Фотобиологик жараёнлар асослари Радиобиологияга кириш - Biologiya - Referatlar

Фотобиологик жараёнлар асослари Радиобиологияга кириш

Yuklangan vaqt:

20.09.2019

Ko'chirishlar soni:

0

Hajmi:

95.5 KB

Ko'chirib olish

www.arxiv.uz Режа: 1. Ёруғликнинг макромолекулалар билан ўзаро таъсирлашуви. 2. Фотоқўзғалувчанлик энергиясидан фойдаланиш йуллари. 3. Радиобиологик жараёнларнинг физикавий асослари. 4 . Ионлаштирувчи нурларнинг биологик таъсирлари.

www.arxiv.uz Ёруғликнинг макромолекулалар билан ўзаро таъсирлашуви. Фотобиология биологик системаларга нур кванти - hv ва ультрабинафша нурлар таъсирининг молекуляр механизмларини ўрганади. Бу жараёнлар асосида фотокимёвий реакциялар ётиб, нур квантининг ютилиши билан бошланувчи ва турли хил якуний биокимёвий, физиологик ва умумбиологик эффектлар билан тугалланувчи мураккаб занжир ҳолидаги реакциялар комплексидан иборат. Фотобиологик жараёнларда умумий ҳолда муҳим биологик бирикмалар синтезланади. Бундай жараёнлар юксак ўсимликлар, баъзи бактериялар ва сув ўтларида кечувчи фотосинтез мисол бўлади. Ўсимликларда фотосинтез юқори даражада ихтисослашган структуралар- хлоропластларда амалга ошади.Фотобиологик жараёнларга фотосинтездан ташқари нур кванти ҳолида олинган информация таъсирида келиб чиқувчи биологик ритмлар хам организмлар ҳаётида муҳим аҳамиятга эга. Фотобиология шунингдек, ультрабинафша нурлар таъсирида тирик системаларда юз берадиган бузилишларнинг молекуляр механизмларини ҳам ўрганади. Йирик порция ҳолидаги нур кванти ёки қисқа тўлқин узунлигидаги ультрабинафша нурлар тирик организмда нуклеин кислоталар, оқсиллар каби муҳим генетик-информацион, структура ва ферментатив функцияларга эга бўлган макромолекулаларга таъсир этиб, турли хил мутациялар ва жиддий функционал издан чиқишларни келтириб чиқаради. Ультрабинафша нурлар организм нинг генетик системасида нуклеин кислоталар ДНК сида комплементарликни бузиш хусусиятига эга. Фотобиология ультрабинафша ва кўринувчи нурлар энергиясининг ютилиши эвазига биомолекулаларда содир бўладиган электронли қўзғалиш ҳолатлари ва уларга боғлиқ ҳолда амалга ошадиган фотофизикавий ҳамда фотокимёвий ўзгаришларни ўрганиш билан чекланади. Нур кванти молекула ёки атомга ютилганда ташқи пағонадаги электронлар қўзғалган ҳолатга келиб, S1 – синглет ҳолатдан S*- синглет ҳолатга ўтади ва буни қуйидагича ифодалаш мумкин: S1 → S* S* → S 0

