Экологиянинг асосий қонунлари ва унинг барқарор ривожланиш муаммолари - Ekologiya - Referatlar

Экологиянинг асосий қонунлари ва унинг барқарор ривожланиш муаммолари

Yuklangan vaqt:

20.09.2019

Ko'chirishlar soni:

0

Hajmi:

95 KB

Ko'chirib olish

www.arxiv.uz Режа: 1. Тирик организмнинг оптимум ва миинмум критик нуқталари. 2. Экологик омиллар ва уларнинг организмларга таъсири. а) Абиотик омиллар б) Биотик омиллар в) Антропоген омиллар Хулоса.

www.arxiv.uz Табиатда ҳар бир экологик омил тирик организмларга маълум чегара доирасида таъсир этади. Алоҳида олинган омилнинг етарли даражада бўлмаган ёки кўп миқдорда бўлган таъсири тирик мавжудотларнинг ҳаёти учун салбий таъсир кўрсатади. У ёки бу экологик омилнинг оргинизмларнинг ҳаёти учун энг қулай бўлган чегарасидаги таъсирига – экологик омилнинг оптимум зонаси ёки оддий қилиб, оптимум -дейилади. Оптимумдан четга чиқиш салмоғи қанча кўп бўлган сари муайян омилнинг тирик организм ҳаёти учун «ғовга айланиши» таъсири шунча кучая боради. Омилнинг максимум ва минимум чегаралари – бу танглик нуқталаридир. Улардан четга чиқа бориш яшаш қобилиятини йўқотишга ва ниҳоят организмни ўлимига олиб келади. Тирик мавжудотларнинг муҳитдаги муайян омилга нисбатан бардош бериб яшай оладиган танглик (максимум ва минимум) нуқталари ўртасидаги чегарага экологик валентлик дейилади. Масалан, ҳарорат омилига нисбатан шимол тулкиси жуда юқори экологик валентликка эга, у 85 0 С (+ 30 0 дан то 55 0 ) га тенг бўлган ҳароратнинг ўзгаришига бардош бера олади. Муҳитнинг кенг чегарадаги абиотик омилларини ўзгаришига бардош бериб яшай оладиган тирик мавжудотларни «эври» деб номланади. Жами тирик мавжудотларни жуда тор бўлган чегарадаги экологик шароитларда ҳаёт кечиришга мослашган турларини – стенобиотлар ва экологик шароитларнинг талай ўзгаришлари чегарасида ҳам яшашга мослашган турларини эса, эврибиотлар дейилади. Алоҳида олинган индивидумларда у ёки бу омилга бардош бериш даражаси, танглик нуқтаси, оптимал, пессимал ва максимал зоналар тўлиқ равишда мос келмайди. Бундай ўзгарувчанлик муайян мавжудотларнинг ирсий сифатлари, уларнинг жинсий, ёшу – қарилик ва физиологик фарқлари билан белгиланади. Масалан, ун капалагининг қурти учун минимал температура + 7 0 С бўлса, капалакнинг ўзи учун – 22 0 Сга, тухуми учун 27 0 С тенг.совуқ - 10 0 С бўлганда бу ҳашоратнинг қурти нобуд бўлади. Лекин бу даражадаги совуқ унинг капалаги ва тухумига зарар етказмайди. Демак ҳамма вақт турнинг экологик валентлиги муаян тирик мавжудотнинг экологик валентлигидан юқори

