Ер тугрисидаги умумий маълумотлар - Geologiya - Referatlar

Ер тугрисидаги умумий маълумотлар

Yuklangan vaqt:

15.09.2022

Ko'chirishlar soni:

0

Hajmi:

139 KB

Ko'chirib olish

Ер тугрисидаги умумий маълумотлар Режа: 1. Ернинг шакли, улчами ва тузилиши 2. Ернинг иссиклик режими 3. Ер магнетизми Ернинг зичлиги ва босими 4. Ер пустининг кимёвий таркиби 5. Ернинг пайдо булиши хакидаги гипотезалар

Ернинг шакли , улчамлари ва тузилиши Ернинг шакли ва улчамлари тугрисида хозирги даврдаги илмий тасаввурлар бирданига пайдо булган эмас . Кадимги хиндлар ерни фил устида жойлашган текислик куринишида тасаввур килганлар . Юнонлар эса ерни денгиз билан уралган думалок баланд тоглик куринишида тасаввур килишган ва бу тогликни каттик тунтарилган осмонга тиралиб туради деб хисоблаганлар . Ер , шар шаклига эга деган хулосани биринчи булиб кадимги юнон олими Пифагор ( эрамизгача булган 580-500- йиллар ) айтиб утган . Аристотел эса эрамиздан олдинги IV асрда бу хулосани илмий асосда исбот килиб берди. Кадимги юнон олими Эратосфен Киренский эса (эрамизгача II- аср) биринчи булиб бир мунча аникликда ер шарининг радиусини аниклади. XVII-XVIII аср (1643-1727) оралигида англиялик олим Исаак Ньютон ернинг аник шар шаклида эмас эканлигини исбот килди. Ньютоннинг хисоблари буйича ернинг уз уки атрофида айланиши окибатида, унинг экваторида ривожланадиган марказдан кочирма кучнинг огирлик кучидан катталиги хисобига, ер кутбда сикилган эллипсоид шаклини эгаллайди. И.Б.Листинг (1873 йил) ернинг шаклини геоид деб аташни таклиф килди. Геоиднинг юзаси Дунё океанининг мутлок тинч холатдаги юзаси билан мос тушади. Материкларда эса бу юза фикран утказилган канал, дарё юзалари буйлаб туташтирилади. Кейинчалик ернинг шакли ва катталиги катор олимлар томонидан аникланди. Айникса ишонарли маълумотлар Ф.Н.Красовский ва А.А.Изотовлар томонидан олинган. Уларнинг хисобига кура ер шакли уч укли эллипсоид айланасига якин ва унинг кичик (кутбий) уки айланиш уки хисобланади. Ернинг экваториал радиуси 6378,2 км кутбий радиуси эса 6356,9 км. Ернинг юзаси 510 100 934 км2 га тенг. Курсатиб утилган маълумотларга кура Ер планетасининг шакли геоид ва уч укли эллипсоид айланасига эга эмаслиги, унинг асл шаклини аниклаш олимлар олдидаги муаммо эканлигини курсатади. Кишиларнинг амалий фаолияти учун ер шарининг тузилиши 14000 метр чукурликгача урганилган. Хозирги вактда

тог казилмалари (шахталар) нинг чукурлиги 3,5-4,0 километрни ташкил килади (Хиндистон ва Жанубий Африка конлари). Дунёдаги энг чукур бург кудуги Кола ярим оролида жойлашган ва унинг чукурлиги 14,0 километрдан ортиб кетган. Айрим якка бургулаш кудукларининг чукурлиги 8,0-9,5 километрга етган. Кудукларнинг уртача чукурлиги 4-5 километрдан ошмайди, ёки ер радиусидан 1000 маротаба кичикдир. Ернинг колган (катта) чукурликлардаги тузилиши ва таркиби эса билвосита усуллар-сейсмологик, гравиметрик астрономик, геодезик ва геофизик усуллар ёрдамида урганилган. Геофизик маълумотларга кура Ер шари бир неча концентрик кобикларга булинади. Ер пустини бевосита урганилиши мумкин булган турт ташки геосферага булиш мумкин (атмосфера, гидросфера, биосфера ва литосфералар) хамда сейсмик тулкинлар таркалиш тезлигининг кескин узгаришига караб катор ички сфераларга булинади (1-расм). Литосфера калинлиги ва таркиби жихатидан турли-туман булган Ернинг ички сферасидир. Ер пусти пастдан мантия билан юкоридан атмосфера,гидросфера ва биосфералар билан чегараланган. Унинг калинлиги пасттекисликларда (Рус пасттекислиги) 35-40 километрни кадимги тог тизимлари худудларида) 50-65 километрни, ёш тог тизмаларида (Гарбий Альп,Помир,Тянь-Шань) эса 80 километрни ташкил килади. Тоглик тизмаларда ер пусти илдиз хосил килгандай булиб ер пустлогига чукур ботганга (чукиб турганга) ухшаб куринади. Атлантика океанининг остида ер пустининг калинлиги 10-15 километр. Тинч океанининг марказий кисмида 4-6 километр (1-жадвал). Ер пусти, ер юзасидан чукинди тог жинслари (гиллар, кумлар, кумтошлар, шагаллар, гипслар, охактошлар) дан ташкил топган ва калинлиги 15 километргача булиши мумкин.

