Sitologiya faniga кirish. hujayraning tuzilishi, organoidlari va ularning vazifasi - Biologiya - Referatlar

Sitologiya faniga кirish. hujayraning tuzilishi, organoidlari va ularning vazifasi

Yuklangan vaqt:

20.09.2019

Ko'chirishlar soni:

0

Hajmi:

51.5 KB

Ko'chirib olish

www.arxiv.uz Reja: 1. Hujayra haqida tushuncha. 2. Hujayraning tuzilishi. 3. Protoplast tuzilishi.

www.arxiv.uz 1. Hujayra xaqida tushuncha. Hujayra haqidagi ta`limotlar hujayraning kashf yetilishi mikroskopning yaratilishi bilan bog`liqdir. Mikroskop so`zi grekchadan olingan bo`lib, “mikro” kichik, “skopeo” ko`raman degan ma`noni anglatadi. 1609 yili birinchi bo`lib mikroskopni Galiley yaratdi. Uning mikroskopi juda sodda tuzilgan linza va qo`rg`oshin turubkadan iborat edi. 1665 yili ingiliz olimi Robert Guk birinchi bo`lib mikroskopdan ob`ektlarni tekshirish maqsadida foydalandi. U mikroskop yordamida ukrop, buzina, qamish, pukak hamda boshqa o`simlik to`qimalarida juda mayda tutash bo`laklarni topdi va ularni kletkalar deb atadi. (“Кletka” grekcha “Кetos”) so`zidan olingan bo`lib, bo`shliq degan ma`noni anglatadi. Hujayraning kattaligi mikron (mk) millimetrning mingdan bir bo`lagini tashkil yetadigan kattalik bilan o`lchanadi. Zamonaviy linzalar bilan jihozlangan qudratli yorug`lik mikroskoplari buyumini 2000 martagachan katta qilib ko`rsatib bera oladi (0.2 mk) Elektron mikroskop mikroob`ektlarni 200000 marta va undan ham ortiq kattalashtirib beradi. Unda maxsus o`lchov birligi angstrem (A) qo`llaniladi. 1 angstrem 0,0001 mk ga teng. Ammo hozir biologik mikroob`ektlarni ulchashda ko`proq nonometr ishlatiladi. 1 nm mikrobning mingdan bir qismidir (1 nm q 0,0001 mk) Hujayra o`simlikning eng mayda tirik qismi bo`lib hisoblanadi. Hujayra nafas oladi, oziqlanadi, o`sadi va bo`linib ko`payadi. O`simliklar hujayrasining shakli va o`lchami nihoyatda xilma-xildir. Bir hujayrali organizmlarning hujayrasi, asosan ovalsimon, shar yoki egik tayoqcha shaklida bo`ladi. Кo`p hujayrali organizmlar hujayrasining shakli va o`lchami ularning holat i va bajaradigan funksiyasiga bog`liq. Shuning uchun ular ustinsimon, ko`p qirrali, yumaloq, urchuqsimon va cho`ziq bo`lishi mumkin. Yuksak o`simliklar hujayralari ikki xil marfologik toifaga: parenximali va prozenximali hujayralarga bo`linadi. Parenximali hujayralar sharsimon, to`g`ri burchakli yoki ustinsimon, umuman bo`yi eniga tengroq bo`ladi. Prozenximali hujayralarni esa, bo`yi enidan bir necha marta ortiq bo`ladi. Masalan: kanop tolasi, paxta tolasi hujayrasi.

www.arxiv.uz Juda ko`p hujayralar oddiy ko`zga ko`rinmaydi. Faqat mikroskop orqali ko`rinadi. Ayrim gigant hujayralarni mikroskopsiz ko`rsa bo`ladi. Masalan: tarvuz, olma, pomidor mevalarining hujayralari, ba`zan bularning o`lchami 1 mmgachan yetadi. Кanop, zig`irning prozenximali hujayralari 20- 40 mm gacha, paxta tolasining uzunligi 60 mm gachan yetadi. O`simlik hujayrasi to`xtovsiz rivojlanadi. Shuning uchun yoshiga qarab shakli o`zgarishi mumkin. O`simliklar tanasidagi hujayralarning soni ham har xildir. Bir hujayrali organizmlar bakteriya, ayrim suv o`tlari va zamburug`-larda bitta, ko`p hujayrali organizmlarda bir necha miliardgacha bo`ladi. 2. Hujayraning tuzilishi. Hujayrani oddiy yorug`lik mikros-kopida va elektron mikroskoplarida ko`rish mumkin. Oddiy yorug`lik mikroskopida hujayrani quyidagi qismlari ko`rinadi: 1) Sitoplazma; 2) hujayra shirasi - vakuola; 3) po`sti; 4) yadrosi. Elektron mikroskopda esa hujayraning yorug`lik mikroskopida ko`rinmagan qismlari ham ko`rinadi: 1) membrana; 2) teshikcha; 3) yadro; 4) endoplazmatik tur; 5) yadrocha; 6) mitoxondriy; 7) plastida; 8) vakuola; 9) Goldjiy apparati; 10) ribosoma. Hujayraning ichki bo`shlig`ini to`ldirib turgan shilimshiq modda sitoplazma - protoplazama, plazma deb ataladigan yarim suyuq kolloid massadan, ancha quyuq jisim - yadro va alohida qo`shilmalar- plastida, mitoxondriya va ribosomalardan tuzilgan. Shu kabi hujayraning tirik qismlari, umumiy nom bilan protoplast deb ataladi. Hujayraning po`sti va hujayra shirasi, uning o`lik qismi bo`lib hisoblanadi. Hujayraning har bir tirik qismi organoid deb ataladi va ma`lum bir hayotiy funksiyani bajaradi. Hujayraning o`lik qismlari ham tegishli rol o`ynaydi. Hujayraning barcha organoidlari o`zaro bog`langan juda murakkab biologik sistemadir. 3. Sitoplazma. O`simliklar tirik hujayrasining sitoplazma-si (protoplazmasi) tashqi ko`rinishdan tuxum oqiga o`xshaydigan shilimshiqsimon rangsiz