www.arxiv.uz бўлади. Ҳар бир ҳайвон тури ўзига хос бўлган экологик омилларнинг маълум чегарада бўлишини талаб қилади. ЭКОЛОГИК ОМИЛЛАР ВА УЛАРНИНГ ОРГАНИЗМЛАРГА ТАЪСИРИ. Ерда ҳаёт пайдо бўлгандан буён тирик организмлар ташқи муҳитдаги ҳар хил ўзгаришлар таъсирига дуч келади. Сайёрамизда мавжуд бўлган ҳайвонлар, ўсимликлар ҳамда ҳаёт кечирадиган бошқа организмлар сонининг сероблиги ва географик тарқалишига бевосита ёки билвосита таъсир кўрсатувчи ҳар қандай ташқи омиллар экологик омиллар деб аталади. Экологик омилларнинг табиати ва организмга таъсир этиш хусусияти қуйидагича: 1. Айрим организм турларни маълум ҳудуддан сиқиб чиқади ва уларнинг жуғрофик жиҳатдан тарқалишининг ўзгаришига олиб келади. 2. Ҳар хил турларнинг ривожланишига бевосита таъсир кўрсатиб, уларнинг кўпайиши ва нобуд бўлишини ўзгартиради, бир жойдан иккинчи жойга кўчиб популяция ва биоценозлар зичлигига таъсир қилади. 3. Организмларда мосланиш хусусиятларини келтириб чиқаради, уларда ички (модда алмашув) ва ташқи ўзгаришларни тарқоқ, гуруҳ бўлиб тарқалиши, фотодавр реакцияси ва бошқа жараёнларнинг келиб чиқишига сабаб бўлади. Табиий муҳитда учрайдиган омилларни қуйидаги 3 – та асосий экологик гуруҳга ажратиш мумкин: абиотик, биотик ва антропоген. 1. Абиотик омиллар – жонсиз табиат элементлари: иқлим (ҳарорат, намлик, ёруғлик, ҳаво) тупроқ, рельеф тирик организмларга бевосита ёки билвосита таъсир этадиган шаклларидир. Абиотик омилларнинг энг муҳими иқлим ҳисобланади. Айни жойдаги ўсимликларнинг тури унга боғлиқ бўлади. У ўз навбатида ҳайвонот олами ва туркумлар қиёфасини белгилайди. Иқлим қатор омиллардан юзага келади. Булар ёруғлик, ҳарорат, намлик тупроқ, ҳаво ва рельефдир. Ёруғлик – Қуёш нури ўсимликларнинг

www.arxiv.uz физиологик функцияси, тузилиши, ўсиш ва ривожланиш тезлигига турли даражада таъсир кўрсатади. Энг муҳими ёруғлик туфайли ўсимликларда фотосинтез жараёни содир бўлади. Ёруғлик ҳайвонлар ва инсон учун ҳам муҳим омил ҳисобланади. Чунки у фаоллик даражасини белгилаб беради. Қуёш энергияси ёруғлик тартибини яратади. У географик кенглик ва рельефга боғлиқ равишда ўзгаради. Ернинг айланиши билан боғлиқ ҳолда ёруғлик тартиби аниқ кунлик ва мавсумий даврийликка эга. Кеча ва кундузнинг маълум давомийлигининг даврий ўзгариши натижасида организмнинг ёритишнинг суткалик тартибига реакцияси фотодаврийлик дейилади. Ўсимликлардаги суткалик фотодаврийлик фотосинтез жараёнларини назорат қилади. Ҳайвонларда эса кундузги ва тунги ҳаёт тарзига мослашиш юзага келган. Ўсимликларнинг сояда ёки ёруғлик таъсирида ўсишига қараб бир неча гуруҳга – ёруғсевар, соясевар ва сояга чидамли ўсимликлардир. Ёруғсевар ва соясевар ўсимликлар ўзларининг морфологик, анатомик ва физиологик тузилиши ҳамда хусусияларига кура бир – бирларидан фарқ қиладилар. Ҳарорат – ҳаёт учун муҳим бўлган жараёнлар – ўсиш, ривожланиш, урчиш, нафас олиш, органик моддаларнинг синтезланиши ва ҳоказоларга таъсир этувчи асосий омил ҳисобланади. Ҳайвон ва ўсимликлар ҳаётида ҳарорат катта аҳамиятга эгадир. Ўзининг доимий тана ҳароратига эга бўлган ҳайвонлар гомойотер – иссиқ қонли ҳайвонлар дейилади. Ўз танаси ҳароратини доимий равишда сақлаш қобил и яти ҳайвонларнинг муҳим экологик мослашуви ҳисобланади. Бундай ҳайвонларга сут эмизувчилар ва қушларни мисол қилиб келтириш мумкин. Ташқи муҳит таъсирига кўра ўз танаси ҳароратини ўзгартирувчи, яъни доимий тана ҳароратига эга бўлмаган ҳайвонлар пойкилотермлар – совуқ қонли ҳайвонлар дейилади. Атроф – муҳит ҳарорати ошиши улардаги барча физиологик жараёнларни кучли тезлаштиради. Масалан, калтакесаклар ҳарорати + 37 0 С бўлган минтақаларда яшашни маъқул кўради. Ўсимликлар ҳам 2 экологик гуруҳга, яъни иссиқлик (ҳарорат) таъсирида яхши ўсиб