Кадимий чукинди жинс катламлари ер каъридаги юкори харорат ва босим таъсирида метаморфик тог жинсларини (гнейс,сланец, мармарлар) хосил килади. Бу жинсларни айрим вактларда мустакил метаморфик катламга киритилади. Пастда (суюк) суюлган силикат махсулот - магманинг совушидан хосил булган магматик тог жинслари жойлашади. Ер пустининг юкори кисмида магматик жинслардан уларнинг енгил (нордон) турлари "гранит" катламини хосил килувчи жинслар жойлашади. Чукинди ва гранит катламларининг таркибида кислород (0) кремний (Si) ва аллюминий (Аl) элементлари кенг таркалганлиги учун уларни (сиал) номи билан бирлаштирилади. 1-расм. Ер шарини геосфераларга булиниш схемаси Чукинди ва гранит катламларининг умумий калинлиги пасттекисликларда 15-20 километр-кадимги тоглар остида 15-25 километр улкан ёш тог тизмалари остида 50 километр, океанларнинг остида гранит катламлари булмайди. Гранит катлами тагида хусусияти жихатидан базальтга якин булган тог жинслари ётади. Бундай тог жинсларидан ташкил топган жинс каватини шартли равишда "базальт" катлами номи билан аталган. Базальт катламини ташкил килган жинслар, магманинг совушидан ва уларнинг устида жойлашган чукинди жинсларнинг метаморфизацияга учрашидан хосил булган. Гранитлар дегранитизация жараёнида юкори харорат ва босим таъсирида таркибидаги кремнийли кислота ва ишкорларини йукотади ва базальтларга айланиши мумкин. Базальт каватининг калинлиги текисликларда (платформаларда) 20-25 километрни, ёш тог тизмаларида 15-20 километрни ташкил килади. Ер пустидан 2900 километр чукурликгача мантия кавати жойлашади. Бу кават тузилиши, таркиби, хусусияти ва бошка белгиларига караб уч катламга булинади: В катлами 200-400 километр, С катлами 700-900 километр ва Д катлами 2900 километргача чукурликни ташкил этади. Сейсмик маълумотларга

кура каватларни ташкил килган жисмлар айрим локал жойлардан ташкари асосан каттик холатда булади. 1-жадвал Литосферанинг турли худудлардаги калинликлари Худудларнинг номи Калинликлари, км Худудларнинг номи Калинликлари, км Тибет Тянь-Шань Кавказ Европа (текислик) Шимолий Америка (текислик) 70 80 50 28 30 Тинч океанининг шимолий кисми(океан ботиклиги) Тинч океанининг марказий кисми Атлантика океанининг марказий кисми 8 18 16 В катламининг таркибида магний (Мg) ва темир (Fе) нинг бирикмалари билан бир каторда кремний кислотаси ва ишкорий элементларнинг озгина микдори таркалган. С катлами таркибида кислород (0) ва кремний (Si) дан ташкари магний катнашади, шунинг учун бу катламни кискача килиб сима деб аталади. В ва С катлами биргаликда юкори мантия деб аталади ва ер шарини тулик урайдиган биринчи кобик хисобланади. Юкори мантиянинг уртача зичлиги 3,2- 4,5 г/см 3 ни ташкил килади. Д катламининг таркибида, О, Fе, Мg, Ni мавжуд деб хисобланади. Унинг зичлиги эса 5,3-6,6 г/см3 га тенг. Ядронинг чукурлиги 2900 километрдан ер марказигача (6371 километргача)

