Айрим тергов ҳаракатларини амалга оширишнинг этик ва ахлоқий асослари - Huquqshunoslik - Referatlar

Айрим тергов ҳаракатларини амалга оширишнинг этик ва ахлоқий асослари

Yuklangan vaqt:

17.07.2023

Ko'chirishlar soni:

0

Hajmi:

116.5 KB

Ko'chirib olish

Айрим тергов ҳаракатларини амалга оширишнинг этик ва ахлоқий асослари Reja : 1. Dastlabki tergov harakatlarini olib borishning umumiy qoidalari 2. Ayrim tergov harakatlarini olib borishga bo ’ lgan axloqiy talablar 3. Ehtiyot chorasini tanlashning axloqiy asoslari 1

1. Dastlabki tergov harakatlarini olib borishning umumiy qoidalar Sud bosqichiga qadar isbot qilishdagi dastlabki tergovni “dastlabki” deyilishiga sabab, aksariyat hollarda, u sudda ishni ko’rib chiqishdan oldin olib boriladi”. 1 Ba’zi olimlaruni suddan oldin va sud uchun xizmat qilyotgan faoliyat 2 , deb qarashadi. Mazmunan qaralganda “dastlabki tergov” quyidagi faoliyatlarni o’z ichiga oladi, ya’ni protsessual qonunda belgilangan tartibda vakolarli davlat organlari tomonidan jinoyatlarni tez va to’la ochish, aybdorlarni fosh etish, jinoyat ishi bo’icha ishda qatnashayotgan fuqoralarning huquq va manfaatlarini ta’minlash va adolatli qarorlar qabul qilish shular jumlasiga kiradi. Tergov harakatlari deb jinoyat protsessual qonunda ko’zda tutilgan va davlat tomonidan majburiyligi ta’minlanadigan operatsiya va usullar yig’indisiga aytiladi. Jinoyat-protsessual qonunda to’g’ridan-to’g’ri ko’rsatilganki, surishtiruvchi, tergovchi, prokuror va sud ishdagi barcha holatlarni sinchkovlik bilan, to’la, har tomonlama va xolisona ko’rib chiqishga asoslangan holda qonunga hamda huquqiy onga amal qilib o’zlarining ichki ishonchlari bo’yicha dalillarga baho beradilar. Ichki ishonch bu - kishining shunday holatiki, u mavjud dalillar yig’indisidan, tizimidan kelib chiqadigan yagona mumkin bo’lgan xulosa borligini bildiradi. Dalillarni qabul qilish va tekshirishni o’z ichiga olgan tergov harakatlari qonun bilan tartibga solinadi. Jinoyat-protsessual normalardagi axloqiy mezonlar odatda ta’qiqlar shaklida bo’ladi. Bunday taqiqlar sha’n va qadr-qimmatni kamsitishga qaratilgan harakatni taqiqlash, ko’rsatuvlarni kuch ishlatib, qo’rqitish va boshqa shunga o’xshash choralar orqali olishning, sir saqlanishi kerak bo’lgan ma’lumotlarni tarqatishning ta’qiqlanishida ko’rinadi. D. P. Ко t о v o’rinli ta’kidlaganidek, adolat va insonparvarlik tamoillari, sha’n va qadr-qimmatni hurmat qilish kabilar qatoriga quyidagi axloqiy normalarni kiritish lozim: har qanday qonun buzilishlariga yo’l qo’ymaslik, jinoyat protsessual madaniyatga qatiy amal qilish, xolislik, qat’iylik, g’arazgo’ylikning, ishochsizlikning, ayblov tomonga og’ishning, taxminiylikning bo’lmasligiga 1 A лексеев Н.С. tahriri ostida . Уголовный процесс. М.,1989, -209 b. 2 Строгович М.С. Курс советского уголовного процесса 2 том М.1970.-40 b . 2

