Karta va globus bilan ishlash - Geografiya - Referatlar

Karta va globus bilan ishlash

Yuklangan vaqt:

20.09.2019

Ko'chirishlar soni:

0

Hajmi:

80 KB

Ko'chirib olish

K arta va globus bilan ishlash Reja 1. Geografik xaritalar va ularning turlari 2. O‘quvchilarni kartani tushunishga o‘rgatish va xaritalar bilan ishlash usullari 3. Darslik, atlasning maxsus xaritalari bilan ishlash va xaritalarni taqqoslash 4. Globuslar, ularning ahamiyati va geografiya ta’limida globuslardan foydalanish

Geografik xaritalarda turli tuman voqea va hodisalar tasvirlangani uchun ular juda xilma-xil bo‘ladi. Xaritalar geografiya fanining hamma sohalarining eng asosiy qismidir. Xartashunoslikda quyidagi tushunchalar uchraydi: Tarx reja – joyning yirik miqyosda (5000 va undan kattaroq) tuzilgan chizmasidir. Chizmada maydoni uncha katta bo‘lmagan kichik-kichik joylar tasvirlanadi Karta- Yer yuzasini kichraytirilib va umumlashtirilib shartli belgilar bilan tekislikka tushirilgan tavsiridir. Ular tabiiy va iqtisodiy-ijtimoiy voqea va hodisalar tasvirlanadi. Ular orqali joyning tuzilishi, relefi, o‘simlik qoplami, ko‘llari, qishloqlar, jihozlar va korxonalarning joylanishi aniqlanadi. Kosmosurat- Yerning va boshqa sayyoralarning kosmik sxemalari yordamida olingan tasviridir. Ular fanning va xo‘jalikning turli sohalarida keng qo‘llaniladi. Har bir tarx, xarita va kosmo va aerosurat ma’lum miqyosda tuziladi. Miqyos- bu xaritadagi chiziqning uzunligini Yer yuzasidagi shu chiziqqa mos keladigan xaqiqiy uzunlikka nisbatidir. U xaritadagi tasvir necha marta kichraytirilganini ko‘rsatadi. Masalan: xaritada daryoning uzunligi yoki xaqiqiy uzunligi 10 km yoki 1000000 sm. Demak, xaritaning miqyosi 1:1000000. miqyoslar soni, chiziqli va so‘zli bo‘ladi. Sonli miqyos kasrdan iborat, uning surati 1 ga teng, mahraji esa xaritada tasvir necha marta kichraytirilganini ko‘rsatadigan son bo‘ladi. Masalan, 1:1000 bu tasvirni ming marta kichraytirilganini ko‘rsatadi. Chiziqli miqyos-bu teng bo‘laklarga bo‘lingan to‘g‘ri chiziqdir. Har bir bo‘lak qancha masofaga tengligi uning ustiga yozib qo‘yiladi. So‘zli miqyos xaritadagi 1 sm masofa xaqiqatda qanchaga tengligini ko‘rsatadi. Masalan, 1 sm dan 10 kmgacha. Loyihalar (proyeksiyalar)- bu Yer yuzasining xaritada tasvirlash usulidir. Yer dumaloq bo‘lganligi tufayli uni tekislikda tasvirlanayotganda ma’lum bir hatoliklarga yo‘l qo‘yiladi. Bunday hatoliklarga asosan maydonni, uzunlik va burchaklarni tasvirlayotganda yo‘l qo‘yiladi. Shuning uchun turli xil (teng burchakli, teng maydonli, teng masofali va aralash loyihalar) qo‘llaniladi. Shartli belgilar- voqea va hodisalarni ma’lum bir belgilar yordamida xaritada tasvirlanishidir. Miqyosli shartli belgilar yordamida voqea va hodisalar haqiqiy o‘lchamlari bilan tasvirlanadi. Miqyossiz shartli belgilar bilan xaritalarning miqyosida ko‘rsatib, bo‘lmaydigan voqea va hodisalar tasvirlanadi (TETS, kon, shakllar, aholi yashaydigan joylar). Chiziqli shartli belgilar bilan daryolar, yo‘llar, chegaralar ko‘rsatiladi. Tushuntirish belgilari bilan daryo oqimining yo‘nalishi, o‘rmondagi daraxtlarning turlari ko‘rsatiladi. Bundan tashqari yozuvli, harfli, sonli shartli belgilar ham bo‘ladi. Geografiya xaritalari hududiy ko‘lamiga, mazmuniga, masshtabiga, nimaga xizmat qilishiga, katta-kichikligiga va boshqa belgilarga qarab bo‘linadi. Xaritalar ixtisosiga qarab umumiy geografik va maxsus xaritalarga bo‘linadi. Umumiy geografik xaritalar yirik masshtabli (topografik) xaritalarga, o‘rtacha masshtabli, mayda masshtabli xaritalarga bo‘linadi. Maxsus xaritalarga dunyo xaritalari: iqlim xaritasi, tabiat zonalari xaritasi, o‘simlik xaritasi, foydali

