Архей ва эрта протерозой босқичи - Geologiya - Referatlar

Архей ва эрта протерозой босқичи

Yuklangan vaqt:

20.09.2019

Ko'chirishlar soni:

0

Hajmi:

170 KB

Ko'chirib olish

Архей ва эрта протерозой босқичи Режа: 1. Геодинамикаси 2. Палеогеографияси 3. Иқлими 4. Органик дунёнинг пайдо бўлиши

Архей ва эрта протерозойда муҳим геологик жараёнлар содир бўлган. Улар ер пўстининг кейинги ривожланишига мустаҳкам замин яратган. Геодинамикаси. Дастлабки ер пўстининг дарзланиши чўзинчоқ ҳаракатчан зоналар – протогеосинклиналларнинг шаклланишига олиб келган. Уларда асосан базальт таркибли лавалар қуюлганлиги билан характерланувчи фаол вулканизм жараёнлари кечган. Вулканлар бу зоналарнинг марказий қисмларида бирин-кетин занжирсимон жойлашган, отилиши бирламчи чуқур дарзликлар билан боғлиқ бўлган. Вулкан занжири ва турли томонга сурилиб кетаётган континентал пўстнинг четлари орасида океанлар пайдо бўлган, уларда пўстнинг чўкишини тўлдирувчи чўкиндилар тўпланган. Уларга бўлакли материал вулкан тоғлари ҳамда континентал массивлар ёки материк типидаги ороллардан келиб тушган . Протогеосинклинал ботиқликларни эгаллаган океанларнинг ўлчами, кўриниши ва тутган ўрни ҳозиргиларникига тўғри келмаган. Улар ҳам бутун ер пўсти каби узоқ ва мураккаб эволюция йўлини босиб ўтган ва бир неча бор кўринишини ўзгартирган. Архейнинг п ротогеосинклинал лари кейинги геосинклинал лардан фарқ қилган . Улар нисбатан барқарор платформ а массив лари билан ажралмаган , ички тузилиши ҳам дифференци ацияланмаган , чуқур ер ёриқлари аниқ ифодаланмаган . Фақатгина эрта протерозо йдагина , эҳтимол , ҳақиқий геосинклинал лар ривожланабошлаган . Ўша қадимий даврларда ер пўстининг катта қисми фаол геосинклинал ривожланишни ўз бошидан кечирган . Вужудга келган геосинклинал лар дастлабки континентал пўстни деярли бутунлай бузган ва қайта тиклаган . Архей ва эрта протерозойда ер ривожланиши тўғрисидаги бу фикрлар Скандинавия ва Кола яримороллари, Сибир, Америка, Африка, Осий ва Австралиядаги қадимий тоғ жинсларини ўрганиш материаллари билан далилланади. Уларда метаморфик ва магматик жинсларнинг ривожланганлиги, чўкиндиларнинг ўнлаб километрга борадиган катта қалинлиги, ётқизиқларнинг мураккаб бурмаланганлиги каби хусусиятлар

характерлидир. Буларнинг барчаси ҳақиқий геосинклинал ривожланиш шароитлари тўғрисида далолат беради. Архей ва эрта протерозойдаги фаол тектоник жараёнлар Ер қаъридан жуда кўп миқдорда моддалар ва энергия чиқишига олиб келган. Туб моҳияти билан катта қалинликдаги чўкинди ва магматик жинсларнинг тўпланиши ер юзасига Ер каъридан моддалар чиқиши натижаси ҳисобланади. Ер тарихидаги глобал катастрофалар содир бўладиган вақтлар диастрофизм эпохалари дейилади. Д иастрофизм эпохаларининг содир бўлиши даврий характер га эга . Архей ва эрта протерозо й тарихида бир қанча шундай эпохалар ажратилади . Улар ер шарида бир вақтда кечмаган, аммо улардан баъзилар муайян синхронликка эга бўлиб, аниқ изларини қолдирган . Д иастрофизм эпохаларидан энг биринчиси архе йнинг бошларида (3500±100 млн. йил олдин ) содир бўлган . У қадимий магматик жинслар мавжудлиги асосида аниқланган . Бу эпоха белозер номини олган бўлиб , Ер ривожланишида тектони к режим нинг сезиларли ўзгаришига олиб келмаган . А рхей акронининг охирида кеноран тоғ бурмаланиши (2600±100 млн. йил ) содир бўлади . Ер пўстининг алмашувчи горизонтал ва вертикал ҳаракатлари олдин тўпланган ётқизиқларнинг кучли метаморфик ўзгаришига олиб келган, улар жуда зичлашган ва бурмаланган . Эрта геосинклинал босқичнинг муҳим диастрофизм эпохаларидан бири эрта протерозойнинг охирида (1800±100 млн. йил) якунланган карел эпохаси саналади. Натижада қадимий ёки эпикарел платформалари (кратонлар) номини олган дастлабки «ҳақиқий» платформалар шаклланган. Улар протоплатформаларнинг тарқоқ қолдиқларини бир-бири билан пайвандлаб, бўлажак континентларнинг ядроларини ҳосил қилган. Шундай қилиб, Ер тарихидаги глобал катастрофалар баъзан литосферанинг янги структуралари, хусусан платформаларнинг шаклланишида яратувчи рол ўйнаган.

