Фалсафа – методология - Falsafa - Referatlar

Фалсафа – методология

Yuklangan vaqt:

20.09.2019

Ko'chirishlar soni:

0

Hajmi:

120 KB

Ko'chirib olish

Фалсафа – методология Режа: 1. Методология: тушунчалари ва таркиби. 2. Гипотеза ва назария – туғри методология махсули. 3. Фалсафий методология мохияти. 4. Фалсафий методология функциялари 1

К И Р И Ш Замон шиддат билан узгариб бормокда. Ижтимоий хаётимизниннг бирор сохаси йукки, замон нафасидан холи булса, замон таъсиридан айри булса. Ким билсин, ХХ асрнинг охири- ХХ1 асрнинг боши инсоният тарихига узгаришлар шиддати зур бир давр сифатида кирар. Кишилик жамиятидаги узгаришлар маънавиятини, ижтимоий онг шакллари ва даражаларини хам четда колдирмаётир. Айтайлик, ХХ асрда фан ва илмий онг тубдан узгарди. У мураккаб табиатга эгалиги кашф килинди. Кечагина узгармас догматларни таргиб килиш билан чекланган дин хам модернизация жараёнларини бошидан кечирмокда. Бундай шароитда фалсафа ва фан, фалсафа ва дин уртасидага тафовутлар хусусида фикр юритиш энг мухими, “Фалсафа нима?” деган саволга жавбо бериш алохида ахамият касб этади. ХХ аср шундай масалани кун тартибига куйишини (умуман олганда, фалсафа тарихида мутахасислар бу саволга бир неча бор (агар муттасил) булмаса) жавоб беришга муваффак булганлар) олдиндан хис этган Генрих Струве 1890 йилда “Фалсафага кириш” деб номланган асарини нашр килади хамда “фалсафа фалсафаси” деб номланган янги ихтисосликни шакллантириш зарурлигини асослаб беради. Унинг фикрича, фалсафа фалсафаси (буни хозир “фалсафий билим назарияси” ёхуд “метафилософия” деб хам атайдилар) фалсафий муаммолар табиатни аниклаш фалсафа объекти ва предметини ифодалаб бериш, фалсафанинг ижтимоий онг бошка шаклларидан фаркини очиш билан шугулланиш керак. Бирок шу мавзуга багишланган яхлит илмий ишлар бармок билан санокли даражада. Узбек фалсафасида хам фалсафа фалсафасини яратиш зарурияти аллакачонлар пишиб етилган. Муаллиф ана шу заруратни кондиришга уз хиссасини куйишни максад килиб куяди. 1. Методология: тушунчалари ва таркиби 2

Хар кандай системанинг таркибий-функционал тахлили шу системани ифодаловчи тушунчанинг мазмунини ифодаловчи тушунчанинг мазмунини очиб беришдан, яъни таърифлашдан бошланмоги даркор. Бирок таърифнинг хам узига хос мушкулликлари бор. Гап шундаки, хар кандай система мухим ва номухим белгиларни узида жамлайди. Системани номловчи тушунча эса факат мухим белгиларни ифодаламоги, шу тушунчага берилган таърифда ана шу мухим белгилар санаб утилмоги шарт. Лекин системани тадкик килган мутахасислар тадкикотнинг ракурсига караб, у ёки бу белгиларни мухим деб хисоблайдилар ва уз таърифларини хам ана шу нуктаи назардан баён киладилар. “Методология” тушунчасининг таърифланиши хам ана шу хусусиятдан холи эмас. Шу боисдан биз мазкур тушунчани тугридан-тугри таърифлашдан аввал унинг турлича талкинларини тилга олиб утишни маъкул топдик. “Методология” тушунчасига турлича таъриф берадилар. Хусусан, В.Ядовнинг фикрига кура, “Методология-илмий тадкикот принциплари системасидир”. 1 Албатта, принциплар методологиянинг мухим таркибий кисмларидан биридир, лекин методология нафават норматив коидалар, балки муаммолар ва ёндашувлар, услублар, усулларни хам узи ичига олади. Шу сабабли В.Ядовнинг фикрига кушилиб булмайди. Методологияни методлар хакидаги таълимот сифатида талкин этган. А.Хожибоев, П.Алексеев, А.Паниннинг мулохазаларини хам асос килиб булмайди. 2 Чунки мазкур дефиницияларда мантикнингт асосий коидаларидан бири бузилади. Унга кура, таърифда тушунча мазмунини ташкил этувчи барча мухим белгилар камраб олиниши шарт. Бошка бир файласуф – А.С. Кравцевнинг таъкидлашича, метология – инсон билиш фаолиятининг назариясидир. 3 Худди шу фикрни профессорлар 1 Ядов В. Социологические исследования: методология, программа, методы.- Москва, 1987, с. 241. 2 Қаранг: Фалсафа. Э.Юсупов таҳрири остида.-Тошкент, 1999, 422-бет; Алексеев П.В.Панин А.В. Философия.-Москва, 1997, с. 509; 3 Қаранг: Основы философии. Под ред. Е.В.Попова. – Москва, 1997, с.141. 3