qazilmalar xaritasi: tuproq xaritasi, aholi zichligi xaritasi, aloqa yo‘llari xaritasi va boshqa xaritalar, sanoat qishloq xo‘jaligi va transport tarmoqlari xaritalari va boshqalar kiradi. O‘quv jarayonida xaritalarga va stolga qo‘yiladigan xaritalarga bo‘linadi. Devoriy xaritalar, asosan darsda materialni bayon etayotgan vaqtda ko‘rsatish uchun, takrorlash mashq qilish va o‘quvchilarning bilimlarini tekshirish vaqtida foydalaniladi. Devoriy xaritalar odatda ancha uzoqdan o‘qitiladi. Shuning uchun ham bunday xaritalar katta o‘lchamda nashr etiladi. Stolda foydalaniladigan xaritalar darslikka ilova qilingan xaritalar, atlas xaritalar, darslik matndagi xaritalar ba’zan esa ayrim xaritalardan iborat bo‘ladi. Stolda foydalaniladigan asosiy xaritalar bo‘lgan mustaqil darsliklarga ilova qilib berilgan xaritalar devoriy xaritalar kabi rangdor bo‘ladi. Stolga qo‘yiladigan barcha xaritalar, devoriy xaritalardan farq qilib, o‘quvchilarning sinfda va uyda individual ishlari uchun foydalaniladi. Bu xaritalar yaqindan qarab o‘qishga mo‘ljallangan va shunga ko‘ra o‘lchami kichik va devoriy xaritalarga qaraganda masshtabi ham mayda bo‘ladi. Darslik matnidagi xaritalar ilova qilib berilgan xaritalardan farq qilib, asosan bir rangdagi maxsus tabiiy va iqtisodiy xarita-sxemalardan iborat bo‘ladi. Ularning mazmuni darslikning tegishli matniga moslashadi. Geografiya o‘qitishda globus o‘ziga xos kartografik qurol hisoblanadi. Katta va kichik globuslar bor. Katta globuslar butun sinfga ko‘rsatish uchun, kichik globuslar esa har bir o‘quvchining xaritada mustaqil ishlayotganida foydalaniladi. Lekin bunday xaritalar qimmat bo‘lganligidan maktablarda hozircha ulardan kam foydalaniladi. Har bir geografik xarita kartografik turdan, quruqlik va suvlarning muayyan masshtabda chizilgan yozuvsizlaridan, shartli belgilardan, geografik nomlar va raqamlardan iboratdir. Shunga ko‘ra o‘quvchilarning geografik xarita haqidagi bilimi kamida quyidagi shartlarni o‘z ichiga olishi kerak: 1. Dasturda ko‘rsatilgan geografik nomlarni bilish va tegishli kartografik tasavvurlar bo‘lishi. 2. Xaritaning shartli belgilarini bilish va xaritaning tuzilishini tushunish kerak. Buning ma’nosi shuki, o‘quvchilar eng avval, dasturda ko‘rsatilgan geografik obektlarning nomlarini esda tutishlari, ularning geografik o‘rnini va xaritada bir-birlariga nisbatan joylashishini tasavvur eta olishlari, ularni xaritadan topa bilishlari va to‘g‘ri ko‘rsata olishlari kerak. O‘quvchilar, shuningdek, xaritaning eng muhim yozuvsiz xaritalarini tasavvur eta olishlari lozim. Xaritaning tuzilishi to‘g‘risida eng boshlang‘ich bilimga ega bo‘lmasdan turib, ya’ni xaritaning voqelikni aks ettirishini tushunmasdan, uning masshtabini, undagi yo‘nalishlarni, kartografik turning ahamiyatini tushunmasdan turib xaritani chinakam bilib bo‘lmaydi. Uslubiyotda xaritani o‘qiy olish deganda hududni va ayrim geografik obektlarni xarita asosida ta’riflab bera bilish tushuniladi. XIX asrning oxiridagi mashhur uslubiyotchi A.Brizgalov o‘quvchilarga xaritani o‘qiy olishni o‘rganishda o‘qituvchining vazifalari mana bunday obrazli qilib ifoda etgan edi: “...Qani endi o‘quvchi xaritaga, masalan, musiqachi o‘z

