Detallar eskizini chizish va ish chizmasini tuzish - Geometriya - Referatlar

Detallar eskizini chizish va ish chizmasini tuzish

Yuklangan vaqt:

20.09.2019

Ko'chirishlar soni:

0

Hajmi:

85 KB

Ko'chirib olish

Detallar eskizini chizish va ish chizmasini tuzish Reja: 1. Eskiz tuzish tartibi. 2. Detallarning ish chizmalarini chizish. 3. Detal g’adir-budirligi va uni chizmada belgilash.

Tayanch iboralar: Eskiz – detallarining asliga qarab tarkibiy masshtab ostida, chizmachilik asboblarini ishlatmasdan ko’zda chamalab qo’lda bajariladigan chizma. Ish chizma – shunday hujjatga aytiladiki, ularning tasvirida detallarni tayyorlash va nazorat qilish uchun zarur bo’lgan barcha ma’lumotlar mujassamlashgan chizma. G’adir-budirlik – ishlatish urinmalariga qarab detal yuzalariga ishlov beriladi, shunga qaramay mikroskopda qaralganda detal yuzalarida qolgan notekisliklar. 1. Eskiz tuzish tartibi. O’quv jarayonida o’quvchini loyihalash mahorati, chamalash va mushohada qilish qobiliyatlarini rivojlantirishda eskizning ahamiyati katta. Shuning uchun har bir muhandis mutaxassisligidan qat’iy nazar, eskiz tuzishni mukammal bilishi kerak. Detallarning asliga qarab taqribiy masshtab ostida, chizmachilik asboblarini ishlatmasdan ko’zda chamalab qo’lda bajarilgan chizmaga eskiz deb aytiladi. Eskiz detaldagi geometrik qismlarning o’zaro nisbiy bog’liqliklarini saqlagan holda, standart talablariga rioya qilingan tartibda bajariladi. Chizmachilikda eskiz birinchi chizma deb yuritilsa-da, unda detallarni tayyorlash uchun yetarli barcha ma’lumotlar bo’ladi. Shuning uchun ham eskiz asosida detalning ish chizmasi bajariladi. Mashina va mexanizmlarni loyihalashda, ishlab turgan mashinalarni yoki qismlarni yangilashda, shuningdek, ularni sozlash kabi jarayonlarda eskizdan foydalaniladi. Detallarni eskizini tuzishda M, 2M, TM markali qalamlardan foydalaniladi. Eskiz sifatli va tezkorlik bilan bajarilishi uchun chiziqli (katak) qog’ozlardan foydalaniladi. Eskiz tuzishni quyidagi uch qismga bo’lib bajarish maqsadga muvofiqdir: I – tayyorgarlik qismi; II – ish qismi, ya’ni detalning chizmasini tasvirlash; III – o’lchamlar qo’yish. Asosiy yozuvini (burchak shtampini) to’lg’azish qismi. Birinchi qismda detallarning geometrik tuzilishlari bilan tanishib chiqiladi, ya’ni detalning qanday sirtlardan tashkil topganligi uning simmetrik holatlari, vazifasi, nomi, materiali aniqlanadi. Shuningdek, fikran ish holati, bosh ko’rinishi (olddan ko’rinishi) va yetarli bo’lgan ko’rinishlar soni, qanday qirqim yoki kesimlar berish, taqribiy masshtab saylash va chizma

