Ижро иши юритишдаги харажатлар - Huquqshunoslik - Referatlar

Ижро иши юритишдаги харажатлар

Yuklangan vaqt:

28.10.2023

Ko'chirishlar soni:

0

Hajmi:

25.5615234375 KB

Ko'chirib olish

Ижро иши юритишдаги харажатлар Режа : 1.Ижро йиғими тушунчаси ва уни ундириш тартиби, ижро ҳаракатларини амалга ошириш харажатлари ва ушбу харажатларнинг ундирувчи томонидан бўнак билан таъминланиши ҳамда ижро ҳаракатларини амалга ошириш. 2.Харажатларини қоплаш тартиби тўғрисида талабаларда тасаввурни ҳосил қилиш ва кўникмаларни шакллантириш.

1. Маърузанинг асосий масалалари: Ижро ҳаракатларини амалга ошириш харажатлар и Суд ижрочиларининг депозит ҳисобварағида бўлиб, ижро ҳаракатларини ташкил этиш ва амалга оширишга сарфланган маблағлар, шунингдек, ижро ишини юритишда иштирок этувчи тарафлар ва бошқа шахсларнинг маблағлари ижро ҳаракатларини амалга ошириш харажатлари ҳисобланади. Ижро ҳаракатларини амалга ошириш харажатларига қуйидагилар киради: - қарздорнинг мол-мулкини ташиш, сақлаш ва реализация қилишга сарфланган маблағлар; - ижро ҳаракатларини амалга оширишга белгиланган тартибда жалб этилган таржимонлар, мутахассислар ва бошқа шахсларга ҳақ тўлашга сарфланган маблағлар; - ундирилган суммаларни ундирувчига почта орқали ўтказишга (жўнатишга) сарфланган маблағлар; - қарздорни, унинг мол-мулкини ёки қарздордан суднинг қарори бўйича олиб қўйилган болани қидиришга сарфланган маблағлар; - ижро ҳужжатини ижро этиш жараёнида амалга ошириладиган бошқа зарур ижро ҳаракатларига сарфланган маблағлар. Ижро ҳаракатларини амалга ошириш харажатлари ҳужжатлар билан тасдиқланган бўлиши керак. Ижро ҳаракатларини амалга оширишга кетган харажатлар қарздордан ундирилиб, суд ижрочиларининг депозит ҳисобварағига ўтказилади. Харажатларнинг ундирувчи томонидан бўнак билан таъминланиши “Суд ҳужжатлари ва бошқа органлар ҳужжатларини ижро этиш тўғрисида”ги Қонунга кура ундирувчи ижро ҳаракатлари таъминлаш учун суд ижрочиларининг депозит ҳисобварағига тегишли харажатларни ёхуд уларнинг бир қисмини амалга ошириш учун керакли миқдорда бўнак бадалини ўтказиши мумкин.

Ундирувчи томонидан ижро ҳаракатларини амалга ошириш учун келгусида қилинадиган ҳаражатларни қоплаш учун бўнак бадали ўтказилиши ижро ҳужжатининг ижро этилишини тезлаштиради. “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 42 - моддаси 2 қисмига мувофиқ қарздор ёки унинг мол-мулкини қидириш суд ижрочиси учун мажбурий эмас, бу ҳаракатни амалга ошириш ундирувчининг эркига боғлиқдир. Шунинг учун ҳам Қонуннинг 42 - моддасини 2 қисмида кўрсатилган ҳолларда ундирувчи қарздорни ёки унинг мол-мулкини қидириш бўйича тегишли ҳаражатларни тўлиқ бўнак билан таъминлашга ҳақли. Кўрсатилган ижро ҳаракатлари ундирувчи томонидан бўнак билан таъминлангач, суд ижрочиси қарздорни ёки унинг мол-мулкини қидириш тўғрисида тегишли қарор чиқаради. Ижро ҳаракатларини амалга ошириш учун ундирувчи томонидан тўланган бўнак бадали ижро иши тамомлангач қарздорнинг ҳисобидан копланади. Ижро ҳаракатларини амалга ошириш харажатларини қоплаш тартиби Суд ижрочиси мажбурий ижрони таъминлаганда ижрони амалга оширишга сарфланган харажатларни қарздор ҳисобидан ундиради. Суд ижрочиси томонидан чиқарилган ижро иши юритишни қўзғатиш тўғрисидаги қарорда ижро ҳаракатларини амалга оширишга сарфланган харажатлар қарздордан ундирилиши кўрсатилиши керак. Қарор чикарилгандан кейин, қарорнинг нусҳаси қарздорга топширилади . Қарздордан ундирилган ижро ҳаракатларини амалга ошириш ҳаражатлари суд ижрочиларининг депозит ҳисобварағига ўтказилади. Депозит ҳисобварағи катта суд ижрочиси томонидан бошқарилади. Ижро ҳаракатларини амалга ошириш харажатлари қарздордан ундирилган пул суммасидан (шу жумладан унинг мол-мулкини реализация қилиш йўли билан олинган пул суммасидан), ижро ҳужжати бўйича ижро йиғими тўланган ва ижро жараёнида

