Умумий ўрта таълим, конституциявий ҳуқуқ укув дастури - Falsafa - Referatlar

Умумий ўрта таълим, конституциявий ҳуқуқ укув дастури

Yuklangan vaqt:

19.09.2022

Ko'chirishlar soni:

0

Hajmi:

66 KB

Ko'chirib olish

Умумий ўрта таълим, конституциявий ҳуқуқ ўқув дастури Режа: 1. “Умумий ўрта таълим”, "Конституциявий хукук" фани ўқув дастури. 2. "Конституциявий хукук" Фани ўқув дастурининг максади. 3. "Конституциявий хукук" ўқув фанининг вазифалари.

“Умумий ўрта таълим”, "Конституциявий хукук" фани ўқув Дастури Мустақилликка эришгач, Ўзбекистон ҳалқи бугунги кунда эркин, ҳуқуқий демократик давлатни барпо этмоқда. Жамиятн ҳаётининг турли жабҳаларида кескин ўзгаришлар рўй бераётган ҳозирги даврда барчо таълим муассасаларида ҳам таълим-тарбия жараёнларини такомиллаштириш энг асосий вазифа ҳисобланади. Демократик ҳуқуқий давлатни барпо этиш учун юксак ҳуқуқий тафаккур, ҳуқуқий устиворлик зарурдир. Бунга эришишда ёшларнинг ҳуқуқий жихатдан билимли бўлиши муҳим аҳамият касб этади. Бу долзарб муаммоларни ҳам қилиш учун ҳалқнинг ҳуқуқий маданиятини ошириш, қабул қилинган қонун ва қонуний хужжатларнинг моҳиятини аҳолига, айниқса, келажагимиз бўлган ёш авлодга тушунтириш, чуқурроқ етказиш лозим. Ўзбекистон Республикаси Олий Мажлисининг 1997 йил 29 августдаги қарори билан тасдиқланган “Жамиятда ҳуқуқий маданиятни юксалтириш Миллий дастури”да юксак ҳуқуқий маданият – демократик жамият пойдевори амда ҳуқуқий тизим етуклиги ифодаси эканлиги, у жамиятдаги турли ҳил хаётий жараёнларга фаол таъсир кўрсатувчи, фуқароларнинг, барча ижтимоий гуруҳларнинг жипслашувига кўмаклашувчи, жамиятнинг яхлитлиги ва батартиблигини таъминловчи ва мустаҳкамловчи омил эканлиги ҳамда қонунни хурмат қилиш ҳуқуқий жамиятнинг, сиёсий ва ҳуқуқий тизимлар самарали фаолият кўрсатишнинг асосий талабларидан бири хисобланиши таъкидланган. Ҳуқуқий маданият – умумий маданиятнинг ажралмас таркибий қисми. Инсонлар онгида шундай ишонч қарор топиши керакки, ҳуқуқий билимларга эга бўлган ва уларни амалиётда татбиқ қила оладиган кишигина маданиятли ва билимли киши деб ҳисобланиши мумкин.

Ҳуқуқий таълим узлуксиз бўлиб, ёшликдан бошлаб бериб борилиши лозим. Болалар оилада, мактабгача тарбия муассасаларидаёқ хулқ-атвор коидаларидан хабардор бўлиши, маънавий ва баъзи ҳуқуқий нормалар тўғрисида бошланғич тушунчалар олиши, келгусида бу билимлар кенгайтирилиши ва чуқурлаштирилиши аниқ ифодаланган ҳуқуқий хусусият касб этиши зарур. Шунинг учун 1998-1999 ўқув йилидан бошлаб Ўзбекистон Республикаси умумтаълим мактаблари ва мактабгача тарбия муассасаларидан бошлаб, ҳар бир таълим тизимида босқичма-босқич ҳуқуқ сабоқлар, ҳуқуқий билим ва тарбия берилади. Ўзбекистон Республикаси “Таълим тўғрисида”ги Қонуни ҳамда “Кадрлар тайёрлаш миллий дастури”га мувофиқ Ўзбекистон Республикаси Вазирлар Маҳкамасининг 1998 йил 13 майдаги “Ўзбекистон Республикаси умумий ўрта таълим тўғрисида”ги қарорига асосан “Ўзбекистон Республикаси умумий ўрта таълим тўғрисида”ги Низом тасдиқланди. Ушбу муҳим ижтимоий сиёсий аҳамиятга молик хужжатларда умумтаълим мактабларининг амалда бўлган дастурларини тубдан ислоҳ қилиш, 9 йиллик умумий ўрта таълимнинг сифат жиҳатдан янги тизимини яратиб, унинг ўрта махсус, касб-ҳунар таълими билан давомийлиги ва узвий боғлиқлигини таъминлашнинг асосий йўналишлари ва вазифалари аниқ белгилаб берилган. Мустақил Ўзбекистон ёшларини тарбиялашда, улар онгида ҳуқуқий тафаккурни, ватанпарварлик, байналминаллик, инсонпарварлик, мехнатсеварлик, миллий ғурур ғояларини, халоллик, поклик, адолатлилик, камтарлик, ҳуқуқбузар-жиноятчиларга нафрат, одамийлик фазилатларини шакллантиришда “Давлат ва ҳуқуқ асослари” фанининг ўрни ва имкониятлари чексиздир. Ҳуқуқий фанларнинг ўқитилиши ўқувчиларда илмий дунёқараши ва ҳуқуқий билимларни, ҳуқуқий тушунишни шакллантиришга, уларни ҳаётга, меҳнатга ва ижтимоий фаолиятга тайёрлашда умумтаълим мактабларининг IX синфларида “Давлат ва ҳуқуқ