www.arxiv.uz Т1 → S 0 Бунда S* → S 0 ҳолат нур кванти ҳолида ютилган энергиянинг бир қисми флуоресценция кўринишида сочилишини ифодалайди ва бу 10-8-10-9 сек давом этади. Электрон қўзғалиши асосий энергияси кейинги занжирий жараёнларга узатилиб, кимёвий боғлар энергиясига айлантирилади. Т1 → S 0 Ҳолатдаги ўтиш фосфоресценция дейилади. Флоуреценция спектрининг шакли (Каши қоидаси) ва квант чиқиши (Вавилов қонуни) қўзғатувчи нур тўлқин узунлигига боғлиқ бўлмайди. Чунки флоуреценция нурланиши ҳар доим қўзғалган ҳолатнинг энг паст сатхидан бошланади ва қуйидагича ифодаланади: q = n / N q – квант чиқиши, n- чиқариладиган квантлар сони, N- ютилган квантлар сони. Стокс қонунига кўра, флоуреценция максимуми молекула ютиш максимумига нисбатан узунроқ тўлқин соҳасида бўлади.Чунки ютилган энергия бир қисми иссиқликка айланади. Энергия миграцияси қўзғалган молекулаларнинг S1, T1 сатхларида амалга ошиб, нурланишсиз- В ва кинетик тўқнашувларсиз –С, иссиқликка айланмасдан узатишлардан иборат бўлиб, умумий тарзда қуйидагича ифодаланади: В + нур кванти → В* В* + С → С* +В Бу жараён молекула ичида ёки молекулалараро кечади. В ва С узатилишнинг айланма-резонанс йўлида энергия жихатидан фарқланувчи электронлар алмашинади. Индуктив резонанс йўлида эса молекулалараро масофа анча катта (2-10 нм) ҳолатда қўзғалган В* ва С молекулаларнинг резонансли таъсирлашиши амалга ошади. Эксистон йўли кристалл структураларда учраб, қўзғалган электроннинг бошқа молекулага ўтишида фазовий яқин молекулалар гуруҳининг биргаликда қўзғалиши рўй беради. Қўзғалган молекула реакцияга осон киришиб, ушбу реакциялар қуйидагича гуруҳланади: 1. Фотолюминиценция 2. Фотооксидланиш 3. Қайта гуруҳланиш ва изомерланиш

www.arxiv.uz 4. Фотокимёвмй парчаланиш. Ёруғлик оқимининг ютилиши Бугер- Ламберт қонуни ( бир жинсли рангли муҳитнинг ўзгармас қалинликка эга ҳар бир юпқа қатлами ундан ўтадиган монохроматик нурнинг фақат маълум бир қисминигина ютади) ва Бер қонуни (Берилган юпқа қатлам томонидан ютиладиган нур интенсивлиги ютувчи молекулалар концентрациясига пропорционал) асосида боради. Ушбу қонунларнинг йиғиндиси қуйидагича ифодаланиб, Бугер- Ламберт- Бер қонуни деб аталади: ∆ I / I = E c ∆ x Бу ерда, Е – ютилиш коеффиценти, С – концентрация, ∆ x – ютувчи қатлам қалинлиги Агар ∆ x – ютувчи қатлам қалинлиги = 1 деб олинса, ln I / I 0 = - E cl ёки I / I0 = l –E cl = T Бу ерда I / I0 - нисбат ютувчи қатламдан ўтган нур интенсивлиги I нинг ютувчи қатламга тушган нур интенсивлиги I0 га бўлган нисбати – ўтказувчанлиги (Т): Е ⋅ с1 = 1g 1 / T = D D – оптик зичлик деб аталади. Энергия нуқтаи назардан, фотобиологик реакциялар икки группага бўлинади: фотобиологик реакциялар натижасида ёруғлик энергияси махсулотларда тўпланса, бундай реакциялар эндергоник; энергия реакциянинг активланиш тусиғини енгишга сарф этилса, бундай реакциялар экзергоник реакциялар дейилади. Биологик нуқтаи назардан эса, фотобиологик реакциялар функционал - физиологик ҳамда деструктив - модификацион реакцияларга бўлинади. Функционал - физиологик реакциялар кўринувчи нур таъсирида амалга ошади: а) энергетик реакциялар (фотосинтез, фотофосфорланиш) б) информацион реакциялар ( фоторецепция, фототропизм, фотоморфогенез, фотопериодизм) в) биосинтетик реакциялар ( хлорофилл биосинтези, пигмент ва витаминлар синтезининг индукцияланиши) га бўлинади. Деструктив - модификацион реакциялар асосан ультрабинафша нур таъсирида амалга ошадиган реакциялар ҳисобланади : а) халокатга (микроорганизмлар ва содда ҳайвонларнинг нурдан зарарланишига) олиб келадиган реакциялар б) мутацияга (нурнинг генетик аппаратга таъсири натижасида келиб

