Биологик жараёнлар кинетикаси. Ҳужайравий жараёнлар биофизикаси - Biologiya - Referatlar

Биологик жараёнлар кинетикаси. Ҳужайравий жараёнлар биофизикаси

Yuklangan vaqt:

20.09.2019

Ko'chirishlar soni:

0

Hajmi:

85 KB

Ko'chirib olish

www.arxiv.uz Режа: 1. Ҳужайра мембраналарининг структуравий тузилиш асослари. 2. Биомембраналарнинг физикавий хусусиятлари 3 Кимёвий кинетика асослари 4 Тирик тизимларда термодинамиканинг I ва II қонунлари 5 Cтационар ҳолатларнинг барқорорлиги ва биологик триггерлар

www.arxiv.uz Кимёвий кинетика асослари Кимёвий кинетика асослари кимёвий жараёнлар кечишини белгиловчи қонуниятларни ва уларнинг механизмини ўрганади. Ҳужайра ва тўқималарда моддалар алмашинувининг тезлиги ҳаётий жараёнларнинг нормал кечиши ва бошқарилишида муҳим роль уйнайди. Кимёвий кинетика назарияси асосида кимёвий реакциялар тезлиги реакцияга киришувчи реагентларнинг фаол массасига пропорционал деб ифодаланувчи Гулберг-Вааге қоидаси ётади. Бу қоидани тенглама кўринишида қуйидагича ёзиш мумкин: k1 А –––––––→ В (махсулот) А модданинг парчаланиш тезлиги модданинг концентрациясига [А] га мутаносиб, яъни: v = d [B] / dt = k 2 [A] k1 Агар, m А + n В –––––––→ P (махсулот) кўринишидаги реакция олинса, реакция тезлиги қуйидагича ифодаланади: - dP / dt = k 2 [A] m ⋅ [B] n Ушбу тенгламалардаги k – пропорционаллик коеффиценти бўлиб, унинг қиймати олинган реагентлар концентрацияси 1 га тенг бўлгандаги реакция тезлигига тенг. Тенглама олдига қуйилган (-) ишора, реакция тезлигининг вақт давомида камайиб боришини ифодалайди. Тўғри ва тескари йуналишдаги реакциялар тезлик константаларининг нисбати kмув = k +1 / k -1 муозанат константаси деб аталиб, k +1 > k -1 шароитда, у тўғри реакциянинг тескари реакциядан устунлик қилишини билдиради. Кинетикада кимёвий реакциялар биринчи, иккинчи, учинчи,

www.arxiv.uz нолинчи ва каср тартибли реакцияларга бўлинади. Реакция тартиби реакция тезлигини ифодаловчи тенгламадаги реагентлар концентрацияси даражаларининг йиғиндисидан иборат катталик ҳисобланади. Агар dP/dt = k[A] бўлса, бу реакция биринчи тартиб кинетика асосида боради. dP/dt = k[A] бўлса, реакция иккинчи тартиб кинетика асосида боради ва кинетик тенгламада концентрация кўрсатилмаган бўлса, бундай реакция нолинчи тартиб реакция деб аталади ва dP/dt = k 0 кўринишида ифодаланади Молекулалар реакцияга киришиш олдидан фаоллашган ҳолат деб аталувчи конфигурация даврига ўтади. Реакциянинг фаолланиш энергияси фаолланиш энергияси кам бўлса, реакция тез боради. Биологик катализаторлар фаолланиш энергиясини пасайтириш билан химиявий реакцияларни тезлатади. Химиявий реакция тезлигига ҳароратнинг таъсири қуйидаги тенглама орқали ифодаланади: Q10 =VT+10/ VT Бунда ҳарорат 10С га кўтарилганда реакция тезлиги тахминан 2-4 мартагача ортади. Мураккаб реакциялар кинетикаси Тирик организмда кечадиган реакциялар босқичли, узвий ва бир вақтнинг ўзида боради. Масалан, сут кислотасининг биологик дегидрирланиши қуйидагича ифодаланади: 1) СН 3 - СНОН - СООН + кофермент I → СН 3СО- СООН +тикланган кофермент I 2) тикланган кофермент I + феррицитохром с (Fe 3+) — феррицитохром с → ферроцитохром с + кофермент I 3) феррицитохром с + кислород → феррицитохром с + Н2О ---------------------------------------------------------------------------------------- Йиғинди реакция: сут кислота + кислород → пироузум кислота + Н