Е.К.Войшвилло ва М.Г.Дегтярёвлар хам уктириб утадилар 4 .Унинг асосий вазифаси эса, мутахассисларнинг фикрига кура, илмий билиш методлари ва шаклларини назарий жихатдан асослаб беришдир. Юкорида баён этилган мулохазалар хакикатдан йирок эмас, бирок уларда услублар ва усуллар, принциплар ва императивларнинг нафакат илмий билишда, балки билишнинг хар кандай шаклида кулланиши эътибордан четда колади. А.А. Грицановнинг ёзишича, “метология-инсон назарий ва амалий фаолиятини ташкил этиш ва амалга ошириш йуллари хакидаги таълимотдир”. Инсон фаолиятини ташкил этиш ва амалга ошириш йуллари хакидаги таълимотдир” 5 . Инсон фаолиятининг турлари ва воситалари уларнинг ривожланганлиги даражасига, ечилиши зарур булган муаммолар характерига боглик. Методологиянинг асосий максади ана шу “инсон – муаммо” системасидаги рационал, аклга мувофик муносабатлар дастурини яратиш ва уни руёбга чикаришдан иборат. Бизнинг фикримизча, айнан ана шундай таърифгина “методология” тушунчасининг мазмунини тулик очиб бера олади. Методологиянинг фалсафий муаммолари Шаркда зардуштийлик таълимотида, Абу Наср Форобий, Абу Али ибн Сино, Нажмиддин Кубро, Азизиддин Насафийларнинг фалсафасида тахлил килинган. 6 Гарбда эса методологиянинг фалсафий муаммолари Сукрот, Платон, Аристотель, Ф.Бэкон, Р.Декарт, И.Кант, Ф.Шеллинг, Г.Гегель, К.Маркс, Г.Хакен, Л.Пригожин ва бошкалар томонидан урганилган. 7 Хусусан, Платон, урта асрда ижод килган схоластлар ва Г.Гегель диалектика, Р.Декарт радикал шубха, И.Кант априор билиш ва аклни танкид килиш, К.Маркс тарихни 4 Қаранг: Войшвилло Е.К., Дегтярев М.Г., Логика. – Москва, 1998, с. 20. 5 Новейший философский словарь. Сост. А.А. Грицанов. – Минск, 1998, с. 420. 6 Қаранг: Авесто. – Гулистон, 1999, №1-3; Абу Али ибн Сина.Избранные философские произведения. – Москва, 1980; Комилов Н. Нажмиддин Кубро. – Тошкент, 1995; Насафий А. Зубдатул ҳақойиқ – ҳақиқатлар қаймоғи. – Тошкент, 1996; Фараби А. Логические трактаты. – Алма – Ата, 1975. 7 Аристотель. Топика. Соч. в 4-х томах. – Москва, 1978, т.2; Бэкон Ф. Новый Органон или истинные указания для истолкования природы. – Москва, 1935; Гегель Г. Наука логика. – Москва, 1980, т.1; Декарт Р. Рассуждения о методе… Соч. в 2-х томах. – Москва, 1989, т.1; Кант И. Критика чистого разума. – Москва, 1991; Маркс К. Нищета философии. Маркс К., Энгельс Ф. Соч.- Москва, 2-е изд, т.4; Рлатон. Диалоги. – Москва, 1980; Пригожин И., Стенгерс И. Порядок из хаоса. Новый диалог «Человека с природой». – Москва, 1986; Хакен Г. Синергетика. – Москва, 1980. 4

материалистик тушуниш, марксистлар материалистик диалектика, Л.Пригожин ва Г.Хакен синергетика услубларини шакллантирдилар. Юкорида тилга олинган функциялар хакида маълумотга эга булиш метологияни структуравий-функционал тахлил килиш имконини беради. Зеро, методологиянинг таркибини тахлил килишга булган эхтиёж кучайиб бормокда.Чунки ХIХ аср фанида билишга оид узгармас стандартларга ишонч кучли эди. Бунга сабаб шуки, аксарият холларда объектнинг узгариб, ривожланиб боришига камрок эътибор бериларди. Боз устига, фан тараккиёти келажакда янги услуб ва усулларни вужудга келтириши мумкинлиги инобатга олинмасди. Бирок ХХ аср тарккиёти билиш стандартларининг билиш жараёнига, урганилаётган объектнинг ривожланганлиги даражасига, тадкик этилаётган объектнинг типига боглик эканлигини номоён килди. Методология асосларида ижтимоий-тарихий, маданий-маънавий, инсон ва шахсга оид улчовлвр юзага келди. Унинг мохиятини янгича англаш, янги позициядан туриб структуравий-функционал тахлил килиш эхтиёжи шакллана борди. Хуллас, хозирги замон методологиясида билиш муаммоларининг динамикаси, билиш воситаларининг маданий-тарихий табиати категориялар ва тушунчалар мазмунининг узгарувчанлиги, янги услублар, усуллар ва принципларнинг шаклланиши билан боглик муаммолар алохида ахамият касб этмокда. Мазкур муаммоларга доир мулохазалар катор янги фалсафий тасаввурларни юзага келтирди. Хусусан, методология муаммоларини тадкик килаётган мутахасисларнинг таъкидлашларича, методология нафакат билиш жараёнини тахлил килишга, балки инсон томонидан ижтимоий борликни узлаштириш максадида ташкил килинган фаолият схемасини урганишга хам интилмоги даркор. Афсуски, узбек фалсафасида мазкур муаммога багишланган илмий тадкикот ишлари сони нихоятда кам. Методология муаммолари кейинги йилларда чоп этилган санокли китоблар ва маколалардагина тадкик 5

килинади. 8 Бирок методологиянинг структуравий тахлилига багишланган бирор фундаментал монография ёки илмий-фалсафий адабиётларда “методология” ва “метод”, “услуб” ва “усул” тушунчаларини палапартиш ишлатиш холлари руй бермокда, катор чалкашликларга йул куйилмокда. Масалан, Ж.Туленов ва З.Гофуровлар “метод” тушунчасини “усул” тушунчаси билан тенглаштиради. 9 Натижада “Илмий метод нима?” деган саволга жавобан “усул” тушунчасининг таърифи келтирилади. М.Ахмедова ва В.Хан тахрири остида нашр килинган “ Основу философии” укув кулланмасида анализ ва синтез, индукция ва дедукция каби усуллар услуб сифатида талкин килинади. 10 Куриниб турибдики, Хар кандай методологик муаммони хал килиш учун биринчи навбатда методологиянинг асосий тушунчалари мазмунини, улар орасидаги тафовутни англаб етишимиз зарур. Структуравий тахлилнинг асосий максади хам ана шундан иборат. Инсоннинг амалий ва назарий фаолиятини тахлил килар эканмиз, энг аввало инсон хал килмокчи булганмуаммонинг нафакат мазмуни, балки характеринихам аниклашимиз лозим. Бинобарин, муаммо-методологиянинг асосини ташкил этувчи илк тушунчадир. Муаммо - грекча “тусик”, “кийинчилик”сузларидан олинган булиб, кенг маънода хал этилиши зарур булган мураккаб назарий ёки амалий масалани англатади. Тор маънода эса муаммо деганда маълум максадга эришиш имконини берадиган воситалар камлик килган, самара бермай куйган вазиятни тушунадилар. Хар кандай тадкикот ижодий характерга эга булгани туфайли муаммонинг аникланиши ва тугри куйилиши билан боглик. Айрим холларда “муаммо” тушунчасини “масала” тушунчаси билан киёслайдилар. Лекин хар кандай масала хам муаммо даражасига кутарилавермайди. Аввалдан маълум булган билим мазмуни ва хажмини 8 .Қаранг:Каримов И. Фалсафа-яхлит фан.-Тошкент, 1998;Методологическая подготовка личности.-Тошкент, 1995;Раҳимов И.Муроса фалсафаси.-Тафаккур, 1997, N 3;Ҳайдаров У. Фалсафаси ва фан методологияси.- Тошкент, 1996. 9 Қаранг: Тўленов Ж, Ғафуров З. Фалсафа.-Тошкент, 1997, 242-бет. 10 Қаранг: Основы филисофии. Под ред. М.Ахмедовой, В.Хана.-Тошкент, 1998, с 204. 6

