Углеродни табиатда алмашинишида микроорганизмларнинг роли - Biologiya - Referatlar

Углеродни табиатда алмашинишида микроорганизмларнинг роли

Yuklangan vaqt:

20.09.2019

Ko'chirishlar soni:

0

Hajmi:

73 KB

Ko'chirib olish

Углеродни табиатда алмашинишида микроорганизмларнинг роли Режа: 1. Карбонат ангидрид ва кислород айланиши 2. Спиртли бижгиш ва унинг аҳамияти 3. Сут кислотали бижгиши ва унинг аҳамияти 4. Мой кислотаси бижгиш 5. Таркибида углерод сақловчи баъзи 6. Целлюлоза гемицеллюлоза лигнин ва пектинни парчаланиши 7. Хулосалар.

Углерод манбалари, углеродли озуқланиш типлари . Микроорганизмларнинг ўсиши ва яшаб туриши учун улар яшайдиган муҳитга турли ҳужайра компонентларининг тузилиши учун озроқ материаллар ва яроқли энергия манбалари бўлиши керак. Овқатга муҳтожлик, яъни барча тирик организмлар етарли миқдордаги сувга, маълум элементлар: С, О, N , Н, N а ва бошқаларга муҳтож бўлади. Уларга ферментлар ҳосил қилиш учун жуда кам миқдорда бошқа металлар: темир, марганец, рух ва бошқалар ҳам керак. Микроорганизмларнинг нормал ҳаёт кечириши учун витаминлар, аминокислоталар, пурин ва пиремидин асослари сингари ҳар хил ўсиш факторлари ҳам зарур бўлади. Турли органик бирикмалар, шунингдек анорганик моддалар С, N ва Н манбалари бўлиши мумкин. С ва Н манбаларининг ҳарактерига қараб микроорганизмлар аутотрофлар билан гетеротрофларга бўлинади. Аутотрофлар ( юнонча autos -ўзи, tropis -овқатланувчи) ўзининг ўсиши учун зарур углеродларни СО 2 ёки СО 3 -2 дан оладиган бактериялардир. Уларнинг ўсиши учун қуйидаги анорганик моддалар: NaCl , K 2 HPO 4 , FeCl 3 , MgSO 4 , ( NH ) 4 SO 4 нинг бўлиши бемалол кифоя қилади,улардан мураккаб органик бирикмаларни синтезлайди. Гетеротрофлар (юнонча heteros -бошқа, trophic -озиқланувчи) углерод манбаи сифатида оқсиллар, ёғлар, қандлар, материка ва бошқалар сингари мураккаб органик бирикмалардан фойдаланади. Гетеротроф организмлар орасида сапрофитлар ( юнонча capros -чирик, phytor -ўсимлик) ва паразитлар ёки патоган микроорганизмлар тофовут қилинади. Сапрофитлар ўзининг ҳаёт фаолияти учун ўлик органик моддалардан фойдаланади. Улар табиатда кенг тарқалган бўлиб, тупроқ ва оқава сувидаги органик қолдиқларнинг парчаланишида муҳим рол ўйнайди. Паразитлар сапрофитлардан фарқ қилиб, ҳайвонлар ва ўсимликлар тўқимасида кўпайиш хусусиятини касб этган. Одам организмига кириб, паразитлар унда касаллик пайдо қилади.

