Пардозлаш машиналари - Arxitektura - Referatlar

Пардозлаш машиналари

Yuklangan vaqt:

20.09.2019

Ko'chirishlar soni:

0

Hajmi:

21.2490234375 KB

Ko'chirib olish

Пардозлаш машиналари Режа: 1.Сувоқ ишлари учун машиналар 2.Бўёк ишлари учун машиналар 3.Пол, том ва гидроизоляция ишларини бажариш учун машиналар

Сувоқ ишлари учун машиналар Сувоқ ишлари учун машиналар. Қурилишда пардозлаш ишлари анча кўп бўлиб, умумий ишларнинг 30% ни ташкил қилади, уларнинг сарф- ҳаражатлари эса умумий сарф-ҳаражатнинг 20% ни ташкил қилади. Бу шундан далолат берадики, ҳали ҳам қурилишдаги кўпгина пардозлаш ишларида қўл меҳнати катта ўрин эгаллайди. Суваш ва қоплаш ишларини бажаришда қоришмани тайёрлайдиган, транспортировка қиладиган ва уни суваладиган юзага соладиган, шунингдек, сувалган юзанинг сувоғини шиладиган машиналар ишлатилади. Бу машиналар иш шароитига қараб алоҳида, биргаликда, бир рамага жойлаштирилган ҳолда ёки технологик кетма-кетликда ишлатилиши мумкин. Катта қурилишларда сувоқ учун қоришма махсус заводларда тайёрлаб келтирилади. Сувоқ агрегатлари . Хажми унча катта бўлмаган бино ичларидаги сувоқ ишларини бажариш учун сувоқ агрегатлари ишлатилади. У қоришмани тайёрлашга, қўзғашга, тўплашга, транспортировка қилиш ва ҳаво ёрдамида ишлайдиган пуркагич билан суваладиган юзага тарқатиш учун мўлжалланган. Сувоқ агрегати қўшимча йиғиштирилувчи таянчлари бўлган рамага ўрнатилган жиҳозлар йиғиндисидан иборатдир. Жиҳозларга оқимга қарши қоришма насоси, редуктор, тебранма элак, узатма, қўзғатувчиси бўлган қабул пункти, электродвигател p умумий узатма орқали ҳаракат олувчи плита ўрнатилган компрессор киради. Бундан ташқари агрегатда ўз узатмаси бўлган кажавали аралаштиргич, қоришма ўтказгич ва ҳаволи шланги бўлган пневматик чанглатгичи бор. Қоришма йўлидаги транспортировка қилинаётган қоришманинг босимини камайтириш учун клапан камераси ва қоришма ўтказгич ўртасида қисилган ҳаводан таъминланувчи ҳаво қалпоғи жойлашган. Қоришма насосининг қабул бункерида қоришма ўтказгичдаги қоришмани чўкиб ёки тиқилиб колишининг олдини олиш учун кўзғатгичлар ўрнатилган. Қабул қилиш

