Kanada

Yuklangan vaqt:

20.09.2019

Ko'chirishlar soni:

0

Hajmi:

66.5 KB

Ko'chirib olish

Kanada REJA : 1) Iqtisodiy va siyosiy geografik o'rni. 2) Tabiiy sharoiti va resurslari. 3) Aholisi. 4) Davlat tuzumi. 5) Xo'jaligi. A) Sanoati. B) Kishloq xo'jaligi. V) Transporti. 6) Tashqi iqtisodiy aloqalari. Maydoni- 9,97 mln. km 2 Aholisi- 31 mln. kishi (2003) Poytaxti - Ottava

1. Iqtisodiy va siyosiy geografik o'rni. Kanada Shimoliy Amerika materigining shimoliy qismida joylashgan bo'lib, uning qirg'oqlarini uch okean Shimoliy Muz, Atlantika va Tinch okean suvlari yuvib turadi. Kanada maydoniga ko'ra Rossiyadan so'ng ikkinchi o'rinda turadi. Mamlakat janubdan va shimol-g'arbdan AQSH bilan Rossiya va Daniya bilan dengiz suvlari orqali chegaradosh. Kanadaning AQSH bilan bevosita qo'shnichiligi, uning iqtisodiy va ijtimoiy rivojlanishida muhim va hal qiluvchi rol o'ynaydi. 2. Tabiiy sharoiti va resurslari . Kanada tabiiy sharoitiga ko'ra, shimoliy hududlarning kattaligiga ko'ra Rossiya Federasiyasi bilan o'xshashlik tomonlarga ega. Bu yerda iqlimning noqulayligi sababli inson tomonidan kam o'zlashtirilgan va umuman o'zlashtirilmagan ko'pgina hududlar ham bor. Mamlakat shimoldan janubga 5 ming km ga cho'zilgan bo'lib, unda akrtika cho'llaridan dashtlargacha bo'lgan ko'plab tabiat zonalari joylashgan. Kanada relyefi xilma-xil bo'lib, mamlakatning o'rta qismini tekisliklar egallasa, g'arbiy qismida baland Kordilyera tizmalari joylashgan. (Eng baland nuqtasi Logan tog'i balandligi 6045 m). Mamlakatning janubi-sharqiy qismida o'rtacha balandlikdagi, Appalachi tog' tizma-tarmoqlari joylashgan. Kanada hududining deyarli yarmini qadimgi Kanada qalqoni egallaydi va materik qismi hisoblangan- Lavrentiy yassi tog'ligi iqlimi noqulay bo'lgani uchun bu yerlar kam o'zlashtirilgan. Kanada barcha foydali qazilma turlariga boy. Mamlakat temir rudalari, rangli va qimmatbaho metallar, uran,neft va tabiiy gaz, kaliy tuzi va ko'mirning katta zahiralariga ega. Kanadaning Kordilyera tog'larida rangli va nodir metallar, bundan tashqari ko'mir va suv resurslarining katta zahiralari joylashgan. Mamlakatning Lavrentiy yassi tog'ligida turli metall rudalari, suv resurslari ichki tekisliklarda esa ko'mir,neft, tabiiy gaz va kaliy tuzlarining katta zahiralari topilgan. Appalachi rayonda esa rangli va nodir metallar, xromit, asbest, ko'mir va suvresurslarining zaxiralari joylashgan. Mamlakatning Kanada Arktika arxipelagida ham ko'pgina