formatlari belgilanadi. So’ngra formatning chetki chiziqlari va burchak shtamplari chiziladi va nazorat ko’rinishlarini qog’ozga joylashtirish loyihalashtiriladi. Bunda iloji boricha ko’rinishlar orasidagi format chiziqlardan ko’rinishlargacha bo’lgan masofalar bir xil bo’lsin (1-shakl A va B masofalar). Ikkinchi qismda detalning ish chizmasi chiziladi. Bunda quyidagilar bajariladi: 1. Proyeksion bog’lanishlarni hisobga olgan holda, ko’rinishlar orasida 20-30 mm masofalar qoldirib (o’lcham qo’yish uchun) detalning gabarit o’lchamlari ingichka chiziq bilan to’g’ri to’rt burchak shaklida chiziladi (1-shakl). 2. Simmetriya o’qlari, markaziy o’qlar chiziladi. 3. Detalning tashqi va ichki qiyofasini aniqlovchi kontur chiziqlar o’tkaziladi (2-shakl, a ). 4. Kerakli qirqim va kesimlar, avvalo ingichka chiziqlar bilan bajarilib, keyin kesim 45 o da shtrixlanadi. Shtrix chiziqlar orasidagi masofani 2  3 mm qilib olish tavsiya etiladi. 5. Rezbalar va detallarning konstruktiv tuzilishi, ya’ni o’yiqlar faskalar, shuningdek, silliq egriliklar tasvirlanadi. 6. Chizmaning to’g’riligini tekshirib chiqiladi, so’ng keraksiz chiziqlar o’chiriladi (2- shakl, b ). Kerakli bo’lgan chiqarish va o’lcham chiziqlari chiziladi. Bunda parallel o’lcham chiziqlar va kontur chiziqdan o’lcham (parallel) chiziqlargacha bo’lgan masofalar 10 mm dan kam bo’lmasligi lozim. Standartga muvofiq yo’g’onligi 0,8  1 mm qilib, kontur chiziqlar ustidan qo’lda yurgizib chiqiladi va R,  ,  kabi belgilar qo’yiladi (2-shakl, v ). Uchinchi qismda o’lchamlar qo’yib chiqiladi. Bunda: 1. O’lchash asboblari yordamida detalning barcha chiziqli o’lchamlari o’lchanadi, shuningdek, rezbalar to’g’risidagi ma’lumotlar aniqlanadi. O’lchamlar raqam ko’rinishda 3,5 yoki 5 shrift bilan o’lcham chiziqlar tepasiga yoziladi (2-shakl, g ). 2. Asosiy (burchak shtampi) yozuvi to’lg’aziladi. Detalning o’lchamlarini o’lchash uchun masshtab chiziqlari, kronsirkul, ichki o’lchagich (nutromer), shtangensirkul va chuqurlikni o’lchagich (glubinomer) kabi asboblardan foydalaniladi. 3-shaklda deta devorlarining qalinligini chizg’ich va kronsirkul va ichki o’lchagich (nutromer) ( a ) asboblari bilan o’lchanishi ko’rsatilgan. “S” o’lcham kronsirkul bilan o’lchagich b o’lchamdan, chizg’ich yordamida o’lchangan b 1 o’lchamning ayirmasiga tengdir, ya’ni b-b 1 = C ; o’lcham esa chizg’ich bilan o’lchangan h va h 1 o’lchamlarni

ayirmasiga teng bo’ladi ( h - h 1 =l ). Aylana diametrlari ichki o’lchagich asbob bilan o’lchanadi. 2. Detallarning ish chizmalarini chizish. Detallarning ish chizmalari GOST 2.109-73 da ko’rsatilgan qoidalar asosida chiziladi. Detallarning ish chizmalari deb, shunday hujjatga aytiladiki, ularning tasvirlarida detallarni tayyorlash va nazorat qilish uchun zarur bo’lgan barcha ma’lumotlar mujassamlashgan bo’lishi kerak. Detallarning ish chizmalari umumiy yig’ma chizmalar yoki detallarning eskizlari bo’yicha chiziladi. O’quv jarayonlarida detalning ish chizmasi ko’pincha uning eskiz yoki yig’ma chizma birligi bo’yicha tuziladi. Bu jarayon quyidagi tartibda bajarilishi lozim: 1. Eskizga asosan chizmaning formati tanlanadi. Bunda detal chizmasining masshtabi, uning o’lchamlari va geometrik tuzilishlarini hisobga olish lozim. 2. Chizma qog’oziga format ramkasi chiziladi va asosiy yozuv uchun joy qoldiriladi. 3. Detal ko’rinishlarining tasvirini joylashtirish uchun chizma qog’ozi maydonidan to’g’ri to’rtburchak shaklida joy belgilanadi. 4. Tasvirning simmetriya o’qlari va detal qismlarining o’q va markaz chiziqlari o’tkaziladi. 5. Detallarning barcha ko’rinishlari ingichka chiziq bilan chizib chiqiladi. 6. Ichki kontur chiziqlar chiziladi. 7. Detal qismlarining qiyofasi chizib chiqiladi. 8. Kerakli bo’lgan kesim va qirqimlar bajariladi. 9. Chiqarish va o’lcham chiziqlari chiziladi. 10. Detalning o’lchamlari va shartli belgilari qo’yiladi. 11. Bajarilgan chizma tekshirib chiqiladi va ortiqcha chiziqlar o’chiriladi, so’ngra GOST 2.303-68 normalariga asosan chizma chiziqlarining ustidan yurgizib chiqiladi. 12. Asosiy yozuvi GOST 2.104-68 va GOST 2.109-73 ga asosan to’lg’aziladi. 4-shaklda korpusning ish chizmasi uch ko’rinishda bajarilgan.

