Классицизм адабиёти - Adabiyot - Referatlar

Классицизм адабиёти

Yuklangan vaqt:

20.09.2019

Ko'chirishlar soni:

0

Hajmi:

44 KB

Ko'chirib olish

Классицизм адабиёти Режа: 1. Европада XVII - XVIII аср адабиётининг тараққиёт хусусиятлари. 2. XVII - XVIII аср инглиз адабиёти. 3. XVII - XVIII аср француз адабиёти.

XVII асрнинг 20-30- йилларида Англияда синфий кураш кескинлашган, феодал-абсолют ҳокимият мамлакатнинг бундан сўнгги ривожланишига ғов бўлиб колган эди. Инглиз буржуазияси «янги дворянлик» билан иттифок тузиб, абсолютизмга қарши кураш олиб боради. Бу революцион курашда «жанговар армия дехконлар» эди. Лекин улар бу революцпядан манфаат кўрмайдилар. «Қўлга киргизилган галабадан сўнг,- деб ёзди Ф. Экгельс,- ғалабанинг иқтисодий окибатлари орқасида мукаррар хонавайрон бўладиган синф ҳам худди шу деҳқонлар бўлди». Ерга феодал мулкчилик тугатилгач, ер дехконларга эмас, балки янги дворянликка ўтиб кетди. Буржуалашган дворянлар чорвачиликнинг асосий тури кўйчиликни ривожлантириб, саноатни хом ашё - жун билан таъминлай бошлади. Инглиз буржуа революциясининг ўзига хос хусусияти шундаки, у 1688 йилда юзага келган буржуазия билан. дворянлик ўртасидаги келишувчилик билан тугади. Францияда буржуа революцияси эса феодализм хамда унинг идора усули ва конунларини бекор килиб юборади. «Англияда революциядан аввалги муассасаларнинг ишлари резолюциядан кейинги муассасалар томонидан давом эттирилганлиги хамда катта ер эгалари билан капиталистларнинг ўзаро-муроса қилганлиги суд расмиятларини эскича давом эттиришда ва феодализмга хос бўлган хукук формаларини хурмат ва иззат билан сақлаб колишда ифода этилди». XVII асрнинг 60-йилларида юз берган Стюартлар реставрацияси прогрессив адабиётдаги кучларни феодал реакциясига қарши курашга отлантиради. Бу вақтда Бетлар «Гудирас», Мильтон «Йўкотилган жаннат» поэмалари ва «Самсон-курашчи» трагедиясини, Бэньян «Зиёратчининг сафари» номли асарини яратадилар. 1688 йилдаги келишувчиликдан сўнг буржуазия юзидаги никобини олиб ташлайди. Феодал зулми ўрнини капиталистик эксплуатация эгаллайди. Шунинг учун хам бу вактда яшаган ҳар бир илғор ёзувчи ўрта асрчилик ва реставрацияга нафратини ифодалаш билан чекланмай, «буржуа нуқсонлари жуда авж олиб» кетган, ақча ҳукмронлигини туғдирган даврни хам қаттиқ фош этади.

Инглиз революцияси арафасида, шунингдек, реставрация йилларида яшаган прогрессив ёзувчилар, уйғонишдаврииинг улуг мутафаккирлари, жумладан, титан ёзувчи Шекспир ижодий традицияларини давом эттирадилар. Улар Бэкондан хам маънавий озиқ оладилар. XVII асрнинг 30-40-йилларида революцион ҳаракат кучайиб, республика ўрнатиш учун кураш кескинлашган вактда илғор ёзувчилар феодал монархиясига қарши қуролли кўзғолонга чақирадилар. Бу Мильтоннинг публицистикаси, Лильберн ва Уинстенлининг памфлетида очик ифодаланади. Маркс XVII аср инглиз буржуа революцияси билан тугаган кейинги йиллардаги сиёсий воқеаларнинг мохиятини очиб, шундай деган эди: «1648 ва 1789 йиллардаги революциялар Англия ва Франция революциялари бўлмай, балки Европа микёсидаги революциялар эди. Улар жамиятдаги муайян бир синфнинг эски сиёсий тузум устидан эришган ғалабаси эмас эди, улар Европадаги янги жамият учун сиёсий тузум эълон қилдилар. Бу революцияларда буржуазия ғалаба килди; лекин буржуазиянинг бу ғалабаси ўша вақтда янги ижтимоий тузумнинг ғалаба килганлигини, буржуа мулкчилигининг феодал мулкчилик устидан, миллатнинг провинционализм устидан, конкуренциянинг цехчилик тузуми устидан, мулкни таксим қилиш тартибининг майорат устидан, ернинг мулкдорга қарамлигининг мулкдорнинг ерга карамлиги устидаи, маърифатнинг хурофот устидан, оиланинг номи насаб устидан, саноатнинг қаҳрамонона ялқовлик устидан, буржуа хуқукининг ўрта асрчилик имтиёзлари устидан ғалаба қилганлигини билдирар эди». Шу даврда яшаган йирик ёзувчилардан бири драматург Бенжамин Жонсон (1573 - 1637) абсолют ҳокимият реакциясига қарши курашувчи сифатида майдонга чиқди. «Сеян: унинг емирилиши» (1603), «Катилина: унинг исёни» (1611) трагедияларида Жонсон Рим тарихидан материал олиб, монархияга қарши республикачилик ғояларини илгари сурди. У «Вольпоне» (1607), «Эписин ёки индамас хотин» (1609), «Алхимик» (1610), «Авлиё Варфоломей кунидаги ярмарка» (1614)