www.arxiv.uz 2О Реакциянинг оддий занжир кўриниши қуйидагича ифодаланади : k1 k2 А _________ → B __________→ С, d a / dt = k1 a, d b / dt = k1 a – k2b, dc / dt = k2b, Реакция тезлигининг бошқарилиши Моддалар алмашинуви жараёни асосида чизиқли, тармоқли ва циклик реакциялар ётади. Бу организмни ички ва ташқи шароит ўзгаришларига мослашиш ва барча жараёнларнинг боғлиқлигини таъминлайди. Организмда умумий реакция турида қатнашмайдиган бирорта ҳам модда йуқ. Улар хар хил химиявий ўзгаришларга учрайди ва модда алмашинувини охирги махсулотига айланади. Химиявий реакциялар хар хил эффективликка эга бўлади. Моддаларнинг миқдори хар хил реакцияларнинг йуналишини ҳамда уларнинг қай суръатда кечишини белгилайди. Кинетик параметрларни қайта тақсимланиши организмдаги реакция турларига эмас, фермент концентрациясига, химиявий реакция тезлиги, ҳужайра ички суюқлиги, структураси, ўтказувчанлиги, ўтказувчининг константаси ўзгариши ва бошқаларга боғлиқ бўлади. Ферментатив реакциялар кинетикаси Тирик организмда реакцияларнинг кечиш тезлиги асосан катализаторлар, ферментлар, ингибиторлар ва реакция шароитига боғлиқ. Ферментатив кинетика химиявий кинетиканинг бир бўлими тарзида ферментлар катализ қиладиган реакция тезлигининг реакцияга киришувчи моддалар табиати ва уларнинг таъсир этиш шароитига боғлиқ бўлиши қонуниятларини ўрганади. Маълумки, хар қандай химиявий реакция реакциянинг термодинамик константаси билан характерланади. Бу константа система химиявий мувозанатга эришган ҳолатини ифодалайди. Мувозанат константаси ( мk) тўғри (k+1) ва тескари реакция константаси (k -1) нисбатидан аниқланади, яъни: мk = k +1/k--1 Реакциянинг энг юқори тезлиги (v max ) да фермент субстратга туйинган бўлади. Бунда фермент-субстрат комплекси ҳосил бўлади. Бу