notalariga qanday munosabatda bo‘lsa, shunday munosabatda bo‘lsa, ya’ni u biron-bir mamlakatning xaritasiga ko‘z tashlar ekan, xaritada berilgan geografik ma’lumotlardan shu mamlakat aholisining hayoti to‘g‘risida har holda to‘g‘ri xulosalar chiqara oladigan bo‘lsa. Xaritani tashkil etadigan geografik belgilar shunday ma’lumotlarga aylanishi kerakki, o‘quvchi bu ma’lumotlar asosida, musiqachi nota belgilari va uning bir guruhini to‘plab, o‘z ongida muayyan tovushlar yig‘indisini hosil qilgani kabi o‘z xulosalarini chiqara olsin...”. O‘quvchilarni xaritani tushunishga o‘rgatish. Xarita yer yuzasining tekisligidagi umumiy juda kichraytirilgan tasviri bo‘lganligidan odatda bir vaqtning o‘zida ko‘rish mumkin bo‘lmaydigan juda katta hududni ko‘ra olishga imkon beradi. Xarita yer yuzasining boshqa tasvirlaridan farq qilib, xaritaga tushirilgan obektlar to‘g‘risida matematik jihatdan to‘g‘ri ma’lumotlar beradi. O‘quvchilar xaritaning tuzilishini va uning voqealikni aks ettirishini to‘g‘ri tushunishlari uchun xaritada joyning tasvir etilishiga o‘quvchibalarni asta-sekin o‘rgata borish kerak. Maktabda geografiya o‘qitish tajribasi shuni ko‘rsatadiki, o‘quvchilarni xarita tuzilishini tushunishga o‘rgatishning eng to‘g‘ri yo‘li-maktab atrofidagi joyda oriyentirovka qilishdan reja olishga, rejadan esa xaritaga o‘tishdir, bu izchillik bilan bo‘lishi kerak. Dastavval bolalar rejani tushunishga tayyorlangan bo‘lishlari kerak. Buning uchun ular quyidagilarni izchillik bilan o‘zlashtirishlari lozim: joyda oriyentirovka qilish, joyda masofalarni o‘lchash va ularni masshtab asosida chizma chizish, chiziq yo‘nalishlar chizish. O‘quvchilarning reja bilan bevosita tanishishlari uch bosqichdan o‘tish lozim: dastlab kichikroq maydonning (sinfning, maktabning) chizma chizish, so‘ngra kattaroq maydonning ko‘z bilan chamalab rejasini olish va shu asosda topografik reja bilan ishlash. Xarita boshqa ko‘rsatmali qurollar bilan shu bilan farq qiladiki, unda tabiiy va ijtimoiy hodisalar xaqiqiy ko‘rinishda emas, balki shartli belgilar asosida ko‘rsatiladi. Shu sababli xaritani to‘g‘ri tushunish uchun o‘quvchilarni obektlarning o‘zi bilan oldindan tanishtirish zarur. Xarita o‘qishga o‘rgatish va xaritalar bilan ishlash usullari. O‘quvchilar xarita o‘qish ko‘nikmasini asta-sekin butun geografiya kursi davomida geografik materialni o‘rganish bilan parallel ravishda egallaydilar. O‘qish jarayonida geografik bilimlar kengayadi va chuqurlashadi. Shu bilan birga xarita o‘qish ko‘nikmasi ham takomillasha borishi kerak. Maxsus tabiiy va iqtisodiy xaritalar umumiy geografik xaritalarga qaraganda o‘qish uchun murakkabroqdir. Shuning uchun bu sohada ham muayyan izchillik bo‘lishi zarur: dastlab o‘quvchilar umumiy geografik xaritalar bilan tanishishlari kerak, so‘ngra esa maxsus xaritalar bilan ishlashga o‘tishlari lozim. Xarita o‘qish maxsus tabiiy va iqtisodiy xaritalardan (odatda darslik matnidagi xaritalar yoki atlas xaritalaridan) tobora ko‘proq foydalanish yo‘li bilan ham murakkablashtiriladi. Bu xaritalardan 5-sinf kursidan boshlab foydalaniladi, lekin yuqori sinflarda ularning roli osha boradi va bu xaritalar darslarda yangi material bayon etiladigan suhbatda asosiy qo‘llanma hisoblanadi. Xarita o‘qiy olish ko‘nikmasi yetarli darajada taraqqiy etgandan keyin, suhbatni boshqacharoq o‘tkazish mumkin. O‘qituvchi har bir geografik obektni dengiz, tog‘ tizmasi, daryo va boshqalarni xaritaga qarab ta’riflash rejalarini