foydali qazilma (neft,tabiiy gaz,temir rudasi,polimetall rudalari, mis nikel,) turlari topiladi. Biroq tabiati qattiq bo'lgan shimoliy rayonida ushbu foydali qazilma turlarini o'zlashtirilishda katta qiyinchiliklarni keltirib chiqaradi. Kanada hududining deyarli yarmini o'rmonlar tashkil etadi. YOg'och zaxiralarining ko'pligiga ko'ra Kanada faqat Rossiya va Braziliyadan keyinda turadi. Mamlakatda ko'p sonli daryo ko'llar bo'lib, bu Buyuk Kanada ko'llar-Katta Ayiq, Katta Qullar, Atabaska, Vinnipeg bundan tashqari Makkenzi, Atabaska, Soskachevan kabi ko'plab daryolarni misol keltirishimiz mumkin. Kanada qirg'oq bo'yi suvlari baliqlarga boy. 3. Aholisi. Kanada «ko'chirilgan kapitalizm» mamlakati hisoblanadi. Kanadaning hozirgi aholisi ommaviy immigrasiya ta'sirida shakllangan. Bular Yevropadan va dunyoning boshqa regionlaridan ko'chib kelganlar avlodi bo'lib, Kanada ko'p millatli mamlakatdir. Hozirgi vaqtda mamlakatda 2-ta millat va 80 ga yaqin xalqlar yashaydi. Kanadada jami aholining 40 foizini kanadalik inglizlar,28 foizini kanadalik fransuzlar, 27 foizini esa boshqa millat vakillari tashkil etadi. Hozirgi vaqtda Kanada tub joy aholisi hindular 780 ming kishi,eskimoslar esa 49 ming kishini tashkil etadi. Mamlakatda hindular 58 tilda so'zlashsada,biroq ularning ko'pchiligi rasmiy davlat tili hisoblangan ingliz tilida so'zlashadi. Kanada aholisining joylashuviga uning tarixiy mustamlakachilik davri ta'sir ko'rsatgan. Mamlakatda fransuzlar asosan Kvebek va Nyu-Bransuik provinsiyalarda yashaydi, qolgan rayonda Kanadalik inglizlar yashaydi. Kanadada ingliz va fransuz millatlaridan tashqari nemislar, italyanlar, skandinaviyaliklar, polyaklar, ukrainlar va ruslar ham yashaydi. Mamlakatda yashovchi slavyan diniga e'tiqod qiluvchilar tub joy aholi metislar ko'proq yashaydigan Dasht provinsiyalarida yashaydi. Kanadada hindular janubdagi rezervasiya hududlarida, eskimoslar esa mamlakatning Shimoli-G'arbiy hududlarida yashaydi. Hozirgi

$vaqtda mamlakatda yashovchi tub joy xalqlari va Kanadalik fransuzlar bilan bog'liq milliy masalalarni hal etish muhim muammoligicha qolmoqda. Kanada aholisining 90 foizidan ortig'i AQSH chegarasi bo'ylab janubda to'plangan. Mamlakat hududining 2\3 qismini egallagan shimoliy qismida 20-25 km 2 yerga bir kishi to'g'ri keladi. Kanada- yuqori urbanizasiyalashgan mamlakat, aholining 77 foizi shaharlarda yashaydi. Toronta, Monreal, Vankuver kabi shaharlar mamlakatning millioner shaharlari hisoblanadi. 4. Davlat tuzumi. Dastlabki yevropaliklar (Jon Kabot ekspedisiyasi) Kanadaga 1497 yilda yetib kelgan edilar. Kanadaga ko'chib kelib,bo'sh yerlarni egallash XVIII asrdan boshlangan, shu davrda tub joy aholi ko'plab qirildi. 1605 yilda inglizlar Kanada hududida o'zlarining dastlabki manzilgohlarini barpo etdilar. 1756-63 yillardagi yetti yillik urush natijasida Kanada Buyuk Britaniya qo'liga o'tdi. 1791 yilda konstitusion akt qabul qilingach, Buyuk Britaniyaning Shimoliy Amerikadagi mustamlaka yer mulklari chegaralari uzil-kesil ramiylashtirildi va belgilab qo'yildi. 1867 yilda Angliya parlamenti qabul qilgan AKTga muvofiq Kanadaga dominion statusi berildi. Markazlashtirilgan davlatni barpo etish XIX asrning oxiri, XX asrning boshlarida nihoyasiga yetkazilib, Monitoba, Britaniya Kolumbiyasi, Shahzoda Eduard Alberi oroli viloyatlari tuzildi. 1931 yilda Angliya hukumati Kanadaning ichki va tashqi siyosatdagi mustaqilligini tan oldi. Kanada keng huquqlarga ega bo'lgan 10 ta viloyatdan va federal hukumat boshqaruvidagi ikki hududdan iborat federal davlat. Rasman Buyuk Britaniya qirolichasi va uning vakili bo'lgan general- gubernator davlat boshlig'i hisoblanadi, general-gubernatorni qirolicha Kanada bosh ministrining tavsiyasiga binoan tayinlaydi. Qonun chiqaruvchi hokimiyatni 5 yil muddatga saylab qo'yiladigan jamoalar palatasidan (282 deputat) va regional$