давом этади. Ядро электр токини утказувчан булганлиги учун катор олимлар уни темир (Fе) ва никелдан ташкил топган деб тахмин киладилар. Жисмларнинг зичлиги 7-11 г/см3 оралигида узгариб туради. Ядро 5100 километргача суюк холатда булган ташки кобикга ва каттик ички металсимон кобикга булинади. Хозирги вактда Ер асосан (литосфераси) каттик холатда деган фикр фанда кенг таркалган. Бу фикрга асосан литосферанинг чукинди, гранит ва базальт катламлари каттик холатда ётади. Мантия жисмлари эса физик хусусияти жихатдан сургуч, шишага ёки парафинга ухшаш структурасиз жисмлардан ташкил топади. Бу жисмлар бир зумда таъсир килувчи кучлар таъсиридан узларини каттик жисмлар каби, аста таъсир килувчи кучлар таъсиридан эса худди суюк жисмлар каби тутади. Ядронинг ташки кобиги ута зичланган суюк жисмлардан, марказий кисми эса каттик металсимон жисмлардан ташкил топган деб хисобланади. Ернинг иссиклик режими Ер маълум микдордаги иссикликни ишлаб чикаради. Ички иссиклик энергиясининг асосий манбаи булиб радиоактив элементларнинг парчаланиши хисобланади. Радиоактив элементлар уз-узидан парчаланиб, узидан маълум микдордаги иссиклик энергиясини ажратиб чикаради ва ер пусти жинсларида ва мантиясида энергия тупланиб боради. Радиоактив элементлар ер пустида жуда оз микдорда таркалган булишига карамай, планетамиз пайдо булган (5 млрд.йил) вактдан буён хосил булган иссиклик микдори, ернинг ички катламларини киздиришдан ташкари, унинг юзасига хам иссиклик таркатишга етарлидир. Ер ичкарисида хосил булиб харакат киладиган иссикликдан ташкари ташки Куёш радиациясидан хосил буладиган иссиклик хам мавжуддир. Бир секунд давомида Ер юзаси Куёшдан иссикликга айланадиган 1,8.1024 эрг. нурланиш энергиясини кабул килади. Бу иссикликнинг 45 фойизини Ер юзасидан атмосферага таркатади. Ерни Куёшдан кабул килиб оладиган иссиклиги

нотекис таксимланади. Кузатувлар шуни курсатадики, Антарктида ва Шимолий кутбда 1 см 2 юзага экватордагига нисбатан уч баробар куп иссиклик ютилади. Лекин ютилган иссиклик бу худуднинг куп кисмида хавонинг тиниклиги ва хаво катламининг сийрак булганлиги сабабли атмосферага таркалиб кетади. Ер юзасининг турли нукталарида иссиклик микдорининг нотекис кабул килиниши, Ер айланиш укининг эклиптика юзасига нисбатан кия жойлашганлиги билан хам боглик. Ер юзасидан иссикликнинг таркалиши ва юзаси билан ютилиши маълум даражада куруклик ва сувларнинг нотекис таксимланишига, ер юзасининг рельефига, усимликларга, хаво ва океандаги окимларга боглик. Лекин Ер ландшафтининг турли-туманлигига карамай, унинг юзасида бир хил уртача йиллик ёки уртача ойлик хароратга хос булган худудларни ажратиш мумкин. Харорат факат шимолдан жанубга томон узгарибгина колмай, чукурлик буйича хам узгариб туради. Хароратнинг Ер юзасидаги узгариш амплитудаси айрим туманларда 90-100 0 С га (Урта Осиё чулларида) етади. Ер юзидан чукурлашиб борилган сари хароратнинг (кунлик, йиллик, куп йиллик) узгариши камайиб боради ва ер юзидан маълум бир чукурликда узгармай куяди. Харорат доимий булган ва Куёш иссиклигининг таъсири булмай колган бу чукурлик минтакасини йиллик харорат доимий булган минтака дейилади. Бу минтакадаги харорат Ер юзасидаги уртача йиллик хароратга тенг булади. Куёш энергиясининг таъсири остида булган бу минтакани гелиотермик минтака деб юритилади. Харорат доимий булган минтаканинг чукурлиги экваторда 1-2 метр, муътадил иклимли кенгликларда 20-30 метр, кутбда 100 метр ва ундан ортик чукурликларда жойлашади. Доимий харорат минтакасидан ичкарига караб чукурлик ортиб бориши билан тог жинсларининг харорати Ернинг ички иссиклиги таъсирида конуний равишда ортиб боради. Ички иссикликнинг харорати доимий булган минтакадан юкорида жойлашган кисмига таъсири Ер юзаси томон камайиб

