Инсон. Шахс - Falsafa - Referatlar

Инсон. Шахс

Yuklangan vaqt:

19.09.2022

Ko'chirishlar soni:

0

Hajmi:

109.5 KB

Ko'chirib olish

Инсон. Шахс Режа: 1. Инсон, унинг моҳияти ва фаолияти. 2. Инсон муаммосининг фалсафа тарихида қўйилиши. 3. Инсон, индивид, шахс, индивидуаллик тушунчалари

Ижтимоий фалсафа инсон муаммосига олам, борлиқнинг таркибий қисми сифатида қарайди ваш у нуқтаи-назардан «Инсон инма? Унинг моҳияти қандай? Инсон оламда қандай ўрин тутади?», «Инсон омили деганда нима назарда тутилади? Каби саволларга жавоб беради. Инсон борлиқнинг олий кўриниши. Унинг келиб чиқиши, ҳаёти, тараққиёти олам, борлиққа боғлиқ. Инсон ва жамият олам тараққиёти табиат эволюциясининг маҳсули ва кўриниши бўлиб ҳисобланади. Инсон ҳамма замонларда ҳам ўзининг кимлигини, ўзлигини билишга интилган. Инсон муаммосига бағишланган хилма-хил қарашлар, гипотезалар, назариялар яратилган. Инсон муаммоси ижтимоий фикр тарихида 3 хил нуқтаи назардан ўрганилган: мифологик, диний ва илмий-назарий. Инсон ҳақидаги дастлабки қарашлар қадимги Шарқ мамлакатлари, айниқса, Ҳиндистон, Хитой, Турон халқлари томонидан яратилган эртаклар, достонлар, афсоналарда ўз ифодасини топган. Ҳамма нарсага қодир инсон образи Қадимги Ҳинд Ведаларида тасвирланган. Уларда айтишлича, энг қадимги инсон Пуружа мингта бошли, мингта кўзли, мингта оёқли бўлган эмиш. Бу инсонинг ақл-заковати-ой, кўзи-қуёш қориб-толиқиш-олов, нафаси эса – шамол эмиш. Ҳозирги одамлар Пружадан тарқалган эканлар. Айтилишича, унинг қўлидан – кематрон (ҳарбийлар), войш (деҳқонлар, ҳунармандлар, савдогарлар), шудра (гадолар) каби жамиятнинг турли қатламларига мансуб одамлар келиб чиққан эмиш. Ведаларда ёзилишича, инсон икки моҳият: тана билан жонниг қоришмасидан иборат. Тана инсон жисмининг асосини ташкил этади, бу асосни брахман яратган, жон эса руҳ (атманг) томонидан яратилган. Агар инсонниг ердаги фаолияти турли нопокликлар билан боғланмаса, Атман ва брахманларнинг аралашиш жараёни содир бўлади. Мабодо, инсон фаолияти ердаги нопокликлар билан алоқадор бўлса, унинг жони кўринишида эмас, балки ҳайвоний тана сифатида қайта туғилади. Хинд Ведаларида олам бир бутун, тирик

зотларнинг ҳаммаси бутуннинг ажралмас зараларидир. Одам эса ўша тирик зотларнинг ўзига хос шакли, кўринишидир, дейилади. Қадимий Хитой афсоналарида дастлабки инсон – одамато Паньга қиёфасида намоён бўлади. Одамнинг бошқа тирик мавжудотлардан фарқ қилувчи инсоний хислатлари ҳақидаги дастлабки мулоҳазаларни қадимий Хитой манбааларида кўриш мумкин. Инсон ҳақидаги дастлабки фалсафий қарашлар Хитойда эрамиздан аввалги VII - VI асрларда шаклланган. Қадимги Хитой файласуфлари фуқароларнинг бахтли ёки бахтсиз бўлиш сабабларини осмондан эмас, балки улар яшаётган ижтиомий муҳитдан излаганлар. Уларнинг таъкидлашича, жаъми яхшилик ва ёмонликлар одамлардан тарқалади. Хитойда кенг тарқалган Конфуций (э.а. 551-479 й.) таълимоти бўйича, одамлар ўз табиатларига кўра хаммаси бир, фақат тарбия туфайли улар бир-бирларидан фарқ қиладилар. Конфуцийнинг инсон тўғрисидаги фикр-мулоҳазалари, шогирдлари билан бўлган суҳбатларни акс эттирувчи «Суҳбатлар ва мулоҳазалар» асарида ифодаланган. Жамиятда содир бўлаётган турли аҳлоқсизликлардан ташвишга тушган Конфуйций фуқароларни тарбиялашга ҳаракат қилади, уларни инсофга чақиради. У инсонийликнинг турли фазилатларини ўзида мужассамлаштирган инсон фақат ўзи учун эмас, балки жамият учун, бошқалар учун яшамоғи даркор, деб ҳисоблайди. Инсон тўғрисидаги қарашлар эрамиздан аввалги VII - VI асрларда Ўрта ва Яқин Шарқ мамлакатларида, хусусан Туронда кенг тарқалган диний- фалсафий таълимотларда, чунончи зардуштийлик таълимотида акс этган. Бу таълимотнинг марказий муаммоси – одам билан олам ва улар ўртасидаги ўзаро алоқадорлик. Ушбу таълимотга мувофиқ бутун олам, шу жумладан одам борлиғи ҳам тўғри унсурдан: тупроқ, сув. ҳаво, оловдан иборат. Зардуштийлик таълимотига кўра, олам қарама-қарши кучлар, хусусан, яхшилик ва ёмонлик, ну рва зулмат орасидаги курашга асосланган. Бу курашни ҳеч қачон муросага келтириб бўлмайди, бу кураш бутун коинотни қамраб олган. Яхшилик, ёруғлик Ахура Мазда, ёмонлик зулмат эса Ахриман