Қадимий платформаларнинг пайдо бўлиши билан эрта геосинклинал босқич якунланади, кечки протерозойдан ҳозиргача давом этаётган Ер пўстининг геосинклинал-платформали ривожланиш босқичи бошланади. Эпикарел платформаларнинг ўлчами ва кўриниши тектогенезнинг кейинги жараёнлари таъсирида ўзгарган. Улардан баъзилари «оралиқ массивлари» деб аталувчи палахсаларга парчаланган ва қисман қайта ишланган. Аммо қадимий платформалар асосан ўзгармасдан сақланиб қолган ва ҳозирги континентларнинг асосини ташкил этади ( расм). расм. Архей протоплатформалари ва қадимий платформалар фундаменти таркибидаги эрта протерозой ҳаракатчан қамбарлар (В.Е.Хаин бўйича): 1- стрелкалар «кулранг гнейслар» - қадимий кон тинентал пўстнинг ўрнини кўрсатади; 2 - архей протоплатформалари; 3 – эрта протерозой ҳаракатчан қамбарлари. Дастлабки континентлар фақат архейнинг охирида, кеноран тоғ бўрмаланишидан кейин пайдо бўлади ва протерозойдагина кенгаяди.

Палеогеографияси . Сайёрамизнинг узоқ тарихи нафақат ўзининг жуда фаол тектоник ҳаракатлари, балки геологик қайта ўзгаришларининг оламшумуллиги билан ҳам кишини лол қолдиради. Ўша даврларнинг қайтарилмаслиги гидросфера ва атмосферанинг шаклланишида ҳам ўз ифодасини топган. Ер юзасидаги палеогеографик шароитлар бундан 3,5- 3 млрд. йил илгари батамом ўзгача бўлган. Кенг океан акваториялари ороллар архипелаглари билан ажралиб турган. Архей океанларининг у-ёки бу жойларида вулкан тоғлари чиқиб турган. Йирик континентлар кечки протерозойда Лавросий ва Гондванага бирлашган қадимий платформалар ҳосил бўлганидан сўнг вужудга келади. Улар яланғоч, тоғли саҳроларни эслатган. 2,5 млрд. йил илгари гидросфера ҳозиргининг 55 % дан кўпини ташкил этган деб тахмин қилинади. Архей океанлари сувининг шўрлиги ҳозиргидан анча паст бўлган ва 2,5 % дан ошмаган. Сув таркибида ер пўстининг ички қисмидан олиб чиқиладиган Si0 2 , Fe, Mn, НС0 3 , С0 2 каби бирикмалар устуворликка эга бўлган. Океанларда кремнеземни ўзлаштирадиган организмлар (ҳозирги диатомли сувўтлари, радиолярийлар ва булутлар каби) бўлмаганлиги сабабли уларнинг миқдори океан сувида тобора ошиб борган ва кимёвий йўл билан чўкмага ўтган. Шунинг учун ҳам қадимий ётқизиқларда кварцитга ўхшаш жинслар кўп учрайди. А рхе йда ва протерозо йнинг биринчи ярмида атмосфера амалда кислород сиз бўлган . К ислород сезиларли миқдорда фақат протерозойнинг охирида ўсимликларнинг фотосинтези туфайли вужудга келган, атмосферада карбонат ангидрит , водород, аммиак устуворлик қилган , шунингдек муайян миқдорда азот, водород сульфид , камёб газ лар бўлган . Атмосфера тикловчи хусусиятга эга ва зичлиги ҳозирдагига нисбатан анча паст бўлган . Архей атмосферасининг таркиби кварцли жинсларнинг минерал қўшимчалардаги реликт газларни ўрганиш орқали аниқланган . Ю.П. Казанский нинг

