Табиий бойликлар - Ekologiya - Referatlar

Табиий бойликлар

Yuklangan vaqt:

20.09.2019

Ko'chirishlar soni:

0

Hajmi:

165 KB

Ko'chirib olish

Табиий бойликлар Режа: 1. Табиий ресурсларнинг таснифи ва улардан окилона фойдаланиш йуллари 2. Ўзбекистон Республикасининг минерал хом-ашё ресурслари 3. Минерал хом-ашё ресурсларидан самарали фойдаланиш ва уларни муҳофаза қилиш муаммолари 4. Нефт махсулотлари билан сув захираларининг ифлосланиши ва унинг олдини олиш чора-тадбирлари 5. Полимер композицион материаллардан озик-овкат саноатида куллашнинг экологик муаммолари ва уларнинг ечиш йуллари

Табиий ресурсларнинг таснифи ва улардан окилона фойдаланиш йуллари Аслида «ресурс» сузи француз тилидан олинган булиб, «яшаш воситаси» деган маънони англатади. Ресурс деганда табиий жисмлар ва фойдаланиладиган энергия турлари тушунилади. Табиий ресурслар инсоннинг яшаши учун зарур булган шундай воситалардирки, улар жамиятга бевосита эмас, балки ишлаб чикариш кучлари ва ишлаб чикариш воситалари оркали таъсир этади. Шуни алохида таъкидлаш керакки, «табиий ресурслар» тушунчасини купгина олимлар турлича таърифлашади. Масалан, географ олимлар, акад. И.П.Герасимов ва проф. Д.Л.Арманд табиий ресурсларга энг тулик таъриф берганлар: «табиий ресурслар- кишилар бевосита табиатдан оладиган ва уларнинг яшаши учун зарур булган хилма-хил воситалардир». Проф. Ю.Г.Саушкин эса «электр энергия олиш, озик-овкат махсулотларини ишлаб чикариш учун фойдаланиш мумкин булган табиий компонентларни ва саноат учун хом-ашёларни табиий ресурслар деб таърифлайди. Географ олим А.А.Минц эса , «Табиий ресурслардан фойдаланиш шакллари ва йуналишларига караб уларни иктисодий жихатдан синфларга булишни» биринчи уринга куяди. Бу синфларга булишда, яъни таснифлашда , табиий ресурслар моддий ишлаб чикаришнинг асосий секторларида ва ишлаб чикаришдан ташкари сферада фойдаланишига караб гурухларга ажратилади. Шундай килиб, табиий ресурслар кишиларнинг яшаши учун зарур манбаларга ва мехнат воситалари манбаларига булинади. Аслида, табиий ресурслар иккита асосий гурухга булинади :

А. гурухи – моддий ишлаб чикариш ресурслари. Бу гурухга ёкилги махсулотлари, металлар, сувлар, ёгоч-тахта, балик, овланадиган хайвонлар киради. В гурухи – ишлаб чикаришдан ташкари сфера ресурслари. Бу гурухга ичимлик суви, дарахтзорлар, иклим ресурслари ва хоказолар киради. Табиий ресурсларга озик овкатга ишлатиладиган ёввойи усимликлар ва хайвонлар, ичимлик суви ва бошка максадларда фойдаланадиган сувлар, металлар олинадиган маъданлар, курилишга ишлатиладиган ёгоч тахталар, энергия ва ёкилги манбалари булган кумир, нефт ва табиий газлар киради. Табиий ресурслар 2 турга булинади. 1. Тугайдиган табиий ресурслар 2. Тугамайдиган табиий ресурслар Тугайдиган табиий ресурслар уз навбатида 2 гурухга булинади. 1. Тикланадиган ресурслар.2 Тикланмайдиган ресурслар. Табиий ресурсларнинг таснифи (синфларга булиниши) куйидаги расмда курсатилган. Т аб и и й р е с у р с л ар т у г а й д и г а н р е с у р с л а р т у г а м а й д и г а н р е с у р с л а р т и к л а н а д и г а н р е с у р с л а р т и к л а н м а й д и г а н р е с у р с л а р С у в , и к л и м в а к о с м и к р е с у р с л а р У с и м л и к в а х а й в о н о т т у р л а р и , д а р а х т л а р , т у п р о к Е р о с т и б о й л и к л а р и : м а ъ д а н л и в а м а ъ д а н с и з к а з и л м а л а р К у ё ш , ш а м о л , с у в в а т у л к и н л а р э н е р г и я с и С и фат М и к д о р А т м о с фе р а хав о с и в а с у в 1-расм. Табиий бойлик захирларининг таснифи.

Тикланмайдиган табиий ресурсларга ер ости табиий бойликлари ва фойдали казилмалар, яъни маъданли ва маъдансиз казилмалар киради. Улар фойдаланаётган даражадан миллион-миллион марта секин тикланадиган табиий ресурслар хисобланадилар. Бундай ресурсларни тиклаб булмас экан, минерал ресурслардан самарали фойдаланиш, уларни тежаб-тергаб ишлатиш ва уларни казиб олинаётганда ерларга зарар етказилишига йул куймаслик зарур. Тикланадиган табиий ресурсларга тирик мавжудотлар, усимлик ва хайвонлар, дарахтлар шунингдек тупрок киради. Тупрок йук булиб кетмайди, балки асосий хоссасини – унумдорлигини йукотиши мумкин. Бундай ресурслардан фойдаланаётганда шуни эсда тутиш керакки, муайян табиий шароитнинг бузилиши уларнинг кайта тикланишига халакит бериши мумкин. Масалан, хозирги вактда бутунлай кириб юборилган купгина усимлик ва хайвонот турлари, шунингдек, эрозия натижасида бутунлай таркиби бузилган тупроклар кайтадан тикланмайди. Бундан ташкари, шуни хам ёдда тутиш керакки, тикланадиган табиий ресурсларнинг пайдо булиш жараёни маълум тезликка эга булиши керак. Масалан, отиб ташланган хайвонларнинг кайтадан пайдо булиши учун бир ёки бир неча йил керак, аммо дарахтлари кесиб ташланган урмон камида 60-йилдан кейин кайта тикланиши мумкин. Ер кобигида тупрокнинг унумли ва хосилдор катламини хосил булиш жараёни нихоятда секинлик билан кечади. 100 йилда 0,5 см дан 2 см гача тупрок хосил булади. Таркиби узгарган тупрокни яхшиланиши учун эса бир неча минг йил вакт керак. 20 см калинликдаги унумдор тупрок хосил килиш учун табиат 2000 йилдан 7000 йилгача вакт сарфлайди. Шунинг учун табиий ресурсларни ишлатиш тезлиги, уларнинг тикланиш тезлигидан ошиб кетмаслиги керак. Тикланадиган табиий ресурслар учун заруруий шароит яратиб берилса, улар инсон эхтиёжларини кондиришга абадий хизмат килиши мумкин.

Тугамайдиган табиий ресурсларга сув, иклим ва космик ресурслар киради. Сув барча тирик организмлар учун хаёт манбаи булиб 3 та физик холатда : каттик(муз), суюк ва бугсимон холатларда учрайди. Ер шарида сувнинг умумий микдори битмас-туганмас булиб, хеч качон узгармаса керак, бирок инсоннинг фаолияти натижасида сувнинг захираси ва микдори ер шарининг айрим минтакаларида турли даврларда турлича булиши мумкин. Дунёдаги сувларнинг 94 % океанлардадир. Бевосита фойдаланишга ярокли булган ичимлик сувининг захиралари 1 % ни хам ташкил этмайди. Бирок битмас-туганмас хисобланган денгиз сувлари хам ута ифлосланиш хавфи остида турибди. Чучук сув эса сифат жихатидан тугайдиган ресурс хисобланади. Чунки инсонга хар кандай сув эмас, балки истеъмол килиш учун ярокли тоза сув керак . Ер шарининг купгина минтакаларида сувдан самарасиз фойдаланиш, дарёларнинг саёзланиб колиши ва бошка сабаблар окибатида ичимлик суви микдори кескин камаймокда. Холбуки, сугориш , саноат ва коммунал хужалик учун чучук сувга булган эхтиёж йилдан йилга ортиб бормокда. Худи шунга ухшаган микдор жихатдан олганда атмосфера хавоси тугамайдиган табиий ресурсларга киради, аммо сифат жихатдан олганда у тугайдиган ресурсларга киради. Куёш радиацияси (ёруглик, иссиклик), атмосфера хавоси, шамол, сув ва тулкинлар энергияси иклим ва космик ресурсларга киради. Ёгингарчиликлар эса сув ресурсларига хам иклим ресурсларига хам киради. Сайёрамизга келаётган Куёш нурларининг ярмидан купроги энергиянинг бошка турларига айланади.Уларнинг муайян кисми тупрок, сув ва атмосфера хавосини иситишга сарф булади ва аста-секин фазога таркалади. Уларнинг муайян кисми усимликлар томонидан узлаштирилади.