қарздорга солинган жарималар ундирилгач, қопланади. Суд ижрочиси мулкий хусусиятга эга бўлган ижро ҳужжатларини ижро этишда ижро ҳужжатида кўрсатилган ундирилиши лозим бўлган суммадан ташқари, ижро йиғими суммаси, жарима (агар у қўлланилган бўлса) ва ижро билан боғлиқ бошқа ҳаражатларни ҳисобга олган ҳолда, ундирувни амалга ошириши лозим. Мулкий хусусиятга эга бўлмаган ижро ҳужжатини ижро этишда суд ижрочиси қарздордан ижро йиғими ва жарималардан ташқари ижро ҳаракатларини амалга ошириш харажатларининг ундирилишини таъминлаши керак. Ижро иши юритиш қуйидаги асосларга кўра, тугатилган тақдирда, ижро ҳужжатини ижро этиш учун кетган ҳаражатлар ундирувчининг ҳисобидан қопланиши лозим: - қарздорнинг ундирув қаратилиши мумкин бўлган мол-мулки ёки даромадлари бўлмаса ва унинг мол-мулки ёки даромадларини қидириш юзасидан суд ижрочисининг қонунда йўл қўйиладиган доирада кўрилган барча чоралар натижасиз бўлса; - ундирувчи ижро ҳужжати ижро этилаётганда қарздорнинг сотилмаган мол-мулкини ўзига олишдан воз кечса ёки қарздорлик ҳисобидан ушбу мол- мулкни ўзига олиш тўғрисидаги суд ижрочисининг таклифи бўйича ўз қарорини белгиланган муддатда тақдим қилмаганда; - ундирувчи ўз ҳаракатлари (ҳаракатсизлиги) билан ижро ҳужжатининг ижро этилишига тўсқинлик қилаётган бўлса, шу жумладан ижро ҳужжатида кўрсатилган, қарздордан олиб қўйилган муайян ашёларни олишдан воз кечса. Суд ижрочиси томонидан ижро ҳаракатларини амалга ошириш билан боғлиқ харажатларини ундириш ва қоплаш билан боғлиқ барча ҳаракатлар у томонидан чиқариладиган ижро ҳаракатларини амалга ошириш харажатларини ундириш тўғрисидаги қарор орқали амалга оширилади. Бу қарорлар устидан судга шикоят ёки протест келтириш мумкин бўлганлиги сабабли, уларнинг нусхалари уч кунлик муддат ичида ишда катнашувчи тарафларга жўнатилиши лозим. Ижро йиғими

Суд ижрочиси томонидан ижро ҳужжатларини мажбурий ижро этиш бўйича ҳаракатлар амалга оширилганлиги учун қарздордан ижро йиғими ундирилади. Ижро йиғими суд ижрочиси томонидан суд ҳужжатлари ёки бошқа органлар ҳужжатларини мажбурий ижро этишда амалга ошириладиган ундирувни назарда тутади. Шу ўринда таъкидлаш жоизки, Ўзбекистон Республикасида 2007 йилнинг 1 декабридан эътиборан ижро йиғими жорий этилди. Ижро йиғими - суд ижрочиси томонидан суд ҳужжатлари ёки бошқа органлар ҳужжатларини мажбурий ижро этишдаги ундирув бўлиб, ижро ҳужжати талаби суд ижрочиси томонидан белгиланган муддатда қарздор томонидан бажарилмаган тақдирда қонун ҳужжатларида белгиланган тартибда ва миқдорда қўлланилади. Суд ижрочисининг ижро ҳужжати бўйича ижро иши юритишни қўзғатиш тўғрисидаги қарорида, қарздор ушбу қарор ижросини белгиланган ихтиёрий муддатда бажармаган тақдирда, унга ижро ҳужжати мазмунидан келиб чиққан ҳолда қанча миқдорда ижро йиғими қўлланилиши тўғрисида тушунтириш тариқасида огоҳлантирилиши шарт. Ижро ҳужжатини ихтиёрий равишда ижро этиш муддати тугагандан кейинги кунда суд ижрочиси томонидан чиқарилган қарор ижро йиғимини ундириш учун асос бўлади. Ижро йиғимини ундириш тўғрисида суд ижрочиси чиқарган қарор Қонунга мувофиқ ижро ҳужжати ҳисобланади, лекин алоҳида ижро иши юритиши қўзғатилмасдан мажбурий ижро этилади. 1. Семинар саволлари: 1. Ижро ҳаракатларини амалга ошириш ҳаражатларини қоплаш тартибини тушунтириб беринг. 2. Харажатларнинг ундирувчи томонидан бўнак пули билан таъминланиш тушунчасини айтиб беринг. 3. Ижро йиғимини ундириш асосларини келтиринг.