маълумотларига қараганда архей ёшидаги кварцит бўлакларида карбонат ангидритнинг миқдори 44,2 %, кислород ники эса 5,5% ни ташкил этган . П ротерозо йда бу қийматлар 34,5 ва 13,7 %, палеозой жинсларида - 7,6 ва 18,0 % га тенг . Ҳозирги вақтдаги денгиз сувларида карбонат ангидритнинг миқдори 3,2 %, кислород ники эса 34,1 %. Бундан кўриниб турибдики , архе йдан ҳозирги кунгача гидросфера ва атмосфер ада кислород нинг миқдори тобора ошиб ва карбонат ангидритники эса камайиб борган. Архей ва эрта протерозойдаги гидросфера ва атмосферанинг ўзига хос хусусиятлари ўзгача чўкиндиларнинг тўпланиши ва фойдали қазилмаларнинг шаклланишини белгилаган. Кремнийли жинслар (кварцитлар ва жеспилитлар кенг тарқалган). Атмосфера ва гидросферада С0 2 ва НС0 3 кўп бўлганлиги сабабли эрта протерозой чўкинди жинслари орасида оҳактошлар ва доломитлар устуворликка эга бўлган. Қадимий океанларда чўкинди жинслар кенг ривожланганлигига қарамасдан, улар барча архей жинсларининг фақат 40 % ни ташкил этган. Протерозойнинг ўрталарига келиб уларнинг салмоғи 80% га етади. Кечки протерозойда магматизм жараёнлари сусайиб кетганлиги сабабли магматик жинсларнинг улуши 60 дан 20 % гача қисқаради. Эрта архей тарихи Шимолий Америка платформасининг Канада қалқонида ўтган асрнинг 80-инчи йилларида биринчи бор ажратилган «кулранг гнейслар» мажмуасини ўрганиш билан боғлиқ. Бу мажмуа жинслари тоналит-трондьемит-гранодиорит таркибли турли гнейслардан иборат бўлиб, улар метавулканитлар, метачўкинди жинслар, амфиболитлар, баъзан темирли кварцитлар ҳамда кристалли сланецларнинг қўшимчаларига эга. Демак, «кулранг гнейслар» - бу полигенетик мажмуа. «Кулранг гнейслар» мажмуасининг ёши 3,3 - 3,5 млрд йилдан ортиқ деб баҳоланади. Шунинг учун «кулранг гнейслар» мажмуаси деганда платформа қалқонларида тарқалган энг қадимий жинслар тушинилади.

