Binolarni gorizontal ko’chiriladigan qoliplarda barpo etish - Arxitektura - Referatlar

Binolarni gorizontal ko’chiriladigan qoliplarda barpo etish

Yuklangan vaqt:

21.05.2023

Ko'chirishlar soni:

0

Hajmi:

1307.5 KB

Ko'chirib olish

Binolarni gorizontal ko’chiriladigan qoliplarda barpo etish Reja: 1. G’ildirab gorizontal ko’chiriladigan qolip 2. Hajmiy-qayta o’rnatiladigan qolip 3. Tunnel qolip 4. “NOE” firmasining ko’p maqsadli hajmiy qolipi 5. “Utinor” firmasining tunnel qolipi

G’ildirab gorizontal ko’chiriladigan qolip G’ildirab gorizontal ko’chiriladigan qolip (G’GKQ) – bu quyilgan beton yetarli mustahkamlikka erishgach, davriy ravishda gorizontal yo’nalishda ko’chiriladigan qolipdir. U asosan ochiq usulda barpo etiladigan katta uzunlikka ega to’g’ri chiziqli inshootlarni, qaysiki bu inshootlar o’zgarmas ko’ndalang kesimli yuzaga va yacheyka-bo’linmalarida takrorlanadigan tipovoy (namunaviy) elementlari ko’p (tirgak devorlar, tunnellar va kollektorlar yer osti inshootlari va kommunikatsiyalari uchun) bo’lgan hollarda qo’llaniladi. Inshootning turi va hajmiy-rejalashtirish yechimiga bog’liq holda g’ildirab gorizontal ko’chiriladigan qolip (G’GKQ) o’ziga xos texnologik jihatlarga ega, biroq to’liq holda asosiy konstruktiv yechimi o’zgarmaydi. Bu turdagi qolipni asosiy mohiyati, betonlashni uzluksiz (kichik tanaffuslar bo’lishi mumkin) tashkil etishdadir. Texnologiyaning ikki xil varianti bo’lishi mumkin: qolip shchitlarining barpo etilayotgan (betonlanayotgan) konstruksiya sirti bo’ylab uzluksiz siljishi va avvalgi qamrovdagi shchitlarni oldindan betondan ajratish hamda ularni ketma-ket qayta o’rnatish. Zamonaviy turdagi qoliplarda qolip shchitlarini betonlanayotgan konstruksiyaning bo’ylama o’qi bo’yicha siljitish, vertikal bo’yicha pog’onalab (yaruslab) betonlash uchun ko’tarish va betonlanayotgan sirtning qiyaligini to’g’rilash kabi imkonlar mavjud. Chiziqli katta uzunlikdagi inshootlarni (mas. kollektorlar) betonlashda qo’llaniladigan G’GKQ ichki va tashqi qismlardan iboratdir. (1-rasm). Qolipning ichki ost qismi relsli yo’lga o’rnatilgan inventar qoliplarni ko’tarishga mo’ljallangan aravacha (telejka) va unga mahkamlangan ikki xil ko’taruvchi qurilmalar − domkratlardan (ko’taruvchi-tushiruvchi tayanchli) iborat. Ko’chiriladigan aravachada ichki yon tomon qolip shchitlarini loyiha holatiga o’rnatish uchun gorizontal domkratlar mavjud. Xuddi shuningdek, aravachaga vint domkratli markaziy tirgaklar o’rnatilgan bo’lib, ular qolipni vertikal tekislik bo’yicha siljishiga imkon yaratadi.

1-rasm. Yer osti kollektorlarini betonlovchi g’ildirab gorizontal ko’chiriladigan qolip: a – qolipni o’rnatish; b – qolipni ko’chirib olish; 1 – ichki qolip; 2 – betonlanadigan kollektor; 3 – tashqi qolip; 4 – markaziy tirgak; 5 – domkrat; 6 – g’ildiraklar; 7 – telejka (aravacha); 8 – kollektorning tubi. Yuqori shchitlar ulanadigan bo’lib, u tirgakni ustida sharnirli mahkamlangan. Vertikal va gorizontal shchitlar ham sharnirlar bilan biriktirilgan. Yuqorigi shchitlarni ish holatiga o’rnatish va bu shchitlarni ko’chirib olish tirgaklarda joylashgan domkratlarni burash bilan amalga oshiriladi. Tashqi qolip sharnirli biriktirilgan ikkita yon ramalardan tashkil topgan; ular qolipni ish holatiga o’rnatishda va ko’chirib olishda buralishi mumkin. Tashqi qoliplar kran yordamida ko’tarilib joyi o’zgartirilsa, ichki qoliplar ko’chirilgach, relsli izdagi telejkalarda lebedkalar yordamida tortilib joyi o’zgartiriladi. Yo’naltiruvchi bo’ylab yoki relsda qoliplarni siljitish uchun u g’ildiraklar va telejkalar bilan ta’minlangan bo’lib, ular lebedkalar yoki uzatmalar bilan tortib qo’zg’atiladi. Beton qorishmasi yotqizilib va qotgandan so’ng qolip shchitlarini betondan ajratib olib tashish (transport) holatiga keltiriladi. So’ngra qolip yo’naltiruvchi qurilmalar yordamida barpo etiladigan inshootning bo’ylamasiga yangi to’xtash joyiga siljitiladi. Qolipni ajratishda ichki gorizontal shchitlar xuddi sindirilgandek qayriladi va pastga tushirilish mobaynida o’zi bilan vertikal shchitlarni tortadi; ular ham betondan ajraladi va buriladi.