асослари” курсининг “Конституциявий ҳуқуқ” соҳасининг ўқитилиши ўринли деб хисобланиб, қуйидаги ўқув дастурини 1998-1999 ўқув йилида тажриба тариқасида синаб кўрилди. Ушбу дастурда “Конституциявий ҳуқуқ” соҳасининг мақсад ва вазифалари, ўқув дастури мазмунида акс этилган масалалар ва мазкур соҳа ўқув материали дидактик функциясига кўра қуйидаги гуруҳларга бўлинади: А)дарсда ўрганиладиган асосий ўқув ҳужжатлари; Б)дарсдан ва мактабдан ташқарида ўргниладиган ёрдамчи ўқув хужжатлари ўқувчи ижодий фаолиятига, мустақил фикрлашга оид тажриба, билим ва малакаларини мунтазам ўқув фанини ўқитиш жараёнида шакллантириш мақсадга мувофиқ деб белгилади. Ҳуқуқий таълим дастуридаги яна бир янги жиҳат ўқувчилар билим сифатини ва ўқитиш натижаларининг давлат таълим стандартларига мувофиқлигини назорат қилишни таъминлаш учун назорат тартибларини ўтказиш тавсия этилади. Ўқув дастурида адабиётлар руйхати берилди. Бу адабиётлар ўқитувчининг илмий-методик савиясини оширишда ёрдам берадиган, кўп нусхада нашр этилган адабиётлар руйхати, “Конституциявий ҳуқуқ” фанига алоқадор Ўзбекистон Республикаси Олий Мажлисининг Қонунлари, Қарорлари, Президент Фармонлари, асарлари, илмий-методик мазмундаги адабиётлар тавсия этилди. “Конституциявий ҳуқуқ” фанининг мақсади Ўрта умумий таълим мактабларининг IX синфлари учун тузилган “Конституциявий ҳуқуқ” фани ўқув дастурига 2 жихатдан: ўқув фани даражасида таълим мазмунини ифода этувчи восита хамда ўқувчи билан ўқитувчи фаолиятини йўналтирувчи хужжат сифатида ёндашиш зарур. “Конституциявий ҳуқуқ” фанининг асосий мақсади:

-ўқувчиларга “Конституциявий ҳуқуқ” фани юзасидан амалий фаолиятида зарур бўладиган ҳуқуқий билимларни белгиланган давлат стандартларидан кам бўлмаган хажмда олиш имконини бериш хамда малака ва кўникмалар хосил қилиш; -бунда “Конституциявий ҳуқуқ” фанининг аҳамияти, Конституция тушунчаси, жаҳон Конституциялари тарихи, уларнинг қужудга келиш сабаблари ва аҳамиятини билиши; -ўқувчиларни давлатнинг ҳуқуқий пойдевори сифатида Ўзбекистон Республикасининг Конституциясини ўрганиш ҳамда пухта ўзлаштириб олишларини таъминлаш. Асосий Қомусимиз - Конституциянинг давлатимиз мустақиллик рамзи сифатида ҳурмат қилиш руҳида тарбиялаш; -ўқувчиларда Ўзбекистон халқи ўз олдига қўйган вазифаларининг энг асосийси – республикамизда инсонпарвар – ҳуқуқий давлат барпо этишдан иборатлиги, шунингдек, Конституциямизнинг асосий мақсадларидан бири эканлиги шакллантириб борилади. “Конституциявий ҳуқуқ” фанининг вазифалари -ўқувчиларда Конституция ва Қонун устиворлигини шакллантириш. Конституция ва Қонунларга ҳурмат уйғотиш ва улар доирасида иш тутишга одатлантириб бориш; -ўқувчиларнинг ўз ҳуқуқ, эркинликлари ва бурчларини аниқ билиш ва ҳаётда татбиқ эта олишга ўргатиш; -энг асосийси, ўқувчиларнинг онгида ҳуқуқий билим ҳамда юксак ҳуқуқий онг, маданиятни шакллантириш. Давлат таълим стандартларидан кам бўлмаган даражада ҳуқуқий билимларни бериш имкониятларини яратиш; -ўқувчиларни ижодий, мустақил фикрлашини шакллантириш, олган билимларини тажрибада синаш, қўшимча манбалар, меъёрий хужжатлар

хамда оммавий ахборот воситаларидан фойдалана билиш қобилиятларини шакллантириш. “Конституциявий ҳуқуқ” фани ўқув дастури мазмунида акс этадиган масалалар. ”Конституциявий ҳуқуқ” фанидан ўқув режасида акс этган масалалар: IX синф учун “Конституциявий ҳуқуқ” фани. Жами (34 соат). Хафтасига (1 соат) 1-мавзу: “Конституциявий ҳуқуқ” фани ҳақида. 1-соат Кириш. “Конституциявий ҳуқуқ” фанининг тушунчаси, мақсади ва вазифалари. “Конституциявий ҳуқуқ” фанининг бошқа фанлар, юридик фанлар билан алоқадорлиги ва ўрни. “Конституциявий ҳуқуқ” фанининг манбалари. I - бўлим. Ўзбекистон Республикаси Конституцияси – суверен давлат бош қонуни. 2-мавзу: Конституцияси – давлатнинг асосий қонуни (1 соат.) “Конституциявий” тушунчаси. Қонун тушунчаси. Қонуннинг турлари. Констуциянинг давлат асосий қонуни сифатида бошқа қонунларидан ажралиб турган ўзига хос хусусиятлари. Конституциянинг вужудга келиши асослари. Ўзбекистон Республикаси Конституциясининг тарихий йўли. Жаҳон Конституциялари ривожланиш тарихи.

3-мавзу: Ўзбекистон Республикаси Конституцияси яратилишининг асосий омиллари (1 соат.) Ўзбекистон Республикаси Конституциясининг ишлаб чиқилиши ва қабул қилиниши. Конституциясининг манбалари, Ўзбекистон Республикаси Конституциясининг ўзига хос хусусиятлари хамда аҳамияти ҳақида – Ўзбекистон Республикаси Президенти И.А.Каримовнинг “Ўзбекистон – келажаги буюк давлат” асари. 4-мавзу: Ўзбекистон Республикаси Конституциясининг тузилиши (1 соат). Ўзбекистон Республикаси Конституциясини қабул қилиш тўғрисида Ўзбекистон Республикаси Конституцияси қабул қилинган кунни умумҳалқ байрами деб эълон қилиш тўғрисида Ўзбекистон Республикасининг Қонуни Ўзбекистон Республикаси Конституциясининг муқадимма қисми, бўлим, боб ва моддалар. II - Бўлим. Ўзбекистон Республикаси Конституциясининг асосий тамойиллари. 5-мавзу: Давлат суверенитети (1-соат). Давлат суверенитети. Ўзбекистон – суверен демократик республика. Суверен, демократик республика тушунчалари. Давлат рамзлари (байроқ, герб, мадҳия, пул, давлат ва ҳоказо). 6-мавзу: Ҳалқ ҳокимиятчилиги. (1 соат). Ҳалқ давлат ҳокимиятининг бирдан-бир манбаидир. Референдум тушунчаси, уни ўтказиш тартиби. Ўзбекистон Республикаси давлат