«Кулранг гнейслар» мажмуаси дунёнинг турли қамбарларида турлича тарқалган. Улар амалда ҳам шимолий, ҳам жанубий қатордаги барча йирик платформаларда учрайди. Шимолий қатордаги платформаларда энг қадимий жинслар Шимолий Америка, Шарқий Европа, Сибир ва Хитой-Корея платформаларида ривожланган бўлиб, бунда улар фундамент ер юзасига чиққан жойлар - қалқонларда очилиб ётади. “Кулранг гнейслар” проконтинентал пўстни ташкил этади. Кечки архей ва эрта протерозойда “яшилтош қамбари” вужудга келган. Уларнинг узунлиги 1 минг км ва кенглиги 200 км гача боради, аммо улар кейинги денудация жараёнлари туфайли кўп жойларда ювилиб кетган. Африка платформасида “ яшилтош қамбар и” кенг тарқалган . У Марказий Африкада ҳ амда Ғарбий Африканинг Леон-Либерий ва Регибат массивларида ривожланган. “Я шилтош қамбар и” барча жойларда ўхшаш тузилишга эга, гранитлар билан ёрилган , гранулит ва амфиболит фацияларигача метаморфизмга учраган. Бунда м етаморфизм одатда анча кейин кечган. Австралия платформасида “ яшилтош қамбар и” га Пилбара ва Йилгарн палахсалари ёрқин мисол бўлади . “Я шилтош қамбар и” ва гранит-яшилтошли вилоятлар Ҳиндистон ва Арктика платформаларларида ҳам тарқалган. Улар ўхшаш тузилишга, мураккаб структурага, кечки гранитоидли магматизм ва метаморфизмга эга. Платформаларнинг шимолий - Лавразия қаторида архей “яшилтош қамбари” Шимолий Америка платформасининг Канада қалқонида, Шарқий Европа платформасининг Болтиқ ва Украина қалқонларида, Сибир платформасининг Алдан қалқонида ҳамда Хитой-Корея платформасида кенг ривожланган. Иқлими. Гидросфера ва атмосфера вужудга келган архей акронидан бошлаб сайёрамизнинг юзасида иссиқликнинг тарқалишида Қуёш энергияси етакчи аҳамиятга эга бўлади. Агар бу фикр тўғри бўлса, архей эрасидаёқ

иқлим минтақалари бўлиши лозим эди. Чунки қуёш иссиқлигининг миқдори ёруғлик нурининг Ер сиртига қандай тушишига боғлиқ. Архейда иқлим минтақаларининг мавжудлиги баъзи далиллар билан тасдиқланади. Уларга, хусусан, метаморфизмга учраган қадимий музлик ётқизиқлари - тиллитлар киради. Уларнинг қолдиқлари Шимолий Америкада, Марказий ва Жанубий Африкада, Жанубий Австралияда ва Сибирда топилган. Шимолий Америкада музликлар 42° ш.к. дан шимолда кенглик йўналишида деярли 1850 км га чўзилган. Эрта протерозой тиллитларининг қалинлиги 160-180 м га боради. Бу ётқизиқлар кўл ёки дарё шароитларида тўпланган гилли сланецлар билан алмашиниб ётади. Демак ўша даврларда музбосиш эпохалари музликлар эриб, уларнинг ўрнини кўллар эгаллаган музоралиғи даврлари билан алмашиб турган. Н.М. Страховнинг фикрича қадимий муз босиш тоғларга хос бўлган. Майдони 13 млн. км 2 гача борувчи ҳозирги Антрактидадаги каби музликлар архей ва протерозой акронларида кузатилмаган. Чунки бу вақтларда кенг континентал массивларнинг ўзи бўлмаган. Музликлар тоғларнинг чўққиларини қоплаб олган ва уларнинг тиллари тоғ этакларигача тушиб келган бўлиши мумкин. Музлик ётқизиқлари билан бир қаторда метаморфизмга учраган органик қолдиқлар (сувўтлари) ҳам учрайди. Қадимий океанларда оддий ўсимликларнинг ривожланганлиги тўғрисида ер шарининг муайян зоналарида кузатилган илиқ иқлим ҳам билвосита далолат беради. Эҳтимол, илиқ иқлим минтақаси Тетис океанининг соҳиллари бўйлаб жойлашган. Органик дунёнинг пайдо бўлиши. Ерда ҳаёт тахминан 3500 млн. йил олдин пайдо бўлган. Дастлаб оксил моддаларнинг томчиларидан тузилган эобионтлар пайдо бўлган. Кейинги йирик қадам бўлиб ҳужайрасида ядроси бўлмаган, прокариот деб аталувчи бактериялар ва кўк-яшил сувўтларининг вужудга келиши бўлган. Ушбу сувўтларининг пайдо бўлиши билан фотосинтез жараёни – қуёш энергияси таъсирида сув ва карбонат ангидрит газидан органик моддаларнинг синтези бошланган. Фотосинтез натижасида

