Biologiya o`qitishda foydalaniladigan uslublar va usullari - Biologiya - Referatlar

Biologiya o`qitishda foydalaniladigan uslublar va usullari

Yuklangan vaqt:

20.09.2019

Ko'chirishlar soni:

0

Hajmi:

45 KB

Ko'chirib olish

www.arxiv.uz Reja: 1. O`qitish metodlarining umumiy tavsifi. 2. Og`zaki metodlar va ularning turlari. 3. Ko`rgazmali metodlar va ular tarkibiga kiradigan uslublar. 4. Amaliy metodlar va ularning turlari.

www.arxiv.uz Ma`lumki, ta`lim jarayoni o`quvchilarning bilim olish, ko`nikma va malakalarni egallash, ularning ilmiy dunyokarashi, ijodiy izlanishlarini rivojlantirish maqsadiga yo`g`rilgan o`qituvchi va o`quvchilarning o`zaro hamkorligi sanaladi. Boshqacha aytganda, ta`lim mazmunining o`qitish metodlari yordamida o`zlashtirilishiga erishishdir. Metod so`zi umumiy ma`noda muayyan maqsadga erishish usulidir. O`qitish metodlari tom ma`noda o`qituvchining bilimlarni o`quvchilar ongiga yetkazish va ayni paytda ularni o`quvchilar tomonidan o`zlashtirib olish usulidir. - O`qitish metodlari o`quvchilarni o`qitish, tarbiyalash va rivojlantirish maqsadida qo`llaniladi. Bu ularning asosiy funksiyalari sanaladi, shuningdek, mazkur metodlarning undovchi, rag`batlantiruvchi, uyushtiruvchi va nazorat qiluvchi funksiyalari ham mavjud. - O`qitish metodlari o`qitishning moddiy vositalari bo`lgan darslik, ko`rgazmali, didaktik va tarqatma materiallar bilan uzviy bog`langandir. - O`qitish metodlari aniq o`qitish usullaridan tarkib topadi va pedagogik jarayonga qo`llaniladi. - Inson faoliyati metodlariiing o`zgarishi, o`qitish metodlarining boyishiga va yangilanishiga olib keladi. Axborotlarning globallashuvi sharoitida dasturli o`qitish, EHM dasturlari vositasida o`qitish va h.k. metodlar vujudga keldi. Taniqli didaktik olim Yu.K. Babanskiy o`qitish metodlarini quyidagi guruhlarga ajratgan: 1. O`qitishning og`zaki metodlari (hikoya, suhbat, o`quv ma`ruzasi). 2. O`qitishning ko`rgazmali metodlari. 3. O`qitishning amaliy metodlari, 4. O`qitishning muammoliizlanish metodlari. 5. O`qitishning mantiqiy metodlari. 6. Mustaqil ishlash metodlari, 7. O`qitishda o`quvchilar faoliyatini rag`batlantirish va asoslash metodlari. 8. O`qitishning nazorat va o`z-o`zini nazorat qilish metodlari.