beradi, o‘quvchilar bu rejalarni bilishi zarur. Darsda javob berish uchun chaqirilgan o‘quvchilar bu reja bo‘yicha devoriy xaritalar asosida ulardan o‘qiy olgan hamma narsasini hikoya qilib beradilar, boshqa o‘quvchilar esa o‘rinlarida turib qo‘shimchalar kiritadilar. Xarita asosida qilingan suhbatdan keyingina, o‘qituvchi xaritada ko‘rsatilmagan ma’lumotlarni gapirib beradi. Sinfda ishlash bilan birga xarita asosida obektlarga mustaqil ravishda ta’rif berish yuzasidan uy vazifalari ham berish mumkin. Darslik va atlasning maxsus xaritalari bilan ishlash. Maktab darslarida va atlaslarida juda ko‘p turli-tuman maxsus xaritalar bor. O‘qituvchi suhbat uslubi bilan yangi material bayon etar ekan, bu xaritalardan bilim manbai sifatida foydalanib, bu xaritalar asosida o‘quvchilar qiladigan ishni tashkil etadi. Maxsus xaritalarning shartli belgilari juda xilma-xildir, o‘quvchilar bu belgilarning hammasini umumiy geografik xaritalardagi shartli belgilarni esda tutganlariday eslab qola olmaydilar, lekin ular maxsus xaritadagi bu belgilarni tushunishlari shart. Maktab geografiyasida obektlar belgilari bilan ko‘rsatilgan xaritalardan eng ko‘p foydaniladi, bunday xaritalarda ayrim obektlar turli ko‘rinishdagi va har xil kattalikdagi shakllar yordamida manzillar bo‘yicha tasvirlanadi. Masalan, foydali qazilmalar knlari xaritalari, mamlakatlarning va tumanlarning sanoat markazlari xaritalari ana shunday xaritalardir. Maxsus xaritalarning ikkinchi turi- kartogdiagrammalardir. Kartodiagrammalarda ham, obektlar belgilar bilan ko‘rsatiladigan xaritalardagi kabi hodisalarning shakllar katta-kichikligi miqyosli ko‘rsatilgan. Kartodiagrammaga O‘zbekiston iqtisodiy tumanlarida qoramollar soni va ekin maydonlari xaritalari, viloyatlari va respublikalari bo‘yicha sanoat joylashishining xaritalari va hokazolari misol bo‘la oladi. Xaritaning uchinchi turi- nuqtali xaritalardir, bunday xaritalarda muayyan joylardagi hodisalar bir xil miqdorga ega bo‘lgan nuqtalar yordamida tasvirlanadi. Nuqtali xaritalar bo‘yicha, asosan hodisalar eng ko‘p tarqalgan tumanlarni ajratib ko‘rsatadigan savollar qo‘yiladi, masalan: “Qaysi tumanlarda ekin eng ko‘p ekiladi?” “Asosiy dehqonchilik rayonlarini ko‘rsatib bering?” va h.k. Xaritaning to‘rtinchi turi- kartogrammalardan keng foydalaniladi. Bularda shtrixlar yoki turli buyoqlar bilan hodisaning zich yoki siyrakligi ko‘rsatiladi. Masalan, mamlakat aholisi zichligini ko‘rsatadigan xarita bo‘yicha quyidagi savollarni berish mumkin: “Aholi qayerlarda eng ziya yashaydi?”, “Aholi qayerlarda eng siyrak yashaydi?”, “Aholi zichligi qaysi tomonga qarab o‘zgaradi (orta yoki kamayadi)?”. Maxsus xaritalarning beshinchi turi ranglar bilan ko‘rsatiladigan xaritalardir. Bunday xaritalar tasvirlanadigan hudud doirasida miqdoriy farqlarni ko‘rsatadi. Shu maqsadda butun hudud bir necha qismlarga bo‘linadi, bu qismlarning har biri turli shtrixlar bilan chiziladi yoki turli bo‘yoqlar bilan bo‘yaladi, yoinki nomerlanadi. Bu xaritalar bo‘yicha savollar, asosan bo‘lib ko‘rsatilgan hudud qismlarining holatini va chegaralarini ko‘rsatishga qaratilgandir; masalan, o‘simliklari xaritasi bo‘yicha quyidagi savollar berilishi mumkin: “Tundra zonasi dunyoning qaysi qismida joylashgan?”, “O‘rmon-