боради. Хароратнинг чукурлик ортиши билан кутарилишини бахолаш учун геотермик градиент ва геотермик боскич тушунчалари киритилган. Геотермик градиент деб, харорати доимий минтакадан чукурликнинг 100 метр ортишига тугри келадиган хароратнинг узгариш микдорига айтилади. Геотермик боскич эса доимий харорат минтакасидан пастдаги хароратнинг 10С ортишига тугри келадиган, чукурликни (метрдаги) курсатади. Бу икки курсаткич тог жинсларининг иссиклик утказувчанлиги, тог жинсларида содир буладиган геокимёвий реакцияларнинг табиатига, кайнок сув ва бугларнинг мавжудлигига, тог жинсларининг ётиш холатига ва радиофаол элементларнинг концентрациясига боглик равишда доимо конуниятсиз узгаришларга учраб туради. Уртача геотермик градиент 100 метрга 3 0 , боскич эса 33 метр деб кабул килинган. В.А.Магницкийнинг хисобларига кура, 15-20 километр чукурликгача геотермик боскич уртача 33 метрни ташкил килади. Бу чукурликдан пастда хароратнинг узгариши кескин камайиб кетади ва 100 километр чукурликда харорат 1300 0 , 400 километр чукурликда 1700 0 , 2900 километр чукурликда 3500 0 , 5000 километр чукурликда эса 5000 0 ни ташкил килади. Ер магнетизми Ернинг физик хусусиятларидан бири унинг магнитлигидир. Ер улкан магнитдир. Ернинг магнит майдони унча катта булмаса хам, у Ернинг хаётида катта ахамиятга эга. Ер юзасининг магнит майдони доимий ва узгарувчан булади. Доимий магнит майдонининг асосий кисми Ер ядросида, ядро ва мантия чегарасида содир буладиган жараёнлар билан боглик. Магнит майдонининг бу кисмига ер пусти жинслари барпо килган магнит майдони хам кушилади. Узгарувчан магнит майдони Куёшнинг нурланиши билан хам боглик. Ер Шимолий ва Жанубий магнит кутбларига эга. Улар географик кутбларга мос келмайди.

Магнит стрелкасининг маълум бир жойдаги географик меридианидан четга бурилишига магнит четланиши дейилади. Магнит четланиши шаркий ва гарбий булади. Бир хил магнит огиш бурчакларини туташтирувчи чизиклар изогон дейилади. Магнит стрелкасининг горизонтга нисбатан бурчаги, магнит огиши дейилади. Шимолий ярим шарда магнитнинг шимолий стрелкаси жанубий ярим шарда эса жанубий стрелкаси горизонтга караб огади. Огиш бурчаги экватордан кутбларга караб ортиб боради ва магнит кутбларида максимумга (90 0 ) етади. Ер шарида бир хилдаги магнит огиш бурчакларини туташтирувчи чизик изоклин дейилади. Огиш ва четланиш микдорлари кун, йил ва асрлар мобайнида Ернинг Куёшга нисбатан жойлашган урни ва Куёшнинг кун, йил ва аср мобайнидаги холатига боглик равишда узгаришга учраб туради. Ернинг зичлиги ва босими Ер пустини ташкил килган жисмларнинг зичлиги 3,3 кг/см 3 дан ортмайди. Ернинг чукур кисмларини ташкил килган жисмларнинг зичлиги босим ортиши билан ортиб боради. Олимларнинг хисоблашларига кура мантия ва ядро чегарасида 2900 километр чукурликда ер жисмларининг зичлиги 5,7 г/см 3 га тенг. Шу чегарадан бевосита пастда зичлик кескин ортиб боради ва 9,3-9,7 г/см 3 га етади. Ернинг марказида жисмларнинг зичлиги 12,2 - 12,5 г/см 3 га етади. Ернинг ички босими чукурлик ортиши билан ортиб боради ва ер пусти билан мантия чегарасида 13 минг атмосфера, мантия ва ядро чегарасида 1,4 миллион атмосфера ва Ернинг марказида 3 миллион атмосферадан ортади. Ер пустининг кимёвий таркиби Хозирги вактда олимлар уртасида ернинг пустлоклари ва ядросининг кимёвий таркиби тугрисида ягона бир фикр мавжуд эмас, ернинг кимёвий

