logo
  1. Bosh sahifa
  2. Referatlar
  3. Fizika
  4. Оқсиллар

Оқсиллар

Yuklangan vaqt:

20.09.2019

Ko'chirishlar soni:

0

Hajmi:

80.5 KB
Ko'chirib olish
Оқсиллар Режа : 1. Оқсилларни синфланиши, оддий ва мураккаб оқсиллар. 2. Оқсилларни ажратиб олиш ва тозалаш. 3. Оқсилларнинг физик-кимёвий хоссалари. Оқсиллар, ёки протеинлар тирик табиатнинг асоси сифатида кўпдан бери табиий фанларнинг, шу жумладан кимё фанининг диққат марказидадир. Оқсиллар деб гидролизланганда аминокислоталарга парчаланадиган табиий полимерларга айтилади. Оқсиллар ва пептидларнинг тирик табиатдаги бажарадиган функцияси жуда хилма-хилдир. Оқсиллар ва пептидларнинг одам, ҳайвон ва ўсимлик организмларидаги аҳамияти, уларнинг бажарадиган функцияси ҳақида нималарни биласиз? (бунинг учун адабиётлар рўйхатидаги 4 ва 5-адабиётлардан фойдаланишингиз мумкин). Тирик табиатдаги оқсилларнинг миқдорини аниқлашни деярли имконияти йўқ. Масалан, биргина Escherichia coli бактериясида 3000дан ортиқ оқсил моддалар учрайди. Оқсиллар ва пептидларнинг хоссаларини ўрганиш давомида текшириш усуллари ривожланиб келмоқда. Оқсиллар ҳужайраларнинг кимёвий фаолиятини моддий асоси ҳисобланади. Оқсилларнинг молекуляр массаси 5000 дан бир неча миллиога етади. Молекуяр массасига кўра оқсиллар ва пептидлар бир-биридан фарқ қилади. Пептидлар оқсилларга нисбатан кичик молекуляр массага эга бўлади. Пептидларнинг физиологик функцияси ҳам оқсилларга нисбатан торроқ бўлиб, асосан регуляторлар вазифасини бажаради (гормонлар, антибиотиклар, токсинлар ва б.). Оқсил номи биринчи марта тухум оқсилиги нисбатан қўлланила бошланган. Бу оқсил одамларга маълум бўлган энг қадимги моддалардан биридир. Лекин улар фақат 18-асрга келиб кимёвий бирикма сифатида қарала бошланган. Бу вақтда кимёгалар оқсилларни ивишини, кислоталар ва ишқорлар таъсирида парчаланишини ўргана бошлаганлар. Тухум оқсилидан кейин қон оқсили, буғдой оқсили (клейковина) тавсифланган. 19-асрда оқсилларни кимёвий анализ қилиш ишлари бошланган. Масалан, 1810 йилда Гей-Люссак қон оқсили-фибрин билан сут оқсили казеинни кимёвий анализ қилиб, уларни элемент таркиби ўхшаш эканлигини аниқлаган. Оқсилларнинг тузилиши ва хоссаларига оид кейингтарибалар асосида 1902 йилда оқсиллар тузилишининг пептид назарияси ишлаб чиқилган (Э.Фишер, Гофмейстер). Оқсиллар ва пептидларнинг хиллари жуда кўп бўлганлиги учун уларни синфлашнинг бир неча турлари мавжуд. Таркибига кўра оқсиллар конъюгирланмаган (оддий) ва конъюгирланган (мураккаб) оқсилларга бўлинади. Биринчи тур оқсиллар фақат аминокислоталардан ташкил топган полипептидлар ҳисобланади, бундай оқсилларга мисол қилиб албуминлар, глобулинлар, проламинлар ва бошқаларни келтириш мумкин. 