Куёшнинг нурли энергия захиралари миллиард-миллиард йилларга етиши мумкин. Шунинг учун Куёш энергияси битмас- туганмасдир. Атмосфера хавоси тирик организмлар учун хаёт манбаидир. Хаво битмас-туганмас, лекин унинг таркиби узгариши мумкин. Хаво таркибида карбонат ангидрид, радиоактив моддалар, турли газларнинг механик аралашмалари, кул, чанг ва бошка моддалар мавжуд. Бундай ифлосликларни саноат корхоналари ва хусусан , транспорт воситалари чикаради. Бу эса инсон соглигига ката салбий таъсир курсатади. Тугамайдиган ресурслардан самарали фойдаланиш учун уларни тоза саклаш ва энг аввало , сувни тежаб-тергаб сарфлаш керак. Сув ресурслари етишмайдиган минтакаларда , айникса Марказий Осиё минтакасида сувни эхтиёт килиш керак. 3. Ўзбекистон Республикасининг минерал хом-ашё ресурслари Фойдали қазилмалар гуруҳига маъданли ва маъдансиз металлар, нефт, газ, кўмир, торф ва ер ости сувлари киради. Улар инсоният учун ёқилғи ва энергия манбалари ҳисобланади. Улардан фойдаланиш йилдан-йилга ортиб бормоқда. Агар сўнгги 25 йил мобайнида дунёда кўмирга бўлган талаб 2 маротаба, калий, марганец ва фосфор тузларига 2-3 маротаба, темирга 3 маротаба, нефт ва газга 6 маротаба ошган бўлса, шу давр мобайнида аҳолининг ўсиши 40% ни ташкил этди. Ҳозирги пайтда дунё миқиёсида йилига 150 млрд тонна минерал хом- ашё қазиб олинмоқда. Табиий нураш оқибатида денгиз ва океанларга дарёлар орқали йилига 15 млрд тонна тоғ жинслари оқиб қўшилмоқда ва 3-4 млрд тонна тоғ жинслари атмосфера ҳавосига кўтарилмоқда. Инсон ўз эҳтиёжларини қондириш мақсадида йилига 1500-2000 млрд тонна тоғ жинсларини бир жойдан иккинчи жойга кўчиради.

Бирлашган миллатлар ташкилоти (БМТ) нинг маълумотларига қараганда, йилига дунёда 2,6 млрд тонна нефт, 3,6 млрд тонна хром маъдани, 3-4 млрд тонна қўрғошин маъдани, 6 млрд тонна темир маъдани, 7,3 млрд тонна мис маъдани, 32 млрд тонна кўмир, 1,2 млн тонна уран, симоб, молибден, никел, кумуш, олтин ва платина маъданлари, 120 млн. тонна фосфатлар ва 159 млн тонна туз қазиб олинмоқда. Агар қазилма бойликлардан ҳозирги тезлик билан фойдаланилса, олтин захиралари 35 йилда, рух-36 йилда, калий-40 йилда, уран-47 йилда, мис-66 йилда, сурма ва симоб захиралари 70 йилда нефт, газ ва кўмир захиралари эса 150 йилда тугаб қолиши мумкин. Шунинг учун кўпгина ривожланган мамлакатлар (Япония, Англия, Олмония, Италия, Голландия, Белгия ва бошқа мамлакатлар) да хом-ашё ва ер ости бойликларининг етишмаслиги туфайли иккиламчи чиқиндиларни қайта ишлаб, бошқа мамлакатларнинг бойликларидан фойдаланмоқдалар. Ҳозирги пайтда олимлар янги-янги конларни кашф қилишга мажбур бўлмоқдалар. Япония олимларининг маълумотларига қараганда, океан тубидаги металлар концентрациялари ҳисобига дунё саноатини ҳозирги истеъмол даражаси мис билан 2000 йил, марганец билан 14000 йил, никел билан эса 70000 йил таъминлаш мумкин. Ҳозирги пайтда ушбу бойликлардан дунё саноати эҳтиёжлари учун 1% дан 20% гача фойдаланмоқдалар, холос. Бундан ташқари, ер ости бойликлари кўпчилик ҳолатларда 1-2 тур металлар ҳисобига қазиб олиниб, қолган қисми эса атроф-муҳитга чиқинди сифатида ташлаб юборилади. Масалан, 100 тонна гранитдан 14 кг ванадий, 17 кг никел, 30 кг хром, 80 кг марганец, 0,5 тонна титан, 5 тонна рух, 8 тонна алюминий ажратиб олиш мумкин. Исрофгарчилик, айниқса, нефт, газ, кўмир, калий тузлари, қурилиш материаллари, қора ва рангли металлар, тоғ кимёвий хом-ашёларини қазиб олишда рўй бермоқда. Дунёдаги нефт конларидан 50-60% нефт қазиб олинмоқда. Ҳар йили 150 млрд тонна маъданлар қазиб олинади ва ундан

керакли элементлар ажратиб олиб, қолган 95-98% атроф муҳитга чиқариб ташланади. Қазилма бойликларни қидириб топиш, уларни ташиш ва қайта ишлаш жараёнида ҳосилдор ерлар кўлами қисқаради, ўсимликлар нобуд бўлади, тупроқ эрозияси тезлашади, натижада яроқсиз ерлар майдони ошади. Бундай яроқсиз ерлар майдони XXI асрга келиб 5-6 маротаба ошиши мумкин. Бир тонна темир олиш учун 5-6 тонна маъданлар, 1 тонна рух олиш учун 80-100 тонна маъданлар, 1 тонна мис олиш учун эса 100-140 тонна маъданлар ишлатилади. Ҳозир ер юзида миллионлаб тонна металлургия тошқоллари, иссиқлик электр станцияларидан чиққан кўплаб чиқиндилар атроф-муҳитни ифлослантирмоқда. Ҳисоб-китобларга қараганда, сўнгги юз йил давомида дунёда 200 млрд тоннадан кўпроқ тошқоллар, 3 млрд тонна куллар, 17 млрд тонна маргимуш, 1 млн тонна никел, 1 млн тонна кобалт ва бошқа фойдали ва нодир элементлар чиқинди сифатида тошқоллар ва куйқумлар билан бирга чиқариб ташланган. Ўзбекистон азалдан ер усти ва ер ости бойликларининг кўплиги ва хилма-хиллиги билан ажралиб туради. Республикамизда 94 минерал хом-ашё турларининг 850 та конлари топилган. Ёқилғи-энергетика конлари, тоғ маъданлари, кимёвий хом-ашёлар, қурилиш материаллари ва ер ости сув конларининг аниқланган захиралари асосида 370 та нефт ва газ конлари, шахталар, карерлар ва 290 тадан ортиқ ер ости чучук сув олувчи иншоотлар ишлаб турибди. Кўкдумалоқ нефтегаз конденсат конининг табиий газ захираси 143,7 млрд м 3 , нефт захираси 54,2 млн тонна, конденсат захираси эса 67,4 млн тоннани ташкил этади. Шуни алоҳида таъкидлаш жоизки, Бухоро ва Фарғона нефтни қайта ишлаш заводлари йилига мос равишда 2,5 млн тонна ва 3,5 млн тонна нефтни қайта ишлаш қувватига эга. Муборак газни қайта ишлаш заводининг қуввати