Kollektor va tunnellar uchun mo’ljallangan G’GKQlar to’g’riburchakli va egri chiziqli kesimli bo’lishi mumkin. Qolip bilan eni 2100…2800mm (100mm modulda) hamda balandligi 1800...2200 mm bo’lgan inshootlarni betonlash mumkin. Balandligi yon tomonda joylashgan teleskopik ko’taruvchi tirgaklar yordamida o’zgartiriladi. Enini esa yon tomon sirtini markaziy tirgak bilan pastki rigel (to’sin)ga nisbatan surish orqali amalga oshiriladi. Bu tirgak vintli domkrat bilan jihozlangan, u esa ichki qoliplarni ko’chirish (ajratish) yana uni ish holatiga o’rnatishga imkon yaratadi. G’GKQlarning gumbazsimon-qobiqli va ikki tomonlama egrili qobiqsimon konstruksiyalarni betonlashda qo’llaniladigan turlari ham bor. Betonlanayotgan oralik(prolet)larning orasi 12...18 m. gacha, inshootning poldan orayopma tagigacha balandligi 5...7 m gacha yetishi mumkin. Bir zveno inventar qolipining uzunligi 6 m ga ega, qamrov uzunligi bo’yicha talab qilingan ish maromiga ko’ra bir vaqtning o’zida 2...3 va undan ortiq bug’un qoliplar bo’lishi mumkin. G’GKQlarning baland va uzun o’lchamli devorlar yoxud tirgak devorlarni betonlashda qo’llaniladigan turlari ham mavjud (2-rasm). Qolip shchitlari 8m gacha uzunlikda bo’lib, ular qo’zg’aladigan P-simon rama (portal)larga mahkamlangan. Portalning 800 mm gacha qalinlikdagi har-xil devorlarni yaratishga imkoni bor. Portalning yo’naltiruvchi qurilmalari orqali navbatdagi yarus (pog’ona) ni betonlash uchun qolipni yuqoriga siljitib qayta o’rnatish mumkin. Qolip shchitlari betondan ajratilgach, domkratlar bilan gorizontal siljitiladi, ko’tarish-tushirish esa po’lat troslar yordamida amalga oshiriladi.

2-rasm. Devorlarni betonlashga mo’ljallangan G’GKQ 1 – vibrator; 2 – muayyan holatda mahkamlovchi moslama (fiksator)lar; 3 – to’g’ri chiziq bo’yicha sirg’aluvchi qism (polzun); 4 – tutashtiruvchi to’sin; 5 – qolip shchitlari; 6 – shchitlarni ko’taruvchi lebedka; 7 – montaj qurilmasi; 8 – zina; 9 – G’GKQ tirgaki (ustuni); 10 – elektr uzatma; 11 – telejka (aravacha); 12 – ishchilar uchun to’shama; 13 – to’shamaning himoya to’sig’i; 14 – vibrator o’rnatilgan beton qorishma bunkeri (idish); 15 – gorizontal ko’chiriladigan telejka; 16 – relsli yo’l. Hajmiy-qayta o’rnatiladigan qolip Hajmiy-qayta o’rnatiladigan qolip (HQO’Q) ichki ko’ndalang devorlarni, ma’muriy va ko’p qavatli uy-joy binolarining qavatlar orayopmalarini bir vaqtda betonlashda qo’llaniladi. HQO’Q yirik o’lchamli qolip-blok ko’rinishda bo’lib, devor va orayopma qoliplarini o’z ichiga olgan, qaysikim ular montaj krani yordamida montaj qilinadi va boshqa joyga olib o’rnatiladi. Bu qolip P- va G-shaklli fazoviy seksiya (bo’lim) ko’rinishlarida bajariladi. U ikkita yon (devorli) va ship qolip panellaridan tarkib topgan bo’lib, ular sharnirlar

bilan o’zaro birikkan tutib turuvchi qurilmalar va loyiha holatida mahkamlovchi va ajratuvchi moslamalardan iborat. Seksiyalar birlashtirilishi natijasida xonadon yoki binoning butun eniga moslangan “tunnel” qolip hosil bo’ladi. Qoliplar seksiyasining eni o’zgaruvchan bo’lib, u devorning qabul qilingan qadami va har- xil uzunligiga bog’liq. P- va G-simon qolip seksiyalari avval betonlangan qavat orayopmalariga o’rnatiladi, to’g’rilanadi va o’zaro bo’ylama va ko’ndalang yo’nalishlarda mahkamlanadi. Qolipning umumiy konstruktiv belgilari: • loyiha holatiga to’g’rilash va o’rnatish uchun mexanik domkratlar tizimining mavjudligi; • seksiya qoliplarini montaji va demontajida siljitish uchun g’ildirakli tay- anchlar; • zarur fazoviy mustahkamlikni ta’minlaydigan hovonlar tizimi. P-simon HQO’Q seksiyalar ko’rinishida eni 1,2; 1,5; 1,8 m (moduli 300 mm) o’lchamlarda 2,4…6,3 m va qadami 0,3 m bo’lgan oralik(prolet)lar uchun ishlab chiqilmoqda. Qolip qavat balandligi 2,8; 3,0 va 3,3 m va orayopma qalinligi 16 sm gacha bo’lgan hollarda qo’llaniladi. Uni G-simon elementlardan, ya’ni yuqorisi sharnirlar bilan birlashtiriladigan tirgak va ustunlar tizimidan foydalanib yig’iladi. Qoliplar komplektiga yon tomon tashqi devor shchitlari, lift shaxtalari, koridor uchun seksiyalar va so’ri kabilar kiradi. Qolipli blok tayyor P-simon seksiyalardan binoning butun eni bo’yicha yig’iladi. Qolip seksiyalarini shvellerlardan bo’lgan yo’lga o’rnatiladi, qaysikim, binoning konstruktiv yechimiga ko’ra uni bo’yiga yoki eniga siljitish mumkin. Yo’llar betonlanayotgan devorning bo’ylama yo’nalishida yotqiziladi. Yon tomon panellari yaxlit devorning ichki qolipi, tepadagisi esa orayopma qolipi sifatida xizmat qiladi. Yig’ilgan qolip seksiyasi kran bilan loyiha holatiga o’rnatiladi. Ish holatiga o’rnatish (va qolipni ajratish uchun) seksiyaning tag qismi to’rtta g’ildirak (sharli tayanchli) lar bilan jihozlangan bo’lib, orayopma bo’ylab siljishi uchun xizmat qilsa va to’rtta (har tomoniga ikkitadan) vintli domkratlar tayanchdan

