Ayirboshlash shartnomasi - Huquqshunoslik - Referatlar

Ayirboshlash shartnomasi

Yuklangan vaqt:

20.09.2019

Ko'chirishlar soni:

0

Hajmi:

59 KB

Ko'chirib olish

Reja: 1. Ayirboshlash shartnomasi tushunchasi, huquqny belgilari va predmeti 2. Shartnomada qatnashuvchi taraflar, ularning huquq va burchlari 3. Shartnomaning shakli, muddati

Ayirboshlash shartnomasi tushunchasi, huquqny belgilari va predmeti Ayirboshlash tovar va pul munosabatlariga asoslangan bozor iqtisodiyotida ham muayyan ahamiyatga ega. Shu boisdan u amaldagi fuqarolik qonun hujjatlarida o`zining huquqiy asoslarini topgan. Ayirboshlash barter deb ham yuritiladi. Ayirboshlash deb shunday shartnomaga aytiladiki, unga ko`ra shartnomada qatnashuvchi har bir taraf boshqa tarafga bir tovarni boshqa tovarga almashtirish yo`li bilan mulk qilib topshirish majburiyatini oladi (FKning 497-moddasi). Uning mohiyati shundaki, shartnoma predmeti bo`lgan biron-bir tovar ikkinchi tarafga, odatdagidek, mazkur tovar qiymatini umumiy ekvivalent bo`lgan yoki unga deyarli teng keladigan boshqa bir tovarga ayirboshlanadi. Demak, mazkur huquqiy munosabat odatdagi shartnomalar, aytaylik, oldi-sotdi, mahsulot yetkazib berish kabi shartnomalarga o`xshab, taraflarga bu orqali kelishi mumkin bo`lgan muayyan pul summalariga talab-ehtiyojlardan kelib chiqmay, balki bevosita mazkur shartnomaning predmeti bo`lgan tovarga bo`lgan ehtiyojlardan kelib chiqadi. Biroq bu shartnoma ko`p hollarda subyektlar o`rtasida hisob-kitoblar yo`lga qo`yilmagan yoki o`zaro ishonch bo`lmagan inflyatsiya sharoitida keng qo`llaniladigan shartnomalardan biri bo`lib qolmoqda. Rivojlangan bozor tizimida u ahyon-ahyonda qo`llaniladi. Shartnomaning yana bir xususiyati shundaki, shartnomaning mazmunidan boshqacha hol anglashilmasa, ayirboshlanayotgan tovarlar teng qiymatli deb taxmin qilinadi. Ayni paytda tovarni topshirish va uni qabul qilish xarajatlarini, har bir holda tegishli majburiyatlarni bajaradigan taraf amalga oshiradi. Shubhasiz, boshqa shartnomalarda bo`lgani singari ayirboshlashda ham uning predmeti hisoblangan tovarning bahosi muayyan ahamiyatga ega. Ba`zan amaliyotda ayirboshlash predmetining qiymati bir xil bo`lmaydi. Bunday hollarda bahosi ayirboshlashga taqdim qilinayotgan tovar bahosidan past bo`lgan tovarni toshpirayotgan taraf, agar shartnomada haq to`lashning boshqacha tartibi nazarda tutilmagan bo`lsa, tovar yoki tovarni tasarruf qilish hujjatlari togaiirilgandan so`ng