www.arxiv.uz Quyida o`qitishning reproduktiv metodlari bo`lgan og`zaki metodlari (hikoya, suhbat, o`quv ma`ruzasi), ko`rgazmali, amaliy metodlarining tavsifi beriladi: 2. O`qitishning og`zaki bayon metodlari guruhi. Og`zaki metodlar qisqa muddatda katta hajmdagi o`quv materialini o`quvchilar ongiga yetkazish, muammoli vaziyatlarni vujudga keltirish, ularni hal etish yo`llarini ko`rsatish, o`quvchilarning nutqini rivojlantirish imkonini yaratadi. O`qitishning ogzaki bayon metodlari qo`llanilganda o`qituvchining so`zi o`quvchilarning bilim olishlari uchun asosiy manba hisoblanadi, ya`ni o`qituvchi o`quvchilarga so`zlar vositasida bilim beradi, o`quvchilar faoliyatini eshitish, fikr yuritish, berilgan savollarga javob topishga yo`naltiradi. Shuning uchun o`qituvchining so`zi oddiy axborot bo`lmasdan, balki ishonchli, asoslovchi, o`quvchilarning faoliyatini faollashtiruvchi ta`sir kuchiga ega bo`lishi kerak. Og`zaki metodlarning muvaffaqiyatli qo`llanilishi, o`qituvchiiing: nutq madaniyatini egallaganlik, jumladan, nutqning ravonligi, ovoz kuchi, intonatsiya, axborotlarning obrazliligi, ishonchliligi, asoslovchi, isbotlovchi, emotsiyali, shaxsiy munosabat bilan yo`g`rilganlik darajasiga;axborot texnologiyalari asosida yaratilgan elektron darsliklarda ovoz, animatsiya, harakatlarning uyg`unlik darajasiga bog`liq bo`ladi. Xar bir metod turi kichik uslublardan iborat. Og`zaki bayon metodlari guruhi o`z ichiga suhbat, hikoya, ma`ruza metodlarini oladi. Hikoya metodi o`quvchilarga o`quv materialini yaxlit holda savollar berib, uzmasdan bayon etishni nazarda tutadi. O`qitish amaliyotida xikoyaning aytib berish, ta`riflash, xarakterlash. Tushuntirish, muxokama qilish kabi xillari qo`llaniladi. Yangi mavzu mazmunida yangi tushunchalar, ilmiy axborot ko`p bo`lgan taqdirda, shuningdek, o`qituvchi o`quv materiali yuzasidan faol suhbat o`tkazish imkoni bo`lmagan, izohlash .va tushuntirishi lozim bo`lgan, o`quv materialining hajmi katta bo`lib, uni dasturda belgilangan vaqtda o`rganish zarur bo`lgan hollarda hikoya metodidan foydalanadi. Hikoya metodidan

www.arxiv.uz darsning qaysi bosqichida foydalanishiga ko`ra hikoya metodining didaktik maqsadi turlicha bo`ladi. - Darsning kirish qismida foydalaniladigan hikoya metodi. - Yangi mavzuni o`rganish jarayonida foydalaniladigan hikoya metodi - Darsning yakunlash qismida foydalanilgan hikoya metodi - O`quvchilarning bilimlarini nazorat qilish va baholashda foydalaniladigan hikoya metodi 3. Suhbat metodi o`qituvchining o`quvchilar tomonidan yangi mavzu mazmunidagi qonuniyat, tushuncha va atamalarning izchillikda faol o`zlashtirishini ta`minlovchi puxta o`ylangan savollar vositasida ishlashini nazarda tutadi. Suxbatning o`quv jarayonida qanday o`rin egallashi va qanday didaktik maqsad mo`ljallanganligiga qarab: kirish suxbati, takrorlovchi suxbat, bayon qiluvchi suxbat va yakunlovchi suxbat kabilarga bo`linadi. Suhbat metodi yordamida o`quvchilarning avval o`zlashtirgan bilim va ko`nikmalari faollashtiriladi, ta`limga solinadi, umumlashtiriladi, xulosa chiqariladi va yangi o`rganilayotgan tushuncha bilan o`zaro aloqadorligi yoritiladi. Shuni qayd etish kerakki, o`quvchilarning avval o`zlashtirgan bilimlari asosida yangi mavzuni savollar yordamida o`zlashtirish imkonini beradigan mavzular suhbat metodi vositasida o`rganish tavsiya etiladi. Suhbat metodi o`quvchilarning nazariy bilimlarni o`zlashtirish jarayonini yoritishi, o`quvchilarning avval o`zlashtirgan bilim va ko`nikmalari, hayotiy tajribalaridan foydalanib, qator savollar yordamida yangi bilimlarni o`zlashtirgan, mazkur bilimlardan amaliyotga qo`llashni anglab olishiga zamin tayyorlashni ko`zda tutadi. Suhbat metodi o`quvchilarning nazariy bilimlarni o`zlashtirish uchungina emas, balki ularning ilmiy dunyoqarashini kengaytirish, nutqini rivojlantirish, taqqoslash, taxlil qilish, mantiqiy fikr yuritish ko`nikmalarini tarkib toptirishga yordam beradi. Mazkur metod tarkibiga suhbat savollarini ketma-ketlikda qo`yish, yordamchi va qo`shimcha savollarni o`z vaqtida berish, o`quvchilarni faollashtirish, o`quvchilar javobidagi xatolarni to`g`rilash, xulosa va umumlashirishni tarkib toptirish

