Бетон ва қоришма тайёрлаш зичлаш узатиш машиналари тўғрисида умумий маълумот - Arxitektura - Referatlar

Бетон ва қоришма тайёрлаш зичлаш узатиш машиналари тўғрисида умумий маълумот

Yuklangan vaqt:

20.09.2019

Ko'chirishlar soni:

0

Hajmi:

243.5595703125 KB

Ko'chirib olish

Бетон ва қоришма тайёрлаш зичлаш узатиш машиналари тўғрисида умумий маълумот Режа: 1.Бетон аралаштиргичлар; 2.Қоришма аралаштиргичлар; 3.Бетон ташувчи автомобиллар; 4.Бетон насослари. 158

Бетон аралаштиргичлар; Бетон аралаштиргичлар . Улар бетон аралашмасини тайёрлашда қўлланилади. Ъар қандай аралаштирувчи машина аралаштирувчи ҳажм (аралаштирувчи барабан), ишчи қисмлар юритмалари, юкловчи ҳамда бўшатувчи мосламалардан иборат бўлади. Аралаштирувчи машиналарни ишлатиш (эксплуатация қилиш) шароитига, иш режимига ва аралаштириш усулига кўра қуйидаги турларга бўлинади. Ишлатиш шароитига кўра аралаштирувчи машиналар кўчиб юрувчи ҳамда стационар (муқим) ишловчи бўлади. Кўчма аралаштиргичлар тармоқ объектларида кичик ҳажмдаги ишларни бажаришда ҳамда таъмир ишларида, стационар аралаштиргичлар эса бетон ва қоришма заводлари шароитида ҳамда ўртача ва катта унумдорли мосламаларда ишлатилади. Иш режимига кўра аралаштирувчи машиналар даврий ва узлуксиз ишловчи бўлади. Даврий ишловчи аралаштириш машиналарида аралашма тайёрлаш жараёни юклаш, аралаштириш ва аралашмани туширишдан иборат. Аралашма компонентларининг ҳар бир навбатдаги қисми аралаштириш сиғимига фақатгина тайёр аралашма туширилгандан сўнг юборилади. Аралаштириш мобайнида аралашма бўшатиш туйнуги томон силжийди. Тўхтовсиз аралаштирувчиларнинг асосий ўлчами унинг иш унумдорлигидир (м 3 /соат). Тўхтовсиз ҳаракатланувчи бетон аралаштирувчилар таркиби бир хил бетон ёки қоришма ишлаб чиқаришда кенг қўлланилади. Аралаштириш усулига кўра аралаштиргичлар гравитацион ва мажбурий аралаштирувчиларга бўлинади. Қоришма аралаштирувчилар фақат мажбурий аралаштирувчи бўлади. Гравитацион бетон аралаштирувчиларнинг ишчи қисми ичига кураклар ўрнатилган айланувчи барабанлардан иборат. Барабан айланганда бетон аралашмасининг компонентлари куракларга илашиб юқорига чиқиб кетади, у ердан эркин қулаб пастки қатламларига келиб қўшилади. Пастга тушган 159

