Ёруғликнинг элементар квант назарияси - Fizika - Referatlar

Ёруғликнинг элементар квант назарияси

Yuklangan vaqt:

14.03.2020

Ko'chirishlar soni:

0

Hajmi:

108.5 KB

Ko'chirib olish

Ёруғликнинг элементар квант назарияси Режа: 1. Фотоэффект. Эйнштейн формуласи. 2. Комптон эффекти. 3. Бор постулатлари. Водород атоми учун Бор назарияси.

Фотоэффект. Эйнштейн формуласи. Квант назариясининг дастлабки ривожланиш жараёнида навбатдаги давр Эйнштейн номи билан боғланган. 1905 йил 18 мартда Эйнштейн ўзининг мақола сифатида расмийлаштирилган ишида Планкнинг квант гипотезасига асосланмаган ва мақолада квант энергияси учун h ν белгилашни ҳам ишлатмаган. Мақола “ультрабинафшавий ҳалокат” ни таҳлил қилишдан бошланган, келгусидаги мулоҳазалар асосига Эйнштейн Планкнинг Кирхгоф функцияси учун олган формуласидан фойдаланган. Эйнштейн ёруғликнинг модда билан ўзаро таъсири ҳодисаларида Максвелл назариясининг қийинчиликларини таҳлил қилиб, ёруғлик энергияси фазода узлуксиз тақсимланмаганлиги тўғрисидаги фикрни баён этган ва қандайдир нуқтадан чиқган нурнинг тарқалишида энергия фазода узлуксиз тақсимланмасдан фазонинг чекли миқдордаги нуқталарида жойлашган энерги квантларидан ташкил топади ва улар қисмларга бўлинмаган ҳолда ҳаракатланиб бутун ҳолда нурланиши ва ютилиши мумкин деган фикрларни баён этади. Эйнштейн бу хулосани Планк томонидан ривожлантирилган иссиқлик нурланиш назариясидан мустақил ҳолда олинганлигини исботлаган. Эйнштейн монохроматик нурланиш энергиясининг кичик зичликлар соҳасидаги энтропиясини ўрганиб V 0 ёпиқ ҳажмдаги нурланиш энергияси тақсимоти эҳтимоллиги тўғрисидаги масалани ҳал этган ва шу асосда нурланиш ҳар бири h ν энергияли ўзаро боғланмаган та квантлардан ташкил топган деган хулосага келади. Кўпчилик ўқув ва айрим методик адабиётларда Эйнштейн фотоэффект қонунларини тушунтириш мақсадида ёруғлик энергияси квантлари тўғрисидаги тасаввурни киритган деган фикрлар учрайди. Эйнштейннинг

юқоридаги ишларининг таҳлили асосида бу фикрларнинг унчалик ҳақиқатга мос эмаслигини тасдиқлаши мумкин. Эйнштейн квант тасаввурларга янада умумийроқ мулоҳазалар асосида келган. Қаттиқ жисмларнинг катод нурлари билан ёритишни ўрганиш натижасида Эйнштейн ўзининг фотоэффект учун машҳур тенгламасини ёзган. Шу сабабли оптикада квант тасаввурларнинг пайдо бўлишини фотоэффект назарияси билан боғлашга асос мавжуд эмас, лекин фотоэффект ҳодисаси бу тасаввурларни тасдиқловчи ҳодисалардан бири ҳисобланади. Фотоэффект деб, ёруглик тўлқинлари таъсирида металлдан ёки моддалардан электронларнинг ажралиб чиқиш ходисасига айтилади. Фотоэффект Г.Герц томонидан очилган бўлиб, рус физиги А.Г.Столетов томонидан тўла текширилган. Фотоэффектнинг қуйидаги учта қонуни экспериментал йўл билан очилган: 1. Фотоэффектнинг чегараланганлик ҳарактери. Фотоэлектронлар ажралиб чиқиши учун, металлга таъсир қилувчи ёруғликнинг тўлқин узунлиги қаралаётган металл учун ҳарактерли бўлган чегаравий қийматдан кичик бўлиши керак. 2. Металлдан ажралиб чиқувчи электронларнинг сони , унга таъсир қилаётган нурланишнинг интенсивлигига пропорционалдир. 3. Металлдан ажралиб чиқувчи фотоэлектронларнинг максимал кинетик энергияси нурланиш частотасига чизикли боғланган ҳолда ортиб боради ва интенсивликка боғлик эмас. Бу қонунларни классик тасаввурлар асосида тушунтириш жуда қийиндир. Бошка томондан ёруғлик ҳақидаги квант тасаввурлар, фотоэффектнинг асосий қонунларини тўла тушунтириб бера олади. Фотоэффектни классик тасаввурлар асосида текширайлик. Металл сиртига тушувчи электромагнит тўлқинлар, металлдаги электронларни мажбурий тебранма ҳаракатга келтиради. Электронларнинг ҳусусий тебранишлар частотаси билан унга таъсир қилаётган электромагнит