dashtning chegaralari qayerlardan o‘tadi?” va h.k. Areal xaritalari ranglar bilan ko‘rsatiladigan xaritalarga o‘xshaydi. Bunday xaritalarda biron hodisa tarqalgan yozuvsiz shtrixlar yoki ranglar bilan ko‘rsatilgan. Xaritalarning yettinchi turli- izonliniyalar xaritalaridir. Bunday xaritalarda biron hodisaning miqdoriy qiymati bir xil bo‘lgan joylar chiziqlar bilan birlashtiriladi. Bunday xaritalarga masalan, izotermalar xaritalari misol bo‘la oladi. Masalan, izotermalar xaritasini tahlil qilayotganda mana bunday savollar berish mumkin: “8 gradus yanvar izotermasi qaysi joylardan o‘tadi?”, “Bu izoterma qaysi tomonga qarab boradi?”. Nihoyat maxsus xaritalarning sakkizinchi turi- harakat chiziqlari xaritalaridir. Masalan, tashiladigan yuklar xaritasi, shamollar yo‘nalishi xaritasi, oqimlar xaritasi, dengizda tashiladigan yuklar xaritasi bo‘yicha quyidagi savollar berilishi mumkin: “Dunyoda neft dengizlar orqali qayerlardan qayerlarga tashiladi?”, “Qora dengizning Kavkaz sohilidagi portlaridan Ukraina portlariga qanday yuklar tashiladi?” va boshqa yuklar hamda dengizlar bo‘yicha ham huddi shunday savollar berish mumkin. Xaritalarni taqqoslash. Xarita o‘qish turli xil xaritalarni bir-biriga taqqoslashni ham o‘z ichiga oladi. Bu o‘quvchilarga turli geografik hodisalar o‘rtasidagi o‘zaro aloqalarni ochib berishga va eng sodda geografik qonunlarni aniqlashga yordam beradi. Xaritalar suhbat jarayonida taqqoslanadi, bunda o‘quvchilar atlasdan shuningdek darslik matnidagi xaritalardan hamda darslikka ilova qilib berilgan xaritalardan foydalanadilar. O‘quvchi suhbat davomida o‘quvchilarga savollar beradi, ular bu savollarga javob berish bilan xaritalar asosida faktik ma’lumotlarni aniqlaydilar va ularni bir- birilariga taqqoslab, xulosalar chiqaradilar. Yanvar va iyul izotermalari xaritalarini va yog‘in-sochinlar xaritasi, shuningdek, Sharqiy Yevropaning tabiiy xaritasini taqqoslash asosida Sharqiy Yevropada asosiy iqlim xususiyatlarini ochib berish uchun o‘tkaziladigan suhbatni misol qilib keltiramiz. O‘qituvchi: Yanvar izotermalari xaritasiga qarang. San-Peterburg orqali yanvarning qanday izotermasi o‘tadi? (O‘quvchilar San-Peterburg orqali o‘tadigan yanvar izotermasini topadilar: -8 0 ). O‘qituvchi: San-Peterburg qaysi geografik kenglikda joylashgan? (O‘quvchilar San-Peterburgning geografik kengligini topadilar: 60 0 shimoliy kenglik). O‘qituvchi: Xaritaga qarang. Sharqiy Yevropa shaharlaridan yana qaysilari taxminan shu geografik kenglikda joylashgan?) O‘quvchilar xaritaga qarab, oltmishinchi parallel Vologda va Perm yaqinidan aniqlaydilar). O‘qituvchi: Xaritaga qarab, bu shaharlar yaqinidan yanvarning qanday izotermalari o‘tishini aniqlang. (O‘quvchilar Volga yaqinidan -12 0 yanvar izotermalari, Perm yaqinidan -16 0 yanvar izotermasi o‘tishini topadilar). O‘qituvchi: Bundan qanday xulosa chiqarish mumkin? (O‘quvchilar sharqqa tomon yurgan sari bir xil geografik kenglikning o‘zida yanvar harorati pasaya boradi deb javob qaytaradilar). O‘qituvchi: Iyul izotermalari xaritasiga qarang. Taxminan bir xil geografik kenglikdagi ana shu uch shahar qaysi iyul izotermalari o‘rtasida joylashgan?