www.arxiv.uz suyuqlikdir. Uning solishtirma og`irligi 1,01- 1,06 bo`lib, tarkibida 90 % gacha suv bo`ladi. Bu suv erkin holda yoki oqsil molekulalari bilan bog`langan bo`ladi. U quyosh nurini nisbatan ko`proq sindiradi, shu sababli mikroskop ostida yaxshi ko`rinadi. Sitoplazma yorug`lik mikroskopi yordamida gialoplazma deb ataluvchi bir xil tarkibli, suyuq modda va unga yopishgan mayda donachali zarrachalar granulalarga ajratiladi. Gialoplazma- sitoplazmaning matirikasi bo`lib hisoblanadi. Gealoplazma elektron mikroskop orqali ko`rilsa, endoplazmatik to`r, Goldji apparati, ribosoma, sferosoma, mitoxondriy, mikrotrubka kabi organellardan tashkil topganini ko`ramiz. Sitoplazmaning kimiyoviy tarkibi juda murakkab. Unda anorganik moddalardan: SO2 O2 N, N hamda kalsiy, fosfor, kaliy mikroelementlardan esa temir, marganes, natriy, xlor, magnit, brom, yod (suv o`tlarida), mis, kobalt, sink va boshqalar bor. Sitoplazmada 80 % suv, 12% oqsillar, 2 %, nuklein kislotalar, 5 % yoglar, 1-2 % uglevod mavjud. Sitoplazmaning hujayra devoriga taqalgan qavati plazmalemma, vakuolalariga taqalgan qavati esa tonoplast deb ataladi. Plozmolemma bilan tonoplast yupqa parda, ya`ni plazmatik membrana bo`lib, juda yopishqoq va qayishqoqdir. Uning qalinligi 75-95 A° ga teng. Endoplazmatik to`r. Elektron mikroskop yordamida gialoplazmada juda nozik kanalchalarning murakkab sistemasi borligi aniqlandi. Кeyinchalik endoplazmatik to`r o`zaro bog`langan ultromikroskopik kanal, pufak va sisternalar sistemasidan iborat ekanligi topildi. Uning qoplamasi ko`p hollarda oraliq masofasi o`zgarib turuvchi qo`sh membrana shaklida bo`ladi. Bunday qoplama ba`zida kengayib o`zaro kanalchalar bilan bog`langan pufakchalar shaklida ham bo`lishi mumkin. Endoplazmatik to`rning bajaradigan vazifalari har xildir. Endoplazmatik to`r bo`shliqlarining hujayrada joylashuvi va shakli shuni ko`rsatadiki, bu sistema hujayra ichida moddalarning harakati va taqsimotida hamda hujayrada sodir bo`ladigan modda almashinish jarayonida muhim rol o`ynaydi. Moddalarning sarflanishi uyg`unlashgan joylarda. Masalan: hujayra qobig`i sintez qilinadigan qismlarda endoplazmatik to`r kapillyarlari iste`mol