100 тадан ортиқ аминокислота қолдиғидан ташкил топган полипептидлар шартли равишда оқсиллар дейилади. Мураккаб оқсиллар эса таркибида пептид бўлмаган моддаларнинг қолдиқларини, яъни простетик гуруҳлар деб аталувчи гуруҳларни ҳам тутади. Бундай турдаги оқсиллар простетик гуруҳ туриги қараб қуйидаги синфларга бўлиниши мумкин: липопротеинлар-липид компоненти, гликопротеинлар-углевод компоненти, хромопротеинлар-хромофор компонентлар, металло-протеинлар-металл ионлари тутувчи ва бошқ. Оқсилларни яна бажарадиган функциясига қараб ҳам синфлаш мумкин. Масалан, оқсил ферментлар, оқсил гормонлар, структура оқсиллари ва ҳ. к. Фазовий тузилишига кўра оқсиллар глобуляр ва фибрилляр оқсилларга бўлинади. Оқсиллар ёки протеинлар эрувчанлигига кўра қуйидаги синфларга бўлинади: 1. Альбуминлар-сувда эрийди, нейтрал тузларнинг тўйинган эритмаларида чўкади. Альбуминлар табиатда кенг тарқалган. Масалан, қон зардобида ва тухум оқсилида уларнинг миқдори 50% гача етади. 2. Глобулинлар-нейтрал тузларнинг кучсиз эритмаларида эрийди, сувда эримайди. Глобулинлар жуда кўплаб ўсимликларнинг уруғларида, айниқса дуккаклиларда кўп учрайди. 3. Проламинлар-60-80% ли спиртда эрийди. Таркибида пролин ва глутаминнинг миқдори кўп бўлади. Проламинлар донли ўсимлик уруғларида запас оқсил вазифасини ўтайди. 4. Глютелинлар-0,2-2% ли ишқор эритмаларида эрийди. Донли ўсимликларнинг уруғларида ва яшил қисмларида учрайди. 5. Гистонлар-кучсиз кислота эритмаларида эрийдиган оқсиллар бўлиб, аммиак ва спиртда эримайди. Таркибида асос аминокислоталар миқдори кўпроқ(20-30 %). Гистонлар ҳужайра ядросида учрайди, хромосома оқсилларининг асосий қисмини ташкил қилади. 6. Протаминлар паст молекуляр массали (12000) оқсиллар бўлиб, уларнинг таркибида ҳам асос аминокислоталарининг миқдори кўп бўлади (80 % атрофида). Протаминлар кучсиз кислоталарда эрийди, қайнатилганда чўкмайди. Протаминлар одам ва ҳайвонларнинг жинсий ҳужайраларида учрайди. Улар ДНК молекуласининг кимёвий инертлигини таъминлайди. 7. Протеиноидлар қийин эрийдиган оқсиллар бўлиб, таркибида олтингугурт кўп бўлади. Протеиноидларга ипак оқсили-фиброин, соч, шох ва туёқ оқсиллари-кератинлар, бириктирувчи тўқима оқсиллари-коллагенлар ва бошқалар киради. Оқсилларни ажратиб олиш учун дастлаб ҳужайралар гомогенатларга айлантирилади, яъни уларнинг ҳужайра қобиқлари бузилади. Ҳужайраларни барқарорлигига қараб гомогенлашнинг турли усуллари мавжуд. Гомогенлашнинг нисбатан қулай ва осон усули уларни қаттиқ модда- абразив (кварц қум ёки оддий ювилган қум) билан майдалаш ҳисобланади. Лекин бунда ҳужайранинг баъзи йирик органеллари ҳам парчаланиб кетиши ва гомогенат таркибини бузиши мумкин. Хозирги вақтда оқсилларни ажратиб олиш учун механик ускуналардан, ультратовуш қурилмаларидан фойдаланилади. Юқоридаги ускуналар билан ишлаганда оқсилларнинг фаоллиги йўқолиши (инактивация) мумкин. Шунинг учун бундай ускуналар қатъий режимда ишлатилиши зарур. Бундан ташқари ҳужайра деворларини осмотик шок, босқичма-босқич музлатиш ва эритиш, органик эритувчилар, масалан, ацетон, толуол ёрдамида парчалаш усуллари ҳам мавжуд. Оқсилларни ажратиб олиш ва тозалаш давомида уларнинг беқарорлигини, табиий хоссаларини йўқотишга, яъни денатурацияга мойиллигини ҳисобга олиш керак. Аксарият ҳолларда ҳужайрани парчалаш давомида иссиқлик ажралиб чиқади. Бунинг натижасида оқсил денатурацияга учраши мумкин. Шунинг учун парчалаш жараёни совуқ (Қ4 о С атрофида) шароитда олиб борилиши керак. Оқсилларни ажратиш ва тозалаш учун