yoki Home Edition operasion tizimi.  1 Gbaytdan kam bo’lmagan tezkor xotira.  Dasturni o’rnatish uchun qattiq diskdan minimum 3 Gbayt bo’sh joy va ishchi fayllarni saqlash uchun qo’shimcha xotira maydoni kerak bo’ladi.  32 va undan yuqori bitni quvvatlovchi rangli monitor. Quyida keltiriladigan xususiyatlar shartli hisoblanmasada, ular After Effects bilan ishlashni anchagina samarali ko’rinishga olib keladi. Multiprosessorli tizimlar – tizim hisoblashlarni qancha tez amalga oshirsa, animatsiyalar uchun shunchalik tez kadrlar yaratiladi.

Qo‘shimcha TXQ (OZU) – biz ko’rishimiz mumkin bo’lgan kadrlar soni va tasvir hajmi bevosita tezkor xotira o’lchamiga bog’liq. Katta hajmli qattiq disk – yuqori sifatli katta fayllar bilan ishlash va uzoq davom etadigan animatsiyalarni yaratish imkonini beradi. Siqilmagan to’liq ekranli uch o’lchovli video, videomaterialning har bir sekundiga taxminan 30 Mbayt atrofida joy egallaydi. Katta monitor yoki bir necha monitorlar – After Effects keng ekran bo’shlig’ini talab etadi. Adobe After Effects dasturining imkoniyatlari After Effects dasturi imkoniyatlaridan eng muhimlari quyidagi keltirilgan: Mukammallashtirilgan foydalanuvchi interfeysi – After Effects dasturini Adobe kompaniyasining videofragmentlarni qayta ishlash uchun mo’ljallangan boshqa dasturlari bilan solishtirganda, interfeys va palitralardan foydalanish ancha qulay. Yangi interfeys ekran bo’shlig’idan samarali foydalanishni ta‟minlaydi va foydalanuvchi ishini osonlashtiradi. Dasturda ma‟lum sinfdagi vazifalarni bajarish uchun o’rnatilgan ishchi maydonlar orasida o’tish mumkin. Animatsiyalarning yaxshilangan paradigmasi – After Effects dasturi qatlamlarni animatsiyalash nuqta-nazaridan bir qancha afzalliklarga ega, jumladan Graph Editor (Grafik muharrir) sohasini keltirish mumkin. Graph Editor montaj stolida grafika xossalarini sozlash imkonini beradi. Ushbu soha qatlam xususiyatini ko’rishning qulay va samarali usulini taqdim etadi va animatsiyalarni sozlashni osonlashtiradi. Kengaytirilgan eksport – Windows operasion tizimi uchun After Effects dasturi Adobe Media Encoder mexanizmini taqdim etadiki, u AVI, FLV, H.264, H.264 Blu-Ray, MPEG2, MPEG2 Blu-Ray, MPEG2-DVD, MPEG4 formatlaridagi fayllarni eksport qilishni osonlashtiradi. Adobe After Effects dasturining asosiy uskunalari Ushbu mavzuda Adobe After Effects dasturi interfeysining o’ziga xos xususiyatlarini qisqacha tavsifini keltirib o’tamiz. Dasturning eng muhim tarkibiy

qismlari – Project (Loyiha), Timeline (Montaj), Composition (Kompozitsiya) hisoblanadi. After Effects dasturi ishga tushirilgandan so’ng ekranga yangi loyiha oynasi ochiladi (2.1-rasm). Dastur ilovasining asosiy oynasi o’zida tegishli vazifalarni bajarishga yo’naltirilgan bir qancha qism oynalaridan tashkil topgan bo’lib, ularning funksional vazifalariga keyingi mavzularda qarab chiqiladi. 2.1-rasm. Adobe After Effects dasturining umumiy ko’rinishi Ushbu tasvirda dastur interfeysi beshta qismga ajratib ko’rsatilgan: 1. Project va Effect Controls oynasi. 2. Composition, Layer va Footage oynasi. 3. Effektlar va shrift parametrlari oynasi. 4. Qatlamlar oynasi. 5. Timeline oynasi. Dasturning asosiy menyulari: File, Edit, Composition, Layer, Effect, Animation, View, Window, Help. 1. File – fayl menyusi yangi proyekt yaratish, oldindan saqlab qo’yilgan proyektni ochish, ishlangan proyektlarni saqlash, fayllarni Import qilish, tayyor mahsulotni Export qilish imkonini beradi. 2. Edit – tahrir qilish menyusi. Unda nusxa yaratish, qatlamdagi faylni o’chirish, undan nusxa olish mumkin. 1 2 3 4 5

