Qozog’iston Respublikasining geografik o`rni, tabiiy sharoiti va tabiiy resurslari - Geografiya - Referatlar

Qozog’iston Respublikasining geografik o`rni, tabiiy sharoiti va tabiiy resurslari

Yuklangan vaqt:

20.09.2019

Ko'chirishlar soni:

0

Hajmi:

61.5 KB

Ko'chirib olish

Qozog’iston Respublikasining geografik o`rni, tabiiy sharoiti va tabiiy resurslari Reja: 1.Geografik o`rni 2.Tabiiy sharoiti 3.Tabiiy resurslari

Geografik o’rni. Qozog`iston respublikasi 1991 yil 16 dekabrda mustaqil davlat sifatida butun dunyo davlatlari tomonidan tan olindi. Hozirgi kunda Qozog’iston Birlashgan millatlar tashkilotlarining teng huquqli a’zosidir. Respublika maydoni –2,7 mln km kv ga teng bo’lib uning hududiga Eron, Iroq, Turkiya kabi davlatlarni to’liq joylashtirish mumkin. Qozog’iston hududi Kasbiy dengizidan Oltoy tog’larigacha, Uraldan Tyanshangacha cho’zilib ketadi. Uning sharqiy va g’arbiy chekka nuqtalari orasidagi masofa qarib 3000 km ni, shimoliy va janubiy nuqtalari orasidagi masofa esa 1700 km ga yaqin. Respublikaning chekka qismlari xo’jalikning xarakteri jihatidan qo’shni nohiyalariga o’xshaydi. Shimoliy va sharqiy rayonlar G’arbiy Sibirni, Shimoli-G’arbi-Uralni, Janubi-O’rta Osiyoni eslatadi. Respublika maydonining kattaligi tabiiy resurslar zaxiralarining va shu jumladan qishloq xo’jalik ekin maydonining kattaligiga olib kelgan. Bu esa o’z navbatida respublika xalq xo’jaligini keng yo’nalishda rivojlantirish imkonini beradi. Shu bilan birgalikda respublika maydonining o’ta kattaligi, bu yerdagi tabiiy resurslarni o’zlashtirishda ma’lum darajadagi qiyinchiliklarga olib keladi. Bunday qiyinchiliklar respublikaning turli qismlarida shahar va qishloq aholisi turar joyini ko’rishda, ularni bir-biri bilan transport va boshqa aloqa vositalari bilan bog’lashda yaqqol seziladi. Bunday ishlarni amalga oshirish katta kapital mablag’ni talab qiladi. Qozog`iston Respublikasining hozirgi hududi,Respublika Konstitutsiyasida qayd etilganidek,hozirgi chegarada bir butun,mustaqil va dahlsizdir. Qozog`iston Respublikasi barcha markaziy Osiyo davlatlari kabi Yevrosiyo materigining qoq o`rtasida,Atlantika,Tinch va Hind okeanlaridan uzoqda joylashgan. Shu sababli ham Qozog`iston respublikasida keng rivoj topgan dasht, chala cho`l va cho`l zonalari o`zining quruq va kontinental iqlimga ega ekanligi bilan ajralib turadi.Iqlimning qo`riq va kontinentalligi respublika qishloq xo`jaligida yaylov chorvachiligi va donchilik asosiy yerlarni egallaydi.Respublikaning ko’pchilik joylarida suv yetishmasligi ko’pgina qayta ishlovchi sanoat tarmoqlarining,shu jumladan rangli va qora metallurgiya sanoat tarmoqlarini joylashtirishga salbiy ta’sir ko’rsatadi. Respublikaning iqtisodiy geografik o’rnini analiz qilish shuni ko’rsatadiki u O’rta Osiyo davlatlari bilan,ayniqsa O’zbekiston Respublikasi bilan katta masofada chegaradoshligi,ushbu Respublika bilan keng ko’lamda iqtisodiy aloqalar olib borish imkoniyatini beradi. Qozog’iston Respublikasi g’arb va shimol tomondan Rossiya bilan chegaradosh.Bu esa Respublikaning Rossiya davlati bilan ham keng ko’lamda iqtisodiy aloqalar olib borish imkoniyatini beradi. Qozog’iston Respublikasining iqtisodiy geografik o’rnini baholashda shu narsani qayd qilish lozimki,30-yillarga qadar uning iqtisodiy geografik o’rni ancha noqulay edi.Chunki,