kechiktirmasdan baholardagi farqni to`lashi lozim bo`ladi. FKning 242-moddasiga ko`ra, agar qonun, shartnoma yoki majburiyatning mohiyatidan boshqacha hol anglashilmasa, qarzdor hisoblangan taraf bunday majburiyatni kreditor talab qilgan kundan boshlab yetti kunlik muddat ichida bajarishi shart. Ayrim hollarda tovarlar o`rtasidagi yuqorida tilga olingan farq doimo konkret belgilanavermaydi. Fuqarolik qonunchiligining mazmunidan anglashilishicha, bunday hollarda shartnomani bajarganlik uchun xuddi shunga o`xshash vaziyatlarda odatda shunday tovarlar, ishlar yoki xizmatlar uchun olinadigan baholar – haq to`lanishi kerak. Aynan bunday xrllarda ish muomalasi odatlari, ya`ni odat huquqi normalari qo`llaniladi (FKning 6-moddasi tartibida). Ayirboshlash shartnomasi quyidagi huquqiy belgilari bilan xarakterlidir: birinchidan, ayirboshlash konsensual shartnoma hisoblanadi, ya`ni unga ko`ra taraflarning huquq va burchlari shartnoma qonun talablari doirasida rasmiylashtirilgan paytda vujudga keladi; ikkinchidan, ayirboshlash haq evaziga tuziladigan shartnomadir, ya`ni shartnoma bo`yicha taraflar zimmasiga muqobil ijro majburiyatlarini bajarish yuklangan, ya`ni tovarlarni o`zaro ayirboshlash, shuningdek tovarlar qiymati teng bo`lmaganda – qiymat o`rtasidagi farqni pul shaklida to`lash; uchinchidan, ayirboshlash ikki tomonlama shartnomalar turkumiga kiradi. “Shartnoma ishtirokchilarining har biri bir vaqtning o`zida ham sotuvchi, ham sotib oluvchi hisoblanadilar”[23]. Demak, bunga ko`ra har ikki taraf ham huquqqa, ham burchga ega bo`ladi. Bu shartnomaning mohiyatan, yanada aniqrog`i, taraflar o`rtasidagi o`zaro huquqdorlik va burchdorlikning nisbatidan kelib chiqadi; to`rtinchidan, shartnomaning yana bir belgilaridan biri – ayirboshlanadigan mulkning egasidagi unga nisbatan bo`lgan mulk huquqi (egallash, foydalanish, tasarruf etish) ikkinchi tarafga o`tadi va aksincha. Shartnomaning muhim jihatlaridan biri ayirboshlanadigan tovarlarga bo`lgan mulk huquqining ikkinchi tarafga qachondan boshlab o`ta boshlashidir. Odatda, qonunda yoki shartnomada boshqacha tartib nazarda tutilmagan bo`lsa, ayirboshlanadigan tovarlarga mulk

huquqi ayirboshlash shartnomasiga muvofiq, sotib oluvchi hisoblanadigan taraflarga ikkala taraf tegishli tovarlarni topshirish majburiyatini bajargandan so`ng bir vaqtda o`tadi (FK, 500-modda). Ayirboshlash shartnomasining predmeti muayyan moddiy qiymatga ega bo`lgan hamda iqtisodiy munosabatning predmeti bo`la oladigan, ayni paytda kishilarning u yoki bu ehtiyojlarini qondira oladigan narsalar, ya`ni ashyolar bo`la oladi. Ashyolar ishlab chiqarish vositalari va iste`mol buyumlari ko`rinishida, ko`char va ko`chmas mulk shakllarida bo`lishi mumkin. Biroq, bu yerda muhimi, ashyolarning fuqarolik muomalasida bo`lshpi masalasidir. FKning 82-moddasiga ko`ra, fuqarolik huquqlarining obyektlari erkin suratda boshqa shaxslarga berilishi yoki universal huquqiy vorislik (meros qilib olish, yuridik shaxsni qayta tashkil etish) tartibida yoxud boshqa usul bilan, agar ular muomaladan chiqarilmagan yoki ularning muomalada bo`lishi cheklab qo`yilmagan bo`lsa, bir shaxsdan ikkinchi shaxsga o`tishi mumkin. Ayirboshlash shartnomasining predmeti bo`lishi uchun ashyolar mulk huquqi asosida mulkdorlarning haqiqiy egaligida, foydalanuvida va tasarrufida bo`lmog`i ham kerak (FKning 164, 207-moddalari tartibida). Masalan, fuqaro M. 1997 yil 1 sentabrda fuqaro N. bilan ayirboshlash shartnomasini tuzdi. Shartnomaga muvofiq, N. hovlisini M. hovlisining 1/3 qismiga almashdi. M. ning qizi A. 1997 yil 1 dekabrda sudga murojaat qilib, uyning yarmi o`ziga tegishli ekanligini va uning roziligisiz otasi hovlining bir qismini almashtirganligini ko`rsatib, mazkur shartnomani bekor qilishni so`radi. U o`z talabini asoslash uchun uyning bir qismi onasidan meros bo`lib, hali otasi bilan bo`lib olmaganligi sababli, uyni almashtirish natijasida egalik huquqining buzilganligani ko`rsatadi. Albatga, bunday hollarda sud fuqaro A. ning talabini qondirishi lozim. Yoki quyidagi misolni ko`raylik. Fuqaro K. egasiz turar joyga halol, oshkora va uzluksiz egalik qilgan. Va u 1998 yil 1 aprel kuni bu uyni fuqaro D.ga qarashli avtomobil bilan ayirboshlash to`g`risida shartnoma tuzishgan. Aniqlanishicha, K. bu uyga 1986 yil 1 yanavardan 1998 yil 1 aprel kunigacha, ya`ni 12 yil davomida egalik qilgan. FKning 187-moddasi talablariga ko`ra, bu muddat 15 yilni tashkil etishi lozim edi. Demak, fuqaro K.da hali bu uy-joyga nisbatan mulk huquqi