asosda tayinlanadigan senatdan (104 deputat) iborat parlament amalga oshiradi. Ijroi hokimiyat bosh ministr boshchiligidagi hukumatga tegishli. 5. Xo'jaligi. Hozirgi Kanada AQSH, Yaponiya, Germaniya, Buyuk Britaniya, Fransiya, Italiya davlatlari bilan birga «katta yettilik» mamlakatlar guruxiga kirib, xorijiy dunyoning industrial yetakchi mamlakatlaridan biridir. Mamlakatda qisqa tarixiy vaqt davomida bozor munosabatlariga asoslangan iqtisodiyot barpo etildi. Kanada xorijiy dunyoda nikel, rux, asbest,kaliy tuzlari va gazeta qog'ozlari ishlab chiqarish bo'yicha yetakchi mamlakatdir. Bundan tashqari mamlakat oltin, kumush, uran, molibden, titan, gips, oltingugurt, kobalt, temir rudasi, mis qazib chiqarishda yetakchi o'rinlarni egallaydi. Kanada qazib oluvchi sanoat mahsulotlari xom-ashyo va yarim fabrikatlarning jami 80 foizini jahon bozoriga chiqaradi. Mamlakat eksportining 70 foizi AKShga to'g'ri keladi. A) Sanoati. Energetika- mamlakat yoqilg'i energetika balansida birlamchi energiya manbalari xissasiga neft 35 foiz, tabiiy gaz-37 foiz, ko'mir-13 foiz, gidro-energiya resurslariga 9 foiz, atom energiyasiga 2,4 foiz to'g'ri keladi. Mamlakatning neft va tabiiy gaz qazib oluvchi asosiy rayonlari Britaniya Kolumbiyasi Albert va Soskachevan provinsiyalarida joylashgan. Bu yerda g'arbdan sharqga qarab transkanada quvirlari o'tkazilgan. Mamlakatda qazib olinayotgan neft va gaz asosan AQShga eksport qilinadi. Biroq Kanadaning sharqiy provinsiyalari neftni chetdan import qiladi. Kanada rivojlangan neftni qayta ishlash sanoatiga ega. Mamlakatning yirik neftni qayta ishlash zavodlari Monreal, Sarnii, Vankuver, Edmonton shaharlarida joylashgan. Kanadada toshko'mir asosan g'arbiy provinsiyalardan qazib olinadi. Mamlakatda yiliga 75 mln tonnaga yaqin toshko'mir qazib olinadi. Kanadada qazib olinayotgan jami ko'mirlarning yarmi (37 mln tonna) Albert provinsiyasida Britaniya Kolumbiyasi provinsiyasida 24 mln tonna qazib olinmoqda. Bu yerdan

