Узбекистон Республикасининг Президенти - Huquqshunoslik - Referatlar

Узбекистон Республикасининг Президенти

Yuklangan vaqt:

20.09.2019

Ko'chirishlar soni:

0

Hajmi:

70 KB

Ko'chirib olish

Узбекистон Республикасининг Президенти Режа: 1. Президентлик бошкарув тушунчаси; 2. Узбекистонда президентлик бошкаруви; 3. Узбекистон Республикаси Президентининг фаолияти.

Президентлик бошкарув тушунчаси Узбекистон Республикасининг Президенти Узбекистон Республикасида давлат ва ижро этувчи хокимият бошлиғидир. Узбекистон Республикасининг Президенти айни вактда Вазирлар Махкамасининг Раиси хисобланади. Президентнинг давлат марказий органлари тизимида тутган ўрни давлат бошкарувининг шаклига боғлик. Агар мамлакатда давлат бошкарувининг парламентар республика тури ўрнатилса, бу холда Президент факат давлат бошлиғи вазифасини бажаради ва у ижроия хокимиятига рахбарлик кила олмайди. Шунинг учун хам бошкарувнинг парламентар республика шаклида президент давлат органлари тизимида марказий ўринни эгаллайди. Бошкарувнинг Президентлик республикаси шаклидаги давлатларда эса республика Президенти давлат ва ижро этувчи хокимият бошлиғи хисобланади. У давлат органлари тизимида марказий ўринни эгаллайди. Бошкарувнинг президентлик республика шакли хозирги кунда йирик ривожланган мамлакатлардан АҚШ, Франция, Лотин Америкасидаги аксарият давлатларда ва шунингдек, ривожланаётган республика шаклидаги мамлакатларнинг карийб барчасида ўрнатилган. Мустакил Республика Давлат бошлиғисиз яшай олмайди, чунки президентлик институти мустакилликнинг асосий белгиларидан биридир. Шунинг учун барча хорижий мамлакатлар Конституцияларида, Президент лавозими бўш колган вактда унинг

ўрнини тўлдириш масаласи конунда мустахкамланган, турли давлатларда бу масала турлича хал этилади. Чунончи вице- президент лавозими мавжуд давлатларда бўш колган президент лавозимини кейинги навбатдаги сайловларгача вице-президент эгаллайди. Навбатдан ташкари сайловлар ўтказилиши, Италия ва Франция Республикаларида бу лавозимни эгалловчи шахс этиб Парламент Олий палатаси Раиси, Австрия ва Финляндияда эса хукумат бошлиғи бўлиши мустахкамланган. Агар Президент лавозими бўш бўлса, тўла муддатда президент сайлаш учун умумхалк Президент сайлови ўтказилади. Узбекистонда президентлик бошкаруви Конституцияга мувофик, Узбекистон Президенти давлат ва ижроия хокимият бошлиғидир. Айни вактда у Вазирлар Махкамасининг Раиси хам хисобланади. Республика Президентининг ўзи хукумат таркибини тузади, унинг фаолиятига бевосита рахбарлик килади. Ҳукумат ва унинг аъзолари Президент олдида хисоб берадилар. Республика Президенти давлат ва миллатнинг муштарак бирлиги рамзидир. Мазкур сифатда Президент Узбекистон Республикасининг суверенитети, хавфсизлиги ва худудий яхлитлигини мухофаза этиш, фукароларнинг хукук ва эркинликларига, Конституция ва конунларига риоя этилишининг кафилидир. У давлат конун чикарувчи ва ижроия органларининг бахамжихат ишлашини таъминлайди. Республика Президенти давлат ва ижроия

хокимиятларининг бошлиғи сифатида республика Конституция ва конунларига асосланиб хамда уларни ижро этиш юзасидан республиканинг бутун худудида мажбурий кучга эга бўлган фармонлар, карорлар ва фармойишлар чикаради. Президент Конституцияга биноан ўз вазифасини бажариб турган даврда бошка хак тўланадиган лавозимни эгаллаши ёки вакиллик, конун чикарувчи органнинг депутати бўлиши мумкин эмас. Бундай холат республика Президентининг ижро этувчи хокимиятни бошкаришидан ва «хокимият бўлиниши» принципига асосан, конун чикарувчи хокимиятдан мустакил бўлиши кераклигидан келиб чикади. Шунинг учун хам республика Президенти бевосита сайловчилар томонидан сайланади ва унинг дахлсизлиги конун билан мустахкамланган. Узбекистон Республикаси Президентининг фаолияти Узбекистон Республикаси Президенти куйидаги фаолиятни амалга оширади. У Узбекистон Республикасида давлат ва ижро этувчи хокимият бошлиғидир. Узбекистон Республикаси Президенти лавозимига ўттиз беш ёшдан кичик бўлмаган, давлат тилини яхши биладиган, бевосита сайловгача камида 10 йил Узбекистон худудида муким яшаган Узбекистон Республикаси фукароси сайланиши мумкин. Президентнинг ваколат муддати етти йил. Бир шахс сурункасига икки муддатдан ортик Узбекистон Республикасининг Президенти бўлиши мумкин эмас.