erishish, har qanday tergov harakatlarini olib borishda ayrim shaxlar va jamoalarga ziyon etkazmasliklarni kiritish lozim. 3 Tergov harakatlari olib borilayotganda jinoyat protsessi printsiplariga, ya’ni shaxsning sha’ni va qadr-qimmatini hurmat qilish (O’z R JPK 18-m), gumon qilinuvchi, ayblanuvchi va sudlanuvchini himoyalanish huquqi bilan ta’minlash (O’z R JPK 24-m), aybsizlik prezumptsiyasi (O’z R JPK 14-m), dalillarni bevosita va og’zaki usulda tekshirishga (O’z R JPK 26-m) so’zsiz rioya qilinishi. Tergov amaliyotida, afsuslar bo’lsinki, qonunga rioya qilish, suningdek etika normalarini bajarish borasida barchaga ma’lum bo’lgan kamchiliklar mavjud. Bular qatoriga birgina taxminni ishlsb chiqish bilan bog’liq ayblov tomonga og’ish, tergovda ishtirok etayotganlarning huquqini ta’minlaamaslik, tergovni yuzaki olib borish, jinoyatning ochilmasligiga olib keluvchi sustkashlik, tergov harakatlarini oli borishda va ular bo’yicha bayonnoma yuritishda ifodalanadi. Ayrim tergov hujjatlarini qalbakilashtirish hollari ham uchrab turadi. Bu kabi kamchiliklarga yo’l qo’ymaslik uchun ko’plab ob’ektiv va sub’ektiv sabablarni bartaraf qilishni talab qiladi. Tergovchining faoliyati u tomonidan protsessual qonunga rioya qilish qat’iy ta’minlanganda, u ishda barcha ishtirok etayotganlarning qadr-qimmatini hurmat qilib sog’lom axloqiy muhitni yaratgan holda tergov harakatlarini olib borganda, ob’ektiv harakat qilganda muvaffaqiyatli bo’lishi mumkin. Ko’rinib turibdiki, tergovchi yuqori darajadogi axloqiy va psixologik sifatlarga egabo’lishi lozim, aksincha unining shaxsi va xulq-atvoridagi axloqiy nuqsonlari xavfli oqibatlarga olib kelishi mumkin. Tergovchi o’ faoliyati davomida uch turli, ya’ni protsessual, kriminalistik va axloqiy qoidalarga asoslanadi. Protsessual normalar tergovchidan tergov olib borish jarayonida tergovni qaysi shakllarda, qanday tartibda olib borishlikni ko’rsatadi. Kriminalistika tomonidan islab chiqilgan tavsiyalar tergovchiga terovni olib borishning taktik yo’nalishini belgilab olish, dastlabki tergov oldida turgan jinoyatni tez va to’la ochish, aybdorlarni fosh qilishdek muhim vazifalarni eng samarali amalga oshirishning 3 Кокорев Л . Д ., Котов Д . Л . Указ . соч . С .110 . 3

uslub va yo’l-yo’riqlarini izlab topish imkoniyatini beradi. Axloqiy normalar tergov olib borishdagi u yoki bu usullarining axloq nuqtai nazaridan maqbulligini baholashga imkon beradi. Barcha tartib-qoidalar bir-biri bilan uzviy bog’liqlikda bo’lsada lekin qonun ular orasida yuqori turadi. Tergovchi o’z kasbiy burchi uchun hamda dastlabki tergov oldida turgan vazifalarning ijrosi uchun shaxsan axloqiy javobgar hisoblanadi. Buning uchun u xolis, beg’araz, adolatli, insonparvar va xushyor bo’lishi kerak. Xizmat faoliyatini amalga oshirayotganda chidamlilik, bosiqlik, xushmuomalalikka rioya qilishi lozim. Jinoyatni tergov qilayotganda tergovchi sodir etilgan jinoyatga yoki jinoyat ish bo’yicha tergov harakatklarini olib borishga u yoki bu shaklda daxldor bo’lgan fuqarolarning keng doirasi bilan axloqiy munosabatlar tizimida harakat qiladi. Umuman olganda tergovchining faoliyatga yuqori axloqiy talablar qo’yiladi. Bu fuqarolar jinoyat ishining yakunidan manfaatdor bo’lgan, o’zlarining huquq va manfaatlarini himoya qiluvchi protsess ishtirokchilari hisoblanadi. Ular qatoriga qonun ayblanuvchi, jabrlanuvchi, ularning vakillari, ayblanuvchining himoyachisi, fuqaroviy da’vogar, fuqaroviy javobgar va ularning vakillarini kiritadi. Tergovchida o’z vakolatlarini amalga oshirayotganida xuddi shu shaxslar bilan munosabatlarda birinchi navbatda axloqiy huquq va axloqiy majburiyatlar yuzaga keladi. Bundan tashqari tergovchida axloqiy huquq va axloqiy majburiyatlar ishda ishtirok etayotgan gubohlar, exspertlar, tarjimonlar, xolislar, mutaxassislar va haqiqatni aniqlash yoki tergov harakatlarini tashkil etishda qatnashayotgan boshqa shaxalar bilan ham munosabatlarda ham yuzaga keladi 4 . 2. Ayrim tergov harakatlarini olib borishga bo’lgan axloqiy talablar Asosiy tergov harakatklarini olib borishda rioya qilinishi talab etiladigan axloqiy talablar to’g’risida to’xtalib o’tamiz. 4 Васильева Г.А. Профессиональная этика юриста . Учебно-методический комплекс по дисциплине Челябинск, 2005 . 40-50 b. 4