yuqorida joylashgan bo’lib, ular yordamida seksiyalarni ish holatiga o’rnatish uchun ko’tarish hamda qolipni ajratishda tushirish uchun xizmat qiladi. Avvalgi qavatni betonlashda bir vaqtda yoki biroz vaqt farqi bilan keyingi qavat devorining sokol qismi 30...40 sm li armatura chiqiqlari bilan devorning armatura karkaslari bilan tutashtirish uchun 15…20 sm balandlikda betonlanadi. Sokol qismdan qolip ajratib olingach, ularning planda joylashishi va qalinligi, orayopmani otmetkasi (sathi) nazorat qilinib, devor o’qlarining mosligi puxta tekshirilib, devor qolip shchitlarining o’rnatilish o’rni aniqlanadi va belgi (risk) chiziqlari qo’yiladi. Yangi ish gorizont(sath)ida devor o’qlarini rejalash bajariladi, qolip seksiyalarining o’rnatilish o’rni belgilanadi, zarur hollarda devor mayoqlari yasaladi. O’rnatishdan oldin qolip tozalanadi, moylanadi, tutashtirib ulangan joylar (qulfli birlashmalar), strubsina (qisqich)lar, tayanchlar va domkratlarning holati tekshiriladi. Qoliplar kran yordamida ko’tarib uzatiladi va mos reja o’qlari (risk chiziqlari) bo’yicha o’rnatiladi (3-rasm). Domkratlar bilan yuqorigi paluba (to’shama)ning gorizontal (tekis)ligi to’g’rilanadi, strubsinalar bilan esa sokolga ulanishi va yon panellarning vertikalligini ta’minlashga erishiladi. So’ngra tunnelning uzunligi bo’yicha yoniga qo’shni seksiyalar o’rnatiladi, elementlar o’zaro maksimal jipslashishi uchun ular orasiga maxsus qistirmalar quyiladi va qo’shimcha ravishda qulfsimon birlashtirgich (tortqich) bilan tortiladi.

3-rasm. Hajmiy-qayta o’rnatiladigan qolip shchitlarini joylashtirish sxemasi: 1 – mexanik domkratlar; 2 – konsolli supa (so’ri); 3 – shchitlarni mahkamlaydigan teleskopik qiya ustun (tirgak) lar; 4,6 – muhofaza panjara- to’sig’i; 5 – qolipning ensiz yon tomonli shchiti. Tunnel butun uzunligi bo’yicha qurilib bo’lingach, qavat balandligida (odatda uzunligi 6 m gacha) devorning armaturasi bo’lgan fazoviy karkasni o’rnatishga kirishiladi. Karkaslar kran yordamida uzatiladi va pastki qavatdan chiqib turgan armaturalarga ulanadi. Keyin yon (ensiz) tomon shchitlari o’rnatiladi va loyihada ko’rsatilgan bo’lsa, maxsus konsoli supagacha yon(ensiz) tomon tashqi shchitlari o’rnatiladi hamda u qiyali ustunli teleskop yordamida mahkamlanadi, shuningdek, avval betonlangan devor konstruksiyasiga pastki ensiz yon tomoni bilan qattiq taqab qisiladi. Bu yon(ensiz) tomon tashqi shchitlarni geometrik o’zgarmas holatini ta’minlaydi. Deraza va eshik o’rinlarini ochiq qoldirish uchun qolipga maxsus narsa qo’yiladi, qaysikim undan ensiz yon devor qolipi o’rnida foydalanish mumkin. Tunnel ustiga orayopmaning armatura karkaslari joylanadi va ular avval o’rnatilgan devor karkaslariga bog’lanadi. Qolipning tunnellari orasiga betonlash va binoning devorini bunyod etish uchun, shuningdek, seksiyalarning o’ziga ham, orayopmani betonlash beton qorishmasi quyiladi. Quyilgan beton talab qilingan mustahkamlikka erishgach, qolip alohida tarkibiy qismlarga bo’linmasdan ajratiladi. Qolip seksiyalari ajratilganda (ko’chirishda) u go’yo siqilgandek bo’ladi, qolipning ichki yon shchitlari (yoki devor shchitlari) betonlangan tunnelni ichkarisiga itarilgandek bo’ladi, shuning asnosida orayopmaning gorizontal shchitlari oson ajraladi va pastga siljiydi. Betonlangan seksiyadan qolipni ko’chirib olish uchun yuqori panel elementlari domkratlar yordamida tushiriladi, yon tomon panellari esa devordan nariga suriladi. So’ngra qolip g’ildiraklarda orayopma bo’ylab yotqizilgan inventar (temir izli) yo’l bo’yicha qo’shni yangi pozitsiyaga yoki binoning bo’ylama ochiq tomonida joylashgan maxsus so’rilarga suriladi va u yerdan, mahkamlangan seksiyalar kran yordamida yangi pozitsiyaga ko’chiriladi.

