Islom dinidagi mazhab va oqimlar - Dinshunoslik asoslari - Referatlar

Islom dinidagi mazhab va oqimlar

Yuklangan vaqt:

20.09.2019

Ko'chirishlar soni:

0

Hajmi:

88 KB

Ko'chirib olish

ISLOM DINIDAGI MAZHAB VA OQIMLAR Reja : 1. Islom dinida e’tirof etilgan yo’nalish va mazhablar. 2. Shialik va uning mazxablari. 3. Xorijiylar. 4. E’tirof etilmagan mazxablar hamda zamonaviy diniy siyosiy partiya va oqimlar.

Islom hayot falsafasi ekani, u jamiyaqt a’zolarini eng yuksak bashariy fazilatlar egasi qilib tarbiyalashni, insonparvarlik, xalqparvarlik, adolat, halollik, boshqa dinlarga ehtirom, oliyjanob axloqni targ’ib etishni yaxshi anglab, yetmoq bu muqaddas dinimiz tarixidan xabardor bo’lib, vatandosh ulamolarimizning islom taraqqiyotiga qo’shgan buyuk xissasini bilmoq – har birimiz uchun ham farz, ham qarz. Mazhab (arabha – yo’nalish, oqim, yo’l, ta’limot). Mazhablar keng tarqalgan barcha dinlarga xos bo’lib, u dinlarda asrlar davomida yuz bergan ixtiloflar bo’linishlardan yuzaga kelgan. Dinlarda vujudga kelgan yirik ajralishlar fanda oqim deb nomlanadi. Islomdagi diniy mazhablar diniy e’tiqod va marosimchilik masalalarida shariat mazhablaridan va diniy ilohiyot oqimlaridan keskin farq qiladi. Islomda ilk davrda paydo bo’lgan eng birinchi yirik muammo – oily hokimiyatni egallashga pauyg’ambarlardan keyin kim haqliroq degan masala bo’ldi. Ali tarafdorlari “Shia” nomini olib, Islomda birinchi bo’linishni boshlab berdi. Ikki taraf sunniylik va shialik o’rtasidagi kurash asnosida xorijiylar deb atalgan uchinchi yo’nalish ham paydo bo’ldi. Sunniylik yo’nalishi “Ahli sunna va – l - jamoa” deb ataladi va to’rtta fiqhiy mazhabdan iborat: 1. Xanafiy 2. Shofiiy 3. Molikiy 4. Hanbaliy. Sunniylikda ikkita aqidaviy ta’limotga amal qilinadi: Motrudiya, Ashariya Bugungi kunda dunyodagi taxminan 1 mlrd. 300 mln musulmonning 92.5 foizini sunniylar tashkil etib, ular mazhablar bo’yicha quyidagi nisbatda bo’linganlar: 1. Xanafiylar – 47% 2. Shofiiylar – 27% 3. Molikiylar – 17% 4. Hanbaliylar – 1.5% Shia yo’nalishi ismoiliy, ibodiy, ja’fariy, zaydiy mazhablarini o’z ichiga olib dunyoda musulmonlarning 7.5 foizini tashkil qiladi. Xanafiy mazhabi. Xanafiya islomdagi eng ko’p tarqalgan mazhab. Uning asoschisi Abu Xanifa 669 – 767 yillarda yashagan. Imom Abu Xanifa butun umri mobaynida 55 marta haj qilganligi ma’lum. Olim sifatidagi bilimlarini savdo ishlarida kundalik hayotida amaliy jihatdan tadbiq etish imkoniyatiga ega bo’lib, qonun-qoidalarni “qiyos” va “istihson”ni ishlatish orqali boyitadi. Qiyosni shakllantirishda “ra’y” (fikr)ga tayanish tufayli uning maktabi “Ahl – ur – ra’y ” nomini oladi. Hadislarga tayanganlarni “Ahl ul-hadis” deydilar. Biroq Abu Xanifa maktabi an’anani yaxshi bilgan va tan olgan.