худолари тимсолида намоён бўлади. Бутун оламни, ундаги барча нарсаларни, шу жумладан одамни ҳам эзгулик худоси Ахура Мазда яратган эмиш. У яратган ер юзида пайдо бўлган биринчи Одам Ато Ийим, деб номланган экан. Ахура Мазданинг кўрсатмасига мувофиқ Ийим ер юзига турли жонли мавжудотлар, хусусан, одамлар, ҳайвонлар, қушлар уруғини сочибди, уларни парвариш қилибди. Шу аснода, Ийим ер юзида 900 йил яшайди. Одам боласининг сони кўпайиб ер юзи унга порлик қила бошлабди. Ана шунда Ийим худога мурожаат қилиб, ерни кенгайтиришни сўрайди ва бунга эришибди ҳам. Бир куни Ахура Мазда ер юзини музлик босиб келаётгани хақида Ийимни огоҳлантирибди. Ийим ер юзида мавжуд тирик мавжудотларни сақлаб қолиш учун махсус уй қуриб, барча тирик мавжудотларнинг энг яхши зотлари, энг зўр навларидан бир жуфтдан сақлаб қолибди. Зардуштийлик таълимотида инсон фаолиятини бошқариб турадиган энг катта куч-ахлоқ нормалари эканлиги хақидаги ғоя илгари сурилган. Шунинг учун Зардушт Олий ибтидо – Ахура Маздадан инсонинг кундалик амалий фаолиятини бошқарувчи қонун-қоидаларни аниқлаб беришни сўраган. Манна шунда Ахура Мазда бутун олам борлиғи икки бошланғич асос – эзгулик ва ёвузлик атрофида мужассам эканлигини хабар қилади. Бунда эзгулик мусаффо, беғубор осмонга, ёвузлик эса жаҳаннамга қиёс қилинади. Одамлар Ахура Мазда томонидан юборилган ахлоқий нормалар, тартибларга амал қилсалар, яхшиликнинг ёмонлик устидан ғалабаси таъминланади. Яхшилик билан ёмонлик орасидаги курашда ҳал қилувчи ролни – инсон, унинг иймон-эътиқоди ўйнайди, дейилади зардуштийлик таълимотида Зардуштийликда таъкидладики, инсон иймон-эътиқодини учта йирик таянчи мавжуд: фикрлар софлиги, сўздаги собитлик ҳамда фаолиятининг инсонпарварлиги. Инсон, унинг оламга муносабати қадим Юнон фалсафасида марказий ўрин тутади. Юнон олими Суқрот (э.а. 469-399)нинг фалсафий мулоҳазалари марказида инсон ва унинг онгини ўрганиш туради. Суқротнинг инсон

тўғрисидаги қарашларида ахлоқий рационализм марказий ўрин эгаллайди. У аҳлоқсизлик ҳақиқатни билмасликдир, инсондаги ёмонликлар – билимсизликнинг натижасидир, деб ҳисоблайди. Платоннинг фикрича, инсон асосан икки бўлажак уюшмасидан иборат. Биринчи бўлак - ўлмас жон, иккинчи бўлак – тана. Инсонинг жони ҳам икки қисмдан иборат: олий – юқори қисм ва пастки – қуйи қисм. Олий қисмда ақл-заковат тўплаган, унинг ёрдамида инсон абадий ғоялар сирини билиб олади ва фаровонлик, эзгулик томон интилади. Пастки қисм - ҳис-ҳаяжонга асосланган. Платон одамларни уч катта тоифага бўлган. Биринчи тоифадагилар – ақлли кишилар, иккинчи тоифадагилар - ҳис-ҳаяжонга берилувчилар, учинчи тоифа – доқийларга, йўлбошчиларга сажда қилувчилар. Аристотель инсон жисми ва ижтимоий қиёфаси орасидан алоқадорликни тушунтириб беришдда ўз ўтмишдошларидан анча илгарилаб кетади. У оламдаги жами тирик мавжудотлар ҳаётининг асосини жон ташкил қилади, деб ҳисоблайди. Бу жон уч туркумга бўлинади: энг паст туркумдаги жон - ўсимликлар, иккинчи туркумдаги ҳайвонларда, энг олий туркумдаги жон – одамзодда бўлади. Аристотель инсон деб аталувчи тирик мавжуотни бутун ва бўлинмас, деб талқин этади. Айни вақтда «инсон ўз табиатига кўра сиёсий мавжуотдир», деб таърифлайди. Олим одамларни фақат моддий фаровонлик эмас, балки ижтимоий адолат принципларига риоя қилиш эзгулик томон бошлайди, деб ҳисоблайди. Эзгулик деганда, акл-заковат билан иш кўришни, меҳрибонлик, мардлик, очиқкўнгилликни, тўғрилик, хайриҳохликни тушунади. Аристотель инсонниг ҳар томонлама камолоти ҳақида фикр юритади ва юксак ахлоқий поклик, ташки ва чики гўзаллик, ижтимоий-сиёсий етуклик каби фазилатларни олий камолотга етказадиган фазилатлар, деб ҳисоблайди. Ўрта аср Ғарбий Европа фалсафасида инсон хақидаги диний қарашлар илгари сурилади. Чунончи, христиан фалсафасининг худо инсон қиёфасида гавдаланди. Христиан фалсафасининг йирик намоёндаси Фома Аквинский фикрича инсонда мавжуд фазилатларнинг энг олийси – ақлдир. Инсон ақл

