Bolalar va yoshlarga ijtimoiy xizmat ko‘rsatish muammolari va istiqbollari - Социология - Презентации

Bolalar va yoshlarga ijtimoiy xizmat ko‘rsatish muammolari va istiqbollari

Загружено в:

19.09.2023

Скачано:

0

Размер:

238.1669921875 KB

Bolalar va yoshlarga ijtimoiy xizmat ko‘rsatish muammolari va istiqbollari  Reja:  1. Bolalar va yoshlarga ijtimoiy xizmat ko‘rsatish yo‘nalishlari  2. Bolalar va yoshlarga ijtimoiy xizmat ko‘rsatishda yuzaga kelayotgan muammolar  3. Bolalar va yoshlarga ijtimoiy xizmat ko‘rsatish istiqbollari

Kirish  Mamlakatimizda yoshlar va bolalarga oid davlat siyosati sohasida keng ko‘lamli ishlar amalga oshirilmoqda. O‘tgan vaqt ichida bolalar va yoshlarni har tomonlama qo‘llab-quvvatlash ularning huquq va qonuniy manfaatlarini himoya qilish mamlakatimiz istiqboli uchun ma‘sulyatini olishga qodir, tashabbuskor shijoatli, yoshlarni tarbiyalash borasida alohida tizim yaratildi. Bundan tashqari bolalar va yoshlarga ijtimoiy xizmat ko‘rsatish darajasi yanada takomillashtirishmoqda, muammolar bartaraf etilmoqda. Har yili yoshlar va bolalar uchun ularning turmush darajasini yaxshilashga aloqador qonun hujjatlari ishlab chiqilmoqda.

 Yoshlar va bolalar masalalari bilan shug‘ullanish organlari tizimi xodimlari- ning mehnatini tarifikatsiya qilish (qat’iy baho belgilash) bo‘yicha me’yoriy hujjatlar to‘plami ma’lumotlariga ko‘ra yoshlar masalalari bilan shug‘ullanuvchi ijtimoiy xizmat tizimi organlarining quyidagi tuzilmasi mavjud:  Inqirozli holatlarni boshidan kechirayotgan, makro va mikro muhit-lardagi nizoli vaziyatlarda yoshlarga tibbiy-psixologik-pedagogik yordam ko‘rsatish, aholining mazkur qatlamida deviant, delikvent va suitsidal o‘zini tutish holatlarini oldini olish va ogohlantirish uchun mo‘ljallangan yoshlarga ijtimoiy-psixologik yordam ko‘rsatish markazi. Markaz ikki bo‘limdan iborat deb taxmin qilinadi: tarkibiga mehribonlik uylari, mehmonxona, ijtimoiy terapiya maktabi, kasbga yo‘naltirish xonasi, ishlab chiqarish kompleksi, madaniy-sport kompleksi, mehnat birjasi, yechimlar byurosi, xuquqiy maslahatlar kiruvchi ijtimoiy-xuquqiy bo‘lim, va tarkibiga diagnostik- psixologik punkt, ota-onalar uchun maslahat punkti, o‘quvchilar uchun maslahat punkti, inqiroz davri statsionari, lektoriy va bo‘sh vaqtni samarali o‘tkazish punktlari kiruvchi psixologik-tibbiy-pedagogik bo‘lim.

 Yoshlar va bolalar bu keng ma’noda yoshga oid jihatlarga va ular bilan bog‘liq bo‘lgan faoliyat turlari asosida yuzaga keluvchi guruhga oid uyushmalar majmuidir. Nisbatan tor, sotsiologik jihatdan Yoshlar – bu yosh shaxslarning ijtimoiy holati, ularning jamiyatning ijtimoiy strukturasidagi o‘rni va vazifalari, o‘ziga xos qiziqishlari va qadriyatlarining yoshga oid o‘ziga xos xususiyatlari bilan ajralib turuvchi ijtimoiy-demografik guruhdir. Yoshlarning yoshga oid chegaralari xususida umumiy fikr mavjud emas. Yoshga oid davrlarga bo‘lib chiqishning yagona mezoni mavjud bo‘lmagan holatda yoshlarning yoshga oid chegaralarini aniqlashda yoshlarni o‘rganuvchi turli fanlar, jumladan sotsiologiyada ham mavjud bo‘lgan yondashuvlar spesifikasi, shuningdek, tadqiqotchilar oldida turgan aniq maqsad va vazifalar e’tiborga olinadi.