аниклаш максадида ифодаланган масалани муаммо деб булмайди. Муаммо хам инсоният учун маълум булган билимларга таянади, лекин у янги жараёнлар, ходисалар, вокеалар, таркиблар ва конунларнинг хали маълум булмаган мохиятини очиб бериш максадида шакллантирилади. Ана шундай характерга эга булган масалагина муаммо сифатида тан олиниши мумкин. 11 Бошкача айтадиган булсак, муаммо- бу билимсизлик, билимнинг етишмаслиги хакидаги билимдир. Муаммо инсон билиш фаолиятининг асосини ташкил этиши, тадкикот йуналишини белгилаши учун хакконий характерга эга булиши, кун тартибига тугри куйилиши зарур. Юзаки муаммолар ёки хакконий булсада, нотугри куйилган муаммолар тадкикотчининг билиш борасидаги фаолиятини ташкил килиш кудратига эга булмайди. Ёндашув- тадкикот стратегияси ва дастурини характерловчи парадигматик, синтагматик ва прагматик таркиблар ва механизмлар комплексидир. 12 Бошкача айтадиган булсак, ёндашувда муаммони бартараф килиш учун асос килиб олинган назарий гоялар, методологик коидалар, максадга мувофик деб топилган фаолият тури уз ифодасини топади. Йигирманчи асрда тафаккур ва фаолиятнинг барча сохалари методология нуктаи назаридан бахолана бошланди. Бундай шароитда методологлар феноменология, структурализм, синергетика, текстология каби унлаб ёндашувларни вужудга келтирдилар. Тадкикот стратегияси ва дастурини танлашда объектнинг узига хос хусусиятлари, ривожланганлиги даражаси, шунингдек ёндашувнинг ишончлилиги меъёри хам инобатга олиниши шарт. Масалан, борлик ва унинг шакллари орасидаги узаро алокадорликни тадкик этаётганда, объектив реалликни урганаётганда диалектика ва синергетикадан фойдаланиш мумкин. Лекин рух ва унинг махсуллари хакида гап кетганда тадкикотларимиз феноменологик ёндашувга асосланиши максадга мувофик. Жамият тараккиётининг турли боскичларини тахлил килишда эса узини 11 Қаранг: Алексеев П.В., Панин А.В. Философия.-Москва, 1997, с.32, 12 Новейший филисофский словарь. Сост. А.Грицанов-Минск, 1998, с.420. 7

окламаган формацион ёндашувдан воз кечиб, цивилизацион ёндашувга мурожаат этган маъкул. Муаммони хал килишда асос вазифасини утайдиган назарий гоялар ва методологик коидалар аникланиши билан бир каторда тадкикот давомида кулланиладиган тушунчалар аппаратини шакллантириш хам зарур. Тушунча – нарсалар, ходисалар ва вокеаларнинг мухим белгиларини ифодаловчи тафаккур шакли. Уз хажмига кура тушунчалар бир турдаги нарсаларни умумлаштирган, яъни якка тушунчаларга хамда ухшаш белгиларга эга булган турли нарсаларни умумлаштирган, яъни умумий тушунчаларга булинади. Мазмунан хам тушунчалар бир неча турларига эгалар. Маълумки тадкикотнинг хусусиятларига караб, бир тушунчани турлича мазмунда ишглатиш мумкин. Шунингдек, илмий манбаларда тушунчанинг хажмига кура хам турлича синфлар бирлашадилар. Шу боисдан маълум муаммони хал этишни уз олдига максад килиб куйган тадкикотчи дефиницияга оид мантикий коидаларга, тушунчаларни булишга оид принципларга амал килмай иложи йук. Бу борадаги энг асосий коидалар куйидагилардан иборат. Биринчидан, тушунчани таърифлаётганда унинг барча мухим белгилари санаб утилиши шарт. Иккинчидан, бирор синф, тур хакида гапираётганда тушунчаларни ягона асосга кура булиш зарур. Хар кандай муаммони хал этишга каратилган тадкикот тушунча хосил килишдан бошланади. Маълум усуллар асосида тушунча шакллантирилгандан кейингина муаммо хусусида мулохаза юритиш, зарурий хулосаларга келиш, тегишли тавсиялар ишлаб чикиш мумкин. Муаммо хакида тугри тушунча хосил килмасдан туриб тадкикотни бошлаб булмайди. Акс холда тадкикотчининг фаолияти ёки натижасиз якунланади, ёки ёлгондакам хулосаларга олиб келади. Фалсафий адабиётларнинг баъзиларида “тушунча” ва “категория” тушунчалари уртасида тенглик белгиси куйилади. Аслида бундай эмас. Категория хам тушунча, бирок хар кандай тушунча хам категория 8

хисобланавермайди. Умумий, фундаментал характерга эга булган, вокеликдаги энг мухим алокаларни акс эттирадиган тушунчаларгина категория деб хисобланади. Категориялар умумлаштиришнинг энг юксак чуккисидир. Инсон назарий ва амалий фаолиятининг асл максадларига эришиш учун муаммонинг тугри куйилиши, тадкикот стратегияси ва дастурининг аникланиши, зарурий тушунчалар мазмуни ва хажмининг белгиланиши кифоя килмайди, адбатта. Бунинг учун максадга элтгувчи йулларни хам англаб олиш шарт. Бу борадаги мулохазалар методологияда “метод”, яъни “услуб” тушунчаси оркали ифодаланади. Услуб- методологиянинг марказий тушунчаларидан бири булиб, билиш жараёнида кулланадиган принциплар, усуллар, императивлар системасидир. Унинг уч аспекти, яъни томони мафжуд: 1. Хар кандай услуб уз мазмунига эга. Унда тадкикот предмети хакидаги билимлар уз аксини топади. Услуб билимга, назарияга асосланади. Айрим мутахасисларнинг таъкидлашича, услубнинг узи хам назария, лекин унда объектни билиш ва узгартиришга алохида эътибор берилади, холос. Услуб-объектни билиш максадида назариядан келтириб чикарилган норматив коидалар системасидир. 2. Хар кандай услуб узига хос тарзда кулланилади. Чунки унда нафакат объектнинг, балки субъектнинг хам хусусиятлари ифодаланган. Хар кандай тадкикот объектнинг мураккаблиги даражаси, урганилганлиги холатига караб амалга оширилади. Бирок тадкикотчи объектни урганишга уз имкониятлари савеяси, илмий жихатдан тайёрланганлиги даражасига караб киришади. Бунда унинг узи танлаган услублари хам катта ахамият касб этади. Тадкикотчи танлаган услубларнинг самарадорлиги тадкикотнинг кулайлиги ва тафаккурнинг тежамлилиги даражасини белгилаб беради. Шу нуктаи назардан услуб нафакат объектив, балки субъектив характерга хам эга. 9