3. detal yuzalarining qadir-budirligi va chizmada ularning belgilanishi. Ishlatish o’rinlariga qarab detal yuzalariga ma’lum darajada ishlov beriladi. Agar mikroskop yordamida detal yuzalariga qaralsa yuzalarning notekisligi, ya’ni g’adir-budirligini ko’rish qiyin emas. Detallar bir-birlari bilan urinib harakat qilishi jarayonida yemiriladi, bu esa uning mustahkamligiga putur yetkazadi. Yemirilish jarayonini kamaytirish maqsadida detal yuzalaridagi notekisliklarning shakliy tuzilishlarini maxsus (profilomer, profilograf) asboblarda o’lchab g’adir-budirlik darajasi o’rganiladi. O’quv jarayonlarida esa detal yuzalaridagi g’adir-budirliklar maxsus ishlangan va tavsiya etilgan etalonlarga solishtirib aniqlanadi. 5-shaklda sirt normal tekislik bilan kesilganda hosil bo’lgan profil kesim yuzasining bir qismidagi qadir-budirlik, chiqiqlar va botiqlar diagramma ko’rinishida tasvirlangan. Amalda chiqiqlar balandligi va botiqlarning mikrotekisligi 0,08 dan 500 mkm oralig’ida bo’ladi (mkm – mikrometr 0,001 mm ga tengdir). GOST – 2789 – 73 ga muvofiq yuza notekisligi L o’zak uzunligi bo’yicha mikrogeometrik tuzilishlari bilan bog’liq bo’lgan R a va R z parametrlar bilan aniqlanadi. Bu yerda: R a – profilning o’rta arifmetik chekli chetga chiqishi, ya’ni profil nuqtalaridan uning o’rta chizig’igacha bo’lgan masofalarning o’rtacha qiymati.n Y Y Y Y R n a 3 2 1    R z – profilning notekislik balandligi. Bu balandlik beshta eng katta chiqiqlar cho’qqisi va eng kichik beshta botiqlar oralig’idagi masofalarning o’rtacha qiymatlari bo’yicha aniqlanadi: 5 ) ( ) ( 5 2 1 5 2 1 h h h H H H Rz        R a va R z parametrlarning qiymatlarini aniqlash uchun 5-shakldagi diagrammaning o’rtacha chizig’i m o’tkaziladi. O’rta chiziqdan yuqori va pastki qismlar bir xil yuza maydoniga tengdir. GOST 2789-73 ga muvofiq buyum yuzalarining g’adir-budirligi 14 ta klasslarga bo’linadi. G’adir-budirlik klassi oshib borgan sari yuza notekisligi kamayib sir tekis bo’ladi. Masalan, 14-klassdagi yuzalar g’adir-budirligi eng yaxshi sifatli silliq sirt

hisoblanadi. 1-klassdagi g’adir-budirlik esa ishlov berilmagan dag’al yuzadir. Detalning chizmalarida g’adir-budirlik GOST 2.309-73 ga asosan 6-shaklda ko’rsatilgan belgilar bilan ifodalanadi. Agar yuzaga berilgan ishlov hisobga olinmasa 6-shakl, a dagi belgi qo’yiladi, yuzagi ishlov berib yo’nilgan bo’lsa 6-shakl, b dagi belgi, sirt yuzalari yo’nilmay quyma holatda bo’lsa 6-shakl, v dagi belgi bilan ifodalanadi. Belgilardagi h qabul qilingan raqamlar balandligi H =(1,5  3) h ga teng bo’ladi. Belgi cho’qqisidagi burchak 60 o qilib chiziladi. Belgi chizig’ining qalinligi S/2 bo’ladi. 6  12 klass g’adir-budirliklari uchun R a ni qiymatlari 2,5; 1,25; 0,63; 0,32; 0,16; 0,08; 0,04 va 1  5 va 13  14 klasslar uchun R z ni qiymatlari 320; 160; 80; 40; 20 va 0,1; 0,05 ga tengdir. Agar detaldagi yuzalar bir xil g’adir-budirlikka ega bo’lsa tasvirga belgi qo’yilmaydi, balki chizma maydonining yuqori o’ng tomonidagi burchagiga umumiy V belgi qo’yiladi (7-shakl, a ). Buyum yuzalari bir xil g’adir- budirliklardan iborat bo’lmasa, chizmaning yuqorisidagi o’ng maydonidagi burchakka, nisbatan ko’proq bo’lgan belgi qavs ichiga olib ko’rsatiladi, qolgan g’adir-budirliklar belgisi qavs oldiga qo’yiladi (7-shakl, b ). Notekisliklar qiymatlarini yozishda R a belgisiz yoziladi, masalan, 1,25 R z belgidan keyin raqam yoziladi. Masalan, R z 80 (7-shakl). G’adir-budirlik belgilari kontur, chiqarish chiziqlari, shuningdek, o’lcham chiziqlariga ham qo’yiladi va ular o’sha chiziqqa tegib turishi kerak.

Adabiyotlar: 1. Yu.Qirg’izboyev va boshqalar. Mashinasozlik chizmachiligi kursi. – Toshkent: O’qituvchi, 1991. 2. U.Abdullayev. Chizma geometriya va chizmachilik asoslari. – Toshkent: O’zbekiston, 1999. 3. J.Yodgorov va boshqalar. Chizmachilik. – Toshkent: O’qituvchi, 1991.

O'xshashlar

Yig’ish chizmalari

Rezbali detallar va ularning birikmalari

Yig’ish chizmalari sxemalar

Yig’ish chizmalarini detallarga ajratish

Birikmalar