ёрдамида яхши ва ёмон, эзгулик ва жоҳилликнинг фарқига боради. Эзгулик тўрт кўринишда, чунончи: донишмандликда, жасурликда, муътадилликда ва адолатпарварликда намоён бўлади. Аквинский бу фазилатларга Яна христианликка хос уч фазилатни: ишонч, умид ва муҳаббатни ҳам қўшади. Ислом фалсафасида Одам суратини (Одам Атони) лойдан ясаганлиги, кейин унга жон ато этганлиги, Момо Ҳавони Одам Атонинг «чап биқинидан» яратилганлиги ва бутун кишилик жамияти Одам Ато ва Момо Ҳаводан тарқалганлиги ҳақида ғоя илгари сурилган. Қуръони Каримнинг ал-исро сурасида. Биз одам болаларини азиз – мукаррам қилдик ... ва уларни ўзимиз яратган жуда кўп жонзотлардан афзал, устун қилиб қўйдик; дейилган. Ислом дини таъсири остида мусулмон фалсафаси ва унинг мутакаллимлик ва мутазаллийлик таълимотлари шаклланди. Мутакаллимлар оламни, одамни тушуниш асосларини Қуръони Карим ақидаларидан изладилар. Улар инсонинг тақдири азалдан белгиланган, деган ғояни илгари сурадилар – Мутазаллийлар худо инсонга ўхшаш, деб тушунтирадилар. Айни вақтда улар инсонниг ақлини, оламни ўзгартириш борасидаги фаолиятини юқори баҳоладилар. Мусулмон фалсафасидаги хурфикрлиликда инсон муаммоси ўзгача талқин қилинди. Бу йўналишнинг йирик намоёндаси Мансур Халлож таълимотига мувофиқ, мустақил, эркин фикр юритиш қобилиятига эга бўлган инсон комиллик, орифлик даражасига кўтарилиши мумкин. Инсон муаммоси Ўрта асрлар Ўрта Осиё файласуфлари қарашларида муҳим ўрин тутади. Абу Наср Форобий (870-950 йиллар) одамнинг танаси пайдо бўлиши билан, уни «озиқлантирувчи қувват» вужудга келади. Ўша қувват ёрдамида инсон танаси озиқланиб туради ва шу жараёнда сезги органлари пайдо бўлади. Сезги аъзолари туфайли инсонда ҳис, тасаввур, хотира бирлашиб, хаёл ҳосил бўлади. Хаёл қуввати ёрдамида инсон билим, ҳунар эгаллайди, фаолият кўрсатади, фойда, зарарнинг фарқига боради. Инсон ўзининг ақл-заковати билан оламдаги бошқа тирик мавжудотлардан фарқланади. Унинг ақл-заковати борлиқ турли-туман кўринишларининг