3. Composition – yangi kompozitsiya yaratish, kompozitsiya parametrlarini sozlash imkoniyatini beradi. 4. Layer – qatlamlar bilan ishlovchi menyu hisoblanadi. Bu yerda Solid, Text, Camera, Adjustment Layer bilan ishlash mumkin. Bundan tashqari ayrim parametrlarni sozlash ham mumkin. 5. Effect – eng kerakli menyu bo’lib, unda barcha bizga kerakli bo’lgan effektlar to’plami mavjud. 6. Animation – animatsiya menyusi bo’lib, u animatsiya bilan bog’liq bo’lgan ishlarni amalga oshiradi. 7. View – bu menyu kompozitsiya oynasidagi tasvir qanday ko’rinishda bo’lishini belgilab beradi. Mazkur menyu orqali tasvirni bizga kerakli holatga keltirishimiz mumkin, ya‟ni tasvirni kattalashtirish, kichiklashtirish. 8. Window – “Oyna” deb nomlanuvchi bu menyu bizga katta qulayliklarni yaratib beradi. Bu yerdan bizga kerakli oynalarni ochishimiz va keraksiz oynalarni yopib qo’yishimiz mumkin. 9. Help – “Yordam” menyusi. Bu menyu Adobe After Effects dasturi haqida ma‟lumotlar kiritilgan. Qolaversa, bizda paydo bo’ladigan ba‟zi savollarga shu yerdan javob olishimiz mumkin. 2.2-rasm. Uskunalar paneli Tanlash uskunasi. 1. Qo’l uskunasi. 2. Kattalashtirish, kichiklashtirish uskunasi. 3. Aylantirish uskunasi. 4. Kamera bilan ishlash uskunasi. 5. Anchor Point uskunasi. 6. Turli shakllar uskunasi. 7. Ruchka uskunasi. 8. Gorizontal yozuv.

9. 10. Cho’tka uskunasi. 11. Yorliq uskunasi. 12. O’chirg’ich uskunasi. 13. Aylanuvchi cho’tka uskunasi. 14. To’g’nag’ich uskunasi. Rang sozlamalarini belgilash Ranglar fazosi turli usullarda berilib, ranglarni ifodalash uchun qurilmalarda ishlatilinadi. After Effects dasturi odatda kompyuter monitorida aks etadigan aynan ushbu ranglar fazosidan foydalanadi. Ammo biz o’zimiz ham oxirgi natijaga erishish uchun ishlab turgan ishchi sohani yanada aniqroq sozlashimiz mumkin. Ushbu vaziyatda dastlabki ko’rishda aks etuvchilar yakuniy ko’rinishga kelgan tasvirga yanada muvofiq bo’ladi. Ranglar fazosi shuningdek ranglarning bir-biri bilan qorishish usullarini (qatlamlar, matn, va shtrixlarni birlashtirish) belgilaydi. To’yingan va farqli (kontrast) ranglarning qorishishi ba‟zan kutalmagan natijalarga olib kelishi mumkin, masalan, nomaqbul yorug’lik gardishining yuzaga kelishi. After Effects dasturida biz ranglarni qorishtirishning ancha takomillashtirilgan usulidan foydalanishni ko’rishimiz mumkin, masalan, chiziqli qorishtirish. Boshqa tomondan, ranglar fazosini o’rnatish yoki ranglarni qorishtirishning chiziqli usullarini tanlash dastlabki ko’rishni sekinlashishiga olib kelishi mumkin. After Effects dasturi Color Bit Depth (Darajalilik) ko’shimcha parametrlarini ham o’z ichiga oladi. Rang sozlamalarini belgilash uchun quyidagi harakatlarni bajarish lozim: - Project (Loyiha) palitralar menyusidan Project Settings ( Loyihani sozlash) buyrug’ini tanlash (2.3-rasm). yoki