U: “bizning bu boradagi eng a’lo bilimimiz ra’ydir. Bu – biz erisha olgan eng a’lo narsalardir”, degan. Umumiy tarzda Abu Xanifaning huquqiy nazariyasi shaxs erkinligini hurmatlagan va shu bilan o’zga huquqshunoslardan farq qilgan. Xanafiylik fatvolar chiqarish va shaxs masalalari yuzasidan hozir ham Usmoniylar imperiyasining sobiq elatlari, jumladan, Misr, Suriya, Livan, Iroq, Iordaniya, Falastinda rasmiy mazhab. Bolqon, Kavkaz, Afg’oniston, Pokiston, Hindiston, Markaziy Osiyo mamalakatlari va Xitoyda ham ustuvor mazhab. Bu mazhab musulmonlar dunyosining deyarli yarmiga yoyilgan. Molikiya mazhabi. Bu mazhab Arabiston yarim orolida rivoj topib, dastlab Hijoz yoki Madina mazhabi sifatida nomlangan. Asoschisi Molik ibn Anas Asbahiy 713 yili Madinada kamon o’qlari yasovchi oilasida tavallud topib, shu yerda 795 yili vafotiga qadar yashagan va uni faqat Makkaga hajga boorish uchungina tark etgan. Shu tufayli u Madina ahlining ramziga aylangan. Madina imomi sifatida tan olingan. Molik hech bir siyosiy oqimga aralashmagan va biron rasmiy mansabni egallashga rozi bo’lmagan. Baxslar va ilmiy munozaralarda ishtirok etmagan, chunki u “ilm – xo’rozlar va qo’chqorlar orasidagi urush emas”, deb hisoblagan. Payg’ambar, sahobalar va tobeinlarining fiqhga oid qarashlari, qarorlari va qavmlarini o’zining “Al – Muvatta” kitobida jamlangan. Molikiy mazhabi boyicha Qur’on va Hadis huquq asoslari sifatida tan olinadi. Payg’ambarlarga oid hadislargina ular tomonidan sahih deb e’tirof etiladi. Qur’on va Hadis bir manba – “nass”ni tashkil etadi. Bunga qo’shimcha ravishda madina jamoasining umumiy tajribasi qo’shiladi. Bular haqida yozma manbalar qolmagan, lekin ular payg’ambar davridan me’ros va odat tarzida xotirada saqlanib keladi. Bunday jamoa xotirasiga jamoa hadisi sifatida qaralgan. Shulardan keyingina Madinalik bo’lmagan sahobalar tajribasi hamda tobeinlar tajribasiga murojat etilgan. Hech qayerda mazkur masalaga yechim topilmasa, “almasolih al-mursala”, ya’ni manfaat yo’lidagi mustaqil fikrga murojat etish mumkin bo’lgan. Ammo bu fikr jamoa manfaatiga qaratilgan, nass aqidalariga zid bo’lmasligi va shariat ahkomlariga mos kelishi lozim hisoblangan. Shofiiy mazhabi. Bu mazhab jug’rofiy mintaqa mahsuli bo’lmasdan, ikki o’zga mazhab bilan yaqindan tanishish natijasida payg’ambar ajdodi – Hoshimning akasi Mutallib avlodidan bo’lgan Muhammad ibn Idris ibn Abbos ibn Usmon ibn Shofiiy uning asoschisi bo’ldi. Shofiy 767 yil Falastin (G’azna)da tug’ilib, 820 yili Misrda vafot etadi. Shayboniy rahbarligida Iroq fiqhini o’rgandi. Shofiy nazariyasini ifoda etgan “risola” Bog’dodda yozilib, 814 -815 yillarda Misrda qayta ishlanadi. Qonun sohasida Shofiy o’zini Madina mazhabining izdoshi sifatida ko’radi. Behisob bahslarda o’zga mazhab izdoshlarini o’z fikriga o’tkazishga harakat qiladi. Biroq ular o’z qarashlarida qolib, uning ba’zi huquqiy jihatlarinigina o’zlashtiradilar, xolos. Shu asosida yangi mazhab yuzaga keladi. Birgina inson tomonidan ishlab chiqilgan mazhab avvaliga Bog’dodda, keyin Misrda shakllana boradi.