www.arxiv.uz чиқадиган ўзгаришларга) сабаб бўлувчи реакциялар в) патофизиологик реакцияларни ўз ичига олади. Функционал - физиологик реакциялар ҳужайранинг ҳаётий муҳим макромолекуляр ва молекуляр даражаларида зарарланишларнинг юз бермаслиги билан характерланади. Иккинчи хил реакцияларда нур субстрат молекуласини зарарлаб, нормал физиологик ҳолатга характерли бўлмаган фотохимиявий реакциялар келиб чиқишига сабаб бўлади. Бундай реакциялар ультрабинафша нур таъсирида юзага келади. Лекин кўринувчи нур ҳам, фотодинамик эффект шароитида ёки катта интенсивликка эга нур (лазер) шу хил оқибатларга сабаб бўлади. Фотобиологик реакциялар қуйидаги босқичларни ўз ичига олади: 1) Фотофизикавий босқич (ёруғликнинг ютилиши, электронли-қўзғалган ҳолатнинг содир бўлиши, энергиянинг молекула ичида қайта тақсимланиши) 2) Бирламчи фотохимиявий босқич (дастлабки фотомахсулотнинг ҳосил бўлиши ) 3) Иккиламчи фотохимиявий босқич ( бирламчи фотомахсулотнинг барқарор махсулотларга айланиши) 4) Қоронғида ўзгариш босқичи (барқарор махсулотларнинг навбатдаги ўзгариши) 5) Охирги биологик макроэффект Фотобиологик реакциялар қанчалик хилма- хил бўлмасин, уларнинг ҳаммаси асосий механизмлари жиҳатидан ички умумийликка эга бўлиб, тирик организмларнинг ҳаёт фаолиятларида ўз ифодасини топади. Фотосинтез - Юксак ўсимликлар, сув ўтлари ва баъзи бир бактериялар томонидан, ёруғлик энергияси иштирокида, органик моддаларнинг ҳосил қилиниши жараёнидир. Фотосинтезнинг бирламчи босқичи , энергия трансформациясининг уч пағонасини ўз ичига олади: 1) ёруғликнинг фотосинтетик пигментлар томонидан ютилиши ва электронли-қўзғалиш энергиясининг фотосинтез реакция марказига миграцияланиши, 2) реакция марказида зарядларнинг дастлабки тақсимланиши ва энергия трансформацияси, 3) электроннинг электрон- транспорт занжири бўйлаб ташилиши, СО2 фиксацияланиши қоронғулик босқичлари ва махсулотлар синтезида ишлатиладиган барқарор махсулотлар ( НАДФ, АТФ) нинг пайдо бўлиши. Бирламчи фотосинтетик

www.arxiv.uz жараёнларнинг барчаси оксидланиш-қайтарилиш реакцияси табиатига эга бўлиб, бунда е- донордан ( Н2О) акцепторга ( СО2 ва бошқа) узатилади ва қайтарилган бирикмалар (углеводлар) ҳамда кислород ҳосил бўлади. Фотосинтезнинг умумий йиғинди тенглама кўриниши қуйидагича ифодаланади: 6СО2 + Н2О → С6Н12О6 + 6О2 Бунда I.Ёруғлик фазаси қуйидагича кечади: Фотон хлорофилл молекуласини қўзғаб, е- орбиталдан узилиб ташувчи билан мембрана иккинчи томонига ўтказилади. Хлорофилл е- ўрнини Н2О хисобидан тўлдиради. Бунда протон ва О2 хосил бўлиб, О2 чиқариб юборилади. Н+ эса мембрана ичида тўпланиб боради. Протон потенциали критик нуқтага чиққанда АТФ –синтетаза ишга тушиб, протон канал орқали ташиладива е- билан бирикиб атомар Н ва АТФ хосил бўлади. II. Қоронғилик фазаси хлоропластда амалга ошади ва умумий кўринишда қуйидагича ифодаланади: 6СО2 + 24Н → С6Н12О6 + 6Н2О Фотосинтез - эркин энергиянинг ташқи манба ҳисобига тўпланишига олиб келадиган, ўсимликлар ва барча гетеротроф организмлар мавжудлигини таъминловчи ягона биологик жараёндир. Фотосинтез натижасида, ўсимликлар ҳар йили 4*107 т органик модда синтезлаб, 200 млрд тонна эркин О2 ажралиб чиқади. Фотосинтез атмосферада СО 2 концентрациясининг ошиб “парник эффектини” келтириб чиқаришига тўсқинлик қилади. Фотосинтез махсулотларида мужассамланган эркин энергия, инсониятнинг энергияга бўлган эхтиёжини таъминловчи асосий манбадир. Фотосинтезда бошланғич фотофизикавий ҳамда фотохимиявий босқичларнинг юксак ( тахминан 95%) эффективлигига қарамай, қуёш энергиясининг ҳосилга ўтадиган қисми 1-2 % дан ошмайди. Бундай паст эффективлик- ёруғликнинг тўла ютилмаслиги ҳамда биохимиявий ва физиологик даражаларда мавжуд чекланишлар билан шартланган. Фотоқўзғалувчанлик энергиясидан фойдаланиш йуллари. Фототаксис (taxis -