- File menyusidan Project Settings buyrug’ini tanlash. - ranglar fazosini belgilash uchun Working Space (Ishchi soha) menyusidan aniq maqsad uchun eng munosib variant tanlanadi. 2.3-rasm. Ekranda paydo bo’lgan Timeline va Composition oynalarini yopib qo’yish mumkin, chunki birinchidan, ularni vaqtinchalik yashirin holatga o’tkazilishini ko’rsatish, va ikkinchidan, ushbu oynalarni qachonki kerak bo’lgan vaqtda ekranga chaqirib keyinchalik o’rganish va o’zgartirish mumkin bo’ladi. Ushbu oynalar bo’lmagan holatda ularni faollashtirish dasturning yuqori qismidagi Window (Oyna) menyusidan tanlash orqali amalga oshiriladi. Timeline oynasi Timeline (Montaj) oynasi dastlabki media-fayllardan filmlar (boshqachasiga, Kompozitsiya) yaratish jarayonlarini boshqarish uchun xizmat qiladi. Agarda Timeline oynasi ekranda mavjud bo’lmasa va uni aks ettirish kerak bo’lganda Project oynasidagi kerakli Kompozitsiya nomi, ya‟ni berilgan holatdagi Comp 1 (Kompozitsiya 1) elementi ustiga sichqonchaning chap tugmasi ikki marta bosiladi. Natijada Comp 1 filmiga tegishli Timeline va Composition oynalari ekranda paydo bo’ladi. 2.8-rasm. Timeline oynasining tuzilishi Agar siz Adobe Premiere dasturi bilan ilgari ishlagan bo’lsangiz, unda ushbu elementining vazifasi va asosiy xususiyatlari sizga yaxshi ma‟lum. Ammo After Effects dasturida Timeline oynasi hech bo’lmaganda ikkita juda muhim ajralib turuvchi xususiyatga ega. Birinchidan, u bir yoki bir nechta bo’lmalardan tarkib topadi (loyihadagi Kompozitsiyalarning umumiy soniga bog’liq). 2.8-rasmda keltirilgan loyihada yagona nomdagi (joriy kadr taymkodi yuqorisidagi Comp 1 ) bo’lma berilgan. Joriy kadr taymkodi Qatlamlar Vaqt shkalasi

Agarda loyiha bir qancha Kompozitsiyalardan tarkib topgan bo’lsa, u holda ular o’rtasidagi o’tishni mos bo’lmaga sichqonchani bosish orqali amalga oshiriladi. Ikkinchidan, Premiere dasturidagi singari, ustida amal bajarilayotgan asosiy ob‟yektlar media-fayl emas, balki Adobe Photoshop dasturidagi kabi qatlam (layer) hisoblanadi. Shuning uchun Timeline oynasida filmni tahrirlash jarayoni Adobe Photoshop dasturidagi tasvirlarni tahrirlashga juda o’xshash bo’lib quyidagicha ifodalanadi. Filmni shakllantiradigan media-fayllar qatlamlar bo’yicha yonma-yon joylashadi. Umuman olganda qatlam nafaqat oldindan tayyorlangan va kompyuter xotirasidan yuklab olingan media-fayllardan, balki matn, rasm, animatsiya va boshqalardan yaratilgan rangli zastavkalardan ham tarkib topishi mumkin. Qatlamlar foydalanuvchi belgilagan tartibda ketma-ket joylashadi, va ushbu ketma-ketlikda ularning tasviri bir-birini ustiga qoplananib, film kadrlarini yaratadi. Bunda har xil qatlamlarga shaffoflik, maska, maxsus effektlar, animatsiya va boshqalarning turlicha xususiyatlari belgilanadi. Aslida, ushbu imkoniyatlar to’plami After Effects dasturining boshqa kompyuterli videomontaj vositalari orasidagi o’rnini belgilaydi. Shuni unutmaslik kerakki, After Effects dasturida filmni tahrirlash uning har bir kadri ustida ish olib borishni ko’zda tutadi. Shuning uchun qatlamlarni o’ziga xos tarzda joylashtirish film vaqtini bog’lash bilan belgilanadi. Ushbu maqsadlarni amalga oshirish uchun Timeline oynasining o’ng qismida, Kompozitsiyaning har bir qatlami uchun har bir kadr o’rnini белгиловчи vaqt shkalasi yoki vaqt lineykasi (time ruler) joylashgan (2.9-rasm). 2.9-rasm. Timeline oynasidagi joriy kadr indikatori Kompozitsiya kadrlaridan biri har doim belgilangan bo’lib, tahrirlash chizig’i va joriy kadr indikatori yordamida aks etadi (2.9-rasm). Tahrirlash chizig’i barcha video muharrirlar uchun amaliy harakterga ega bo’lib, interfeysning maxsus