Hodisa sodir bo’lgan joyni ko’zdan kechirishda rioya qilinishi talab etiladigan axloqiy talablar. Tergovchining huquqiy majburiyati jinoyatni tez va to’liq ochishga va aybdorlarni fosh qilishdan iborat. Hodisa sodir bo’lgan joyni ko’zdan kechirish aynan shu yoyda jinoyat sodir etilganligi yoki uning izlari borligi haqidagi ma’lumotlar bo’lgan taqdirda kechiktirib bo’lmaydigan tergov harakatlarini olib borish haqidagi kriminalistik uslub qoidasi chuqur axloqiy ahamiyatga ega. Kechiktirib bo’lmaydigan tergov harakatlarini o’z vaqtida olib borish tergovchiga o’z vaqtida jinoyat sodir etgan shaxsni aniqlash va uni ushlash chorasini ko’rish, sodir bo’lgan hodisaning sharoiti, sodir bo’lish mexanismi va boshqa holatlarni aniqlash, jinoyatning moddiy izlarini va predmetlarini topish, qayd qilish va olish, olingan narsalar, jinoyat qurollari, predmetlarni ko’zdan kechirish borasida ularni saqlash choralarini ko’rish imkonini beradi. Amaliyotda uchrab turadigan hodisa sodir bo ’ lgan joyni ko ’ zdan kechirishni sustkashlik bilan amalga oshirish yoki bo ’ lmasa zarur bo ’ lganda uni o ’ tkazishdan bosh tortish tergovchining kasbiy va axloqiy burchlariga zid harakat hisoblanadi . Hodisa sodir bo’lgan joyni ko’zdan kechirish bunday qaraganda biron-bir axloqiy muammolarni keltirib chiqarmaydi, chunki unda faqat tergovchi va xolislar ishtirok etishadi. Ammo bu tergov harakati ham turli xil odamlar bilan munosabatga kirishishni taqozo etadi va axloqiy jihatlarga ega bo ’ ladi . O ’ z R JPK O ’ zbekiston Respublikasi Konstitutsiyasiga binoan turar joyni ko ’ zdan kechirish alohida tartib o ’ rnatadi . Turar joyni ko ’ zdan kechirish O ’ zbekiston Respublikasi Konstitutsiyasining 27- moddasi talablariga qat ’ iy amal qilish zarurligi bilan bog ’ liq bo ’ lib , unga ko ’ ra hech kim qonun nazarda tutgan hollardan va tartibdan tashqari birovning turar joyiga kirishi mumkin emas . Bundan kelib chiqib , dastlabki terovni olib borayotgan shaxs turar joyni ko ’ zdan kechirishga zarurat bo ’ lganda unda istiqomat qilayotgan barcha shaxslardan rozilik olishi kerak . Bu o ’ rinda turar joyni ko ’ zdan kechirishni tuntuv o ’ tkazish bilan almashtirmaslik zarur . Tergovchi voqeaga bevosita dahldor bo ’ lgan ob ’ ektlarnigina ko ’ zdan kechirishi lozim . 5

Xolislar , mutaxassislar , ko ’ pchilik hollarda militsiya xodimlari ishtirokida hodisa sodir bo ’ lgan joyni ko ’ zdan kechirishda ushbu jarayonida barcha ishtirok etayotganlar bilan o ’ zaro to ’ g ’ ri munosabatlarni ta ’ minlash muhim hisoblanadi . Tergovchi ko ’ zdan kechirishning barcha ishtirokchilari harakatlariga rahbarlik qiladi , hodisa sodir bo ’ lgan joydan begonalarni ketkazib yuborish choralarini ko ’ radi . Ko ’ zdan kechirish jarayonida u yoki bu shaxs hayotining sirli tomonlarini oshkor qilishga yo ’ l qo ’ yilmaydi . Yashash joyi bo ’ lmagan , shuningdek turli yuridik shaxslar joylashgan binolarni ko ’ zdan kechirish yuridik shaxs vakilining ishtirokida amalgam oshiriladi . O’zbekiston Respublikasi Jinoyat-protsessual kodeksining 138-moddasida murdani ko’zdan kechirishning alohida qoidalari belgilangan. Murdani ko ’ zdan kechirish odatda u topilgan joyni ko ’ zdan kechirish bilan bir vaqtda amalga oshiriladi va bu holatda murdani ko ’ zdan kechirish hodisa sodir bo ’ lgan joyni ko ’ zdan kechirish bayonnomasida qayd etiladi . Murdani ko’zdan kechirish mustaqil tergov harakati hisoblanadi, qachonki u tergovchi kelgunga qadar hodisa sodir bo’lgan joydan boshqa joyga ko’chirilgan bo’ladi, masalan, murdani ko’zdan kechirish o’likxonada (morg) da amalgam oshiriadi va natijada alohida bayonnoma tuziladi. Murdani ko’zdan kechirish aynan tergovchi tomonidan, ya’ni O’zR JPK 345-moddasi 1-qismi 2- bandi talabiga asosan prokuratura organining tergovchisi tomonidan xolislar, sud-tibbiyot experti ishtirokida olib boriladi. Shuningdek murdani ko’zdan kechirishda kriminalistlar, kimyochilar, biologlar va b. mutaxassislar ishtirok etishi mumkin. Agarda vafot etgan shaxs aniqlanmagan bo’lsa, bunday murdalarni krematsiya qilish - maxsus pechlarda murdani kuydirish mumkin emas. Chunki, kelgusida bu murdani tanib olish uchun tergov harakatlari o’tkazilishi mumkin. Tanib olinmagan murdani faqat prokuror ruxsati bilan ko’miladi. 5 O’zbekiston Respublikasi JPK 148-152-moddalarida esa murdani exgumatsiya qilish asoslari, tartibi va unga oid protsessual harakatlar belgilangan. Exgumatsiya qilish murdani qabrdan chiqarib olishni o’zida ifodalaydi. Murda 5 Qarang: O’zbekiston Respublikasi Jinoyat-protsessual kodeksiga sharhlar.T.TDYI.2009. -245-247 b. 6

