Ginekologiyada asosiy tekshirish usullari - Медицина - Презентации

Ginekologiyada asosiy tekshirish usullari

Загружено в:

13.11.2024

Скачано:

0

Размер:

3615.31640625 KB

AKUSHERLIK VA GENIKOLOGIYA FANI

GINEKOLOGIYADA ASOSIY TEKSHIRISH USULLARI

ANAMNEZ YIG‘ISH  1. Pasport qismi: familyasi, otasining ismi, yoshi, ish joyi va kasbi, yashash joyi.  2. Shikoyatlar, ya'ni ayolning nima sababdan tibbiy yordam so‘rab murojaat qilish sababi  3. Irsiyati va boshidan kechirgan kasalliklari.

 4. Hayz funksiyasi:  -birinchi hayz ko‘rish qaysi yoshda boshlangan  - hayz ko‘rish turi  -jinsiy hayot boshlagandan keyin, tug‘ruq yoki abortlrdan so‘ng hayz ko‘rishdagi o‘zgarishlar  -oxirgi hayzning muddati  5. Jinsiy va sekretor funksiya, bunda jinsiy a'zolardan chiqayotgan ajralma xarakteri, og‘riqlar bor-yo‘qligi.  6. Bola tug‘ish funksiyasi, bunda quyidagilarga e'tibor qilinadi:  -necha marta homilador bo‘lgan  -oldingi homiladorlikning kechishi va tugallanishi  7. Jinsiy hayot boshlagandan to birinchi homiladorlikkacha bo‘lgan oraliq muddat.  8. Erining sog‘lig‘i haqidagi ma'lumot olinadi.  9. Homiladorning salomatlik darajasini belgilashda yashash va ishlash sharoiti, so‘rab-surishtirishdan keyin obektiv tekshirishga o‘tiladi.

QO‘LLARGA GIGIENIK ISHLOV BERISH  Qo‘llarni iliq suv bilan xo‘llanadi.  1-2 tomchi suyuq sovundan tomiziladi.  Kaftlarni ko‘pik paydo bo‘lguncha kamida 15-20 soniya bir biriga ishqalanadi. Barmoqlarni bir biriga qovushtirgan holda kaftni kaftga ishqalanadi.  Qo‘l barmoqlarini «Qulf»ga olib, har bir barmoq uchlarini ishqalanadi.  Chap qo‘l bosh barmog‘ini o‘ng qo‘lning kafti bilan aylanma harakatlar bilan ishqalanadi va aksincha.  6. O‘ng qo‘l barmoqlarini yiqqan xolda chap qo‘l kaftiga qo‘yib, aylanma harakatlar qilinadi va aksincha.  7. Qo‘llarni oqar suvda yaxshilab chayiladi.  8. Qo‘llar sochiq bilan yaxshilab quritiladi.Shu sochiq yordamida kran o‘chiriladi.  Eslatma: qo‘lni bunday zararsizlantirish, mijozlarni tekshirish yoki parvarishlashdan avval, muolajalarni bajarishdan oldin qilinadi;

AYOL CHANOG‘I O‘LCHAMLARINI O‘LCHASH  Maqsad: Ayol chanog‘i o‘lchamlarini o‘lchash  Kursatma: homiladorlik vaqtida, tug‘ruqdan oldin  Kerakli asboblar: tazomer, fantom, homilador ayol  Bajarish bosqichlari:  Akusherka homiladorning o‘ng yonida turadi, homiladorga qaragan holda katta va ko‘rsatkich barmoq bilan tazomer tugmachasini ushlab turadi. 3-4 barmoq bilan o‘lchanadigan suyak nuqtasi aniqlanadi va tazomer tugmachasi shu yerga o‘rnatiladi. Distantia spinarum - tazomer tugmachasini chanoq suyagining old yuqori qirrasining tashqi chegarasiga qo‘yiladi. Bu o‘lcham 25-26 sm. Distantia cristarum – tazomer tugmachasini yonbosh suyak, tashki chegaralari buylab surib boriladi, bunda eng katta oraliq masofa aniqlanadi. Bu o‘lcham 28-29 sm Distantia trochanterica – katta ko‘st suyagini aniqlab unga tazomer tugmachasini qo‘yamiz. Bu o‘lcham 30-31 sm.