elementi hisoblanadi, va shu bilan birga Timeline oynasida vaqt shkalasi belgilangan joyni ajratib turadi. Shunday ekan, vaqtning har bir momentida butun filmdan muhim ahamiyatga ega bo’lgan bitta kadr ( joriy kadr ) belgilanadi. After Effects va umuman video muharrirlarda joriy kadrni belgilash bir xil vazifaga ega, ya‟ni kursor video ma‟lumotning kerakli joyiga qo’yiladi. Shunday qilib, After Effects dasturida Kompozitsiyalarni montaj qilish jarayoni dastlabki video ma‟lumotlarni vaqt shkalasi bo’yicha joylashuvi va keyinchalik ularga turli xildagi effektlarning qo’llanilishi bilan ifodalanadi. Layer, Footage va Composition oynalari Composition oynasi (statistik va dinamik) filmning belgilangan kadrini aks ettirish uchu xizmat qiladi, qurilishi va vazifasiga ko’ra o’ziga xos media-fayllar proigrivateliga (Microsoft Windows Media Player yoki Quick Time) o’xshash. Boshqa yordamchi Layer va Footage oynalari ham taxminan shunday ko’rinishga ega bo’lib, Kompozitsiya tarkibiga kiruvchi yoki dastlabki materialga mos ravishda qatlamlardagi qandaydir tashkil etuvchilarni ko’rish uchun xizmat qiladi (2.11-rasm). 2.10-rasm. Bo’sh joriy kadrli Comp 1 kompozitsiyasi bilan berilgan Composition oynasi

2.11-rasm. Joriy kadrni kompozitsiyaning 2.12-rasm. Video faylni ko’rish alohida qatlamida ko’rish uchun xizmat uchun mo’ljallangan Footage oynasi qiluvchi Layer oynasi Kompozitsiyani yoki uning alohida qatlamini, yoki dastlabki media-faylni tegishli oynada ochish uchun:  Composition (Kompozitsiya) oynasini ochish uchun - Project oynasidagi Kompozitsiya nomi ustiga sichqoncha tugmasi ikki marta bosiladi, shunda bir vaqtda Composition oynasi bilan birga Timeline oynasi ham ochiladi;  Layer (Qatlam) oynasini ochish uchun - Timeline oynasidagi kerakli bo’lgan Kompozitsiya qatlami ustiga sichqoncha tugmasi ikki marta bosiladi;  Footage (Media-fayl) oynasini ochish uchun - Project oynasidagi dastlabki material (video yoki audio fayl, rasm, rangli zastavka va b.)nomi ustiga sichqoncha tugmasi ikki marta bosiladi. Composition va Layer oynalarining vazifasi bir tomondan Footage oynasining o’zi, boshqa tomondan esa farq qiladi. Dastlabki ikkitasi foydalanuvchiga After Effects dasturida Kompozitsiyani tahrirlash jarayonini boshqarishi va ayni vaqtda mavjud bo’lmagan film kadrlarini aks ettirishi uchun, Footage oynasi esa dastlabki media-fayllarni ko’rish (bunda hech bir o’zgartirish imkoni bo’lmaydi) uchun xizmat qiladi. Timeline oynasiga o’xshash bo’lgan ushbu barcha oynalari bir yoki bir nechta bo’lmaga ega, ularning har biri tegishli Kompozitsiyani ifodalaydi. Shunday ekan, ayni vaqtda bir qancha media-fayllarni Footage oynasida, bir qancha

Kompozitsiyalar yoki bir qancha qatlamlarni Composition va Layer oynalarida tegishli tartibda ochish mumkin.

Адабиётлар : 1. Таълим тўгрисидаги конун 1997 йил . 2. Кадрлар тайёрлаш миллий дастури 1997 йил. 3. “Мактабда информацион-коммуникацион технологиялар”, Б.Болтаев, “Маърифат” газетаси, 2005 йил 26 февраль. 4. Ўзбекистон Республикасида масофавий ўкитишнинг ягона тизимини шакллантириш концепцияси 2003 йил 11 декабрь. 5. “Компьютерлаштиришни янада ривожлантириш ва ахборот коммуникация технологияларни жорий этиш чора-тадбирлари тўгрисида” Вазирлар Махкамасининг 2002 йил 6 июндаги карори.

O'xshashlar

MS ACCESS dasturi haqida umumiy tushunchalar

AutoCAD dasturi. Umumiy tushunchalar

“Adobe Potoshop” amaliy dasturi haqida ma’lumоt

Adobe Potoshop amaliy dasturi haqida ma’lumоt

Experion dasturi haqida umumiy tushuncha