8-mart xotin-qizlar bayrami - Adabiyot - Referatlar

8-mart xotin-qizlar bayrami

Yuklangan vaqt:

20.09.2019

Ko'chirishlar soni:

0

Hajmi:

297.19140625 KB

Ko'chirib olish

8-mart xotin-qizlar bayrami Ayollarni, qizlarni bahorga qiyoslashadi, bahorni ularga. Go`zallik, nafosat, yangilanish, hayot davomiyligi bahor va ayol tushunchalarida uyg`unlashib ketadi. 8-mart Xotin-qizlar bayrami go`zal va betakror yurtimizga bahor nafasi kirib kelganidan darak beradi. Ayol azaldan mehr-shafqat va sadoqat timsoli bo`lib kelgan. Ayol deganda ko`z o`ngimizda avvalo, ulug` va tabarruk ona siymosi gavdalanadi. Inson zoti borki, olamdagi barcha yaxshilik va ezguliklarni, hayot siru-asrorlari va saboqlarini onaning mehru-sahovati tufayli o`rganadi. Ayol borki, olam munavvar, ayol borki, hayot go`zal va maftunkor. Inson, oila, ayol tushunchalarini bir-biridan ajralgan holda tasavvur etib bo`lmaydi. Oilani ham, jamiyatimizni ham birlashtirib, unga fayzu barokot kiritadigan xonadonlarimizni mehr-muhabbat, nafosat, ezgulik nuri bilan munavvar qiladigan zotlar ham aslida mo`'tabar onalarimiz, munis opa- singillarimizdir. Chindan ham, ayolllarimizning oilada tutgan o`rni beqiyos. Oqila, go`zal ayollar o`zlarining g`amxo`rligi, mehribonligi, qalbi daryoligi bilan oiladagi, qolaversa, butun jamiyatdagi muvozanatni, poklik, halollik, samimiyat va adolat muhitini saqlab turadilar. Ulug` donishmandlar Vatanga eng munosib ta'rif izlaganda, uni Ona siymosiga qiyos etganlarida katta ma'no bor. Dunyoda "muqaddas" degan so`zga eng munosib zot ham - Onadir. Onani e'zozlash - bizning millatimiz, xalqimiz uchun oliy qadriyat darajasiga ko`tarilgan fazilat. Chunki ayollarni qancha ulug`lasak, hayotimizning chirog`i, umrimizning guli deb e'zozlasak, demakki, oilamizni, Vatanimizni e'zozlagan bo`lamiz.

O`zbekiston xalq shoiri, O`zbekiston qahramoni A.Oripov aytganidek: Bu yorug` olamda Vatan bittadir, Bittadir dunyoda Ona degan nom Sharqda ayolni farishtaga qiyos qilishadi. Chunki farishtalar Alloh taolo yaratgan eng pok, eng begunoh zotlardir. Xalqimizning buyuk tarixida o`zining jasorat va matonati, aql-zakovati, nafosat va nazokati bilan o`chmas nom qoldirgan. To`maris, Bibixonim, Gulbadanbegim, Zebuniso, Nodira, Uvaysiy, Anbar Otin, va boshqa yuzlab ayollarimizni hamisha ehtirom bilan tilga olamiz. Ulug` momolarimizga xos bo`lgan olijanob fazilatlar bugun ham muhtaram ayollarimiz siymosida davom etib kelmoqda. Ayollarga bo`lgan cheksiz hurmat-ehtiromimizning Yana bir sababi shundaki, ayol avvalo har bir insonning beshigini tebratadigan, oq suti bilan uning yuragiga odamiylik fazilatlarini singdiradigan, uni hayot bo`ronlaridan asrab-avaylaydigan fidoiy insondir. Hadislarda "Ayollarni ulug` odamlar hurmat qiladi. Ularni faqat pastkash odam xo`rlaydi" deb bejizga aytilmagan. Ayollarni izzat-ikrom qilish ota-bobolarimizdan qolgan muqaddas udumdir. Mamlakatimizda olib borilayotgan islohotlar ham xalqimiz, avvalo, opa- singillarimiz, munis onaxonlarimiz turmushi farovonligini yanada yuksaltirishga qaratilgandir. Onalik va bolalikni himoyalash, barkamol avlodni voyaga yetkazish, oila va mahalladagi ahillik, hamjihatlikni mustahkamlash davlatimiz siyosatining ustuvor yo`nalishlaridandir. Dunyoda har qanday kuch onaning mehru-muhabbatidan zaifrohdir. Uning farzandiga bo`lgan mehri naqadar beg`ubor. Onaning mehri quyoshdek issiq, beminnat va musaffodir. Uning farzandlari uchun qilgan xizmatlarini hech narsa bilan tenglashtirib bo`lmaydi. Ona o`z farzandiga hayot va insoniylik fazilatlarini baxsh euvchi chashmadir.