Misr mazkur yangi mazhabning vatani bo’lgani uchun u yerda bu ta’limot chuqur ildiz ortgani tabiiy. 1517 yil Usmoniy turklar tomonidan Misrga Xanafiy mazhabi kiritiladi. Hozirgi kunda sud mahkamalarida shaxsiy maqom borasida Xanafiy mazhabi tasdiq etilmasada, ko’p Misrliklar (ayniqsa, qishloq joylarida) o’z diniy urf-odatlarioda Shofiy an’analariga sodiq qolganlar. Falastin va Iordaniyaning aksariyat musulmonlari Suriya, Iroq, Hijoz, Pokiston, Hindiston, Indoneziya, Eron va Yamandagi sunnniy musulmonlar ham shunday qiladilar. Hanbaliya mazhabi. Bu shaxsiy mazhab.chunki u asosan bir shaxs – Axmad ibn Hanbalning huquqiy qarashlari, qavl va fatvolarini namoyon etadi. Ibn Hanbal 780 yili Bog’dodda tug’ilib, 855 yili shu yerda vafot etadi. Hadis to’plash niyatida Suriya, Hijoz, Yaman, Kufa va Basraga ko’p sayohat qilgan va 40 mingdan ortiq hadisni jam etgan 6 jildlik “Musnad al-Imom Ahmad” asarini yaratgan. Shuning uchun va fiqh bo’yicha hechqanday kitob yozmagani tufayli ko’plab musulmon ulamolari uni fiqh emas ko’proq muhaddis sifatida ko’radilar. Biroq shogirdlari uning huquqiy qarashlari va fatvolarini to’plab, bu mazhabga aloqador huquqiy tamoyillar va qonunlarni shakllantiradilar. U “Islomni bid’atlardan qutqaruvchi” degan nom olgan, mu’taziliylarga qarshi ochiqdan – ohiq kurashchilarining tashabbuskori bo’lib maydonga chiqdi. Bu mazhabning o’zgalarga nisbatan ko’proq hadislarga tayanishi qonun asoslari jihatidan farq qiladi. Ular hadislar mohiyatini Qur’on oyatlari darajasigacha ko’tarishgan. Hadislarga “qanday?” deb javob bermasdan, to’g’ridan to’g’ri ishonish zarur deganlar. Hanbaliylarga binoan fiqh asoslari beshta: 1. Qur’on va sunna matnlari; 2. Sahobalarning fatvolari; 3. Ayrim saxobalarning Quron va sunnaga muvofiq bo’lgan qavllari; 4. Istinodi zaif yoki xabar beruvchilari soni kam bo’lgan hadislar; 5. Mutlaqo ilojsiz qolganda qiyos bo’yicha hukm chiqarish. 1. Shialik yo’nalishidagi mazhablar. Shialik yo’nalishidagi mazhablar asosan beshta bo’lib, ularga quyidagilar kiradi : Ismoiliy, Karomatiy, Ravofiziy, Zaydiy, Jafariy mazhablari. Shia yo’nalishining Ismoiliy mazhabi VIII asro’rtalarida shakllanib, X-XI asrlarda yaqin va o’rta sharqda keng tarqalgan. Mazkur mazhabning vujudga kelishi arab xalifaligida sinfiy ziddiyatlarni hamda feodal guruhlar o’rtasida kurash va xalq qo’zg’alonlarining kuchayishi bilan bog’liq. Abbosiylarga qarshi kurashni davom ettirish tarafdori bo’lgan bir guruh shialar 6 – imom Ja’far Sodiqning katta o’g’li Ismoil atrofiga jipslashadilar. IX asr oxiriga kelib Ismoiliy oqimi mustaqil mazhab sifatida tashkil

topadi. Uning ta’limoti avvalo, ikkiga – zohiriy (ochiq) va botiniy (maxfiy) yo’nalishiga bo’linadi. O’rta asr mobaynida ismoiliylar orasidan Nazariy (Hashshoshiy), Musta’liy, Druz, Qirmitiy oqimlari ajralib chiqqan,hozirgi davrda Nizoriy mazhabi Suriya, Eron, Pokiston, Avg’oniston shimolida, Pomirda Musta’liy mazhabi esa, Yaman, Hindiston, Pokiston, Misrda, Druz mazhabi Suriya va Livanga saqlanib qolgan. Qaromatiy mazhabi. Qaromatiylar shia mazhabidagi Ismoiylarning asosiy shaxobchalaridan biri bo’lib, IX asr oxirida Iroqda vujudga kelgan, Suriya va Yamanda tarqalgan. Ularning rahnamosi Hamdosh ibn Ash’asning o’g’li Abu Tohir Sulaymon (914-943) davrida qaromatiylar 930 yil haj vaqtida Makkaga bostirib kirib, shaharni talon- taroj qilganlar, bir necha ming hojini va makka aholisini qatl etib, asrga olganlar. Ka’bani vayron qilib, qora toshni ikkiga bo’lib, Bahroinga olib ketganlar. Faqat 20 yildan keyin katta to’lov evaziga u makkaga qaytarib berilgan. Zaydiy mazhabi. Zaydiya firqasining asoschisi Zayd ibn Ali Zayn al-obidin (698-740) Madinada tug’ilgan. Imom Zayd otasi qo’lida tahsil oladi. Otasining vafotidan so’ng diniy ilmlarni akasi Muhammad Boqirdan o’rganadi. Shuningdek, o’z tengqurlaridan bo’lgan Ja’far as-Sodiqdan hadis va fiqh ilmlarini o’rgandi. Zayd ibn Ali ilm yo’lida Basraga borib, mu’tazila, qadariya, jahmiya va boshqa turli firqalar aqidalari asoslarini o’rgandi. U vaqtda Basra va Kufada mazkur firqalar kabi xristian va fors falsafasidan ta’sirlangan oqimlar ko’p edi. Bu yerda Vosil ibn Ato (mu’tazila kalom maktabi asoschisi)dan aqida ilmini mukammal egallagach, o’zi uchun mu’taziliylar yo’lini tanladi. Keyinchalik Zayd ibn Ali imomat masalasida o’rta yo’lni tanladi. Uning fikriga ko’ra, imomlik bir shaxs tomonidan tayin qilinmaydi va u o’z avlodlariga imomlikni vasiyat ham qilmaydi, balki Fotimaning zurriyotidan bo’lgan shijoatli, mujtahid, haqiqatni baralla aytuvchi kishi saylanadi. Zaydiylar e’tiqodiga ko’ra :  bir vaqtning o’zida ikki o’lkada ikki imomga bay’at qilish joiz;  imomlar begunoh emas, taqiya (sharoit og’irlashgan paytda e’tiqodni sir tutish) nojoiz;  sahobalar haqida noloyiq so’zlarni aytish mumkin emas;  Abu Bakr, Umar va Usmonlar ham xalifalikka loyiq bo’lganlar. Mazkur e’tiqod paydo bo’lishida Zayd ibn Alining tutgan siyosiy mavqei sabab bo’lgan. U Umaviylarga qarshi urush ochdi va Kufada xalifa etib saylandi. Uning fikricha, xalifalik faqat ma’lum kishilargagina (masalan, Imom Muhammad al-Boqir) emas, balki Fotimaning ikki o’g’li al-Hasan va al-Husayn avlodlaridan bo’lgan har bir

