Yig’ish chizmalari sxemalar - Geometriya - Referatlar

Yig’ish chizmalari sxemalar

Yuklangan vaqt:

20.09.2019

Ko'chirishlar soni:

0

Hajmi:

96.5 KB

Ko'chirib olish

Yig’ish chizmalari sxemalar Reja: 1. Yig’ish chizmalarini chizish tartibi va ularni hujjatlashtirish. 2. Yig’ish chizmalarini o’qish va ularni detallarga ajratib chizish.

Tayanch iboralar: Spesifikasiya – buyum to’g’risida ma’lumot beruvchi mustaqil konstruktorlik hujjat. YeSKD – konstruktorlik hujjatlarining yagona tizimi. 1. Yig’ish chizmalarini chizish tartibi va ularni hujjatlashtirish. Bu ma’ruzada biz tartibida bir necha detallarga bo’lib, ular o’zaro birikib biror ish bajaruvchi buyum ko’rinishiga kelishi umumiy ko’rinishi, ularning yig’ish chizmalarini tuzish va ularni hujjatlashtirish to’g’risida so’z yuritamiz. Bunday buyumlarni ishlab chiqarish uchun GOST 2.102-68 ga muvofiq konstruktorlik hujjatlari tuziladi. Bu hujjatlar loyihalash va ish hujjatlariga bo’linadi. Loyihalash hujjatlariga umumiy ko’rinishdagi chizma taaluqli bo’lib, unda buyumlarning tuzilishi va ular tarkibiga kiruvchi qismlarning o’zaro birikib harakat qilish qoidalari kabi ma’lumotlar beriladi. Bundan tashqari umumiy ko’rinish chizmalari buyumlardagi ayrim detallarning chizmalarini tuzishda asos hisoblanadi. Ish hujjatlari bo’yicha buyumlar ishlab chiqarilib, bular tarkibiga detallarning ish chizmalari va spesifikasiyalar kiradi. Yig’ish chizmalariga spesifikasiya bilan birga buyumlar, yig’ish birliklarining chizmalari kiradi. Yig’ish chizmalari buyumlar tarkibiga kiruvchi detallarning eskizlariga yoki ularning ish chizmalariga asosan tuziladi. Yig’ish chizmalari quyidagi ma’lumotlarga, chunonchi, yig’ish birligi chizmalarining tasviriga kerakli bo’lgan ko’rinishlarga, qirqimlar va kesimlarga, o’lchamlar, hisoblash natijasida aniqlangan ma’lumotlarga, texnikaviy talablarga, ajraladigan va ajralmaydigan birikma turlariga, buyum tarkibiga kiruvchi detallarning raqam belgilariga, buyumning asosiy vazifasiga, ishlash qoidasiga konstruktiv tuzilishga, ulanish, o’rnatish, gabarit o’lchamlar va boshqa kerakli bo’lgan ma’lumotlarga ega bo’lishi kerak. Amaliy mashg’ulotlarda yig’ma birliklar (uzellar)ning o’ziga qarab yig’ish chizmalarini tuzadilar. Yig’ma birlik chizmalarini tuzishdan avval buyum bilan tanishib chiqiladi, ya’ni uning vazifasi, detallarning o’zaro birikish holatlari, ishlash usuli va detallarning tashqi, ichki qiyofasining tuzilishi aniqlanadi. So’ngra buyum tarkibiga kiruvchi detallar bo’laklarga ajratilib, ularning eskizlari tuziladi.