www.arxiv.uz жойланиш) - таксис ҳодисаларининг бир тури бўлиб (термо-, хемо-, гидротаксис ва хоказо), эркин ҳолатдаги биологик объектнинг ёруғлик таъсиридан келиб чиқадиган, муайян йўналишли ҳаракатидан иборат. Бошқа хил таксислар сингари, фототаксислар ҳам объектнинг ёруғлик манбаи томон ( ижобий) ёки унга тескари (салбий) йуналишдаги ҳаракатини белгиловчи топотаксислар ҳамда майдон ёритилганлигига жавобан объектнинг силжишини белгиловчи фототаксисларга бўлинади. Фототаксислар содда ҳайвонлар, чувалчанглар, бактериялар, сув утлари ҳамда баъзи бир ҳужайра ичидаги органоидлар учун характерлидир. Топотаксис сув ўти ҳу жайраси, рецептор орқали ўтган ёруғлик интенсивлиги градиентининг ўзгаришига қараб, ёруғликка нисбатан зарур йўналишни танлаб олишидир. Фототаксис таъсир спектрларини ўрганиш орқали қайд этилганки, хлорофилл, фикоцианин ва фикоэритрин - сув ўтлари ҳамда содда ҳайвонларда, бактериохлорофилл - бактерияларда, фитохром - хлоропластларда фототаксисни таъминловчи пигментлардир. Кўп холларда шу хилдаги пигмент сифатида хромопротеид ишлайди. Муайян бир организмнинг фототаксиси, хар хил пигментлар иштироки билан шартланган ҳам бўлиши мумкин. Фототаксик жавоб бирламчи фотохимиявий махсулотлар фотооксидланиш реакциясининг натижасида эмас, балки АТФ-аза активлигининг оширилиши натижасида амалга ошади. Фототаксис фотосинтез билан алоқадор ҳисобланади. Фотокинез - фототаксисга яқин ҳодиса бўлиб, у ёруғлик таъсирида келиб чиқадиган биологик объект ҳаракатчанлигининг - ёруғлик манбаи йуналишига боғлиқ бўлмаган ҳолда бошқарилишидан иборат. Фотокинезда хлорофилл, фикоцианин, каротиноидлар ёруғлик акцептори вазифасини бажаради. Фотосинтетик реакциялар - бир неча минут давом этадиган латент давр билан характерланганлиги учун унинг кучайтиргич механизми инерцияга эга деб тушунилади. Қутбланган нурнинг қутбланмаган нурга нисбатан анчагина эффектив таъсирга эга бўлиши, хромофорлар фазовий ориентацияланганлигининг муҳим эканлигидан дарак беради. Фототропизм -