24 млрд м 3 /йил бўлиб, 8,9 млн тонна нефт (конденсат билан биргаликда) ва 55,5 млрд м 3 табиий газ қайта ишланади. Республикамизда углеводород хом-ашёларининг умумий захиралари: газ – 1828 млрд м 3 (башоратлар бўйича 2970 млрд м 3 ); конденсат – 136 млн тонна (башоратлар бўйича 175 млн тонна); нефт – 103 млн тонна (башоратлар бўйича 145 млн тонна) ни ташкил этади. Республикамиз миқёсида 20 дан ортиқ тошкўмир конлари аниқланган бўлиб, уларнинг умумий захиралари 3499 млн.т деб башорат қилинмоқда. Уларнинг саноат аҳамиятига молик бўлган захиралари Ангрен, Шаргун ва Бойсунда жойлашган. Ангрен тошкўмир конининг захираси 1885 млн. тонна бўлиб, ундан йилига очиқ ҳолда 5 млн тонна тошкўмир қазиб олинмоқда ва келгусида 10 млн тоннага етказиш чора-тадбирлари кўрилмоқда. Шаргун ва Бойсун тошкўмир конларининг захиралари мос равишда 50 млн тонна 15,6 млн тоннани ташкил этади. Фарғона вилоятидаги Гаднауз қўнғир кўмир конининг захираси 30-35 млн тонна деб башорат қилинмоқда. Ёнувчан сланецларнинг ресурси 47 млрд тонна деб башорат қилинмоқда. Уларнинг таркибида 0,04-0,164% молибден, 0,15-0,38% ваннадий, шунингдек, барий, стронций, кобалт ва бошқа нодир элементлар мавжудлиги аниқланган. Республикамизда 33 та нодир металлар ва 32 та рангли металлар конларининг хом-ашёлари ҳисобига 16 та тоғ металлургия корхоналари фаолият кўрсатмоқда. Мамлакатимиз миқёсида 27 та олтин ва кумуш конлари мавжуд бўлиб, шундан 16 та олтин ва 3 та кумуш конлари аниқланган. Ҳозирги пайтда Мурунтов, Маржонбулоқ ва Камокқир каби 7 та олтин конлари ишлатилиб келинмоқда. Собиқ Шўролар даврида ер қаъридан

олинадиган жами олтин миқдорининг 25,2% Ўзбекистон хиссасига тўғри келарди. Фақат Мурунтов олтин конидан йилига 50-55 тонна соф олтин олинади. Нодир металларнинг аниқланган захиралари ишлаб турган корхоналарнинг 20-30 йил ишлашини таъминланиши мумкин. Ҳозирги пайтда Қизилқум ва Тошкент атрофидаги иқтисодий минтақаларда қидирув ишлари олиб борилмоқда. Олмалиқ тоғ металлургия комбинатининг асосий хом-ашё базасини Калмақир, Саричеку, Учқулоч, Қўрғоншикан ва бошқа мис-молибден ва қўрғошин-рух конлари ташкил этади. Ушбу конларнинг маъданлари таркибида мисдан ташқари олтин, кумуш, молибден, селен ва бошқа нодир элементлар мавжудлиги аниқланган. Ҳозирги пайтда 5 та аниқланган волфрам конларидан 2 таси (Койтош ва Ингичка конлари) ишлатилмоқда. 2 та волфрам конлари (Саритау ва Саутбой конлари) ва 2 та қалай кони (Карнаб ва Зирабулоқ-Зиёутдин конлари) очилди. Олимларимизнинг башоратларига қараганда, фосфоритларнинг захираси (асосан фосфор ангидрид) 100 млн тонна деб баҳоланмоқда. Фосфорли ўғитлар ишлаб чиқарувчи заводлар Қозоғистоннинг Коратау маъдан конларидан келтираётган хом-ашёлар ҳисобига ишламоқда. Республикамиздаги тоғ жинсларининг комплекси ва яратилган минерал хом-ашёлари қурилиш материаллари (мармар, гранит, цемент ва бошқалар)ни ишлаб чиқариш имконини беради. Республикада минерал иссиқ сув ва саноат сувларининг захиралари мавжуд. Ҳозирги пайтда 32 та минерал сув захиралари аниқланган бўлиб, уларнинг 12 тасида дам олиш масканлари ташкил этилган. Халқ хўжалиги эҳтиёжларини қондириш мақсадида 9 та сув қадоқлаш заводлари ишга туширилди. Минерал сув захиралари 8208 минг м 3 /суткани ташкил этмоқда.

Юқори ҳароратли иссиқ сув масканлари Фарғона водийсида Бухоро, Самарқанд ва бошқа вилоятларда топилган. Республика миқёсида саноат сувларининг йирик захиралари (Устюрт, Жанубий Орол, Бухоро-Қарши, Сурхондарё, Фарғона, артезиан хавзалари) очилган, уларнинг таркибида йод, бром, бор, цезий, рубидий, стронций каби элементлар мавжудлиги аниқланган. Бухоро-Қарши артезиан хавзасининг саноат сувлари энг истиқболли ҳисобланади. 3. Минерал хом-ашё ресурсларидан самарали фойдаланиш ва уларни муҳофаза қилиш муаммолари Охирги йилларда чоп этилган маълумотларга қараганда, ҳозирги пайтда дунёдаги нефт захиралари 10 5 млн тонна деб баҳоланмоқда. Шундан Саудия Арабистони 25,3%, Ироқ 9,9%, Бирлашган Араб Амирлиги 9,6%, Қувайт 9,4%, Венесуэлла 5,8, МДХ 5,8 ва Мексика 5,6% нефт захираларига эга. Олимларимизнинг фикрича, Республикамизнинг 60% ҳудуди нефт ва газ қазиб олиш учун истиқболли ҳисобланади ва хом-ашё захираларининг қиймати 1 триллион америка долларига тенг деб баҳоланмоқда. Охирги йилларда республикамизда нефт ва газ қазиб чиқариш, автобензин, авиакеросин, дизел ёқилғилари, мазут ва нефт мойлари ишлаб чиқариш ҳажмлари ўсди. Масалан, 1998 йилда 8,1 млн тонна нефт ва конденсат, 54,8 млрд м 3 табиий газ қазиб олинди, 7,1 млн тонна нефт ва конденсат, 37,4 млрд м 3 газ қайта ишланиб, 270 минг тонна олтингугурт ишлаб чиқилди. Ишлаб чиқарилган маҳсулотларнинг умумий баҳоси 137,5 млрд сўмни ташкил этди. Аммо республикада яратилган ёқилғи-энергетика ва минерал хом-ашё ресурсларидан имконият ва зарурият даражасида фойдаланилсада, бу жабхада ўз ечимини кутаётган муаммолар ҳам йўқ эмас.