аралашма эса юқорига тортилади. Бундай бетон аралаштиргичлар ўртача силжувчан бетон аралашмаларни яхши аралаштиради, аммо қаттиқ ва кам силжувчан аралашмаларнинг бир хиллигини етарли таъминлай олмайди. Валга ўрнатилган мажбурий ҳаракатланувчи аралаштирувчиларда юкланган материаллар айланаётган парраклар воситасида аралаштирилади. Мажбурий ҳаракатланувчи аралаштирувчилар юритмасига сарф қилинаётган қувват сиғими ёки унумдорлиги бир хил бўлган гравитацион аралаштирувчиларнинг юритмаларига керак бўлган қувватдан анча юқори бўлади. Мажбуран аралаштирувчи аралаштиргичларнинг гравитацион аралаштирувчиларга нисбатан камчилиги уларда тўлдирувчиларнинг максимал ўлчовлари чекланганлигидир. Стандартда аралаштиргичнинг ҳажми 65, 165, 300, 500, 800, 1000, 1600, 2000 ва 3000 литрли бўлган даврий ҳаракатланувчи аралаштирувчиларнинг тўққиз тури назарда тутилган. Улар ноксимон шаклли ағдарма барабанли, энгашувчан икки конус барабанли ва ағдарилмас цилиндирсимон барабанли қилиб тайёрланади. Аралаштиргичининг ҳажми 65-330 литрли бетон аралаштирувчилар кўчиб юрувчи, ундан каттаси эса муқим станционар ишловчи қилиб ишлаб чиқарилади. Кўчиб юрувчи гравитацион бетон аралаштирувчилар тўлдирувчининг катталиги 70 мм гача бўлган компонентлардан бетон аралашмаси тайёрлашда ва ҳажми унчали катта бўлмаган ишларда ишлатилади. 7.1-расмда ағдарма барабанли ва сув миқдорлагичи бўлган кўчиб юрувчи бетон аралаштирувчининг кинематик схемаси берилган. Электродвигателp 1 дан кўп қаторли понасимон тасмали узатма 2, вал 3 ва тишли узатма 4 орқали вал 5 ҳаракатга келтирилади. Конус шестерня билан тишли венец орқали 6 га уланиб, вертикал ўқ 10 га нисбатан барабан 7 ни айлантиради. Занжирли узатма 12 дан чўмич 19 ни кўтариш механизмининг барабанлари 15 га ҳаракат узатилади. 160

Дастак 14 воситасида конус фрикцион 16 уланганда арқон 17 барабанга уланиб чўмични кўтаради. Чўмич 19 юқори ҳолатида ағдарилади ва ичидаги материал барабанга тўкилади. Шу вақт ичида чўмич ўзининг таянчи билан қўшгич-узгич 13 ни буриб фрикционни узади, лентали тўхтатгич 18 ни ишга туширади ва барабан 7 тушириш ҳолатида ушлаб туради. Барабаннинг бўшаш пайтидаги энгашиши ва ағдарилиши тишли сектор 8 билан ички илашмада бўлган 9 шестернясининг айлантириши билан амалга оширилади. Сектор айланганда траверса 11 ни энгаштиради ва барабан ағдарилади. Энгаштирилган ҳолда барабан тўхтатгич ёки храповик билан ушлаб турилади. 69-расм. Бетон аралаштиргичнинг кинематик схемаси 1 - электродвигателp; 2 - узатма; 3 - вал; 4 - тишли узатма; 5 - вал; 6 - тишли венец; 7 - барабан; 8 - тишли сектор; 9 - штурвал; 10 - вертикал ўқ; 161

11 - траверса; 12 - занжирли узатма; 13 - узгич; 14 - бошқарувчи ричаг; 15 - барабан; 16 - фрикцион; 17 -пўлат арқон; 18 - чўмичли кўтариш механизми. Стационар бетон аралаштирувчиларнинг икки конусли барабани калта (юкловчи) ва узайтирилган ўзаро цилиндрик тиқиқлар билан боғланган конуслардан иборат бўлади. Барабан цапфалари рама устунига таянган, бурилувчи траверсага ўрнатилган. Аралаштирувчининг иш жараёнида барабан ўз ўқи атрофида узлуксиз айланиб туради ва кўндаланг ўқига нисбатан тайёр аралашмани тушириш учун энгаштирилиши мумкин. Барабанлар конусли қисмларининг ички юзасидаги кронштейнларга қирралари емирилишга чидамли, пўлат парраклар қотирилади. Аралаштирувчи барабанларнинг энгаштирилишини механик, гидравлик ва пневматик юритмалар ёрдамида амалга ошириш мумкин. Энгашувчи барабанли бетон аралаштирувчиларда компонентларнинг аралашиши горизонтал ўқ атрофида айланувчи цилиндрик барабанлардагидан кўра анча самаралироқ бўлади. Бу турдаги аралаштирувчи барабанларнинг бўшатилиши қисқа муддат ичида, катта оқим билан амалга оширилади ва бу қоришма сифатини сақлашга хизмат қилади. Кенг тарқалган бундай аралаштирувчиларнинг конструкциялари мураккаброқ, аммо гравитацион энгашмайдиган аралаштирувчиларга нисбатан барбаннинг тўлдирилиш даражаси, шунингдек, тайёр аралашманинг тез ва тўла бўшатилиши билан фарқланади. 70-расмда даврий равишда мажбурий ишлайдиган бетон аралаштирувчининг пневматик схемаси келтирилган. 162