www.arxiv.uz фоторецепция ҳодисасига мансуб бўлиб, биологик объект қисмларининг ёруғлик манбаи томон ёки унга тескари йуналишдаги ҳаракатини белгилайди. Фототропизм олий ва тубан даражали ўсимликларда, замбуруғлар ҳамда ўтроқ ҳаёт кечирадиган сув ўтларида кузатилиб, ўсаётган организмнинг ёритилган томонларидаги ҳужайралар бўлиниш тезликлари ва катталикларининг ошишидаги фарқлар орқали амалга ошади. Юксак ўсимликларда содир бўладиган фототроп реакцияларнинг кўринувчи нур интенсивлигига боғлиқлиги жуда мураккаб бўлиб, қоида кўра, органларнинг ўсаётган жойида ўз аксини топади. Одатда, ўсимлик танаси ижобий, илдизлари эса салбий фототропизм номоён этади.. Юксак ўсимликларда бир неча фоторецептор системалар мавжуд бўлса, фикомицетларда фототропизмга фақат битта фоторецептор система жавобгар бўлади. Фототроп жавобларда, биологик актив ёруғликнинг ютилишига флавин пигментлари ёки фитохром жавобгар бўлади. Флавинли пигментларда фототропизмга оид фотохимиявий реакция триплетли сатхлар иштирокида, бир квантли механизмга асосан амалга ошади. Ёруғликнинг фототроп таъсири, мембрана ўтказувчанлигининг ўзгариши билан шартланадиган, ауксинлар ён градиентининг вужудга келиши орқали амалга ошади. Поляротропизм ҳам фототропизмнинг бир хили бўлиб, мох ва папаротникларда қайд этилган бўлиб, спораларнинг чизиқли қутбланган нур текислигига нисбатан бурчак остида ориентацияланишлари билан характерланади. Маълумки, поляротропизм фоторецептор пигментларнинг фазовий тартибланган орентациясига боғлиқ бўлиб, флавинлар ана шу хилдаги ролга эга. Радиобиологик жараёнларнинг физикавий асослари. Электромагнит нурлар тўлқин узунлиги спектрига кўра радиотўлқинлар, инфрақизил нурлар, кўринадиган нурлар, ультрабинафша, рентген ва гамма нурларга бўлиб ўрганилади. Рентген ва гамма нурлар, шунингдек корпускуляр нурлар: α

www.arxiv.uz ва β нурлар, нейтрон оқими ҳамда сунъий тезлаштирилган электронлар оқимидан иборат нурлар ионлаштирувчи нурлар деб аталиб, радиобиология соҳасининг ўрганиш объекти ҳисобланади. Ионлаштирувчи нурлар таъсири уларнинг молекула ёки атомлар ташқи пағонасидаги электронларни қўзғалган ҳолатга олиб келиши билан тушинтирилади. Қўзғалган ҳолат эса ортиқча энергияси ҳисобига кейинги занжирий жараёнларни келтириб чиқаради. Рентген нурлар тўлқин узунлиги 10 А0 ни ташкил этиб, рентген трубкасида катоддан катта тезликда чиқувчи электронларнинг анодга урилиши ва кинетик энергиянинг нурланишга айланиши тарзида келиб чиқади. γ-нурлар қисқа тўлқин узунлигидаги нурлар бўлиб, алоҳида квант энергияси, билан характерланади: Еγ = hv Бунда: h- Планк доимийси v- нурланиш частотаси Корпускуляр нурлар манбаи радиоактив элемент изотоплари ҳисобланади. Радиоактив элемент изотоплари барқарор изотоплардан фарқланиб, вақт давомида парчаланади ва магнит майдонида уч қисмга α - заррачалар, β - заррачалар ва γ - электромагнит нурларга бўлинувчи нур оқимини ҳосил қилади. 49α - заррачалар гелий 2Не4 атом ядроларидан иборат бўлиб, тезлиги 14000-20000 км/сек ва кинетик энергияси 4-9 Мэв, ионлаштириш кўрсаткичи 100 000- 250 000 жуфт ионга тенг. α - заррачалар ҳосил бўлиши ядро реакциясини қуйидаги мисолда кўриш мумкин: 88Ra226 ––––––→ +4 α 2 - заррача + 86Ra 224 α - заррачалар қўш заряд ва катта массага эга бўлганлиги учун кучли ионлантирувчи ҳисобланади. β - заррачалар электронлар оқимидан иборат бўлиб, массаси α -заррача массасидан 7350 марта кичик ва тезлиги 160 000 км/сек. γ - нурлар эса қисқа тўлқин узунлигига эга электромагнит нурлар ҳисобланади. α, β, γ - нурланишлар таъсирида содир бўладиган турли жараёнлар натижасида зарядланган заррачалар ҳосил бўлади. Ионлаштирувчи нурланишлар таъсирида моддада радиолиз деб аталадиган кимёвий ўзгаришлар содир бўлади. Космик нурлар таркибига кирувчи протон оқими ҳам Ернинг радиацион фони вужудга келишида катта