Qozog’iston Respublikasi iqtisodiy jihatdan yaxshi rivojlangan Rossiya Federatsiyasining Markaziy, Ukrainaning Donbas-Dnepr bo’yi iqtisodiy rayonlaridan uzoqda joylshgan edi.O’sha vaqtda respublikada temir yo’l tarmoqlari yaxshi rivojlanmaganligi sababli iqtisodiy aloqalarni amalga oshirishda ancha qiyinchiliklarga duch kelinar edi. Hozirgi kunga kelib Respublikaning iqtisodiy-geografik o’rnining ahamiyati keskin ortdi.Qozog’iston g’arb va shimolda Rossiya Federatsiyasining iqtisodiy jihatdan kuchli rivojlangan G’arbiy Sibir,Volgabo’yi iqtisodiy rayonlari, janubda O’rta Osiyo Respublikalari bilan chegaradosh. Qozog’istonning O’rta Osiyo Respublikalari (O’zbekiston, Qirg’iziston, Turkmaniston va Tojikiston davlatlari) bilan qadimdan qo’shnichilik aloqalri 30-yillardan keyin Respublikada temir yo’l tarmoqlarini o’tkazishi hamda Respublika hududida qator boy temir rudasi konlarining ochilishi va ishga tushirilishi iqtisodiy aloqalarining yanada kuchayishiga olib keladi. Qozog’iston Respublikasi hozirgi kunda ham Rossiya Federatsiyasi va Orta Osiyo Respublikalari o’rtasida ham Xitoy va G’arbiy Yevropa davlatlari o’rtasida iqtisodiy aloqalarini olib borishda tranzit rolini o’ynaydi.Chunki O’rta Osiyo Respublikalarini va Xitoyni Rossiya Federatsiyasi va G’arbiy Yevropa davlatlari bilan bog’laydigan ko’pgina temir yo’l va avtomabil yo’llari Qozog’iston Respublikasi hududidan o’tadi.Bu esa Respublika iqtisodiyotida muhim ahamiyatga egadir. Barcha Markaziy Osiyo davlatlari kabi Qozog’iston ham ochiq dengizga tutash emas,bu esa uning iqtisodiy aloqalarining yanada rivojlanishiga salbiy ta’sir ko’rsatadi. Tabiiy sharoiti va resurslari Tabiiy sharoiti-issiqlik,iqlim re’lef, tabiiy resurslar-qazilma boyliklar, suv, o’simlik, yer resurslari va hayvonot olami resurslari har qanday davlatning iqtisodiy rivojlanishiga ta’sir ko’rsatadi. Har bir davlat hududida joylashgan tabiiy resurslar asosida ushbu davlatda sanoat, dehqonchilik, chorvachilik, baliq, o’rmon sanoati kabi tarmoqlar tarkib topadi. Shu bilan birgalikda har bir joy tabiiy sharoiti sanoatida ham qishloq, xo’jaligida ham to’g’ridan-to’g’ri foydalanilmaydi. Tabiiy resurslar esa ishlab chiqarishda to’g’ridan- to’g’ri foydalanilmaydi. Joyning tabiiy sharoiti u yoki bu ishlab chiqarishni rivojlantirish ucnun qulay yoki noqulay bo’lishi mumkin.Tabiiy resurslar ko’p yoki o`z foydalanish uchun qulay yoki noqulay bo’lishi mumkin. Qozog’iston Respublikasining tabiiy sharoiti va resurslarini uning iqtisodiy rivojiga ta’sir nuqtai nazaridan baholab shu narsani qayd etish lozim,u tabiiy resurslarga nihoyatda boydir. Respublika hududida juda ko’plab qazilma boyliklarini katta zahiralari joylashgan, dehqonchilik qilish uchun juda katta yer zahiralariga ega. Respublikada yaylov va pichanzorlarning juda katta maydonlar mavjud.Tabiiy zahiralar ko’pchilik hollarda bir-biriga