асосидир. Ўрта аср шароитида инсонниг инсоний фазилатлари хислатларини аниқлашда, Форобий ўз замондошларидан анча илгарилаб кетади. Форобий «Бахт-саодатга эришув хақида» номли рисоласида инсонниг хислатлари, фазилатлари хақида фикр юритади. Абу Али ибн Сино инсон тана ва жондан ташкил топган. Инсон бошқа тирик мавжудотлардан ўзининг фирк юритиш қобилияти билан тубдан фарқ қилади, деб ҳисоблайди. Абу Райҳон Берунийнинг фикрича, инсон оламдаги барча мавжудотлардан ўзининг яратувчанлиги билан тубдан фарқ қилади; яхшилик, ростгўйлик, олийжаноблик, меҳр-шавқат, муҳаббат каби фазилатлар инсонни улуғлайди. Ёлғончилик, ёмонлик, ичиқоралик, қўполлик, ўғрилик, тухматчилик каби иллатлар инсонни тубанлаштиради. Абу Райҳон Беруний инсон ўз меҳнати билан улуғдир. Меҳнат ёрдамида инсон ўз баданини турли иллатлардан, хусусан, дангасаликдан, ялқовликдан, ишёқмасликдан қутқаради, деган фикрни илгари суради. Юсуф Хос Ҳожиб кишиларни аҳлоқий баркамоллиги ёки аҳлоқсизлигига қараб яхши ва ёмон одамларга бўлади. У камтар, оддий, ҳалол, ҳақгўй кишилар жамиятнинг бебаҳо бойлиги; мунофиқ, ёлғончи кишилар юрт учун зарарли иллат эканлигини қайта-қайта такрорлайди. Уйғониш даври фалсафасида ҳар томонлама ривожланган шахс ғояси олға сурилади. машҳур инглиз гуманисти Томас Мор «Утопия» асарида инсон шахси тубанлашувининг сабаблари ҳақида фикр юритиб ўғрилик, дайдилик тубанлашувнинг кўринишларидир. Бу каби иллатларни тугатмоқ учун нопок йўллар билан топилган бойликларни йўқотиш даркор, деган хулосага келади. XVII - XVIII аср Ғарбий Европа фалсафасида инсон тўғрисидаги диний қарашлар танқид остига олинди, инсон, унинг моҳияти, келиб чиқиши ҳақида янги илғор ғоялар илгари сурилди. Машҳур инглиз файласуфи Ф.Бэкон (1561-1626 й.) ўзининг «Янги Оргонон» асарида инсонинг табиат устидан ҳукмрон бўлишида фан ютуқларига таяниш зарурлигини исботлаб берди. машҳур инглиз файласуфи – Томас Гоббс (1588-1679 й.) фикрига кўра,

жамият – жуда катта механизм, инсон ўша буюк механизмнинг мурватидир. Инсон деган мавжудот бир-биридан мутлақо фарқ қилувчи икки мухим бўлакдан иборат. Унинг биринчи бўлагини жисмоний, иккинчи бўлагини – маънавий қобилиятлар ташкил этади. Инсондаги маънавий қобилиятлар табиат томонидан инъом этилмайди, балки улар ўзлаштирилади. Гоббс инсонинг маънавий қобилиятларини мавжуд ижтимоий шарт- шароитлар билан боғлаб тушунтиришга ҳаракат қилади. Инглиз файласуфи Джон Локк (1632-1704 й.) «Инсон аҳли тўғрисидаги тажриба» асарида инсон қалби худди оқ қоғоз варағидек тоза бўлиб, фақат тажриба ўша қоғоз саҳифасини турли ёзувлар билан тўлдиради. Инсонни янги билимлар билан қуроллантирмоқ учун тажрибага таянмоқ лозим. Ҳар қандай билим ёки ғоянинг манбаи – тажрибадир, деган фикрни илгари суради. Инсон фаолияти кўрсатишда ўз ақлида мавжуд бўлган билимга таянади, деб таърифлайди у «Ақлни бошқариш хақида рисола»Сида. XVIII аср француз олими, маърифатпарвар Жан Жак Руссо (1712-1778 й.)нинг инсон муаммосига доир фалсафий фикрлари унинг «Одамлар орасида тенгсизликнинг келиб чиқиши ва асослари хақида мулоҳаза», «Ижтимоий шартнома», «Эмил ёки тарбия тўғрисида»ги асарларида акс этган. XIV асрнинг иккинчи ярми ХХ асрнинг бошларида Туркистон Чор Россияси томонидан босиб олинган, мустамлакачилик сиёсати Айни авжига чиққан пайтида ўлкада маърифатпарварлик ҳаракати шаклланди. Бу ҳаракат одамларни илм эгаллашга чақирди, ўтмиш авлод меросини тарғиб қилди, ижтимоий-иқтисодий, маънавий қалоқликдан чиқиш йўлларини излади. Инсон муаммоси маърифатпарварлар ижодида ўзига хос талқин топди. Маърифатпарвар Аҳмад Дониш (1827-1897 й.) инсон оламни, ўзи яшаётган ижтимоий мухитни ўзгартиришга қодир. Бунинг учун у нафақат диний, балки дунёвий билимларни билиши зарур, деб ҳисоблайди. «Биз дунёни гуллаб-яшнаши учун, денгизларни кезиб ўрганиш учун, ер ости бойликларини топиш учун, дунёнинг ажойиб сирли томонларини талқин