(O‘quvchilar xaritaga qarab bu shaharlar 16 0 va 20 0 iyul izotermalari o‘rtasida ekanligini, ya’ni u yerda iyul harorati +18 0 ekanligini aniqlaydilar...). Xaritalarni taqqoslash yuzasidan beriladigan topshiriqlar o‘quvchilarga uyda bajarib kelish uchun ham topshirilishi mumkin. Xaritadan geografik nomlar va atamalarni o‘rganish. Xaritadan geografik nomlar va atamalar o‘rganilayotganda o‘qituvchining asosiy vazifasi dasturda ko‘rsatilgan geografik obektlar nomlari minimumini va ularning xaritada joylashishini o‘quvchilar xotirasida mustahkam qoldirish, shuningdek bu nomlarni to‘g‘ri talaffuz qilishga va yozishga o‘rgatishdir. Geografik nomlar va atamalarni mustahkam o‘zlashtirishning yana bir sharti xarita bilan o‘tkaziladigan ishning to‘g‘ri tashkil qilinishidir, bu ish xotiraning xilma-xil turlaridan: ko‘rish xotirasi, harakat xotirasi va so‘z ma’no xotirasidan foydalangan holda o‘tkazilishi kerak. Unutib qo‘ymaslik maqsadida geografik nomlar va atamalar muntazam ravishda takrorlanib turiladi, talaffuz etish va to‘g‘ri yozishda o‘quvchilar qiynaladigan geografik nomlarni takrorlab turish ayniqsa muhimdir. Xarita va geografik nomlar va atamalarni o‘zlashtirishda xarita bilan ishlaganda turli yasama didaktik materiallardan: rangli bayroqchalardan, shartli belgilardan, jadvallardan, rangli iplardan, strelkalardan va boshqalardan foydalanish anchagina foyda beradi. Xaritadan ko‘rsatayotganda muayyan qoidalarga rioya qilish zarur. Xaritaga nisbatan to‘g‘ri turish, odatda xaritani to‘smasdan yorug‘ kelayotgan tomonga qarab turish lozim. Xaritadan faqat ko‘rsatkich tayoqcha bilan ko‘rsatish kerak, bunda xaritaga juda ham yaqin kelmaslik va ko‘rsatilayotgan joylarni to‘sib qo‘ymaslik uchun tayoqchaning uchidan ushlash darkor. Sinf doskasiga kartachizmalar chizish. Xaritani o‘zlashtirishga yordam beradigan uslubiy uslublardan biri sinf doskasiga kartachizmalar chizishdir. O‘qituvchilar darsda materialni bayon etish vaqtida sinf doskasiga shu material mazmuniga to‘g‘ri keladigan kartochizma chizadi. Masalan, biron-bir mamlakatning sanoatini gapirib berayotganda o‘qituvchi shu mamlakat yozuvsiz xaritasiga sanoat markazlarini chizadi, bu markazlarning ixtisosini belgilar bilan ko‘rsatib qo‘yadi. Kartachizmaga esda qoldirilishi kerak bo‘lgan eng muhim ma’lumotlargina kiritiladi, bu bilan materialdagi eng muhim joylar alohida qayd qilinadi. Biroq maqsad faqat kartachizmalar chizish bo‘lmasligi kerak, kartachizmalar chizish xaqiqiy xarita o‘rnini bosmasdan, o‘qitish vositasigina bo‘lib xizmat qiladi. Kartachizmaning asosiy vazifasi, asosan obektlarning bir-biriga nisbatan joylashishini ko‘rsatib berishdir. Shuning uchun chizmada haddan tashqari aniqlik talab etilmaydi, gradus to‘ri ham kerak emas, yozuvsiz xaritalar esa juda sodda ko‘rsatilishi mumkin. Sinf doskasiga kartachizmalar chizish usullar chizmaning murakkabligiga qarab turlicha bo‘lishi mumkin. Eng sodda chizmalar materikning qiyofalarini, mamlakatlarning va tumanlarning chegaralarini aniq chizish talab qilinmaydigan chizmalardir.