komilgan joy deb olganlarni komish uchun ajratilga maxsus joy, ya’ni qabristonni yoki bo’lmasa jinoyatchi yoki bo’lmasa jinoyatchilar tomonidan yashirincha murda ko’milgan joyni tushunish lozim. Murdani exgumatsiya qilish tergovchining maxsus qarori asosida amalgam oshiriladi. Marhumning yasin qarindoshlari yoki qarindoshlari murdani exgumatsiya qilishga qarsi bo’lganlarida uni o’tkaziishlik uchun sudning qarori zarur bo’ladi. Exgumatsiya qilishlik zarurat tugilganda, ya’ni ko’milgan murdani birinch yoki ikkinch marotaba ko’zdan kechirishda, murdani tanib olish uchun korsatishda, birinchi yoki ikkinch marotaba expertiza o’tkazishda amalgam oshiriladi. Expertiza tergovchi tomonidan xolislar, sud-tibbiyot experti ishtirokida, sud-tibbiyot expertini ta’minlashning imkoniyati bo’lmaganda shifokorning ishtirokida, boshqa mutaxassislar, shuningdek murdani qabrdan olib chqish uchun erni qazish ishlarini amalgam oshiruvchi shaxslar ishtirokida 6 o’tkaziladi. Tergovchining qaroriga binoan exgumatsiya qilish paytida boshqa shaxslar ham, masalan, gumon qilinuvchi yoki ayblanuvchi, sud tomonidan bunday qaror chiqarilganda esa sudlanuvchi, jabrlanuvchi yoki guvohlar ishtirok etishlari, tanib olish maqsadi ko’zlanganda marhumning qarindoshlari ham qatnoshishi mumkin bo’ladi. Exgumatsiya o’tkazilgandan keyin murdani ko’mish va murda ko’milgan joyni tartibga keltirish mahalliy byudjet hisobidan amalga oshiriladi. Shu sababli ham exgumatsiya o’tkazish paytida mahalliy hokimiyat vakillari, ya’ni mahalla, qishloq fuqarolar yig’inlari vakillari ishtiroki maqsadga muvofiq bo’ladi. Murdani ko’mish unga nisbatan hurmat-ehtirom qoidalariga amal qilgan holda, diniy talablar va mahalliy urf-odatlarga rioya qilib hamda vafot etgan shaxsning yaqinlari bildirgan istaklarni e’tiborga olib bajarilishi kerak 7 . Guvohlantirish surishtiruvchi, tergovchining guvohlantirish o’tqazish to’g’risidagi asoslantirilgan qarori yoki sudning shu to’gridagi ajrimiga asosan inson tanasida alohida belgilar, tan jarohatlari, mastlik darajasi va boshqa xususiyat 6 Васильева Г.А. Профессиональная этика юриста . Учебно-методический комплекс по дисциплине Челябинск, 2005 . 40-50 b. 7 Qarang: O’zbekiston Respublikasi Jinoyat-protsessual kodeksiga sharhlar.T.TDYI.2009. -260-264 b. 7