www.arxiv.uz аҳамиятга эга. α - заррачалар билан Ni60 бомбардимон қилиб, нейтрон ҳосил қилиш мумкин: Ni 60 + +4 α 2 - заррача ––––––→ Ln 64 –––––––→ Zn 63 + 0n1 Ядро реакторларида ҳосил қилинган нейтронлар -0n1 оқими кучли радиацион характерга эга. Асосий дозиметрик улчовлар ва бирликлар Рентген ва γ- нурлар улчов бирлиги сифатида рентген (Р) ишлатилади. Рентген - 1 см 3 ҳавода 2, 08 * 10 9 жуфт ион ҳосил қилувчи нур дозаси ҳисобланади. Рентгеннинг физик эквиваленти (РФЭ) рад 1грамм нурланган муҳитда 100 рг энергия ютилиши билан ифодаланувчи катталик ҳисобланади. Рентгеннинг биологик эквиваленти (РБЭ) эса 1 грамм тирик модда 1 рентген нурланишдан олувчи таъсир кучини ифодалайди. Кўпинча ҳисоблашларда нисбий биологик эффективлик (НБЭ) катталигидан фойдаланилади: НБЭ = РБЭ / РФЭ (rem) Организмларга нурланишларнинг таъсири нурланиш дозаси билан характерланади. Ютилган нурланиш дозаси (D) деб, ютилган ионловчи нурланиш энергияси Е нинг нурланилаётган модда массаси м га нисбатига айтилади. D = Е / м 50Организмларнинг радиоактив нурланишга нисбатан радиосезгирлиги 50 % ўлимга олиб келадиган доза LD50 билан ифодаланади. Масалан, одам организмида LD 50/30 600-700 rem тенг, тошбақаларда бу кўрсаткич 1500, илонларда 8000- 20 000 rem ни ташкил этади. Бунда, 50/30 кўрсаткич нурланишдан кейинги 30-кунликдаги радиорезистентлик ҳолатини ифодалайди. Ядро реакторлари суюқлигида яшовчи Pseudomonus турига кирувчи микроорганизмларда эса юқоридаги кўрсаткич 10 000 000 rem ни ташкил этади. Ҳалқаро бирликлар тизимида ютилган нурланиш дозаси Грэй ҳисобида ўлчанади (Гр). 1 Гр нурланилаётган 1 кг массали моддага 1 Ж ионловчи нурланиш энергияси узатилганда ютилган нурланиш дозасига тенг: 1 Гр = 1 Ж/кг Табиий нурланиш (космик нурлар, атроф муҳит ва инсон танаси радиацияси) фони йилига битта одамга 2 * 10-3 Гр нурланиш дозасига тўғри келади. Радиацион муҳофаза буйича Халқаро комиссия нурланишлар билан ишловчи кишилар учун мумкин бўлган чегаравий доза деб 0,05 Гр ни белгилаган. Қисқа муддат ичида олинган 3-10 Гр