www.arxiv.uz ғояни 1913 йилда Мехаэлис ва Ментенлар ривожлантириб, ферментлар таъсирининг умумий назариясини яратдилар. Бунга мувофиқ фермент ўзининг субстрати S билан нисбатан тез ва қайтар боғланади: Е + S = Е S Кейинги реакцияда фермент-субстрат комплекси реакция махсулоти Р ва эркин фермент Е ҳосил бўлади : Е S = Е + Р Е S комплексининг ҳосил бўлиш ва парчаланиш тезлиги қуйидагича ифодаланади: d [ЕS] / dt = k1 ( [Е] - [ЕS] ) – (d [ЕS] / dt) =k2 [ЕS] + k3 [ЕS] Агар, ЕS нинг ҳосил бўлиш суръати унинг йўқолиш тезлигига тенг бўлса, реакция муозанат ҳолатда (стационар) бўлади: 16 K1 ( [Е] - [ЕS] [S] ) = K2 [ЕS] + K3 [ЕS] Ушбу ифодани ўзгартириш орқали қуйидаги формула олинади: [S] [E] – [ES] / [ES] = K2 + K3 / K1 = KM Михаэлис константаси Михаэлис константаси (КМ) – ферментнинг муҳим характеристикаси бўлиб, унга қараб ферментатив реакция хақида хулоса чиқариш мумкин. Михаэлис константаси моль / л билан ифодаланиб, қиймати катта бўлса, ES комплекс осонлик билан парчаланади ва реакция секин ўтади. Агар (КМ) қиймати кичик бўлса, реакция тез боради. Реакциянинг бошланғич тезлиги учун (P=0 бўлганда) Михаэлис- Ментен тенгламаси қуйидаги кўринишда бўлади: V = VMAX / 1+ K m / [S] ⋅ V MAX / KM [S] Бу ерда КМ – максимал тезликнинг ярмига мувофиқ субстрат концентрацияси. Ферментлар pH –кўрсаткичи тор зонасида кучли активлик номоён қилади. Бунда муҳит водород ионлари концентрацияси ўзгариши фермент молекуласининг ионланиш даражасига таъсир қилиб, фермент фаоллигини ўзгартиради. Ферментатив реакциялар t = 40-600 С ҳароратда кучли фаолликка эга бўлади. Хар бир фермент учун оптимал ҳарорат кўрсаткичи мавжуд. Ферментатив реакцияларнинг тезлиги эффекторлар таъсирида ўзгариши мумкин: активаторлар фермент молекуласи билан бирикиб, унинг фаоллигинини оширади, ингибиторлар эса ферментнинг фаоллигини қайтар ёки қайтмас ингибирланишига олиб келади. Ферментатив реакцияларда оқсил молекуласи - ферментдан ташқари, бир

www.arxiv.uz қатор органик ва анорганик моддалар- кофакторлар иштирок этади. Тирик тизимларда термодинамиканинг I ва II қонунлари Термодинамика энергия ўзгаришини белгиловчи қонуниятларни ўрганадиган фан ҳисобланиб, тирик организм ва атроф муҳит ўртасидаги энергетик балансни ҳаётий жараёнларга боғлиқ ҳолда ўрганади. Термодинамик методлар ўз моҳиятига кўра статистик ҳисобланади. Бунда бирор молекуланинг ҳарорати ва босими эмас, балки бир қанча ўзаро алоқадор бўлган молекулаларнинг термодинамик параметрлари ўрганилади ва макросистема ифодаланади. Термодинамика уларнинг табиати, механизми ва бошқа шунга ўхшаш ҳолатлари ҳақида тухталмай, фақат энергетик нуқтаи назардан кўриб чиқади. Хозирги кунда биологияда термодинамиканинг иккита перспектив йуналиши қўлланилади: биринчидан, тирик организмда энергия алмашинувини ҳисоблаш ёки алоҳида системада, иш давомида (масалан: мускул қисқариши, нерв импульсларининг ўтказилиши, осмос) биологик жараёнларнинг фойдали иш коэффиценти, биохимиявий реакциялар энергетикаси; иккинчидан, тирик организмни очиқ термодинамик система сифатида ўрганиш Термодинамик система - системани ташкил қилувчи жисмлар орасидаги энергия алмашиши мумкин бўлган система ҳисобланади. Унинг ўлчами доимо уни ташкил қилувчи қисмлар ўлчамидан катта бўлади. Термодинамика ташқи муҳитга боғлиқ ҳолда системанинг учта типини кўриб чиқади: 1. Изоляцияланган система — ташқи муҳит билан ўзаро энергия ва модда алмашинуви содир булмайдиган система. 2. Ёпиқ система — ташқи муҳит билан энергия алмашинади, лекин система чегарасида модда алмашинуви содир булмайди. 3. Очиқ система — ташқи муҳит билан энергия ва модда алмашинуви содир бўлади. Тирик организм очиқ система ҳисобланади. Термодинамик функция Системанинг физик-химиявий табиати термодинамик функциянинг (ҳарорат, босим, хажм, энергия, энтропия ва бошқа) ҳолатини ифодалайди. Масса ва микрозаррачалар миқдорига боғлиқ бўлган