Farzand esa xuddi shu chashmadan go`zallikni, ezgulikni, olijanoblik va komillikni o`ziga singdirib oladi. Buyuk bir zot: "har bir xotunning aqlini o`lchamohchi bo`lsangiz, uning qo`l ostidagi bolalariga boqing", degan ekan. Onaga hamisha mehru-oqibat, ezgulikni ravo ko`rgan bolalar hayotda, albatta baxtli va saodatli bo`ladilar. Ular bahorga ham, tongga ham go`zallikni ulashgan onalarning quyoshga qiyos mehr taftlaridan doimo bahra olib, ko`nglini obod qiladilar. Maktablarda, ARMlarda 8- mart Xalqaro xotin-qizlar bayramiga oid ochiq dars, kitob ko`rgazmasi, adabiy kechalar, davra suhbatlari o`tkazish mumkin. Kitob ko`rgazmasini tashkil etish uchun "Ayol bilan olam munavvar", "Ona hayotning guli", "Ayolni ulug`lamoq - oilani, Vatanni, hayotni ulug`lamoq demakdir", "Onaning bir qo`li beshikni, ikkinchisi dunyoni tebratar", kabi sarlavhalardan foydalanish, unga adabiyotimizda qalam tebratayotgan ayol shoiralarimiz yozgan kitoblari, yozuvchilarni ayollarni madh etib yozgan kitoblaridan, jurnal va ro`znomalarda berilgan maqolalardan, rasmli plakatlardan foydalanish mumkin. Ko`rgazmada ulug` allomalarimizni ayollar, onalar haqida etgan hikmatli so`zlari, Prezidentimiz risolalarida berilgan sitatalardan yozib qo`yishni tavsiya etam Inisiga dedi bir so`zki gavhar: "Onang ta'zimida bo`l, ey birodar." Musiqiy adabiy kecha ssenariysi. Kecha o`tkaziladigan zal chiroyli gullar, sharlar va rasmli plakatlar bilan bezatiladi. Kechaga oid kitob ko`rgazmasi, ayollar haqida aytilgan sitatalar yozib qo`yiladi. Belgilangan vaqtga o`quvchilarning ota-onalari va taklif qilingan mehmonlar tashrif buyurishadi.

Boshlovchi: Assalomu alaykum aziz mehmonlar, hamkasblar va o`quvchilar! Bugun o`lkamizda ulug` bayram. Ko`klam oftobining zarrin nurlaridan bahra olib, yam-yashil maysalar, zaminimizga fasli navbahor keldi. Fasllar kelinchagi bo`lmish bahorni kimdir uyhonish, go`zallik fasli desa, yana kimdir yosharish fasli deb ataydi. Bahor kelishi bilan ro`yi- zamin kamalak tusiga kiradi. Hammaning yuzida tabassum, labida kulgu! Yurtimizga hammani diliga quvonch bag`ishlagan 8 mart Xalqaro xotin-qizlar bayrami kirib keldi. Shu munosabat bilan biz onajonlarimizni, opa-singillarimizni hamisha ezgulik va shafqat, mehr-oqibat va sadoqat timsoli bo`lgan siz, azizlarni bugungi go`zallik va nafosat bayrami bilan chin dilimizdan tabriklaymiz. " Jannat onalar oyog`i ostidadir" deb nomlangan musiqiy adabiy kechamizni tomosha qilishga taklif etamiz. O`quvchilar ijrosida "Onajoning rozi qil " qo`shig`i (yoki magnitafon tasmasiga yozib olingan) qo`shiq yangraydi. Boshlovchi: Aziz onajonlar va kechamiz mehmonlari biz sizlarni o`zimizning chuqur sevgimiz, hurmatimiz va cheksiz ehtiromimizni izhor etish uchun taklif qilganmiz. Farzand ona uchun eng aziz ne'mat, onaning baxtiyorligi farzandi kamoli, baxtini ko`rishdadir. Ona farzandining birinchi o`qituvchisi, do`sti, eng yaqin kishisi hisoblanadi. Ular farzandlarini har qanday sharoitda to`g`ri tushunib, qiyin vaziyatlardan ularni himoya qiladilar. Boshlovchi: Biz onalarimizdan bir umr qarzdormiz, chunki ona mehri bizga umrbod hamroh. Shuning uchun onalarni sevib, e'zozlab ardoqlang, o`zingizni qilmishlaringiz bilan ularni dilini og`ritmang. O`quvchilar ijrosida qo`shiq.. Boshlovchi: Onalarimizni o`rni nafaqat oilada, jamiyatdagi o`rinlari ham katta. Diyorimizda tavallud topib, o`zining ahloq-odoblari bilan barchaga namuna bo`lgan fozila, olima, shoira va davlat

rahbarlarigigacha ko`tarilgan ayollarimiz. Zebuniso, Uvaysiy Mahzuna, Anbar Otin, Nodirabegim, Zulfiya kabi momolarimiz bilan har qancha faxrlansak arziydi. Hozirgi kunda ham ayollar har sohada faoliyat yuritmoqdalar. Bunga misol qilib, "Mashhura" o`quv markazini asoschisi Mashhura opaga o`xshagan ayollarni olish mumkin. Ular o`quv markazlari tashkil qilib ayollarimizni, qizlarimizni turmush sharoitiga, hayotga moslashishida ko`maklashishadi. Boshqa sohalarda ham faoliyat ko`rsatayotgan ayollarimiz juda ham ko`p. Bulardan Rashidova Sayyora inson huquqlari himoyachisi, Dilbar G`ulomova, Tursunoy Sodiqova, balesmestr Bernora Qorieva, Kommuna Ismoilova, To`ti Yusupova, Dilbar Saidova, Yulduz Usmonovalar jamiyatimiz taraqqiyotini yuksalishida o`z qissalarini qo`shmohdalar. Shu bilan tashkillashtirgan kechamiz o`z nihoyasiga yetdi. Hammangizni yana bir bor bayram bilan qutlaymiz. Qalbingizdagi nafosat, amallaringizdagi sharqona ibo, or-nomus doimo chiroqdek bo`lib yo`llaringizni yoritaversin. Ezgu tilaklar hamisha yo`ldoshingiz bo`lsin.

O'xshashlar

Ertaklardagi alp qizlar

Hamza Hakimzoda Niyoziy (1889-1929)

O’zbek marosim folklori

Xalq qo'shiqlari

Qish