тўлқиннинг тебраниш частотаси деярли тенглашганда, электрон металл сиртига чиқгунга қадар энергия ютади. Агар бундай тушунтириш ўринли бўлса, металлдан ажралиб чиқувчи электронларнинг энергияси, металл сиртига тушувчи электромагнит тўлқин интенсивлиги билан аниқланади. Демак, классик тасаввурлар асосидаги бундай изохлаш, фотоэффектнинг иккинчи ва учинчи қонунига тўла зид келади. Нурланишни фотонлар тўплами каби қарайдиган тасаввурлар асосида юқоридаги қонуниятларни тўла тушунтириб берилади. Бу энергиянинг электронларнинг металлдан чиқиш ишига тенг бўлган қисми А, металлдан электронни уриб чиқазишга, қолган қисми эса hw - А эса электроннинг кинетик энергияси -га айланади. Шундай қилиб қуйидагича ёзиш мумкин: Бу тенглама 1905 йилда А.Эйнштейн томонидан тавсия этилди. тенгламадан фотоэффектнинг чегаравийлик ҳарактери, яъни фотоэффектнинг hw » А шарт бажарилган ҳолдагина кузатилиши ва фотоэлектронларнинг тезлигини тушувчи ёруғликнинг интенсивлигига боғлиқ эмаслиги яққол кўринади. Бу тенглама, фақат битта ютилган фотон учун ёзилган. Ютилган фотонларнинг сони эса тушувчи фотонлар сонига пропорционал. Шунинг учун, ажралиб чиққан фотоэлектронларнинг сони жисмга таъсир қилувчи квантларнинг - фотонларнинг сони билан аниқланади. Фотоннинг ютилиш процесси оний процесс хисобланади, шунинг учун металл сиртига фотонлар тушиши ва фотоэлектронларнинг ажралиб чиқиши орасида вақт фарқи жуда кичик бўлганидан деярли сезилмайди. Бу тенгламани келтириб чиқаришда Эйнштейн биринчи бўлиб фотоэффектни Планк гипотезаси билан ўзаро боғлади ва нурланиш майдонининг энергияси hw га каррали қийматларга ўзгаради деб фараз қилди.

Эйнштейн томонидан ривожлантирилган ташқи фотоэффект назарияси асосида металдаги электронлар бир-бирига боғлиқ бўлмаган ҳолда ҳаракат қилади ва металга тушувчи фотон уларнинг фақат биттаси билан таъсирлашади деган фараз ётади. Шунинг учун бу бир электронли назария деб аталади. Фотоэффектни ҳосил қилувчи ёруғликнинг жуда катта интенсивлигида ташқи фотоэффект қонунлари ўринли бўлмайди. Фотоэффектнинг инерцион бўлмаган жараёнлиги ёруғликнинг квант ҳоссаларини ва ёруғликнинг модда билан таъсирининг квант характерга эгалигини тасдиқлайди. Комптон эффекти. Электромагнит нурланишнинг корпускуляр хоссалари тўлалигича 1922 йилда Америкалик физик А.Комптон томонидан очилган эффектда намоён бўлади. Комптон эффекти деб, электромагнит нурланишнинг эркин (ёки кучсиз боғланган) электронларда тўлқин узунлиги ўзгарган ҳ олда эластик сочилиш жараёнига айтилади. Комптон эффекти кичик тўлқин узунлигига эга бўлган, рентген ва гамма нурланишларининг кристалларда сочилиш процессини ифодаловчи экспериментларда кузатилади. Комптон эффектини классик тасаввурлар асосида тушунтиришга уриниш экспериментал натижалар билан мос келмайдиган хулосаларга олиб келади. Комптон эффектида сочилган нурланишнинг тўлқин узунлигининг ортиши, тушувчи нурланишнинг тўлқин узунлигига боғлиқ эмас, фақатгина сочилиш бурчагининг катталиги билан аниқланади. Классик назарияга асосан, тушувчи ёруғлик тўлқини, гармоник тебранувчи электромагнит майдон хосил қилади ва бу майдон таъсирида электрон ҳам, худди электромагнит тўлқин частотасига тенг частота билан мажбурий тебранма ҳаракат қилади. Агар нурланишнинг электронга берадиган босимини ҳисобга олсак, натижада электрон маълум тезланиш олади. У холда паст частоталар соҳасига қараб нурланишнинг Допплер силжиши хосил бўлади. Заррача узлуксиз равишда энергия олиб турганлиги