www.arxiv.uz параметрлар ( хажм, энергия, энтроппя) экстенсив параметрлар ҳисобланади. Масса ва заррачалар миқдорига боғлиқ бўлмаган параметрлар (босим, ҳарорат, энтропия ўзгариши) интенсив параметрлар дейилади. Энергия бу материянинг асосий ҳаракат шакли ҳисобланади. Энергия системанинг иш бажариш қобилиятини ўзида акс эттиради. Формал равишда энергияни интенсив факторни экстенсив факторга кўпайтириш орқали ифодалаш мумкин. Масалан, механик энергияни PV (P-босим, V-хажм), TS (T-ҳарорат (t+273оС) S-энтропия), Mm (M -химиявий потенциал, m-масса), EI ( E - кучланиш, I-ток кучи). Термодинамиканинг биринчи қонуни. Термодинамиканинг биринчи қонунига мувофиқ системада ташқи муҳитдан ютилган иссиқлик ∆ Q система ички энергиясини ўзгартириш ∆ U ва система бажарадиган ( ҳажм ўзгариши ∆ V учун ташқи P босимга қарши бажариладиган иш P ∆V ва кимёвий ўзгаришлар билан ифодаланувчи максимал фойдали иш ∆ А MAX ишдан иборат ) умумий иш ∆ А га сарфланади ва бу қуйидагича ифодаланади: ∆ Q = ∆ U + ∆ А, Бу ерда иш ∆ А = P ∆V + ∆ А1MAX ёки: ∆ Q = ∆ U + P ∆V + ∆ А1MAX Бунда системадаги иссиқлик миқдорига мос, ҳолат функцияси энтальпия (Н = U + PV ) ни киритамиз ва бундан термокимёвий Гесс қонуни келиб чиқади: ∆Н = ∆ U + P ∆V Бу тенгламага мувофиқ кимёвий реакциянинг иссиқлик эффекти - ∆ Q охирги ва дастлабки ҳолатлар энтальпиялари ўртасидаги фарқ билан ифодаланади. Термодинамиканинг иккинчи қонуни Термодинамиканинг иккинчи қонунига мувофиқ қайтар жараёнларда энтропиянинг кичик қийматда ўзгариши ∆S система томонидан ютилган иссиқлик ∆Q / T га тенг, яъни ∆S = 0, бўлса қайтмас жараёнларда ∆S > 0 бўлиб, умуман ∆S > ∆Q / T бўлади. Изоляцияланган системаларда қайтар жараёнлар учун ∆Q = 0, қайтмас жараёнлар учун ∆S > 0 бўлади. Л. Больцман макроскопик ҳолатэнтропияси ушбу ҳолат жорий этилиш эхтимоллигига боғлиқ деб кўрсатиб, бу w - термодинамик эхтимоллик дейилади ва Больцман жараёнларнинг термодинамик эхтимоллиги ва энтропия орасидаги