 Konyugata externa- tashqi kon'yugatani o‘lchash uchun tekshirilayotgan ayol yon boshiga o‘girilib pastki oyogi bukilgan, tashki oyogi yozilgan xolda yotadi. Tazomer tugmachasini orqada V bel umurtqasi va I dumgaza suyakni o‘simtasi oralig‘iga qo‘yiladi (dumg‘aza chuqurchasi) oldindan qov suyagi birikkan joyida tashqi chegarasiga qo‘yiladi. Tashqi kon'yugata 20-21 sm teng.

QIN ORQALI IKKI QO‘LLAB (bimanual) TEKSHIRISH  Maqsad: Bu tashki ginekologik tekshiruvi bachadon bo‘yni tuzilishi, bachadon harakatchanligi, og‘riqligi, tuxumdonlar holatini tekshirishga yordam beradi  Ko‘rsatma: ginekologik tekshiruvlarda  Kerakli jihozlar: fantom, ginekologik kreslo, steril qo‘lqop

 Bajarilish bosqichlari:  Ayol ginekologik kresloga chalqanchasiga yotadi. Tekshiruvchi ikkala qo‘liga steril qo‘lqoplar kiyadi. Tashqi jinsiy a'zolar antiseptik eritma bilan artiladi. Chap qo‘lning katta va ko‘rsatkich barmoqlari yordamida jinsiy yoriq ochiladi va o‘ng qo‘lning kursatkich va o‘rta barmoklari birlashtirilgan holatda qinga kiritiladi. Ko‘rsatgich va bosh barmoq bilan bartolin bezlari paypaslab ko‘riladi, so‘ngra qin yuqori devori orqali uretra paypaslanadi. Bachadon bo‘ynining qin qismi paypaslanadi, uning konsistensiyasi, shakli, tashqi teshik holati, harakatchanligi va chanoq o‘qiga munosabati aniklanadi. Bachadon paypaslanadi, bunda ikkala barmoq orqa gumbazga kiritiladi, chap qo‘l oldingi qorin devori orqali bachadon tanasi topiladi, uning kattaligi, konsistensiyasi, harakatchanligi, holati, og‘riqliligi aniqlanadi. Bachadon ortiqlarini paypaslashda barmoklar yonbosh gumbazlar sohasiga o‘tkaziladi, bunda bachadon  ortiqlarining holati, og‘riqliligi va harakatchanligi aniqlanadi. Bachadon boylamlari paypaslanadi. Qin gumbazlarining holati aniklanadi. Qo‘lqoplar yechilib dezinfeksiyalovchi eritmaga tashlanadi.

QINNI KO‘ZGULAR YORDAMIDA TEKSHIRISH  Maqsad: tashki ginekologik tekshiruvi bachadon bo‘yni va qin devori tuzilishi, rangini, ajralmalar va holatini tekshirishga yordam beradi.  Ko‘rsatma: Ginekologik tekshiruvlarda

 Kerakli jihozlar: fantom, kushetka, qin ko‘zgulari , steril qo‘lqop  Bajarilish bosqichlari:Ayolni qovug‘ini bo‘shatib kelishini tavsiya qilamiz, so‘ngra bemordan ginekologik kresloga yotishni so‘raladi. Ikkala qo‘lga sterillangan rezina qo‘lkop kiyiladi. O‘ng qo‘lga qin ko‘zgusi olinadi, chap qo‘lning ko‘rsatkich va bosh barmoqlari yordamida jinsiy lablar ochiladi. Kuzgu vertikal holatda qinga kiritiladi va sekin asta ichkariga xarakatlantirib gorizontal holatga o‘tkaziladi qinning yuqori devori ko‘tariladi, qin devorlari va bachadon bo‘ynini ko‘riladi. Bachadon bo‘yni diqqat bilan ko‘zdan kechiriladi (rangi, shakli, tashqi teshik holati, ajralmalar xarakteri), qin devorlari holati ko‘riladi. Kuzgular qindan chiqariladi va dezinfeksiyalovchi eritmaga tashlanadi.

Похожие

Mikrobiologik usullar qon gazlarini tekshirish ventilyatsiyani tekshirish

Endoservitsit — sabablari, alomatlari, tashxislash, davolash, asoratlari, oldini olish

Sperma olish usullari

Jigarning asosiy kasalliklari

Turli nutq buzilishlarida umumiy, mayda motorikani tekshirish va rivojlantirish texnologiyasi