www.arxiv.uz ривожланадиган термофил ва паст ҳарорат таъсирида яшовчи психрофил ўсимликларга ажратилади. Намлик. Ерда барча организмлар мавжуд бўлишининг зарурий шарти сувнинг борлигидир. У тирикликнинг зарур компоненти ва иқлимнинг муҳим омили бўлиб, у Ер юзасининг ҳар хил қисмларида ҳароратнинг маълум чегарада бўлишини таъминлайдиган асосий восита ҳисобланади. Сув балансини таъминлаш организмнинг асосий физиологик функцияси ҳисобланади. Экологик нуқтаи назардан қараганда сув бошқа омилларга нисбатан кўпроқ чекловчи (лимитловчи) омил ҳисобланади. Сувнинг ш ў рланиш даражаси юқори бўлса, ундаги организмлар ҳалок бўлади. Намлик омили ҳайвонлар учун ҳам аҳамиятлидир. Айрим ҳайвонлар ёзда уйқуга кетади, баъзилари эса анабиоз ҳолатига киради. Тупроқ кўплаб микр о организмлар ва ҳайвонлар учун яшаш муҳити ҳисобланади. Тупроқда яшовчилар учун унинг тузилиши, кимёвий таркиби, намлик, озиқ моддаларнинг мавжудлиги биринчи даражали омиллар ҳисобланади. Тупроқда узлуксиз равишда юз бериб турадиган жараён, яъни ўсимлик ва ҳайвон қолдиқларининг парчаланиши содир бўлади. Бу жараён туфайли органик ва минерал моддалар ҳосил бўлади ва йиғилади. Ҳаво. Атмосферадаги газлар аралашмаси ҳаво қатламини ташкил этган. Ҳаво, ҳайвон, ўсимликлар ва организмлар учун нафақат яшаш муҳити, балки экологик омил сифатида ҳам аҳамиятлидир. Ҳайвонлар учун яшаш муҳитининг асосий элементи – кислород, ерда кислород яратувчи ягона манба – яшил ўсимликлардир. Атмосферанинг саноат чиқиндилари, транспорт воситаларидан чиққан заҳарли газлар билан ифлосланиши ҳавода углерод диоксиди, сероводород, олтингугурт оксиди, азот оксиди, углерод оксиди ( II ) миқдорининг кўпайишига олиб келади. Бу эса, атроф – муҳит ва инсонлар саломатлигига салбий таъсир курсатади.

www.arxiv.uz Рельеф . Т ирик мавжудотлар ҳаёти учун рельеф ҳам муҳим аҳамиятга эга. Рельеф иқлимнинг шаклланишига таъсир қилади, дарёлар оқими йўналиши ва ҳарактери унга боғлиқ. Паст текисликдан текисликларга ва иссиқ минтақалардан совуқ минтақаларга қараб борган сари тупроқ, ҳаво, намлик ва ҳокозолар таъсири билан боғлиқ ҳолда ўсимлик ва ҳайвонот олами турлари ўзгариб боради. Буни горизонтал зоналлик дейилади. Биотик омиллар. Биотик омиллар дейилганда ўсимликлар, ҳайвонлар ва микроорганизмларнинг бир – бирларига ўзаро таъсири тушунилади. Табиатда ҳеч қандай тирик жонзот ўз қобиғига ў ралиб, айри ҳолда яшай олмайди. Уни табиатнинг кўплаб тирик вакиллари ўраб олган бўлади. Уларнинг барчаси бир – бири билан ўзаро таъсирлашади, шунингдек уларнинг ҳаёт шароитларига кўрсатган таъсири муҳитнинг биотик омиллари мажмуини ўз ичига олади, бу муносабатларга: - ўсимликларнинг ўсимликларга таъсири; - ўсимликларнинг ҳайвонларга ва аксинча, ҳайвонларнинг ўсимликларга таъсири; - ҳайвонларнинг ҳайвонларга таъсири; - микроорганизмнинг ўсимликларга ва аксинча, ўсимликларнинг мироорганизмларга таъсири; - микроорганизмларнинг ҳайвонларга ва аксинча ҳайвонларнинг микроорганизмларга таъсири; - бу уч гуруҳга кирувчи организмларнинг ўзаро таъсири киради. Ўзаро муносабатда яшовчи организмларнинг бирини иккинчисига ва аксинча кўрсатадиган таъсирига қараб уларни муносабатлари биотик типларга бўлинади. Мутализм. (Симбиоз). Ўзаро муносабатда бўлган организмлар жуфтидаги ҳар бир организм бу муносабатдан наф кўради. Мутализм муносабати чумоли ва қўнғиз ўртасида бўлиши мумкин. Чумоли уясига баъзида қўнғизлар жойлашиб олади. Бу қўнғиз чумолилар ҳимоя қилиб, хатто озиқлантиради. Ўз навбатида улар қўнғиз безл а ридан чиқарган