www.arxiv.uz uslublari kiradi. O`quv ma`ruzasi metodidan o`quv materialining hajmi katta, mantiqiy uzilishi murakkab, tushuncha va atamalarga boy bo`lgan hollarda foydalaniladi. O`quv ma`ruzasi metodidan foydalanilganda quyidagi talablarga e`tibor qaratish lozim: 1. Ma`ruza mazmuni chuqur ilmiy, g`oyaviy va mantiqiy ketma-ketlikda ko`rgazma vositalarga asoslangan holda bayon etilishi. 2. O`quvchilar uchun tushunarli, hissiyotga boy va sodda tipda yoritilishi. 3.O`quvchilarning yoshlik va ruhiy holatlarini hisobga olgan holda 15-20 minutdan so`ng qisqa mustaqil ish yoki savol javob o`tkazish, o`quvchilarning bilish faoliyati faollashgandan so`ng davom ettirilishi lozim. Ma`ruzaning muvaffaqiyatli o`tishi, avvalo o`quvchilarning o`quv bilish faoliyati qanday tashkil etilganligiga bog`liq. Unda o`quvchilarning bilish faoliyatini faollashtiradigan ko`rgazma vositalari mulьtimedialar, tabiiy, tasviriy jihozlar va boshqa o`qitish vositalaridan foydalanish hamda ma`ruza davomida o`quvchilar uning rejasi, mazmunini qisqa yozib olishi, savollarga javob topishga erishishi o`qituvchining diqqat markazida bo`lmog`i lozim. Darsning kirish qismida foydalanilgan o`quv ma`ruzasi metodi yordamida o`quvchilarning diqqati jamlanadi, bilish faoliyati faollashtiriladi, bilimlarni qabul qilishga zamin tayyorlanadi. Buning uchun ma`ruzani boshlashda uning mazmuniga oid qiziq misollar, yorqin va hissiyotga boy voqealar keltirilib, o`quvchilar oldiga muammolar qo`yiladi. Darsning asosiy qismida foydalanilgan o`quv ma`ruzasi metodi o`quv materiali didaktik tamoyillarga amal qilingan holda ta`lim mazmuni mantiqiy izchillikda, ko`rgazma vositalari, mulьtimedialar, tabiiy, tasviriy jihozlar va boshqa o`qitish vositalaridan foydalangan holda bayon qilishni taqoza etadi. Darsning xulosa qismida foydalanilgan o`quv ma`ruzasi metodi yordamida o`quvchilarning bilimlari tartibga solinib umumlashtiriladi, xulosalar chiqariladi. Ma`ruza yakunida o`qituvchi o`quvchilarning bilimlarini chuqurlashtirishga, umumlashtirishga qaratilgan xulosalarni yana bir bor takrorlaydi. So`ng o`quv