4. Мулкий характерга эга бўлган ижро ҳужжатлари дейилганда қандай ҳужжатлар тушунилади? 5. Ижро ҳаракатларини амалга ошириш харажатларига нималар киради? 6. Ижро йиғими тушунчаси айтиб беринг. 7. Ижро йиғими қандай мақсадларда қўлланилади? 8. Ижро ҳаракатларини амалга ошириш учун ундирувчи томонидан тўланган бўнак бадали ижро иши тамомлангач кимнинг ҳисобидан копланади? 9. Ижро йиғимини тўлаш нималарга боғлиқ бўлади? 10. Ижро йиғимини ундириш масалалари қандай ҳужжатлар билан тартибга солинади?

2. МУСТАҚИЛ ТАЙЁРЛАНИШ УЧУН МАСАЛАЛАР: Вазифа№1 Суд ижрочисифуқаролик ишлари бўйича Учтепа туманлараро судининг қарздор Юлдашевдан ундирувчи Бойтўраевга 8500000 сўм қарзни ундириш тўғрисидаги ижро ҳужжати юзасидан ижро иши қўзғатди. Ижро ҳаракатларини ихтиёрий амалга ошириш учун беш кун муддат бериб, бу муддат ўтгач, қарздорга жарима ва ижро йиғимини тўлаш мажбуриятини юклади. Қарздор ижро йиғимини тўлашни рад этди. Масаланинг кейинги ечимини топинг . Вазифа№2 Суд ижрочиси Жўраев2011 йилнинг 23 май куни фуқаролик ишлари бўйича Учтепа туманлараро судининг 87-сонли, қарздор Инамовдан ундирувчи Исмаиловга 970000 сўм қарзни ундириш тўғрисидаги ижро ҳужжати юзасидан ижро иши қўзғатган. Ушбу ижро иши бўйича қарздор Инамовдан қанча миқдорда ижро йиғими ундирилади? Масаланинг ечимини топинг . Вазифа№3 Суд ижрочиси Ҳасанов ижро иши юритишни қўзғатиш тўғрисидаги қарорда ижро ҳужжатидаги талабларни ихтиёрий равишда бажариш учун қарздор Соиповга ижро иши қўзғатилган кундан эътиборан 5 кунлик муддат белгилади . Қарздор Соипов бу муддатда ижро ҳужжатидаги талабни бажармади. Суд ижрочисининг кейинги ҳаракатини давом эттиринг. Вазифа№4

Суд ижрочиси қарздорнинг матиз русумли автомобилини ижро хужжатидаги кўрсатилган қарзни ундириш учун хатлади ва сақлаш учун сақловчига топширди. Сақловчи сақлаш харажатларини қандай қоплайди. Вазифа №5 Суд ижросининг иш юритувига қарздордан битта давлатга иккита юридик шахслар фойдасига қарзни ундириш хақидаги ижро хужжатлари келиб тушди. Келиб тушган пул маблағлари қандай тартибда тақсимланади. Вазифа №6 Қарздор Валиев вафот этганлиги сабабли суд ижрочиси Лочинов ижро ишини тўхтатиб туриш тўғрисида қарор чиқарди ва бу ҳақда ундирувчи Жабборовни хабардор қилди. Ундирувчи Жабборов ижрочининг ҳаракатидан норози бўлиб, катта суд ижрочисига шикоят қилди. Масалага юридик баҳо беринг. Вазифа №7 Суд ижрочиси2011 йилнинг 15 январ куни ундирувчи фойдасига 500000 сўм қарзни ундириш тўғрисидаги ижро ҳужжати бўйича қарздор Ғуломовга нисбатан ижро ишини қўзғатиб, ихтиёрий ижро учун 5 кун мухлат берган. Қарздор Ғуломов томонидан ижро ҳужжати ихтиёрий бажарилмаганидан сўнг суд ижрочиси 2011 йилнинг 21 январ куни қарздорнинг уйига мажбурий ижрони таъминлаш учун келган. Қарздор эшикни очмади. Суд ижрочисининг кейинги ҳаракатларини айтиб беринг Вазифа №8 Қарздор Тоғаев олти ой ичида ўз мол – мулкини олиб кетмаганлиги сабабли, суд ижрочиси Анваров қарздорни ёзма равишда огоҳлантириб, унга