3. Хар кандай услуб уз кимматиги эга. Услубнинг киммати унинг ишончлилиги, тежамлилиги ва самарадорлиги даражасига боглик. Бизга маълумки, билиш услубларини уч гурухга булиш одат булган. Махсус услублар алохида фан миккиёсидагина кулланилади. Ушбу услубларнинг объективасосини тегишли илмий конунлар ва назариялар ташкил этади. Бундай услублар туркумига химиядаги сифатий тахлил, физикадаги спектиал тахлил, мураккаб системаларни урганишда кулланадиган статистик моделлаштириш киради. Умумий услублар эса барча фанлардаги билиш жараёнининг боришини характерлайди. Кузатиш, эксперимент каби услублар шулар жумласидандир. Универсал услублар эса инсон тафаккурини тулик характерлаб беради. Атрофимизни ураб турган оламни тушунишнинг умумфалсафий конуниятлари, инсон ва унинг тафаккурига доир конуниятлар мазкур услублар учун объектив асос вазиифасини утайди. Энг эътиборли универсал методлар туркумига диалектика, метофизика, синергитека ва бошкалар киради. Йигирманчи асрда файласуфлар томонидан бисёр эътироф этилган универсал услуб булмиш диалктика бир неча принцип ларни уз ичига олади. Хозирги замон фалсафаси ушбу принципларни икки гурухга булади. 13 1. Билишда дастлабки асос вазифасини утовчи принциплар туркумига оьъективлик, системативлик, тарихийлик ва диалектик зиддият прициплари киради. Ходисалар, вокеалар мохиятини урганиш вазифасини уз олдимиздаги куяр эканмиз, энг аввало, объективлик принципига амал килишимиз керак. Хар кандай акли расо киши учун объективлик-билишнинг дастлабки пойдеворидир. Мазкур принцип хакикатга ва факат хакикатга интилишга, турли фактлар ва аргументлар ичидан нарса ёки ходисанинг асл табиатини ифодалайдиган, максадга мувофик булганларинигина танлаб олишга, текширилмаган манбаларни инкор килишга ундайди. 13 1.Қаранг:Алексеев П.В., Панин А.В. Философия.- Москва, 1997, с. 4-29. 10

Тасаввуфки, таткикотларда енг куп бузиладиган принцип хам айнан объективлик принципидир. Фалсафий тафаккур тарихини Грециядан бошлаш урфи айнан шу принципнинг бузилиши эмасми? Шарк фалафасининг инкор килиниши объективлик принципига зид эмасми? Жаноб А.Н.Чанушев эркин давлат тузуми мавжуд буган юртдагина фалсафа булиши мумкин, деб уктиради. 14 Шу боисдан фалсафа кадимги Грециядан бошланар эмиш. Лекин эрамиздан аввалги V асрда 130 минг ахоли яшаган Афинада 30 минг кишигина эркин булган 15 - эркин давлаттузуми деганда шуни тушуниш керакми? Колаверса, Шарк мамлакатларида хам ахолининг хеч булмаса 20-25 фоизи эркин, озод булган. Бирок фалсафий тафаккурнинг вужудга келишига бунинг дахли йук (Дарвоке, Жаноб А.Н. Чанушевнинг узи хам фукороларнинг эркинлиги чеклаб куйилган юртда ижод килган). Фалсафа хамиша жахон цивилизациясининг илгор ютукларидан бахраманд булган юртда ривожланган. Тарихий вокеаларни, тарихий шахслар фаолиятини тадкик килишда хам объективлик принципи бузилиши мумкин. Тарихни хронология ёки баёнчиликдан иборат деб тушунган совет тарихчилари Темур, Хожа Ахрор Валий каби тарихий шахсларнинг фаолиятини кандай талкин килганлари барчамизга аён. Замона зурларининг ковогига караб битилган тарих хамиша объективликдан йирок булади. Объективлик принципи системалилик принципи билан узвий алокадор. Ушбу принцип моддий системаларнинг ички ва ташки томонларининг фаркига боришни, нарса, ходиса ва вокеаларнинг шакли ва мазмуни, тасодифий ва зарурий томонлари орасидаги тафовутларни англаб олишни талаб этади. Системалилик принципи тафаккурни элементлар ва улар орасидаги узаро алокадорликни илгаш сари етаклайди. Бирок нарса, ходиса, вокеаларнинг таркибини урганиш билан чекланиб, уларнинг динамикасини эътибордан четда колдириш хам максадга мувофик эмас. Демак, системалилик принципи билан бир каторда 14 Чанышев А.Н. Курс лекций по древней философии.-Москва, 1981, с. 16. 15 Кузницов В., Кузнецова И ., Миронов В. В., Момджян К.Х. Философия.-Москва, 1999, с. 16. 11

тарихийлик принципига хам амал килишимиз керак. Айнан ана шу принцип моддий системаларни ривожланишда тадкик этишни таказо этади. Диалектик зиддият принципи эса, урганилаётган объектга мавжуд булган ички зиддиятларни аниклашга, шунингдек мазкур зиддиятларни бартараф этиш йулларини излаб топишга ундайди. 2. Тадкикот жараёнида тугридан-тугри кулланиладиган принциплар туркумига мавхумликдан конкретликка бориш принципи, мантикийлик ва тарихийлик бирлиги принципи ва бошкалар киради. Мавхумликдан конкретликка бориш принципи тадкикот ибтидосини ва якунини белгилаб олишни, унинг асосий боскичларини аниклашни, система элиментлари орасидаги асосий алокаларга ориентация килишни талаб этади. Ушбу принцип турли назарияларни шакллантиришда ва ифодалашда катта роль уйнайди. Шу уринда таъкидлаб утмок лозимки, фикрни конкретликдан мавхумликка ёки мавхумликдан конкретликка йуналтириш объектнинг хусусиятларига боглик. Айтайлик, табиат ва унинг ходисаларини тадкик этаётганда конкрет ходиса урганилади хамда тегишли хулосалар (мавхумлик) чикарилади. Бирок ижтимоий вокеаларни билишнинг узига хос хусусиятлари мавжудки, унда фикрларимиз идеал жамият хакидаги тасаввурлардан конкрет вокеага караб боради. Мантикийлик ва тарихийлик бирлиги принципи хам нихоятда катта ахамиятга эга. Бизга маълумки хар кандай нарса, ходиса ёки вокеанинг мохиятини урганиш учун унинг ички мантигини ( яъни унинг элементлари орасидаги зарурий алокаларни) аниклаш керак. Бирок объект ички мантиги узок давом этган тараккиёт усулидир. Шу боисдан мохиятни урганишда тарихийлик хам эътибордан четда колмаслиги даркор. Мантикийлик ва тарихийлик бирлиги принципи ана шу икки узига хосликни бир-биридан ажратмаслкни, яъни мохиятни англаш учун хам мантикка, хам тарихийликка, динамикага эътиборни каратишни талаб килади. 12