Detallarning eskizlariga muvofiq yig’ish chizmalarini quyidagi tartibda tuzish mumkin: 1. Kerakli bo’lgan tavsiflar soni belgilanadi. 2. Buyumlarning gabarit o’lchamlariga nisbatan format va masshtab tanlanadi. 3. O’q va kontur chiziqlari chiziladi. 4. Kerakli bo’lgan kesim va qirqimlar beriladi. 5. O’lcham chiziqlari chiziladi, keyin gabarit o’lchamlarida (uzunlik, balandlik, kenglik), birikish va o’rnatish o’lchamlari qo’yiladi. 6. Buyum tarkibiga kiruvchi barcha detallarning tartib nomeri belgilanadi. 7. Chizmaning to’g’riligi tekshirib chiqiladi. 8. Chizmaning asosiy yozuvi va uning spesifikasiyasi to’lg’aziladi. So’ngra M markali qalam bilan chiziqlarning yig’onligini saqlagan holda asosiy chiziqlar ustidan yurgizib chiqiladi. Yig’ish chizmalariga ayrim detallar GOST 2109-73 ga muvofiq shartliliklar va soddalashtirishlardan foydalanib chizilishi, ya’ni ularda faskalarni yumaloqlangan joylarni, yo’nalgan qismlari o’yiq va chiqiqlarini, o’ymakorlik qismlarini va sterjen bilan teshiklar orasidagi bo’shliqlarni ko’rsatish shart emas. Qopqoq, g’ilof va chambaraklar ham ko’rsatilmaydi. Siquvchi vtulka detali ma’lum masofada ko’tarilgan holda chizilishi mumkin (1-shakl). Yig’ish chizmalarida bajarilgan qirqim va kesimlarda shtrixovkalar yonma-yon turgan detallar uchun qarama-qarshi vaziyatda chiziladi. Ammo bir xil detallarning barcha ko’rinishlarida shtrixovkaning yo’nalishlari saqlanib qoladi. Yig’ish chizmalaridagi har bir detalning nomeri spesifikasiya bilan bir xil bo’lishi lozim. Detallarga qo’yilgan tartib raqami tasvirda nuqta bilan tugallab chiqarilgan chiziqni tokcha ko’rinishida tasvirlab belgilanadi. Birikuvchi detallar uchun tartib raqami (bolt, gayka, shayba) umumiy bitta tokcha chizig’ida ko’rsatish mumkin. Detallardagi tartib raqamlarining raqam o’lchamlari detalning chizmalaridagi raqam o’lchamlaridan bir-ikki barobar katta bo’lishi kerak. Chizmalardagi tartib raqamlari qoidaga muvofiq bir marta qo’yilishi lozim.

Yig’ish chizmalariga kiruvchi barcha qismlar uchun spesifikasiya tuziladi, u yozuv hujjati bo’lib, alohida A4 formatda asosiy yozuv bilan birga bajariladi. Bunda buyum tarkibiga kiruvchi barcha detallar, standartli buyumlar va materiallar ma’lum ketma-ketlik bilan belgilanadi. O’quv jarayonida spesifikasiya bilan yig’ma chizma bitta yoki alohida (A 4 ) formatlarda bajarilishi mumkin. Yig’ish chizmalari tarkibiga kiruvchi qo’zg’almas va qo’zg’aluvchan birikmalarda buyumlarning zich yopilishi, ya’ni par, gaz va suyuqliklarni qopqoq yoki birikmalar orasidan tashqariga chiqmaslik uchun zichlagich qurilmalar qo’llaniladi. Shuni aytish kerakki, noto’g’ri tanlangan zichlagich detallarning ishqalanishi natijasida qizib, detalning yemirilishiga olib keladi. Bu esa detallarning mustahkamligini kamaytiradi. Eng oddiy zichlagichlardan biri salnikli zichlagichlardir. Yig’ish chizmalaridagi vtulka va shpindel orasidagi bo’shliqqa kanop tola, jundan qilingan iplar, asbest, charm yoki rezinalardan qilingan halqalar joylashtiriladi va ular salnik qopqog’i yordamida siqiladi. Natijada tiqma zichlashib, vtulka va shpindel sirtlariga yopishib turadi (1-shakl). 1-shakl, a, b, v larda salnikli zichlagich qurilmalaridan bir nechtasining tuzilishlari tasvirlangan. Chizmalarda salnik vtulkasi uyaga 2-3 mm kiritilgan vaziyatda ko’tarib, gayka esa qopqoqqa rezbaning 2-3 o’rami bo’yicha buralgan vaziyatda tasvirlanadi. Suyuqlik, gaz va parlarni o’tkazish yoki yopib qo’yish maqsadida, buyumlarda klapan bilan shpindellarni birikmalardan foydalaniladi (2-shakl, a, b, v, g ). Bunda klapanlar shpindellar uchiga qizdirib, simni qistirib (skoba shaklida) (2-shakl, a, g ) yoki shpindelni pastga qaragan uchi rezbali vtulka klapan bilan mahkamlanadi (2-shakl, b ). Mashinasozlik chizmachiligi dasturiga ko’ra o’quvchi biror uzelni asliga qarab, uning tarkibiga kiruvchi detallarning eskizlarini yoki ish chizmalarini hamda shu chizmalar asosida yig’ish chizmasini bajarish lozim. Bizlar patronning aksonometrik tasvirini shartli ravishda asl nusxa deb faraz qilib, uning yig’ma chizmasini ortogonal proyeksiyalarda tuzamiz. Uzelning fazoviy tasiriga qarab fikran detallarni bir-biridan ajratish va ularning soni, nomi, materiallari va tartib raqamlari hamda standart detallar aniqlanadi. GOST 2102-68