hamda belgilar, suningdek jinoyat ishi uchun ahamiyatli bo’lgan holatlarni aniqlashlik uchun o’tkaziladi. Guvohlantirish sud-tibbiyot expertizasi o’tkazilishi talab etilmaydigan va tanada jinoyat izlarining bor-yo’qligini aniqlashgina etarli deb hisoblangan holatlarda amalgam oshiriladi. Gumon qilinuvchi, ayblanuvchi, sudlanuvchi va jabrlanuvchi guvohlantirishi mumkin. O’z R JPK 146-moddasi bilan guvohlantirishning barcha ishtirokchilarining konstitutsiyaviy huquqlari himoyalangan. Guvohlantirish chog’ida aniqlangan tanadagi alohida belgilarni sir saqlash zarurligi haqida ogohlantirilishlari lozim. Shsaxsni yalang’ochlash yoki uning badanidagi tirnalgan, shilingan, qontalash joylarni g’liq bo’lgan, shuningdek, ushbu Kodeks 142-moddasining ikkinchi bandida nazarda tutilgan guvohlantirish surishtiruvchi, tergovchi yoki sudning topshrig’iga binoan shifokor yoki boshqa mutaxassis tibbiy xodim tomonidan guvohlantirilayotgan shaxs bilan bir jinsdagi shaxslar huzurida o’tkaziladi. Bunday hollarda guvohlantirilayotgan shaxsning or- nomusi, sha’ni, qadr-qimmati toptalmasligi uchun tegishli choralar ko’rilishi lozim. 8 Olib qo’yish va tintuv muhim tergov amallaridan hisoblanadi. Olib qo’yish bu-qaerdaligi va kimdaligi ma’lum hamda jinoyat ishi uchun ahamiyatli bo’lgan predmet va hujjatlarni majburan olib qo’yishdan iborat bo’lib, avval ularni ixtiyoriy ravishda tergovchiga topshrilishi so’raladi, gumon qilinuvchi, ayblanuvchi yoki predmet va hujjatlarni saqlayotgan shaxs tomonidan ular ixtiyoriy topshrilsa bu haqda bayonnomada ko’rsatiladi va qonunga binoan ashyoviy dalil deb e’tirof etiladi. Jinoyat uchun ahamiyatga molik narsa va hujjatlarning aynan kimda va qaerdaligi sud muhakomasi chog’ida ma’lum bo’lib qolsa, sud ham ularni olib qo’yishga haqli va bu haqda tegishli ajrim chiqaradi. O’zida davlat va harbiy sitni saqlaydigan hujjatlar va narsalarni olib qo’yishda shu sirlar bilan tanishishga ruxsati bo’lgan xolislar taklif qilinadi va ular tegishli tartibda ogohlantiriladi. 8 Qarang: O’zbekiston Respublikasi Jinoyat-protsessual kodeksiga sharhlar.T.TDYI.2009. -256-257 b. 8

Tintuv bu-turar joylarda yoki boshqa joy yoxud xizmat, ishlab chiqarish binolarida jinoyat ishiga aloqador bo’lgan, ish uchun ahamiyatli narsa va hujjatlar bor deb o’ylashga asosli ma’lumotlarga ega bo’lganda, ularni izlash, toppish va ishga qo’shish uchun amalgam oshiriladigan harakat hisoblanadi. Qonun bo’yicha tintuv shaxsga xizmat yoki boshqacha tarzda qonuniy aloqasi bo’lmagan yoki uning huquqi bo’lmagan, shu jumladan, qidirilayotgan shaxslarni va murdalarni toppish maqsadida ham amalgam oshiriladi. Tintuv – tintuv o’tkazilayotgan shaxsning ixtiyoridan qat’i nazar, majburiy o’tkaziladigan harakat hisoblanadi va fuqarolarning shaxsiy erkinligi, uy-joyining daxlsizligiga oid huquqlariga ta’sir etishi bilan ajralib turadi. 9 Qidiruv fuqaroning huquqini yuqori darajada cheklaydi va axloqiy normalarga alohida aniq amal qilishlikni talab qiladi. Bu o’rinda A.F.Koni “Bu tergob harakatlari halol kishining hayotiga notinchlik keltiradi va atrofidaglarning unga bo’lgan munosabatiga nifoq soladi, shu sababli ular katta ehtiyotkorlik bilan qollanilishi lozim”, deb o’rinli ta’kidlagan. 10 Odatda tintuv gumon qilinuvchi va ayblanuvchiga nisbatan o’tkaziladi. Ammo tintuv guvohga, jabrlanuvchiga va boshqa hech bir protssessual maqomga ega bo’lmagan shaxslarga nisbatan ham o’tkazilishi mumkinligi istisno etilmaydi. Tintuv uni o’tqazish uchun etarli huquqiy asoslar bo’lganda, ish holatlari bo’yicha u zarur bo’lganda, demakki axloqan ma’qullanganda o’tkazilishi mumkin. Surishtiruvchi, tergovchi olib qo’yish yoki tintuv o’tkazishga kirishishdan oldin olib qo’yish yoki tintuv o’tkazilayotgan shaxsni qaror yoki ajrim bilan tanishtirib unga imzo qo’ydirishi shart. Ushbu tergov harakatlarini o’tkazish ertalab soat 06 dan kech soat 22 ga qadarli amalgam oshirilishi lozim. Noqonuniy tintuv o’tqazish fuqaroning konstitutsiyaviy huquqining qo’pol buzilishi hisoblanadi . Kechiktirib bo’lmaydigan hollarda va kechasi tegishli ruxsatsiz tintuv o’tqazishga bunday ruxsatni olish murakkab bo’lganda yoki tintuv 9 Qarang: O’zbekiston Respublikasi Jinoyat-protsessual kodeksiga sharhlar.T.TDYI.2009. -275-276 b. 10 Кони А. Ф. Избранные произведения. М., 1959. Т. 1. С. 607. 9