комедияларида инглиз ҳукмрон доираларининг сатирик образларини яратди. XVII асрнинг 40-50- йилларида сиёсий- кураш давом этаётган бир даврда демократик рухдаги кучли публицистлар Жон Лильберн (1618-1657) ва Жерарда Уинстенли (1609-1652) етишиб чиқадилар. XVII асрнинг 60-70- йилларидаги реставрация даври ва чириган аристократия маданиятини қаттиқ танкид қилган ёзувчилар Мильтон ва Бэньян бўлдилар. Жон Бэньян (1628-1688) реставрация даврининг бутун ярамасликларини ўз кўзи билан кўрган кишидир. У «Зиёратчининг сафари» (1678) повестида сохта шухрат шаҳрининг зикна, нодон ва қўркок кишилари орқали юқори гуруҳ вакилларини коралади. Жон Бэньян «Мистер Бэдменнинг ҳаёти ва ўлими» (1680) повестида буржуа типи - «тентак киши»ни танкид килди. «Мукаддас уруш» (1681) повестида 40-йиллардаги гражданлар урушини, революцион армиянинг феодал-абсолют монархияси армияси усткдан козонган ғалабасини акс эттирди. Француз адабиёти. XVI асрда францияда феодал зулмига қарши социал курашлар кучаяди. Бироқ феодал зодагонлар оппозициячи кучлар ўртасидаги зиддиятлардан фойдаланиб, уларни таркатиб юбориш, бир гуруҳни иккинчисига қарши қўйиш ва мамлакатда диний жанжаллар чиқариш билан ўз мавқеини сақлаб ко.лишга эришади. XVI аср охирида тахтга чиққан Генрих IV даврида қироллик ҳукумати фитначи феодалларни бостириш ва марказлашган хокимият ўрнатиш учун кўп ҳаракат қилади. Людовик XIII даври (XVII асрнинг биринчи ярми)да давлатни бошқариш ишида бевосита қатнашган кардинал Ришелье монархия тузумини мустахкамлаб, провинцияларни марказга бўйсундиради. Маданий хаёт сохасида ҳам ягона назорат ўрнатади. Ришелье савдо-саноатни ривожлантиришга эътибор беради, доимий армия ва флот тузади, халқ оғир соликлар остида эзилади. Бу нарса катор дехкон қўзғолонларини келтириб чикаради. Людовик XIII вафот этгандан сўнг, унинг балоғатга етмаган ўғли Людовик XIV давлат тепасига чиқади. Лекин давлат ишини кардинал Мазарин ўз қўлига олади. Бу вазиятдан фойдаланиб, тарихда фронди номи