www.arxiv.uz муносабатни қуйидаги формула билан ифодалади: S = k ln w бу ерда : k — Больцман константаси w — термодинамик эхтимоллик Шунингдек, биокимёвий жараёнлар энергетикасида Гелмголц эркин энергиси (F = U – TS) ва Гиббс эркин энергияси ( G = U + PV –TS) катта аҳамиятга эга. А = Q х Т1 — Т2 / Т1 Cтационар ҳолатларнинг барқорорлиги ва биологик триггерлар Термодинамик система параметрлари (V, P, T, ρ ва бошқалар ) муҳит билан ўзаро таъсирлашишда вақт давомида ўзгармаса, система ҳолати стационар ҳолат дейилади. Термодинамик нуқтаи назардан тирик ҳужайра очиқ система ҳисобланади. Бу системанинг нормал фаолияти эса системадаги стационар ҳолат барқарорлик мувозанат кўрсаткичига боғлиқ бўлиб, Пригожин теоремаси орқали ифодаланади: ташқи параметрларнинг ўзгармаслик ҳолида, стационар ҳолатда энтропия ҳосил қилиш тезлиги минимал катталикка интилади. И. Пригожин принципига асосан, стационар ҳолатда энтропия ўсиш тезлиги, яъни энтропиянинг вақтга нисбатан олинган функцияси ∆S i / ∆t қайтмас жараёнлар боришига боғлиқ. Бунда энергетик мувозанат йиғиндиси 2 қарама-қарши оқим: мусбат энтропия- ҳужайрадан ташқи муҳитга йўналган ва ташқи муҳитдан ҳужайрага йўналган манфий энтропия қиймати билан характерланади. Биринчи оқим бу ҳужайрадаги моддалар деградацияси, яъни системадан ажралувчи СО2, мочевина, пурин ва бошқа моддалар билан, иккинчи оқим эса эркин энергия билан ифодаланади. Система стационар ҳолатда бўлиши, яъни ҳужайра нормал ишлаши учун ушбу икки оқим ўртасида мувозанат мавжудлиги таъминланиши лозим. Авторегулятив процесслар бузилиши юқоридаги мувозанат ҳолатини издан чиқариб, системани ҳалокатга олиб келади. Бу жараёнларни ҳужайрада О2 диффузиси мисолида кўриб чиқадиган бўлсак, бунда модданинг диффузия оқими термодинамика иккинчи қонунига мувофиқ градиент концентрация асосида Фик қонуни бўйича боради: ҳужайрага моддаларнинг диффузияланиб киришининг математик ифодаси диффузия тезлиги (∆m / ∆t) концентрация градиентига (∆с / ∆х) ва модда

www.arxiv.uz диффузияланувчи соҳа юзаси (s) га пропорционал бўлади: ∆m / ∆t = - D s (∆с / ∆х) Бу ерда D – пропорционаллик коеффиценти деб аталади. Шунингдек, модданинг ҳужайрага диффузияланиб кириш тезлиги Коллендер ва Берлунд (Collander, Barlund) тенгламасига бўйсинади: ∆m / ∆t = k s (C-C0) Бу ерда, C-C0 – ҳужайра ичи ва ҳужайра ташқарисидаги модда концентрацияси, k – сингиш константаси. Ҳужайрага О 2 диффузиси юқорида ифодаланган градиент концентрация асосида бориб, ҳужайранинг кислородга эҳтиёжи, яъни оксидланиш реакциялари қийматига боғлиқ ҳолда амалга ошади ва бунда СО2 кўпайиши кузатилса, авторегулятив процесслар ишга тушиб, нисбатан градиент пасайтирилади. Термодинамик системанингқўзғалган ҳолатдан стационар ҳолатга ўта олиш характери стационар ҳолат барқарорлиги критерийси ҳисобланади. Биологик тизимлар кинетикаси бир неча стационар ҳолатлар бир вақтнинг ўзида мавжуд бўлади. Системадаги бу ҳолат системанинг бир стационар ҳолатдан иккинчисига ўтиши, яъни системанинг триггерлик характерини белгилаб беради. Системада стационар ҳолатларга ўтишда кесишиш нуқтаси бифуркация нуқтаси деб аталади. Бир неча барқарор стационар ҳолатга эга ва улар ўртасида беқарор нуқта орқали ўтиш имконияти мавжуд бўлган системалар триггер система деб номланади. Триггер ўтишнинг бир неча йўллари мавжуд. Кимёвий реакцияларда реагент концентрацияси оширилганда системадаги триггер ўтиш ҳолатини куч ёки махсус ўтиш усули деб аталади ва буни X- ўзгарувчининг таъсир натижасида кескин ўзгариб, тизим сепаратрисадан ўнг томонда жойлашган А нуқта томон сурилиши ҳамда системанинг фазовий траектория бўйлаб нуқтага ўтиши билан изоҳланади. Агар система триггер ўтишида фазовий портрет деформацияси кузатилиб, бунда X- ўзгарувчи эмас, балки система параметрлари ўзгарса ва фақат битта стационар ҳолат мавжудлиги тизимига ўтилса, бундай кўриниш- триггер ўтишнинг махсус бўлмаган ёки