$tinch okean portlari orqali ko'mir Yaponiyaga eksport qilinadi. Mamlakatning sharqida ko'mir Yangi Shotlandiya provinsiyasida qazib olinioqda. Kanada elektroenergiya ishlab chiqarish bo'yicha dunyoda yetakchi mamlakatlar guruxiga kiradi. Mamlakatda yiliga 535 mlrd kvt\soat elektr energiya ishlab chiqariladi. Ishlab chiqarilayotgan elektroenergiyaning katta qismi ya'ni 60 foizi Gidroelektro stansiyalar (GES) ga to'g'ri keladi. Tog'-kon sanoati- mamlakat iqtisodiyotida muhim ahamiyatga ega bo'lib, qayta ishlash sanoatini xom-ashyo bilan ta'minlaydi. Shu bilan birgalikda tog'-kon sanoati mamlakat eksport qiymatida 30 foiz ulushni tashkil etadi. Kanadada yiliga 35 mln tonna temir rudasi, 88 mln tonna kaliy tuzlari, 150 tonna oltin, 1203 tonna kumush, 10,4 tonna uran (Soskachevan provinsiyasining shimolida joylashgan Ki-Leyk koni-dunyodagi uran qazib chiqariladigan yirik kon) qazib chiqariladi. Kanada nikel, rux, asbest, kaliy tuzi qazib chiqarish bo'yicha g'arb mamlakatlari orasida birinchi o'rinda turadi. Mamlakat qo'rg'oshin, mis, kumush, oltin, temir rudasi, tabiiy gaz qazib chiqarish bo'yicha dunyoda oldingi o'rinlardan birini egallaydi. Ko'pgina qazilma konlar mamlakatning janubida joylashgan. Ontario provinsiyasida Saberi mis, nikel koni, Elliot-Leyk, Blaind- riven, uran koni, kvebek provinsiyasida noronda mis koni, Shefferfild temir ruda koni, Soskacheban provinsiyasida estereyezi kaliy tuz koni, Ki-Leyk uran koni, Manitoba provinsiyasida Tompson nikel konlari joylashgan. Mamlakatning Kanada-Arktika arxipelagida polimetall hamda neft va tabiiy gaz konlari Shimoli g'arbiy hududlarda esa polimetall konlari joylashgan. Qora metallurgiya- sanoati mahalliy kapital negizida shakllangan. Yiliga 13- 15 mln tonna po'lat ishlab chiqariladi. Mamlakatning yirik metallurgik markazlari Atlantika qirg'oqbo'yi va Ko'l bo'yida joylashgan. Yirik metallurgik markazlarga Gamilton, Su- Sent- Mari, Uellend, Sidni kabi markazlarni misol keltirish mumkin. Rangli metallurgiya- mazkur sanoat tarmog'ining rivojlanishida AQSH va Buyuk Britaniya sarmoyasi mavqei kuchli. So'nggi yillarda mamlakatda rangli metallar ishlab chiqarishda (mis,qo'rg'oshin,nikel, rux) katta yutuqlarga erishildi. Kanada alyuminiy ishlab chiqarish bo'yicha dunyoda AKShdan keyin ikkinchi, uni$

eksport qilish bo'yicha esa birinchi o'rinda turadi. Mamlakat alyuminiy sanoati mahalliy gidroenergetika resurslari va import asosida tashib keltiriladigan xom- ashyo negizida shakllangan. Kanadada rangli metallar ishlab chiqarish bo'yicha bir qancha yirik korxona va markazlar shakllangan. Mashinasozlik sanoatiga- jami sanoat mahsulot qiymatining va qayta ishlash sanoatida band sanoat ishchi xodimlarining 30 foizi to'g'ri keladi. Mamlakatda tez sur'atlar bilan o'sib borayotgan mashinasozlik tarmoqlari ichida transport (avtomobilsozlik, kemasozlik, temir yo'llarining harakatlanuvchi sostavlari) va qishloq xo'jalik mashinasozligi alohida ajralib turadi. Mamlakatda energetika hamda tog'-kon va o'rmon sanoati uchun asbob uskunalar ishlab chiqarish rivojlantirilgan, bo'lib Toronta, Monreal, Gamilton, Ottava, Galifaks, Vankuver kabi mashinasozlikning muhim markazlari shakillangan. Kimyo sanoati- ushbu sanoat tarmog'i asosiy ximiya, mineral o'g'itlar, polimerlar, platmassalar, sintetik mahsulotlar ishlab chiqaradi. Kanada mineral o'g'itlar ishlab chiqarish bo'yicha dunyoda 4-chi o'rinda turadi. Mamlakatda Sarniya, Monreal, Toronta, Niagara-Fols, Kitchener kabi kimyo sanoatining muhim markazlari ishlab turibdi. O'rmon sellyuloza-qog'oz sanoati - mamlakatning boy o'rmon resurslariga tayanib, so'nggi yillarda tez sur'atlarda rivojlanib bormoqda. Mazkur tarmoqda asosiy ishlab chiqarish mamlakatning sharqiy qismida va yirik gidroelektr stansiyalar joylashgan rayonlarda to'plangan. So'nggi yillarda sellyuloza-qog'oz ishlab chiqaruvchi korxonalar mamlakatning g'arbida Britaniya Kolumbiyasi provinsiyasida, Manitoba provinsiyasining shimolida, Albert, Soskachevan provinsiyalarida ham qurib ishga tushirildi. Kanada yog'och va qog'oz mahsulotlarini eksport qiluvchi mamlakatlardir. B) Kishloq xo'jaligi. Kanadada qishloq xo'jaligida foydalaniladigan yerlarning umumiy maydoni 79 mln gektarni tashkil etadi. Mamlakatning shimolidagi bepoyon hududlarida tovar qishloq xo'jaligini rivojlantirish uchun iqlim sharoitlaridan foydalanish noqulay. Kanada shimoliy hududlarida yashovchi tub aholining asosiy xo'jaligi,