yaqin joylashgan,bu esa o’z navbatida bir joydan ko’p tarmoqli ishlab chiqarishni rivojlantirish imkoniyatini beradi.Shu bilan birgalikda Qozog’iston iqlimining quruq va keskin kontinentalligi,ko’pgina joylarda suvni yetishmasligi tabiiy resurslarni o’zlashtirishda ma’lum qiyinchiliklar tug’diradi. Qozog’iston Respublikasi yer yuzasining 90 foizi qismi tekislikdan iborat,faqatgina uning 10 foiz qism maydoni tog’larga to’g’ri keladi. Respublikada tekisliklar uning shimoliy va g’arbiy qismlarini egallab yotadi. Bu yerlarda yong’irgarchilikning asosiy qismi yilning issiq davriga to’g’ri keladi. Respublikaning markaziy, janubiy va janubiy-g’arbiy qismda joylashgan tekisliklarda yog’ingarchilikning juda kamligi tufayli asosan yaylov sifatida foydalaniladi. Tyanshan va Oltoy tog’laridan qor va muzliklardan respublikadagi daryolar o’z suvini oladi. Qor va muzliklardan boshlanuvchi daryolar respublikada sug’orma dehqonchilikni rivojlantirish va arzon elektr energiyasini olish imkonini beradi. Respublikaning asosiy boyligi bu rangli va qora metal rudalari hisoblanadi. Respublikada xrom, mis, qo’rg’oshin, rux, rangli metall rudalari, natiriy sulfat tuzi zaxiralari jihatidan dunyoda ko’zga ko’rinarli o’rini egallaydi. Toshko’mir, temir rudasi, marganes, molibden, asbesiy, neft, mineral tuzlar, fosforit, nekil zaxirasi jihatidan hamdo’stlikdagi mustaqil davlatlar orasida oldingi o’rinlardan birini egallaydi. Qozog’istondagi eng yirik mis konlari Jezqazgan, Qo’ng’irot, Boston yo’l hisoblanadi. Qozog’istondagi qo’rg’oshin, kumush va ruhning ancha qismi polimetall rudalaridir. Respublikadagi Oltoy tog’lari ayniqsa polmetall ruda qonlariga boydir. Bu yerda oltin konlari ham mavjud. Keyingi yillarda To’rg’ay viloyatining janubiy- sharqiy qismida yuqori sifatli allyuminiy xom ashyosi boksit konlari topildi. Qozog’iston temir rudalariga boyligi jihatidan Rossiya Federatsiyasi va Ukrainadan keyin uchinchi o’rinda turadi. Kustanay viloyatida temir rudasining eng katta konlari mavjud. Bu yerdagi Kachar, Sarboy, Sokolov, Ayat, Kurjunko'l, Lisakova konlarida temir rudasi tarkibidagi temir miqdori Uraldagi magnit tog'idagi temir rudasidan ancha ko'p. Ruda tarkibida miqdori 45-50%ni tashkil qiladi. Ruda tarkibida temirdan tashqari fosfor, vannadiy ham uchraydi. Kustanoy viloyatidagi temir ruda konlari yer yuzasiga yaqin joylashganligi sababli uni ochiq usulda qazib olish mumkin. Respublikaning Aktuba viloyatida yuqori sifatli xiromit, Mang'istovda Jesqozg'on yaqinida marganes rudasi konlari mavjud. Qozog'iston Respublikasi ko'mir konlariga boy hisoblanadi. Ko'mir respublikaning deyarli barcha iqtisodiy rayonlarida mavjud. Ularning asosiy qismi ochiq usulda qazib olinadi. Ko'mirning 90% dan ko'prog'i toshko'mir hisoblanadi.