бункерида юклашни енгиллаштириш учун агрегатда бир вақтда ҳам қоришма тайёрловчи ва ҳам қоришма қўзғатувчи отвалли юклаш қурилмалари ўрнатилган. Агрегатда сувоқ ишларини бажараётган жойдан қоришма насосини тўхтатиш учун, узоқдан пневматик бошқариш пул p ти бор. Редукторнинг кириш валида қоришма насоси ўтказгичларининг тиқилиб қолиш ва зичланишдан сақлаш учун чекли моментли кулачокли муфта ўрнатилган. У қоришма йўлидаги босим 3,5 МПа га етганида ишлайдиган қилиб созланган. Бўёқ ишлари учун машиналар Бўёқ ишларига сарфланадиган меҳнат сарфи умумий қурилиш ишларига кетадиган меҳнат сарфининг 8% ни ташкил қилади. Бўёқ ишлари қурилишдаги энг охирги иш ҳисобланади. Аввалам бор, бўёқ қилинадиган юза бўялишга тайёрланиши керак. Бунинг учун бўяладиган юза тозаланади, текислаш ва силлиқлаш билан шпаклёвка қилинади. Қурилиш объекти шароитида ярим фабрикатлардан клей, шпаклёвка ва бўёқ тайёрловчи ва транспортировка қилиш учун технологик кетма–кетлик бўйича жойлашган бўяш агрегатлари ҳамда қурилмалари мавжуд. Бу агрегатлар компонентларни кераклича миқдорлайди, аралаштиради, тиндиради ва ишлов берувчи юзага узатиб беради. Уларнинг барчаси винтли насослар асосида тайёрланади, аниқ шароитларга, шунингдек, ҳажмига қараб комплектланади. Тайёр аралашмани юзага солиш пневматик ёки ҳавосиз чанглатгич ёрдамида амалга оширилади. Аралашма 80 метр узунликка ва 50 метр баландликка, соатига 400 литр миқдорида узатилиши мумкин. Ишлов бериладиган юзага солинган шпаклёвка қўлда текисланади ва охирги ишлов эса силлиқлаш машиналари билан бажарилади. Кўчма шпаклёвка қилувчи агрегатлар шпаклёвкани қаватлар бўйича транспортировка қилади. 7 см ва ундан кўпга силжийдиган шпаклёвкани, шунингдек, турли бўёқ аралашмаларини ишлов берилаётган юзага етказиб беради. Агрегат юклаш бункери, винтли насос узатмаси билан босимли ўтказгич (рукава), қармоқ, ва бошқариш аппаратидан иборат. Бункернинг

юқори қисмида шпаклёвкани полиэтилен қоплардан чиқариб, тозалаш учун қурилма ўрнатилган, пастки қисмида эса материални аралаштирувчи ва винтли насоснинг сўрувчи бўшлиғига берувчи шнекли қўзғатувчи бор. Шнек ва унга шарнир орқали қўшилган насос ротори икки тезликли электродвигателp редуктор ва пона тасмали узатма орқали айланма ҳаракат олади. Насоснинг охирига тез қисмларга ажралувчи бирикма ёрдамида қармоғи бўлган босимли шланг маҳкамланган. Шпаклёвка сиқилган ҳаво ёрдамида чанглатиш билан компрессордаги ҳаво шланги орқали 0,5...0,7 МПа босим остида қармоққа келади. Грунтовка ёки буёқ материаллари берилаётганда қисилган ҳаво ишлатилмайди, чунки уларни чанглатиш учун насосдаги ҳосил қилинаётган босим (2 МПа) етарли бўлади. Шпаклёвка қиладиган агрегатларда винтли насосларнинг ишлатилиши, материални қармоққа бир текисда келишини ва пардозлаш ишларини юқори сифатли бўлишини таъминлайди. Шпаклёвка агрегатлари материални 60–70 метр масофага ва 30–35 метр юқорига узатиб иш унумдорлигини соатига 0,4 м 3 гача оширади. Пол, том ва гидроизоляция ишларини бажариш учун машиналар Пол қилиш учун машина . Бетон ва цементли поларни, стяжкаларни, мозаикали ва полимерцементли полларни текислаш, зичлаш ва силлиқлашда маълум профилли пўлат балкадан иборат титровчи рейкалар қўлланилади. Ишлов бериладиган майдоннинг катта–кичиклиги ва қоришманинг қуюқлигига қараб бир ва икки блокли тит ровчи рейкалар ёки махсус профилдаги титровчи рейкалар ишлатилади. Юзани титровчи рейкада ишлаш қуйидагича амалга оширилади: пол сатҳини аниқловчи маякларга машина рейкаси ўрнатилади ва уни бошқарувчи йўлка бўйлаб сурганда ётқизилган аралашма текисланади ва зичланади. Титрашни қўзғатувчини рейкага ўрнатилиши, одатда, йўналтирилган тебранишни таъминлайди, шу билан бирга натижавий марказдан қочма куч йўналиши рейканинг йўна лиши билан бир хил бўлиб, бу бошқарувчига машинани кўчиришида енгил лик туғдиради. Бу айниқса, кенг қамровли ва оғир титровчи рейкаларда муҳим аҳамиятга