ga muvofiq yig’ma chizmaning spesifikasiyasi tuziladi va detallarning o’zaro birikish qonuniyatlari bilan tanishib chiqiladi. Patron buyumlarda kvadrat shaklida teshiklar parma bilan o’yish uchun qo’llaniladigan maxsus uch tishli parmani mahkamlash uchun qo’llanadi. Uch tishli parmaning silindrsimon tomoni patrondagi vtulka 1 ga mahkamlanadi. Vtulka 1 esa stakan 3 ga o’rnatiladi va ular vint 8 bilan mahkamlanadi. Stakan 3 dagi o’yiqqa diska 5 ning chizig’i joylashib biriktiriladi. Diska 5 ning ikkinchi tomoni xvostovik 6 detalning o’yiq qismiga kirib harakat qiladi. Xvostovik 6 ning ikkinchi tomoni standart konussimon sirtdan iborat bo’lib, stanokka birlashtiriladi. Teshiklarni parmalash jarayonida o’q bo’yicha yo’nalgan kuch disk 6 ga joylashgan sharik 4 orqali xvostovik 6 ga ta’sir qiladi. Shuning uchun 2 va 6 detallar vint 7 bilan mahkamlanadi. Endi patronning tarkibiga kiruvchi detallarning chizmalari bilan tanishib chiqaylik: 1. Xvostik detal aylanish sirtidan iborat bo’lib, asosan silindr va konus sirtlarining birikmasidan iborat. 4-shaklda detal 6 ning chizmasi frontal va profil ko’rinishlarda ko’rsatilgan. Detaldagi o’yiqlar shaklini aniqlash uchun mahalliy qirqim berilgan. 2. 5-shaklda kojuxning II 2 va II 3 tekislikdagi ko’rinishlari tasvirlangan. Detaldagi teshiklar va rezbalarni tasvirlash uchun frontal qirqim berilgan. 3. Vtulka 1 aylanish sirtidan iborat bo’lib, chizmada II 2 va II 3 tekislikdagi ko’rinishlari tasvirlangan (6-shakl). 4. 7-shaklda stakan 3 ning chizmasi berilgan. Detalning ichki qismlarini aniq ko’rsatish uchun qirqim berilgan. 5. DISK 5 chizmasida bosh va chap ko’rinishlarda tasvirlangan (8-shakl), mahalliy qirqim yordamida teshiklarning ichki sirtlari aniq qilib ko’rsatilgan. Standart 7, 8 detallarning asosiy o’lchamlari standart bo’yicha aniqlab, so’ngra uning chizmasi chiziladi. Patronning tarkibiga kiruvchi detallarning chizmalari asosida uning yig’ish chizmasi chiziladi (9-shakl, a ). Yig’ma chizmadagi detallarning ichki tuzilishi va