www.arxiv.uz шираларини ялайдилар. Мутализмга яна бир мисол сифатида нил тимсоҳи билан трихимус номли қуш ўртасидаги муносабатни келтириб ўтиш мумкин. Тимсоҳ қирғоққа чиққанда бу қуш унинг очиқ турган оғзига жойлашиб олиб, оғиз бўшлиғига тушуб қолган зулуклар ёки тишлар орасида қолиб кетган овқат қолдиқлари билан озиқланади ва тиш ораларини тозалайди. Шу йўсинда ҳар иккила организм бу муносабатдан наф кўради. Комменсализм. Бу хилдаги ўзаро биотик муносабатда бирга яшовчи организмлардан бири муносабатдан наф кўради, лекин у иккинчи организмга ҳеч қандай зарар ҳам, наф ҳам келтирмайди. Яъни бир т у р бошқасига зарар ҳам, фойда ҳам келтирмасдан ўзи қандайдир фойда устунликка эга бўлса, бундай ўзаро муносабатларнинг шакли комменсализм деб аталади. Масалан, акулалар терисига ёпишиб олиб, унда қолган озуқа қолдиқлари билан ҳаёт кечирувчи майда балиқлар ўртасидаги муносабатларни келтириш мумкин. Йиртқичлик. Биотик муносабатларнинг кенг тарқалган хили ҳисобланади. Бунда бир тур вакиллари иккинчи тур вакилларини йўқ қилади, яъни еб қўяди. Йиртқичлик – оз у қавий муносабатлар шаклларидан биридир. Типик йиртқичлик ҳайвонларнинг овлаш табиатида кузатилади. Йиртқичлик ўсимликларда ҳам учрайди. Масалан, ҳашаротҳур ўсимликларнинг ҳашаротга бўлган муносабати – йиртқичликдир. Хуллас, бунда бир тур фойда к ў рса, иккинчи тур зарар кўради. Паразитизм. Турлар ўртасидаги бу хил биотик муносабатда бир тур (паразит) бошқа тур (хўжайин) ҳисобига озиқланиб яшайди. Паразит ўз ҳаётини таъминлаб турган хўжайинини секин – аста ҳалок этади. Масалан, гижжалар одамни оғир касал бўлишига олиб келади. Паразитлар ўсимликлар орасида ҳам учрайди, чирмовиқ, зарпечак типик паразитлардир. Нейтрализм. Бу биотик муносабатнинг шундай хилики, унда икки турнинг бир жойда яшаши, уларнинг ҳар иккаласига ижобий ҳам, салбий зам таъсир кўрсатмайди. Нейтрализм муносабатида турлар ўзаро бевосита боғлиқ эмас, лекин муайян жойдаги тирик мавжудотлар бирлашмасининг умумий

www.arxiv.uz ҳолати уларга таъсир этади. Масалан, олмахон ва лось (шохли буғу) бир ўрмонда ҳаёт кечириш билан бирга бир – бири билан ўзаро муносабатда бўлмайди. Нейтрализм муносабати турлар билан тўйинган зич бирлашмаларда жунг кенг тарқалган бўлади. Рақобат (конкуренция). Икки тур учун ҳам зарарли муносабат рақобат дейилади. Рақобат турлар ичида ёки турлараро бўлиши мумкин. Рақобат муносабати бир – бирига қарши, тўғридан – тўғри кураш олиб боришдан тортиб, то биргаликда осойишта яшаш даражасигача бўлган хилма – хил ўзаро муносабат жараёнларини ўз ичига олади. Шунга қарамасдан бир бирлашмада яшаб бир хил экологик талабчанликни намоён қилган икки организмдан бири эртами, кечми рақобат кураши натижасида албатта иккинчисини сиқиб чиқаради. Бу асосий экологик қоидалардан биридир. Рақобат муносабати табиий танлаш ва янги тур ҳосил бўлиш жараёнини ташкил қилади. Антропоген омиллар. Ҳозирги вақтда антропоген (юнонча «антропос» - инсон) омиллар табиатдаги энг кучли омил ҳисобланади. Ердаги жами тирик мавжудотларнинг яшаш муҳитига ёки уларнинг ҳаётига таъсир кўрсатадиган кишилик жамиятини нг ҳамма шакллардаги фаолиятига антропоген омиллар дейилади. Сайёрамиздаги тир и к табиатга нисбатан антропоген омилнинг таъсири йилдан – йилга кучайиб бормоқда. Инсон тир и мавжудотларга, уларнинг тарқалишига ёки ўлимига бевосита, яшаш муҳитини ўзгартиришга эса билвосита таъсир кўрсатади. Инсоннинг тирик мавжудотларга бевосита таъсир этиши шунга олиб келдики, кўпдан кўп ҳайвон ва ўсимлик турлари қирилиб кетди. Табиат ўта мураккаб комплекс тизим бўлиб, унда инсоннинг фаолият кўрсатиши натижасида бир – бири билан узвий боғлиқ бўлган занжирли реакция юз беради, бу реакцияларнинг оқибати эса ўз навбатида, жамиятга салбий таъсир кўрсатувчи бумеранг (қайтар) самарани юзага келтириб чиқаради. Бу фикрни исботи сифатида Боливия шаҳарларидан бирида москитларни йўқотиш мақсадида ДДД (ДДТ дан ўнлаб марта заҳарли) деб