эга. Тебранма рейкаларни кўчириш учун бикр дас таклар ва эгилувчан тортқилардан фойдаланилади. Электр узатма лилардан ташқари пневмодвигателли ва ички ёнув двигателли титровчи рей калар ҳам ишлатилади. Бетон полларни силлиқловчи машиналар, ишчи қисмига қараб парракли ва дискли бўлади. Парракли машиналар уч ва тўрт пар ракли қилиб чиқарилади. Уч парракли машинада аралашма қисман текис ланади, тўрт парраклида эса сўнгги тоза силлиқлаш иши бажарилади. Полларни силлиқлаш бетоннинг аввалги қотишидан кейин бажарилади. Парракли машиналарнинг меҳнат унумдорлиги унинг қамров кенглигига, двигателp қувватига, ишчи қисмнинг бурчак тезлигига, ишлов бериладиган юзанинг ҳолатига ва бошқарувчининг били мига боғлиқ. Тўрт парракли машиналар чидамли, кам титрайди ва яхши силлиқлайди. Машина ишчи қисми айланишлар такрорийлигинг сони 200 мин –1 гача. Текислаш ва бирламчи ишлов бериш паст, силлиқлаш эса юқори тез - ликларда олиб борилади. Бундан ташқари бурчак тезликни танлаш ишлов берувчи юзанинг ҳолатига боғлиқ (қаттиқлик қанча юқори бўлса, тезлик шунча катта бўлиши керак). Алмашинувчи пўлат парраклар ишлов бе рувчи юзанинг ҳолатига қараб, ҳар хил қамров кенгликда бўлади. Кенг парраклар шилиш учун ишлатилади, ингичкаси эса бетон юзасини "темирлаш"да ишлатилади. Дискли силлиқловчи машина ишқаловчи диск, электродвигателp, червякли редуктор, бошқариш ва юриш қисмларидан иборат. Болт понасимон тасмали узатмани тортиш учун мўлжалланган. Юрувчи қисми фақатгина машинанинг қурилиш майдони доирасида силжитишга мўлжалланган ва у иш вақтида ажратиб қўйилади. Ишқаловчи дискка электродвигателдан понасимон тасмали узатма ва фрикцион муфтали червякли редуктор орқали ҳаракат узатилади ва ҳисобланган моментдан ошиб кетса, операторни ҳимоя қилади. Дискли силлиқлаш машиналарининг парракли машиналарга қараганда иш унумдорлиги кам, лекин иш сифати