Мазкур принципларнинг хар бири бир неча талабларни, фалсафа тили билан айтганда, императивларни камраб олади. Масалан, биргина тарихийлик принципи объектнинг мохиятига эътибор бериш императиви, объектнинг вужудга келиш сабабларини урганиш императиви, объектни урганишда диалектика конунларидан фойдаланиш императиви, объектнинг ривожланишидаги конунийликка эътиборни каратиш императиви, объект ривожланишининг йуналишларини аниклаш императиви, объект 16 ривожланишининг асосий теденцияларини аниклаш императиви, нафакат объектнинг, балки уни ифодаловчи тушунчанинг хам тарихини урганиш императиви узига камраб олади. Дарвоке,приципнинг оддий императивдан фарки хам ана шунда. Императив-бажарилиши зарур булган катъий талабдир, принцип эса ана шундай бир неча талаблар йигиндисидир. Бир неча принцип эса услуб таркибидан жой олади. Биз юкорида таъкидлаб утганимиздек, услуб-нафакат принциплар, балки усулларнинг хам йигиндиси хисобланади. Анализ ва синтез, мавхумлаштириш ва идиаллаштириш, умумлаштириш, умумлаштириш ва таккослаш, дедукция ва индукция, аналогия ва хаказолар шундай усулларга киради. Ушбу усуллар умуммантикий, умумгносеологик характерга эга булиб, инсон тафаккури томонидан билишнинг хар кандай даражасида кулланилади. Тафаккурнинг юкорида тилга олинган усуллари фикримизнинг йуналишини (умумийликдан хусусийликка, хусусийликдан умумийликка, мавхумликдан конкретликка, конкретликдан мавхумликка ва хаказо) курсатади. Албатта, объектни тадкик килишда канчалик самарали булмасин, бир услубнинг кулланилиши максадга мувофик эмас. Бунинг учун бир неча услублардан фойдаланилади. Айрим холларда эса мутлако янги услуб ва усулларга мурожат этилиши хам эхтимолдан холи эмас. Маълум максадга эришиш имконини берадиган усуллар йигиндисини методика деб юритилади. 16 Қаранг: Войшвилло Е.К., Дегтярёв М.Г. Логика.-Москва, 1998,с 463-464;Гетманова А.Д.Логика.-Москва, 1986 с. 224-225; Хайруллаев М.М., Хақбирдиев М. Мантиқ.-Тошкент, 1993, 292-295-бетлар. 13

Методика тадкикот учун зарур булган услуб хамда усулларни танлаш санъатини, илмини хам англатади. Хуллас, методология - инсоннинг назарий ва амалий фаолиятини ташкил этиш ва амлга ошириш йуллари хакидаги таълимот булиб, унинг асосий таркибий кисмларини муаммо, ёндашув, тушунча, услуб, принцип, императив усул ташкил этади. Илмий-фалсафий методология эвристик, мувофиклаштириш, интегратив ва мантикий-гносеологик функциялрнини бажаради. Методологиянинг мохияти, таркиби, функциялари ва бугунги кундаги муаммоларидан хабардор булиш тадкикот фаолиятини максадга мувофик ташкил этиш ва амалга ошириш малакасини шакллантиради. Тугри илмий методологик позициядан бажарилган тадкикот эса фан учун олий кадрият хисобланган илмий гипотезалар ва назарияларнинг вужудга келиши учун замин яратади. §2. Гипотеза ва назария – туғри методология махсули Максадга мувофив амаалга оширилган тадкикот ишлари янги билимларнинг вужудга келишига сабаб булади. Айрим холларда янги информация мавжуд назарияларга зид булиши хам мумкин. Бундай холларда ушбу информациян хакикатга якин илмий мулохазалар ёрдамида асослаб бериш зарурияти тугилади. Бошкача айтганда, асосланмаган информацияга таалукли илмий фаразни шакллантириш эхтиёжи вужудга келади. Табиат, жамият, инсон ва унинг тафаккурига доир ходиса ва вокеалар хакидаги илмий асосланган фаразни гипотеза дейдилар. Мутахасислар гипотезани уч турга булиб урганадилар. Бундай булишга гипотезаларнинг предмети асос булади. Чунончи, хар кандай гипотеза объект, унинг булаги ва бир элементга тегишли билимларни асослашга каратилгандир. Шунга кура, гипотезалар умумий, жузъий ва хусусий характерга эга. Умумий гипотезаларда бутун объект, нарсалар синфи хакидаги илмий фаразлар акс эттирилса, жузъий гипотезалар объектнинг бир булагига доир фикрни жамлайди. Хусусий гипотезалар объектнинг бир элементи хакидаги илмий фаразни ифодалайди. 14

Албатта, гипотезалар бир кунда сехрли таёкчанинг шарофати билан хосил була колмайди. Гипотеза- узок муддат давомида тугри методологик позициядан олиб борилган тадкикотнинг натижаси, кудратли аклнинг мислсиз мехнати хосиласидир. Шундай экан, гипотезалар узининг шаклланиши жараёнида бир нече боскични босиб утади. Чунончи, биринчи боскичда аввалдан мавжуд булган назариялар ёрдамида асослаб булмайдига фактлар мажмуи аникланади. Иккинчи боскичда мазкур фактларни асослаш имконини берадиган гипотеза шакллантирилади. Шуниси ахамиятлики, бу боскичда бир неча олимлар тмонидан катор мукобил гопотезалар шакллантирилиши ва узок вакт биргаликда мавжуд булиши хам мумкин. Янги фактларнинг маълум булиши ва билимлар хажмининг ошишигина улардан бирини кун тартибидан олиб ташлайди. Гипотезалар шаклланишининг учинчи боскичида гипотезадан келиб чикадиган окибатлар аникланади. Бунда илмий асосланган фаразни оддий; мантиксиз хаёлдан ажрата билиш зурур. Гипотезадан келиб чикадиган окибатлар детерминация принципига асосан тахлил ва талкин килиниши шарт. Туртинчи боскичда ана шу окибатлар фан конунлари ва тажриба натижалари билан солиштирилади. Нихоят, бешинчи боскичда- агар гипотезадан келиб чикадиган окибатлар хакикатдан йирок ва илмий назарияларга зид булмаса- гипотезалар асосланган билимларга ёхуд назарияларга айлантирилади. Бирок, бу мулохазалдан хар кандай гипотеза вакт утиши билан назарияга айланади, хар кандай назария эса дастурилаввалда гипотеза сифатида мавжуд булган, деган хулоса чикариб булмайди. Амалиётда асосни топмаган гипотеза вакт утиши билан илм сахнасидан тушгани каби, вокеликни миядаги хакконий инъикоси булган фикр тугридан-тугри назарияни шакллантириши хам мумкин. Айтмокчи, гипотеза ва назария орасидаги тафовут хам айнан ана шу ерда яккол намоён булади. Мазкур икки тушунча хакконийлиги даражаси билан ажралиб туради. Гипотеза шартлт равишда асосланган фикр булса, назария- мутлако тулик исботланган 15

