Иқлим ўзгариши эътибор марказида - Ekologiya - Referatlar

Иқлим ўзгариши эътибор марказида

Yuklangan vaqt:

20.09.2019

Ko'chirishlar soni:

0

Hajmi:

60 KB

Ko'chirib olish

Иқлим ўзгариши эътибор марказида Категория: Мақолалар Муаллиф: М. Мирсовуров Share Класс! Download SocButtons “ЭКОСАН” Халқаро жамоат фонди Саломатлик ва тиббиёт статистикаси институти Тошкент шаҳар филиали ва Шаҳар Силга қарши кураш диспансери билан ҳамкорликда тадбир ўтказди. Давра суҳбати иштирокчилари Саломатлик ва тиббиёт статистикаси институти бош мутахассиси Зулфия Махмудова, Тошкент шаҳар соғлиқни сақлаш Бош бошқармаси бош педиатри Ноила Мухамедова, Шаҳар силга қарши кураш диспансери бўлим мудири Шахноза Ибрагимова, Шаҳар Халқ таълими Бош бошқармаси мутахассиси Нодира Шомансурованинг “Соғлом турмуш тарзи ва сил”, “ЭКОСАН” Халқаро жамоат фонди бўлим бошлиғи Зариббой Қўзиевнинг “Тоза сув, ёшлар ва экология” мавзусидаги чиқишларидан атроф-муҳит муҳофазаси борасида олиб борилаётган ишлар, муаммолар ва уларнинг ечимидаги иштирок, долзарб вазифалар ҳақида янги маълумотлар, ҳукумат ҳужжатларидан хабардор бўлдилар. Нотиқларнинг маълум қилишича, ҳозирги вақтда жаҳон ҳамжамияти томонидан тан

олинган ва инсониятни ташвишга солиб келаётган экологик муаммолар – иқлим ўзгариши, озон туйнугининг ҳосил бўлиши ва Орол денгизи муаммоларидан иборат. Ушбу глобал ҳисобдаги муаммолар билан бир қаторда минтақавий муаммоларга кирувчи сув ресурсларидан фойдаланиш, атроф-муҳитнинг трансчегаравий ифлосланиши, чўлланиш, юқумли (жумладан, сил) ва ўта хавфли касалликларнинг тарқалиши, табиий ва техноген тусдаги катаклизмларни, маҳаллий миқёсда – муайян худудларнинг радиацион ифлосланиши, ер ости сувларининг ифлосланиши, чиқиндиларни тўпланиши ташвишга солмоқда. Биргина иқлим ўзгариши хавфли об-ҳаво шароитлари, турли юқумли касалликларнинг тарқалиши кўринишларида, жумладан иқтисодий жиҳатдан сезиларли даражада таъсир этмоқда, инсонларнинг ҳаёти ва соғлиғига экотизимларнинг нобарқарор ривожланишига, тоза ичимлик суви тансиқлиги каби муаммоларга сабаб бўлмоқда. Зарур чора-тадбирлар амалга оширмаса, бундан ҳам хавфли оқибатлар вужудга келиши мумкин. Иқлим тез даражада ўзгармоқда, ушбу табиий иқлим ўзгаришига инсон фаолияти натижасида келиб чиқадиган исиш жараёни ҳам қўшилмоқда. Иқлим ўзгариши ҳаво ҳароратининг шунчаки кўтарилишини англатмайди. Исиш эса, Дунё океани сатҳининг кўтарилганлиги, музликларнинг эриши, дарёлар оқимининг ўзгариши ҳамда иқлимнинг барқарор эмаслиги билан боғлиқ бошқа глобал ўзгаришларга омил бўлмоқда. Иқлим ўзгаришининг ижтимоий-иқтисодий ва экологик оқибатларига таъсирчан ҳисобланадиган Марказий Осиё минтақасида ҳароратнинг 1-2 градусга кўтарилиши қорларнинг эриши ҳисобига дарёларнинг тўлишига, ҳаво ҳароратининг 3-4 градусга ошиши эса тоғли ҳудудлардаги музларнинг эришига, натижада сув ресурсларининг ҳозирги ҳолатидан 40 фоизгача камайишига сабаб бўлиши башорат қилинмоқда. Улар бугунги шароитда аҳолининг адаптацияси масалаларида жон куйдириш, уларнинг экологик онги ва маданиятини кўтариш борасида тарғибот-ташвиқот ишларининг савиясини ошириш мутассади ташкилотлар,