Respublikadaning Qaraganda viloyati toshko'mirga boy. Bu yerda ko'mir kokslanuvchi bo'lsada uning kuli ko'p. Shu sababli ko'mirni ishlatishdan oldin boyitish kerak bo'ladi. Ekibastuz, Maykyuban, Ubagan Qo'shmurin kabi ko'mir havzalari respublikada katta iqtisodiy ahamiyatga ega. Chunki ularning asosiy qismi ochiq usulda qazib olinadi. G'arbiy Qozog'iston katta maydonda Ural-Emba neft havzasi joylashgan. Neft konlarining asosiy qismi Atraus, Mang'istaus, Ural, Aktuba viloyatlarida joylashgan. Eng yirik neft konlaridan Kengiya(Aktuba-viloyatida), Koschagul, Kulsara, Dossor, Rakushi, Prorva,Tengiz (Atraus viloyati) konlari hisoblanadi. Mangiztaus yarim orolining janubi(Jetiboy,Uzen va boshqalar) ayniqsa neftga boy hisoblanadi.Bu hududlar tabiiy gazda ham boy hisoblanadi. Qozog’iston Respublikasi hududi turli xil tuzlarga boy. Osh tuzi Orol dengizi, Kaspiybo’yi rayonlarida, Pavlodar rayonidagi sho’r ko’llarda keng tarqalgan. Balxashbo’yi, Orolbo’yi va boshqa nohiyalarida yirik sulfat ko’llar bor. Aktuba viloyatida katta zahiraga ega bo’lgan kaliy tuzlari topilgan. Fosforit konlari Janbil viloyati (Qoratosh) hududida mavjud. Qozog’iston tabiiy sharoiti qiyin bo'lishiga qaramasdan bu yerda dehqonchilik qilish imkoniyatlari mavjud. Respublika qismida boshoqli don ekinlarini ekish uchun qulay bo'lsa,janubda issiqsevar o'simliklardan paxta,qandlavlagi,sholi va tamakini yetishtirish mumkin.Shu bilan birgalikda,Respublika hududining asosiy qismida atmosfera yog'inlari yetishmasligi tufayli,shimoliy,shimoliy-g'arbiy va shimoliy-sharqiy rayonlarida bahorikor dehqonchilikni rivojlantirish mumkin.Respublikaning janubida esa dehqonchilik asosan sug'orish asosida amalga oshiriladi. Qosog'istonning tekislik qismidagi daryolar sug'orish uchun yaroqsiz hisoblanadi,chunki ular asosan bahorda qor suvlarining erishi hisobiga toshadi.Yozda esa sayozlashib qoladi.Tekislik daryolaridan faqatgina bahorda yaylovzorlarni liman usulida sug'orishda foydalanish mumkin.Respublikadagi Nura,Ishim,Tobol,Emba kabi daryolarida shahar va sanoat korxonalarini suv bilan ta'minlash maqsadida uncha katta bo'lmagan suv omborlari qurilgan. Qozog'istonning tekislik qismida shimoldan janubga tomon o'rmon dasht,chala cho'l va cho'llardan iborat tabiat zonalari almashinadi.Respublikaning sharq va janubi-sharqida joylashgan tog'lardan ham tog' etaklaridan tog' tepasiga tomon tabiat zonalari balandlik bo'ylab o'zgarib boradi.Har bir tabiat zonasi o'ziga xos iqlimga,tuproq va o'simlikka ega.Ularning har biridan qishloq xo'jaligidan ham o'ziga xos xususiyatiga ega.Barcha tabiat zonalar Respublikaning juda katta yer fondini tashkil qiladi.Respublika umumiy yer fondi 272