www.arxiv.uz параметрик усули деб номланади. Триггер ўтишлар системадаги барқарор стационар ҳолатлар ва улар ўртасидаги ўтишлар имкони бўлган биопроцессларнинг моделларини тузишда қўлайлик яратади. Ҳужайра мембраналарининг структуравий тузилиш асослари. Маълумки, барча тирик ҳужайраларнинг ички муҳити ташқи муҳитдан мембрана орқали ажралиб туради. Шунингдек, ҳужайра ичидаги компонентлар (органеллалар) ҳам мембрана билан қопланган. Бу уларни ташқи муҳитдан чегаралайди, моддалар танлаб ўтказилишини таъминлайди ҳамда турли хил ташқи таъсирлардан ҳимоялайди. Биомембраналар (лот. membrana - юпқа парда) цитоплазма ва ҳужайра ичидаги структураларни чегаралайдиган, ҳужайра ичида ягона каналчалар, тахламчалар тизимини ҳосил қиладиган, қалинлиги 7 - 10 нм га тенг ҳужайра структурасидан иборат. Биомембраналар танлаб ўтказувчанлик, эгилувчанлик, қўзғалувчанлик, фагоцитоз, энергия ҳосил қилиш, рецепторлик каби хоссаларга эга. Биомембраналар структураси оқсиллар, липидлар, сув ва анорганик компонентлардан ташкил топган. Биомембраналар структураси таркибига кирувчи оқсиллар хилма - хил бўлиб, уларнинг молекуляр массаси 10.000 -240.000 Д ҳисобланади. Мембранада оқсиллар икки қаватли қатламда жойлашишига кўра интеграл ва периферик оқсилларга бўлинади. Оқсиллар гидрофоб ҳусусиятига кўра, алоҳида ёки липидга бириккан ҳолда бўлади. Мембранада кам боғланган ноэлектростатик , пеиферик оқсиллар ва липидга боғланган интеграл оқсиллар (кўпроқ қисми) ферментатив, транспорт, регулятор ва структура каби функцияларни таъминлайди. Мембранада оқсил молекулалари углеводлар билан гликопротеинларни ёки липидлар билан бирикиб,

www.arxiv.uz липопротеинларни ҳосил қилади. Оқсиллар ҳужайра қуруқ массасининг 10-15% ни, липидлар 25-75 % ни ташкил қилади. Липидлар одатда 14-22 углерод атомларидан иборат бўлиб, фосфолипидлар, гликолипидлар ва стероидлардан ташкил топган. Фосфолипидлар икки қисмдан: бош қисми, яъни қутбланган гидрофил ва гидрофоб дум қисмлардан ташкил топган. Бош қисми фосфор кислотаси қолдиғи, гидрофоб қисми углеводородлар қолдиғидан ташкил топган. Липидлар ҳужайра мембранасида икки қават (қалинлиги3,5-4,0 нм) ҳосил қилиб жойлашади. Сув мембранада боғланган, эркин ва кам боғланган формаларда бўлади. Ички боғланган сув (алоҳида молекулалар ҳолида) углеводород молекулалариаро жойлашиб, ЯМР- спектроскопияда корреляцион вақти: τ с = 10-7 сек ни ташкил этади. Боғланган сув гидрат қобиқ ҳолида липид ва оқсил қутбли қисмларида жойлашиб, осмотик нофаоллиги учун эрутувчимас. Эркин сув изотроп харакатчан кўринишда бўлиб, липид қатламлар орасида жойлашади. Биомембраналарнинг тузилишига оид хозирги замон тасаввурлари Мембраналарнинг тузилиши, унда биомолекулаларнинг жойланиши кўп йиллар давомида ўрганилиб, ультраструктураси ҳақида бир қатор илмий қарашлар вужудга келган. Мембрана табиатига кўра жуда мурраккаб система бўлиб, унинг хусусиятларини белгилаш мақсадида турли хил моделлар таклиф қилинган. Бунда қуйидаги омилларга алоҳида эътибор қаратилади: - мембрананинг асосий таркибий қисми фосфолипид ва оқсил моддалардан иборат, - оқсил молекулаларининг гидрофоб қисми липидлар томонга, гидрофил қисми сув томонга тортилади, - фосфолипидлар мембранада бир хил тарқалмаган бўлиб, холин гуруҳига эга бўлганлари мембрана ташқарисида, аминогруппага эга бўлганлари мембрана ичкарисида жойлашган. - мембрана оқсиллари 40% и α - спирал шаклида бўлади. Гертер ва Грендел (1925), Даниэлли - Дэвсон (1935) биомембрана модели яратишди, Робертсоннинг (1957) универсал моделида эса барча мембраналар бир хил тузилишга эга