экстракция, диализ, электродиализ, гель-фильтрция, аффин хроматография ва бшқа усуллардан фойдаланилади. Ҳужайра гомогенлангандан кейин оқсиллар экстркция қилинади. Ажратиб олинаётган оқсил табиатига қараб эритувчи сифатида сув, туз эритмалари, буфер аралашмалар, органик реагентлар, кучсиз концентрацияли кислоталар ва ишқорлар, сув-спирт аралашмалари қўлланилади. Экстрактдан алоҳида оқсилларни ажратиб олиш учун уларни хоссаларига қараб турли усуллар билан ажратиб олинади. Оқсилларни тозалашни самарали йўли хроматографик усуллар ёрдамида экстрактни фракцияларга ажратиш ҳисобланади. Хроматографик усул деб аралашма компонентларини иккита фазада тақсимланишига асосланган, моддаларни ажратишнинг физик-кимёвий усулига айтилади. Фазалардан бири ҳаракатсиз, иккинчиси ҳаракатчан бўлади. Ҳаракатсиз фаза силикагел, алюминий оксиди, турли модификациядаги целлюлоза бўлиши, ҳаракатчан фаза эса суюқ (суюқлик хроматографияси), ёки газ (газ хроматографияси) бўлиши мумкин. Ҳаракатсиз фазанинг хоссаларига қараб хроматографиянинг бир неча турлари мавжуд. Ажратиш принципи Хроматография тури Моддаларни физик сорбцияси Моддаларни иккита аралашмайдиган Адсорбцион Тақсимловчи суюқ фазалар орасида тақсимлаш Эриган модда ва ташувчи ўртасида ионли ўзаро таъсирлашув Ажратилаётган моддалар молкулалари учун ғовак структурани ички эритувчисига ҳар хил муносабати Ташувчига бириктирилган специфик лигандлар билан ўзаро таъсирлашув Ионалмашинув молекуляр-элак (гель-сингувчи) аффин, биоспецифик адсорбцион хроматография Оқсиллар кимёсида юқоридаги усуллардан охирги учтаси кенг қўлланилади. Ион алмашиниш хроматографиясида оқсилларни ажратиш учун қарама-қарши зарядланган гуруҳлар тутувчи ион-алмашинув смолаларидан-ионитлардан фойдаланилади. Масалан : R-SO 3 H Қ H 3 N Қ -R *  R-SO 3 - H 3 N Қ -R * Қ H Қ катионит R-CH 2 -N Қ (CH 3 ) 3 - OH Қ - OOC-R *  R-CH 2 -N Қ (CH 3 ) 3 - OOC-R * Қ - OH анионит Гель - фильтрация усули ҳар хил ўлчамдаги оқсилларни бир - биридан ажратиш ва тозалаш имкониятини беради . Бунинг учун эримайдиган ҳар хил ғовак материаллар - синтетик смолалар , ғовак шиша ( биоглас ), ғовак кварц ( порасил ), декстран асосидаги полисахаридларнинг ҳосилалари ( сефадекс , молселект ), агароза ( сефароза ) гел ҳосил қилувчи полиакриламид ҳосилаларидан фойдаланилади . Ғовак материаллар маълум ўлчамдаги гранулалар шаклида ишлаб чиқарилади. Уларни эритувчида суспензияланганда иккита фаза ҳосил бўлади: гранула ичидаги ва гранула ташқарисидаги. Суспензияланган гранулалар билан колонка тўлдирилади, оқсиллар аралашмаси жойланиб эритувчи ўтказилади. Нисбатан йирик молекулалар эритувчининг ички фазасига ютилмайди ва улар колонкадан эритувчи билан тезроқ ювилиб чиқиб кетади. Бунда ғовак материаллар молекуляр элак вазифасини бажаради. Аффин хроматография ажратиб олинаётган биополимерни ёки биополимерлар аралашмасини маълум модда билан биоспецифик таъсирлашувига асосланган. Хроматографиянинг бу усулини ферментлар, иммуноглобулинлар, лектинлар, рецептор оқсиллари каби субтратлар, ингибиторлар, рецепторлар билан танлаб таъсирлаша оладиган биополимерларни ажратиб