Hajmiy – qayta o’rnatiladigan yoki gorizontal ko’chiriladigan qoliplar ko’proq ko’ndalang devorlari yuk ko’taruvchi va ochiq fasadli bo’lgan binolarda qo’llaniladikim, u yerda qolipni ajratib olish zaruriyatidan kelib chiqqan holda, ma’lum texnologik cheklanishlarga yo’l qo’yiladi (yirik seksiyali qoliplarni chiqarib olish uchun deraza, eshik o’rinlari yoki ochiq fasadlar qoldiriladi). Bu ochiq yuzalar keyinroq yig’ma devor panellari, g’isht terish va boshqa kabilar bilan berkitiladi. Bir holatdan ikkinchisiga o’zgartiriladigan HQO’Q larning turli xil oraliq(prolet)lar, devorlarning qalinligi, hamda zarur hollarda qavatlarning turli balandliglarida qo’llanilishi natijasida, binolarning turli xil hajmiy-rejalashtirish yechimiga ega bo’lish mumkin. HQO’Q murakkab konstruktiv yechimga egaligi va qimmatligi bilan yirik shchitli qolipdan farq qiladi. SHuning uchun bunday qolipdan bir rayonda ko’p miqdorda deyarli bir xil hajmiy-rejalashtirish va konstruktiv yechimga ega bo’lgan va qoliplardan takroran ko’p marta foydalanish imkoni bo’lgan yaxlit binolar seriyalarini tiklashda qo’llash maqsadga muvofiqdir. Konstruktiv jihatdan qolip turli xil yechimga ega bo’lishi mumkin. Eng asosiysi yon qolip shchitlarining vertikalga nisbatan katta og’ish imkoniyatining mavjudligidir, ular qolipni ajratganda markaz tomon siljishi ham mumkin va aksincha qolipni ishchi holatiga o’rnatganda tik (vertikal) holatiga qaytishi ham mumkin. Gorizontal shchitlar ham turli konstruktiv yechimga ega bo’lishi mumkin, biroq ularga bo’lgan asosiy talab oson o’rnatish va ajratib olishdir. Shchitni betondan ajratish bir vaqtda ta’sir etuvchi uch omil asosida sodir bo’ladi: yon shchitlarni domkratlar yordamida bir necha santimetrga tushirish, yon shchitlarni vertikaldan og’dirish (shu sabab vertikal bo’yicha balandligini kamaytiradi) va domkratlar yordamida oraliqning o’rtasidagi gorizontal shchitlarni ajratish. Qo’llaniladigan texnologiya va mavjud to’g’ri keladigan moslamalarga bog’liq holda hajmiy o’rnatiladigan qoliplarni demontaj qilishni bir nechta sxemalari mavjud (4-rasm):

• uzunligi 1,2...1,8m bo’lgan mayda P-simon shaklidagi seksiyalarni avval tashqi so’ri ustiga chiqarib, so’ngra undan kran bilan ko’tarish; • mayda seksiyalar bilan ularni tashqi devor chetiga g’ildiratib olib kelinadi va “o’rdak burun” traversa yordamida kran bilan boshqa joyga ko’chiriladi; 4-rasm. HQO’Q va tunnel qolipni demontaj qilish sxemasi: a – tashqariga chiqariladgan so’rilar yordamida mayda seksiyalab; b – “o’rdak burun” shaklli traversa yordamida; v – orayopmadagi teshiklar orqali; g – taqsimlaydigan ferma yordamida yirik bloklab va qaytarib-ko’tarib qo’yiladigan to’siqli so’rilar yordamida; 1 – qolip seksiyasi; 2 – tashqariga chiqariladigan so’ri; 3 – orayopma; 4 – traversa; 5 – orayopmadagi teshik; 6 – yirik o’lchamli blok; 7 – taqsimlovchi ferma-traversa; 8 – qaytarib-ko’tariladigan to’siq. • mayda seksiyalar bilan betonlash davrida orayopmada qoldirilgan maxsus teshiklar orqali; • uzunligi 3...5 elementga to’g’ri keluvchi yirik G va P-simon shaklidagi bloklarni tashqi so’ri va taqsimlovchi ferma ko’rinishli traversalardan foydalanib,

bunda bir vaqtning o’zida bloklar kran ilmog’iga traversalar yordamida ildiriladi va asta-sekinlik bilan betonlangan joydan g’ildiratib chiqariladi. Tashqi so’rilarning qo’llanilishi mehnat sarfini oshiradi, shuning uchun qoliplarni yirik seksiyalab ajratib chiqarib olib va ularni maxsus traversalardan foydalangan holda qayta o’rnatish ma’qul. Qoliplarni mayda seksiyalab demontaj qilishda avval ularni mahkamlangan qulflaridan ajratiladi. Domkratlar va strubsinalar bilan chetki seksiyaning qolipi betonlangan konstruksiyadan nariga surib chiqariladi, bu qolip shchitlari betonlangan yuzadan ajratiladi. Butun bu seksiya g’ildirak ustiga tushiriladi. Keyin bu seksiyani tashqi so’rilar maydonchasiga g’ildiratib chiqariladi, stroplanadi(ildiriladi) va kran yordamida qoliplarni montaj qilishga tayyorlangan maydonchaga ko’chiriladi. Navbatdagi seksiyalar ham yuqoridagi amallar galmagal qaytarilgan holda, gidravlik va vintli domkratlar yordamida betonlangan yuzadan ajratiladi. Seksiyani tashqi so’riga g’ildiratib surmasdan, uni to’liq qamrab ilintiradigan maxsus traversalardan foydalanish yanada samarali. CHunki bu natijada qolipni montaj va demontaj qilish mehnat sarfi kamayadi. Qolipni demontaj qilishda orayopmalarda qoldirilgan maxsus tuynukteshiklardan (ochiq joylar, mas. lift shaxtalari o’rni va b.) foydalanish mumkin. Demontaj ishlari shuningdek alohida seksiyalar bilan shu tarzda usha ketmaketlikda olib boriladi. Ochiq qoldirilgan joyga seksiyalar g’ildiratib suriladi va yangi ish joyiga o’rnatish uchun kran bilan ko’tariladi. Qolipni butun bloki bo’yicha demontaj qilish sxemalarini ham qo’llash mumkin. Buning uchun maxsus konstruksiyali traversa zarur va qolipni bloki g’ildiratiladigan telejka-aravachaga ega bo’lishi kerak. Qolip blokini surish barobarida oraliqni o’rtasiga fiksator domkratli vaqtinchalik teleskopik tirgaklar o’rnatiladi. HQO’Qlardan foydalanish natijasida qolip ishlarini mehnat sarfini pasaytirishga erishiladi va yaxlit konstruksiyali binolarni barpo etish jarayonlarini yanada industrlashtiradi.