Вужудга келган иқтисодий, экологик ва технологик муаммоларга батафсилроқ тўхталиб ўтамиз. 1. Республикамизда мавжуд 65 та нефт ва газ конларидан 35 таси ишлатилаяпти. Нефт ва газ конларидан чиқинди сувларнинг таркибидан йод, бром, цезий, рубидий, стронций, бор каби йўлакай нодир элементлар ажратиб олинмаяпти. 2. Полиметаллар, стр о нций, плавик шпат, табиий тузлар, фосфорит конлари ўзлаштирмай қоляпти. Кумуш конларидан биронтаси ишга туширилмаган. Плавик шпат сувсиз ишқорли алюмосимикат бўлиб тоғ жинслари таркибида кўпроқ учрайди. Плавик шпат 2 хил бўлади: 1. Енгил плавик шпат (CaSO 4 ). Унинг зичлиги 2850-3000 кг/м 3 атрофида бўлиши мумкин. 2. Оғир плавик шпат (BaSO 4 ). Унинг зичлиги 4450-4530 кг/м 3 атрофида бўлиши мумкин. Плавик шпат кимёвий барқарор модда бўлиб, унинг таркибида қуйидаги элементлар мавжуд: кремний куш оксиди (SiO 2 –67,8%), алюминий оксиди (Al 2 O 3 –19,4%), натрий оксиди (Na 2 O –7%), калий оксиди (K 2 O–3,8%), калций оксиди (СaO – 1,7%), темир оксиди (Fe 2 O 3 – 0,08%). Плавик шпат инсон соғлиги учун хавфли эмас. 3. Фойдали қазилмаларни қазиб олишда юз берадиган исрофгарчиликлар қўлланиладиган технологиялар системасининг унумдорлигига боғлиқдир. Фойдали қазилмалардан тўлароқ фойдаланиш очиқ қазиб олиш йўли билан амалга ошиши мумкин. Аммо Ангрен тошкўмир конидан юқори кулли ва кам қувватли кўмирларни тўлиқ қазиб олиш таъминланмай келинаяпти. Масалан, кам қувватли кўмир ва юқори кулли

кўмирларнинг умумий исрофи мос равишда 20,5-23,8% ва 12,5-13,1% ни ташкил этмоқда. 4. Қаттиқ ёқилғиларни газлаштириш - уларни чуқур технологик қайта ишлаб улардан сунъий газсимон ёқилғи ва кимё саноати учун хом - ашё, металлургия саноати учун қайтарувчи газлар олишдан иборат. Газлаштириш жараёнини газ генераторларда 1000 - 1300°С да ҳаво, кислород, сув буғлари ёки уларнинг аралашмалари ёрдамида амалга оширилади ва натижада водород ва углерод оксидлари, метан ва азот олинади. Қаттиқ ёқилғиларни бевосита ер остида (қазиб олмасдан) ёқиб газлаштириш катта истиқболли технологиялардан ҳисобланади. Иқтисодий ва экологик нуқтаи назардан олиб қараганда, бунда ишчи кучи тежалади ва ер усти чиқиндилар билан ифлос бўлмайди. Ер остига оралиғи 15 - 20 м га тенг бўлган иккита қудуқ (скважина) қазилиб, биридан ҳаво, кислород ёки сув буғлари берилиб, иккинчи қудуқдан газ олинади. Бу усулнинг камчилиги -асосий олинадиган газ компонентларининг кам чи қ ишидир: 12 - 16% Н 2 ва 6-10% СО олиняпти. Республикамиздаги “ Подземгаз ” станциясида ер ости к ў мирнинг газлаштириш самарадорлиги унча ю қ ори эмас. Қ азиб олинадиган махсус к ў мирнинг умумий ми қ доридан атиги 10% ГРЭСлардаги махсус кулларни йи ғ иб олишда сарфланади, қ олган ки с ми ё қ ил ғ и к ў мир сифатида ишлатилади. 5. Ер ости бойликларини қазиб олишда жуда катта нобудгарчиликка йўл қўйилмоқда. Масалан, Шаргун кўмир конида номукаммал технологияларни қўллаш туфайли қазиб олинаётган кўмирнинг 25% исроф бўлмоқда. “Калмақир” ва “Сари – Чеку” маъдан конлари, “Олтин топган” қўрғошин - рух конлари хом - ашё базаларининг ҳолати ҳозирги замон саноат кондицияларига ва тоғ жинсларини туйилтириш техник - иқтисодий кўрсатгичларига жавоб бера олмаяпти. «Олтин топган» ва «Пайбулоқ» ер

ости қўрғошин - рух конларида режадан ташқари 3 - 6% гача товар маъданлари исроф бўлмоқда. Ер бағридан қимматбаҳо элементларни қазиб олишда исрофгарчилик юқорилигича қолмоқда. «Ингичка» маъдан шахтасида кон захиралари эски камера - устун системаси асосида ишланиб, ер остидан 88,5 - 90% гача маъдан ажратиб олишга эришиляпти. 6. Республикада йилига 100 млн тоннадан зиёдроқ чиқиндилар пайдо бўлиб, улардан ярмини заҳарли чиқиндилар ташкил этмокда. Ушбу чиқиндиларнинг бир қисми халқ хўжалигида иккиламчи хом - ашё сифатида қўлланилади, асосий массаси эса, турли чиқинди йиғгичларда жойлаштирилади. Чиқиндиларнинг умумий миқдори 2 млрд тоннани ташкил этмоқда. Чиқиндиларнинг асосий микдори (1,3 млрд тонна) тоғ жинсларини қазиб олиш саноатига ва қайта ишлаш комплекслари улушига тўғри келмоқда. Ҳар йили қарийб 50 - 60 млн тонна чиқиндилар (тоғ жинслари, флотацион бойитиш думлари, турли тошқоллар, сунъий тош (клинкер) лар) атмосфера ҳавосига чиқарилиб ташланади. Улар 10000 гектар майдонни эгаллаб турибди. «Мурунтов» олтин кони атрофида чиқиндилар ташланадиган майдон 5200 гектар ерни ташкил этади. Ушбу майдон ҳозирги кунда чиқиндилар билан тўлиб тошган бўлиб, иккинчи майдони 6200 гектар ерни ташкил этмоқда. Чиқиндиларнинг таркибида кобалт (0,25 мг/л), рух (0,5 мг/л), маргимуш (2,5 мг/л), қўрғошин (3 мг/л), мис (5,5 мг/л), темир бирикмалари (9 мг/л), молибден (17 мг/л), никел (17 мг/л), алюминий (25 мг/л) ва натрий цианити (150 мг/л) мавжудлиги аниқланган. Ҳозирги пайтда Зафаробод маъдан қазиб олиш марказий бошқармаси 170 минг гектар майдонда уран маъданларини қазиб олиш ишларини олиб

бормоқда. Мазкур майдон яроқсиз ҳолатга келиб қолган ва унинг иккинчи навбати учун ажратилган майдон 16 минг гектар ерни ташкил этади. Ер ости сувлари таркибидаги туз миқдори 10-50 баробаргача ва радиоактив моддаларнинг миқдори рухсат этилган меъёридан 10-20 баробарга ошган. «Навоийазот» комбинатидан чиқариладиган заҳарли чиқиндиларнинг ҳажми 570 минг м 3 ни ташкил этмоқда. Ушбу чиқиндилар 50 гектар ер майдонини эгаллаб турибди. Уларнинг таркибида полимерлар 25% радионитлар 10% ва бошқа қаттиқ аралашмалар мавжуд. Бундан ташқари, чиқиндиларнинг таркибида цианитлар (50 мг/л), аммиак (150 мг/л), сулфат тузлар (15000 мг/л) ва мис (25000 мг/л) мавжудлиги аниқланган. Шуни алоҳида таъкидлаш жоизки, цианит ( Al 2 OSiO 4 ) табиий, ялтироқ шишасимон минерал бўлиб, унинг ранги оқ, кўк, яшил ёки жилосиз бўлиши мумкин. Зичлиги 3660 кг/м 3 га тенг бўлиб, сувга эримайди. Унинг суюкланиш ҳарорати 1810°С дан юқорироқ бўлиши мумкин. Резиналардан тайёрланадиган маҳсулотларнинг мустаҳкамлигини ошириш учун цианитлардан тўлдиргич сифатида қўлланилади. “Навоийэлектрокимё” заводи чиқиндиларининг ҳажми 7млн 800 минг.м 3 ни ташкил этади ва улар 125 минг гектар майдонни эгаллаб турибди. Уларнинг таркибида органик бирикмалар мавжудлиги аниқланган. 7. Кимё саноатининг асосий чиқиндилари фосфогипс, лигнин, марганец куйкумлари, олтингугурт кеки, шунингдек ишлаб чиқариш оқова сувлари ҳисобланади. Ҳозирги пайтда қаттиқ чиқиндиларнинг умумий миқдори 100 млн. тонна деб баҳоланмоқда, шу жумладан 60 млн. тоннасини фосфогипс ва 15 млн тоннасини лигнин ташкил этмоқда. Суюқ чиқиндиларнинг ҳажми эса қарийб 10 млн м 3 ни ташкил этади. Йиғилган чиқиндиларнинг умумий майдони минг гектар ерни ташкил этмоқда. Ушбу чиқиндиларнинг ниҳоятда