Узбекистон Республикасининг Президенти Узбекистон Республикасининг фукаролари томонидан умумий, тенг ва туғридан-туғри сайлов хукуки асосида яширин овоз бериш йўли билан етти йил муддатга сайланади. Президентни сайлаш тартиби Узбекистон Республикасининг конуни билан белгиланади. Президент ўз вазифасини бажариб турган даврда бошка хак тўланадиган лавозимни эгаллаши, вакиллик органининг депутати бўлиши, тадбиркорлик фаолияти билан шуғулланиши мумкин эмас. Президентнинг шахси дахлсиздир ва конун билан мухофаза этилади. Президент Узбекистон Республикаси Олий Мажлиси йиғилишида куйидаги касамёдни кабул килган пайтдан бошлаб ўз лавозимига киришган хисобланади: «Узбекистон халкига садокат билан хизмат килишга, Республиканинг Конституцияси ва конунларига катъий риоя этишга, фукароларнинг хукуклари ва эркинликларига кафолат беришга, Узбекистон Республикаси Президенти зиммасига юклатилган вазифаларни виждонан бажаришга тантанали касамёд киламан». Узбекистон Республикаси Президенти:  фукароларнинг хукуклари ва эркинликларига, Узбекистон Республикаси Конституция ва конунларга риоя этилишининг кафилидир;  Узбекистон Республикасининг суверенитети, хавфсизлиги ва худудий яхлитлигини мухофаза этиш, миллий давлат

тузилиши масалаларига доир карорларни амалга ошириш юзасидан зарур чора-тадбирлар кўради;  мамлакат ичкари ва халкаро муносабатларида Узбекистон номидан иш кўради;  музокаралар олиб боради хамда Узбекистон Республикасининг шартнома ва битимларини имзолайди, республика томонидан тузилган шартномаларга, битимларга ва унинг кабул килинган мажбуриятларига риоя килишни таъминлайди;  ўз хузурида аккредитациядан ўтган дипломатик хамда бошка вакилларнинг ишонч ва чакирув ёрликларини кабул килади;  Узбекистон Республикасининг чет давлатлардаги дипломатик ва бошка вакилларни бошка вакилларни тайинлаш; Ижро этувчи хокимият девонини тузиш;  Бош вазир унинг ўринбосарларини, Вазирлар Махкамаси аъзоларини, Республика Бош Прокурори ва унинг ўринбосарларини тайинлаш ва бошкалар (93-модда).  Узбекистон хузурида аккредитациядан ўтган дипломатик хамда бошка вакилларнинг ишонч ва чакирув ёрликларини кабул килади:  Узбекистон Республикасининг чет давлатлардаги дипломатик ва бошка вакилларини тайинлаш учун номзодларни Узбекистон Республикаси Олий Мажлисининг Сенатига такдим этади;

 Узбекистон Республикаси Олий Мажлисига хар йили мамлакат ижтимоий-иктисодий хаётининг, ички ва ташки сиёсатининг энг мухим масалалари юзасидан маърузалар такдим этади;  Ижро этувчи хокимият девонини тузади ва унга рахбарлик килади; республика олий хокимият ва бошкарув органларининг бахамжихат ишлашини таъминлайди; вазирликлар, давлат кўмиталари хамда давлат бошкарувининг бошка органларини тузади ва тугатади, шу масалаларга доир фармонларни кейинчалик Узбекистон Республикаси Олий Мажлисининг палаталари тасдиғига киритади;  Сенат Раиси лавозимига сайлаш учун номзодни Узбекистон Республикаси Олий Мажлиснинг Сенатига такдим этади;  Узбекистон Республикаси Олий Мажлиснинг палаталари кўриб чикиши ва тасдиклаши учун Узбекистон Республикаси Бош вазири номзодини такдим этади;  Узбекистон Республикаси Бош вазирининг такдимига биноан Узбекистон Республикаси Вазирлар Махкамаси аъзоларини тасдиклайди;  Узбекистон Республикаси Бош прокурори ва унинг ўринбосарларини тайинлайди ва уларни лавозимдан озод килади, кейинчалик бу масалаларни Узбекистон Республикаси Олий Мажлисининг Сенати тасдиғига киритади;