Tunnel qolip Tunnelli qolipdan tunnel va kollektorlarni pardozlashda, yopiq usulda barpo etiladigan turar-joy va jamoat binolari konstruksiyalarini betonlashda foydalaniladi. Tunnel qolip gorizontal-ko’chiriladigan qolipdan konstruktiv jihatidan kam farqlanadi. U o’z ichiga karkasga mahkamlangan panel shchitlarini olgan, qaysikim u qayd qiluvchi va qolipni ajratuvchi qurilmalar hamda qolipni yo’naltiruvchilar bo’ylab gorizontal ko’chishini ta’minlovchi mexanizmlar bilan ta’minlangan. Tunnel qoliplarni qoliplarni bo’ylama yo’nalish sxemasida ko’chirish maqsadga muvofiq bo’lgan binolarni (kasalxonalar, dam olish uylari, mehmonxonalar) barpo etishda ham qo’llash mumkin. Bu holatda qavatning barcha elementlarini, shuningdek, tashqi devorlarni ham barpo etish uzluksiz amalga oshiriladi. Qolipni siljitishda ichki devorlar uchun ko’ndalang tuynuklar (teshiklar) qoldiriladi, inventar yirik shchitli qolip o’rnatilgandan so’ng, bu teshiklar orqali betonlash amalga oshiriladi. Tunnel qolipning boshqa bo’sh bloklari mavjud bo’lganda, pog’onali betonlashni qo’llash mumkin. Bu holatda ishlar texnologiyasining xususiyati shundakim, bir necha qavatda bir vaqtning o’zida binoning yacheykalari barpo etiladi, ya’ni ish fronti qo’shni qavatga nisbatan bitta yacheykaga siljigan bo’ladi. Ichki devorlar keyinroq, qolip navbatdagi yacheykaga ko’chirilgandan so’ng inventar mayda yoki yirik shchitli qoliplar yordamida barpo etiladi. Binolarni gorizontal chiqarib olinadigan qolipdan foydalanib barpo etishda qo’shimcha mehnat xarajatlari paydo bo’ladi, sababi qolip bloklarini chiqarib olib yangi joyga o’rnatishga qadar joylashtirish uchun maxsus maydonchalar yaratish lozim bo’ladi.

“NOE” firmasining ko’p maqsadli hajmiy qolipi “NOE” firmasining tunnel qolipi hajmiy qolip ko’rinishida bo’lib, undan binoning devori va orayopmasini bir vaqtda barpo etishda ham to’plam (komplekt), ham alohida qismlar holatida foydalanish mumkin. (5-rasm). Qolip odatda metall qoplamali bo’lib uzunligi 2,5 va 1,25 m hamda enining moduli 0,3 m bo’lgan standart elementlardan iborat, shuning evaziga har-xil uzunlikli, enlili va balandlikli inshootlarni betonlash imkoniyati mavjud. Qolip elementlarining yuqori aniqlikda tayyorlanganligi sababli, qolipning barcha elementlarini o’zaro jips birikishiga va betonlangan sirtning silliq va tekis bo’lishiga erishiladi. Mavjud mexanizmlar qolipni yangi joyga qisqa vaqtda sifatli o’rnatish va qayta o’rnatish imkonini beradi. Betonni qo’shimcha isitish hisobiga mustahkamligini ta’minlash muddatini qisqartirish va qolipni barvaqt ajratishni ta’minlash mumkin. Orayopma to’shamalari va devorlar palubasi uchun keng spektrli yordamchi- qo’shimcha elementlarning mavjudligi bois, bu qolipdan oraliq eni 1 m dan 7 m gacha hamda balandligi 7,5 m gacha (bunda 0,5m li qo’shimcha qo’yiladigan narsadan foydalaniladi) bo’lgan hollarda qo’llash imkoniyati mavjud. Orayopma qolipida tiqin qopqoqning borligi uni xonaning eni o’zgarsada, qayta yasamasdan moslashga imkon beradi.

5-rasm. “NOE” firmasining tunnel qolipi: a – umumiy ko’rinishi; b – konstruktiv yechimi; 1 – devor qolipi shchitlari; 2 – orayopma shchiti; 3 – tunnelning G-simon elementlarini o’zaro biriktiruvchi unsuri; 4 – ostki tayanch; 5 – ustki (yuqorigi) tayanch; 6 – diagonal tirgak; 7 – ship tayanch-konsoli; 8 – tutib turuvchi tayanch burchaklik; 9 – yarim tunnelni balandlik bo’yicha to’g’rilovchi elementi; 10 – tunnelni surish g’ildirakchalari; 11 – tunnelni gorizontal tutashtiruvchi elementi; 12 – harakatlanuvchi qism; 13 – ishchi so’rilar; 14 – qolipni yangi yarus (pog’ona)ga o’rnatish sokoli. “Utinor” firmasining tunnel qolipi Tunnel qolip devor va orayopmalarni bir vaqtda betonlash imkonini beradi, bu esa konstruksiyaning yaxlitiligini, bir butunligini va ishonchliligini oshiradi. Qolip seksiya deb ataladigan uzunligi 2,5 m bo’lgan bir necha elementlardan tashkil topgan. Seksiya to’g’riburchakli kesimga ega va balandligi betonlanadigan