кичик қисми (1% фосфогипс ва 50 - 60% лигнин) халқ хўжалигида қўлланилади. Шуни алоҳида таъкидлаш керакки, фосфогипс калций сулфати гидратларининг кукунсимон аралашмаларидир ( СаSО 4 . 1/2 Н 2 О , СаSО 4 . Н 2 О , СаSО 4 . 2H 2 О ), CaO , P 2 O 5 ва HF. Фосфогипс эритувчиларда эримайди, аммо сувда қисман эрийди. Унинг зичлиги 2310 - 2330 кг/м 3 атрофида бўлиб, кукунлари поливинилхлорид асосида композицион материаллари (масалан, ленолиум) ишлаб чиқариш учун тўлдиргич сифатида кўпроқ ишлатилади. Лигнин ёғочнинг таркибий қисми (25 - 35%) бўлиб, ёғоч таркибидаги целлюлоза толаларининг ковуштирувчи табиий полимердир. Табиий лигнин органик эритувчиларда эримайди, аммо сувли иш қ орларда қ издирилганда эрийди. Гидролизланган лигнин прессланган тахта ва плиталар ишлаб чи қ ариш учун т ў лдиргич сифатида қ улланилади. Ё ғ оч кириндилари таркибидаги табиий лигниндан ванилин олинади. Лигносулфон кислоталари сопол (керамика) ва абразив маҳсулотлар олишда, цементга қўшимча сифатида, бетонинг юмшатувчи қўшимча сифатида кенг қўлланилади. Сулфит спиртли куйка бурғилаш пайтида лой эритмасининг реологик хоссаларини яхшилашда, кўмир чангларини брикетлашда ва йўл қурилишида кенг ишлатилади. Сулфит спиртли куйка чармни ошлаш учун кенг қўлланилади. Ишлаб чиқариш оқова сувлари бошланғич тозалашдан кейин қисман айланма сув таъминотида қўлланилади. 8. Ангрен кўмир конидан кўмир билан бирга йилига 6 млн тонна каолин қазиб олинади. Шундан 600 - 800 минг тоннаси истеъмолчиларга етказиб берилади, қолган қисми чиқинди бўлиб қолмоқда. Ҳ олбуки, республиканинг каолинга б ў лган э ҳ тиёжи 2,0 - 2,5 млн тоннани ташкил этмо қ да. Каолин ( Al 2 О 3 . 2 Si О 2 . 2 Н 2 О ) - гидратланган алюминий силикатидир.

Унинг зичлиги 2580 кг/м 3 га т ен г б ў либ, таркибида қ уйидаги элементлар мавжуд: SiO 2 -45,4%, Al 2 O 3 -38,8%, Ti 2 О 3 - 1,5%, СаО - 0,5%, Fe 2 О 3 - 0,3%, Na 2 О - 0,1%, К 2 О - 0,1% ва сув -13,8%. Каолин нафақат пластмасса ва резиналар учун тўлдиргич сифатида, балки чинни заводлари учун оқартирувчи хом-ашё сифатида ҳам кенг қўлланилади. 9. Қора ва рангли металларни ишлаб чиқариш жараёнида темир терсаклар пайдо бўлиши кўпчиликка маълум. Уларни қайта ишлаш жараёнида йилига 350 минг тонна тошқоллар пайдо бўлади. Шу билан бирга, машинасозлик корхоналарида, иссиклик энергетикаси, озиқ - овқат ва енгил саноати ишлаб чиқариш корхоналарида вужудга келаётган турли таркиб ва физик - кимёвий хоссаларга эга бўлган чиқиндилар ўз қўлланиш соҳаларини топа олмай қолиб кетаяпти. Республикамизда заҳарли чиқиндиларнинг фойдаланишга тиклаш саноати ташкил этилмаган. 10. Шифобахш ер ости минерал сувларнинг исрофгарчилик даражаси юқорилигача қолмоқда. Республикамиз ҳ удудида ани қ ланган 17 та минерал сув з а хираларидан 27 та шифо масканларида фойдаланилади. Ў зио қа р минерал сувларнинг исрофи 28%, баъзи шифохоналарда эса 50% дан ошиб кетяпти. Юқорида кўрсатиб ўтилган асосий муаммоларнинг самарали ечими қуйидагиларга чамбарчас боғлиқ: биринчидан , жахон андозаларига мос, янги техника ва замонавий технологияларни шунингдек, чиқиндисиз ва кам чиқиндили технологияларни ишлаб чиқариш корхоналарида жорий этиб биладиган ва бошқара оладиган етук ва юқори билимли муҳандис-технологларни тайёрлаш; иккинчидан , илм-фан ютуқларини, хусусан, республикамиз миқёсида, яратилаётган янги ишланмалар, лойиха ва технологияларни амалга тадбиқ этиш учун рағбатлантирувчи иқтисодий механизмларни ишлаб чиқиш;

учинчидан , ҳозирги бозор иқтисодиёти шароитида хорижий инвестицияларни ишлаб чиқариш корхоналарида жалб этиш; тўртинчидан , табиий захиралардан самарали фойдаланиш, исрофгарчиликларга чек қўйиш, чиқиндисиз ва кам чиқиндили технологияларни амалга жорий этиш, экологик қонунчиликларни такомиллаштириш иқтисодий ривожлантиришнинг асосий гаровидир. 4. Нефт махсулотлари билан сув захираларининг ифлосланиши ва унинг олдини олиш чора-тадбирлари Республикамиз ноёб ёкилги-энергетика ресурсларига эга. Хозирги пайтда 160 тадан ортик нефт конлари кидириб топилган булиб, республика худудининг карийб 60 % да нефт ва газ казиб олиш мумкин. Республикамизнинг 5 та асосий минтакаларида (Устюрт, Бухоро-Хива, Жанубий-Гарбий Хисор, Сурхондарё ва Фаргона) нефт ва газ конлари мавжуд. Кейинги йилларда республикамизда 3 та нефтни кайта ишлаш (Бухоро, Фаргона,Олтиарик) ва 2 та газни кайта ишлаш ( Шуртан ва Муборак) заводлари ишлаб турибди. Нефт махсулотлари асосан углерод, водород ва кам микдорда олтингугуртдан таркиб топган булади. Нефт таркибида ёнувчи элементлар : 83-86 % углерод, 11-13 % водород, 1-3 % кислород ва 0,2-4,0 % атрофида олтингугурт булади. Олтингугурт билан кислород реакцияга киришиб, сулфид ангидрид ( SO 2 ) хосил килади. Сулфид ангидрид эса намлик ёки сув буглари билан бирикиб, сулфат кислотаси H 2 SO 3 га айланади. Хосил булган сулфат кислотаси метал сиртларини занглатиб, уни емиради, технологик жараёнларнинг кечишига салбий таъсир курсатади ва экологик муаммоларни пайдо булишига сабаб булади. Нефт таркибидаги олтингугуртнинг микдорига караб, нефтни 3 турларга булиш мумкин: 1. Таркибида 0,5 % гача олтингугурт булган нефт.