таркиби метеоритлар таркибига ухшаш деб, тахмин килинади. Лекин ер пустининг таркиби метеор жисмларининг таркибидан кескин фарк килади. Бу фаркни ер пусти билан унинг чукур минтакалари орасидаги элемент алмашинуви жараёни билан тушунтирса булади. Айрим холларда ернинг ичкари кисмидан Si, Ca, Na, K, Al ва радиоактив элементлар унинг пусти томон кутарилади. Ер пустидан унинг ичкарисига эса Fe, Mg, S ва бошка кимёвий элементлар харакат килади. Ернинг кимёвий таркибини XIX асрнинг 80-йилларида америкалик олим Кларк биринчи булиб уша даврда маълум булган 6000 дона тог жинсларини урганиб Ер пустининг кимёвий таркибини курсатувчи жадвал тузди. Шу даврдан бошлаб купгина олимлар Ер пустининг кимёвий таркибини урганиш билан шугулландилар. Академик А.Е.Ферсман, кейинрок А.П.Виноградовлар томонидан бир мунча аник маълумотлар олинди. Куйидаги 2-жадвалда геосфераларининг кимёвий таркиби тугрисида маълумот берилган. Ер пустининг кимёвий таркиби вакт бирлиги ичида доимий эмас , чунки Ер бир томондан метеорит ва чанг куринишдаги космик жисмлар хисобига узгариб туради, иккинчи томондан Ер дунё бушлигига гелий, неон, водород, азот ва турли газсимон элементлар ва бирикмаларни доимий равишда узидан таркатиб туради. 2-жадвал Геосфераларнинг кимёвий таркиби Кимёвий элементлар Гранит катлами Базальт катлами Литосфера, 16-20 километргача Ернинг умумий кимёвий таркии 0 47.59 44.24 46.8 27.71 Si 27.72 23.24 27.3 14.53

Al 8.13 8.46 8.7 1.79 Fe 5.01 8.76 5.1 29.76 Ca 3.03 6.51 3.6 2.32 Na 2.85 2.35 2.6 0.38 K 2.60 1.28 2.6 0.14 Mg 2.09 3.73 2.1 8.69 Ti 0.63 0.83 - 0.02 C 0.09 - - 0.04 S 0.05 0.10 - 0.64 P 0.13 0.20 - 0.11 Mn 0.04 0.25 - 0.07 Cu - - - 0.20 Ni - - - 3.46 Бошка элементлар 0.04 0.05 1.2 0.14 Барча элементлар 100 100 100 100 Eрнинг пайдо булиши хакидаги гипотезалар Ернинг пайдо булиши тугрисидаги дастлабки тасаввурлар жуда кадимдан мавжуд булган. Чунки бу масала улкан амалий ахамиятга эга. Ернинг пайдо булиши хакида тугри тасаввурга эга булмасдан туриб, унинг тузилишини ва унда буладиган жараёнларни тугри тушуниш мумкин эмас. Кадимги даврларда Ернинг ва Куёш тизимининг вужудга келиши тугрисидаги тасаввурлар асосан хурофий булган. Факат уйгониш даврида (XV асрнинг охири ва XVI асрнинг боши) фанни диннинг тазйикидан озод булиши бошланади. Поляк олими Николай Коперник (1473-1543) "Дунё жисмларининг айланиши хакида" номли асарида биринчи булиб Ер коинотнинг маркази эмас, балки Куёш атрофида доимо айланиб турадиган кичик планета эканлигини

