Фуқоролик жамияти - Falsafa - Referatlar

Фуқоролик жамияти

Yuklangan vaqt:

19.09.2022

Ko'chirishlar soni:

0

Hajmi:

59 KB

Ko'chirib olish

Фуқоролик жамият Режа: 1. Фуқоролик жамияти, унинг тузилиши. 2. Фуқороларнинг ўз –ўзини бошқариш органлари. 3. Ўзбекистонда фуқоролик жамиятини барпо этишнинг ўзига хос томонлари.

Таянч тушунчалар: Очиқ жамият, ёпиқ жамият, фуқаролик жамияти, фуқароларнинг ўзини-ўзи бошқариш органлари, маҳалла, жамоат ташкилотлари, нодавлат ташкилотлари. Сўнгги пайтларда ижтимоий фалсафада «очиқ жамият», «ёпиқ жамият», «ахборотлашган жамият», «фуқаролик жамияти» каби тушунчалар кўп қўлланмоқда. Фуқаролик жамияти жамиятнинг муайян шакли, кўринишини ифодалайди. «Фуқаролик жамияти», «фуқаролик» тушунчаларига қадимдан кўп омиллар ўз муносабатларини билдирганлар. Чунончи Юнон файласуфи Аристотель ўзининг «Сиёсат» асарида фуқаролик жамияти масаласига алоҳида тўхталган ҳамда грек полисларини фуқаролик жамиятининг ўзига хос модели, деб билган. У фуқаролик жамияти, деганда бахтли ҳаётни таъминлайдиган жамиятни тушунган. Бундай жамиятни бошқаришда давлат қонунларининг тўғри, адолатли бўлиши, давлатнинг халқ манфаатлари йўлида хизмат қилиш зарур, деб ҳисоблаган ўз даврида Абу Наср Фаробий «Фозил одамлар шаҳри» асарида «фозил шаҳар» ғоясини илгари суради. «Фозил шаҳар» олим идеалидаги фуқаролик жамияти эди. Форобий идеал жамият – фозил шаҳар деганда адолатли, кишиларнинг самарали меҳнати, илм соҳибларининг ақл-заковатлари, ҳаётий тажрибалари юксак қадрланадиган жамиятни тушунган. Бундай шаҳарда маърифат, илм- фан ривожланади, инсон камолоти таъминланади, инсонлар ўзаро ҳақиқат яшайдилар. Тенгхуқуқлик ва эркинлик салтанади ҳукмронлик қилади. Орзудаги жамиятда давлат бошликлари ўз фаолиятларида адолат, тенг ҳуқуқлилик, фуқароларнинг манфаатларини кўзлаб иш тутадилар. Фуқаролик жамияти муаммосига оид қарашлар И.Кант, Гегель, Руссо фалсафий қарашларнинг мухим томонини ташкил этади. Кант орзу қилган идеал жамият ҳолати – бу жамият аъзолари ўртасидаги тинч-тотувлик,