олиш ва тозалашда қўллаш мумкин. Бунинг учун эримайдиган ташувчи материал (адсорбент)га ажратиб олинаётган оқсил билан специфик бирика оладиган модда бириктирилади. Бу модда лиганд дейилади. Ҳосил бўлган адсорбент колонкага жойланади ва ундан оқсиллар аралашмаси ўтказилади. Сўнгра оқсил колонкадан лиганд ва оқсилдан иборат комплексни диссоцияловчи эритма ёрдамида ажратиб олинади. Диққат муаммо! Тозалашнинг электрофорез ва диализ усуллари қандай жараёнларга асосланган? Мисоллар билан изоҳланг. (К.С.Аҳмедов, Ҳ.Раҳимов. Коллоид кимё. Т.1992). Ажратиб олинган ва тозаланган оқсил аст температурада сақланиши керак. Кўпинча оқсиллар лиофилизация (вакуумда музлатиш) қилиб қуритилган ҳолда сақланади. Оқсилларнинг молекуляр массаси турли хил физик усуллар ёрдамида аниқланиши мумкин. Оқсилларнинг молекуляр массасини криоскопик ёки эбулиоскопик усуллар билан аниқлаб бўлмайди. Бундай мақсадлар учун гравитацион, гель-фильтрацион ва электрофоретик усуллар кўпроқ қўлланилади. Замонавий усуллар оқсилларнинг молекуляр массасини 5%гача хатолик билан аниқлаш имкониятини беради. Агар оқсилл ёки пептиднинг бирламчи структураси аниқланган бўлса уларнинг молекуляр массаси юқори аниқлик билан топилиши мумкин. Гравитацион методда аналитик ультрацентрифугадан фойдаланилади. Бу ускуна заррачаларни седиментациясини (чўкишини) кузатиш имконини беради. Замонавий ультрацентрифугаларнинг айланиш тезлиги минутига 70000ни ташкил қилади ( g -500000 марта ортади). Ультрацентрифуга ёрдамида оқсилнинг молекуляр массаси седиментация тезлиги ва седиментация мувозанати бўйича аниқланади. Седиментация тезлиги бўйича аниқлаш центрифуганинг юқори тезликларида олиб борилади. Седиментация вақт бирлигида борганлиги учун унинг тезлигини аниқлаш мумкин. Бунда оқсилнинг молекуляр массаси Сведберг тенгламаси бўйича ҳисобланади. Седиментацион мувозанат бўйича молекуляр массани аниқлаш ультрацентрфуганинг кичик тезликларида, масалан, минутига 7-8 минг айланиш тезлигида ( g 50000) олиб борилади. Центрифугалаш оқсилни бутун ячейка бўйлаб тенг тарқалгунча давом этади. Ҳосил бўлган концентрация градиенти бўйича оқсилнинг молекуляр массаси аниқланади. Оқсиллар амфотер электролитлар ҳисобланади. Оқсилларнинг кислота- асос хоссалари ён занжирдаги функционал гуруҳларга боғлиқ. Кўпчилик оқсилларнинг эритмалари кислотали муҳи ҳосил қилади. Бундан кўринадики, оқсилларнинг молекуласида ён занжирда карбоксил гуруҳларнинг миқдори кўпроқ. Оқсилларнинг амфотер хоссаси уларнинг буфер хоссаларини ҳам белгилайди. Адабиётлар 1. Ю.А.Овчинников. Биоорганическая химия. М. Просвеҳение. 1987. 817. 2. Н.А.Тюкавкина, Ю.А.Бауков. Биоорганическая химия. М. Медицина. 1991. 3. Основў Биохимии. Под ред. Профессора А.А.Анисимова. М. ВШ. 1986. 551. 4. Ё.Тўрақулов. Биохимия. Т. Ўзбекистон. 1995. 5. А.Г.Махсумов, И.Примуҳамедов. Органик химия. Т. Медицина. 1990. 6. А.Г.Махсумов, И.Примуҳамедов. Биоорганик химия. Т. Медицина. 1994.

O'xshashlar

Оқсиллар ва пептидларнинг учламчи ва тўртламчи тузилиши
Оқсилларнинг иккиламчи структураси
Молекуляр биофизика
Оқсилларнинг бирламчи тузилиши
Ферментлар