2. Олтингугуртли нефт. Унинг таркибида 0,5-2,0 % гача олтингугурт булиши мумкин. 3. Юкори олтингугуртли нефт. Унинг таркибида 2,0 % дан купрок олтингугурт булиши мумкин. Олтингугуртли нефт кайта ишлаганда нафакат табиий атроф-мухит ифлосланади, балки асбоб-ускуналар коррозияга, (яъни емирилишга) учрайди. Сув ресурсларининг нефт махсулотлари билан ифлосланишга заводдаги технологик жараёнлар мухим рол уйнайди. Бундай жараёнларга куйидагилар киради: 1. Нефтни кайта ишлашга тайёрлаш. 2. Нефтни сувсизлантириш ва тузсизлантириш. 3. Нефтни хавосиз ва хаво билан бирга хайдаш. 4. Нефтни деструктив кайта тиклаш (яъни, крекинг, гидрогенизация, изомеризация). 5. Мой махсулотлари олиш ва уларни кушимча моддалардан тозалаш ва хоказолар. Одатда нефт таркибида 2 % гача сув ва 0,5 % гача турли тузлар булади. Лекин заводда кайта ишланган нефт таркибида сувнинг микдори 0,1 % дан ва туз микдори 0,005 % дан ошмаслиги керак. Чунки нефт махсулотлари таркибида сувнинг микдори ошса, киш пайтида унинг ёниши кийинлашади, самолёт ва вертолётларнинг учиши кийинлашиб, фожиали ходисаларга олиб келиши мумкин. Заводга кайта ишлаш учун олиб келинган нефтга сув кушиб, махсус курилмалар ердамида ювилиб, тузлардан тозаланади. Мана шу ишлатилган сув канализация оркали ташкарига окизилиб юборилади. Бундай окова

сувларнинг таркибида нефт, олтингугурт, туз ва бошка бирикмалар булиши мумкин. Тозаланган нефт хавосиз (вакуумли) ва хаво билан бирга кайта ишлов бериш жараёнларидан утказилади. Бунда хаво билан бирга сув хам ишлатилади. Натижада сув турли газ ва буглар хамда нефт колдиклари билан янада ифлосланади. Бундай окова сувлар нефтни кайта ишлаш жараёнида, нефтни олтингугурт бирикмаларидан тозалашда ва ишлаб чикариш курилмаларини совутишда ишлатилиши мумкин. Нефтни кайта ишлаш заводларида фойдаланилган сувларнинг таркибига караб, уларни куйидаги 5 гурухларга булиш мумкин: 1. Нейтрал нефтли окова сувлар. Уларнинг таркибида нефт эмулсия шаклида булади. Хар 1 л бундай сувларнинг таркибида 5-8 г нефт ва 500- 1000 мг тузлар булиши мумкин. Бу сувларни тозалаб, заводда кайта фойдаланиш мумкин. 2. Таркибида тузлар ва эмулсия шаклидаги нефт куп булган окова сувлар. Бундай сувларнинг хар 1 л да 10-20 г тузлар булиши мумкин. Окова сувларнинг таркибидаги нефт ва тузларнинг микдори кайта ишланган нефтнинг таркибига боглик булади. 3. Олтингугуртли-ишкорли окова сувлар. Одатда, бундай окова сувлар нефтни казиб олиш жараёнида купрок хосил булади. 4. Нордон окова сувлар. Бундай окова сувларнинг хар 1 л да 1 г гача сулфат кислотаси булиши мумкин. 5. Водород сулфидли окова сувлар. Уларнинг таркибида водород сулфид ( H 2 S ) дан ташкари, фенол ва аммиак хам булиши мумкин. Нефтни кайта ишлаш заводларида кимёвий таркиби хилма-хил булган окова сувлар пайдо булади. Купинча уларнинг таркибида нефт махсулотларидан ташкари, тузлар, кислоталар, ишкорлар, фенол, аммиак,

водород сулфид ва бошка аралашмалар булади. Улар ер усти ва ер ости сувларни ифлослантириб, хавфли экологик холатларни тугдириши мумкин. Бундай экологик холатлар куйидагилардан иборат: 1. Нефт ва нефт махсулотлари билан ифлосланган ер ости сувларидан ичимлик суви сифатида фойдаланиш мумкин эмас. Шунинг учун катор ахоли минтакаларини ичимлик суви билан таъминлаш катта муаммога айланиб колмокда ва ахоли орасида турли касалликлар келиб чикмокда. 2. Тупрок катламларида турли газларнинг тупланиб колиши портлаш, ёнгин ва захарланиш хавфини келтириб чикариши мумкин. 3. Нефт махсулотлари билан ифлосланган сув тог жинслари таркибидаги микроэлементларнинг харакатчанлигини кучайтиради. Масалан, ер ости сувлари таркибидаги стронцийнинг рухсат этилган чегаравий концентрациясидан ортиб кетишининг асосий сабаби - нефтли сувлар таъсирида тог жинслари таркибидаги стронцийнинг харакатчанлигини ортишидир. 4. Кайси худудда оксидланиш учун кулай шароит вужудга келса, шу ерда карбонат ангидриднинг микдори ортиб бораверади. Карбонат ангидрид гази углеводородларнинг оксидланишидан хосил булади. Нефт хам углеводородларнинг аралашмасидир. Демак, ер ости сувларининг нефт махсулотлари билан ифлосланишида углеводородлар, метан, карбонат ангидрид ва бошка бирикмаларнинг роли нихоятда каттадир. 5. Нефт ва нефт махсулотлари нафакат сувларни, балки тупрокни хам ифлослантирмокда. Натижада тупрокнинг микроэлементлар таркиби ва физик-кимёвий хоссалари узгариб, сув-хаво алмашинуви хамда оксидланиш режимлари тубдан бузилади. Тупрок таркибида углерод ва азотнинг нисбати бузилиб, кислород ва фосфор етищмаслиги келиб чикади. Бунинг окибатида тупрокнинг агрокимёвий хусусиятлари ёмонлашиб, экинларнинг усиш тезлиги сусаяди. Бундан ташкари, тупрок катлами ва ер ости сувларининг

ифлосланиши полиз махсулотлари таркибидаги инсон саломатлиги учун зарарли булган купгина микроэлементларнинг микдорини ортишига сабаб булади. 6. Баъзан нефт махсулотларини ташиш пайтида танкерлар авария (шикастланиш)га учраб, нефт дарё сувига кушилиб кетади. Маълумотларга караганда, йилига дунё океналарига 10 млн. тонна нефт ва сувнинг ифлослантирувчи моддаларнинг 71 % и даре сувлари билан келиб кушилмокда. Бир тонна нефт махсулоти 12 км 2 сув юзасида мой пардасини хосил килиб, сув таркибида эриган кислород микдорини камайтиради ва тирик организмларни кирилиб кетишига сабаб булади. Нефтнинг огир булаклари сув остида чукма хосил килади ва сувдан керосин хиди келиб туради. Сув тошкини нефт махсулотларини киргокларга олиб келиб, нафакат сув ости усимликлари ва хайвонот олами зарар куради, балки инсонлар учун хам хавфли вазиятларни тугдиради. Сув остидаги чукмалар эса, иккиламчи ифлосланишларни вужудга келтиради. 7. Нефт конларининг чикинди сувлари таркибида ер катлами сувлари жуда куп булади. Улар казиб олинадиган нефт микдорининг 10-25 % ни ташкил этилиши мумкин. Нефт таркибидаги мана шу сувларни ажратиб олиш максадида нефтга иссиклик ва электр кимёвий усуллар билан ишлов берилади. Бундай сувлар таркибида 1200-2000 мг нефт ва 1500 мг бошка аралашмалар мавжуд булади. Нефтга ишлов бериш технологик жараёнлари хилма-хил булганлиги учун хосил буладиган чикинди сувларнинг таркиби хам хилма-хил булади. Бу эса чикинди сувларни тозалаш учун турли усуллар дан фойдаланишни такозо этади. Масалан, электр тузсизлантирувчи курилмалариниг чикинди сувларининг хар 1 л да 30-40 г нефт ва 10-15 г хлоридлар мавжуд булади. Бу окова сувларнинг юкори даражада минераллашуви улардан кайта фойдаланишга имкон бермайди. Сув таркибидаги эриган кислороднинг микдори 2 мг/л дан кам булса, органик моддаларнинг микдори 60 мг/л дан ошса ва нефт махсулотлари