ҳамкорлик, ҳамжиҳатликдир. Идеал жамиятда эркинлик мухим ахамиятга эга. Сиёсий эркинликнинг асосий шарти – бу жамият аъзоларининг қонун олдидаги тенглиги. Кант тенглик деганда мутлоқ тенгликни назарда тутмайди. Насл-насабгаалоқадор имтиёзларни баратараф этиш лозимлиги ҳақида фикр юритади. Унингча, кишиларни мутлоқ тенгликда сақлашга уриниш ижтимоий адолатсизликдан бошқа нарса эмас. Гегельнинг хуқуқ фалсафасида ҳам фуқаролик жамиятига оид қарашлар илгари сурилган. Янги давр фалсафасида фуқаролик жамияти муаммосига француз мутафаккирлари кўп эътибор берганлар. Шулардан бири – Жан Жак Руссодир. (1712-1778) у ўзининг «Ижтимоий шартнома ёки сиёсий хуқуқ тамойиллари» деб, номланган машҳур асарида фуқаролик жамиятини тузиш асосларини қараб чиқади ва ўзаро тенглик, хуқуқ-қоида, меъёрларига хурмат, халқ манфаатлари масаласига эътибор қаратади. Жан Жак Руссо ижтимоий тенгсизликка идеал давлат ва жамиятни қарор топтириш йўлидаги энг асосий тўсиқ, деб билади. У ўрининг «Тенгсизликнинг келиб чиқиш сабаблари» асарида тенгсизликнинг келиб чиққан сабабларини таҳлил қилар экан, унга тарихий ҳодиса сифатида ёндашади. Жамиятдаги кузатиладиган турли нуқсонларнинг бош манбаи – тенгсизлик. Тенгсизликнинг бош сабаби хусусий мулк, давлат эса бу тенгсизликни кучайтиради. Шунинг учун жамиятда бойликларни тенг тақсимламоқ лозим. Олим ҳар қандай хусусий мулкка эмас, фақат турли бузилишларга олиб келадиган йирик хусусий мулкчиликка қарши курашади. Айни вақтда шахсий меҳнатга асосланган хусусий мулкчиликни жамиятнинг асоси, деб ҳисоблайди. Руссонинг фикрича, жамиятнинг бойлар ва камабағалларга бўлинишини бартараф этиш орқали ижтимоий тенгликни таъминлаш мумкин. «Фуқаролик жамияти» тушунчаси ижтимоий фалсафага ХХ асрда кириб келди ва бу нарса инглиз олими, файласуф Карл Поппер (1902-1994 й.) номи билан бевосита боғлиқ. Поппер «Очиқ жамият ва унинг душманлари»

асарида «ёпиқ жамият» ва «очиқ жамият» тўғрисидаги таълимотни илгари сурган. Карл Поппернинг бу асарни ёзишдан мақсади тоталитаризм ҳақидаги қарашларни чуқурлаштириш ва унга қарши кураш самарадорлигини оширишдан иборат эди. Олим ёпиқ жамиятни тоталитар сиёсий тузумнинг маҳсули сифатида таърифлайди. Унинг фикрича инсоният доимо тоталитар сиёсий тузум билан курашиб келган. Инсоният ўзининг келажагини инсонпарварлик принципларига асосланган ижтимоий-иқтисодий муносабатларни қарор топтириш билан боғлиқ бўлган масалаларга қаратилмоғи лозим, деб ҳисоблайди. Поппер ва бундай сифат ҳолатига эга бўлган жамиятни «очиқ жамият» деб атайди. У очиқ жамиятни бозор муносабатлари билан боғлайди ва шу асосда «очиқ жамият», «фуқаролик жамияти» ҳақидаги концепцияси илгари суради. Очиқ жамиятда жамият фуқаролари шахс ҳисобланади. Унда муайян қарорларни қабул қилишда фуқаролар иштирок этадилар. Карл Поппер инсонпарварлик тамойилига асосланган ижтимоий тузумга эришмоқ учун инсоният бешта муҳим вазифани адо этмоғи лозим, деб ҳисоблайди. Булар: 1. Эркинликни мустахкамлаш, ундан келиб чиқадиган маъсулиятни англаш; 2. Дунёда тинчлик ўрнатиш; 3. Қашшоқликка қарши кураш; 4. Демографик портлашга қарши кураш. 5. Зўровонликка қарши таълим-тарбияни жадаллаштириш. 1 Шуни таъкидлаш лозимки, «жамият» ва «фуқаролик жамияти» синоним тушунчалар эмас. Умуман олганда, жамият – бу кишиларнинг умумийлиги, органик бирлиги ва яхлитлиги. Фуқаролик жамияти эса жамиятнинг муайян бир кўринишидир. 1 Фалсафа. Қомусий лугат. – Т., «Шарқ» 2004 йил, 331-332 бетлар.