70-расм. Даврий равишда мажбурий ишлайдиган бетон аралаштирувчининг кинематик схемаси 1 - редуктор; 2 - муфта; 3 - товуш пасайтиргич; 4 - ҳаво тақсимлагич;5 - вентилp; 6 - цилиндр; 7 - ротор. Бундай бетон аралаштирувчилар қаттиқ ва силжувчан бетон аралашмаларни, шунингдек, керамзитобетон аралашмалари ва қурилиш қоришмаларини бетон заводлари технологик линиялари шароитида тайёрлашда ишлатилади. Аралаштиргич юритмаси электродвигателp втулка-бармоқ муфтаси 2 орқали роликоподшипникда айланувчи ротор 7 га чиқариш вали орқали ҳаракат узатаётган редуктордан иборат. Роликларга сурувчи ва устки қатламларни аралаштириш учун иккита курак маҳкам қотирилган. Аралаштиргич тубидаги парракларни ушлаб турувчилар, тўлдирувчининг йирик бўлаги тушиб қисилиб синишидан сақлаш учун ташқи тозалаш сурувчилари амортизаторлар билан жиҳозланган. Аралаштирувчини юклаш қопқоқдаги патрубкалар орқали, бўшатиш эса сектор тубидаги ясси тортқи 163

орқали амалга оширилади. Тортқи юритмаси учун, вентилp 5 ва ҳаво тақсимлагич 4 орқали сиқилган ҳаво юбориладиган пневмоцилиндр 6 қўлланилади. Шовқинни пасайтириш учун овоз пасайтиргич 3 мавжуддир. Бетон аралаштирувчи ишлашининг асосий шарти ротор айланаётган пайтида уни материал билан таъминлаб туришидир. Патрубок орқали миқдорланган тўлдирувчилар ва цемент узатилаётган вақтда қувур орқали миқдорланган сув узатилади. Аралаштирувчи мослама компонентларни шиддат билан аралаштиради ва тушириш затворидан бир хилдаги аралашма тушади. Узлуксиз ишлайдиган мажбурий аралаштирадиган бетон аралаштиргич узатма, корпус ва икки парракли валлардан иборат (71-расм). Аралаштиргич узатмаси электродвигателp 1, понасимон тасмали узатма 2, редуктор 3, тенгловчи муфта 4 ва тишли узатма 5 лардан иборат. Бетон аралаштирувчи корпуси горизонтал тоғорасимон аралаштирувчи идишдан иборат. Бетон аралаштиргичнинг ишчи қисмлари бўлиб, учлари алмашувчи куракчалар 8 билан туговчи парраклар 7 ўрнатилган иккита вал 10 хизмат қилади. Куракчалар шундай ўрнатилганки, улар билан вал ўқи орасида 45 ° ли бурчак ҳосил бўлади. Парракларни ажратувчи втулкалар 9 билан маҳкамланган. Валга ўрнатилган парракларни ўзаро жойлашиши ҳамда куракчаларнинг бурилиши узлукли винтли юза ҳосил қилади. Валлар подшипник 11 ва 12 ларда айланади, ўқ бўйича зўриқиш кучларини эса таянч подшипниклари қабул қилади. Тишли узатма 5 нинг борлиги сабабли валлар бир маромда бир-бирига қараб айланди. Аралашма компонентлари қувур 6 орқали юкланади ва айланаётган парраклар ёрдамида аралашиб, аралаштирувчи бўйлаб тушириш тешигига силжийди. Узлуксиз ишлайдиган мажбурий бетон аралаштиргичлар тўлдирувчисининг йириклиги 40 мм гача бўлган қаттиқ ҳамда силжувчан аралашма ва қурилиш қоришмаларини тайёрлашда қўлланилади. 164

Узлуксиз ишлайдиган гравитацион бетон аралаштирувчиларда айланувчи барабан роликларга таянган цилиндр шаклидадир. Материаллар миқдорловчилардан барабанга узлуксиз тушиб туради, иккинчи учида эса узлуксиз равишда тайёр аралашма чиқарилиб туради. 165

71-расм. Мажбурий аралаштирувчи, узлуксиз ишлайдиган бетон аралаштиргич. 1 - электродвигателp; 2 - тасмали узатма; 3 - редуктор; 4 - муфта; 5 - тишли узатма; 6 - корпус; 7 - паррак; 8 - куракча; 9 - втулка; 10 - вал; 11 - подшипник; 12 - подшипник.