атмосферада эркин кислород тўплана бошлаган, Ердаги органик моддаларнинг умумий миқдори кескин ошиб борган. Бу жараёнларнинг ривожланиши Ерда ҳаётнинг эволюциясидаги муҳим давр ҳисобланади. Аста-секин ҳужайрасида ҳақиқий ядроси бўлган организмлар – эукариотлар вужудга келган. Анча кейин оддий эукариотларнинг ўсимлик ва ҳайвонларга ажралиши содир бўлган, кейинчалик турли вазифаларни бажарувчи ва тузилиши бўйича бир-биридан кескин фарқ қилувчи кўп ҳужайрали организмлар вужудга келган. Юқори босим ва ҳарорат тоғ жинсларидаги барча қадимий ҳаёт изларини ўчириб, бирламчи қўринишини кучли ўзгартириб юборган. Шунинг учун ҳам қадимги ҳайвонот ва наботот оламини ўрганиш катта қийинчиликлар туғдиради. Аммо кейинги вақтларда замонавий асбоблар ёрдамида Ердаги илк организмларнинг хусусиятлари бўйича баъзи нарсалар аниқланди. Сувўтлари ва бактерияларнинг тоғ жинсларидаги изотоп ёши 2,7-3,1 млрд. йил бўлган бундай қолдиқлари Шимолий Америка, Марказий Африка ва Австралиядаги кремнийли ва темирли сланецларда топилган. Бу топилмалар архей акронининг бошларида кимёвий эволюциянинг якунланганлиги ва биологик эволюциянинг бошланганлигидан далолат беради. Бунинг тасдиғи бўлиб Германия, Дания ва Швеция олимларининг Исландиядаги иссиқ олтингугуртли булоқларда илгари фанга номаълум бўлган иссиқбардош бактерияларни топганлиги саналади. Бундай организмлар қайноқ сувда ҳам бемолол яшашади, олтингугуртдан кундалик озуқа сифатида фойдаланади. Яна бир шов-шувли кашфиёт бўлиб Тинч океанининг Шарқий Тинч океани тизмасида (21° ш.к.) иссиқ булоқларнинг топилганлиги ҳисобланади. Булар «қора гейзерлар» ёки «қора чекувчилар» номини олган. Бундай булоқлар чиқадиган жойда босим 25 МПа, ҳарорат эса 350°С дан ортиқ. Шундай шароитларда ҳам иссиқбардош бактериялар топилган. Шу туфайли олимлар Ерда 4 млрд йил илгари яшаган реликт бактериялар топилганлигини эътироф этишади.

Архейда дастлабки пайдо бўлган организмлар турли озуқа шаклларига кўниккан. Баъзи организмлар фотосинтез жараёнларида сув, карбонат ангидрит ва анорганик тузлардан озуқа моддаларини ўзлаштиришган (автотрофлар); бошқалари ё автотрофлар ҳисобига (гетеротрофлар) яшаган ёки парчаланган органик қолдиқлар билан озиқланган (сапрофаглар). Органик дунё ҳайвонлар ва ўсимликлар салтанатларига бўлинган. Протерозойда, эҳтимол, дастлабки кўп ҳужайрали организмлар пайдо бўлган. Булар вазифаси аниқ ажралмаган тўқимали турлар бўлган. Уларга, хусусан, булутлар туркумининг вакиллари – ҳавза тубида ёпишиб ҳаёт кечирувчи сув организмлари киради. Булутларнинг шакли турлича бўлган: цилиндр, кубок, бокал, шарни эслатган. Бу ҳайвонларнинг юмшоқ танасида спикулалардан иборат органик ёки минерал скелети бўлган. Булутларнинг вакиллари ҳозиргача сайёрамизнинг денгиз ва океанларида яшайди, аммо дастлабки оддий булутлар азалда қирилиб кетган ва бизгача тошқотган ҳолда етиб келган. Булутлардан бирмунча кейин қоринбўшлиқлилар туркумининг вакиллари пайдо бўлади. Уларда тўқималар ва органлар алоҳида вазифаларни бажарган. Қоринбўшлиқлиларнинг вакиллари, булутлар сингари, денгиз ва океанларда ҳозиргача яшаб келмоқда, ҳатто чучук сувли ҳавзаларда ҳам кенг тарқалган. Уларнинг орасида бизга яхши таниш бўлган маржонлар, медузалар ва гидраларни кўрсатиш мумкин. А рхе й ва эрта протерозо й ўсимликларидан кўкяшил сувўтлари фаол ривожланади . Бу сувўтларининг юпқа концентрик қатламли шар симон , замбуруғсимон ва устунсимон шакллардаги оҳакли таналари (строматолит лар ) протерозой жинсларида кўп учрайди . Айнан шу кўкяшил сувўтларини Ердаги органи к ҳаётнинг дастлабки вакили деб ҳисоблашади . Фойдали қазилмалари. Темирли кварцитлардан иборат бўлган жеспилит қадимий жинсларда жуда кўп миқдорда учрайди, кечки протерозой ва фанерозой жинсларида деярли учрамайди. Кўп ҳолларда жеспилитлар юқори сифатли темир маъданларини ҳосил қилади. Темирнинг бундай