билимлар системасидир. Назариянинг мохияти хакидаги мулохазалар билан танишсак, бунга янада амин буламиз. Назария- тушунчалар ва хукмлар каби вокеликнинг тафаккурдаги инъикосидир. Бирок, тушунча ва хукмдан фаркли уларок, назария алохида бир фикрдан иборат эмас. Назария-вокеликка, вокеликнинг бирор сохасига, ёхуд вокеликдаки бирор ходисага таалукли билимлар системасидир. Бошкача айтадиган будсак, назарияда системага, подистемага ёки бириор бир элиментга доир билимлар жамланади ва асосланади. Назариянинг предмети ходисаларнинг узига хос синфига тааллкукли булиши мумкин. Иссиклик назарияси, магтизм назарияси шулар жумласидандир. Шунингдек, назария вокеликнинг айрим акспектларини ифодалаши хам мумкин (масалан, макон ва замон назарияси). Бундай ташкари, мутахасислар методологик характердаги назарияларни хам кайд этадиларки, уларда билиш услублари ва усуллари хакидаги билимлар системалаштирилади. Назария кайси характерда булмасин, маълум функцияларни бажаради. Хозирги замон фалсафасининг маълумотларига караганда, хар кандай назария урганилаётган ходиса ёки вокеалар хакидаги маълумотларни системалаштириши, тушунтириши, улардаги ички конуниятларни аниклаши лозим. Бунда назариянинг тушунтириш функцияси алохида ахамият касб этади. Дархакикат, бирор ходиса ёки вокеанинг мохиятини тушунтириб бериш унинг унинг хусусида назария яратиш билан баробардир. Мазкур фикрни тескари ифодалаш хам мумкин: назарияни яратиш – ходиса ёки вокеанинг мохиятини тушунтириб бериш демакдир. Назариянинг тушунтириш, баён килиш функцияси айникса табиий – илмий сохада яккол намоён булади. Айтайлик, механикадаги харакат назариялари куч, масса, тезлашиш, тезлик каби омилларнинг кай тарзда алокадорлигини тушунтириб беради. Шуни хам айтиб утиш лозимки, мантикка ва математикага доир манбаларда назария деганда мантикан изчил булган хукмлар, мулохазалар йигиндиси тушунилади. Демак, ушбу манбаларда таъкидланишича, назария 16

таркибига нафакат аввалдан маълум булган ва хакконийлиги, чинлиги исботланган хукмлар, балки ушбу хукмлардан келтириб чикариладиган янги хулосалар хам киради. Албатта,ушбу таърифда назариянинг мухим характеристикаларикайд этилган, бирок унда гносеология нуктаи назаридан мухим булган хусусиятлар эътибордан четда колган. Аникрок айтадиган булсак, назария нафакат мантикан изчил булган билимлардан, балки бтлимларнинг (боз устига, илмий асосланган билимларнинг) системасидан иборатдир. Ходиса ёки вокеа мохиятини билиш унинг таркибини тахлил килишни талаб этади. Хуш, назариянинг мохиятини белгилаб берувчи таркибий кисмлари нималардан иборат? Назария таркининг энг мухим кисмларидан бири эмпирик асосдир. Эмпирик асос деганда кузатиш воситасида аникланган фактлар йигиндиси, шунингдек шу фактларни ифодаловчи тушунча ва хукмлар тушунилади. Масалан, моддаларнинг тузилишига доир молекуляркинека назариянинг эмпирик асосни вокеликда кузатилган суюкликларнинг бугланиши, жисмлар холатининг узгариши ва бошкалар ташкил килади. Эмпирик асосда жамланган илмий маълумотлар назарияни шакллантириш учун бошлангич материал вазифасини утайди. Шу боисдан, айрим мутахасислар ушбу базисни назария таркибига эмас, назария аргументлари таркибига хам киритадилар. Назариянинг иккинчи мухим таркибий кисми унинг назарий дарасидир. Назарий даража, биринчидан, эмпирик асосда келтириган фактлар умумлаштирилди, янги хулосалар хосил килинади. Эътиборлиси шундаки, назариянинг назарий дарасидаги умумлаштиришлар ва хулосалар янги тушунча ва хукмларининг вужудга келишига олиб келади. Юкоридаги фикрламиздан куриниб турибдики, назариянинг эмпирик асоси хам, назарий даражаси хам уз тушунчалари ва хукмларига эга. Шу нуктаи назардан назария – узаро алокадор булган тушунча хукмлар системасидир. Демак, назариянинг мохиятини туликлок англаб олиш учун 17

унинг таркибидаги тушуунчаларнинг типлари хакида алохида, хукмларнинг типлари хакида алохида мулохаза юритмок зарур. Назария таркибидан жой олган тушунчалар икки типга булинадилар: 1. Ходисаларнинг асосий хусиятлари ва компонентларини умумлаштирадиган тушунчалар. Масалан, механикада механик харакатга боир траектория, тезлик, тезланиш, шунингдек куч, масса, импулсь, кинетик энергия каби тушунчалар кулланилади. Мазкур тушунчалар ходисаларнинг асосий хусусиятларини ифодалайди. 2. Урганилаётган ходисалар ва нарсаларни ифодаловчи тушунчалар. Ушбу тушунчалар ёрдамида ходисалар классификацияси аслга оширилади. Эътиборли томони шундаки, ходисаларни турли синфларга булишда (яъни классификациялашда) юкорида тилга олинган хусусиятларга таянилади. Масалан, “механик харакат” тушунчаси билан бир каторда “тугри чизик буйлаб механик харакат”, “тебранба харакат” каби тушунчалар ишлатилади. Назарияларда тушунчалар билан бир каторда хукмларнинг хам роли бекиёсдир. Хукмлар хам тушунчалар каби икки типга булинадилар: 1. Урганилаётган сохага доир конунларни ифодаловчи хукмлар. 2. Мувофиклик мулохазалари. Ушбу мулохазаларда урганилаётган ходисалар билан уларни ифодаловчи термин уртасидаги мувофиклик ифодаланади. Масалан, жисм иссиклиги-уни ташкил этган заррачалар харакатининг кинетик энергиясидир. Бунда, “жисм иссиклиги” тушунчаси урганилаётган ходисани ифодаласа, “уни ташкил этган заррачалар харакатининг кинетик эниргиясидир”ибораси ходисани акс эттирувчи терминни ифодалайди. (шу муносабат билан эслатиб утишимиз зарурки, тушунча нафакат бир суздан иборат булиши мумкин. Шунингдек, термин деганда хам факат бир сузни назарда тутиш мантикдан эмас). Эмпирик асосга оид тушунчалар ва хукмларда факат факт кайд килинса, назарий даражага тегишли тушунча ва хукмларда ходисалардаги зарурийлик назарда тутилади. Улар орасидаги асосий тафовут хам ана шундан иборат. 18