учун, вақт ўтиши билан Допплер силжиши ортиб бориши керак. Шундай қилиб, электроннинг сочилишини маълум бир бурчак остида кузатилганда, нурланиш интенсивлиги ортиши билан ҳар хил катталикдаги Допплер силжишини кузатишимиз керак. Тажрибаларнинг кўрсатишича сочилиш бурчагининг маълум бир қийматида, нурланиш интенсивлигига ва нурланиш вақтига боғланмаган ҳолда, тўлқин узунлигининг фақат битта қийматга ўзгариши кузатилган. Бу фактлар кўрсатадики, энергия ва импульснинг узатилиш жараёни узлуксиз бўлмасдан, фотонлар ва электронларнинг ўзаро таъсирларининг дискрет актлари кетма-кетлигидан иборатдир. Агар энергияси ва импульси бўлган фотон, тинч холатдаги эркин электрон билан ўзаро тўқнашади деб фараз қилсак, энергия ва импульснинг сақланиш қонунлари қуйидагича ёзилади: (2.2.1) тенгламалар системасида биринчи тенгламани квадратга оширамиз ва барча ҳадларни c 2 га бўлиб, иккинчи тенгламанинг квадратини юқоридаги тенгламадан айирамиз. Алмаштиришлар ўтказиш натижасида (2.2.3) ифодани оламиз. (2.2.3.) ифодада - узунлик ўлчамига эга ва электрон учун Комптон тўлқин узунлиги дейилади: Комптон эффектида тўлқин узунлигининг силжиши жуда кичик қийматга эга бўлиб, хаттоки га сочилганда хам 2 Λ га тенг. Шунинг

учун Комптон эффектини кузатиш учун рентген нурлари ёки гамма нурларидан фойдаланилади, чунки бу холда Δλ тўлқин узунлигининг катта қисмини ташкил этади. Бор постулатлари. Водород атоми учун Бор назарияси. Бор модели учта дастлабки хулосаларга асосланган: Атом спектрларини ўрганиш натижаларига; Нурланишнинг элементар квант назариясига оид Планк ва Эйнштейннинг татқиқот натижаларига; Э.Резерфорд томонидан киритилган атомнинг планетар моделига. Ўша даврда атомнинг планетар моделининг эришган муваффақиятларига қарамасдан бу моделни классик физика нуқтаи – назаридан қабул қилиш қийин бўлган. Электромагнит ҳодисаларининг классик назариясига асосан, доиравий ёки иҳтиёрий эгриланган орбита бўйича ҳаракатланувчи, зарядга эга бўлган электрон ҳаракати давомида ёруғлик тўлқинларини нурлаши зарур. Бундай нурланишнинг спектри электроннинг орбита бўйлаб айланиш частотаси билан аниқланиши ва узлуксиз ўзгариб бориши керак, лекин тажрибаларда ҳар доим атомларнинг спектрининг дискретлиги кузатилган. Ундан ташқари, электрон ўзининг энергиясини ёруғлик тўлқинларини нурлашга сарфлаб, кичик ва янада кичик орбиталар бўйича ҳаракатланиши ҳамда оқибат натижада ядронинг устига (10 − 8 с . ичида) қулаб тушиши керак эди. Лекин бундай ҳодисалар юз бермайди, одатдаги шароитларда атомларнинг стабиллиги (турғунлиги) кузатилади. Шунинг учун атомнинг планетар моделини қабул қилишда классик тасаввурлардан тўла воз кечиш керак эди. Буни даниялик гениал физик Нильс Бор жуда аниқ тушиниб етган ва шундай фикрларни айтган эди: “Резерфорднинг атом моделининг ҳал қилувчи муваффақияти шуки, у атомларнинг турғунлигини классик физика асосида тушунтириш мумкин эмаслигини ва квант постулати – бу ўткир дилеммадан чиқишнинг ягона мумкин бўлган йўли эканлигини аниқ кўрсатиб берди”. Бор Резерфорднинг планетар моделининг классик физикага мос келмаслигини тушиниб етган