devorning balandligiga teng ikkita vertikal shchitlaridan, shuningdek, eni orayopma eniga teng bo’lgan bitta gorizontal shchitdan iboratdir. Har bir seksiya gorizontal shchitning bo’ylama o’qi bo’yicha tutashtiruvchi choklari bilan ikkita yarim seksiyaga ajratilishi mumkin. Bunday tunnel ikki seksiyali deyiladi. Agar tunnel yasalgan yoki yig’ma holatda foydalanilsa, u bir seksiyali deb ataladi. 6-rasm. “Utinor” firmasining tunnel qolipi: 1 – vertikal panel; 2 – magnit qulfli bushliq hosil qiluvchilar; 3 –gorizontal panel; 4 – sokolni betonlash uchun qolip; 5 – qolipni to’sib turuvchi devorini yon qismi; 6 – rolikli g’ildirak;7 – rostlovchi domkrat; 8 – markaziy tayanch ustun-tirgak; 9 – orqa panel; 10 – tirgak. Ikki seksiyali tunnel standart shchitli qolip “Utinor” asosida yaratilgan (18.6- rasm). Vertikal panellar xuddi devor qoliplaridagidek, 3 mm qalinlikdagi metall list konstruksiyalariga ega. 1,25 va 2,5 m uzunlikdagi har bir standart panel balandlik bo’yicha sathga ko’tarib qo’yish uchun ikkita vintli domkratlar va ikkita rolikli g’ildiraklar bilan jihozlangan. Alohida tunnellar biriktirilib, uzunligi 3,75 dan 12,5 m gacha bo’lgan bitta element holatiga keltirilishi mumkin, bunda qolipni ko’chirish esa yirik modullab amalga oshiriladi. Vertikal panel beton qorishmasi bosimini qabul qiladigan fermaga ega emas, shuning uchun tunnelning uchta sathida qadami 1,25 m dan iborat bo’lgan vintli tortqilar yordamida mahkamlash ko’zda tutilgan.

“Yuzma-yuz” o’rnatiladigan qo’shni tunnellarning vertikal panellarida shchitlarni uchinchi (shchitlarni yuqorigi va past qismidagi ikkitadan tashqari) biriktiruvchi vintli tortqilar bilan tortib qo’yish uchun tuynuk nazarda tutilgan. Tunnelning standart balandligi 2,43 m ga teng, bu esa betonlash balandligi bo’yicha balandligi 2,52 m bo’lgan devor shchitlariga mos keladi. 3 mm qalinlikdagi metall listlardan tayyorlangan gorizontal panellar bikirlik elementlari bilan kuchlantirilgan. Ikki vertikal va gorizontal panellar o’zaro tirqishlari orqali tutashtirilib, boltlar yordamida tortib qo’yiladi. Tutashtiruvchi qulf, bu ikkita (bittasi yonlama yoriqli) qator qilib parmalab teshilgan shtampovkalangan po’lat plastinadir. Boltlar bilan tortilib qisilgan plastina ikkita yarim tunnellarni bir butun qilib, ikkita elementni to’g’ri tutashtirlishini hamda qolipni ko’chirish uchun zarur oraliq masofani ta’minlaydi. Suriladigan tirgaklar balandligi bo’yicha joyi o’zgartiriladigan tishli vintli tortqilar bilan rostlanadi, bu esa panelni to’g’ri burchak ostida chiqarib olish va qavariqlik strelasini rostlash imkonini beradi. Har bir yarim seksiya rolikli g’ildirakli hassalar bilan jihozlangan, qaysikim ostki sharnirli tyaga va rolik g’ildirakli vertikal shchitlar bilan birgalikda qolipni ko’chirish g’ildirakli aravachasini hosil qilib, shuningdek, bir vaqtning o’zida birinchi yarim tunnelni qolipini ajratish paytida paytida plitaning tirgak-ustun vazifasini ham o’taydi. (7- rasm). Qolipni o’rnatish va betonlash jarayonida sharnirli mahkamlangan kostil qolipning vertikal paneli tomon qayriladi. Tunnel hosil qiladigan panel aniq o’lchamlarga ega bo’lib, bu esa devor sokolini yuqori aniqlikdagi holatda quyilishini ta’minlaydi. Sokol qolipdan avval pastki orayopmada foydalaniladi, keyin yo’naltiruvchi shablon yordamida tunnelni vertikal paneliga o’rnatiladi, shunday qilib, sokol betonlanadigan devorning davomi vazifasini bajaradi. Sokol orayopma plitasi bilan bir vaqtda betonlanadi, bu keyingi qavat devorlari o’lchamlarini qo’shimcha to’g’rilashlarsiz aniq belgilaydi.

7-rasm. “Utinor” firmasi yarim tunnelining konstruktiv yechimi: 1 – vertikal panel; 2 – gorizontal panel; 3 – yordamchi-qo’shicha panel; 4 – suriladigan panel; 5 – sharnirli tirgak; 6 – burchakli tirgovich; 7 – yarim tunnelni chiqarma konsolga surish rolikli g’ildiragi. Tunnelni oralig’i gorizontal panellar orasiga qo’shimcha qo’yiladigan elementlar hisobiga kengaytirilishi mumkin. Bu qo’shimcha qo’yiladigan elementlar rostlanadigan stabilizator bilan jihozlanadi va u yarim tunnelga montaj qilingan holda qoldiriladi. Ayrim hollarda uzun tor oraliqlarni betonlashda qolip ko’chirilganda yig’ilgan ko’rinishda qoladigan tunnel qoliplardan foydalanish maqsadga muvofiqdir. Buning uchun tunnel yarim seksiyalari shatun va tortqi bilan jihozlanadi. Qolipni ko’chirish tirgak va tortqilarni qisqartirish evaziga amalga oshiriladi, shu bilan birgalikda yon devor qoliplari markaz tomon tortiladi. Bitta yarim seksiya yonidagisiga nisbatan pastga tushiriladi va uni ichkari tomonga bir necha santimetrga burab qo’yiladi. Vertikal shchitlarni bunday yaqinlashtirish va