 Yoshlar masalalari bo‘yicha hukumat ijroiya organlariga, yoshlar bilan ish olib boruvchi tashkilot va muassasalarga, yoshlarning turli guruhlariga informatsion va metodik xizmatlar ko‘rsatishga mo‘ljallangan Yoshlar ma’lumot markazi. Yoshlar markazi yoshlarning xuquqiy, kommunikativ, shaxsiy, kasbiy, ishdan bo‘sh vaqtiga oid, ta’lim, turar joy va boshqa muammolarini yechishni ta’minlashdan tashqari yoshlar muhitida yuz berayotgan jarayonlar haqidagi ma’lumotlarni va yoshlarning informatsion ehtiyojlarini tahlil qilish bilan ham shug‘ullanadilar.

 Yoshlar bilan bevosita ish olib borish nafaqat davlat organlari va muassasalari tomonidan, balki yoshlarga ijtimoiy yordam ko‘rsatish xizmatlarining ko‘p tarmoqli ijtimoiy-davlat tizimi tomonidan ham amalga oshiriladi. Yoshlar masalalari bo‘yicha davlat organi qo‘yilgan vazifalarni yechish uchun sharoitlar yaratadi va buning uchun zarur bo‘lgan mablag‘larni oladi, biroq yoshlar bilan bevosita ishlarni, masalan, “xizmatlarni ko‘ngilli ravishda amalga oshiruvchilar” deb nomlanuvchi xususiy, kooperativ, ijtimoiy va boshqa tashkilotlar olib boradilar.

 O'zbekiston Respublikasida yoshlarga oid davlat siyosatining amalga oshirish bo'yicha turli qonun hujjatlari qabul qilinmoqda. Xususan 2016- yilda ,,Yoshlarga oid davlat siyosati to'g'risida"gi qonun hujjati, 2022 yil 14- sentabrda ham qonun loyihalari ishlab chiqildi.

Xulosa  Xulosa qilib aytganda, Yoshlarni ijtimoiy-iqtisodiy va siyosiy-ma’naviy sohalardagi mavqeini kuchaytirish - Yangi O‘zbekistonni barpo etishimizda juda dolzarb masaladir. O‘zbekiston Respublikasining Konstitutsiyasiga hamda qonunga muvofiq har bir yosh fuqaroning huquqlari va erkinliklari kafolatlanadi. Ish topishda qiynalayotgan va mehnat bozorida teng sharoitlarda raqobatlashishga qodir bo‘lmagan yosh fuqarolarni ishga joylashtirishga yordam qo‘shimcha ish o‘rinlari va ixtisoslashtirilgan korxonalarni barpo etish, o‘qitish bo‘yicha maxsus dasturlarni tashkil etish, shuningdek ijtimoiy himoyaga muhtoj bo‘lgan yoshlarni ishga joylashtirish uchun korxonalar, muassasalar, tashkilotlarda ish joylarining eng kam miqdori zaxirasini yaratish yo‘li bilan ta’minlanadi. Iqtidorli va iste’dodli yoshlarni davlat tomonidan qo'llab-quvvatlash ; Yoshlar tadbirkorligini davlat tomonidan qo‘llab-quvvatlash

Foydalanilgan adabiyotlar:  1. Ganiyeva M.X., Latipova N.M., Alekseyeva V.S., Ismailova B.X. Abduraxmanova M.M. “Bolalar va yoshlar ijtimoiy ta‟minoti va himoyasi”.O’quv qo‟llanma. Toshkent: 2019 yil.  2.www.ziyo.uz – O’zbekiston elektron axborot sayti  3. www.pedagog.uz – O’zbekiston pedagogik axborotlar sayti  4. www.Lex.uz – O’zbekiston huquqiy xujjatlar jamlanmasi  5. www.nuu.uz – O’zbekiston milliy Universiteti rasmiy sayti

Похожие

Ijtimoiy insitutlar va ijtimoiy tashkilotlar

Ijtimoiy ish va siyosat

Ijtimoiy tabaqalanish nazariyalari. Zamonaviy jamiyatdagi ijtimoiy harakatchanlikning turlari va kanallari

Shaxs ijtimoiy munosabatlar tizimida. Muomala texnikasi va strategiyasi

Sotsiologiya fanining mustaqil fan sifatida