ҳокимиятининг тузилиши (қонун чиқарувчи, ижро этувчи, суд ҳокимияти). Ўзбекистон Республикаси давлат ҳокимиятининг тузилиши (қонун чиқарувчи, ижро этувчи, суд ҳокимияти). Ўзбекистон Республикаси сиёсий ва мафкуравий фикрларнинг хилма-хиллиги. 7-мавзу: Конституция ва қонуннинг устиворлиги. (1 соат). Республика Конституция ва қонун устиворлиги тан олиниши, давлат, давлат органлари ва барчанинг қонунийлик асосида иш тутиши. Ҳамма Қонунларнинг Конституция нормалари ва қоидаларига мослиги. 8-Мавзу: Ташқи сиёсат (1 соат). Ўзбекистон Республикаси халқаро муносабатларнинг тўла ҳуқуқли субъектидир. Ташқи сиёсатнинг асосий тамойиллари. Ўзбекистон Республикасининг ташқи сиёсат соҳасида эришган ютуқлари. 9-мавзу: Умумлаштирувчи дарс (1 соат). III-Бўлим: Инсон ва фуқароларнинг асосий ҳуқуқлари, эркинликлари ва бурчлари. 10-мавзу: Умумий қоидалар (1 соат). Инсон ва фуқаролар ҳуқуқи ва бурчларининг сиёсий принциплари: -тенглик принципи: -ҳуқуқ ва эркинликларнинг дахлсизлиги принципи: -ҳуқуқ ва мажбуриятларнинг бирлиги принципи: -ҳуқуқ ва эркинликларнинг химоя қилиниши.

Инсон ҳуқуқларини ҳимоя қилиш тўғрисидаги (Инсон ҳуқуқлари тўғрисида халқаро Билль ва Ўзбекистон Республикасида уларга риоя қилиниши). 11-мавзу: Ўзбекистон Республикасида фуқаролик (1 соат). Фуқаролик тушунчаси. “Ўзбекистон Республикасининг фуқаролик тўғрисида”ги Қонуни (1992 йил 2 июлда қабул қилинган). Ўзбекистон Республикасида фуқароликка қабул қилиш асослари. Ўзбекистон Республикаси фуқаролигини бекор қилиш асослари ва тартиби. Ўзбекистон Республикасида паспорт тизими. Паспорт тизими қоидаларини бузганлик учун жавобгарлик. Чет эл фуқаролари ва фуқаролиги бўлмаган шахсларнинг ҳуқуқий ҳолати. Яшаш ҳуқуқи, шахс дахлсизлиги, турар жойи дахлсизлиги, фикрлаш, сўз ва эътиқод эркинлиги, виждон эркинлиги. 13-мавзу: Фуқароларнинг сиёсий ҳуқуқлари (1 соат) Сиёсий ҳуқуқ тушунчаси. Ўзбекистон фуқароларининг жамоат ва давлат ишларини бошқаришда қатнашиши, сайлов ҳуқуқи, сиёсий партиялар, касаба уюшмалари ва жамоат бирлашмаларига уюшиш ҳуқуқи. Йиғилишлар ва намойишлар ўтказиш эркинлиги. 14-мавзу: Фуқароларнинг ижтимоий ва иқтисодий ҳуқуқлари (1 соат) Ижтимоий ва иқтисодий ҳуқуқлар тушунчаси. Мулкдор бўлиш ҳуқуқи, меҳнат қилиш ва эркин касб танлаш ҳуқуқи. Вояга етмаганлар мехнатини мухофаза қилиш. Ижтимоий таъминот олиш ҳуқуқи, илмий ва техникавий ижод эркинлиги, маданият ютуқларидан фойдаланиш ҳуқуқи. 15-мавзу: Инсон ҳуқуқлари ва эркинликларининг кафолатлари (1 соат)