Фуқаролик жамияти у ёки бу бу мамлакатнинг ҳар бир фуқаросига иқтисодий ва сиёсий туркумини ўз ихтиёри асосида қуришга тўла эркинликни кафолатловчи маълум ижтимоий тизим. Фуқаролик жамиятининг бош тамойили ўз-ўзини бошқариш. Давлатнинг ижтимоий сиёсий фаолиятида демократия қоидалари қанча кўп амал қилса, фуқаролик жамияти шунчалик ривожланади. Хақиқий демократик давлат, бу – албатта ривожланган фуқаролик жамиятига эга бўлган давлатдир. Фуқаролик жамиятида давлат фаолияти устидан фуқароларнинг назорати ўрнатилади, давлатнинг кўпгина функциялари фуқароларнинг ўз- ўзини бошқариш органларига ўтади. Фуқаролик жамияти инсоният цивилизациясининг маҳсули ҳисобланади. Фуқаролик жамияти мураккаб тузилишга эга. Фуқаролик жамиятининг таркибий қисмларига: а) иқтисодий соҳада – майда хусусий корхоналар, косперативлар, акционерлик жамиятлари, фуқаролар ташаббуси билан шаклланган хилма-хил ишлаб чиқариш бирлашмалари, жамоалари, жамиятлар; б) иқтисодий соҳада – оила, ўзини-ўзи бошқариш ташкилотлари, сиёсий партиялар, турли ҳаракталар, жамоатчилик фикрини ўрганувчи нодавлат институтлари, муассаса ва ташкилотлар; в) маънавиятда – нодавлат ташкилотлар (масалан диний ташкилотлар), оммавий ахборот воситалари, турли илмий, ижодий уюшмалар киради. Ҳозирги кунда Ўзбекистонда эркин фуқаролик жамиятини қуриш бўйича катта ишлар амалга оширилмоқда. Эркин фуқаролик жамияти қонун устувор, ижтимоий адолат ҳукмрон бўладиган инсоннинг хуқуқ ва эркинликлари олий ўринга кўтарилган жамиятдир. Республика Президенти Ислом Каримовнинг «Ўзбекистоннинг ўз истиқлол ва тараққиё йўли», «Ўзбекистон XXI аср бўсагаисда: хавфсизликка таҳдид, барқарорлик шартлари ва тараққиёт кафолатлари» рисолаларида

эркин фуқаролик жамиятини барпо этиш йўллари ва бу борадаги вазифалар илмий жиҳатдан асосланган. Эркин фуқаролик жамиятининг моҳияти Президент И.Каримов томондан шундай таърифланади: «Биз учун фуқаролик жамияти – ижтимоий макон. Бу маконда қонун устувор бўлиб, у инсонниг ўз-ўзини камол топтиришга монелик қилмайди, аксинча ёрдам беради. Шахс манфаатлари, унинг хуқуқ ва эркинликлари тўла даражада рўёбга чиқишга кўмаклашади» 2 . Бу жамиятни барпо этишнинг стратегик вазифалари. Ислмо Каримовниг аса рва нутқларида, аввало «Ўзбекистон XXI аср бўсағаисда: хавфсизликка тахдид, барқарорлик шартлари, тараққиёт кафолатлари» асарида берилган. Булар: 1) Демократик хуқуқий давлатни қарор топтириш. Айнан демократик ҳуқуқий давлат жамиятда мавжуд манфаат ва муносабатларни мужассам ҳолда ифодалайди. Демократик хуқуқий давлат узлуксиз таракқий этиб борувчи давлатдир. Бу давлатнинг қонунлари инсон ва фуқаролар хуқуқларини тўла рўёбга чиқаришга хизмат қилади. 2) Эркин фуқаролик жамиятини қуршнинг мухим шарти демократияни ҳар томонлама ривожлантиришдир. «Жамиятда демократиянинг қай даражада эканлигини белгиловчи камида учта мезон бор. Булар – халқ қарорлар қабул қилиш жараёнларидан қанчалик хабардорлигидир. Хукумат қарорлари халқ томонидан қанчалик назорат қилиниши, оддий фуқаролар давлатни бошқаришда қанчалик иштирок этиришидир». 3 3) Фуқаролик жамиятини қуриш бир қанча ваколатли вазифаларга давлатдан маҳаллий ҳокимят органларига, фуқароларнинг ўз-ўзини бошқариш органларига босқичма-босқич топширишни кўзда тутади. Бунда давлат ҳокимяти ўз диққат-эътиборини тараққиётнинг стратегик вазифаларини ҳал қилишга (мудофаа, давлат хавфсизлиги, ташқи сиёсат, қонунлар қабул қилиш ва ҳ.к.) қаратади. Бошқа масалаларни ҳал қилиш эса 2 И.Каримов. Ўзбекистон XXI аср бўсағасида: хавфсизликка тахдид, барқарорлик шартлари ва тараққиёт кафолатлари. – Т., «Ўзбекистон» 1997 йил., 13-бет. 3 Ўша асар. 181-бет.