Хуллас, назариянинг таркибини эмпирик асос ва назарий даража ташкил килади. Хар иккала подсистема уз тушунчалари ва хукмларига эга. Уз навбатида, мазкур тушунчалар ва хукмлар хам турли типларга эга буладилар. Бирок мазкур таркибга эга булган хар кандай билимлар системаси хам назария хисобланавермайди. Чунки назарич мазкур таркибга эга булиш билан бир каторда асосланган, яъни чинлиги исботланган булмоги шарт. Зеро, асосланганлик-назариянинг мухим харакеристикасидир. Бирор бир объектни тадкикот килишга киришган хар кандай тадкикотчи назария яратишни максад килиб куяди. Чинакам назария эса урганилаётган вокеликка мувофик булмоги зарур. Бундай мувофикликка эга булмаган назария ёлгондакам назариядир. Дарвоке, ёлгон назариялар хам булиши мумкин. Масалан, XVII-XVIII асрларда ижод килган химиклар флогистон назариясини шакллантирадилар. Мазкур назарияга кура, хар бир модда флогистонлардан (грекча phlogistos-ёнилги сузидан) иборат булиб, кизиш ва ёниш жараёнида улар камайиб борадилар. Бирок микдорий услублар асосида тадкикот утказган француз химиги А. Лавуазьв (1743-1794) кизиш ва ёниш жараёнида кислароднингролини асослаб бергандан кейин мазкур назария пучга чикди. Назариянинг хакконийлиги курсатувчи энг асосий мезон ижтимоий амалиётидир. Ижтимоий амалиёт ишлаб чикариш фаолияти, тажрибалар ва назарий билимларни инсон фаолиятига жорий килининг турли шаклларини уз ичига олади. Бунда инсон фаолияти моддий сахнасига тааллукли булмаслига хам мумкин. Чунончи, математика ва мантик натижалари кулланиладиган илмий фолият турлари хам ижтимоий амалиёт хисобланади. Лекин, шунга карамай, ижтимоий амалиёт билимларимизнинг хакконийлигини курсатиб берувчи ягона мезон эмас. Чунки биринчидан, хар кандай билимни хам амалда куллаб булмайди. Масалан, инсоният тарккиёти тенденцияларга доир билимларимизни ёки ижтимоий башорат натижаларини олайлик. Бундай билимларнинг амлда куллаб булмаслигини англаб етиш учун Лукони Хаким булиш шарт эмас. Иккинчидан, айрим холларда мутлако 19

ёлгон фикрлар хам амалда уз исботини топиши мумкин. Айтайлик, биз тилга олиб утган флогистон назарияси хам амалда уз исботини топган эди. Лекин бу билан назария хакикатга айланиб колмади. Нихоят учинчидан, амалиёт назариянинг амалий киммати аникланиши мумкин. Худди шунинг учун хам назария хакконийлиги курсатувчи мезонлар хакида гапирганда ижтимоий амалиёт билан бир каторда мантикий изчилликни хам тилга олиб утиш даркор. Вокеликни зиддиятсиз, изчил, мувофик аргументлар асосида ёритиб берадиган назариягина хакикийдир. Бунинг устига, назариянинг барча таркибий кисмлари бир-бири билан богланган ва алокадор булишизарур. Ана шундай назариягина хакконий деб тан олиниши мумкин. Назариянинг хакконийлигини, илмийлигини курсатувчи бошка мезонлар хам мавжуд. Масалан, Карл Поппер хар кандай назарияни хам (хох у чинакам назария булсин, хох ёлгон) исботласа, асосласа булади, деб хисоблайди. Хакикатдан хам, Маркснинг назарияси аъло даражада исботланган ва асосланган, хавас килса арзигулик изчилликка эга эди. Лекин бу билан у чинакам назария була колмади. К.Поппернинг фикрича, айнан ана шу хаддан зиёда асосланганлик, изчиллик кишини толиктиради. Ушбу мулохазалар асосида К. Поппер фальсификационизм методологиясини ишлаб чикади. Унга кура, чинакам назария амалдаги фактларга зид булиши зарур, ана шундагина назария илмий харктерга эга булади. Хусусан, Марк ва Адлер таълимоти барча фактларга мос булгани туфайли ёлгон эди. Хуллас, назариянинг хакконийлигини курсатувчи мезон уни рад килиш имкониятининг мавжудлигидир. 17 Назария назарияси хакида фикр юритар эканмиз, назарияларнинг турларини хам баён этишимиз лозим. Бирок назарияни турларга булар эканмиз, тушунчаларни турли асосларга кура булиш мумкинлигини эслаб утишимиз керак булади. Шу нуктаи назардан, назарияни хам бир неча асосга мувофик булиш мумкин. Масалан, уз предметига кура назариялар учга 17 Чуешов В.И. Введение в современную философию.- Минск. 1998, с. 64. 20