анча юқори. Машинанинг иш жараёнида ҳосил бўлган титраши парракли машиналарнинг титрашидан кам. Полларнинг яхлит қопламаларига мозаик силлиқлаш машиналарида ишлов берилади. Улар корпус, электродвигателp, бошқариш ва юриш қисмлари дан иборат. Ишлов бериладиган юза ушла гичдаги планшайба ўрнатилган 6 дона уч қиррали образив орқали силлиқланади. Планшайбалар юпқа резинали амортизатор лар орқали траверсага маҳкамланган. Амортизаторлар образив ларнинг бир хилда емирилишига ва машинанинг текис ишлашига имкон бе ради. Траверса тишли ғилдиракдан айланма ҳаракат олиб айланади. Тишли ғилди рак шестерня ва электродвигателp валига ўрнатилган шестерня би лан илашади. Бундай конструкция траверсанинг турли томонга айланишига ва машинанинг тўғри чизиқли илгариланма ҳаракатига имкон беради. Катта майдонларга ишлов берилаётганда тракторга ёки электрокарага бир нечта машина ўрнатилади ва буларни бошқарувчи иш жойидан бошқаради. Сил лиқлашда юза сув билан совутилиб турилади ва бу сув силлиқланаётган юзага шланг орқали келтирилади. Катта майдонли уйларда турли ўзиюрар сил лиқлаш агрегатлари ишлатилади. Мозаик силлиқлаш машиналари ишчи қисмларининг айланиш такрорийлиги минутига 250...750 мин –1 мартагача, абразив қисмларнинг чизиқли тезлиги эса секундига 5...20 м/с. У ишланаётган юза турига, абразив тошларнинг сифатига ва берилаётган ишловнинг характерига боғлиқ. Дағал қилинадиган юзада машина паст тез - ликларда, силлиқлаш ва жилолашда эса юқори тезликларда ишлатилади. Полларнинг нотекис жойларини йўниш учун рандалаш машиналари ишлатилади. Унинг корпуси олдинги ролик билан иккита орқа роликларга шарнирли маҳкамланган траверса орқали таянади. Траверсани тортгичи билан дастак боғланган бўлиб, дастакни буриш билан рандалаш чуқурлиги ўзгартирилади. Пружина пичоқли барабанни пичоғи билан траверсани бўшатиб бўлганда кўтаради. Корпусга даста маҳкамланган, унда юргизгич шнури бўлиб, шнур охирида штепселли разъём бор. Электродвигателнинг

айланувчи ротори юзасига маҳкамланган пичоқли барабан машинанинг ишчи қисми ҳисобланади. Электродвигателp статорининг вали корпуснинг икки таянчига қўзғалмас қилиб маҳкамланган. Пичоқли барабаннинг уч дона пичоғи бўлиб, улар барабан пазларига сухариклар ёрдамида маҳкам қотирилган. Пичоқларнинг ўрнатилиши ползунларнинг таянч винтлари орқали созланади (битта пичоққа икки донадан ползун). Пичоқ тобланган юпқа пўлатдан тайёрланиб қирраси ўткирланади. Щткирланган қирранинг кесиш бурчаги 36...40 0 . Пичоқнинг қирқиш бурчаги барабандан 3 мм дан кўп чиқмаслиги керак. Пичоқларнинг тўғри ўрнатилиши учун, машинада мавжуд бўлган махсус чизғичдан фойдаланилади. Пичоқларни маҳкам қотириш зарур, чунки пичоқли барабан айланишидаги марказдан қочма куч 2000...3000 Н га етади ва у пичоқ жойидан чиқиб кетишига сабаб бўлиши мумкин. Машина билан рандалаш икки ўтишда бажарилади. Биринчи ўтишда 1,5...2,5 мм қалинликдаги нотекисликлар текисланади, иккинчи (кўндаланг) ўтишда эса 0,5...1,0 мм. Машинанинг меҳнат унумдорлиги 40 м 2 /с гача Паркет ва тахтадан қилинган полларни силлиқлаш учун барабанли ва дискли машиналар ишлатилади. Барабанли машиналар икки дона олдинги ва бир дона роял типидаги орқа ғилдирак таянувчи корпус иборат. Юриш ғилдираги силлиқланаётган юзага барабаннинг сиқиш даражасини созлаш механизми билан жиҳозланган бўлиб, бу механизм тортгич орқали бошқариш дастаси билан боғланган. Машина корпусига маҳкамланган стержен p юргизувчи ва полдан чиққан қириндиларни йиғиш учун қоп бор. Барабан ва вентиляторнинг айланиши электродвигателдан понасимон тасма орқали узатиладиган ҳаракат ҳисобига амалга оширилади. Ажралувчи қопқоққа маҳкамланган силжувчи ролик машинанинг иш вақтида деворга яқинлашишини чегаралайди. Барабаннинг ташқи юзасига резина қопланган бўлиб, у абразив лента билан ишлашини яхшилайди, ишчи органга бир текисда юк тушишини таъминлайди, шунингдек, зарбани юмшатади ва иш давомида машинанинг