Қоришма аралаштиргичлар Қоришма аралаштиргичлар ғишт териш, сувоқ ва пардозлаш ишларида қўлланиладиган цементли, оҳакли, гипсли, шлакли ва таркиби мураккаб қоришмаларни тайёрлашга мўлжалланган. Кострукциясига кўра булар ишчи қисми (парраклар) нинг ишлов берилаётган муҳитга куч билан таъсир этувчи, узлуксиз ишловчи машиналардир. Парракларнинг шакли ва жойланиши олинаётган материалларга боғлиқ. Парракли аралаштиргичлар вертикал парракли ва горизонтал парракли валли ҳамда турбулентлиларга бўлинади. Парракли аралаштиргичларнинг вертикал, горизонтал, валли турининг, парраги аралашманинг бутун ҳажмини аралаштиради, улар ғишт териш ва сувоқ қоришмаларини тайёрлашда қўлланилади. Турбулентли аралаштирувчилар аралаштирилаётган массанинг оқими ва диаметри, аралаштирув сиғимининг диаметридан 2-2,5 марта кичик бўлган, ротор билан ҳосил қилинади. Роторнинг айланишлар тезлиги эса одатдаги парракли аралаштиргичлар валининг айланишидан 10-15 марта юқорироқ. Шунинг натижасида аралашаётган массада марказдан қочма кучлар ҳосил бўлади ва аралашаётган массанинг бутун ҳажмини ҳаракатга келтирувчи интенсив оқимлар пайдо бўлади. Кўчиб юрувчи қоришма аралаштиргичлар 30, 65, 125 ва 250 литр тайёр аралашма ҳажмига эга бўладилар, станционар ишловчилари эса 400, 800 ва 1200 литр ҳажмга эга бўлади. Тайёр қоришма ҳажми 30 ва 65 литрли қоришма аралаштирувчилар бевосита ишлаб чиқариш жойларида ўрнатилади ва улар юклаш ҳамда миқдорлаш мосламаларига эга бўлмайдилар. Уларнинг иши кўпроқ қуруқ шароитда самаралироқ бўлади. Горизонтал валли даврий ишлайдиган қоришма аралаштиргичлар (72-расм) аравача 1, барабан 5, редуктор 8 ва электродвигателp 9 дан иборат. Барабан (бункер) иккита устун 2 ларга таянади ва дастак 7 ёрдамида айлантирилади. Барабаннинг юклаш тешиги, барабанга юкланаётган курак тушиб қолишини олдини олувчи тўсиқ 6 билан таъминланган.

72-расм. Даврий ишловчи горизонтал валли қоришма аралаштиргич 1-аравача; 2-устун; 3-подшипник; 4-паррак вали; 5-барабан; 6-тўсиқ; 7-даста; 8-редуктор; 9-электродвигателp. Бетон ташувчи автомобиллар. Бетон ташувчи автомобиллар рама орқали автомобилp шассисига ўрнатилган совуқ ўтказмайдиган қилиб ҳимояланган, қопқоғи зич беркитиладиган махсус идишдан иборат. Идишнинг шакли бетон қоришмасини жуда кам қолдиқ билан тўкишга имкон беради. Гид равлик юритма механизми идишнинг олд қисмини горизон тал ўқ атрофида 90° га кўтариш ва 700 ёки 1600 мм баландликдан қоришмани туширишни таъминлайди. Идишни кўтаришда устуворликни таъминловчи ва шассининг орқа кўпригини қў шимча юклардан бўшатувчи гидравлик таянчлар мавжуд. У қоришмани ташиш вақтида қотиб қолишдан сақловчи гидравлик узатма ёрдамида қўзғатувчи конструкцияга эга. Автомобилp шассиси нинг базасига кўра бетон ташувчи автомобиллар сиғими 1,6 ва 4 м 3 бўлади. Қоришма ташувчи автомобиллар . Мўътадил иқлимнинг ҳарорати - 5 о С дан кам бўлмаган шароитда қурилиш қоришма ларини ташиш ва маълум миқдорда тақсимлаш махсус қоришма ташувчи автомобилларда амалга ошири лади. Қоришма ташувчи автомобилда бурчак остида жойлашган иссиқ тутувчи цилиндр кўринишидаги идиш ва унинг юқори қисмида тушириш тешиги жойлашган, остки қисмида эса шиберли қирқувчи затвор бўлиб, у қоришмани маълум миқдорда узатиб туришни таъминлайди. Идиш ичига