Конституция ва Қонунларда инсон ҳуқуқ ва эркинликлари кафолатларининг таъмминланиши. Ҳуқуқ ва эркинликларни суд орқали ҳимоя қилиш кафолати. Хотин-қизлар ва эркакалар тенглигининг кафолати. Виждон эркинлиги, сиёсий ҳуқуқлар, мулкдор бўлиш, ижтимоий таъминот, билим олиш, тиббий хизматдан фойдаланиш бўйича кафолатлар. Тергов ва суд жараёни давомида ҳуқуқий кафолатлар. 16-мавзу: Фуқароларнинг бурч ва мажбуриятлари (1 соат) Бурч тушунчаси. Фуқароларнинг Конституция ва Қонун олдидаги бурчлари. Фуқароларнинг бошқа кишилар манфаатлари олдидаги бурчлари. Ўзбекистон тарихий, маънавий ва маданий меросини авайлаб асраш бурчи. Ўзбекистон Республикасини химоя қилиш бурчи. Солиқ ва йиғимларни тўлаш бурчи. 17-мавзу: “Конституциявий ҳуқуқ” фани бўйича ярим йиллик умумлаштирувчи дарс (1 соат) Тестлар, ёзма ишлар, синов маърузалар, “Конституциявий ҳуқуқ” фанига оид кичик илмий ишлар, рефератлар кўриги. Изоҳ: факультатив соат ҳисобидан: “Сиз Қонунни биласизми?”, “Ўзбекистон Республикаси Конституцияси бизни қандай ҳимоя қилмоқда?” мавзуларида кўрик танловлар ўтказиш. IV - Бўлим: Жамият ва шахснинг узвийлиги (1 соат) Жамият ва шахс тушунчаси. Шахснинг жамиятдаги ўрни. Ўзбекистон иқтисодий негизи хилма-хил шаклдаги мулкдан иборатлиги. Хусусий мулк тушунчаси. Мулкдорнинг давлат ҳимоясидалиги. Жамоат бирлашмаларининг вужудга келиш асослари ва ҳуқуқий ҳолатлари.

Оила – жамиятнинг асосий буғуни. Ота-оналарнинг конституцион бурчлари. Фарзандларнинг конституцион бурчлари. Оналик, оталик ва болаликнинг давлат томонидан муҳофаза қилиниши. Оммавий ахборот воситалари тушунчаси, мақсади, вазифаси ҳамда ҳолати. 19-мавзу: Ўзбекистон Республикасининг маъмурий-ҳудудий тузилиши (1соат) Маъмурий-ҳудудий тузилиши тушунчаси. Ўзбекистон Республикасининг худудий тузилиши. Қорақолпоғистон Республикаси ва унинг ҳуқуқий холати. V. Бўлим: Давлат ҳокимиятининг ташкил этилиши 20-мавзу: Олий Мажлис давлат ҳокимиятининг вакиллик ва қонун чиқарувчи органдир (2соат) Давлат хокимияти Қонун чиқарувчи олий давлат вакиллик органи тушунчаси. Ўзбекистон Республикаси Олий Мажлис таркиби, ваколат муддати, ваколатлари. Ўзбекистон Республикаси Олий Мажлис раиси, унинг ўринбосарларининг сайланиши, раиснинг ваколатлари. Қорақолпоғистон Республикаси Олий вакиллик органининг ҳуқуқий ҳолати. 21-мавзу: Ўзбекистон Республикаси Президенти (1 соат) Ўзбекистон Республикаси Президенти – давлат ва ижро этувчи ҳокимият бошлиғи. Ўзбекистон Республикаси Президентини сайлаш тартиби. Президент қасамёди. Президентнинг асосий ваколатлари. 22-мавзу: Ўзбекистон Республикасида Вазирлар Маҳкамаси (1 соат)

Вазирлар Маҳкамасини тузиш ва тасдиқлаш тартиби. Вазирлар Маҳкамасининг таркиби ҳамда унинг фаолияти. 23-мавзу: Махаллий давлат ҳокимияти асослари (1 соат) Маҳаллий давлат ҳокимияти органлари тушунчаси, ташкил этилиши, ваколатлари. Ҳокимлар бошчилик қиладиган Ҳалқ депутатлари Кенгашлари – маҳаллий давлат ҳокимиятининг вакиллик органи. Ҳокимлар, уларни тайинлаш тартиби ва ваколатлари. Фуқароларнинг ўзини-ўзи бошқариш органлари, уларнинг сайланиш тартиби, фаолияти. Маҳалла раиси (оқсоқоли) ва унинг маслаҳатчиларини сайлаш тартиби. 24-мавзу: Ўзбекистон Республикасининг суд ҳокимияти (3 соат) Суд хокимияти – мустақил давлат органи. Суд ҳокимияти тизими. Ўзбекистон Республикаси Конституциявий Суди, унинг таркиби, вакиллари. Умумий судлар. Уларнинг ташкил топиши ва ваколатлари. Ўзбекистон Республикаси Хўжалик Судлари, уларнинг ташкил этилиши ва фаолият кўрсатиш тартиби. Ўзбекистон Республикасиҳарбий Судларининг тизими, уларнинг фаолияти. 25-мавзу:Ўзбекистон Республикаси сайлов тизими (1 соат) Сайлов тизими. Сайлов тизими тушунчаси. Фуқароларнинг сайлаш ва сайланиш ҳуқуқлари. Сайлов принциплари (умумий, тенг, тўғридан- тўғри, яширин овоз бериш). Сайлов тўғрисидаги Қонунлар. 26-мавзу: Ўзбекистон Республикаси Прокуратураси (2 соат)