титрашини камайтиради. Силлиқловчи барабаннинг айланма тезлиги секундига 10...22 метр бўлади. Барабаннинг айланма тезлигини танлаш унга қоп-ланган жилвир тури сифатига боғлиқ. Абразив жилвирнинг охири барабан даги қийшиқ пазга киритилади ва иккита эксцентрик валлар билан торти лади. Машинанинг иши давомида ҳосил бўлган қиринди вентиляторга су рилади ва олиб кетувчи труба орқали қопга йиғилади. Текис ва силлиқ юза олиш учун полни икки марта силлиқлаш етарли бўлади: биринчи марта тўғри ва иккинчи марта кўндаланг йўналишда. Машинанинг иш унумдор лиги соатига 40–60 м 2 . Тор уйлардаги полни, иситиш жиҳозларини силлиқ лаш учун дискли машиналардан фойдаланилади. Бундай машиналарнинг ишчи қисми диск бўлиб, унда абразив жилвир ёпиштирилган. Бу машина ларнинг иш унумдорлиги унча катта эмас (5 м 2 /соатгача) ва турли хил конструкциялари мавжуд. Зич ўрамли материал (линолеум)ларни пайвандлаш ишлари завод ва қурилиш шароитларида ускуналар ва инфрақизил нурлатгичи бўлган қизувчи дазмол билан бажарилади. Дазмол икки дона инфрақизил лампа шакллантирувчи пластинка, ҳимоя ғилофи, дастаси ва ўрта плита ташкил топган икки параболик қайтарувчининг фокусига жойлаштирилган. Қайтарувчилар орқали кварц лампалардан қизиш зонасига йўналтирилган нур энергияси иссиқлик энергиясига айланади ва линолиумнинг қирғоқлари 140–150  С гача (токи линолеум қовушқоқ оқувчи ҳолатга ўтгунга қадар) қизийди ва пластинка ёрдамида бир–бирига қисилади. Пайванд тезлиги шакллантирувчи ва ўрта пластинкалар орасидаги масофани ўзгартириш билан созланади. Пайвандлашдан олдин пайвандла надиган линолеум қир-ғоқларига целло фан ёки фторопласт лента қўйилади. Пайвандлашнинг боришини назорат қилиш учун пластинкаларнинг марка зида ҳимоя ёруғлик филpтри 3 жойлаш ган. Иш ҳажми оз бўлганда аппарат бирлаштириладиган қирра бўйлаб қўлда сурилади. Иш ҳажми катта бўлган жойларда аппарат электродвигатели бўлган каретага ўрнатилиб ишла тилади. Инфрақизил

нурлар ёрдамида соатига 30...70 метр ли нолеумни пайвандлаш мумкин. Янги тўшалган линолеумни пол билан илашиши яхши бўлиши учун текисланади, бунинг учун тебраниши вертикал йўналишда бўлган маятникли электрик титраш қўзғатувчиси бор икки барабанли катокдан фойдаланилади. Тебранма каток линолеум юзасида қўл билан силжитилади ва соатига 100...200м 2 линолеумни текислайди.

Адабиётлар: 1. Р.Ж. Тожиев. Қурилиш машиналари Тошкент «Узбекистон» - 2000. 2. Фиделев А.О., Чубук Ю. Ф. Строителне машин, издание четвертое. Киев «Вусшая школа» - 1979. 3. Бауман В.А. строителне машин справочник в 2 – х томах 4 – издание. Москва «машиностроение» - 1976. 4. Тожиев Р.Ж., Турсунмуродов, К.Т., Услубий қўлланма «Қурилиш машиналир» фанидан Фарғона – 2002.

O'xshashlar

Юзаларини гулқогоз билан пардозлаш

Қўл машиналари

Қурилиш машиналар тўғрисида умумий маълумот

Бетон ва қоришма тайёрлаш зичлаш узатиш машиналари тўғрисида умумий маълумот

Юк кўтариш ва монтаж қилиш машина ва механизмлари тўғрисида умумий маълумот