olim, taqvodor, shijoatli, urushga qodir, podshohga qarshi chiqa oladigan kishiga o’tishi hamda u xalifa saylanishi ham mumkin. Imom Zayd ibn Alining «al-Majmu’» nomli kitobida bayon etgan fikrlari zaydiya fiqhining asosini tashkil qiladi. U ham boshqa mazhab faqihlari kabi birinchi o’rinda Qur’onni, keyin esa sunna, ijmo’, qiyos, istihson, so’ngra esa aqlni shariat asoslaridan deb hisoblaydi. Zaydiya fiqhining o’ziga xos tomonlari quyidagilar:  Ahl al-kitob (samoviy kitobga ega bo’lgan boshqa din vakillari: yahudiylar, xristianlar, sobilar) tomonidan so’yilgan hayvon go’shtini yeyish, lekin ular bilan quda- andachilik qilish harom;  mahsi (oyoq kiyim)ga mash tortish joiz emas. Zaydiya mazhabiga mansub asosiy manbalar – Zayd ibn Alining «al-Majmu’» asari va unga sharh sifatida yozilgan Sharafaddin al-Husayn ibn Ahmadning «ar-Ravd an- nodir» kitobi hisoblanadi. Zaydiylar Shimoliy Afrikada Idrisiylar (789-926), Tabaristonda Zaydiylar (863-928), Yaman (901-1962) davlatlariga asos solganlar. Zaydiya firqasi vakillari hozirgi kunda Yaman Arab Respublikasi, Saudiya Arabistonida, Pokistonda yashaydilar. Bu firqa bir necha mayda firqachalarga bo’lingan. Ular orasidan jorudiya, sulaymoniya, butriya (solihiya), qosimiya, nosiriya, hoduviyalarni zikr etish mumkin. VIII asr o’rtalarida shialikda vujudga kelgan oqim bo’lib, shialarning 5-imomi Muhammad Bakirning ukasi Zayd ibn Ali nomi bilan atalgan. Ular Zaydni 5- imom hisoblab, undan keyingi shia imomlarini tan olmaydilar. Zaydiylar o’z aqida va marosimlari jihatidan shialar va sunniylar o’rtasida turib, har ikkala oqimga nisbatan murosasizlik yo’lini tutadilar. Ular yashiringan imom Mahdiyga ishonmasliklari, Alidan oldingi 3 xalifa (Abu Bakr, Umar, Usmon)ni la’natlamasliklari, mut’a nigohini inkor etishlari bilan shialardan avliyolar va mazorlarga sig’inishni hamda darvishlik va zohidlikni inkor etishlari bilan sunniylar ajralib turadilar. Yaman aholisini yarmidan ko’pini Zaydiy mazhabi nomoyondalari tashkil qiladi. Shuningdek, ularning vakillari Saydiya Arabistoni, Pokiston va boshqa davlatlar ham bor. Ja’fariy mazhabi -Shia yo’nalishidagi diniy huquqiy tuzumga kirib, 12- imomga e’tiqod qiluvchi ismoiliylarning asosiy oqimi Ismoiliylar 6-imom Ja’far Sodiqni(vafoti 765) shialik fiqh tuzimining asoschisi deb biladilar. Aslida, bu tuzim bir qator mujtahid va ilohiyotchilar tomonidan IX-X asrlarda ijtihod qilingan bo’lib, bunda imom Jafarning