аниклаб берди. XVII асрнинг охирида немис олими Лейбниц (1646-1716) Ер качонлардир кизиган (чуг холатидаги) нур таркатувчи жисм булган деган фикрни уртага ташлади. Ернинг юкори катламларини у ер юзига окиб чиккан массанинг шлакларига ухшатди. 1745 йилда француз олими Ж.Бюффон (1707-1788) Ер ва Куёш тизимининг бошка планеталари бир неча ун минг йил аввал Куёшнинг комета билан фалокатли тукнашувидан ажралиб чиккан куёш жисмларидан хосил булган деб исбот килишга харакат килди. Немис файласуфи Иммануил Кантнинг гипотезасига (1755й.) кура, бирламчи коинот турли катталикдаги ва зичликдаги каттик, харакатсиз чанг заррачаларидан ташкил топган. Заррачаларнинг узаро тортилиши натижасида улар харакатлана бошлаганлар. Лекин улар зарраларнинг катталиги ва зичлигига боглик равишда турли тезликда харакатланганлар. Зарраларнинг тукнашуви бутун тизимни айланишига ва унинг марказида зарраларнинг тупланишига олиб келган. Зарралар бу марказий кисм атрофида айлана орбитаси буйлаб бир томонга айлана бошлаган. Харакатланаётган зарраларнинг кушилишидан планеталар хосил булган. Кантнинг таъкидлашича осмон жисмларининг хосил булиши ва хозирги оламнинг таркок материядан хосил булиш жараёни миллион йиллар давом этган. Француз математиги Пьер Симон Лапласнинг фикрича (1796й.) коинот киздирилган газсимон жисмлардан ташкил топган ва у уз уки атрофида каттик жисмлар каби секин бир текис айланадиган бирламчи газ туманлигидан иборат булган. Газ туманлиги аста секин совиб сикилиб бориши билан айланиш тезлиги ва марказдан кочирма куч айникса туманликнинг экватор кисмида ортиб борган. Натижада жисмлар туманлик экватори юзасига йигилиб борган ва ясси диск шаклини эгаллаган. Экватордаги марказдан кочирма куч тортиш кучидан орта бошлаганидан сунг, туманликнинг экватор кисмидан газ халкалари ажралиб чика бошлаган ва туманлик харакат килаётган йуналишда айланишни давом этдирган. Халка

жисмлари аста-секин зичланиб бориб газ куйкаларини (йигиндиларини) ёки бирламчи планеталарни (планета куртакларини) хосил килган. Туманликнинг марказида газларнинг зич куйкасидан (йигиндисидан) Куёш пайдо булган. Бу гипотеза узининг оддийлиги ва мазмунининг тугрилиги туфайли XIX аср мобайнида хукмрон гипотеза булиб хизмат килган. Лекин асрнинг охирларида янги утказилган тадкикотлар натижалари билан анчагина зиддият борлиги аникланди. XX асрда планеталарнинг хосил килувчи жисмларнинг келиб чикишини тушунтирувчи тасаввурлардан келиб чикадиган турли-туман гипотезалар таклиф килинди, лекин уларнинг илмий нуктаи назардан асоссиз эканлиги исботланди. Илмий космогонияда Куёш атрофидаги газ, чанг булутлигининг (туманлигининг) келиб чикиш масаласи ута мураккаб муаммо хисобланади. Хозирги вактда Куёш тизимидаги планеталарни хосил килувчи бирламчи булутликнинг (туманликнинг) хосил булиши тугрисида иккита асосий гипотеза мавжуд. Улардан бири Куёшнинг атроф коинотдан жисмларини тортиб олишидан, иккинчиси Куёш ва Куёш тизимидаги планеталар бирга бир вактда бир хил газ-чанг йигиндиларидан хосил булганлигини тахмин килади. Академик О.Ю.Шмидт гипотезасига кура, Куёш олам бушлигидаги харакати жараёнида газ, чанг булутликларидан иборат булган юлдузлар оралигидаги жисмларни узига тортиб олган. Бу булутликлар водород газсимон, асосий кисми музлардан иборат булган каттик зарралардан ташкил топган. Тош ва металл жисмлар хам мавжуд булган. Тош ва муздан иборат булган каттик зарралардан Куёш тизимининг купгина жисмлари хосил булган. Куёш атрофидаги булутликлардаги каттик зарраларнинг тукнашуви натижасида улар бир-бирлари билан ёпиша бошлаган ва булутликнинг узи эса ясси, зичлиги ортган катламга айланган. Катта жисмлардан планета ва бошка космик жисмлар хосил булган. Планеталар хосил булиши жараёнида, бир-бирлари билан тукнашган айрим зарралар тезлигини катта микдорда йукотиб умумий булутлик йигиндисидан узоклашган. Бу зарралар планеталар атрофида айлана бошлайди, сунгра эса улар йигилиб йулдошларни хосил килади.