аста-секин давлат ҳокимятни органларидан жамоат ташкилотларига, фуқароларнинг ўзини-ўзи бошқариш органларига топтирилиши кўзда тутилади. 4) Эркин фуқаролик жамиятини барпо этиш сиёсий институтлар ва нодавлат ижтимоий уюшмалар ва жамоатчилик тизимлари ролининг тобора ортиб боруву билан характерланади. Бугунги кунда республикада 9690 фуқароларнинг ўзини-ўзи бошқариш органлари мамлакат ижтимоий ҳаётида жуда катта ўрин тутмоқда. Республикада 5 сиёсий партия (ХДП, «Фидокорлар Миллий Демократик» партияси, «Миллий тикланиш» демократик партияси, Либерал-демократик партия) «Халқ бирлиги» ҳаракати, «Камолот» ёшлар ижтиомий ҳаракати, касаба уюшмалари, Хотин- қизлар ташкилотлари, 300 дан ортиқ республика ва халқаро нодавлат ташкилотлари, турли жамғармалар фаолият кўрсатмоқда. Инсон ҳуқуқлари бўйича Олий Мажлисининг Ваколатли институти – Омбудсяен ташкил этилган. 5) Эркин фуқаролик жамиятини шакллантиришнинг мухим омили – маънавиятни юксалтириш оммавий ахборот воситаларини ҳар томонлама ривожлантиришдан иборат. «... оммавий ахборот воситалари ҳар бир киши ўз фикрини ифода эта олишига имкон берадиган эркин минбар бўлиши керак». 4 Бугунги кунда Ўзбекистонда 609 номда газета, 162 номда журнал нашр этилмоқда 5 . Шундай қилиб, эркин фуқаролик жамиятини барпо эти шва ривожлантирувчи – бизнинг стратегик мақсадимиз, чунки бундай жамиятда инсон, унинг хуқуқлари, эркинликлари ҳамда манфаатлари олий қадрият ҳисобланади. 4 Ўзбекистон: 13 йил мустақил тараққиёт йўлида. – Т., «Ўқитувчи» 2004 йил, 13-14 бетлар. 5 И.Каримов. «Ўзбекистон XXI асрга интилмоқда» - Т., «Ўзбекистон» 1999 йил, 30-бет.

Адабиётлар: 1. Ислом Каримов «Ўзбекистон XXI аср бўсағасида: хавфсизликка тахдид, барқарорлик шартлари ва тараққиёт кафолатлари» - Т., «Ўзбекистон» 1997 йил. 2. Ислом Каримов «Ўзбекистон XXI асрга интилмоқда» - Т., 1999 йил. 3. Ислом Каримов. «Ўзбекистонда демократик ўзгаришларни янада чуқурлаштириш ва фуқаролик жамияти асосларини шакллантиришнинг асосий йўналишлари» - Т., «Ўзбекистон» 2002 йил. 4. С.Э.Крапивенскйи. Социальная философия. – Т., «ВЛАДОС» 1998 й., 205- 214 бетлар. 5. Фалсафа. Қомусий луғат. – Т., «Шарқ» 2004 йил.

O'xshashlar

Оила, фукаролик жамияти ва давлатнинг ахлокий асослари хамда шахс ахлокий тарбияси

Оила, фукаролик жамияти ва давлатнинг ахлокий асослари хамда шахс ахлокий тарбияси

Ижтимоий – сиёсий хукукий қадриятлар

Тарихий жараёнларнинг субъекти ва харакатлантирувчи кучлари

Жамиятнинг сиёсий ҳаёти