билан копланган парда майдони 2-6 км 2 ни ташкил этган булса фавкулодда холат эълон килинади. Сув хавзаларига окизилаётган захарли моддаларнинг микдори 2 сутка давомида белгиланган меъёридан 20-29 баравар ортса, ёки 8 соат давомида 30-50 баравар ортса, корхонада фавкулодда холат эълон килинади, корхонадаги барча ишлар вактинча тухтатилади ва фавкулодда холатни бартараф этиш чора-тадбирлари амалга оширилади. Юкорида курсатиб утилган экологик муаммоларнинг самарали ечиш катта экологик ва ижтимоий- иктисодий ахамиятга эга. Бунинг учун куйидаги ишларни амалга ошириш керак. 1. Нефтни кайта ишлаш заводларнинг табиий атроф-мухитга курсатаётган таъсир доирасини аниклаш учун унинг худудида экологик мониторинг утказишни ташкил этиш зарур. 2. Нефтни кайта ишлаш заводларида 1 тонна нефтни кайта ишлаш учун уртача 0,5-1,5 м 3 тоза сувдан ва 10-15 м 3 ишлатилган окова сувлардан фойдаланилади. Технологик жараёнлар ва асбоб-ускуналарни хаво ёрдамида совутиш, хусусан, кайта ишлатилган окова сувлардан фойдаланиш 60 % га якин сув ресурсларини - тежаш имконини бериш мумкин. 3. Нефтни кайта ишлаш заводларида тозалаш иншоотлари ва курилмаларидан самарали фойдаланишни йулга куйиш. Масалан, 1991 йида Фаргона нефтни кайта ишлаш заводи худудида нефтни тутиб колиш тизимининг биринчи навбати ишга туширилди. Ушбу тизим узунлиги 3,3 км дан иборат булган 19 жуфт кудуклардан иборат булиб, улар ёрдамида ер ости сувлари таркибидан нефт махсулотлари ажратиб олинади. Ушбу кудукларнинг бир каторга жойлаштирилганлиги туфайли, уларнинг имкониятлари бирмунча чеклангандир. Шунинг учун уларнинг зичлигини орттириш ва бир неча каторларга жойлаштириш ишлаш самарадорлигини янада ортиради.

4. Нефтни кайта ишлаш заводларида ифлосланган сувларни тозалаш узок муддатларга чузиладиган мураккаб технологик жараёндир. Шунинг учун, авваламбор, нефт махсулотлари тупрок таркибига сингиб кетишини олдини олиш ва технологик жараёнларни такомиллаштириш катта иктисодий ва экологик ахамиятга эга. 5. Полимер композицион материаллардан озик-овкат саноатида куллашнинг экологик муаммолари ва уларнинг ечиш йуллари Маълумки, турли хил озик — овкат махсулотлари (дон ва ун махсулотлари, сут, музкаймок, пишлок, панир, каймок, e г—мой махсулотлари, ичимликлар, гушт ва ба лик махсулотлари, олма, анор, шафтоли, урик, узум ва улардан олинадиган ичимлик ва ширинликлар, куритилган кукунлар ва хоказолар) нинг ураш, кадоклаш, саклаш ва бир жойдан иккинчи жойга узатиш учун турли пластмассалардан тайёрланган пленкалар, ишга чидамли халталар, кувурлар, кутти , сават ва идишлардан кенг фойдаланилади. Бунинг учун, табиий полимерлар (целлюлоза, крахмал, табиий каучук, ипак, турли хил катронлар), синтетик полимерлар (полимерланиш ва поликонденсатлаш реак циялари туфайли олинадиган полиэтилен полипропилен, полистирол, поливинилхлорид, полиметил- метакрилат, полиамид, полэтилентерефталат, эпоксид ва полиэфир катронлари ва хоказолар) ва сунъий полимерлар (яъни, табиий полимерларга кимевий ишлов бериш йули билан олинадиган полимерлар — хлоркаучук, целлюлоза эфирлари ва хоказолар) кенг ишлатилади. Лекин полимерларнинг таркиби, тизими ва хоссаларини керакли даражада узгартириш учун таркибига маълум микдорда кушимча моддалар (юмшатгичлар (пластификаторлар}, рангловчи моддалар, тулдиргичлар, баркарорлаштирувчи моддалар (стаблизаторлар) киритилади. Одатда бундай материаллар пластмасса деб аталади.

Шуни алохида таъкидлаш керакки, озик — овкат саноатида кулланиладиган полимер материалларига ва улар асосида хосил килинадиган полимер композицион материалларга ягона гигиеник ва экологик талаб куйилади; полимер таркибидаги кушимча моддалар озик —овкат махсулотларининг сифатига, таъми ва хидига зарар етказмаслиги керак. Шунинг учун полимерлар таркибига киритилган моддалар, уларнинг асосий хоссалари ва уларга куйиладиган талаблар хакида батафсилрок тухталиб утамиз. 1. Маълумки полимерланиш реакцияларини тезрок кечиши учун хар бир по лимерга мос катализаторлардан, яъни реакция тезлигини оширувчи моддалардан кулланилади. Катализатор сифатида кислоталар ( H 2 SO 4 , H 3 PO 4 , HC 1 ва бошкалар), Люис кислоталари (А1С1з, Т iCL 4 , ZnCI 2 ва бошкалар) Фридел — Крафтс катализаторлари (умумий формуласи МеХ n , бу ерда Me —бор, алюминий, титан, калай ва бошкалар, X —галоген ( J 2 , JC 1, JBr ва бошкалар) кулланилади. Реакция кечадиган мухитда катализаторларнинг концентрациялари 10 -4 —10 -2 кмол/л ни ташкил этиши мумкин. Шуни алохида таъкидлаш керакки, ушбу катализаторлар полимерланиш реакциялари туфайли олинадиган полимер кукунлари таркибида колдик шаклида колиб кетиши мумкин. Шунинг учун, одатда полимерда анорганик бирикмаларнинг колдиклари кулчанлик микдори билан ифодаланади. Масалан, озик-овкат махсулотларини ураш учун тавсия этилган полиэтилен пленкаларининг таркибида кулчанлик 0,02% дан ошмаслиги керак. Шуни ёдда тутиш керакки, тайёр полимер махсулоти таркибида колган катализаторларнинг нихоятда кичик микдори полимер материалининг эскиришини тезлашитириши мумкин. 2. Полимерланиш реакцияси кечиши учун шундай моддалар хам кулланиладики, улар полимерланиш инициаторлари (ташаббускорлари) деб аталади. Улар кислородорганик ва анорганик перекислар, гидроперекислар хамда диазобирикмалари булиши мумкин. Ушбу инициаторлар иссиклик

таъсирида парчаланиб, озод радикалларни хосил килиш кобилятига эга. Перекисларнинг парчаланиши туфайли пайдо булган махсулотлар биологик фаол хисобланади. Полимерланиш инициаторлари ва уларнинг парчаланиши туфайли пайдо булган махсулотларнинг тайёр полимер таркибидаги микдори 0,2% дан ошмаслиги керак. 3. Полимер махсулотлари хоссаларини узок муддатларга саклаб колиш максадида уларнинг таркибига баркарорлаштирувчи моддалар (стабилизаторлар) киритилади. Улар биологик фаол моддалар булиб, полимер билан кимёвий богланган булади. Улар вактнинг утиши билан полимер таркибидан диффузия булиб, ташки мухитга чикиши мумкин. Полимерларда термостабилизаторлар сифатида калций стеарати, рух стеарати, барий стеарати, кургошин стеарати ва бошкалар нихоятда кенг ишлатилади. Калций стеарати ва рух стеарати, шунингдек, комплекс стабилизаторлар таркибига кирадиган ушбу стеаратлар захарсиз моддалар хисобланади. Лекин, кадмий, барий ва кургошин стеаратлари нихоятда захарлидир. Масалан, озик-овкат саноатида кулланиладиган поливинилхлорид махсулотларини баркарорлаштириш максадида эпоксидлаштирилган соя мойи кулланилади. Соя мойи унча захарли эмас, аммо полимер таркибига ундан купрок киритилиши полимердан бошка кушимча моддаларни ажралиб чикишини кучайтириб юбориши мумкин. 4. Купгина холатларда полимер таркибига юмшатгичлар (пластификаторлар) киритилади. Бундан асосий максад —полимерга ишлов беришни осонлаштириш, пластик (юмшок) ва совукка чидамли махсулотлар олишдан иборатдир. Полимер композицияси таркибига пластификатор киргизиш полимер билан бошка кушимча моддаларни аралаштиришини осонлаштиради ва энг мухими, ишлов бериш харора тини пасайтиришга олиб келади. Бундан ташкари, пластификатор пластмасса махсулотларнинг ёнмаслигини таъминлайди, иссикка ва нурга чидамлилигини оширади.