Materiklarning har holda murakkab yozuvsiz xaritalari, mamlakatlar va tumanlarning chegaralari ko‘rsatiladigan kartachizmalarni chizish qiyinroq. Bunday holda qo‘lda yasaladigan karton yoki fanlar trafaretlardan foydalanish mumkin, bu trafaretlar tashib qo‘yilgan bo‘ladi. Ana shu teshiklar orqali doskaga bo‘r bilan yozuvsiz xarita chiziladi. Masalan, O‘qituvchi bir kartachizmada geografik muhitning turli elementlarini, relef, iqlim va o‘simliklarni ko‘rsatmoqchi deylik. Bu vaqtda o‘qituvchi tog‘ tizmalarini bir xil rang bilan izotermalarni ikkinchi xil rang bilan o‘simlik viloyatlarining chegaralarini esa uchinchi xil rang bilan ko‘rsatadi. Huddi shu yo‘l bilan birgina kartachizmaga mamlakatning yoki tumanning tabiiy geografik sharoitlarini va iqtisodiy xususiyatlarini singdirish mumkin. Yozuvsiz xaritalar bilan ishlar. O‘quvchilar yozuvsiz xaritalar bilan darsda yangi material bayon etilayotganda bilimlar mustahkamlanayotganda va tekshirilayotganda, amaliy mashg‘ulotlarda va uyda uy vazifasini bajarayotganlarida ishlaydilar. Kursda o‘rganiladigan obektlarning bir qismi (mamlakatlarning chegaralari, qirg‘oq chiziqlari, daryolar va ko‘llar eng yirik shaharlar). Yozuvsiz xaritada belgilab qo‘yilgan bir qismi esa unda ko‘rsatilmagan. Belgilangan obektlarga qarab o‘quvchilar kerakli yozuv yoki shartli belgini to‘g‘ri topishi, uni aylantirib qalam bilan chizib chiqishi lozim. Masalan, dunyo okeani qit’alaridagi daryolar o‘rganilayotganda o‘quvchilar ko‘rsatilgan daryolarni yozuvsiz xaritadan topadilar, ularni belgilab chiqadilar va nomlarini yozib qo‘yadilar. Yozuvsiz xaritalar ustida ishlashning ikkinchi turi- o‘quvchilarning yozuvsiz xaritalar asosida har xil kartachizmalar tuzishidir. Masalan, iqlimi o‘rganilayotganda yozuvsiz xaritalarga izotermalar, shamollarning yo‘nalishi va boshqalar, o‘simliklar va hayvonot dunyosi o‘rganilayotganda esa tabiat zonalarining chegaralari chizib qo‘yiladi. Yozuvsiz xarita bilan ishlash geografik obektlarning nomlarini va ularning xaritadagi geografik o‘rnini bolalar xotirasida mustahkamlash, shuningdek, geografik hodisalarni aniqlash uchun muhim vositadir. Yozuvsiz xarita bilan ishlash geografik nomlarni to‘g‘ri va to‘g‘ri talaffuz qilishga yordam beradi. Xaritadagi chegaralar qalam bilan: chegaralar qizil qalam bilan, dengiz va ko‘llar ko‘k qalam bilan chiziladi, shaharlarning punsonlari esa o‘ziga qolaveradi. Tog‘ tizmalari jigarrang yoki qora qalam bilan uzun-uzun chiziqlar shaklida, qirlar va yassi tog‘liklar esa berk yozuvsiz xaritalar shaklida chiziladi. Yozuvsiz xaritalarni bo‘yayotganda shartli belgilar va ranglar, odatda umumiy qabul qilingan shartli belgilarga va ranglarga o‘xshash bo‘lishi lozim. Globuslar, ularning ahamiyati va geografiya o‘qitishda globuslarda foydalanish. Globus-(lotincha-dumaloq) Yerning kichraytirilgan nusxasi, unda Yer yuzasi, materiklar va okeanlar, tog‘lar va tekisliklar shakli hatosiz, aniq va to‘g‘ri tasvirlanadi. Birinchi marta globus Beruniy tomonidan X – asrda, Bexaym tomonidan XY-asrda yasalgan. Yer sharining kichraytirilgan modeli bo‘lmish globus kartografik qo‘llanma sifatida xaritaga qaraganda bir qancha muhim afzalliklarga ega. Globusda ayrim punktlar o‘rtasidagi masofani chizishda xatoga yo‘l qo‘yilmaydi va maydonlarning