билан аталадиган дворян оппозицияси бош кўтаради, у халқ норозилигидан фойдаланиб, ҳукуматга қарши 4 йил (1648-1652) уруш олиб боради. Бу ҳаракат бошлиқларининг халқ манфаатига зид уринишларини сезган камбағал тоифа ундан четлашади. Мазарин ўлганидан сўнг, йигирма уч ёшли Людовик XIV нингўзи давлатни мустақил идора қила бошлайди. Людовик XIV ҳукмронлигининг биринчи даври фронди фитнасини бостириш, абсолют ҳокимиятни мустаҳкамлаш билан тугалланса, иккинчи даврида қироллик ҳукумати тушкунликка учрайди. Бу кризис Людовик XIV олиб борган урушлар муваффакиятсизликка учраши, Генрих IV томонидан гугенотларга берилган диний эътикод эркинлиги хақидаги фармоннинг бекор қилиниши билан характерланади. Натижада жуда кўп гугенотлар (хунарманд ва савдогарлар) мамлакатни ташлаб кетадилар, оғир соликлар эса дехконларни хонавайрон этади. XVII аср давомида монархия дворян ва буржуа гуруҳларига таянгани холда, бир тарафдан, кенг халқ оммасининг феодализмга қарши ҳаракатларини бостирса, иккинчи томондан, аристократия реакциясига қарши кураш олиб борди. Бу вақтда буржуазия хам ўз мавкеини мустаҳкамлаб олиш учун кучли қироллик ҳукумати химоясига мухтож эди. Мамлакат хаётидаги ижтимоий воқеалар, абсолют монархия ва диний муассасаларнинг фаолияти адабиёт ва санъатга ўз таъсирини ўтказди. XVII аср француз адабиёти ва санъатида классицизм стили ўз тарақкиётининг энг юқори чўккисига кўтарилади. Классицизм феодал тарқоклиги ўрнига келган мустахкамланиб борувчи ва қаттиқ конун асосида иш тутаётган абсолют хокимиятнинг расмий адабий стили эди. Абсолютизм тартибларини ўрнатувчилардан Ришелье адабиётда ҳам катъий формаларга эътибор этиш талабини кўяди. У ёзувчиларнинг адабий коидаларга риоя қилишлари устидан назорат олиб бориш вазифасини француз академиясига юклайди. Бу академия тилни хам давлатга бўйсундириши ва ягона француз тили луғатини тузиб чикиши керак эди.

Францияда классицизмнинг ривожланишига сабаб бўлган иккинчи омил ўша даврнинг йирик мутафаккирлари Декарт билан Гассенди философиясининг таъсири эди. Декартнинг рационалистик философияси, айниқса Гассендининг материалистик карашлари классицизм адабиётининг мухим белгисига айланади. Декарт ўз кузатишлари орқали дунёнинг моддийлигига иқрор бўлса-да, лекин у ўрта аср диний таълимоти таъсиридан бутунлай қутула олмайди. Шунга қарамасдан, у диний-схоластикани рад этиб, фаннинг эркинлиги учун йўл очиб берди. Декартнинг рационализми шундан иборат эдики, у ҳақиқатни тажрибадан, моддий дунёдан эмас, балки ақл-идрокдан кидирди. Унингча, идрок - ҳақиқатнинг ягона ўлчови. Классицизм назариячилари ақл- идрок кучига қаттиқ ишонадилар ва ўз карашларини шунга асослайдилар. Француз классицизмининг дастлабки вакили шоир Малерб (1555-1628) хамма нарса ақл-идрокка асосланиши керак, феодал ўзбошимчаликлар сиёсий ҳаётда давлат ишига путур етказгани каби, санъатда хам эмоцияли анархия ёзувчининг фикрини бузади, асарининг мақсад аниқлиги ва композицион бутунлигини йўққа чиқаради, деб санъаткорни ақл амрига бўйсунишга чақиради. Унинг назарияси ҳукумат сиёсатига мос эди, чунки «ақл ҳукм»и юқори доирада, саройда ишлаб чикилган эди. Малерб сарой шоири сифатида ўз одаларида қирол (Генрих 1У)нинг мутлақ ҳокимияти ва унинг сиёсатини мадх этди. Феодал тарқоқликни коралаб, инсон ақли ва унинг иродасига ишонч билан қаради.

Адабиётлар: 1. Аристотель. Поэтика. Тошкент, Адабиёт ва санъат, 1980. 2. Алимуҳаммедов А. Антик адабиёт тарихи. Тошкент, Ўқитувчи, 1975. 3. Азизов Қ., Қаюмов О. Чет эл адабиёти тарихи. Тошкент, Ўқитувчи, 1987. 4. Алексеев М.П. и др. История зарубежной литератур ы (средние века и возрождения). Москва, Высшая школа, 1987. ц 5. Артаманов С.Д. История зарубежной литературы XVII-XVIII в.в. Москва, Просвещения, 1978.

O'xshashlar

Волгабуйи халклари адабиёти. Татар адабиёти

Озарбайжон адабиёти

Қозоқ адабиёти

Қорақалпоқ адабиёти

Тожик адабиёти