этиш учун, унинг ҳамма қитъалари ва аҳолисини билиш учун туғилганмиз», деб ёзади Дониш ўзининг «Наводир ул-вақоеъ» асарида. 1 Фурқат жамиятда маънавий қашшоқ, нопок, галварс кишиларининг кўпайиши – фожеа, офатдир. Фан нодон – олий кишилар йўлини ёритувчи, уларни тўғри йўлга бошловчи йўлчи юлдуз, чироқдир. Илм-фан қанчалик тез ривожланса, жамият аъзоларининг орзу-умидлари шунчалик тез рўйёбга чиқади, маънавий қашшоқ одамлар сони камаяди. Маърифатли, билимдон, одамлар қанча кўп бўлса, жамият ҳаёти шунча тез инсонпарварлашади, деган хулосага келади. XIX аср охири ХХ аср бошларида жамиятни инсонпарварлаштириш ғояси Ўрта Осиёда кенг тарқалган жадидчилик ҳаракатининг бош ғояси эди. Бу ҳаракатнинг намоёндаларидан бири Абдулла Авлоний (1878-1943 й.) ўз асарларида ўрта Осиё халқлари жаҳон цивилизацияси ютуқларидан, илм- маърифат, маданиятдан бебаҳра қолмасликни, халқ ўта қашшоқлашиб, қулларча ҳаёт кечираётганлигини афсус ва алам билан тасвирлайди. Авлоний асарларининг бош мавзуси – инсон. Унинг фикрича, инсон бутун борлиқнинг кўрки ва шарафидир. Инсон бутун мавжудот соҳибидир, чунки унинг ақл- заковати бор. Инсон шу қудрати туфайли илм эгаллайди. Инсон ўзининг ақл- заковати туфайли бошига тушадиган ҳар қандай бало-қазодан сақланади. Инсонпарвар жамиятнинг мухим вазифаларидан бири – фуқаролар, айниқса ёшлар ақлий камолоти ҳақида қайгуришдир. Инсон муаммоси немис классик фалсафасида мухим ўрин тутади. Немис классик фалсафасининг йирик вакиллари Иммануил Кант, Гегель, Фихте, Шеллинг, Гегель, Людвиг, Фейербах инсоншунослик соҳасида билимларнинг ривожланишига катта ҳисса қўшдилар. Иммануил Кант (1724- 1804 й.) инсонга таъриф берганда уч мухим томонга ахамият бериш мумкинлигини таъкидлайдилар: 1. Тирик мавжудот сифатида инсонда ҳайвоний аломатларнинг борлиги. 2. Тирик ва ақлли мавжудот сифатида унда инсонийлик аломатларининг борлиги. 3. Ақлли мавжудот ва шунинг 1 Ахмад Дониш. Наводир ул-вақ оеъ. – Т., 1964 йил, 60-61 бетлар

билан бирга унда фкир-мулоҳазаларни сингдириш имконияти мавжуд бўлган шахс аломатлари борлиги. 2 Кант ўз диқкатини инсон фаолиятини, унинг қобилиятларини, малакатларини ўрганишга қаратди. Инсон камолоти масаласи Вилгельм Гегель (1770-1831 й.) фалсафасининг диққат марказида бўлди. Унинг фикрича, инсон – дунёвий руҳнинг бегоналашувидан ўзга нарса эмас. Гегель инсонниг шаклланиши жараёнини руҳнинг чуқурлашишидан иборат, деган фикрни илгари суради. Инсон муаммоси Людвиг Фейербах (1704-1782 й.) фалсафий қарашларида алоҳида ўрин тутади. Фейербах учун инсон – энг аввало моддий объект. Инсонни худо яратган эмас, инсон худони яратган. Фейербах инсонинг фазилатларини шаклланишида биологик омилларнинг тутган ўрнини мутлоқлаштирди. Фейербах жамиятдаги барча одамлар борлиғининг энг муҳим элементи вазифасини муҳаббат бажаради, деган ғояни илгари сурди. Инсон муаммосига марксизм фалсафаси ўзига хос ёндошади. Карл Маркс ўзининг «Капитал» асарида инсон – ижтимоий иқтисодий тараққиётнинг маҳсули, деган хулосага келди. Бу хулоса инсон тўғрисидаги фалсафий фикрлар тараққиётига қўшилган мухим ҳисса бўлиб ҳисобланади. Маркс «инсон табиати» деганда индивиднинг алоҳида жинсга хос тирик мавжудот эканлигини ифодаловчи биологик, психологик ва ижтимоий хусусиятларининг йиғиндисини тушунди. Маркс асос солган инсон тўғрисидаги конепция Ф.Эноянс томонидан ривожлантирилди. Энгельс биринчи марта «Маймуннинг одамга айланишида меҳнатнинг роли» асарида инсон антропогенез жараёни маҳсули эканини асослаб берди. Маркс, Энгельснинг энг катта ютуғи – инсон тўғрисидаги диалектик концепциянинг яратилганидир. Ушбу концепцияга мувофиқ, жамият қандай бўлса, ўша жамиятга шаклланган инсон қиёфаси ҳам шундай бўлади. Шунинг учун ҳам инсон қиёфасида мавжуд бўлган яхши фазилатлар ҳам, ёмон иллатлар ҳам – жамият, унда мавжуд бўлган ишлаб чиқариш муносабатлари билан боғлиқ. 2 Қаранг: Анвар Чориев. Инсон фалсафаси. Инсон тўғрисидаги фалсафий фикрлар тараққиёти. – Т., 1998 йил, 162-бет.