ясси парракли қоришмани қўзғатувчи вал ўрнатилган. Гидравлик юритма ва шибер затвори автомо билp двигателидан олинган қувват ҳисобига ҳаракатга келтирилади. Бошқариш гидравлик тақсимла гичлар билан қўлда олиб борилади. Ав томобилp шассисига қараб қо ришма ташиш автомобиллари сиғими 2,5 ва 3 м 3 ни ташкил қилади. Бетон қориштирувчи автомобиллар. Бу машиналар миқ дорланган бетон қоришмаси компонентларини ташиш, бетон қо ришмасини йўлда ёки қурилиш объектига келганда тайёрлаш, тайёр бўлган бетон қоришмасини сўралган қурилиш объектларига элтиб бериш учун мўлжалланган. Бетон қоришти рувчи машиналар қуритилган тўлдирувчиларнинг қуруқ ара - лашмаси, тўлдирувчилари табиий намликда бўлган қуруқ аралашма, қуруқ аралаштирилган қоришма, сувли ара лаштирилмаган ёки тайёр бетон қоришмаси билан юкланиши мумкин. Бетон қориштирувчи автомобилp қуруқ бетон компонентлари аралаш - маси билан марказий бетон заводида юкланади, сув қўшиш ва қоришмани аралаштириш эса қурилиш объектига келгунга қа дар йўлда бажарилади. Бетон қориштирувчи машиналарга тайёр бетон қоришмаси юкланса, бу машиналар бе тон ташувчи машиналар каби қўлланилиши мумкин. Бетон қо - риштирувчи автомобилp схемаси 73-расмда келтирилган.

Қориштириш барабанининг узатмаси - механик, автоном ички ёнув двигатели билан ҳаракатга келтирилади. Бетон қориштирувчи машина қуйидаги таркибий қисмлардан тузилган: автомобилp шассиси 7, йиғма рама 4, қориштиргич 1, юклаш-тушириш қурилмаси 2, сувни миқдорлаш учун жиҳоз ланган бак 3, қориштиргич узатмаси 5, бошқариш механизми 6. Ъамма таркибий қисмлар рамага ўрнатилган, рама эса автомобилp шассисига жойлаштирилган. Бетон насослари. Бетон насослари бетоннинг суюқ қоришмаларини, трубалар орқали иншоотлар қурилишида монолит бетон ва темирбетон қуйиш жойларига узатиш учун мўлжалланган. Улар ҳажмий насосларга киради, чунки уларнинг иши ўзгарувчан ҳажмни яратишда сиқиб ва суриб чиқариш тартибига асосланган. Агар бу ҳажмни суюқ аралашма билан тўлдирсак, кейин уни камайтирсак, бунда суюқ аралашма босим остида трубаларда сиқилади. Бетон насосларини қуйидагича турларга бўлиш мумкин: иш характерига кўра - тўхтовсиз узатувчи (шланг орқали) ва даврий узатувчи (поршенp орқали); ҳаракатлантириш мосламасининг турига кўра - механик ва гидравлик ҳаракатланувчи; бетон ташувчи цилиндрлари сонига қараб - бир 1 32 4567 73-расм. Бетон қориштирувчи автомобиллаp 1-қориштиргич; 2-юклаш-тушириш қурилмаси; 3-сув миқдорлагич; 4-йиғма рама; 5-аралаштиргич юритмаси; 6-бошқариш механизми; 7-автомобилp шассиси.

