Buyuk fransuz burjua inqilobi va monarxiyaning tugatilishi. 8- sinf - Tarix - Slaydlar (maktab darsliklari bo'yicha)

Buyuk fransuz burjua inqilobi va monarxiyaning tugatilishi. 8- sinf

Yuklangan vaqt:

08.10.2019

Ko'chirishlar soni:

0

Hajmi:

3502.1630859375 KB

Ko'chirib olish

Buyuk fransuz burjua inqilobi va monarxiyaning tugatilishi 8-sinf Jahon tarixi darsligi asosida 15-mavzu

Inqilobning sabablari. XVIII asr oxirlarida ham Fransiyada hamon o'rta asr feodal tartiblari hukm surardi. U qishloq xo'jaligi mamlakati edi. Dehqonlar yashayotgan va mehnat qilayotgan yerlar feodallarning mulki sanalgan.

XVIII asr oxirida ham Fransiyada hali sanoat inqilobi yuz bermagan edi. Manufaktura ishchilariga faqat yakshanba kunigina korxona tashqarisiga chiqishga ruxsat berilardi.

Inqilobning boshlanishi. Vaziyat inqilob yuz berishining oldini olishni talab etardi. Shunday sharoitda Lyudovik XVI 1789- yilda General shtatlarini chaqirdi.

1789- yilning 17- iyunida uchinchi toifa deputatlari o'zlarini butun millat vakillari deb e'lon qildilar. Shuningdek, yangi parlament - Milliy Kengash tuzdilar.

9- iyulda Milliy Kengash o'zini «Ta'sis majlisi» deb e'lon qildi. Xalq qurollana boshladi. 14- iyul kuni Fransiya mutlaq monarxiyasining tayanchi Bastiliya (davlat qamoqxonasi) egallandi.

Qattiq qo'rqib ketgan Lyudovik XVI yon berishga majbur bo'ldi. U Ta'sis majlisining qonuniyligini tan oldi. Poytaxtda hokimiyat inqilobchilar vakillaridan tuzilgan Parij Kommunasi (Parij Kengashi) qo'liga o'tdi.

Feodal tartiblarning bekor qilinishi . Mutlaq monarxiyaning qulashi mamlakatda tinchlik o'rnatilishiga olib kelmadi. Aksincha, butun mamlakatni endi dehqonlar qo'zg'oloni qamrab oldi. 27 0B1D 14

Inson va fuqaro huquqlari Deklaratsiyasi. 1789- yilda Ta'sis majlisi yana bir muhim hujjat - «Inson va fuqaro huquqlari Deklaratsiyasi» ni qabul qildi. U «barcha odamlar ozod va teng huquqli bo'lib tug'iladilar» degan so'zlar bilan boshlanardi.

Deklaratsiya xalqni «hokimiyatning manbai» deb e'lon qildi. Shuningdek, feodal va toifa imtiyozlarini bekor qildi. So'z, matbuot erkinligini e'lon qildi.

Konstitutsiyaning qabul qilinishi. 1791- yilda Fransiya tarixida birinchi marta mamlakat Konstitutsiyasi qabul qilindi. Konstitutsiya 25 yoshga to'lgan barcha erkak kishilarga saylash huquqini e'lon qildi.

Konstitutsiyaga ko'ra parlament - Qonun chiqaruvchi majlis tuzildi. Ularning ichida eng yetakchilari «jirondachilar» va «yakobinchilar» partiyalari edi.

1792- yilda Qonun chiqaruvchi Majlis «Vatan xavf ostida» chaqirig'i bilan xalqqa murojaat qildi. Bu esa mamlakatda keskin norozilik keltirib chiqardi. 1792- yil 10- avgust kuni esa Parijda qurolli qo'zg'olon boshlandi.

1792 yil 21- sentabrda Fransiya Respublika deb e'lon qilindi. Lyudovik XVI esa qatl etildi. Respublika feodal- toifaviy tengsizlikni bekor qildi.

Savol va topshiriqlar 1. Buyuk fransuz burjua inqilobi sabablari haqida nimalarni bilib oldingiz? 2. Angliya va Fransiya burjua inqiloblarini taqqoslang. Ularning o'xshash va farq qiluvchi tomonlarini aniqlang. 3. Buyuk fransuz inqilobi ro'y berishidan 19 yil avval Xiva xonligida qanday tarixiy voqea yuz bergandi? 4. 1792- yilning 21- sentabrigacha Fransiyada yuz bergan tarixiy voqealarning xronologik jadvalini tuzing. 5. 1789- yilda qabul qilingan «Inson va fuqaro huquqlari Deklaratsiyasi» ning tarixiy ahamiyati nimalardan iborat edi? 6. Fransiya parlamentida faoliyat ko'rsatgan jirondachilar va yakobinchilar partiyalari haqida nimalarni bilib oldingiz?

O'xshashlar

Buyuk fransuz burjua inqilobining yakunlari va tarixiy ahamiyati. 8- sinf

Niderlandiya inqilobi. 8- sinf

Angliyada burjua inqilobining boshlanishi. 8- sinf

Buyuk geografik kashfiyotlar va ularning tarixiy ahamiyati. 8- sinf

Xiva xonligining tugatilishi 9 -sinf