Ўзбекистон Республикаси Прокуратураси. Прокуратура– қонунларнинг аниқ ва бир ҳилда бажарилиши устидан назорат қилувчи орган. Прокуратура органларининг тизими. Прокурор назорати. Прокурор ваколатлари. Прокурорлик касб маҳорати ва унинг жамиятдаги ўрни. 27-мавзу: Ўзбекистон Республикасида молия ва кредит (1 соат) Молия, пул – кредит тушунчаси. Ўзбекистон давлат бюджети тушунчаси. Ўзбекистон Республикаси солиқ тизими, унинг аҳамияти. Банк тушунчаси. Ўзбекистон Республикаси банк тизими. Банкларнинг бошқарилиши. Банкларнинг вазифалари. 28-мавзу: Ўзбекистон Республикасида мудофаа ва хавфсизлик ( 1 соат ) Ўзбекистон Республикаси мудофаасининг асослари ва уни ташкил этиш. Ўзбекистон Республикаси Қуролли Кучларининг вужудга келиш сабаби, вазифаси ва аҳамияти. Қуролли Кучларнинг тузилиши ва ташкил этилиши. Мудофаа ва хавфсизлик бўйича фуқароларнинг бурчлари. 29-мавзу: Ўзбекистон Республикаси Конституциясига ўзгартириш киритиш тартиби (1 соат) Конституцияга ўзгартириш киритиш юзасидан таклиф бериш ҳуқуқи. Таклифни рўёбга чиқариш жараёни. Олий Мажлисда Конституцияга ўзгартириш киритиш ҳақидаги Қонунни қабул қилиш тартиби. 30-мавзу: Конституциявий ҳуқуқ фани бўйича иккинчи ярим йиллик юзасидан умумлаштирувчи дарслар ( 1 соат )

Тест, ёзма ишлар, синов. Маъруза, рефератлар кичик миллий ишлар кўриги. Изох: Факультатив соат ҳисобига: “Конституциямиз – асосий қомусимиз” мавзусида давра суҳбати, илмий назарий конференция ташкил этиш. “Конституциявий ҳуқуқ” фанини ўргангандан сўнг ўқувчиларда Конституциявий ҳуқуқ ҳақидаги билим, кўникма, малака ва тушунчалар ҳосил бўлади.

Адабиётлар: 1. О.Каримова, З.Гуломова. "Хукукий тарбия ва хукукни укитиш услуби". Т.,1998й. 2. О.Каримова. "Хукукни укитиш методикаси". Т.,2003й. 3. Давлат ва хукук асослари буйича давлат таълим стандартларига шарх. Таълим тараққиёти. 1999 й, 2-сон, 205-264 бетлар. 4. А.Саидов, У.Тожихонов "Давлат ва хукук асослари", 2002й. 5. А. Саидов. У. Тожихонов “Ҳуқуқий маданият назарияси”.Дарслик ИИВ Академияси-1998 йил. 6 . О.Каримова, З.Гаффоров. "Давлат ва хукук асослари" 1995й. “Ўқитувчи” 7 . О.Аманова. "Давлат ва хукук асослари курсида кургазмали куроллардан фойдаланиш" , 1999 . “Ўқитувчи” 8 . Узбекистон Республикаси Конституциясини урганиш. Дарслик. 2002. “Шарқ”

O'xshashlar

Ўрта аср Европа фалсафаси1

Ҳуқуқий давлат. Ҳуқуқ ва давлат нисбатининг фалсафий - ҳуқуқий концепцияси

Ҳукукий таълим техналогиясига куйиладиган асосий талаблар

Ўрта аср фалсафасида инсон муаммоси

Марказий Осиё, Яқин ва Ўрта Шарқда ўрта асрлар фалсафаси (VIII-XII асрлар)