deyarli o’rni bo’lmagan, undan fiqh va ilohiyotga oid hech qanday asar qolmagan. Shunga qaramay shialik diniy-huquq majmuasi hozirgacha ham Ja’fariya deb nomlanadi. Ja’fariya XVI asr boshlarida Eronda hukmron diniy-huquqiy tizimga aylangan. Eron va Iroqdagi shialar o’rtasida bu mazhab hozirda ham kuchli ta’sirga ega. 2. Xorijiylar. Xavorijlar. Usmon ibn Affon (644-656) davriga kelib islom jamoasi ( umma ) ichida fitnalar paydo bo’ldi. Usmonga uyushtirilgan suiqasd (656 y.) ham ana shu siyosiy kurashlarning natijasi edi. Xalifa o’ldirilgach, uning o’rniga o’z tarafdorlari tomonidan Ali ibn Abi Tolib (656-661) saylandi. Ana shu davrdan umma -davlat ichida birinchi fuqarolar urushi boshlanadi (656-660). Talha ibn Ubaydulloh, az-Zubayr ibn al-Avomm va Mu’oviya ibn Abi Sufyon kabi guruh rahbarlari Aliga qarshi chiqib, bu holatni shunday talqin qildilar: «Ali qo’zg’olonchilarga qarshi kurashda Usmonga yordam bermadi, qodir bo’la turib odamlarni bu ishdan qaytarmadi, bundan tashqari u xalifalik mansabiga ko’tarilganidan keyin Ibn Affonning qasosini olmadi, balki u Usmonni qatl etilishidan manfaatdor bo’ldi». Bu uch sahobaning bu fikrga kelishlariga har biri xalifalikka Alidan ko’ra o’zini loyiqroq deb hisoblashi turtki bo’ldi. Ular o’z da’volari haq ekanligini turli yo’llar bilan isbotlardilar: Talha va az-Zubayr «Umar (634-644) vafotidan oldin xalifa saylash xususida kengashga ( sho’ro ) chaqirilgan olti kishidan birimiz», deyishsa, Mu’oviya esa Usmonga yaqin qarindosh (ularning ikkisi ham Quraysh qabilasining Umayya urug’idan edilar) va uning qasosini olishga loyiq ekanligini ro’kach qildi. Talha va az-Zubayr «al-Jamal» (« Tuya ») jangida halok bo’ldilar. Shundan so’ng Ali o’rniga xalifalikka da’vogarlardan birgina Mu’oviya ibn Abi Sufyon (660-680) qoldi. 657 yili Suriyada Mu’oviya va Ali o’rtasida bo’lib o’tgan Siffin jangi Ali tarafdorlarining ikki guruhga ajralib chiqishiga sabab bo’ldi. Bu jangda Ali ibn Abi Tolib qarshi tomon (Umaviylar, 660-749) bilan o’zaro bitim tuzib, urushni to’xtatishga rozi bo’ldi. Alining tutgan bunday murosasozlik siyosatidan uning qo’shini orasidagi bir guruh kishilar norozi bo’lib, ajralib chiqdilar. Aliga itoat etishdan bosh tortganlar «xavorij» deb, Mu’oviyaga qo’shilmay Ali atrofiga to’planganlar, keyinchalik, «shia» deb nomlana boshlandi. Bu guruhlar keyinchalik islomdagi ikki katta oqimiga asos soldilar. O’z navbatida har bir toifaning o’ziga xos diniy-siyosiy nuqtai nazarlari, ta’limot va amaliyotlari shakllana boshladi. Xavorijning kelib chiqishi. Ali bilan Mu’oviya o’rtasidagi tuzilgan bitimdan Kufa yaqinida turgan 12 ming kishidan iborat qo’shinning bir qismi norozi bo’ldi. Ular «hukm