ҳолда бу йўлдан воз кечиб ўзининг постулатларини 1913 йилда “Philosophical Magazine” журналида эълон қилинган учта мақоласида баён этди. Борнинг биринчи постулати: Атомда электронлар ёпиқ орбиталар бўйлаб ҳаракатланади ва бу ҳолда ёруғлик тўлқинлари нурланмайди. Бундай орбиталар ихтиёрий узоқ вақт давомида стабиллигича қолиши мумкин. Ҳар бир стационар ҳолатга маълум Ε энергия мос келади. Борнинг иккинчи постулати иккита стационар ҳолатлар орасидаги ўтишларга тааллуқли. Никольсон томонидан электронлар ядро атрофини қандайдир ҳалқаларни тўлдирган ҳолда ҳаракатланиши тўғрисидаги фикр айтилган. Бор чиқариладиган нурланишнинг частотаси электронларнинг айланиш частотаси билан мос келиши тўғрисидаги классик электродинамикадаги талабдан воз кечиб янги фикрни айтади. Электрон Ε 1 энергияли стационар ҳолатдан Ε 2 энергияли стационар ҳолатга, ҳеч қандай ташқи таъсирсиз ўтиши мумкин, агар Ε 1> Ε 2 бўлса Ε 2 − Ε 1 энергияли ёруғлик кванти нурланади, акс ҳолда ютилади. Нурланаётган ёруғлик нурланишининг частотаси қуйидагича Ҳар ҳил энергияли стационар ҳолатлар мавжудлигидан Ε 2 − Ε 1 энергия фарқи етарлича катта дискрет қийматлар қабул қилиши мумкин, ҳар бирига маълум частота ва тўлқин узунлиги мос келади. Борнинг биринчи постулати планетар моделни конкретлаштиради, электронларнинг тўла аниқ орбиталар билан айланишини тушунтиради. Даставвал Бор орбиталарни айланалар кўринишида фараз қилади, лекин Зоммерфельд томонидан орбиталарнинг фокусларининг бирида ядро жойлашган эллипс шаклида ҳам бўлиши мумкинлиги кўрсатилган. Борнинг иккинчи постулати атомлар спектрининг дискрет, чизиқли структурасини тушунтиришга имконият беради. Бор томонидан водород атомининг назарияси яратилган. Бу назарияни ўрганиш талабаларга мустақил топшириқ сифатида берилади. Бор

назариясида планетар моделнинг асосий белгилари сақлаб қолинган – атомлардаги электронлар ядро атрофида кулон кучлари таъсирида орбитал ҳаракат қилади. Лекин бу орбиталар квантланиш шартлари билан аниқланувчи стационар орбиталар ҳисобланади. Доиравий орбиталарни ўрганиш билан чекланамиз ва водород атоми учун қуйидаги моделни қабул қиламиз: электрон водород атомида Ze зарядли ядро атрофида айланалар бўйлаб текис айланма ҳаракат қилади. Бу ҳолда марказга интилма куч кулон кучи ҳисобланади ва қуйидаги муносабат ўринли бўлади. Квантланиш шартидан фойдаланиб мумкин бўлган айланалар бўйлаб ҳаракатларни ажратиб оламиз. (2.3.2.) ва (2.3.3.) тенгламаларни биргаликда ечиб, стационар орбиталар бўйлаб электроннинг ҳаракатланиш тезлиги ва стационар орбита радиуси формулаларини оламиз. n − натурал сонларқаторидаги қийматларни қабул қилади деб ҳисоблаб, стационар орбиталар қаторини оламиз. Бор назариясига асосан атомлардан нурланаётган ва ютилаётган энергия атомнинг стационар ҳолатлари энергияларининг фарқига тенг бўлади. Стационар ҳолдатлар энергиялари қийматларини ҳисоблаймиз. (2.3.5.) даги минус ишора водород атомининг турғунлигини, яъни ундан электронни ажратиб олиш учун энергия сарфлаш зарурлигини кўрсатади. Бор назарияси ёрдамида водород атоми учун чиқариш (нурланиш) ва нур ютиш спектрлари тўғри тушунтирилади. Водорд атомининг нурланиш

спектрида Лайман ва Бальмер, Пашен ва бошқа сериялар мавжуд, лекин ютилиш спектрида фақат Лайман серияси кузатилади. Бор назария ёрдамида ионизация энергиясини аниқлаш мумкин ва унинг қиймати эВ.га тенг.

Фойдаланилган адабиётлар: 1. М.М.Мусаханов, А.С.Рахматов, Квант механикаси – Т.,2011 й. 2. Д.И.Блохинце, Основне квантовой механики – М.1983. 3. Г.Х. Хошимов, Р.Я.Расулов, Н.Х.Хошимов, Квант механика асослари – Т., 1995 й. 4. В.М.Шехтер, А.А.Ансельм, Атом и квантовая механика –М., 1984 г.

O'xshashlar

Ёруғликнинг квант тизим томонидан ютилиши ва нурланиши

Иссиқлик сиғимнинг квант назарияси

Элементар уйғонишлар

Квант кучайтиргичлар

Квант тасaввурлар