www.arxiv.uz zonalariga parallel ravishda o`tadi. Endoplazmatik to`r assimiliyatsiya mahsulotlarini o`simlik bo`ylab harakatida qatnashadi. Bulardan tashqari endoplazmatik to`r birinchi navbatida assimiliyatorlar sintezida ishtirok yetadi, oqsillar va fermentlar sintezida ham qatnashadi. Goldji apparati. Buni birinchi marta 1898 - yilda italiyalik sitolog olim Goldji aniqlagan va diktiosoma nomi bilan yuritilgan. Bu organoid ham endoplazmatik to`r bilan fuknksional bog`langan. Ular ancha murakkab tuzilgan bo`lib, go`yo devorlari plazmatik membranalardan tuzilgan yassi sisternalar paketiga o`xshaydi. Diktiosomalarda organik moddalar vaqtincha to`planadi va hujayraning boshqa, qismlariga tarqaladi. Goldji apparatini hujayradan suyuqlikni chiqarishda, suv balansini tartibga solishda, hujayradagi chiqindi va zaharli moddalarni to`plashda hamda hujayra vakuolasi hosil qilishda ahamiyati kattadir. Ribosomalar. Hujayradagi ribosomalarni 1955-yili G. Palade aniqlagan. Bu submikroskopik tuzilishga ega bo`lgan organellarning diametri 20 nm gacha boradi. Bularda membranalar bo`lmaydi va tarkibida 50 % oqsillar va shuncha miqdorda ribosom RNК (ribonuklein kislota) mavjud. Aminokislotalardan oqsillarni hosil qilish yoki sintezlash ribosomalarning asosiy vazifasidir. Sferosomalar. 1880 - yilda Ganshteyn sitoplazma tarkibida, zich moddalardan iborat, yorug`likni kuchli ravishda sindiradigan mayda jismlar borligini aniqlab, ularni mikrosomalar deb atadi. Mikrosomaning diametri 0,5- 0,1 mk ga teng. 1953-yili (Perner) “mikrosoma” terminini “sferosoma” bilan almashtirdi. Sferosomalar endoplazmatik to`r tortmalaridan ajralib chiqadi. Bir qavat membrana bilan qoplangan sferosomalar yog` sintezida ishtirok yetadi. Mitoxondriylar. Mitoxondriy so`zi grekcha, “mitos” - ip, “xondrion”- granula, ipsimon granula degan ma`noni bildiradi. Birinchi marta mitoxondriylar o`simliklarda, (xondriosoma nomi bilan) 1904 - yilda Meves tomonidan ko`zasimon changdon- topetum hujayrasida topilgan.

www.arxiv.uz Hozirgi vaqtda mitoxondriylar o`simliklar-ning barcha sistematik guruhlarida uchrashligi aniqlangan. Hujayraning xili va uning bajaradigan fuknsiyasiga ko`ra mitoxondriylar soni 50 tadan 5000 tagacha bo`ladi. Hozirgi vaqtda mitoxondriylar uglevodlarni, qator aminokislotalarni, yog` va uch karbonat siklidagi kislotalarni parchalashi hamda nafas olish jarayonini boshqarishi uzil- kesil aniqlangan. Mitoxondriylarning asosiy vazifasi energiyaning bosh manbai bo`lgan ATF ishlab chiqarilishida ishtirok etish. Bulardan tashqari ularda fosfolipidlar va oqsil sintezi ham boradi. Plastidalar. Plastidalar yashil o`simliklarda uchraydi. Zamburug`lar, bakteriyalar, shilimshiqlarda plastidalar bo`lmaydi. 1676 - yili Levenguk spirogira suvo`tlari hujayralarida plastidalar borligini birinchi bo`lib topdi. Plastidalarni keyinchalik 1882- yili Shimper degan olim chuqur o`rgandi va ularni uch tipga ajratdi. 1)Xloroplastlar. 2) Xromoplastlar. 3) Leykoplastlar.

www.arxiv.uz Adabiyotlar : 1. Burigin. V. A. Jongurazov. F. X. Botanika “O`qituvchi” T.: 1977. 2. Кursanov. V. A. Кamarniskiy N. A va bosh.- Botanika “O`qituvchi” 1977. I II tom. 3. Hamdamov I, Shukrullayev P va boshqalar- botanika asoslari “Mehnat” T.: 1990. 4. Soxabiddinov. S. “O`simliklar sistematikasi” I II bob. “O`qituvchi” T.: 1976. 5. Hamidov “O`simliklar geografiyasi” “O`qituvchi” T.: 1984. 6. Belolipov. I. V. Sheraliyev. A. Axadova. M. A. “O`rta Osiyo o`simliklari morfologiyasi” SOP, TIPO, T.: 1991. 7. Holdarov. X. Xojimatov. К. X.“O`zbekiston o`simliklari”, “O`qituvchi” T.: 1992. 8. www.ziyonet.uz

O'xshashlar

Hujayra tirik organizmlarning struktur birligi

Hujayra gomogenatlarini fraksiyalash metodi. Sitokimyoviy metod

Sitologiya asoslari sitologiya fani, predmeti va uni o`rganish usullari

Hujayra va uning tuzilishi

Biоlоgiya tа`limining mаzmuni. dаvlаt tа`lim stаndаrtlаri, iхtisоslik bo`yichа