турдаги конлари Курск магнит аномалиясида (Россия), Кривой Рогда (Украина), Шимолий Америкада ва Африкада мавжуд. Бу маъданларда темирнинг миқдори 62 % га боради. Архей ва эрта протерозойда ҳосил бўлган темир маъданларининг заҳираси 3 000 млрд. тонна деб баҳоланади. Бразилия ва Африкада темир - марганец гуруҳидаги металлар маъдани, Канадада кобальт, мис ва никел сульфидлари, Финляндияда мисколчеданли маъданлар, Жанубий Африкада титан ва хром, Намибия ва Бразилиядаги Минас-Жерайс штатида ванадий конлари мавжуд. Улкан эрта протерозой олтин конлари Африка жанубидаги олтин-уран- пиритли конгломератларда ва кварц томирларида учрайди. Бундай конгломератлар бош протерозой уран маъданлари тўпланган объектлар саналади. Эрта протерозойнинг асосий мис маъданлари бўлиб Шарқий Сибирда (Удокан) тарқалган мисли қумтошлар ҳисобланади. Финляндиядаги мисколчеданли маъданлар ҳам саноат аҳамиятига молик. Гайан ва Ганадаги олмос ва олтин сочилмалари ҳам эрта протерозой ёшига эга.

Адабиётлар : 1. Jo`liev. A . X ., Chiniqulov . X . Umumiy geologiya ( Oliy o ` quv yurtlarining geologiya fakulteti talabalari uchun darslik ). Тошкент, «Университет», 2005. 2. Общая геология: учебник. Под редакцией профессора А. К. Соколов ского. Т 1 . М.: КДУ, 2006. 3. Общая геология. Под редакцией А.К.Соколовского. Том 2. Пособие к лабораторным занятиям, М .: , 2006. 4. Историческая геология: учебник для студ. высш. учеб. за веде ний /Н.В.Короновский, В.Е.Хаин, Н.А.Ясаманов. — 2-е изд., пе рераб. и доп. — М. : Издательский центр «Акаде мия», 2006. 5. Долимов Т.Н., Троицкий В.И. Эволюцион геология. Т., 2007. 6. Исломов О.И., Шораҳмедов Ш.Ш. Умумий геология. Т., 1971. 7. Шораҳмедов Ш.Ш. Умумий ва тарихий геология. Тошкент, 1985. 8. Шораҳмедов Ш.Ш., Қодиров М.Ҳ. Умумий ва тарихий геоло гиядан лаборатория машғулотлари учун қўлланма. Т., 1988. 9. Хаин В.Е. Геология. М., 1993. 10. Қодиров М.Ҳ., Шораҳмедов Ш.Ш. Геологиядан амалий машғулотлар. Т., 1994. 11. Жўлиев А.Х., Соатов А., Юсупов Р. Геология асослари. Т . 2001. 12. Chiniqulov Kh. Litologiya (darslik). Toshkent, «Yangi asr avlodi», 2008.

O'xshashlar

Ўрта ва кечки протерозой босқичи

Эрта палеозой босқичи

Кечки палеозой босқичи

Ернинг ёши ва геохронологик шкала

Метаморфик конлар