mln gektarni tashkil qiladi,shuning 222 mln gektari qishloq xo'jaligida foydalaniladigan yerlar hisoblanadi. Tabiatni muhofaza qilish sanoat va qishloq xo'jaligini jadal sur'atlar bilan rivojlanishi atrof muhitga ta'sir ko'rsatadi.Sanoat va qishloq xo'jaligida tabiiy resurslardan jadal sur'atlar bilan foydalanish ko'p hollarda tabiiy resurslar zahiralarini kamaytirishga,atrof muhitning ifloslanishiga olib keladi.Qozog'iston Respublikasi tabiatni ifloslovchi asosiy manbalar-yirik elektir stansiyalari,qora,rangli metallurgiya sanoati korxonalari hisoblanadi,Respublika atrof muhitni ifloslovchi manbaning 70 % i yuqorida nomlari tilga olingan sanoat korxonalariga to'g'ri keladi.Shu munosabat bilan Respublikada ekologik muhitni yaxshilash uchun maxsus qonun va qarorlar qabul qilingan,ekologik muhitni yaxshilash borasida qator tadbirlar choralar amalga oshirilmoqda.Jumladan,atrof muhitni ifloslantiruvchi sanoat korxonalarida atmosferani tozalab beradigan maxsus filtirlar o'rnatilmoqda.Ayrim korxonalarda iflos suvlarni tozalab beradigan maxsus tozalovchi asbob-uskunalar o'rnatilgan.Ko'pchilik korxonalarda chiqindi ishlab chiqarish joriy etilgan.Qazilma boyliklarni ochiq usulda qazib olish jarayonida buzilgan yerlarda tabiatni qayta tiklash(rekultivatsiya) ishlari amalga oshirilmoqda. Respublikada suv, o'rmon resurslaridan tejab-tergab foydalanish borasida katta ishlar amalga oshirilmoqda.Respublikada yo'qolib borayotgan o'simlik va hayvonot dunyosini saqlab qolish uchun ularni qizil kitobga kiritish ularni yanada ko'paytirish uchun qo'riqxonalar, maxsus joylar tashkil qilish ishlari amalga oshirilmoqda.

Adabiyotlar ro`yxati 1. I.A.Karimov. “O`zbekiston XX І asr bo`sag`asida, xavfsizlikka tahdid, barqarorlik shartlariva taraqqiyot kafolotlari” T., “O`zbekiston” 1997. 2. I.A.Karimov. “O`zbekiston buyuk kelajak sari”, T., “O`zbekiston” 1998. 3. I.A.Karimov. “O`zbekiston XXI asrga intilmoqda” T., “O`zbekiston” 1999. 4. G.R.Asanov., M.Nabixonov., I.Safarov. “O`zbekistonning iqtisodiy va ijtimoiy geografiyasi”. T., “O`qituvchi” 1994. 5. Z.M.Akramov., A.A.Rafiqov. “Прошлое, настоящее и будущее Аральского моря”. T., “Mehnat” 1990. 6. T.J.Jumaboyev. “Markaziy Osiyo mamlakatlari iqtisodiy va ijtimoiy geografiyasi”. (Ma’ruzalar matni). Samarqand – 2001. 7. G`.R.Pardayev. “Markaziy Osiyo mamlakatlari iqtisodiy va ijtimoiy geografiyasi”. (Amaliy mashg`ulotlar). Angren – 2003. 8. A.N.Ro`ziyev. “Markaziy Osiyo mamlakatlari iqtisodiy va ijtimoiy geografiyasi”. Termiz – 2000. 9. A.Soliyev., L.Qarshiboyeva. “Iqtisodiy geografiyaning nazariy va amaliy masalalari”. T., 1999. 10. A.S.Soliyev., E.A.Ahmedov., R.Y. Mahamadaliyev. “Mintaqaviy iqtisodiyot”. T., “Universitet”. 2003. 11. “O`zbekiston milliy ensiklopediyasi” T., 1998. 12. I.A.Hasanov., P.N.G`ulomov. “O`rta Osiyo tabiiy geografiyasi”. T., 2002. 13. Kalonov b . h . o ` rta osiyo iqtisodiy va ijtimoiy geografiyasi » fanidan ma ’ ruzalar matn 14. www. ziyonet.uz

O'xshashlar

Turkmaniston Respublikasining geografik o`rni, tabiiy sharoiti va tabiiy resurslari

Tojikiston Respublikasining geografik o`rni, tabiiy sharoiti va tabiiy resurslari

Qirg`iziston Respublikasining geografik o`rni, tabiiy sharoiti va tabiiy resurslari

Qozog’iston Respublikasining aholisi va mehnat resurslari

Okeaniyaning tabiiy sharoiti