vujudga kelmagan, binobarin, u mazkur obyekt yuzasidan shartnomada taraf sifatida ishtirok eta olmaydi. Shartnomada qatnashuvchi taraflar, ularning huquq va burchlari Yuqorida aytilganidek, shartnomada qatnashuvchi taraflarning har, biri bir vaqtning o`zida ham sotuvchi, ham sotib oluvchi hisoblanadilar. Bu bilan ayirboshlash oldi-sotdi shartnomasiga o`xshab ketsa-da, biroq undan farq qiladi. “Farqi shundaki, bunda bir mulk ikkinchisiga pulsiz almashtiriladi”[24]. Ayni paytda ayirboshlash oldi-sotdiga o`xshashligi tufayli, unga nisbatan baho va xarajatlar haqidagi qoidalardan tashqari, oldi-sotdini tartibga soluvchi barcha qoidalar qo`llanaveradi. Shartnomada sotuvchi va oluvchi bo`lib fuqarolik huquqining barcha subyektlari, shu jumladan, jismoniy shaxslar, yuridik shaxslar, davlat tuzilmalari ishtirok etishlari mumkin. Bozor munosabatlari sharoitida ba`zi hollarda tovar ishlab chiqaruvchilar va tadbirkorlar bilan iste`molchilar o`rtasida fuqarolik-huquqiy munosabatlarini vujudga keltiruvchi asoslardan biri sifatida ayirboshlash (barter) shartnomasi qo`llanadi. Barter inglizcha “barter” so`zidan olingan bo`lib, bevosita tovar almashuvi ma`nosini bildiradi[25]. U, ayniqsa, bozor tizimiga o`tish davrida o`zaro hisob-kitoblar yaxshi yo`lga qo`yilmagan davr uchun birmuncha xarakterlidir. Valyuta beqaror bo`lgan xozirgi zamon xalqaro savdo sida yanada keng tarqalmoqda. Barter bitimi vaqtida pul to`lovlarining yo`qligi tovar yetkazib berish baholarini va ularni pul formasida hisobga olishni istisno qilmaydi. Barter bitimi tushunchasi ayirboshlash shartnomasi tufayli vujudga keluvchi majburiyatlar mazmunini to`la qamrab ololmaydi, unga to`la javob berolmaydi, degan fikrga qo`shilib bo`lmaydi. Bir qator olimlarning xususan, Sh. Ro`zinazarovning