chiqarish faqat Allohning qo’lidadir», degan shior bilan qo’shinni tark etib, Kufa yaqinidagi Harura qishlog’iga ketdilar. Bu firqaning Kufadagi «xypyj» (bo’ysinmaslik) voqeasi ularning «Xavorij» (qarshi chiquvchilar) nomini olishlariga sabab bo’ldi. Bu voqea Harura qishlog’ida yuz berganligi bois avvaliga ularni «haruriylar» deb ham ataganlar. Ular o’zlarini «Shurot» («Jonlarini Alloh yo’lida tikkan kishilar») deb nomlaganlar. Yana ularning «Muhakkima» («hukm Allohning qo’lida» deguvchilar) degan nomlari ham bo’lgan. Xavorijlar o’zlariga Abdulloh ibn Vahb ar-Rosibiyni amir etib saylab, Ali va Mu’oviyani yo’q qilish payiga tushdilar. Xalifa Alini 660 yilda xorijiy Abdurrahmon ibn Muljam o’ldirgach, xavorijlar ikki firqaga bo’linib, biri Iroqda qoldi, ikkinchisi Arabiston yarim oroliga ketdi. Umaviylar davrida xavorijlarga qarshi keskin kurash olib borildi. Chunki ular Umaviylar davlatiga katta xavf solardilar. Bu davrda Xavorijlar kuchayib, Kirmon, Fors, Yamoma, Hadramavt, Toif va Yaman kabi shahar va o’lkalarni egalladilar. Hokimiyat Umaviylardan Abbosiylar sulolasi (749-1258) qo’liga o’tganidan keyin ham bu toifa bir muddat o’z kuchini yo’qotmadi. Biroq Abbosiylar uzoq vaqt ularga qarshi uzluksiz olib borgan kurashlaridan so’nggina xavorijlar inqirozga yuz tutdi. Xavorijlar ta’limotlari asosi quyidagilardan iborat:  ular gunohkorni «kofir» deb e’lon qildilar. Shunga ko’ra xalifa Usmonni Abu Bakr va Umar yo’lidan yurmagani uchun kofir deyishadi. Ali, Mu’oviya, Abu Muso al- Ash’ariy, Amr ibn al-Oslar muxolif guruhlarda qatnashganlari uchun ular nazdida kofirlar;  «zolim» podshohga qo’lda qilich bilan qarshi chiqishni diniy vazifa ( vojib ) deb biladilar. O’z e’tiqodini yashirish printsipini ( taqiya ) rad etadilar. O’zlari harbiy jihatdan zaif bo’lsalar ham, qudratli «zolim» podshohga qarshi chiqish vojib bo’laveradi, deb hisobladilar;  xalifalikka har qanday odam, Quraysh qabilasidan yoki arab bo’lishligidan qat’i nazar musulmonlar tomonidan saylanishi mumkin. Xalifalik, shialar aytganidek, ma’lum jamoat (sulola) ichida cheklanmagan;  namoz, ro’za, zakot va boshqa amallarni imonning bir bo’lagi, deb hisoblaydilar. Kishi to barcha amallarni bajarmaguncha, dili bilan tasdiqlab, tili bilan aytishi musulmon deb tan olinishi uchun kifoya emas. Xavorij oqimlari. VII asr ikkinchi yarmida xavorijlar orasida yigirmaga yaqin turli guruhlar paydo bo’ldi. Ular ichida eng yiriklari – ibodiylar, azoriqalar hamda sufriylar bo’lib, ular o’z yo’lboshchilari nomi bilan shunday atalganlar.

Ibodiya. Ibodiya boshqa xavorij guruhlari orasida eng mo’’tadili hisoblanib, bizning davrimizgacha saqlanib qolgan yagona xavorij firqasidir. Bu mazhabning asoschisi umaviy xalifa Abdulmalik ibn Marvon (685-705) davrida vafot etgan Abdulloh ibn Ibod (yoki Abod)dir. Mazkur mazhabning ta’limoti mo’’tadil bo’lib, u qolgan musulmonlar bilan qiz olib-qiz berishdan, ular bilan meros ulashishdan qaytarmaydi. Shuningdek, ularning ta’limoti hujjat va isbot keltirib e’lon qilgandan so’nggina boshqa musulmonlarga qarshi urush ochishga ijozat beradi. Buning aksi o’laroq boshqa xavorijlar esa o’zlaridan boshqa oqimdagi musulmonlardan uylanishni, ular so’ygan hayvon go’shtini yeyishni, ular bilan o’zaro meros ulashishni man etib, e’lonsiz ularga qarshi urush ochishni joiz deb bilishadi. Gunohi kabira (katta gunoh) qilgan odamni kofir deb, tovon ( jizya ) to’lab yurgan boshqa din vakillarini ( ahl az-zimm a) o’ldirishni va mol- mulkini tortib olishni mumkin deb bilishadi. Al-Ibodiya fiqhiy mazhabi ahl as-sunna mazhabi bilan ko’plab amaliy diniy masalalarda ( furu’ ) o’zaro kelishadi. Bu mazhabning ta’limoti ko’plab qo’lyozma va bosma kitoblarda jamlangan. Eng muhim chop etilgan kitobi Muhammad ibn Yusuf ibn Utfoishning o’n jildda chop etilgan «Sharh an-nil» asaridir. Mazkur mazhab vakillari Marokash, Umonda istiqomat qilishadi. Azraqiylar . Azraqiylar ( Azoriqa) guruhining asoschisi Nofi’ ibn al-Azraqdir (v. 685 y.). Xavorij guruhlari orasida eng murosasiz va beshafqat sanalgan bu jamoa hozirgi kungacha yetib kelmagan. Azoriqa ta’limotiga xos bo’lgan jihatlar quyidalar:  Xalifa Alini « kofir » deb hisoblaganlar;  gunohi kabira qilgan musulmonlarni kofir deb e’lon qilganlar;  azoriqalardan bo’lmagan musulmonlar, ularning qariyalari, ayol va bolalari qonini to’kishni ( istiroda ) halol deb hisoblaganlar;  hayz ko’rgan ayollarga ham namoz o’qish va ro’za tutishni farz deb hisoblaganlar;  mayda o’g’rilik uchun ham qo’lni butunlay yelkadan kesib tashlashni buyurganlar. Sufriya. Sufriya ham xavorijlarning bir guruhi bo’lib, Ziyod ibn al-Asfar degan kishi nomidan shunday deb ataldilar. Sufriylar ta’limoti o’zining nisbatan mo’’tadilligi bilan ajralib turadi. Bu guruhning ajralib chiqishiga xavorijlar orasida ko’tarilgan imon masalasidagi tortishuvlar sabab bo’lgan. Ular azoriqadan farqli o’laroq qo’zg’olonlarda qatnashmagan o’z dindoshlarini kofirga chiqarmaganlar. Raqiblarning qariya, ayol va bolalarini o’ldirishdan qaytarganlar. Ongli ravishda taqiyaga – o’z imonini amalda emas, faqat og’zaki ravishda yashirishga