Баъзи паразитлар яшаш шароитларига қараб гоҳ паразитлар ўрнига, гоҳ сапрофитлар ўрнига ўтиши мумкин. Шу муносабатлар билан уларнинг факультатив ёки шартсиз паразитлар ё бўлмаса шартли патоген микроорганизмлар дейилади. Кўпгина паразитлар, аксинча сапрофитлик қилиб яшаш лаёқатини тамомила йўқотиб қўйган. Булар фақат бошқа тирик ҳужайраларнинг ичида ёшаши мумкин. Уларни облигат ёки мутлоқ паразитлар дейилади. Вируслар, рикетсиялар, бошқа содда жониворлар шулар жумласидандир. Ҳозирги янги классификацияга кўра аутотрофлар литотрофлар деб ном олган. У грекча сўздан олинган. Бу турли бактерияларнинг энергиясини ноорганик моддаларининг (водород, метан гази, аммиак, темир ва бошқалар) оксидлашиш реакцияси орқали олади. Табиатда моддаларнинг алмашинишига талаб катта. Аммо бу катта зиён ҳам келтиради. Чунки, бундай алмашинув бетонни парчалашга, темирнинг занглашига, умумий нефтни 10%гача парчалашга сабаб бўлади. Геторотрофлар эса органотрофлар номини олиб ветеринарияда аҳамияти катта. Улар иккита катта гуруҳга бўлинади: 1) сапрофитлар; 2) паразитлар. Сапрофит-лотинча сўз бўлиб субстратларда яшайди, деган маънони билдиради. Тайёр органик бирикмалардан фойдаланилади ва ер юзидаги микроорганизмларни кўпини ташкил этади. Паразит ҳам лотинча сўз бўлиб, бошқа тирик организмларнинг сатҳида ёки ичида яшаб шу тирик организм ҳисобидан озиқланади. Бу турли микроорганизмлар жуда кам, умумий микроорганизмларнинг фақат 0,1%ни ташкил қилади. Аммо бу бўлиниш кескин эмас, баъзи сапрофитлар қулай шароитда сапрофитдан паразитлар гуруҳига ва аксинча баъзи сапрофитлар паразитлар белгиларини олади. Азотнинг манбаи турлича. Бунга кўра мироорганизмлар иккита гуруҳга бўлинади.

1) Аминоавтотрофлар-бу гуруҳга кирувчи микроблар азотни ҳаводан, минерал ёки оддий азотли бирикмалардан синтез қилиб оладилар. 2) Аминогетеротрофлар-бу гуруҳга мансуб микроорганизмлар тайёр азотли органик бирикмалардан фойдаланади. Микробларнинг минерал моддаларга бўлган эҳтиёжи унча катта эмас, лекин бу моддаларсиз ҳаёт йўқ. Улар сульфатлардан ёки органик бирикмалардан олтингугуртни ўзлаштирадилар. Баъзи микроблар молекуляр олтингугуртни ўзлаштиради. Калий, кальций, магний, темир микроблар ҳаёти учун керакли элементлардир. Улар ҳар хил тузлардан, фосфорни эса ҳар хил фосфат кислота тузларидан олади. Микробларнинг нормал ривожланиши ва ўсиши учун керакли бўладиган бор, рух, кобальт ва бошқани турли озиқлардан ва сувдаги минерал тузлардан олади. Карбонат ангидрид ва кислороднинг айланиши. Табиатда барча биологик аҳамияти элементларнинг шу жумладан углерод ва кислороднинг айланишида микроорганизмларнинг аҳамияти жуда каттадир. Углерод айланишининг икки томони мавжуддир. Бу кислороднинг чиқиши ва бирикиши билан ҳам боглиқ. Карбонат ангидриднинг фотосинтезда ўзлаштирилиши ва кислород ажралиб чиқиши. 2. Органик модданинг минераллашуви ва кислороднинг углерод билан бирикиб карбонат ангидрид ажралиб чиқишидир. Биринчи жараён юксак ўсимликлар, сув ўтлари ва фотосинтезловчи бактериялар томонидан амалга оширилади. Иккинчи жараённи микроорганизмлар амалга оширади, бунда кислород ўзлаштирилиб яна фитосинтез учун субстратлар карбонат ангидрид ва сув ажралиб чиқади. Ҳавода хажм бўйича 0,03% СО 2 мавжуд. Агар микроорганизмлар фаолияти, инсон ва ҳайвонлар нафас олиш ва фаолияти натижасида унинг ўрни тўлатилмаса 20 йилда фотосинтез учун сарф бўлиб тугайди. Органик модданинг планетамизда йиллик ҳосил бўлиши