bir-biriga nisbatan to‘g‘ri ko‘rsatiladi. Uning miqyosi barcha yo‘nalishda doimiydir. Globusdagi barcha yozuvsiz xaritalar va shakllar Yer sharidagi xaqiqiy holatiga o‘xshaydi. Globus bu xususiyatlari tufayli o‘quvchilarda to‘g‘ri hududiy tasavvurlar hosil qilishda va ko‘pgina mashqlar o‘tkazishda nihoyatda qimmatli o‘quv quroli hisoblanadi. O‘quvchilarda qutblar, ekvator, meridianlar va parallellar to‘g‘risida geografik kenglik va uzunlik haqida to‘g‘ri tasavvur hosil qilish uchun bu tushunchalar bilan tanishtirishni globusdan boshlash va faqat shundan keyingina yarim sharlar xaritasi bilan ishlashga o‘tish kerak. Bunday holda globus ayniqsa qulaydir, bunday globusda bo‘r bilan gradus to‘rini chizib ko‘rsatish mumkin: “Yerning shakli va harakati”, “Yil fasllarining almashinishi”, mavzularini o‘tayotganda globus asosiy ko‘rsatmali o‘quv quroli hisoblanadi. Globusdan eng qisqa masofani o‘lchash uchun berilgan ikki manzil orasiga globus yuzasiga ip yoki millimetrlarga bo‘lingan qog‘oz qo‘yib, so‘ngra uni o‘lchash va globusning sonli miqyosi maxrajiga ko‘paytirish kerak bo‘ladi. Materiklar va okeanlarni, katta dengizlar va orollarni, katta mamlakatlarni, katta – katta hududlarni o‘rganayotganda ham ularni dastlab globusdan, so‘ngra xaritadan ko‘rsatish foydalidir. Yuqoridagi sabablarga ko‘ra katta maydonlarga doir masalalar o‘rganilayotganda ham globusdan ko‘rsatish zarur.

O'xshashlar

Masshtablar. Plan va karta. Yerni shakli kattaligi

Geografiya fanini o'qitish metodlari va ularning klassifikatsiyasi

Geografiya darslarida mustaqil ishlarni tashkil etish

O`zbek geografik terminshunosligining XX asrda rivojlanishi

Og'zaki bayon qilish metodlari (geografiya)