www.arxiv.uz номланган модданинг қўлланилгани ва унинг оқибатларини мисол тариқасида келтириш мумкин. Бунда юқорида қайд этилган занжирли реакция бошланиб кетиб , д ори таъсиридан ўлган ҳашаротларни калтакесаклар истеъмол қилишган, калтакесакларни эса мушуклар еб қуйишган ва унинг натижасида шаҳарни сичқон ва каламушлар босиб кетган, бунинг оқибатида одамлар тиор (терлама) касали билан касалланиб оқибатда бу нарса одамларнинг қирғинлигига олиб келган. Бу ўринда мамлакатимиз мисолида экологик вазиятни қисқа таҳлил қилиб ўтиш ўринлидир. Аслида мамлакатимизда 70 йил мавжуд бўлган тоталитлар тузум ер, унинг бойликлари: сув, ў рмонлар ва ҳоказоларга нисбатан ижтимоий мулкчиликни жорий қилиб , и шлаб чиқариш жараёнларини буйруқбозлик асосида бошқариш жорий этилган эди. Табиий бойликларга нисбатан бу хилдаги муносабат жамият аъзоларининг кўпларини нг онгида табиат «эгасиз» (табатга ҳамма хўжайин, унинг бойликлари ҳаммага тенг миқдорда тегишли, унга нисбатан ваҳшийларча муносабат учун ҳеч ким жавоб бермайди) қабилидаги тасаввурларнинг шаклланишига сабабчи бўлади. Ҳозирги экологик вазиятнинг танглик томон юз тутиши собиқ иттифоқ тузими пайтида мамлакатимизнинг ривожланишини шахсга с и ғиниш, турғунлик деб номланган даврларида халқ хўжалигини юритишда йўл қўйилган камчиликларнинг оқибатидир. Малакатимиздаги табиий вазиятни баҳолаганимизда, унинг «Экологик инқироз» ёқасига келиб қолганини билиб олиш мумкин бўлади. Уни исботловчи далилар жуда кўп. Улар қаторига катта – катта ҳудудлар, дарёлар, қўллар ва атмосферанинг ифлосланиши, тупроқ эрозияси, ч ў лланиш, заҳарли химикатларни бефаҳмлик билан қўлланилиши, тупроқда минерал ўғитларнинг кўп миқдорда солиниши, кўп ўрмонзорларнинг барбод бўлиши ва ҳоказолар киради. Ўрта Оси ё ҳудудидагина эмас, балки бутун планетамиз да оғир даражага айланган муаммо – орол денгизининг қурий бошлаши ана шу «экологик инқироз» дан дарак беради. Антропоген омилнинг ножуя таъсири Орол мисолида яққол