gorizontal shchitni domkratlar yordamida tushirish natijasida tunnel qolipning butun perimetri bo’ylab tirqish paydo bo’ladi, bu esa tunnelni oraliq bo’ylamasi bo’yicha siljishiga yetarli bo’ladi. Ba’zan ichki ko’nadalang devorlarni ham bir vaqtda betonlash zarur, bunday holatda tunnel qolipning yon tomonida orqa panel montaj qilinadi. U o’yiq joyi (paz)da birlashtirilgan, tutashtiruvchi qulf yordamida tunnel qolipga mahkamlangan ikkita elementlardan yig’iladi. Bu panellar sathga ko’tarib o’rnatuvchi domkratlar va rolikli g’ildiraklar bilan jihozlangan. Tunnelning vertikal panellari bilan birlashtirilishi, xuddi devor qoliplarini burchaklik birlashtirishdek amalga oshiriladi. SHunday qilib devor qolipining bir tomoni shakllanadi. Devor qolipining ikkinchi tomoni esa mayda shchitli qolip elementlaridan yig’iladi. Bu ikki panel qoliplarini o’zaro tutashtirish vintli tortqilar bilan bajariladi. Yarim seksiyalarni qolipdan ajratish tayanch domkratlarni pastga tushirish yo’li bilan bajariladi, bunda, ya’ni domkrat tirgaklarini tushirish natijasida gorizontal panellar betonlangan orayopmadan ajraladi. Tunnel seksiyalarni ko’chirish navbatma-navbat yarim seksiyalarni g’ildiratish yo’li bilan qolipdan ajratib so’ri maydonchaga keltirish bilan amalga oshiriladi (8-rasm), bunda bitta yarim seksiya demontaj qilingach, ikkinchi yarim seksiyani demontajidan avval orayopmani yarim seksiyalarini biriktirish o’qlari bo’yicha oraliqning markazida tayanch ustunga tirab qo’yiladi, holbuki, beton zarur mustahkamligini olishi kerak. So’ri-maydonchada ajratilgan qolipni vertikal sirtiga moy surkaladi, keyin yarim tunnel yangi qamrov (ish o’rni) ga qayta o’rnatiladi. Ajratilgan qolipni so’rimaydonchasi qolipni tozalash va moylashga qulay sharoit yaratish uchun mo’ljallangan hamda ishchilarning erkin va xavf-xatarsiz harakatini ta’minlaydi, shuning uchun ham himoya to’rlari bilan jihozlangan. Betonlangan yacheykadan tunnel qolipni chiqarib olishda g’ildirab chiqatiladigan platformadan foydalaniladi. Ularni pol va orayopma orasiga o’rnatiladi, qurilish ishlarining jadalligiga qarab yangi joyda kran yordamida montaj qilinadi va qayta montaj qilinadi. Binoning bir tomonidan tunnelni chiqarib

olinsa, qarama-qarshi tomonida ishchilarni bir yacheykadan boshqasiga xavfxatarsiz xarakatlanishini ta’minlash uchun so’ri-maydonchani montaj qilinadi. Tunnel qoliplari o’lchamlarining yuqori aniqlikdaligi betonlangan va qolipi ko’chirilgan yuzalarni pardozlashni mexanizatsiyalashtirish imkonini beradi. Ikki seksiyali qolip bilan ishlash uchun juda oz ishchilar talab qilinadi. Bir xildagi operatsiyalarning takrorlanishi evaziga texnologik jarayonlarni oson o’rganish mumkin, buning ustiga og’ir qo’l mehnatining hissasi ham oz. 8-rasm. “Utinor” firmasining teleskopik oyoqli qolipni ajratish so’ri- maydonchasi: 1 – betonlangan orayopma; 2 – ikkita blokdan tashkil topgan tunnel qolip bog’lovchi; 3 – uchburchakli montaj traversasi; 4 – himoya to’sig’i; 5 – qolipni ajratish so’ri-maydonchasi; 6 – vaqtinchalik oraliq tirgak-ustun. Bir seksiyali taxlama tunnel qolip. Bunday ko’rinishdagi tunnel qoliplarni ishlab chiqarishdan maqsad, barcha rostlash (to’g’rilash) operatsiyalarini mexanizatsiyalash evaziga qo’l mehnati hissasini kelgusida

qisqartirishdan iboratdir. Umuman olganda, bu qolipdan foydalanish shunga asoslangan gorizontal panelning elastik deformatsiyasi qiymati hisobiga vertikal panelni qolipdan ko’chirish imkoniyatiga yaqinlashtirishdir. Qalinligi 3 mm bo’lgan metall list bilan qoplangan vertikal shchitlar vertikal va gorizontal qirralari (qobirg’a) bo’yicha bikirlikka ega, bunday bikir struktura vertikal shchitni yon qo’shni shchitlar bilan mahkamlashda balandligi bo’yicha o’rnatilgan ikkita vintli tortqi bilan chegaralanishga imkoniyat beradi. Shchitlarning yuqorigi bikir qobirg’asiga gorizontal yarim to’sin mahkamlanadi, qaysikim, u o’z navbatida o’zaro sharnirlar yordamida biriktirilgan bo’lib, tunnel bo’ylama o’qi bo’yicha to’g’rilangan. Tunnelni butun oralig’i bo’yicha yopgan qolipning gorizontal paneli tirgaklarga emas, shu yarim to’sinlarga tayanadi. Gorizontal panel vertikal panellar bilan paz (o’yiq)larida tutashtiriladi va muayyan holatda boltlar bilan mahkamlanadi. Bu holatda u betonlashda va beton boshlang’ich mustahkamligini olgunicha turadi. Qolipni ajratishda ikki gorizontal yarim to’sinlarni tutashtiruvchi markaziy sharnir tirgaklarni cho’zilishi ta’sirida tushiriladi, bu vaqtda gorizontal shchitda sinusoidal deformatsiya ro’y beradi. Vertikal shchitlar ham o’zaro shatundagi tortqilar bilan birlashtirilgan, shuningdek, qolipni ajratuvchi va kerakli sathga ko’taruvchi rolik hamda rolikli g’ildirak bilan jihozlangan. Bir seksiyali tunnel qolip gidravlik uzatma orqali avtomatik ravishda qoliplash jarayonlarini bajarish uchun ish holatiga keltiriladi. Qolipdan ajratish jarayoni ham bitta umumiy elektrik nasos bilan boshqariladigan, bir vaqtda ishlaydigan domkratlar yordamida avtomatik ravishda amalga oshiriladi. Domkratlar bir vaqtning o’zida tirgaklarni shatunlariga, tortqilarga va ko’taruvchi roliklarni halqalariga ta’sir etuvchi qattiq val orqali harakatga keladi. Oralig’i 6 m va uzunligi 5 m bo’lgan tunnellar uchun tunnelning har bir tomonidagi hamma to’rtta tirgaklarni va ikkita tortqi hamda to’rtta ko’taruvchi qurilmalarni harakatga keltirish uchun ikkita (har tomoniga bittadan) gidravlik domkrat yetarli. Seksiyalarni bitta qolip to’plamida birlashtirish faqat ajratilgan holatdagina bajariladi. Ketma-ket quyidagi operatsiyalar bajariladi: • kerakli uzunlikdagi tirgak va tortqilar vintli domkratlar yordamida