тахминан 33 * 10 11 тонна бўлса, шунинг асосий қисми ўсимликлар дунёсига тегишли. Шунинг учун ўсимликларнинг турли-туман қолдиқлари ҳам кўп бўлади. Шу қолдиқлар таркибида хилма-хил мураккаб органик моддалар оқсиллар, аминокисчлоталар, клетчаткалар, лигнин, целлюлоза, ёглар, мумлар ва х.зо кўп бўлади. Ўсимликлар ўлгач унинг қолдиқларидаги органик моддаларнинг парчаланиши содир бўлади. Бу парчаланишни тубан ва такомиллашган замбуруглар, бактериялар актиномицетлар амалга оширса фитоген парчаланиши дейилади. Умуртқасиз ҳайвонлар (содда ҳайвонлар, чувалчанглар, малюскалар амалга оширса зооген парчаланиши дейилади. Тупроқда ҳар иккала парчаланиш ҳам содир бўлади аммо, фитоген парчаланиш асосий ҳисобланади. Ўсимлик қолдиқларининг парчаланиши босқичма-босқич амалга ошади. Дастлаб одиий ва кам полимерлашган углеводлар парчаланди. Полисахаридлар (крахмал, гемицеллюлоза, пектин ва х.к. ёглар, мумлар секин парчаланадилар. Клетчатка айниқса лигнин жуда чидамли бўлиб, микроорганизмлар таъсирида қийин парчаланадилар шунинг учун улар тупроқда кўпроқ тўпланиб қоладилар. Муҳит шароитига қараб органик моддалар аэроб ва анаэроб микроорганизмлар таъсирида парчаланди. Анаэроб микроорганизмлар таъсирида органик моддалар парчаланганда охирги махсулотлар органик кислоталар ва спиртлар бўлса, аэроблар таъсирида СО 2 ва Н 2 О бўлади. Энди ана шу парчаланишлардан баъзиларини кўриб чиқамиз. Спиртли бижгиш ва унинг аҳамияти. Спиртли бижгиш баъзи ачитқилар асосан сахармукос авлоди вакиллари иштирокида содир бўлади. Баъзи бактериялар (сарцина) ва могор замбуругнинг алоҳида вакиллари ҳам содир этадилар. Муҳит кучсиз кислоталик рН – 4 – бўлганда улар яхши ривожланадилар ва эритмада 15-17% гача спирт тўпланади. Трушлар гексозларни этил спирти ва карбонат ангидридгача парчалайди. С 6 Н 12 О 6 қ2СН 3 СН 2 ОНқ2СО 2 қ 25 кал. Бу икки фазада иборат бўлади. 1. Индукцион 2.Стационар. Индукцион фазада цироузу кислотадан ҳосил бўлган сирка альдегид водород акцептори сиатида фойдаланилмай қолади. Натижада