XIX асрнинг 40-50 йилларидан бошлаб классик фалсафага қарама- қарши ноклассик фалсафа шакллана бошлади. Бу фалсафа экзистенциализм, персонализм, неопозитивизм, прагматизм, космизм фалсафий оқимларида ўз ифодасини топди. Экзистенциализм фалсафий оқими шулар жумласидандир. Даниялик файласуф Кьергор (1813-1855 й.) инсонни тахлил қилиш мақсадида «экзистенция» тушунчасини киритди. Инсонни, унинг ички дунёсини билишга илмий методни қўллаб бўлмайди. Яшаш бу – «ички дунё». Яшаш – ички дунё инсонинг бетакрорлигини кўрсатади. Яшаш деганда Кьеркегор мавжудлик томон боришни тушунади ва уни уч босқичдан иборат, деб билади: Биринчи босқич – эстетик босқич. Иккинчиси - аҳлоқий босқич. Учинчиси – диний экзистенция. Биринчи босқич заминида яшаш, чуқур-ҳаловатга қизиқиш, инсон эхтиёжини қондириш ётади. Бунда яшаш йўлини танлаш энг оддий шаклда бўлади, чунки объект инсон ҳис-туйғуларини қондириш асосида танланади. Иккинчи, ахлоқий босқичда инсон ўзини-ўзи англайди, ўз маъсулиятини ҳис қилади. Яшашнинг хақиқий маъносини инсон учинчи – диний босқичда ҳис қила олади. Инсон азоб чекиг эвазига яшаётганини билади. 3 Кьеркегор фикрича экзистенция деганда инсон борлиғининг мавжудлик усули, моҳияти эмас, балки инсон шахсининг билиб бўлмайдиган, такрорланмас ҳолатлари назарда тутилади. Унинг экзистенциалистик қарашлари «ёки-ёки», «Қўрқув ва титроқ», «ўлим касали» асарларида баён этилган. Экзистенциализм фалсафаси ХХ асрнинг бошларида Германияда вужудга келди. 3 Қаранг: Фалсафа. Қомусий лугат. – Т., «Шарқ», 2004 й., 214-бет.

Экзистенциализм фалсафасида инсон муаммосига ўзига хос ёндашув акс этган. Агар классик фалсафада инсоннинг моҳияти ақл-заковати асосида талқин қилинган бўлса, бу йўналишда инсон эрки ҳақида фикр юритилади. XIX асрнинг ноклассик фалсафасига инсон муаммосини олиб киришда машҳур немис файласуфи Ницщенинг (1844-1900 й.) ўрни катта. У халқ яъни баркамол инсон тўғрисидаги қарашларни илгари суради. Ницще фикрича, инсон боласида холиқлик ва махлуқлик бор бутун ҳолда уюшади. Ницще инсон чинаккам комиллик даражасига кўтарилмоғи учун аввало маҳлуқларга хос қилиқлардан холи бўлмоғи даркор, деб ҳисоблайди. Экзистенциолизм фалсафасининг асосий ғояларидан бири шуки, инсонинг хусусияти – у ўзини ўзи яшайди, мавжуд бўла туриб, моҳиятини бунёд этади. Мабодо индивид инсон даражасига кўтарилганида унинг онги ва фаолиятида нуқсонлар мавжуд экан, бунга, аввало, ўзи айбдор. Чунки инсонниг табиати у яралгунга қадар мавжуд бўлмайди ва индивиднинг ўзидан бошқа ҳеч қандай куч уни инсонга айлантира олмайди. Бундай ғояни илгари суриш билан экзистенциал фалсафа инсонниг шаклланишида унинг ўзи масъул эканлигига эътибор қаратади. Экзистенциализм инсон фаолиятининг рационал томонларига диққат қаратади. Хусусан, инсон фаолиятида турли конфликтлар содир бўлганда ақл-заковат ҳукмига қулоқ солиш, ақл кучи билан ҳар қандай вазиятдан чиқиш – инсон амалий фаолиятининг мухим шарти эканлигини таъкидлайди. Оддий инсонниг «хушёр ҳисоб-китоблари», энг оғир дамларда ўзи билан ўзи маслаҳатлашиши уни турли фожеа ва даҳшатлардан сақлаб қолади. Демак, ўз экзистенциясини топган кишининг қийинчиликни матонат билан енгишига жасорати етади. Ҳозирги замон фани маълумотларига қараганда одам деб аталувчи ягона биологик турга мансуб тирик мавжудотнинг инсонга айланиши узоқ давом этган эволюцион жараёндир. Мутахассисларнинг фикрларига кўра бу жараён 3-3,5 млн йил давом этган. Инсонниг фаолияти, турмуш тарзи замонлар ўтиши билан ўзгариб борган. Шу ўзгаришларнинг турли-туманлиги инсонларнинг бир-биридан фарқ қилиши учун асос вазифасини бажарган.