www.arxiv.uz эканлигини кўрсатиб берилди. Биомембраналарнинг физикавий хусусиятлари Биомембраналар фаол система, у ҳужайранинг ташқи муҳит билан ўзаро муносабатларини, турли хил моддаларни, жумладан ионларни танлаб ташқи муҳитдан ичкарига кириши ва ичкаридан ташқарига чиқарилишини, гормонлар ва бошқа бошқарувчи молекулаларнинг боғланишини, ферментлар катализлайдиган турли рекацияларнинг кечишини, электр импульсларнинг ўтказилишини таъминлайди. Хар бир мембрана ўзи учун хос бўлган функцияни бажаради. Умуман мембраналарнинг структураси маълум вазифани бажариш учун унга мослашган бўлади. Николсон назариясига кўра, суюқлик – мозаика модели асосида липид қўшқавати ёнга, диффузия, айланма, баъзан флип-флоп (арғимчоқ) ўтишлар каби харакат қилади. Мембранада системалар иккита асосий фаза ҳолатида бўлиши мумкин: 1) қаттиқ икки қатламли кристалл (гел) ҳолат, 2) суюқ кристалл ҳолат. Иккала ҳолатда ҳам липид фазасининг икки қатламли структураси сақланиб қолади. Мембрана қиздирилганда қаттиқ фазанинг суюқ фазага нисбати ўзгаради. Мембранани ташкил килган фосфолипидларнинг ярим миқдори қаттиқ ва иккинчи ярми суюқ бўлган ҳолатни белгилайдиган ҳарорат фазали ўтиш ҳарорати дейилади. Бу ҳарорат липидларнинг углеводород занжири узунлиги ва унинг туйиниш даражасига боғлиқ. Шу занжирларнинг узунлиги ошиши билан фазали ўтиш ҳарорати ҳам ошади ва туйиниш даражаси камайиши билан бу ҳарорат пасаяди. Фазали ўтишда содир бўладиган ўзгаришлар асосида липидларнинг углеводород занжирларининг фазовий ўзгаришлари ётади. Гел - суюқ кристалл ўтишда углеводород занжирлари транс ҳолатидан тартибсиз ҳолатига ўтиш содир бўлади. Бунда бир липид молекуласи эгаллайдиган юзанинг қиймати ошади ва углеводород қатламининг қалинлиги камаяди.

www.arxiv.uz Адабиётлар: 1. Рубин А.Б. Биофизика. Учебник в 2 книгах. М.: Высшая школа, 2004 г. 2. Қосимов М.М., Гагельганс А.И. Биофизика. Маърузалар матни. Тошкент, 2000 й. 3. Владимиров Ю.А. и др. Биофизика. Учебник. М.: Медицина, 1983 г. 4. Костюк и др. Биофизика. Учебник. Киев: Выша школа, 1989 г. 5. Волькенштейн М.В. Биофизика. Учебное пособие. М.:Наука, 1983 г. 6. www.ziyonet.uz

O'xshashlar

Биологик жараёнлар кинетикаси

Биофизика фанининг предмети ва вазифалари

Қисқарувчан тизимлар биофизикаси. Рецепция биофизикаси

МИКРООРГАНИЗМЛАР ИШТИРОКИДА БОРАДИГАН БИОКИМЁВИЙ ЖАРАЁНЛАР

Фотобиологик жараёнлар асослари Радиобиологияга кириш