водород гилицерин альдегид бириктириб олади ва эритмада глицерин, сирка альдегид ва СС тўпланади. Иккинчи фазада водородни сирка альдегид бириктиради ва спирт ҳосил бўлаверади. 2СН 3 СНО + 2 (2Н) + 2 СН 3 СН 2 ОН Спиртли бижгиш нонвойчиликда, галла донлари ва картошка крахмалидан ароқ ишлаб чиқаришда, пиво пиширишда ҳам аҳамиятлидир. Сут кислотали бижгиш ва унинг аҳамияти. қадимда маълум бўлган углеводлар бижгишнинг анча оддий хили бўлиб, уни амалга оширувчи микроорганизмни ўтган асрнинг 60-йилларида Луи Пастер қатиқдан ажратиб олди. Буни стрептококнус лактус деб аталди. С 2 Н 12 О 6 – 2СН 3 СНОН СООН ҳосил бўлади. Бу фақатгина сут кислота ҳосил бўлганлиги учун гомоферментатив сут кислотали бижгиш дейилади. Агарда глюкозада сут кислота ва этил спирт ҳосил бўлса, СО 2 ажралиб чиқса бундай бижгиш гетероферментатив сут кислотали бижгиш дейилади. Бактериумлактис аэрогенез амалга оширса С 6 Н 12 О 6 + СН 3 СНОНСООН + СН 3 СН 2 ОН + СО 2 шундай бижгиш содир бўлади. Бифидобактериялар сирка кислота ва сут кислота ҳосил қиладилар, бундай бижгиш бифидобижгиш дейилади. Бунда 2СН 6 Н 12 О 6 + 3СН 3 СООН + 2СН 3 СНОНСООН ҳосил бўлади. Сут кислотали бижгиш аҳамияти катта. Силос тайёрлашда, карам тузлаганда, катиқ пишлоқ тайёрлашда шу жараён амалга ошади. Мой кислотали бижгиш. Мой кислотали бижгишни кластридиум бутурикум бактерияси амалга оширади. Умуман кластридиум авлодига кўп бактериялар киради ва улар эрувчан углеводларни, аминокислоталарни, азот сақловчи циклик бирикмаларни, этил спирти ва сирка кислотаси аралашмаларини бижгитиб турли махсулотлар ҳосил қиладилар. Мой кислотали бижгиш умумий реакциясини тубандагича изохлаш мумкин. 4С 6 Н 12 О 6 + 3СН 3 СН 2 СН 2 СООН + 2СН 3 СООН + 8 СО 2 + 8Н 2 :

Мой кислотали бижгиш содир бўлса силос, тузланган карамларда ёқимсиз хид пайдо бўлади. Аммо, мой кислотасини химиявий усуллар билан тозалаб олиниб саноат ишлаб чиқаришда баъзи мақсадларда фойдаланилади. Мой кислотасининг бижгитувчиси соф культурасидан фойдаланиб заводларда мой кислотаси олинади. Таркибида углерод сақловчи баъзи моддаларни оксидланиши. Углерод сақловчи моддалар фақатгина бижгимасдан микроорганизмлар иштирокида оксидланишига ҳам учрайдилар. Масалан ёглар оксидланиб глецерин ва ёг кислоталарига парчаланади. Бунда дастлаб ёг гидрозланади (липоза таъсирида) кейин парчаланади. С 3 Н 5 (С 18 Н 35 О 2 ) 3 + 3Н 2 О ® С 3 Н 5 (ОН) 3 + 3С 18 Н 36 О 2 Тристеарин глицерин стеарин кислотаси. Бу жараён псевдомонос фемореснс таёқчаси содир эта олади. Шунингдек, глюконобактер ва ацетобактер авлоди вакиллари этил спиртини сирка кислотасига оксидлайдилар. Бу аэроб шароити бўлса содир бўлади ва шундай изохланади. СН 3 СН 2 ОН + О 2 -СН 3 СООН + Н 2 О Ҳаволи шароитда турган мусаллас ва винодан сирка кислотаси шундай ҳосил бўлади. Углеводларнинг оксидланишидан турли хил органик кислоталар (оксалат, кахрабо, лимон, фумар, аконит, глюкон ва х.к.) ҳосил бўлиши ҳам микроорганизмлар таъсирида содир бўла олади. Чунки, шу микроорганизмларда шу кислоталарни ҳосил қиладиган ферментлар мавжуд бўлади. Целлюлоза, гемицеллюлоза, лигнин ва пектин парчаланиши. Целлюлоза, гемицеллюлоза, лигнин, пектин каби қийин парчаланадиган моддалар ҳам тупроқ микроорганизмлар таъсирида парчаланадилар. Биосферадаги органик углероднинг 50% дан кўпроги целлюлоза (клетчатка)