o'tmishda bo'lgani singari dengiz ovchiligi, baliqchilik, tundraning kontinental qismida esa bug'u va mo'ynali hayvonlar ovchiligi kabi an'anaviy tarmoqlar tashkil etadi. Kanadada qishloq xo'jaligida foydalaniladigan yerlar tarkibida haydaladigan yerlar katta qismini ya'ni 60 foizni egallaydi. Shudgor qilinadigan yerlarning katta qismi 75 foizi janubdagi Dasht provinsiyasida joylashgan. Mamlakatning bosh qishloq xo'jaligi rayoni Dasht provinsiyasi (Soskachevan, Albert, Manitoba provinsiyalari) va (Ontario, Kvebek) provinsiyalari hisoblanadi. So'nggi yillarda Uzoq G'arbning qishloq xo'jaligi mahsulotlarini ishlab chiqarishdagi hissasi oshmoqda. Dasht provinsiyalari don yetishtirishdagi yaylov go'sht qoramolchiligi va qo'ychilikning go'sht-jun mahsulotlari yetishtirishga ixtisoslashgan. Mamlakatda Saskachevan provinsiyasi asosiy bug'doy yetishtiruvchi provinsiyasi hisoblanadi. (Ushbu provinsiya gerbida-uchta bug'doy boshog'i tasvirlangan). Kanada dunyoda donli ekinlar yalpi hosili bo'yicha beshinchi o'rinda turadi. Bug'doy yetishtirish,ayniqsa uni eksport qilish bo'yicha esa yetakchi mamlakatlar guruxiga kiradi. (Kanada bug'doy eksporti qilish bo'yicha dunyoda ikkinchi o'rinda turadi). Ko'lbo'yi rayonida chorvachilikning sut va go'sht yetishtirish yo'nalishi, cho'chqachilik, parrandachilik va dehqonchilikning sabzavotchilik, Niagara rayonida esa mevachilik tarqalgan. Mamlakatdagi eng kichik va aholisi zich, qishloq xo'jaligiga ixtisoslashgan Shaxzoda Eduard oroli provinsiyasi o'zining dunyoda eng yirik kartoshkalari bilan mashhur, bu yerda yetishtirilgan sifatli kartoshka urug'lari dunyoning ko'plab mamlakatlariga eksport qilinadi. Kanadaning Yangi Shotlandiya va Britaniya Kolumbiyasida mevachilik rivojlangan. Ayniqsa olma yetishtirish Yangi Shotlandiya provinsiyasida rivojlangan. Shuningdek bu, yerda Kanada uchun xos uzum yetishtirish va vino ishlab chiqarish, olma, nok, olcha, shaftoli, o'rik yetishtirish yo'lga qo'yilgan. Mamlakatda baliqchilik rivojlangan. V) Transport tarmoqlari .