Фаолиятнинг, турмуш тарзининг турли туманлиги инсонларнинг бирини иккинчисидан фарқ қилувчи белгиси ҳисобланган. Инсоннинг оламдаги бошқа мавжудотлардан фарқ қилувчи мухим хусусиятлари нималардан иборат? Инсонниг ҳаёти, фаолияти, унинг ирсий- генетик хусусиятлари табиий-ижтимоий мухит таъсирига боғлиқми? каби саволларга олимлар ҳалигача жавоб излаганлар. Хўш, инсонниг оламдаги бошқа тирик мавжудотлардан фарқини кўрсатувчи энг мухим хусусиятлар нималардан иборат? Биринчидан, инсон оламдаги бошқа тирик мавжудотлардан хотираси, тафаккури, тили борлиги билан ажралиб туради. Айниқса, тил инсон авлодлари ва аждодлари орасидаги алоқада ворислик вазифасини бажаради. Иккинчидан, инсоннинг инсонийлигини белгиловчи энг мухим хусусият – маданият. Инсонниг ўз фаолиятини тартибга солиш, йўналтириши – маданият. Маълум бир жамиятга бирлашиб яшаши – маданият. Унинг фаолиятини маълум бир мақсадга йўналтирувчи омил – маданият. Учинчидан, инсонниг ҳайвонан фарқ қиладиган энг мухим хусусияти - ўзининг яшаши, турмуши учун зарур бўлган моддий ва маънавий бойликларни ишлаб чиқариш малакасига эга бўлиши. Фан нуқтаи назаридан инсонга нисбатан «инсон энг ақлли мавжудот», «инсон ўзини ўзи англовчимавжудот», «инсон-маънавий мавжудот» деган фикрлар ишлатилади. Одамнинг инсонга айланиши ва жамиятга бирлашиши антропосоциогенез жараёнининг натижасидир. Антропогенез жараёнида меҳнат асосий роль ўйнайди. Меҳнат туфайли инсон ўзи яшаётган табиий муҳитни ўзгартиради, моддий ва маънавий бойликлар яратади, ўзини ҳам ўзгартиради. Меҳнат антропогенез (яъни одамнинг шаклланиши) ва социогенез (жамиятда яшаш, иноснга айланиш) жараёнининг марказий омилидир. Антропосоциогенезнинг иккинчи муҳим омили-тил. Антропосоциогенезнинг муҳим омили инсонни инсон ишлаб чиқаришдир.

Антропосоциогенезнинг муҳим омили-ижтимоий-ахлоқий меъёрлар ва нормаларнинг вужудга келиши. Одамнинг дастлабки аждоди «палеантроп) овчилик, термачилик фаолиятидан ишлаб чиқариш фаолиятига ўта бошлади. Бу одам ўзида инсонга хос ижтимоий фазилатларни мужассамлаштирайтганидан далолат беради. Инсон антропосоциогенез жараёнининг маҳсули эканлигини ҳозирги замон Фани ҳам тасдиқламоқда. Шунинг учун инсондаги табиийлик билан ижтимоийлик орасидаги алоқадорликни билиш муҳим аҳамиятга эга. Инсон учта буюк қудрат: тана-руҳият-маънавиятнинг йиғиндисидир. Инсоннинг биологик ҳолати деганда унинг жисмида содир бўладиган морфофизиологик, генетик, электрохимик ўзгаришлар, ёши, ирқи, жинсини ифодаловчи аломатлар тушунилади. Инсоннинг руҳий (психологик) ҳолати – унинг ҳис-туйғулари, кайфияти, иродаси, темпераменти. Инсоннинг маънавияти-унинг фазилатлари хислатлари, қобилиятлари, малакалар йиғиндиси. Айнан маънавият инсоннинг ижтимоий қиёфасини вужудга келтиради. Фалсафа курсининг натропология бўлимида одам-инсон-индивид-шахс тушунчалари устида тўхталиб ўтган эдик. Одамнинг ижтимоийлик хислати шахсдир. Шахс тушунчасида инсоннинг жамиятда тутган ўрни ва бажарадиган вазифалари акс этади. Шахс, аввало, яхлит жамиятнинг алоҳида бўлаги, унда мавжуд ижтимоий муносабатлар жамулжам бўлади. Жамият тараққиёти жараёнида инсон ўз ички дунёси ва манфаатларига кўра бошқалардан фарқланадива аста-секин жамоа аъзосидан шахс даражасига кўтарилиб боради. Инсон индивид сифатида дунёга келади, шахс бўлиб шаклланади. Инсоннинг шахс бўлиб шаклланишида жамият ижтимоий муҳит муҳим ўрин тутади.