ва икки цилиндрли; иш бажаришига кўра эса муқим ишловчи (прицепли) ва кўчма (бетон насосли автомобиллар). Бетон насосларининг иш унумдорлиги, бетон қоришмасини узоққа ва баландга узатиб бера олиши, уларнинг асосий параметрлари бўлиб ҳисобланади. Гидравлик юритмали узлуксиз ишловчи поршенсиз бетон–насосларнинг ишлаш принципи, механик ёки гидравлик юритмали поршенли бетон насослари ишлаш принципидан (74-расм) фарқ қилади. У қуйидагилардан тузилган: насос камераси 3, бир томондан нейлон-неопрен ичакка 6 уланган қўзғатгич 7 ва иккинчи томондан бетон узатиш йўли орқали кетувчи истеъмолчи 1 дан иборат. Насос камераси герметик зич беркитилган цилиндрик корпус, ички қисмида роторга бир – бирига боғланган пўлат пластинкалар 5 ва резина қопланган иккита ролик 2 лар ўрнатилган. Ротор цилиндрик камера ўқидан ўтадиган вал 4 га ўрнатилган.Унинг ички цилиндрик юзаси бўйича эгилувчан шланг ўтказилган бўлиб, бу таҳминан айлананинг 3/5 қисмини эгаллайди. Ротор айланганда 2 та резина қопланган роликлар ичакни босади, резина қопланган роликлар ва эгилувчан ичак насос вазифасини бажаради ва бетон қоришмасини қисмлаб ичак орқали суриб чиқаради. Камерада доим сийракланиш бўлиб, босим 0,008,...0,009 МПа бўлади, буни вакуумли насос вужудга келтиради. Унинг иш унумдорлиги 0,5 м 3 /соат. Сийракланиш туфайли шланг кенгаяди, бетон қоришмасини қориштирилаётган идишдан сўриб олади. Суюқ бетон аралашмасини ҳайдаш тартиби қуйидагича бўлади. Ролик планетар ҳаракат қилиб шланг эзлиб аралашмани суради ва бе тон қоришмасини бетон ўтказгичга киритади. Эзилган шланг яна элас тик куч таъсирида олдинги ўз ҳолатига қайтади, камерадаги суюқ бетон қоришмаси чиқиб кетиши ҳам шунга сабаб бўлади. Суюқ бетон аралашмаси атмосфера босими таъсирида шлангга сўриб олинади, диаметр бўйича жойлашган ролик яна бетон қоришмаси шлангини босади. Эгилувчан шлангда тиқин пайдо бўлиши ротор айланиши йўналишини ўзгартиради ва тиқинни босим орқали

тескари йўналишда ҳаракат қилишга ундайди. Суюқ қоришма йўналтириладиган труба резина тозалагич орқали тозаланади, у бункернинг юклаш оғзига ўрнатилган. Бункерни сув билан тўлдириб, суюқ қоришма насоси ротори ишга туширилса, сув насоси режимида ишлайди. Ишчи камерада жойлашган шлангни бошқасига алмаштириш керак бўлса у осонгина алмаштирилади. Бунинг учун иккала қискич бўшатилади ва ротор ишга туширилади, у айланиш жараёнида шлангни ишчи камерадан чиқаради. Шундан сўнг роторни орқага йўналтириш йўли билан янги шланг ишчи камера ичига ўрнатилади ва қисқичлар қотирилади. Бундай суюқ бетон қоришма насосларининг афзалликлари қуйидагилардан иборат: бетон қоришмасининг бир хилда ҳаракатланишида кам энер гия сарфланади; гидроузатма тузилиши оддий; бетон қоришмаларини енгил инерт тўлдирувчилар билан бирга чиқариши ёки сўриб олиши; шланг кесим юзасининг ўзгармаслиги насосни бир меъёрда яхши ишлашига имкон беради, чунки бирданига босим ортиб ёки камайиб кетиш хавфи бўлмайди, бундай насосларни текшириш ва улардан фойдаланиш ҳам жуда оддий. Лекин бетон қоришмаларини насосларининг камчиликлари ҳам бор: тортиб олинаётган бетон қоришмасининг силжувчанлигига, тузилишига жуда катта эътибор беришни талаб қилади; бетононасос ҳосил қилаётган босим оз бўлганлиги учун тортиш ва узатиш узоқлиги чекланган; эгилувчан шланг жуда оз вақтга чидайди ва у ишчи камерасининг ичида жойлашган; 2000...3000 м 3 қоришма тортилиб ёки сўриб узатилгандан сўнг эгилувчан шланг алмаштирилиши зарур. Буларнинг ҳаммаси шлангли гидравлик юритмали бетон қоришмалар насоси кенг қўлланилишини чегаралайди. Бетон қоришмаси насослари тўлдирувчиси майин шағал бўлганда бетон қоришмасини тортишда, саноат ва фуқаро қурилишида, армоцементдан қилинган конструкциялар ва бошқалар тайёрлашда катта самарадорлик билан ишлатилади. Бу насослар 60 м 3 /соат бетон қоришмасини 30 м баландликка 3,5 МПа босим билан диаметри 125 мм бўлган шланг орқали узатиб беради.