тегишли бўлган мол – мулкни реализация қилиш учун топшириб юборди. Қарздор Тоғаев эса, суд ижрочининг харакатидан норози бўлиб, Суд Департаментининг ҳудудий бошкармасига шикоят қилди. Суд ижрочисининг харакати қонунийми?

3. Мустақил ўқиш учун адабиётлар. 1. Қарздор жисмоний шахсга иш ҳақи ёки унга тенглаштирилган тўловларни тўлаётган ташкилотлар ёки бошка шахслар томонидан ижро ҳужжатларини ижро этиш қоидалари . // "Ўзбекистон Республикаси қонун ҳужжатлари тўплами". 2009, № 28, 329-модда. 2. Ижро иши юритишга оид норматив-ҳуқуқий ҳужжатлар ва ички буйруқлар тўплами. Т., Адолат, 2010, 464- бет. 3. М.Қ. Ўразалиев. Ижро иши юритиш. Ўқув қўлланма. Т., ТДЮИ, 2011,369- бет. 4. У.А. Тухташева. Ижро иши юритиш. Дарслик. Т., ТДЮИ, 2009, 308 -бет. 5. Ижро иши юритишга оид процессуал ҳужжатлар намуналари тўплами. Т., Адолат, 2010, 512- бет 6. Д. Ҳабибуллаев. Суд қарорилари ижроси муаммо ва ечим. “Ҳуқуқ ва бурч”.Т., 2009 , № 10, 36-38-бет. 7. Б.Юсупов. Суд ҳужжатини ижро этмаганлик учун жиноий жавобгарлик муаммолари.Монография. Т.,2011,173-бет. 8. Қарздор жисмоний шахсга иш ҳақи ёки унга тенглаштирилган тўловларни тўлаётган ташкилотлар ёки бошка шахслар томонидан ижро ҳужжатларини ижро этиш қоидалари. // "Ўзбекистон Республикаси қонун ҳужжатлари тўплами". 2009, № 28, 329-модда. 9. Ижро иши юритишга оид норматив-ҳуқуқий ҳужжатлар ва ички буйруқлар тўплами. Т., Адолат, 2010, 464- бет.

A дабиётлар рўйхати 1. У.А. Тухташева. Ижро иши юритиш. Дарслик. Т., ТДЮИ, 2009, 308 -бет. 2. М.Қ. Ўразалиев. Ижро иши юритиш. Ўқув қўлланма. Т., ТДЮИ, 2011,369- бет. 3. Д. Ҳабибуллаев. Суд қарорилари ижроси муаммо ва ечим. “Ҳуқуқ ва бурч” Т 2009 № 10, 36-38-бет. 4. Б.Юсупов. Суд ҳужжатини ижро этмаганлик учун жиноий жавобгарлик муаммолари. Юрид.фан.номз.илм.даражасини олиш учун ёзилган дисс.автореф. Т., 2011, 26-бет. 5. Б.Юсупов. Суд ҳужжатини ижро этмаганлик учун жиноий жавобгарлик муаммолари. Монография. Т.,2011,173-бет. 6. А.Норқулов. Бурч адо етилса, ҳуқуқ топталмайди. “Ҳуқуқ ва бурч”.Т.,2012, №5,34-35-бет.

O'xshashlar

Ижро иши юритиш устидан назорат бўйича ишларни ташкил этиш

Ижро интизоми

Ижро ҳужжатини ижро этмаганлик учун жавобгарлик

Суд қарорларининг ижро этилиши

Суд қарорларининг ижро этилиши