Шахс тушунчасида мазкур инсоннинг барча ижтимоий вазифалари, барча муносабатлари ифодаланди. Инсон амалий фаолият жараёнида шахс сифатида шаклланиб боради. Шахс ижтимоий аҳамиятли хислат ва фазилатларни ўзида мужассамлаштирган инсон. Шахснинг хислатлари унинг жамият ижтимоий-иқтисодий ва маънавий ҳаётидаги иштирокида намоён бўлади. Шахснинг хислатлари деганда6 а) жисмоний; б) маънавий; в) ижтимоий хислатлар назарда тутилади. Шахснинг жисмоний хислат-фазилатлари деганда унинг жисми, гавда тузилиши, кийиниши, уй-оиласи, у томонидан яратилган жаъми нарсалар ўзини мухофаза қила олиш, ўзи ва бошқалар ҳақида қайғуриши назарда тутилади.. Шахсга хос ижтимоий хислатлар бошқа кишилар билан бўладиган ўзаро алоқа ва муносабатларда шаклланади. Шахснинг турли ижтимоий бирликлар-гуруҳлардаги роллари турлича бўлади. Масалан «она», «фарзанд», «қўшни», «дўст», «харидор». Шахснинг маънавияти, унинг ички олами, руҳияти, «мен» лиги ифодаси сифатида намоён бўлади. Шахс моҳиятини ифодаловчи бу томонлар яхлитликда намоён бўлади ва инсоннинг «мен» ини ифодалайди. Шахснинг шаклланиши жамиятда тўпланган тажрибаларни, қадриятларни ўзлаштириш жараёнидир. Шахснинг шаклланишига таъсир кўрсатадиган омилларни икки гуруҳга бўлиш мумкин: а) инсоннинг ўзига хос биологик хусусиятлари б) ижтимоий муҳит ижтимоий муҳит деганда инсон ҳаёти кечадиган жамиятдаги иқтисодий, ижтимоий-сиёсий, информацион маънавий шарт-шароитлар назарда тутилади. Ижтимой муҳит-бу жамият, ижтимоий муҳит, оила, меҳнат ва ўқув жамоалари, қўни-қўшни, дўст-биродарлар назарда тутилади. Ижтимоий муҳитнинг муҳим томонни жамиятда мавжуд сиёсий тизим ташкил этади. Жамият сиёсий тизимининг характери шахс қобилиятларини рўёбга чиқаришга имконият яратиши мумкин.

Шахс муаммосининг муҳим томонидан бир-шахс типологияси масаласидир. Бажарадиган вазифаларига кўра шахсларни а)сиёсий, б) эстетик, в) иқтисодий, г) диний, д) ижтимоий типларга; Ижтимоий хусусиятларига кўра: а) фан ёки санъат намоёндалари б) тафаккур соҳиблари в) кучли ҳиссиёт соҳиблари г) инсонпарварлар, биринчилар типларига; Цивилизацион нуқтаи назардан: а) шарққа хос шахс типларига; Психоэнергетик хусусиятларига кўра: а) юксак психоэнергетик хислатли (агрессив) шахслар б) пастэнергетиклик хислатли ўз дунёсига ғарқ бўлган, мулоқотга киришавермайдиган шахслар, ўзига ишонмайдиган шахслар, хафақон, ғамгин шахслар в) шароитга қараб тез ўзгарадиган шахслар типи 1 Шундай қилиб, одам – табиатдаги олий биологик тур. Бу тур узоқ тараққиёт жараёнида инсонга айланади. Жамиятда муайян ўрин тутган, ижтимоий муносабатларга кириша оладиган, ўзлигини ва жамиятни, ўзининг жамиятдаги ўрнини англаган инсон-шахс ҳисобланади. 1 О.Г.Данильян, В.М.Тараненко. Философия – Москва, «ЭКСМО» 2005 йил, 365-374 бетлар.

Адабиётлар: 1. И.Каримов. Инсон ҳуқуқлари, эркинликлари ҳамда манфаатлари-энг олий қадрият. – Т., «Ўзбекистон» 2005 йил ёки «Халқ сўзи» газетаси, 8 декабирь 2005 йил. 2. И.Каримов Баркамол авлод - Ўзбекистон тараққиётининг пойдевори. – Т., «Ўзбекистон» 1997 йил. 3. Фалсафа. Ўқув қўлланма. Э.Юсупов таҳрири остида.-Т., «Шарқ», 1999 йил, 272-283 бетлар. 4. Фалсафа асослари. – Т., «Ўзбекистон» НМИУ, 2005 йил, 272-280 бетлар. 5. Анвар Чориев. Инсон фалсафаси. Инсон тўғрисиаги фалсафий фикрлар тараққиёти. I китоб – Т., « Chinor ENK », 1998 йил. 6. Инсон фалсафаси. II Мустақил шахс. – Т., « Chinor ENK », 2002 йил. 7. О.Г.Данильян, В.М.Тараненко. Философия – Москва, «ЭКСМО» 2005 йил, 365-374 бетлар.

O'xshashlar

Шахс ва инсон фаоллиги ижтимоий узгаришларнинг мухим омили

Жамият ва шахс

Инсон биоижтимоий мавжудот

Фалсафада инсон муаммоси

Инсон- олий қадрият