жумладан, соғлиқни сақлаш тизими, таълим соҳаси вакилларининг, маҳаллалар фаоллари, нодавлат ва нотижорат ташкилотларнинг, айниқса, маҳаллий ҳокимликларнинг асосий-эътиборталаб, кундалик вазифаларидан эканлигига эътибор қаратдилар. Эндиликда Ўзбекистон Республикаси Табиатни муҳофаза қилиш давлат қўмитасининг 14 китобдан иборат “Ўзбекистоннинг экологик электрон кутубхонаси”дан ушбу ва бошқа маълумотларни топиш имконияти мавжудлигига ҳам эътибор қаратилди. Учрашув иштирокчиларига Орол фожиасига бағишлаб ”ЭКОСАН” томонидан олинган “Харитага кирмаган саҳро” ҳужжатли фильми намойиш этилди Тадбир жараёнида мактаб ўқувчилари ўртасида “Соғлом турмуш тарзи ва сил” мавзусида эълон қилинган деворий газеталар кўрик-танловининг туманлар бўйича ғолиблари ўртасида шаҳар босқичи мусобақалари ташкил этилди. Танлов иштирокчилардан уй вазифаси сифатида мавзу бўйича бажарилган деворий газета муаллифи энди давра суҳбати иштирокчиларига ушбу мавзунинг бугунги глобал иқлим ўзгариши шароитидаги аҳамияти ва муаммолар ечими бўйича ўз тушунчаларини ҳамда зарур тавсияларини баён қилиб бериши талаб қилинди. Баҳсли, савол-жавобга бой, ўзига хос ушбу мусобақада ҳамма туманлардан ғолиб бўлиб келган ўқувчиларнинг билимлари савияси, рассомлик маҳорати анча юқори эканлиги эътиборни тортди. Шаҳар мактаблари бадиий тўгаракларининг сермазмун чиқишлари билан тўлдириб турилган кўрик-танловда Миробод тумани 94-мактабнинг 8- синфи ўқувчиси Шохзода Камолиддинова ғолиб деб топилди. 2-ўринни Хамза тумани 215-мактабнинг 9-синфи ўқувчиси Дамира Абдурахмонова, 3- ўринни Сергели тумани 7-мактабнинг 6-синфи ўқувчиси Влади Петров эгалладилар. Рағбатлантирувчи совринга Юнусобод тумани 70-мактабнинг 9- синф ўқувчиси Ситора Юсупова эгалик қилди. Уларга Саломатлик ва тиббёт статистикаси институтининг дипломлари ва “ЭКОСАН” Халқаро жамоат фондининг совринлари топширилди. Кўрик-танлов ғолибларининг ижод

намуналари – деворий газеталарни “ЭКОСАН” чоп этадиган экологияга оид китоблар таркибига жойлаштириш тавсия этилди. Тадбир сўнгида Саломатлик ва тиббиёт статисткаси институти Тошкент шаҳар филиали директори Эльвира Маракаева “ЭКОСАН” Халқаро жамоат фондига ўзаро кўп йиллик ҳамкорлик, бугунги тадбир кўрик-танлови ғолибларига ажратилган совринлар ҳамда филиал кутубхонаси учун хайрия сифатида тақдим этилган экологияга оид адабиётлар, плакатлар ва харита учун ташаккур билдирди.

O'xshashlar

Иқлим ўзгариши эътибор марказида

Глобал иқлим ўзгариши

Иқлим омиллари

Иқлим ва унинг ўзгаришининг инсоният ривожланишига таъсири

Экология ва халқаро ҳамкорлик