таркибидадир. Целлюлоза ўсимликларда энг кўп учрайдиган (15-50% ўсимлик массасини ташкил этади) полисахарид ҳисобланади. Целлюлоза аэроб парчаланиши. Спирохета ситофага деб номланган таёқчасимон бактерия фаолияти биланбогликдир. Яна миксобактериялар таркибига кирувчи кўпгина бактерияларни ҳам парчалайдилар. Актиномицетлар, замбуруглар жуда секин парчалаш қобилиятига эга. Анаэроб парчаланишни бациллалар оиласи вакиллари, типик вакили клостридиум омелянский (1902 йилда В.П.Омелянский биринчи ажратиб олганлиги учун шундай номланган) амалга оширадилар. Целлюлоза парчаланиши кўп босқичда амалга ошади. Дастлаб ферментатив гидролиз содир бўлади. Дисахарид целлобиоза ҳосил бўлиб, кейин ундан β- глюкозидаза иштирокида глюкоза ҳосил бўлади. Анаэроб парчаланишида ҳосил бўлган глюкозадан кейинчалик турли хил органик кислоталар вужудга келади. Гемицеллюлоза парчаланиши эса жуда кўп авлод вакиллари иштирокида содир бўлиши мумкин. Бундай микроорганизмларга Клостридиум, Бациллус, Ситофага, Спороситофага, Вибрио, Стрептомукес, Замбуруглардан Асперкуллус, Ризопус, Фомес, Полипорус авлодлари кирадилар. Гемицеллблозани парчаловчи фермент кисланаза ёки гемицеллюлаз деб номланади. Лигнин парчаланишини нормал иқлимий (ҳароратда) Базидиялик замбуруглар ва такомиллашган хилма-хил замбуруглар клостридиум бактериялари амалга оширадилар. Лигнин сувда ҳам, органик эритувчиларда ҳам эритмайдиган модда бўлиб ўсимликларда химиявий таркиби жихатидан ҳар хилдир. Ҳатто битта ўсимликларда ҳам унинг ўсиш фазасига қараб ҳар хил таркибида бўлади. Молекуляр массаси 1000-10000 атрофида бўлиб, углерод, водород, кислороддан иборат холос. Оксидланганда альдегидлар ҳосил қилиб парчаланади, шунингдек ароматик моддалар ванилин ва бошқа метоксилланган ароматик тузилишидаги моддаларга парчаланиши ҳам мумкин.

Пектин моддалар парчаланганда галактурон кислотаси, пектин кислотаси, галактоза, ксилоза, арабиноза, метил спирти, сирка кислота каби моддалар ҳосил бўлади. Бу модда парчаланиши ҳам кластридиум авлоди вакиллари билан боглик. Бу бактериялар пектин кислотаси ҳосил бўлгандан кейин у парчаланиб галактоза арабиноза ва бошқа моддаларни ҳосил қилгач, шу моддалардан мой кислотаси, сирка кислотаси, оз миқдорда ацетон ва бутил спиртларни ҳосил қиладилар. Юқорида келтирилган маълумотлардан кўриниб турибдики углеродли мурккаб моддаларнинг парчаланиши халқ хўжалигида катта аҳамиятга эгадир. Спирт ишлаб чиқариш, виночилик, сирка тайёрлаш, пиво пишириш, новвотчилик, қатиқ, пишлоқ тайёрлаш, силос тайёрлаш, сабзавотларни тузлаш, канопга ишлов бериб толасидан фойдаланиш, бошқа турли хил сохаларда аҳамиятли эканлигини кўриб ўтишнинг ўзи кифоя. Хулосалар. Хулоса қилиб айтганда угрелодли моддаларнинг турли хил микроорганизмлар томонидан оксидланиш, парчаланиш, бижгиш натижасида турли хилдаги юқорида айтилган моддалар ҳосил бўлиши билан бирга тупроқни ўсимлик қолдиқларидан тозалашда, гўнг таркибидаги углеродли моддаларни, чиқиндилар таркибидаги углеродли моддаларни саноат чиқиндисидаги лигнинни парчалаб тупроқ унумдорлиги янада оширилиши ва ўсимликлар озуқа билан таъминланиши яхшиланиши, ўсиш-ривожланиш яхшиланиб яна мўл ҳосил беришга келиб тақалади. Буни маъруза бошланишида берилган углерод айланишига богласангиз унинг аҳамияти янада чуқурроқ намоён бўлади. Бактерияларнинг ўсиши ва озиқланиши учун витамин ва ферментларнинг аҳамияти. Одатдаги озиқ моддалардан ташқари бактерияларни ўсиши учун витаминлар ҳам керак. Масалан, пневмакокк ва гемолотик стрептококк тиамин (витамин В 1 ) йўқ жойда умуман ўсмайди, бошқа микроблар масалан, ичак таёқчаси эса шу витаминни синтезлай олади.