ularning birikish usullarini ko’rsatish uchun qirqim beriladi, so’ngra uning gabarit va montaj o’lchamlari qo’yiladi. Nihoyat so’nggida spesifikasiya va asosiy yozuvlar to’lg’aziladi (9-shakl, b ). 2. Yig’ish chizmalarini o’qish va ularni detallarga ajratib chizish. Bir necha detallarning yig’ilgan holatdagi chizmalarini o’rganish va o’qish usullaridan biri uning har bir detalini alohida-alohida ajratib olib ish chizmasini chizishdan iborat. Detallarning ish chizmalarini chizishdan avval, yig’ish chizmalari tarkibiga kiruvchi har bir detalning geometrik tuzishi, nomi, materiali, vazifasi, shuningdek, ko’rinish soni, qirqim, kesim va o’lchamlari bilan tanishib chiqiladi. Bundan tashqari detallarning o’zaro birikish usullarini aniqlab, berilgan qirqimlardagi shtrix chiziqlarning qarama-qarshi chizilganligidan foydalanib, har bir detalning chegara chizig’i aniqlanadi. GOST 3.301-68 standartga muvofiq formatlar tanlanadi va yig’ish chizmasidagi masshtabga rioya qilingan holda detallarning ish chizmalari chiziladi. 10-shaklda suyuqlik va gazlarning harakat yo’nalishlarini belgilab turuvchi gaz jo’mragining yig’ilgan holatidagi chizmasi II 1 , II 2 va II 3 tekisliklardagi ko’rinishlarda tasvirlangan. Yig’ish chizmasining bosh ko’rinishiga berilgan qirqim tiqin 5, korpus 2 va dasta 1 larning o’zaro birikishlari, shuningdek, ularning geometrik tuzilishlarini aniqlashga imkon beradi. Shayba 3 va gayka 4 korpus va tiqinlarning zich bo’lib birikish holatlari ko’rsatilgan. 10-shakl, b da yig’ish chizmasining spesifikasiyasi berilgan. Detallarning ish chizmalarini oddiy detallardan boshlab maqsadga muvofiq. 11-shaklda eng oddiy detal – shayba 3 ning ikki ko’rinishdagi chizmasi tasvirlangan bo’lib, unda detalning ichki tuzilishidagi bo’shliqni ko’rsatish uchun qirqim berilgan. 12-shaklda dasta 1 ning ikki (II 1 , II 2 tekislikdagi) ko’rinishdagi ish chizmasi ko’rsatilgan. Dastaning bir uchidagi to’rt burchakli bo’shliqni ko’rsatish uchun bosh ko’rinishga mahalliy qirqim berilgan. 13-shaklda tiqinning uch II 1 , II 2 , II 3 tekisliklardagi ish chizmasi tasvirlangan. Suyuqlik va gaz o’tadigan teshikni ko’rsatish maqsadida chizmaning bosh ko’rinishiga mahalliy qirqim berilgan. Berilgan qirqim tiqinning ichki shaklini va uning o’lchamlarini aniqlashga imkon beradi. Chizmani chapdan II 3 tekislikdagi ko’rinishi esa konussimon o’yilgan teshikning shaklini tasvirlaydi. 14-

shaklda jo’mrakning yig’ish chizmasidan korpus 2 ni alohida ajratib olib, uningII 1 , II 2 va II 3 tekisliklardagi chizmalari ko’rsatilgan. Detalning ichki geometrik tuzilishlarini aniqlash uchun chizmaning frontal va profil proyeksiyalariga qirqim berilgan. 15-shakl, a da ventilning yig’ma chizmasining gorizontal, frontal va profil proyeksiyalari tasvirlangan. Ma’lumki, ventil trubalaridan o’tuvchi par, gaz, suv va boshqa suyuqliklarni rostlab turish uchun ishlatiladi. 15-shakl, b da yig’ma chizmaning spesifikasiyasi berilgan. Ventil tarkibiga kiruvchi korpus 1 rezbali teshikdan iborat bo’lib, unda shpindel 3 burab kiritilgan. Shpindel pastki qismidagi uyaga rezba o’yilgan bo’lib, klapan 2 bilan mahkamlangan. Gayka 6 korpus 1 ga rezba yordamida burab biriktirilganda, gayka vtulka 5 ning ezilishi natijasida tiqin 7 zichlanadi. Chizmada ventil yopiq holatda tasvirlangan. Suyuqlik yoki gaz o’tuvchi trubadan (chizmada ko’rsatilgan) korpus 1 ga tushadi. Shpindel 3 yordamida klapan 2 birga yuqoriga ko’tariladi. Natijada korpusning pastki qismidagi teshik ochiladi, suyuqlik esa shu teshik, ya’ni korpusning ikkinchi teshigi orqali trubalarga tarqaladi. Ventil tarkibiga kiruvchi korpus 1 , shpindel 3 , gayka 6 va klapan 2 detallarning ish chizmalari 16, 17, 18, 19-shakllarda tasvirlangan. 3. Kinematik, elektrik, pnevmatik va gidravlik sxemalar. Hozirgi zamon mashinalari, stanoklari, apparatlari va priborlarining ko’pchiliklarida mexanik, pnevmatik va elektr konstruksiyalar bo’ladi. Mashinalarning ishlash prinsipini ularning yig’ish chizmalariga qarab o’rganish juda qiyin, shuning uchun ko’pincha soddalashtirilgan maxsus tasvirlar, ya’ni sxemalar bajariladi. Sxemalar deb – buyumning tarkibiy qismlari va ular orasidagi bog’lanishlar shartli tasvirlar yoki belgilar ko’rinishida belgilanadigan konstruktorlik hujjatlarga aytiladi. Buyumlarga kiruvchi elementlar va bog’lanishlar turlariga qarab sxemalar: kinematik, pnevmatik, gidravlik va elektr sxemalarga bo’linadi. Kinematik sxemalar . Kinematik sxemalar deb – buyumdagi detallarning o’zaro bog’lanishini va ularning bir-biriga nisbatan harakatini ko’rsatuvchi