o’tqazishni paysalga solish uning samarasiz bo’lishiga olib kelishi mumkin bo’lgan hollarda yo’l qo’yiladi. Agar ertalab soat 06 dan kech soat 22 ga qadar tintuv yoki olib qo’yish tergov harakatini joy va xonalarning ko’pligi, kech bo’lganligi va yorug’lik etarli emasligi sababli tergov harakatini to’xtatib, qidirilayotgan xonani muhrlab, uni tergov harakatini davom ettirishgacha muhofaza qilish choralari ko’rilishi kerak, muhofaza qilish imkoniyati bo’lmasa tergov harakatini tungi vaqtda ham yoritish choralarini ko’rgan holda amalga oshirilishi va tergov harakati yakunlanishi lozim. Kechiktirib bo’lmaydigan hollarda tintuv prokurorning sanktsiyasisiz o’tkazilishi mumkin, lekin bunday holda o’tkazilgan tintuv haqida yigirma to’rt soat ichida prokurorga xabar qilinadi, bunday yozma xabarnoma asoslantirilgan bo’lishi kerak. 11 Tergovchi tintuv o’tkazilayotganda tintuv kimnikida o’tkazilayotgan bo’lsa u shaxsning ishtirokini ta’minlashga majbur, shuningdek tintuv o’tkazilayotgan xonada yashayotgan bolalarni boshqa joyga o’tkazib turishlikni taa’minlashi lozim, agarda oilada bemorlar bo’lsa tintuv ularning ahvoliga bevosita ta’sir qilmasligi uchun ularni boshqa joyga olib o’tish zarur. 12 Tintuv o’tkazilayotganda xolislar ishtiroki haqida har xil fikrlar bildirilgan. Amaliyot korsatilishicha bu muhim institutga alohida etibor qaratilishi kerak. Tintuv tergov harakatining ishning pirovard natijasiga muhim ta’sirini ko’zlagan holda, tintuv qilinayotganga notonish bolgan kishilarni xolis tariqasida jalb qilishlik kerak, aslo uning qo’shnilarini emas. Tintuv tergov harakatini o’tkazilayotganida tergovchi tintuv o’tkazilayotgan shaxsning shaxsiy hayotiga, shaxsiy va oilviy sirlarining oshkor bo’lib ketmaslik choralarini imkon qadar ko’rishi kerak. Bunday talab uning yaqin kishilari, hatto ishga dahli bo’lmagan boshqa shaxslarga tegishli ma’lumotlarga ham tegishli hisoblanadi. 11 Qarang : O ’ zbekiston Respublikasi Jinoyat - protsessual kodeksiga sharhlar . T . TDYI .2009. -280-281 b . 12 Васильева Г.А. Профессиональная этика юриста . Учебно-методический комплекс по дисциплине Челябинск, 2005. 40-50 b . 10

G.A. Vasileva o’rinli ta’kidlaganidek, tintuv tergov harakatini o’tkazilayotganida tergovchidan sabr-toqat va matonat talab etiladi, yopiq bino va narsalar turgan xonalarni majburan ochish chorasini qo’llahga shoshilmasdan ularning egalari, vakolatli shaxslar tomonida o’z ixtiyorlari bilan ochilishiga erishish, tintuvdan keyin sodir etilgan tartibsizlikdan oldingi holatiga keltirish choralarini ko’rishi lozim. Fuqaronikida tintuv o’tkazilishining o’zi, natijasidan qat’i nazar, uning obro’siga putur etkazadi. Su sababli bunday shaxslarning qaysidir ma’noda obro’-e’tiborlarini tiklash lozimligi haqidagi fikr bilan kelishish maqsadga muvofiq. V. V. Leonenko bu borada, ya’ni ularning obro’-e’tiborlarini tiklash maqsadida mahalliy hokimiyat organlarini, uy-joy boshqaruv organlarini, ular ishlayotgan tashkilotlarni ularning jinoyatga dahldor emasliklari haqida rasmiy ravishda xabardor qilishni o’rinli taklif etgan. 13 3. Ehtiyot choralari qo’llanilishining axloqiy asoslari. Ehtoyot choralari bu-ayblanuvchining, alohida hollarda gumon qilinuvchining shaxsiy erkinligini cheklshning protsesual usuli hisoblanadi va o’z oldiga dastlabki tergovdan va suddan bo’yin tovlashining, kelgusida sodir etish ehtimoli bo’lgan jinoiy faoliyatining oldini olish, ish bo’yicha haqiqatni aniqlashga halal beradigan urinishlariga yo’l qo’ymaslik, hukmning ijro etilishini ta’minlash maqsadlarini qo’yadi. Umuman olganda ehtoyot choralari gumon qilinuvchining yoki ayblanuvchining munosib xulq-atvorda bo’lishni ta’minlaydi. Munosib xulq- atvorda bo’lish tushunchasi O’z R JPK 250-moddasiga sharhda yoritilgan, unga ko’ra munosib xulq-atvorda bo’lish haqidagi tilxat ayblanuvchi yoki sudlanuvchi tomonidan surishtiruvchi, tergovchi, prokuror yoki sudga berilgan: tergov va suddan yashirinmaslik; jinoyat ishi bo’yicha haqiqatni aniqlashga to’sqinlik qilmaslik; jinoiy faoliyat bilan shug’ullanmaslik; tergovchi, prokuror va sudning 13 Леоненко В. В. Указ. соч. С. 71. 11