Пластификаторлар сифатида хам куйи молекуляр ва хам юкори молекуляр бирикмалар кулланилиши мумкин. Ароматик ва алифатик карбон кислоталарнинг эфирлари, фосфор кислота, эпоксидлаштирилган бирикмалар, полиэфирлар, гликол ва монокарбон кислоталарнинг эфирлари полимерларнинг асосий пластификаторлари хисобланади. Шуни алохида таъкидлаш керакки, хозирги пайтда 2000 тадан зиёдрок поли мерларга кулланиладиган пластификаторлар мавжуд Аммо озик-овкат махсулотлари учун мулжалланган полимер махсулотларини ишлаб чикаришда уларнинг нихоятда санокли турлари (глицерин, парафин мойи, этаноламинлар, фтал, себацин, адипин ва лимон кислоталарининг эфирлари, шунингдек, куйи молекуляр полиэфирлар) кул келади. Себацин ва лимон кислоталарининг эфирлари, стеарин кислота ва унинг тузлари (калций стеарат ва рух стеарат) захарсиз пластификаторлар хисобланади. Бундан ташкари, глицерин, триацетин, кастор мойи, моно-, ди- ва триэтаноламинлар ва уларнинг тузлари хам захарсиз пластификаторлар хисобланади. Озик — овкат махсулотларини ураш пленкалари ишлаб чикариш учун ацетилтрибутилцитрат ва этилгексилфенилфосфат каби пла стификаторлардан куллаш катта ахамиятга эга, чунки улар унча захарли эмас, кам учувчан, сувга, иссикга ва мойлар таъсирига чидамлидир. Шуни алохида таъкидлаш керакки, пластификаторлар куйидаги талабларни кондиришлари керак: 1. Пластификатор полимер билан яхши аралашиб, эксплуатацион баркарор система яратиш кобилиятига эга булиши керак. 2. Пластификатор хидсиз, рангсиз ва кам учувчан булиши керак. 3. Пластификатор паст хароратларда х ам полимерни юмшатиш кобилиятига эга булиши керак.

4. Пластификатор полимер компонентларига нисбатан кимёвий баркарор булмоги лозим . 5. Пластификатор суюк мухитлар, мойлар, эритгичлар, ювувчи моддалар ва озик овкат махсулотлари таъсирида полимер таркибидан ажралиб чикмаслиги керак. 5 . Пластмасса махсулотлари таркибига тулдиргичлар хам киритилиши мумкин. Тулдиргичлар сифатида каттик ва газсимон моддалардан кенг кулланилади. Бундай моддалар билан тулдирилган пластмассалар нихоятда каттик, мустахкам ва мурт булади. Улар ёнмайдиган, электр утказувчан ва ишкаланиш коэффициентлари тоза (яъни, тулдирилмаган) пластмасса махсулотига нисбатан юкори булади. Агар тулдиргичларни тайёрлаш, уларга ишлов бериш технологик жараёнлари катта энергия ва маблагарни талаб килмаса, тулдирилган паластмассаларнинг нархи пасайиши хам мумкин. Купгина холатларда пластмасса таркибига каттик тулдиргичлар (масалан, гра фит, ёгоч кукуни, бур, турли металлар ва бошкалар) киритилади. Каттик тулдиргичлар кукун шаклида хам, тола шаклида хам кулланилиши мумкин. Целлюлоза, SiO 2 , СаСОз, Т i О 2 ва бошкалар захарсиз тулдиргичлар хисобланади. Пластмасса таркибида тулдиргичларнинг микдори 45 — 50% ни ташкил этиши мумкин. Бундай полимер композицион материаллардан асосан кутти, челак, сават, турли идишлар ва ликобчалар ишлаб чикарилади. Шуни алохида таъкидлаш керакки, тулдиргичлар куйидаги талабларни кондиришлари керак: 1. Тулдиргичлар полимер билан аралашиб бир жинсли система хосил килиш кобилиятига эга булишлари керак. 2. Тулдиргичлар полимер суюлмаси ёки эритмасида хуллаш кобилиятига эга булишлари керак.

3. Тулдиргичларни саклаш, уларга ишлов бериш ва куллаш жараёнларида улар уз хоссаларини йукотмасликлари керак. 4. Тулдиргичлар сув, мой ва бошка суюкликлар таъсирида пластмасса тарки бидан ажралиб чикмасликлари керак. 6. Купгина холатларда озик-овкат махсулотларини ураш учун ишлаб чикариладиган плёнкалар ва умуман, ураш махсулотларнинг эстетик куринишларини яхшилаш максадида, улар махсус буялади. Пластмасса махсулотларини ранглаш учун табиий ва синтетик ранглардан кулланилади. Бундай ранглар одатда эритувчилар таъсирида эрийди ва полимер билан кимёвий богланган булади. Купгина холатларда органик ва анорганик пигментлар хам пластмасса таркибига киритилади. Улар эрувчан эмас. Анорганик ранглар биологик фаол моддалар булиб, уларнинг фаоллиги би — рикма таркибидаги элементларга боклик булади. Масалан, стронций ва хром элементлари асосида олинган ранглар захарли хисобланади. Турли аминоантрахин ва азорангловчи бирикмалар жигар, буйрак ва марказий асаб системасининг нормал ишлаш фаолиятига салбий зарар етказади. Полимер таркибидан рангларни ажралиб чикиши ва тери оркали ёки сув ва бошка озик-овкат махсулотлари билан бирга ошкозонга кириб бориши умумий захарланишга олиб келиши мумкин. Темир ва титан элементлари асосида олинган ранглар захарсиз хисобланади. Одатда пластмасса махсулотлари таркибидаги рангларнинг микдори 0,01 — 1,0% атрофида булади. Пластмасса таркибига киритиладиган ранглар куйидаги талабларни кондиришлари керак: 1. Рангнинг дисперслиги, яъни рангловчи модда полимер хажмига бир хил таксимланиши керак. 2. Ранг кимёвий баркарор ва физиологик инерт булиши керак.

3. Ранг нур ва бошка атмосфера омиллари таъсирида баркарор булиши керак. 4. Ранг иссикка чидамли ва баркарор миграция (силжиш) га эга булиши керак. 7. Маълумки, полимерланиш ва поликонденсатлаш реакциялари махсус эрит маларда утказилади. Органик эритувчилар сифатида толуол, бензол, гексан, бензин, этилацетат, митиленхлорид ва бошкалардан кулланилади. Олинадиган полимер таркибида уларнинг маълум микдори колиб кетиши мумкин. Материални куритмаганда хлорорганик ва ароматик бирикмалар, шунингдек спиртлар материал таркибида колиб кетиши мумкин. Эритувчи моддаларнинг полимер материали таркибидан ажралиб чикиши озик — овкат махсулотининг хидига ва таъмига салбий таъсир килиши мумкин. Шунинг учун ишлаб чикарилган пластмасса махсулотларига ишлов бериш, хусусан ; уларни куритиш катта ахамиятга эга

O'xshashlar

Табиий ресурслар классификацияси

Табиий ресурслар ва улардан файдаланиш

Табиат ва табиий ресурсларни иқтисодий баҳолаш

Табиат ва табиий ресурсларни иқтисодий баҳолаш

Табиий ресурслар ва экологик экспертиза асослари