Niderlandiya inqilobi. 8- sinf - Tarix - Slaydlar (maktab darsliklari bo'yicha)

Niderlandiya inqilobi. 8- sinf

Yuklangan vaqt:

08.10.2019

Ko'chirishlar soni:

0

Hajmi:

2539.451171875 KB

Ko'chirib olish

Niderlandiya inqilobi 8-sinf Jahon tarixi darsligi asosida 8-mavzu

Niderlandiya haqida. Niderlandiya XVI asrda hozirgi Belgiya, Lyuksemburg, Gollandiya hududlaridan hamda Fransiyaning bir qismidan iborat bo'lgan.

Antverpen shahri (hozirgi Belgiyada) Niderlandiyaning iqtisodiy va savdo markazi edi. U, ayni paytda, jahon savdosining markazi ham bo'lgan. Antverpen Niderlandiyani daryo orqali Germaniya va Fransiya bilan, dengiz orqali esa Angliya hamda Skandinaviya mamlakatlari bilan bog'lar edi.

Qaramlikning oqibatlari. Ispaniya iqtisodiy jihatdan Niderlandiyaga qaraganda qoloq davlat edi. Biroq Ispaniya hamon harbiy qudratini saqlab kelardi. Ispaniya monarxiyasi bu yerda o'zining qoloq boshqaruv tartibini o'rnatdi.

Niderlandiyada «isloh qilingan din» (protestantlik) tarqala boshlagach, qirol yuqori diniy lavozimlarga ispanlarni tayinlay boshladi. Bu yerda ham inkvizitsiyani va qonli qonunlarni joriy etdi. Ommaviy qirg'inlar uyushtirdi.

Ispaniya zulmiga qarshi qo'zg'olon. Ispaniya qiroli Filipp II ning shafqatsiz siyosati niderland xalqining kuchayib borayotgan noroziligini to'xtata olmadi.

Bu harakatda aholining keng qatlamlari - burjuaziya, hunarmandlar, dehqonlar, savdogarlar va hatto dvoryanlarning bir qismi qatnashdi. Burjuaziya, ayni paytda, qo'zg'olonga rahbarlik qildi. Ispaniya zulmiga qarshi kurash 1566- yilda qo'zg'olonga aylandi.

Qo'zg'olonchilar qisqa vaqt ichida Ispaniya zulmining tayanchi bo'lgan cherkov va monastirlarni vayron qildilar. Katolik ruhoniylar va ispan amaldorlari quvib yuborildi.

Terror tartibining o'rnatilishi. Alba boshqaruv ishida terrorni, jallod qilichini va inkvizitsiyani qo'lladi. Qo'zg'olonni bostirish uchun Ispaniya qiroli Filipp II gersog Alba boshchiligida saralangan qo'shin yubordi. Alba Niderlandiya hukmdori etib tayinlandi. Alba Niderlandiya hukmdori

Gollandiya Respublikasining tashkil topishi. Ispaniya istalgan vaqtda shimolga qarshi yana hujum qilishi mumkin edi. Bunga qarshi tura olish uchun mamlakat shimolidagi viloyatlar 1579-yilda ittifoq tuzdilar. Bu ittifoq «Utrext uniyasi» deb ataldi.

Uniya a'zolari xuddi yagona viloyat kabi abadiy birlashishga va Ispaniyaga qarshi birgalikda ozodlik uchun kurashishga va'da berdilar. Ayni paytda Uniya Filipp II ni taxtdan tushirilgan, deb e'lon qildi.

Respublika o'z mustaqilligini Ispaniyaning tan olishi uchun uzoq vaqt kurash olib borishga majbur bo'ldi. Faqat 1609- yildagina Ispaniya Gollandiyaning mustaqilligini tan oldi.

Gollandiya Respublikasining tashkil topishi inqilobiy hodisa edi. Bu Gollandiyada feodal tuzum butunlay barham topdi, degani edi. Endi hokimiyat burjuaziya qo'liga o'tdi.

Gollandiyada kapitalizm gurkirab rivojlana boshladi. Shu tariqa Gollandiyada jamiyat bir sifat holatidan ikkinchi sifat holatiga o'tdi. Respublikaning Amsterdam shahri esa Antverpen o'rniga jahon savdosining markaziga aylandi.

Savol va topshiriqlar 1. XVI asrdagi Niderlandiya o'rnida bugun qanday davlatlar mavjudligini qayd eting va «Dunyo siyosiy xaritasi»dan ularni toping. 2. Niderlandiyaning o'z davrida eng rivojlangan davlatga aylanishini ta'minlagan omillarni qayd eting. 3. Ispaniyaning niderland xalqiga o'tkazgan jabr-zulmlariga misollar keltiring. 4. Niderlandiya xalqining mustaqillik uchun kurashi qanday natijaga olib keldi? 5. Gollandiya Respublikasining tashkil etilishi tarixi haqida nimalarni bilib oldingiz?

O'xshashlar

Buyuk fransuz burjua inqilobi va monarxiyaning tugatilishi. 8- sinf

Qo'qon xonligi shaharlari 8-sinf

Qoraqalpoq xalqi madaniyati 8-sinf

Fransiyada mutlaq monarxiya. 8- sinf

Ilm-fan taraqqiyoti. 8- sinf