yo’l berganlar. Bu firqa VIII asrgacha o’z faoliyatini davom ettirganligi haqida ma’lumotlar bor. “Xaraja” fe’li “chiqmoq” ma’nosida keladi. Xorijiylar ajralib chiqqanlar, ya’ni islomchilar degan ma’noni anglatadi. U islomdagi ilk diniy-siyosiy oqim hisoblanib, xalifa Ali ibn Abu Tolib va Muaviya tarafdorlari bilan xalifalikdan hukmronlik uchun kurash ketayotgan bir davrda vujudga keldi. Ular xalifa diniy jamoa tomonidan saylanadi va unga bo’ysunadi; har qanday taqvodor musulmon xalifa bo’lib saylanishi mumkin; agar xalifa jamoa manfaatlarini himoya qilmasa vazifasidan bo’shatiladi va hatto qatl qilinadi; e’yiqod amaliy faoliyat bilan mustahkamlanishi lozim, deb hisoblaydilar. E’tiqodsiz va gunohkor kishilarni jazolashda murjiylar (jazo muddatini kechiktirishni istovchilar) tarafdorlariga qarshi turganlar. VIII asrning 2-yarmiga kelib, bu oqim o’z rahbarlari nomi bilan ataluvchi bir necha guruhlarga – Azraqiy, Ibodiy, Sufiriy kabilarga bo’linib ketdi. Olimlarning fikricha, ichdan bo’linishi hamda Ummaviy hamda Abbosiy halifalar VII-IX asrlarda Xorijiylarga qarshi keskin kurash olib borishi natijasida ularning katta qismi qirib tashlandi, qolganlari shimoliy Afrikada o’z davlatini vujudga keltirdi. Hozirdan Xorijiylarning Ibodiy sektasi Mag’rib mamlakatlarida (Jazoir, Tunis) Ummon va Tanzaniyada uchraydi. 3. Islom dinida o’z g’oya va qarashlarini ilgari surgan e’tirof etilmagan mazhablar hamda muayyan bir guruhni manfaatini ko’zlagan uning orzu intilishlarini ro’yobga chiqarish maqsadida tuzilgan diniy-siyosiy oqimlar paydo bo’lgan. Bularga: Murjiylar, Mu’taziylilar, Jabariylar, Jahmiylar, Qadariylar, Mushabbihalar yoki ahli At- tashbeh, As-Sifatiya, Salafiya, Vahobiylik, Ahmadiya harakati “Hizbat-tahrir Al- Islomiy” diniy tashkiloti, Tablihchilar jamoasi, Akromiylar, Nurchilar jamoasi, “Tavba”, Islom uyg’onish partiyasi, “Islom lashkarlari”, “Adolat” harakatlari kiradi. Murjiylar alohida bir yo’nalish bo’lib emas, balki, mazhablar ichidagi oqim sifatida tarkib topgan. Ular asosida yana bir qancha kichi-kichik oqimlarga, ya’ni firqalar vujudga keldi. Murjiylar bu dunyodagi inson halokati muhokama qilishni “orqaga surib”, insonning hatti-harakati, imonini yolg’iz Allohning o’zigina va faqat uning o’zi inson ustidan hukm qila oladi, deb hisoblaydilar. Bu g’oyani xalifa Ali bin Abu Tolibning nevarasi – Hasan bin Muhammad VII asrning 90-yillarida Kufalik Ali tartafdorlariga yozgan nomalarida ifodalanadi. Xuddi shu kabi nomalar xalifalikning boshqa shaharlariga ham yuboriladi. Ularning ta’limotida har qanday momin haqida hoh tiriklik bo’lsin, hoh o’lgan bo’lsin uni hukm qilish, muhokama qilish qoralanadi. VIII asrning 1- yarmida bu ta’limotga asos solingan edi. Mu’taziylilar. Birinchi yirik yo’nalish vakillari hisoblanib, Damashq va Bog’dod xalifaligi hayotida VII-IX asrlarda muhim o’rin tutgan. Ularning aqidalari qat’iy