О.Ю.Шмидтнинг гипотезасига кура Ер ва бошка планеталар бирламчи совук жисмлар булган, сунгра Ернинг ички иссиклиги радиофаол элементларнинг парчаланиши натижасида хосил булган. Академик А.Г.Фесенков Куёш ва бошка планеталарнинг хосил булишини юлдузларнинг пайдо булиши муаммоси билан биргаликда куриб чикади. Галактикадан ташкарида жойлашган туманликларнинг тузилишини урганиш хозирги кунда хам юлдузлар хосил булаётганлигини курсатди. Юлдузлар газ, чанг туманликларида жойлашган диффузион жисмларнинг куюклашувидан пайдо булади. Айрим туманликларда куюклашган газ-чанг йигиндиларининг мавжудлиги кузатилади. Айрим йигиндиларнинг парчаланиши ва улардан юлдузларининг хосил булиши маълум булди. Юлдуз жисмларининг дунё бушлигига ёйилиш жараёни хам исботланди. В.Г.Фесенков, Куёш ва планеталар каттик ясси диск шаклидаги юлдузлар оралигидаги газ-чанг йигиндиларидан (куйкаларидан) хосил булган деб хисоблайди. Аввало катта массага эга булган ва хозирги вактга нисбатан тезрок айланадиган Куёш хосил булган. Сунгра эса айланиш тезлиги катта булганлиги учун газ-чанг жисмларининг жуда куп кисми марказий йигиндига кушила олмаган ва унинг экватор кисмидан ажралиб туманлик марказидан узоклашиб борган. Бу ажралган кисмларнинг харакати марказий йигиндининг харакатини кайтарган. Марказий йигиндидан ташкаридаги газ-чанг жисмларининг аста-секин зичланиши Куёш тизимининг хозирги вактда мавжуд планеталарини хосил булишига олиб келган. Хозирги даврдаги тасаввурларга кура Куёш тизими жисмлари фазода бирламчи совук ва газсимон материалнинг йигилиши ва зичланиши натижасида Куёш ва бирламчи планеталар пайдо булгунига кадар шаклланган. Астероид ва метеоритлар ер гурухига кирган планеталар учун, комета ва метеорлар эса гигант планеталар учун илк (даставал) махсулот хисобланади. Ерни хозирги вактдаги пустининг тузилишини шаклланиши бирламчи гомоген

(бир хил таркибли, тузилиши) моддаларнинг огирлигига боглик равишда дифференциация жараёни билан богланади.

А Д А Б И Ё Т Л А Р 1. Бетехтин А.В. Минералогия курси. -Т.: "Укитувчи" нашриёти, 1969. 2. Бочевер Ф.М., Гармонов И.В., Лебедев А.Б., Шестаков В.М. Основы гидрогеологических расчетов. -М.: Издательство "Недра", 1969. 3. Гольдберг В.М., Газда С. Гидрогеологические основы охраны подземных вод от загрязнения. -М.: "Недра", 1984. 262 с. 4. Живаго Н.В.,Пиатровский В.В. Геоморфология с основами геологии. -М.: "Недра", 1974. 5. Иванова М.Ф. Общая геология. -М.: "Высшая школа", 1974. 6.Инженерно-геологические исследования при проектировании и строительстве гидроэнергетических сооружений.- М.:-Л.: Госэнергоиздат, 1954. 7. Кац Д.М. Контроль режима грунтовых вод на орошаемых землях. -М.: "Колос", 1967. 8. Кац Д.М. Основы геологии и гидрогеологии. -М.: "Колос", 1981. 9. www.ziyonet.uz 10. www.QMII.UZ

O'xshashlar

Геохронология. Ер пустининг ривожланиш тарихи тугрисидаги асосий маълумотлар. Геологик хариталар ва кесимлар

Минераллар ҳақида умумий маълумотлар

Гидрогеология фани хакида умумий маълумотлар

Тог жинслари хакида умумий маълумотлар

Ер ости сувларининг харакати тугрисида умумий тушунча