tadqiqotlarida barter haqida salmoqli fikr yuritiladi. Nazarimizda, barter tushunchasi ayirboshlash shartnomasini o`zida aks ettira oladi. Yuqorida ko`rsatilganidek, shartnomada taraflar sifatida jismoniy va yuridik shaxslar qataashishi mumkin. Yuridik shaxslarning bu boradagi faoliyatlari O`zbekiston Respublikasi Prezidentining 1993 yil 9 iyuldagi PF-616-sonli “Barter asosida amalga oshiriladigan eksport-import operatsiyalari bo`yicha tartib buzilishlari va suiiste`molliklarga chek qo`yish to`g`risida”gi Farmoni bilan mustahkamlangan. Unga ko`ra, kelishib olingan miqdordagi bir tovarni boshqa bir tovarga o`zaro hisob-kitoblarni valyutada amalga oshirmasdan almashtarishni nazarda tutuvchi shartnoma barter shartnomasi hisoblanadi. Shartnomada o`zaro yetkazib beriladigan tovarlarning miqdori va qiymati yoxud tomonlar ekvivalentlik asosida yetkazib berish majburiyatini olgan tovarlarning summasi oldindan kelishib qo`yiladi[26]. O`zbekiston Respublikasi Prezidentining 1995 yil 11 apreldagi PF- 1096-sonli “Eksport-import operatsiyalarini tartibga keltirish borasidagi qo`shimcha chora-tadbirlar to`g`risida”gi, 2003 yil 15 yanvardagi PF-3194-sonli “O`zbekiston Respublikasi Prezidentining ba`zi farmonlariga o`zgartirishlar kiritish to`g`risida”gi, 2005 yil 20 sen tabrdagi PF-3661-sonli “O`zbekiston Respublikasi Prezidentining ba`zi farmonlariga o`zgartishlar kiritish to`g`risida”gi Farmonlariga ko`ra, 616-sonli Farmonga ayrim juz`iy o`zgartishlar kiritildi[27]. Yuqorida ta`kiddanganidek, shartnomada qatnashuvchi taraflar bir paytning o`zida ham sotuvchi, ham sotib oluvchi sifatida qatnashadi. Shuning uchun ham shartnomada qatnashuvchi taraflar deyarli bir xil huquq va majburiyatlarga ega bo`ladilar. Ayirboshlash shartnomasi bo`yicha taraflar: birinchidan, ayirboshlanayotgan tovarni o`z vaqgida, kelishilgan tartibda qabul qilib olish; ikkinchidan, qabul qilingan tovar evaziga ayirboshlanishi lozim bo`lgan tovarni o`z vaqtida topshirish;

uchinchidan, topshirilayotgan tovarlarning sifati, assortimenti, yaxshi bo`lishini ta`minlash kabi majburiyatlarga egadirlar. Taraflar, ayni paytda, quyidagi huquqlarga egadirlar: birinchidan, shartnoma majburiyatlarini muqobil ravishda bajargan taraflar ikkinchi tarafdan tovarning topshirilishini talab qilishga haqli; ikkinchidan, shartnoma shartlari qo`pol ravishda buzilgan bo`lsa, xususan, sifatsiz tovar ayirboshlangan, tovarni topshirish muddati uzrsiz uzoq muddatga kechiktirilgan hollarda bir taraf shartnomani bekor qilishga haqli; uchinchidan, ayirboshlash shartnomasi shartlari ikkala taraf tomonidan to`liq bajarilgan bo`lsa, har ikkisida ham tovarlarga nisbatan mulk huquqi vujudga keladi. Shartnomaning shakli, muddati Shartnoma bo`yicha taraflarning javobgarligi Ayirboshlash shartnomasi, odatda, fuqarolar o`rtasida tuzilganda va shartnoma predmetining bahosi Respublikada o`rnatilgan eng kam oylik ish haqining o`n baravarigacha bo`lgan hollarda og`zaki shaklda tuzilishi mumkin. Shuningdek, yozma shaklda tuzilgan shartnomani bajarishga qaratilgan bitimlar, agar qonun hujjatlari va shartnomaga zid bo`lmasa, taraflarning kelishuviga muvofiq og`zaki tuzilishi mumkin (FK, 106-modda, 3-band). Qolgan hollarda, ya`ni yuridik shaxslarning o`zaro va fuqarolar bilan tuzgan ushbu turkum dagi bitimlari, fuqarolar o`rtasidagi belgilangan eng kam oylik ish haqining o`n baravaridan ortiq summadagi bitimlari yozma shaklda tuziladi. Ba`zi hollarda shartnomaning predmeti yer uchastkalari va boshqa ko`chmas mol-mulklar bo`lganda, bunday bitimlar notarial tasdiqlanishi va davlat ro`yxatidan o`tkazilishi talab qilinadi (FK, 110-111-moddalari tartibida). Shuningdek, FKning 497-moddasining 2001 yil 7 dekabrdagi tahririga ko`ra, qonun hujjatlarida belgilangan tartibda davlat