www.arxiv.uz нурланиш дозаси организмни ўлимга олиб келади. Ионлаштирувчи нурларнинг биологик таъсирлари Ионлантирувчи нурланишнинг организмга таъсиридаги бирламчи физик-кимёвий жараёнларни кўриб чиқишда иккита принцип жиҳатдан турлича бўлган ўзаро таъсирни – сув молекулалари билан ва органик бирикмалар молекулалари билан ўзаро таъсирлашувни ҳисобга олиш керак. Ионлантирувчи нурланишлар таъсирида сув радиолизи қуйидагича кечади: Н2О → Н2О*, Н2О- → ОН- + Н ⋅ , Н2О→ Н2О + е-, ОН- → ОН ⋅ +е - Н2О+ + Н2О→ Н3О+ + ОН ⋅ , Н+ + е- → Н ⋅ Н2О + е - → Н2О- Кислород билан реакция гидропероксид ва водород пероксиди ҳосил бўлишига олиб келади: Н ⋅ + О2 → ⋅ НО2 + Н ⋅ → Н2О2 Органик бирикмалар молекулаларининг ионлантирувчи нурланишлар билан ўзоро таъсири натижасида қўзғалган молекулалар: ионлар, радикаллар ва пероксидлар ҳосил бўлади: RН → RН* → R ⋅ + Н ⋅ , RН+ → R ⋅ + Н+. 51RН → RН+ → е- , R ⋅ + О2 → ⋅ RО2 Келтирилган реакциялардан тушинарлики, бу кимёвий жиҳатдан юксак актив бирикмалар биологик системанинг бошқа молекулари билан ўзаро таъсирлашади, натижада ҳужайралар, мембраналар ва бутун организм функциялари бузилишига олиб келади. Радиоактив моддаларнинг нурланиши барча тирик организмларга кучли таъсир кўрсатади. Организм ҳужайраларининг ҳаёт фаолиятини издан чиқариш учун энергияси батамом ютилганда жисмнинг ҳароратини 0,001 0С гина кўтара оладиган кучсиз нурланиш етарли ҳисобланади. Ионлаштирувчи нурларнинг тирик организмга таъсир механизмини тушинтиришда бир неча гипотезалар мавжуд. Бу гипотезалар орасида Д.Е.Ли (1961), Циммер (1962) нинг классик нишон, яъни уникаль молекулага таъсир этиш гипотезаси алоҳида ўринга эга. Бу гипотезага асосан организмда нур заррачалари таъсирида ўз активлигини йуқотиб, организмни ўлимга олиб борувчи сезгир молекула мавжуд. Аммо бу

www.arxiv.uz назария тўлиқ исботланмаган. Каспари ва бошқалар (1929) радиация таъсирида оқсил молекуласидаги ўзгаришидаги гистамин моддаси умумий жараёнлар асосида туради деган фикрни илгари сурганлар.1960 йилда А.М.Кузин, 1962 йилда Б,Н.Тарусов, Филпот 1958, Летер 1958 йилда перекис каби моддалар нур касаллигининг келиб чиқишида асосий роль уйнайди деб кўрсатишган.1964 йили Ю.Б.Кудряшев эса эпоксид каби органик моддалар нур касаллиги келиб чикишида муҳим ролга эга деб кўрсатган бўлса, А.М.Кузин (1960-1970) Н.Норбоев, Г.Парпиева (1966) лар нур касаллигининг келиб чиқишида электрофизиологик катталикларни ҳам эътиборга олиш лозимлигини таъкидлаб, нур касаллиги келиб чиқишида фенол, ортохинон каби моддалар ролини ажратиб кўрсатишган. Ионлаштирувчи нурланишнинг биологик таъсири учун характерли бўлган умумий қонунларнинг айримлари қуйидагилардан иборат. 1. Нурланишнинг ютилган жуда кичик миқдори таъсирида сезиларли даражадаги биологик бузилишлар содир бўлади. 2. Ионлаштирувчи нурланиш фақат нурланаётган биологик объектга эмас, ҳужайраларнинг ирсият аппарати орқали кейинги авлодига ҳам таъсир қилади. 3. Ионлаштирувчи нурланишнинг биологик таъсирига яширин давр хосдир. 4. Нурланишнинг бир фазасига ҳужайра турли қисмларининг сезгирлиги ўзаро фарқланиб, ҳужайранинг ядроси нурланиш таъсирига энг сезгир ҳисобланади. 525. Нурланишда биринчи ўсувчи тўқималар жароҳатланади. Интенсивлиги жуда оз бўлган нурланишлар ҳужайрага шикаст етказиши ва ҳавфли нур касаллигини келтириб чиқариши мумкин. Нурланиш интенсивлиги катта бўлганда организм нобуд бўлади. Нурланишнинг биологик объектларни нобуд қилувчи таъсирининг моҳияти етарлича ўрганилмаган. Лекин нурланиш натижасида атом ва молекулалар ионлашади, уларнинг химиявий активлиги ўзгариб кетади. Нурланишга ҳужайраларнинг ядролари, айниқса, тез бўлинадиган ҳужайраларнинг ядролари сезгир бўлиши аниқланган. Шунингдек, нурланиш хромосомалардаги генларни нобуд қилиб, фаолиятини