chaqiruviga binoan etib kelish; ularning ijozatisiz o’zi istiqomat qilayotgan aholi punktidan chiqib ketmaslik; shu aholi punkti doirasida o’z istiqomat joyini o’zgartirsa, bu haqda tergovchi, prokuror yoki sudni xabardor qilish to’g’risidagi yozma ogohlantirish majburiyatidir. 14 O’z R JPK 237-moddasida ehtiyot choralarining turlari belgilangan, unga ko’ra ehtiyot choralariga quyidagilar kiradi: - munosib xulq-atvorda bo’lish to’g’risida tilxat; - shaxsiy kafillik, jamoat birlashmasi yoki jamoaning kafilligi; - garov; - qamoqqa olish; - voyaga etmaganlarni kuzatuv ostiga olish uchun topshirish; - harbiy xizmatchining xulq-atvori ustidan qo’mondonlik kuzatuvi. Ehtiyot chorasining qo’llanishini ehtoyot chorasi haqida qaror qabul qilish deb tushiniladi. Ehtiyot chorasini qo’llanishning umumiy asoslari quyidagilar hisoblanadi: - qo’zg’atilgan jinoyat ishining mavjudligi; - ehtiyot chorasini qo’llashga vakolatli bolgan sub’ektning mavjudligi; - xizmat immuniteti bo’lmagan tegishli ob’ektning mavjudigi, yani jinoyat- protsessual qonun harakatlari tadbiq etiladigan shaxsning mavjudligi. Ehtiyot choralari oldini oluvchi-ta’minlovchilik xususiyatiga ega. Ehtiyot choralarini qo’llashning asosi bo’lib ayblanuvchi tomonidan protsessual buzilishga yo’l qo’yilishi mumkinligining asoslangan taxmini hisoblanadi. Protsessual buzilishga yo’l qo’yilishi mumkinligining asoslangan taxmini dalillar bilan isbotlangan aniq faktlarga asoslanishi lozim. Turli ehtiyot choralarining tizimi har bir muayyan holatda ayblanuvchining (gumon qilinuvchining) munosib xulq-atvorda bo’lishligini, shu o’rinda uning huquqi va erkini minimal cheklashni ta’minlash mumkinligi imkoniyatini berdi 14 Qarang : O ’ zbekiston Respublikasi Jinoyat - protsessual kodeksiga sharhlar . T . TDYI .2009. -413 b . 12

(BMT Bosh Assambleyasining 14.12.90 № 45/110 - rezalyutsiyasi tomonidan tasdiqlangan Tokiya qoidalarining 2.3 bandi). 15 Shaxsiy tintuv mustaqil tergov harakati bo’lib, tintuv qilinayotgan shaxsning tanasidan, ust kiyimi va oyoq kiyimlaridan, shuningdek o’zi bilan olib yurgan narsalarida jinoyat ishiga daxldor narsa va hujjatlarni olishdan iborat bo’ladi. Shaxsiy tintuv faqat qo’zg’atilgan jinoyat ishlari bo’yicha o’tkazilishi mumkin. Lekin, jinoyat sodir etgan shaxslarni va gumon qilinuvchini ushlanayotgan vaqtda ham shaxsiy tintuv o’tkazilishi mumkin. Shaxsiy tintuv va olib qo’yish – jinoyat sodir etishda gumon qilinayotgan shaxsni ushlash chog’ida gumonlanuvchining yonida qurol borligiga yoxud jinoyat sodir etganligini fosh qiladigan dalillardan qutulmoqchi ekanligiga etarli asoslar bo’lganda; gumon qilinuvchiga nisbatan ushlab turish haqida qaror chiqarilib, uni ushlash joyiga olib kelinganda; ehtiyot chorasi sifatida qamoqqa olish qo’llanganda, ayblanuvchining yonida qurol, saqlanishi man etilgan buyumlar, ish uchun ahamiyatga molik narsa va hujjatlar bo’lishi mumkin deb o’ylashga etarli asoslar bo’lganida majburan kuch ishlatish yo’li bilan o’tkaziladi. Shaxsiy tintuv, shifokordan tashqari, tintuv qilinayotgan bilan bir jinsdagi shaxslar tomonidan, bir jinsdagi xolislar ishtirokida amalgam oshiriladi. Shaxsiy tintuv o’tkazish chog’ida tintuv o’tkazilayotgan shaxsning qadr- qimmati, sha’ni, or-nomusi taxqirlanmasligi lozim. Sodir etilgan jinoyatga aloqador ma’lumotlar yoki ish uchun ahamiyatga molik hujjatlar va buyumlar bor deb gumon qilish uchun etarli asoslar bo’lganda pochta-telegraf jo’natmalariga nisbatan xatlab qo’yish amalgam oshirilishi mumkin. Ushbu tergov harakati pochta-telegraf jo’natmalariga nisbatan xatlab qo’yish va uni ijro etish, ushlangan pochta-telegraf jo’natmalaridan ko’chirmalar olish, ko’zdan kechirish, olib qo’yishda ifodalanadi. 15 Васильева Г.А. Профессиональная этика юриста . Учебно-методический комплекс по дисциплине Челябинск, 2005 . 40-50 b. 13