ro`yxatidan o`tkazilishi lozim bo`lgan avtomototransport vositalarini ayirboshlash shartnomasi notarial tasdiqlangan bo`lishi kerakligi belgilanadi. Shubhasiz, shartnoma shakliga doir yuqoridagi talablarga rioya qilmaslik bir qancha xuquqiy oqibatlarni keltirib chiqaradi (FK, 109, 112-moddalari). Ayirboshlash shartnomasining muddati bevosita taraflarning kelishuvi bilan belgilanadi. Shartnoma bo`yicha javobgarlik oldi-sotdi shartnrmasidagi javobgarlikka juda o`xshab ketadi. Umumiy holda FKning 393-moddasiga ko`ra, sotuvchi tovarni sotib oluvchiga uchinchi shaxslar ning har qanday huquqlardan ozod holda topshirishi shart, deb belgilab qo`yilgan. Qonunda agar topshirilgan tovarni sotab oluvchidan uchinchi shaxslar olib qo`yadigan bo`lsa, sotuvchi tarafning bevosita javobgarligi belgilab qo`yilgan. YA`ni, “FKning 501-moddasiga ko`ra, ayirboshlash shartnomasi bo`yicha olgan tovarini uchinchi shaxslar olib qo`ygan taraf, FKning 395-moddasida nazarda tutilgan asoslar mavjud bo`lsa, boshqa tarafdan ayirboshlash asosida olingan tovarni qaytarishni yoki zararni qoplashni talab qilishga haqli. Ko`rinib turibdiki, ayirboshlanayotgan tovarni uchinchi shaxslar huquqidan ozod qilmasdan ayirboshlash keyinchalik bunday harakatni amalga oshirgan tarafning javobgarligini keltirib chiqarar ekan. Biroq shuni esda tutish kerakki, sotib oluvchi uchinchi shaxsxiarning huquqlari bo`lgan tovarni qabul qilishga rozilik bergan hollar bundan mustasnodir. Shartnoma bo`yicha ayirboshlanayotgan tovarlarning miqdori, assortimenti, uning sifati, tovarning butligi muhim unsur hisoblanib, ularni shartnomada kelishilganidek bajarmaslik yoki lozim darajada bajarmaslik tegishincha taraflarning javobgarligini keltirib chiqaradi. Xususan, tovarni topshiruvchi shartnoma shartlarini buzib, tovarni qabul qilib oluvchiga shartnomada belgilangan miqdordan kam tovar topshirgan bo`lsa, tovarni qabul qilib oluvchi agar shartnomada boshqacha tartib nazarda tugalmagan bo`lsa, tovarning yetishmayotgan miqsorini topshirishni talab qilishga yo topshirilgan tovardan va uning haqini to`lashdan bosh tortishga, bordi-yu uning evaziga kelishilgan tovar topshirilgan bo`lsa, oldin topshirib qo`yilgan tovarni

qaytarib berishni talab qilishga haqli. Umuman, ayirboshlash shartnomasi bo`yicha ko`p hollarda oldi-sotdiga doir qoidalar qo`llanilgani bois, bu haqdagi normalar batafsilroq oldi-sotdiga bag`ishlangan bobda keltirildi. Shuni aytish kerakki, qonunda belgilanganidan tashqari, to`g`ridan-to`g`ri shartnoma bo`yicha ayirboshlash natijasida ham javobgarlikning boshqa turlari nazarda tutishi mumkin. Ayirboshlash shartnomasi bo`yicha javobgarlik faqat bir tomonda emas, har ikki tomonda ham yuzaga kelishi mumkin.

O'xshashlar

Ko`chmas mulkni sotish, korxonani sotish, ayirboshlash shartnomasi

Oldi-sotdi shartnomasi

Mehnat shartnomasi va uning munosabatlari

Tadbirkorlar ishtirokida oldi-sotdi shartnomasi

Chakana va ulgurji oldi-sotdi shartnomasi