Allohning yagonaligiga sig’inish, xudo o’z va’dasiga turishi lozim, oraliq holat, yaxshilikka dav’at va yomonlikdan qaytarish. Jabariylar. Arabcha “jabr”dan olingan bo’lib, bu oqim VII asr oxiri, VIII asr boshlarida Islom ilohiyotida paydo bo’lgan ilk yo’nalishlardan hisoblanadi. Jabariylar inson taqdirini xudo mutloq oldindan belgilab qo’yadi, hech qanday iroda va faoliyat erkinligi yo’q. Bular faqat ollohdagina mavjud, inson esa anashu faoliyatni o’zlashtirib olish imkoniyatigagina ega, degan ta’limotni ilgari suradi. Qadariylar. Bu oqim tarafdorlari “taldir” so’zining inson o’z hatti-harakati, taqdirining hukmdori deb talqin qilishadi. Bu – ilk ilohiyot oqimlaridan biri “ular inson o’z hatti-harakatining yaratuvchisi” deb tushuntiradi. Mushabbihalar. Arabcha “ o’xshatuvchilar, o’xshatish tarfdorlari ” degani, ya’ni antropomorfistlar. Bu yo’nalish vakillari Allohni inson qiyofasi shaklida tasavvur qiladilar. Ilk islom davrida “zohiriylar” deb yuritilgan. As-sifatiya. “sifat” arabcha belgi, xususiyat, tabiat degani. Bu oqim Alloh xususiyatlarini ifoda etishning biri bo’lib, Mutaziylilar tomonidan qo’llangan. Allohdagi insonlar nazdida ijobiy hisoblangan sifatlarni tan oli8sh g’oyasi tarafdorlari. Salafiya. Bu XX asr boshida Jamolliddin Afg’oniy va Muhammad Abdu asos slogan islohiy harakat. Asosiy maqsadi musulmonlarni asrlab davom etgan taqlid va turg’unlikdan holi etish, hayotni ma’naviy, madaniy va siyosiy jihatdan isloh etish. Bulardan tashqari Vahobiylik, Ahmadiy harakati, “Hizbat- tahrir Al-islomiy” diniy tashkiloti, “Tablerchilar” jamoasi, Akbariylar nurchilar jamoasi, Islom uyg’onish partiyasi “Islom lashkarlari”, “Adolat” jamoalarini aytish mumkin.

ADABIYOTLAR 1. Husniddinov Z.M. Islom – yo’nalishlar, mazhablar, oqimlar. T.: Movarounnahr, 2000. 2. Daftary F. The Isma‘ilis, Their History and Doctrines. Cambridge, 1990. 3. Halm H. Le chiisme. Paris, 1995. 4. Belyaev Ye.A. Musul ь manskoe sektantstvo. M., 1957. 5. Petrushevskiy I.P. Islam v Irane v VII-XV vekax (kurs lektsiy). Leningrad, 1966. 6. Pigulevskaya N.V., Yakubovskiy A.Yu., Petrushevskiy I.P., Stroeva L.V., Belenitskiy A.M. Istoriya Irana s drevneyshix vremen do kontsa XVIII v. Leningrad, 1958. 7. Prozorov S.M. Shiitskaya (imamitskaya) doktrina verxovnoy vlasti // Islam: religiya, obщestvo, gosudarstvo. M., 1984, B. 204-211. 8. Churakov M.V. Narodnoe dvijenie v Magribe pod znamenem xaridjizma. M., 1990. 9. www.ziyonet.uz

O'xshashlar

Islom

ISLOM DINI TA’LIMOTI VA TASAVVUF

Islom shariati manbalari

Islom dinining vujudga kelishi

Islom dinining jahondagi o’rni