 Узбекистон Республикаси Олий Мажлисининг Сенатии Конститутциявий суд раиси ва судьялари, Олий суд раиси ва судьялари, Олий хўжалик суди раиси ва судьялари, Узбекистон Республикаси Марказий банки бошкарувининг раиси, Узбекистон Республикаси Табиатни мухофаза килиш давлат кўмитасининг раиси лавозимларига номзодларни такдим этади;  Вилоят, туманлараро, туман, шахар, харбий ва хўжалик судларининг судьяларини тайинлайди ва лавозимларидан озод этади;  Вилоятлар хокимиятларини хамда Тошкент шахар хокимини тайинлайди ва лавозимидан озод этади, кейинчалик бу масалаларни тегишли халк депутатлари Кенгашларининг тасдиғига киритилади. Конститутцияни, конунларни бузган ёки ўз шаъни ва кадр -кимматига доғ туширадиган хатти-харакат содир этган туман ва шахар хокимларини Президент ўз карори билан лавозимидан озод этишга хакли;  Республика давлат бошкарув органларининг, шунингдек хокимларнинг кабул килган хужжатларини тўхтатади, бекор килади;  Узбекистон Республикасининг конунларини имзолайди ва эълон килади; конунга ўз эътирозларини илова этиб, уни такроран мухокама килиш ва овозга кўйиш учун Узбекистон Республикаси Олий Мажлисига кайтаришга хакли;

 Узбекистон Республикасига хужум килинганда ёки тажовуздан бир-бирини мудофаа килиш юзасидан тузилган шартнома мажбуриятларини бажариш зарурияти туғилганда уруш холати эълон килади ва кабул килган карорини уч кун ичида Узбекистон Республикаси Олий Мажлиси палаталарининг тасдиғига киритади;  Фавкулотда вазиятлар (реал ташки хавф, оммавий тартибсизликлар, йирик халокат, табиий офат, эпидемиялар) юз берган такдирда фукароларнинг хавфсизлигини таъминлашни кўзлаб, Узбекистон Республикасининг бутун худудида ёки унинг айрим жойларида фавкулотда холат жорий этади ва кабул килган карорини уч кун ичида Узбекистон Республикасии Олий Мажлисининг палаталари тасдиғига киритади. Фавкулодда холат жорий этиш шартлари ва тартиби конун билан белгиланади;  Узбекистон Республикаси Қуролли Кучларнинг Олий Бош кўмондони хисобланади, Қуролли Кучларнинг олий кўмондонларини тайинлайди ва вазифасидан озод килади, олий харбий унвонлар беради;  Узбекистон Республикасининг орденлари, мадаллари ва ёрлиғи билан мукофотлайди, Узбекистон Республикасининг малакавий ва фахрий унвонларини беради;  Узбекистон Республикасининг фукаролигига ва сиёсий бошпана беришга оид масалаларни хал этади;

 Амнистия тўғрисидаги хужжатларни кабул килиш хакида Узбекистон Республикаси Олий Мажлисининг Сенатига такдимнома киритади ва Узбекистон Республикасининг судлари томонидан хукм килинган шахсларни авф этади;  Узбекистон Республикаси Миллий хавфсизлик хизматини тузади. Миллий хавфсизлик хизмати раисини тайинлайди ва лавозимидан озод этади, кейинчалик шу масалаларга доир фармонларни Узбекистон Республикаси Олий Мажлисининг Сенати тасдиғига киритади;  Ушбу Конститутция ва Узбекистон Республикасининг конунларида назарда тутилган бошка ваколатларни амалга оширади. Призидент ўз ваколатларини бажаришни давлат идораларига ёки мансабдор шахсларга топширишга хакли эмас.

Адабиётлар: 1. И.А.Каримов. «Узбекистоннинг ўз истиклол ва тараккиёт йўли». – Т., «Узбекистон», 1992. 2. И.А.Каримов. «Узбекистон - келажаги буюк давлат». - Т., «Узбекистон», 1992. 3. И.А.Каримов. «Буюк келажагимизнинг хукукий кафолати». - Т., «Узбекистон», 1993. И.А.Каримов. «Биздан озод 4. www.ziyonet.uz

O'xshashlar

Узбекистон Республикасининг Конституцияси мукаддима

Узбекистон Республикасининг конституциявий тараккиёт истикболлари

Узбекистон Республикаси Президенти – давлат ва ижроия хокимияти бошлиги

Узбекистон Республикасининг миллий - давлат ва маъмурий-худудий тузилиши

Таълим тўғрисида миллий дастурнинг мақсади, вазифаси Узбекистон Республикасининг қонуни таълим тўғрисида