Бактерияларни ўсиши учун никотин кислота, пантотен кислота, рибофлабин(витамин В 1 ), биотин(витамин Н), пиролаксин (витамин В 6 ), параминобензоат, фоли кислота ва бошқа кўп моддаларнинг аҳамияти катта. Аксари витаминларни кимёвий табиати ҳали ўрганилмаган. Бир хил бактерияларга керакли баъзи витаминларни иккинчи хил витаминлар синтезлаши ҳам аҳамиятга эга. Айрим бактериялар ўзига зарур витаминни синтезлай олиши ҳам маълум. Озиқланиш жараёнида ферментларнинг аҳамияти катта. Чунки микроорганизмлар турли органик моддаларни кимёвий равишда парчалаб, шу йўл билан озиқланади ва баъзилари шуни қабул қилиб, сўнгра уларни ўз ҳужайрасида қайтадан синтез қилади ва танасининг айрим қисмларини тузади. Микроорганизм ҳужайрасида ўтадиган жараёнлар ферментларнинг активлигига боғлиқдир. Ферментлар сув, туз, кислота ва ишқор эритмаларида эрийди. Улар оқсил комплекси, кристалсимон ва эритмани тубига тушади. Ферментлар икки гуруҳга бўлинади: 1. Бир компонентли-фақат оқсилдан иборат. 2. Икки компонентли-оқсил ташувчи, простетик ёки актив гуруҳдан иборат. Оқсил ташувчи апофермент ва актив группаси (коэнзима) фермент номини олган. Алоҳида оқсил ташувчи остетик группалари ферментнинг хусусиятларига эга эмас, аммо бирлашганда ферментларнинг хусусиятларига эгадир. Ферментларнинг умумий хусусиятлари: 1) Спецификлиги (махсус таъсир этишлиги). Ферментлар фақат махсус кимёвий бирлашмаларга ёки уларнинг группаларига таъсир этади. Масалан, лактоза ферменти фақат сут шакарини, уреаза эса мочевинани парчалайди ва хоказо.

2) Ферментларнинг каталитик активлиги кам миқдорда бўлади. Масалан, 1 гр амилаза 1 т крахмални парчалаши мумкин. 2 гр химозин эса 12 т сутни ивитади. 3) Термолобиллиги - ферментлар иситишда тезда парчаланади. Масалан,]50]60 0 Сда ферментлар ўзининг активлигини пасайтиради. ]80 0 Сда эса активлигини йўқотади, ]100 0 Сда эса тўла парчаланади. Ферментларнинг активлги ]30]50 0 Сда яхши ўтади, ҳайвонлардаги ферментлар эса ]37]40 0 Сда актив бўлади. 4) Таъсири маълум pH муҳитда ўтади. Масалан, песин pH нинг 1,5- 2,5, трипсин 7,8-8,7, каталаза ва уреазалар эса pH нинг 7-муҳитида яхши таъсир этади. 5) Реакцияларнинг охирида ўзгармайди ва ҳосил бўлган маҳсулотларнинг таркибига кирмайди.

O'xshashlar

Азотни табиатда алмашинишида микроорганизмларнинг роли

Микроорганизмларнинг озиқланиши

Микроорганизмларнинг нафас олиши

Микроорганизмларнинг паразитлик хусусиятлари

Микроорганизмларнинг классификацияси ва бўлимларига тавсиф.