www.arxiv.uz topshiriqlari yuzasidan o`quvchilarning javoblari tekshiriladi va jadvalning to`ldirilishi ko`zdan kechiriladi. Savol javob, o`quv bahsi o`tkaziladi. O`qituvchining ma`ruzasi mazmuni va o`quvchilar faoliyatining tashkil etilipshga ko`ra induktiv yoki deduktiv ravishda tuzilgan bo`lishi mumkin. Ma`ruza induktiv tuzilganda, avval o`quvchilar hodisa va ob`yektlar bilan tanishtirilib, keyin umumiy xulosa keltirib chiqariladi. Deduktiv ma`ruzada esa buning aksi bo`ladi, ya`ni, avval umumiy tushunchalar beriladi, keyin ob`yektlar va hodisalar yordamida uning mazmuni ochib beriladi.. 3.Kurgazmali metodlar guruhi. O`qitish jarayonida ko`rgazmali metodlarning qo`llanilishi, o`quv materiali mazmunidan kelib chiqqan holda ob`yektlar va hodisalarni hissiy idrok etish, ularni taqqoslash, o`ziga xos xususiyatlarni aniqlash, umumlashtirish, sintezlash, xulosa yasashga imkon beradi, Ko`rgazmali metodlar o`qitish jarayonida og`zaki, amaliy, mantiqiy, muammoli metodlar bilan uyg`un holda qo`llaniladi. Masalan, o`quvchilarga ko`rgazma asosida o`quv materialini o`rganish bo`yicha toshiriqlar o`qituvchi tomonidan og`zaki beriladi. Topshiriqlarni bajarish jarayonida ko`rgazmalilik amaliy metodlar bilan birikib ketadi, darsda vujudga kelgan muammoli vaziyatlarni hal etishda muammoli metodlar bilan mujassamlashib ketadi. O`qitish jarayonida ko`rgazmali metodlardan o`z o`rnida va samarali foydalanishning quyidagi afzalliklari mavjud: - o`quvchilarda ko`rgazmali obrazli tafakkurni rivojlantirish, o`quvchilarning bilish faoliyatini faollashtirish, aqliy faoliyat usullarni egallash; - o`rganilayotgan nazariy masalalarni aniqlashtirish, darsda bevosita kuzatish imkoni bo`lmagan hodisa va jarayonlarni modellashtirish; • biologik ob`yektlarni kuzatish, ular ustida tajribalar o`tkazish, olingan nazariy bilimlarni amaliyotga qo`llash, o`rganilgan hodisalarni sxema, jadvallar asosida aniqlashtirish va tasniflash imkonini beradi. Biologiyani o`qitishda foydalaniladigan ko`rgazmali vositalar sirasiga quyidagilar kiradi: • tabiiy va tirik ob`yektlar gerbariylar, kolleksiyalar, mikro va ho`l preparatlar, xona o`simliklari, tiris tabiat burchagida boqiladigan hayvonlar va x.k;

www.arxiv.uz • real ob`yektlarni aks ettiruvchi maxsus tayyorlanadigan tasviriy vositalar jadvallar, sxemalar, rasmlar, modellar, mulyajlar va boshqalar; • ko`rgazmalilikning shartliramziy vositalari biogeografik plastlarning kartalari, globuslar; • o`qitishshshg texnik vositalari o`quv kinofilьmi, diafilьm, diapozitivlar, videolavhalar va h.k. • o`qitishning mulьtimediali vositalari EHM ning ta`lim dasturlari, elektron versiya va darsliklar, ovoz, animatsiya, dinamik harakat va uch ko`lamli tasvirni o`zida mujassamlashtirgan mulьtimedialar va h.k. Kuzatish metodi bu tirik organizmlarda boradigan jarayonlar va tabiat jismlarida sodir bo`ladigan hodisalarni o`quvchilarning maqsadga muvofiq holda idrok etishi hisoblanadi. Bu metodda o`quvchilarning kuzatishi bo`yicha to`planagan ma`lumotlari bilim manbai sanaladi. 4. Amaliy metod. Bu metod o`qituvchi tomonidan tashkil qilinadigan va yo`naltiriladigan, o`quvchilar fikrini rivojlantirishni mo`ljallagan so`z, ko`rgazmalilik va amaliy ishning o`zaro murakkab bog`lanishda bo`lishini ko`rsatadi. Biologiyani o`qitishda amaliy metodlardan o`simliklarni parvarish qilish, hayvonlarni boqish va ko`paytirishda keng foydalaniladi. Bu metod o`quvchilarning biologiyadan o`zlashtirgan bilimlari, kuzatish va jismoniy mehnat ko`nikmalarini qamrab olib, o`quvchilarni qishloq xo`jaligi mehnati asoslarini egallash va kasbga yo`llash, ekologik va iqtisodiy tarbiya berishda muhim ahamiyat kasb etadi. Amaliy metodlarning turlariga: 1.tabiiy ob`yektlarni tanlab olish va aniqlash bo`yicha ishlar. 2. xodisalarni kuzatish va qayd qilish tajriba o`tkazish. 3. Tajribalar qisqa va uzoq muddatli bo`lishi mumkin.

O'xshashlar

Biologiya fanidan mustaqil o`qitishni tashkil etish va biologiya fanini o`qitishda innovasion texnologiyadan foydalanish

Biologiya fanini urganish usullari. Tiriklikni xossalari

Biologiyani o`qitishda qo`llaniladigan vositalar

Biologiya fanining vazifasi, o‘rganish usullari, rivojlanish bosqichlari va ahamiyati

O`zbekistonda biologiya faning rivojlanish tarixi va istiqbollari