74-расм. Бетон насослари а) тўхтовсиз ҳаракат қилувчи бетон насос: 1-истеъмолчи; 2-резина кийгизилган ролик; 3-насос камераси; 4-вал; 5-пўлат пластинка; 6-резина ичак; 7-қўзғатувчи. б) механик юритмали поршенли бетоннасос: 1-юклаш бункери; 2-ишчи цилиндр; 3-поршен p ; 4-клапан; 5-клапан. в) мой гидравлик юритмали насос: 1-поршен p ; 2-транспорт цилиндри; 3-ишчи цилиндр; 4- шток. Гидравлик юритмали бетон қоришмаси насослари бир-биридан ишчи цилиндрдаги поршенp юритмаси ва затвор конструкцияси билан фарқ қилади. 74-расм, в да цилиндрларнинг кенг қўлланиладиган мойгидравлик юритма схемаси кўрсатилган. Иккита цилиндр кетма-кет ўрнатилади: биринчиси - асосан катта диаметрли ташувчи цилиндр 2; иккинчиси - ишчи 3. Ташувчи ва ишчи цилиндрлар поршенлари умумий шток 4 билан маҳкам бириктирилади. Ишлаш жараёнида ишчи цилиндерларнинг поршенp ва шток бўшлиқларига навбат билан берилаётган мой босими ҳисобига цилиндрнинг поршени 1 илгариланма-қайтма ҳаракат қилади. Бунда бетон аралашмаси бетон қоришма насосининг қабул қилиш бункеридан затвор орқали ташиш цилиндрига ўтади ва бетон қоришмаси қувурга пуркалади. Бетон қоришма насослари 2 та ташувчи ва 2 та ишчи гидроцилиндрли қилиб тайёрланади.

Ташувчи ва ишчи цилиндрлар орасида ювувчи камера жойлашган. Ташувчи цилиндрларнинг шток бўшлиқларига сув юборилади, бу сув совутқич вазифасини бажаради ва поршенp манжетлари қўйиб юборган ташиш цилиндри деворларидаги майда заррачалар, цемент ва қум ювилади, бу билан ишқаланиш коэффициенти камайтирилади. Ишчи гидроцилиндрлар поршенларининг юритма суюқлиги сифатида мойлардан фойдаланилади. Шундай қилиб, бу ерда 2 та ишлов муҳити: сув ва ёғ мавжуд. Ёғ йўналишини ўзгартириш поршенp ва шток йўлларидаги гидрав лик тақсимлагич билан бажарилади. Буни бошқариш эса электрик ёки гидравлик бўлади.

Адабиётлар: 1. Р.Ж. Тожиев. Қурилиш машиналари Тошкент «Узбекистон» - 2000. 2. Фиделев А.О., Чубук Ю. Ф. Строителне машин, издание четвертое. Киев «Вусшая школа» - 1979. 3. Бауман В.А. строителне машин справочник в 2 – х томах 4 – издание. Москва «машиностроение» - 1976. 4. Тожиев Р.Ж., Турсунмуродов, К.Т., Услубий қўлланма «Қурилиш машиналир» фанидан Фарғона – 2002.

O'xshashlar

Бетон қоришмасини зичлаш

Қурилиш машиналар тўғрисида умумий маълумот

Минорали кранлар тўғрисида умумий маълумот

Транспортловчи машиналар тўғрисида умумий маълумот

Бетон қоришмасини зичлаш қурилмалари