www.arxiv.uz бутунлай издан чиқаради. Организмнинг турли тўқималарининг радиорезистентлиги ўрганилганда жинсий ҳужайралар, қон ҳосил қилувчи ҳужайралар ва лимфоцитлар кучли таъсирланувчан, мускул, тоғай тўқималари нисбатан кам таъсирланувчанлиги қайд қилинган. Радиацион нурланиш организмда нурланиш кассаллиги ни келтириб чиқариб бунда учта фаза: 1-бирламчи ўзгариш, 2-инкубация, 3- нурланиш касаллиги фазалари ажратиб ўрганилади. Нурланиш вақтида ҳарорат ўзгариши кам таъсирга эга бўлса, нурланишдан кейин эса ҳарорат пасайиши нурланиш таъсирини пасайтириши аниқланган. Шунингдек, О2 нинг парциал босими пасайтирилганда нурланиш таъсири 50 % гача камаяди. Бу кислород эффекти деб аталади. Организмни нурланишдан муҳофаза қилиш. Ионлантирувчи нурланишдан ҳимояланишнинг учта турини: вақтдан, масофадан ва материал билан ҳимояланишни фарқлаш керак. Ҳавода ютилишини назарга олмаганда ҳам радиация интенсивлиги манбагача бўлган масофанинг квадратига тескари пропорционал равишда камаяди. Кимёвий ҳимоя воситалари сифатида цистеин, глутатион препаратлари, аминлар, хинон, стеридлар ва бир қатор антибиотикларни кўрсатиб ўтиш мумкин. Радиоактив изотопларнинг қўлланилиши Нишонланган атомлар ёрдамида қилинган тадқиқотлардан бири организмда модда алмашинувини текшириш ҳисобланиб, натижалар организмнинг нисбатан қисқа вақт ичида батамом янгиланиши кўрсатди. Медицинада радиоактив изотоплар касалликни аниқлаш ва даволашда ишлатилади. Қонга юборилган оз миқдордаги радиоактив Na+ қон айланишини текшириш учун фойдаланилади. Баъзи бир ҳолларда радиоактив нурлар таъсир эттириш орқали зарарли ўсмалар ва бошқа хасталикларни даволаш ҳам мумкин. Бунда рентген нурларидан кўра γ - нурларидан кенг фойдаланилади. Йод моддаси қалқонсимон безда кўп ажралади, бу айниқса Базедов касаллигида интенсив бўлади. Йоднинг қандай миқдорда тўпланаётганлигини радиоактив J- изотопи ёрдамида кузатиб аниқлаш мумкин. Радиоактив йоднинг катта дозалари тез

www.arxiv.uz ривожланаётган тўқималарни қисман парчалайди ва радиоактив йодни Базедов касаллигини даволаш учун ишлатилади. Радиоактив кобальтнинг изотопи интенсив гамма нурланишидан турли ўсма касалликларини даволашда фойдаланилади.

www.arxiv.uz Адабиётлар: 1. Рубин А.Б. Биофизика. Учебник в 2 книгах. М.: Высшая школа, 2004 г. 2. Қосимов М.М., Гагельганс А.И. Биофизика. Маърузалар матни. Тошкент, 2000 й. 3. Владимиров Ю.А. и др. Биофизика. Учебник. М.: Медицина, 1983 г. 4. Костюк и др. Биофизика. Учебник. Киев: Выша школа, 1989 г. 5. Волькенштейн М.В. Биофизика. Учебное пособие. М.:Наука, 1983 г. 6. www . ziyonet . uz

O'xshashlar

Биологик жараёнлар кинетикаси. Ҳужайравий жараёнлар биофизикаси

Биологик жараёнлар кинетикаси

Хашоратлар морфологияси фанига кириш

МИКРООРГАНИЗМЛАР ИШТИРОКИДА БОРАДИГАН БИОКИМЁВИЙ ЖАРАЁНЛАР

Биосферада биокимёвий жараёнлар ва моддаларнинг айланиши