Kanadada transport tarmoqlarining barcha turlari rivojlangan. Biroq transport tarmoqlari mamlakat hududi bo'ylab notekis joylashgan. Mamlakat hududining katta qismida (shimoliy rayonlarda) amalda transport yo'llari qurilmagan. Kanada temir yo'llarning uzunligi bo'yicha dunyoda AKSH va Rossiyadan keyinda turadi. (Temir yo'llarining umumiy uzunligi 70 ming kmdan ortiq). Mamlakat avtomobil yo'llarining umumiy uzunligi bo'yicha faqat AKShdan keyin turadi. Kanadada quvur transport turi ham rivojlangan. Kuvurtransporti asosan neft va gaz konlari bilan iste'molchi rayonlar oralig'ida qurilgan. Bubk Amerika ko'llari va SvLavrentiya daryosi bo'ylab dengiz-ko'l transporti katta xo'jalik ahamiyatiga ega. Mamlakatning Tinch okean qirg'og'i bo'yida Vankuver (yuk aylanmasi yiliga 50 mln tonnadan ortiq) va Atlantika sohili bo'yida esa Monreal, Kvebek, Galifaks kabi yirik portlar ishlab turibdi. Kanada havo yo'llarining uzunligi bo'yicha dunyoda 2-chi o'rinda turadi. Mamlakatda yirik Monreal xalqaro aeraporti ishlab turibdi. 6. Tashqi iqtisodiy aloqalari. Kanadaning yirik tashqi savdo sherigi Amerika Ko'shma Shtatlari hisoblanadi Bundan tashqari mamlakat jahonning Buyuk Britaniya, Yaponiya, Germaniya, Fransiya, Shveysariya va Rossiya kabi mamlakatlar bilan tashqi iqtisodiy aloqalarni olib boradi. Tayanch so'zlar: 1. Iqtisodiy-siyosiy geografik o'rnining qulayligi. 2. Tabiiy sharoitning qulayligi, mineral resurslarning xilma-xilligi. 3. Aholi tarkibining murakkabligi. 4. Sanoat, qishloq xo'jaligi va transportning intensiv rivojlanganl igi.

Foydalanilgan adabiyotlar. 1 . I.A.Karimov, «O'zbekiston iqtisodiy islohotlarni chuqurlashtirish yo'lida» Toshkent «O'zbekiston» 1995 yil. 2. I.A.Karimov «O'zbekiston XXI-asr bo'sag'asida», «Xafvsizlikka taxdid, barqarorlik shartlari va taraqqiyot kafolotlari». Toshkent. «O'zbekiston» 1997 yil. 3. Lipes Yu.G. Geografiya mirovogo xozyaystva. Moskva «Vlados», 1999 g. 4. Sosialno-ekonomicheskaya geografiyu zarubejnogo mira. Pod red. V.V.Volskogo. Moskva Kron-press, 1998 g. 5. Mironenko N.S. Vvedeniye v geografiyu mirovogo xozyaystva. Moskva 1995 g. 6. Baburin V.A, Mazurov YU.L. Geograficheskiye osnovi upravleniya. Moskva 2000 g. 7. Soliyev A, Maxammadaliyev R, Iqtisodiy va ijtimoiy geografiya asoslari. T, O'zMU. 2005 yil. 8. Naseleniya mira. Demograficheskiy spravochnik. M: Misl, 1989 g. 9. Ergashev A. va boshq. Jaxon mamlakatlari. Toshkent 2006 yil.

O'xshashlar

Ingliz tili davlat tili hisoblangan mamlakatlar. Kanada

Janubi-g`arbiy Osiyo davlatlari

Jahon energetika sanoati

Jahonda aniqlanilgan gaz zaxirasini taqsimlanishi

Jahon qora va rangdor metallurgiya sanoati