Ushbu tergov harakati prokurorning maxsus ruxsatnomasi-sanktsiyasi orqali bajarilishi mumkin. Pochta-telegraf jo’natmalarini xatlash to’g’risida surishtiruvchi, tergovchi, va prokuror –qaror, sud esa –ajrim chiqaradi. 16 Mazkur tergov harakati O’zbekistonning har bir fuqarosining O’z R Konstitutsiyasi (27-modda 2-qism) tomonidan belgilab qo’yilgan yozishmalar va telefonda so’zlashuvlarga bo’lgan huquqini cheklaydi. Shuning bilan birga, O’z R Konstitutsiyasi 27-modda 2-qismi mazmunidan yozishmalar va telefonda so’zlashuvlarga bo’lgan huquqni cheklashlik sababsiz har qanday fuqaroga qo’llanishi mumkin emasligi belgilab qo’yilganligini ko’ramiz. O’z R JPK 167- moddasida ham ushbu chora kimlarga nisbatan qo’llanilish mumkinligi bayon qilinmagan. Ushbularda kelib chiqqanda xatlab qo’yish faqat gumon qilinuvchi, ayblanuvchi yoki ulag bilan bog’liq bo’lgan shaxslarga qo’llanilishi mumkin. Pochta-telegraf jo’natmalarini xatlab qo’yish jarayonida ularning mazmuni sir saqlanishi chorasi ko’rilishi lozim. Agarda ushbu jarayonda manfaatdor shaxslarga ma’naviy ziyon etkaziladigan bo’lsa, ular fuqarolik-protsessuasl tartibda uni qoplashni talab qilish huquqiga ega bo’ladi. Surishtiuvchi, tergovchining asoslantirilgan qarorlari bilan yoki sudning ajrimi orqali (O’zR JPK 168-m.) xatlashni bekor qilish amalga oshiriladi . Qaror odatda dastlabki tergov tugatilganda , sudning ajrimi esa birinchi instantsiya sudida ishni tugatish haqidagi ajrim yoki sudlanuvchi aybdor deb topilib , unga nisbatan hukm qonuniy kuchga kirgandan keyin chqariladi . 17 Fuqarolarning yozishmalarning sir saqlanishiga bo ’ lgan huquqlariga rioya qilinishining konstitutsion va protsessual kafolati bo ’ lib pochta - telegraf jo ’ natmalarini ko ’ zdan kechirish va olib qo ’ yishda ushbu tashkilotlarda ishlayotgan xodimlarining xolis bo ’ lib qatnashishi tartibi hisoblanadi . Adabiyotlar: 16 Qarang: O’zbekiston Respublikasi Jinoyat-protsessual kodeksiga sharhlar.T.TDYI.2009. -283-290 b 17 Qarang: O’zbekiston Respublikasi Jinoyat-protsessual kodeksiga sharhlar.T.TDYI.2009. -288-292 b 14

1. Inson huquqlari bo’yicha Umumjahon dekloratsiyasi, 10.12.1948 yil. 2. Б.Н. Топорнина, Ю.М. Батурина, Р.Г. Орехова. - М., 1994. 3. Васильева Г.А. Профессиональная этика юриста. Учебно-методический комплекс по дисциплине Челябинск, 2005. 4. Назовите общие нравственные требования к деятельности следователя. 5. Дайте понятие следственных действий. 6. Назовите основные следственные действия, предусмотренные уголовно- процессуальным законодательством. 7. Какие нравственные требования предъявляются к проведению каждого из видов? 8. Кобликов А.С. Юридическая этика. Учебник для вузов. – М.: НОРМА, 2004. – 176 с. 9. Леоненко В. В. Профессиональная этика участников уголовного судопроизводства. Киев, 1981. С. 58—75 15

O'xshashlar

Терговчининг ўғрилик жиноят иши бўйича кейинги тергов ҳаракатларини ўтказиш борасидаги вазифалари

Қонунчилик ташаббуси ҳуқуқини амалга оширишнинг ташкилий ҳуқуқий механизми

Дастлабки тергов ва суд тергов текшириш

Криминалистик тактиканинг умумий қоидалари

Қорақалпоғистон Республикаси давлатчилигида ҳокимиятни бўлиниш тамойилларини амалга оширишнинг назарий ва амалий масалалари