www.arxiv.uz кўзга ташланиб қолди. Ҳозирги кунда Ердаги тирик мавжудотларнинг, умуман ҳаёт қобиғининг тақдири кишилик жамиятининг қўлида , яъни антропоген омилнинг табиатга кўрсатган таъсирига боғлиқ. Шу нуқтаи назардан В.И. Вернадский XX асрнинг 30 йилларидаёқ биосферанинг бундай кейинги ривожланиш даври - ноосфера (онг сфераси) га ўтиш даври деб башорат қилган эди. Бу фикр орқали у, биосфера ва кишилик жамиятининг ҳозирги ривожланиш давридаги инсон фаолияти, унинг техникавий имкониятлари, табатга нисбатан онгли муносабати, Ердаги ҳаёт учун ҳал қилувчи аҳамияга эга эканлигини эътироф этган бўлса бежиз эмас. Хулоса қилиб айтганда, замонавий экологик фанинг асосий вазифаси – ҳозирги фан – техника инқилоби. Инсониятнинг урбанизацияси шароитида сайёрамиз биосфераси ва кишилик жамиятини узоқ вақт давомида мавжуд бўлишини таъминлайдиган, илмий жиҳатдан асосланган ва жуда пухта ишланган табиат бойликларидан фойдаланиш ва уларни муҳофаза қилиш фойдаланиш концепциясини ишлаб чиқаришидан иборат. Инсоният XXI асрга қадам қўйган экан, унинг имкониятлари ҳар томонлама кенгайиб кетди. Инсон космосни фаол равишда забт эта бошлади, саноат , қ ишлоқ хўжалиги , тиббиёт, маориф ва маданият соҳаларида улкан муваффақиятларни қўлга киритди. Умуман олганда антропоген омил, яъни инсон – омили табатдаги жараёнларга аралашувчи тиббий тарзда содир бўладиган аралашув кучига тенг кучга эга бўлиб қолди. Эндиги кунда табиатга инсоннинг аралашуви олдиндан қандай оқибатга эга бўлишини башорат қилинишини талаб қилиб қолди. Замонавий цивилизациянинг қудрати шаҳдам қадамлар билан ошиб бормоқда, фан ва техника эса унинг ривожланиши учун янгидан – янги имкониятлар яратмоқда. Ҳеч қачон цивилизация (тамаддун) ҳозирги кундаги даражадаги маиший, моддий ва маданий хизмат кўрсатиш имкониятига эга бўлмаган. Ҳеч бир даврда Ер куррасининг «Ўртача яшовчиси» бунчалик миқдорда озиқ – овқат исътемол қилмаган, шунчалик яшаш майдонига эга бўлмаган. Шу билан бирга инсоният XXI асрга қадам қ ў яр экан катта тажрибага ва улкан фан ютуқларига ҳам эга бўлди. Умумбашарият олдида

www.arxiv.uz янги жаҳон урушини олдини олиш, ривожланган илғор мамлакатлар ва эндигина ривожланиш йўлига кириб бораётган мамлакатлар тараққиётидаги фарқли тафовутни камайтириш, она заминдаги демографик вазиятни барқарорлаштириш, тобора кескинлашаётган экологик инқирозни нг олдини олиш, инсон саломатлигини мумҳофаза қилиш ва СПИД нинг олдини олиш, ги ёҳвандликка, ҳалқаро терроризмга қарши қурашиш каби муаммолар мавжуд ва уларнинг ҳар бири ўзаро бир бири билан боғлиқдир. Булар орасида экологик муаммолар ечим ини топиш, уни истиқбол йўналишини аниқлаш умумбашариятнинг бурчи, ҳаёт – мамоти ҳисобланади. Бу соҳадаги изланишларни кучайтирши, таълим – тарбия жараёнларида фан ютуқларига асосланган тарзда жойлаштириш ва кенг халқ оммасига экологик муаммоларга оид маълумотларни ҳамма учун тушунарли қилиб етказиш ва ниҳоят жамиятнинг ҳар бир аъзосини экологик саводхонлигини, экологик онгни ва экологик тафаккур қобилятини юқори поғонага кўтариш.

www.arxiv.uz Адабиётлар : 1. И. Холлиев., А. Икромов – экология. Т. «Меҳнат», 2001 й. 2. Ю. Махмудов – экологиядан қўлланма. Т. «Фан», 1997 й. 3. Ш. Ширинбоев., М. Сафин – Атроф – муҳитни муҳофаза қилиш. Самарқанд, 2003 йил. 4. А. Тухтаев – Экология. Т. «Ўқитувчи», 1998 йил. 5. А. Эргашев – Умумий экология. Т. «Ўзбекистон», 2003 й. 6. www.ziyonet.uz

O'xshashlar

Барқарор ривожланиш муаммолар ва истиқболлар

Экологик экспертизанинг илмий-методик асослари

Экологиянинг умумий масалалари

Табиатни муҳофаза қилиш таълим тарбияси

Экология асослари