sxemalarga aytiladi. Sxemada hamma elementlar shartli grafik belgilar ko’rinishida chiziladi (jadval 1). Kinematik sxemalarda vallar, o’qlar, sterjenlar, shatunlar va shunga o’xshashlar yo’g’onligi S ga teng asosiy tutash chiziqlar bilan, tishli g’ildiraklar chervyaklar, yulduzchalar, shkivlar, kulachoklar va shunga o’xshashlar yo’g’onligi S/2 ga teng bo’lgan tutash chiziqlar bilan tasvirlanadi. Elektr sxemalar . Prinsipial elektr sxemalarda elementlar shartli grafik belgilar ko’rinishida chiziladi. Buyumlar uchun elektr sxemalar elektr tarmoqlaridan uzilgan holatda chiziladi. Elektr bog’lanish chiziqlari sxema formatiga qarab 0,2 mm dan 0,6 mm gacha yo’g’onlikda chiziladi. Sxemada tasvirlangan har bir elementning harfiy va raqamli pozision nomeri bo’lishi kerak, bu nomer harfli belgidan va elementning tartib nomeridan tuzilgandir. Masalan, kondensatorlar S1, S2, S3; rezistorlar R1, R2, R3 hokazo. Elementlarning harfiy belgisi, elementning qisqartirilgan nomidan iborat bo’lishi kerak, masalan, transformatorning belgisi – Tr, akkumulyator batareyasiniki – A, rezistorniki – R, kondensatorniki – S va hokazolar. Pnevmatik va gidravlik sxemalar . Pnevmatik va gidravlik sxemalar GOST 2.704-68 da belgilangan qoidalarga asosan bajariladi. Prinsipial sxemalarda elementlar va tuzilmalar shartli grafik belgilari ko’rinishida tasvirlanadi. Sxemalarda bog’lovchi chiziqlar asosiy tutash chiziqlar bilan ko’rsatiladi, bog’lovchi chiziqlarning ulangan joylari nuqta bilan belgilanadi. Havo oqimining yo’nalishi pnevmatik sxemalarda bo’yalmagan uchburchaklar bilan belgilanadi, suyuqlik oqimining yo’nalishi esa gidravlik sxemalarda qoraga bo’yalgan uchburchaklar bilan belgilanadi. Sxemaning hamma elementlari arab raqamlari bilan, odatda, ish muhiti oqimning yo’nalishi bo’ylab ketma-ket nomerlanadi. Elementlar bilan tuzilmalarga nomerlar berilgandan keyin bog’lanish chiziqlariga nomerlar qo’yiladi. 3-jadvalda pnevmatik va gidravlik sxemalarda buyumlarning shartli grafik belgilari keltirilgan.

Adabiyotlar: 1. Yu.Qirg’izboyev va boshqalar. Mashinasozlik chizmachiligi kursi. – Toshkent: O’qituvchi, 1991. 2. U.Abdullayev. Chizma geometriya va chizmachilik asoslari. – Toshkent: O’zbekiston, 1999. 3. J.Yodgorov va boshqalar. Chizmachilik. – Toshkent: O’qituvchi, 1991.

O'xshashlar

Yig’ish chizmalari

Yig’ish chizmalarini detallarga ajratish

Chizmachilik darslarida chizma asboblarida geometrik shakllar yasashning ahamiyati

Chizmachilikni o`qitish metodikasi

Qurilish chizmachiligi