булинишини (вокеликка доир назариялар, вокеликнинг айрим томонига, якка хусусиятига доир назариялар) биз айтиб утдик. Шунингдек, назарияни борликнинг кайси мавжудлик усулига киришига караб хам булиш мумкин булади. Хусусан, моддий борликка доир назариялар билан бир каторда маънавий борликка тааллукли назариялар хам мавжуд. Кизиги шундаки, ушбу икки система уз подсистемаларига эга. Масалан, моддий борликни акс эттирувчи назариялар туркумига табиий-илмий ва гуманитар назариялар киради. Маънавий борликка доир назариялар хакида мулохаза юритганда математика ва мантикка оид назарияларни тилга оладилар. Хозирга замон мантикшунос олимлари назарияни тузилиш усулларига караб булишни маъкул хисоблайдилар. Уларнинг фикрига кура,назария аксиоматик ва гипотетикодедуктив туркумларга булинади. Ушбу назарияларнинг характерли хусусиятлари куйидагилардан иборат: 1 . Аксиоматик назариялар. Назариянинг номланиши унинг асосий характерини курсатиб турибди. Зеро, ушбу назарияларнинг асосий кисми аксиомалардир. Бошкача айтадиган булсак, ушбу назариялар аксиомалар системасига асосланади. Барчамиз аксиома деганда исбот талаб килмайдиган хукмни тушунишга одатланганмиз. Бирок фанда хамиша хам бундай булавермайди, иккинчи томондан эса, фанда хатто аксиома хам исбот талаб этади ва исботланади. Масалан, гиометрия аксиомалари хам амалий фаолият натижалари билан асосланганлигидан кейингина кабул килиниди. Мантик аксиомалари эса семантикага доир дедуктив назариялар таркибида исботлаб утилади. Худди шунинг учун хам аксиоматик назариялар исбот талаб килмайдиган бир неча аксиомалар системасидан иборат, уларни асослаб утиришнинг хожати йук, деган фикрга келиб булмайди. Такрорлаб утамизки, хар кандай чинакам назария исботланган булиши шарт. 2 .Гипотетик-дедуктив назариялар. Ушбу назариялар билишнинг дедуктив усули ёрдамида фикрлаш йули шакллантирилади. Аникрок айтадиган булсак, турли ходисалар ва вокеалар аввал кузатилади, сунгра 21

улардаги умумийлик аникланади. Бундай умумийлик асосида шу ходисаларнинг мохияти тугрисида гипотеза яратилади. Мазкур гипотезалар ижтимоий амалиётда текширилгандан кейин, танкидий фикр чигиригидан утказиладигандан сунггина назаричга айлантирилади. Гипотетик-дедуктив назарияларни шакллантириш жараёнида назарий ва эмпирик тадкикотлар бирлиги айникса яккол намоён булади. Хуллас, методологик тугри позициядан амалга оширилган илмий тадкикот турли гипотезаланинг ва назарияларнинг шаклланишига олиб келишига мумкин. Уларнинг хар иккаласи илмий термин, илмий бирлик булишига, машаккатли тадкикот махсули эканлигига карамасдан бир- биридан нихоятда фаркланади. Хусусан, гипотеза-шартли равишда илмий асосланган фараз булса, назария-узаро алокадор, изчил асоланган, хакконийлиги мантик ва ижтимоий амалиёт ёрдамида исботланган билимлар системасидир. Хам гипотеза, хам назария узининг эмпирик асосига ва назарий даражасига, тушунчалари ва хукмларига эга. §3. Фалсафий методология мохияти Хозирги замон мутахасисилари “Фалсафа” ва “методология” тушунчалари уртасидаги муносабатнинг мохиятини аниклашга купрок эътибор бермокдалар. Дархакикат, методология купчилик холатларда фалсафа позициясидан тахлил этилади. Иккинчи томондан эса, фалсафанинг узи методологиядир. Ушбу икки тушунча орасидаги муносабатни тулик илгаб олиш учун метофилософияга, яъни фалсафа назариясига мурожаат этмок зарур. §4. Фалсафий методология функциялари 22

Фалсафа назариясига кура, фалсафа нафакат борликнинг турли шакллари ва улар орасидаги узаро алокадорлик хакидаги маълумотлар йигиндисидан, балки ушбу маълумотларни туплаш имконини берадиган услублар, усуллар ва принциплар йигиндисидан хам иборатдир. Бошкача айтадиган булсак, иккинчи томондан методологиядир. Шунинг учун хам фалсафа дунёкараш сифатида катор функцияларни бажаргани каби методология сифатида хам узига хос функцияларга эга. Методология функциялари орасидаги энг асосийси – эвристик функциядир. Бу функциянинг мохияти илмий билимларнинг кенгайиши, ягни кашфиётлар килиниши учун замин замин тайёрлашдан иборат. Фалсафий услублар мантик услублари билан биргаликда янги билимларнинг дунёга келиши учун пойдевор яратади. Бунинг натижасида категориялар системаси экстенсив ва интенсив тарзда узгариб, такомиллашиб боради. Ягни информациялар нафакат оламни узлаштириш ва узгартириш, балки келажакни башорат килиш учун хам кулланилади. Фалсафий методология борликнинг турли шаклларига оид янги муаммоларни аниклаш ва кун тартибига куйиш, ушбу муаммоларни тадкик этиш имконини берадиган тушунчалар аппарати, услублар ва усуллар мажмуини шакллантириш, янги гепотезалар тузиш ва охир – окибатда яхлит илмий назарияни вужудга келтириш билан хам шугулланади. Методологик функциялар туркумига мувофиклаштириш функцияси хам киради. Маълумки, бирор объектни тадкик этишда бир услубни куллаш кифоя эмас. Фанлар уртасидаги катъий чегара йукола бораётган, турли фанлар “чоррахасида” янги фанлар (астрофизика, биофизика, агробиология ва хоказолар) вужудга келаётган бир шароитда “бир предмет – бир услуб” принципининг кулланилиши тадкикот самарасини пасайтиради. Масалан, молекуляр биология объектларини урганиш учун тарихий – биологик методдан фойдаланиш билан чекланмасдан, органик химия, молекуляр физика, полимер бирикмаларнинг физик химияси, кибетнитика методларига хам асосланиш керак булади. Шу боисдан илмий тадкикотлар учун турли 23

услубларни танлаш, уларни мувофиклаштириш зарурияти юзага келади. Бундай вазифани фалсафа уз зиммасига олади. Методологик функцияларнинг яна бири интегратив функция дир. XVIII-XIX асрлардаги фан тараккиётининг мухим тенденцияларидан бири янги фанларнинг шаклланиши булди. Бу турли объектларни хар томонлама урганиш имконини яратди. Лекин шу билан бирга фанлар орасидаги алокадорлик, яхлитлик суна борди, фан инкирози юзага келди. Бундай шароитда илмий билимларни интеграциялаш ва унинг ёрдамида оламнинг яхлит манзарасини яратиш зарурияти пайдо булди. Бу муаммони хал килиш учун оламнинг яхлитлиги хакидаги фалсафий принципга асосланиш керак. Вахоланки, олам яхлит экан, унинг инъикоси хам яхлит, бир бутун булмоги шарт. Фалсафанинг яна бир методологик функцияси мантикий гносеологик функция дир. Мазкур функциянинг мохияти шундан иборатки, фалсафа уз услубларини, норматив коидаларини, принципларини ишлаб чикиш, илмий билимларнинг тушунчалар аппаратини ва назарий структурасини мантикан асослаб бериш билан хам шугулланади. 24

O'xshashlar

Фалсафа – мафкура

Фалсафа фалсафаси

Фалсафа – дунёкараш

Фалсафа – мафкура

Диалектика – методология ва тараққиёт назарияси