o’rnatiladi; • qolip kerakli balandlikka domkratlar yordamida chiqariladi; • gorizontal shchitni qoliplash sirti gorizontal yarim to’sinlar orasida joylashgan zulfin qurilma bilan tortiladi. Tunnel qolip rolikli g’ildirakda yoki maxsus rulda boshqariladigan qurilma yordamida suriladi. Taxlama tunnel qolip ortki panel va sharnirga qo’yilgan qo’shimcha chiqarma bilan jihozlanishi mumkin. Shu konstruksiyaning devor shchiti yoki tunnelni vertikal paneli yordamida binoning yon tomonidagi va fasadidagi tashqi devorni, shuningdek, lift shaxtasi devorini ham bir vaqtda betonlash mumkin. Tunnel qolip betonlangan yacheykadan stroplarga yoki balansirga ilintirib chiqarib olinadi. Tunnel qolip kichik o’lchamli tashqi vibrator (titratkich)lar va inventar isitish qurilmalari bilan jihozlanishi mumkin, bu esa har qanday ob-havo sharoitida beton ishlarini bajarishga imkon yaratadi. Tunnel inshootini mexanik yoki noto’liq avtomatlashtirilgan variantda barpo etish ko’p qo’l mehnatini talab qiladi. Bunday hollarda, tunnel qolipni ajratishdagi ko’tarish va tushirish jarayonlari vertikal panelning asosiga o’rnatilgan dastaki vintli domkratlar yordamida amalga oshiriladi. Modulli tunnel qolip. Ikki seksiyali bunday turdagi tunnel qoliplarni qo’llash, galma-gal keladigan har-xil o’lchamli oraliqlarni betonlash mumkin bo’lgan qurilish maydonlarida maqsadga muvofiq bo’ladi. Qolipning gorizontal panellari gidravlik qurilmalar yordamida suriladi va unga qo’lda o’rnatiladigan qo’shimcha ulanmalar qo’shiladi. Tunnel yarim seksiyalarining turg’unligi rolikli g’ildirakli qiya tirgovichlardan foydalanish hisobiga bo’lib, qolip bo’yicha surilishida, betonlashda va beton qorishmasini zichlashda yetarli mustahkamlik va bikirlikni ta’minlashga imkon yaratadi. Tunnel qolipdan yil davomida, ob-havosi og’ir sharoitlar va tashqi harorat -30 0 C bo’lganda ham, muvaffaqiyatli foydalanish mumkin. Metall qolipni ikkala ko’ndalang yon tomonini maxsus issiqlikni himoyalovchi to’siq (parda)cha yopib yoki tunnelni izolyatsiyalab ichini issiqlik generatorlari bilan isitish mumkin, qaysikim qolipning metalli a’lo darajada issiqlikni o’tkazadi. Solyar moyidan qish mavsumida betonni isitish va yozda

betonning jadal ravishda qotishi uchun foydalanish elektr energiya sarfini tejaydi va beton strukturasini yaxshilaydi.

Adabiyotlar : 1. Bozorboy е v N. Bino va inshootlarni barpo etish t е xnologiyasi. I-qism. o’quv qo’llanma Toshk е nt, 2000. 2. Bozorboy е v N., Sobirov M. Bino va inshootlarni barpo etish t е xnologiyasi. II-qism. o’quv qo’llanma Toshkеnt, 2000. 3. Технология возведения зданий и сооружений: Учеб. для строит, вузов/ В.И. Теличенко, О.М. Терентьев, А.А. Лапидус— 2-е изд., перераб. и доп.— М.: Высш. шк., 2004. — 446 с; ил. 4. Технология строительного производства. Учебник, (С.С. Атаев, Н.Н. Данилов, Б.В.Прыкин и др.) М., Стройиздат, 1994. 5. Технология строительного производства (О.О.Литвинов и др.) Киев, Высшая школа. 1995. 6. Хамзин С. К., Карасев А. К. Технология строительного производства. Курсовое и дипломное проектирование. Учеб. пособие для строит, спец. вузов. — М.: ООО ≪ БАСТЕТ ≫ , 2006. - 216 с.: ил 7. Бозорбоев Н., Бозорбоев Ф. Бино ва иншоотларнинг ер остки қисмини барпо этиш технологияси. Ўқув қўлланма. Тошкент, 2003. 8. Швиденко В.И. Монтаж строительных конструкций. Уч. пос. М., Выс. школа, 1987. 9. Матвеев Е.П. Реконструкция жилых и гражданских зданий.— М.: ГУЛ ЦПП, 1999. Справочник строителя. Бетонные и железобетонные работы.— М.: Стройиздат, 1987.

O'xshashlar

Binolarni vertikal ko’chiriladigan qoliplarda barpo etish

Ajratib− qayta o’rnatiladigan qoliplarda binolarni barpo etish

G’isht devorli binolarni barpo etish

O’ta baland binolarni barpo etish

Yirik panelli binolarni barpo etish